| Library / Tipiṭaka / తిపిటక • Tipiṭaka / సమ్మోహవినోదనీ-అట్ఠకథా • Sammohavinodanī-aṭṭhakathā |
౧౧. మగ్గఙ్గవిభఙ్గో
11. Maggaṅgavibhaṅgo
౧. సుత్తన్తభాజనీయవణ్ణనా
1. Suttantabhājanīyavaṇṇanā
౪౮౬. ఇదాని తదనన్తరే మగ్గవిభఙ్గే అరియో అట్ఠఙ్గికో మగ్గోతిఆది సబ్బం సచ్చవిభఙ్గే దుక్ఖనిరోధగామినీపటిపదానిద్దేసే వుత్తనయేనేవ వేదితబ్బం. భావనావసేన పాటియేక్కం దస్సితే దుతియనయేపి సమ్మాదిట్ఠిం భావేతి వివేకనిస్సితన్తిఆది సబ్బం బోజ్ఝఙ్గవిభఙ్గే వుత్తనయేనేవ వేదితబ్బం. ఏవమిదం ద్విన్నమ్పి నయానం వసేన సుత్తన్తభాజనీయం లోకియలోకుత్తరమిస్సకమేవ కథితం.
486. Idāni tadanantare maggavibhaṅge ariyo aṭṭhaṅgiko maggotiādi sabbaṃ saccavibhaṅge dukkhanirodhagāminīpaṭipadāniddese vuttanayeneva veditabbaṃ. Bhāvanāvasena pāṭiyekkaṃ dassite dutiyanayepi sammādiṭṭhiṃ bhāveti vivekanissitantiādi sabbaṃ bojjhaṅgavibhaṅge vuttanayeneva veditabbaṃ. Evamidaṃ dvinnampi nayānaṃ vasena suttantabhājanīyaṃ lokiyalokuttaramissakameva kathitaṃ.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / విభఙ్గపాళి • Vibhaṅgapāḷi / ౧౧. మగ్గఙ్గవిభఙ్గో • 11. Maggaṅgavibhaṅgo
