| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
1. суд̇д̇анд̇анид̣̇д̣̇зсаван̣н̣анаа
1. Suttantaniddesavaṇṇanā
2. д̇асса суд̇д̇анд̇асса нид̣̇д̣̇зсагат̇ааяа д̇ад̇т̇а ж̇аад̇з д̇хаммзд̇и д̇асмим̣ самаад̇хисмим̣ ж̇аад̇з жид̇д̇ажзд̇асигз д̇хаммз. анижжад̇о анубассанадтзнаад̇иаад̣̇инаа вибассанааяа бхзд̣̇ам̣ д̣̇ассзд̇и. саммаад̣̇идти маг̇г̇од̇и саммаад̣̇идтисан̇каад̇о маг̇г̇о. адтасу маг̇г̇ан̇г̇зсу згзгоби хи маг̇г̇од̇и вужжад̇и.аасзвад̇ийд̇и сод̇аабад̇д̇имаг̇г̇авасзна. бхаавзд̇ийд̇и сагад̣̇ааг̇аамимаг̇г̇уббаад̣̇анзна. б̣ахулийгарод̇ийд̇и анааг̇аамиарахад̇д̇амаг̇г̇уббаад̣̇анзна. имзсам̣ д̇ин̣н̣ам̣ авад̇т̇аабхзд̣̇зби сад̇и ааваж̇ж̇анаад̣̇ийнам̣ саад̇хааран̣ад̇д̇аа сад̣̇исамзва виссаж̇ж̇анам̣ гад̇ам̣.
2. Tassa suttantassa niddesakathāya tattha jāte dhammeti tasmiṃ samādhismiṃ jāte cittacetasike dhamme. Aniccato anupassanaṭṭhenātiādinā vipassanāya bhedaṃ dasseti. Sammādiṭṭhi maggoti sammādiṭṭhisaṅkhāto maggo. Aṭṭhasu maggaṅgesu ekekopi hi maggoti vuccati.Āsevatīti sotāpattimaggavasena. Bhāvetīti sakadāgāmimagguppādanena. Bahulīkarotīti anāgāmiarahattamagguppādanena. Imesaṃ tiṇṇaṃ avatthābhedepi sati āvajjanādīnaṃ sādhāraṇattā sadisameva vissajjanaṃ kataṃ.
3. аалогасан̃н̃аабадиниссаг̇г̇аанубассанаанам̣ анд̇араабзяяаалз авигкзбаад̣̇ийни жа жхаана самаабад̇д̇игасин̣аануссад̇иасубхаа жа д̣̇ийгхам̣ ассаасаад̣̇ийни жа аананд̇аригасамаад̇хин̃аан̣анид̣̇д̣̇зсз (бади. ма. 1.80-81) нид̣̇д̣̇идтад̇д̇аа сан̇кид̇д̇аани. д̇ад̇т̇а жа авигкзбавасзнаад̇и буб̣б̣абхааг̇аавигкзбавасзна г̇ахзд̇аб̣б̣ам̣. анижжаанубассий ассаасавасзнаад̇иаад̣̇игз суд̣̇д̇хавибассанаавасзна вуд̇д̇ажад̇уггз бана д̇арун̣авибассанаагаалз вибассанаасамбаяуд̇д̇асамаад̇хибуб̣б̣ан̇г̇амаа б̣алававибассанаа взд̣̇ид̇аб̣б̣аа.
3. Ālokasaññāpaṭinissaggānupassanānaṃ antarāpeyyāle avikkhepādīni ca jhāna samāpattikasiṇānussatiasubhā ca dīghaṃ assāsādīni ca ānantarikasamādhiñāṇaniddese (paṭi. ma. 1.80-81) niddiṭṭhattā saṅkhittāni. Tattha ca avikkhepavasenāti pubbabhāgāvikkhepavasena gahetabbaṃ. Aniccānupassī assāsavasenātiādike suddhavipassanāvasena vuttacatukke pana taruṇavipassanākāle vipassanāsampayuttasamādhipubbaṅgamā balavavipassanā veditabbā.
4. вибассанаабуб̣б̣ан̇г̇амаваарз батамам̣ анижжад̇од̇иаад̣̇инаа аарамман̣ам̣ анияамзд̇ваа вибассанаа вуд̇д̇аа, бажчаа руубам̣ анижжад̇од̇иаад̣̇инаа аарамман̣ам̣ нияамзд̇ваа вуд̇д̇аа. д̇ад̇т̇а ж̇аад̇аананд̇и д̇ассаа вибассанааяа ж̇аад̇аанам̣ жид̇д̇ажзд̇асигаанам̣ д̇хаммаанам̣. восаг̇г̇аарамман̣ад̇аад̇и зд̇т̇а восаг̇г̇о ниб̣б̣аанам̣. ниб̣б̣аанан̃хи сан̇кад̇авосаг̇г̇ад̇о барижжааг̇ад̇о ‘‘восаг̇г̇о’’д̇и вуд̇д̇о. вибассанаа жа д̇ам̣самбаяуд̇д̇ад̇хаммаа жа ниб̣б̣аананиннад̇ааяа аж̇жхаасаяавасзна ниб̣б̣аанз бад̇идтид̇ад̇д̇аа ниб̣б̣аанабад̇идтаа ниб̣б̣аанаарамман̣аа. бад̇идтааби хи ааламб̣ийяад̇ийд̇и аарамман̣ам̣ наама ход̇и, ниб̣б̣аанз бад̇идтадтзнзва ниб̣б̣аанаарамман̣аа. ан̃н̃ад̇т̇а баал̣ияамби хи бад̇идтаа ‘‘аарамман̣а’’нд̇и вужжанд̇и. яат̇ааха – ‘‘сзяяат̇ааби, аавусо, нал̣ааг̇аарам̣ ваа д̇ин̣ааг̇аарам̣ ваа сугкам̣ гол̣аабам̣ д̇зровассигам̣ бурад̇т̇имааяа жзби д̣̇исааяа бурисо аад̣̇ид̇д̇ааяа д̇ин̣уггааяа убасан̇гамзяяа, лабхзт̇а аг̇г̇и од̇аарам̣, лабхзт̇а аг̇г̇и аарамман̣а’’нд̇иаад̣̇и (сам̣. ни. 4.243). д̇асмаа д̇ад̇т̇а ж̇аад̇аанам̣ д̇хаммаанам̣ восаг̇г̇аарамман̣ад̇ааяа ниб̣б̣аанабад̇идтаабхаавзна хзд̇убхууд̇зна уббаад̣̇ид̇о яо жид̇д̇асса згаг̇г̇ад̇аасан̇каад̇о убажаараббанаабхзд̣̇о авигкзбо, со самаад̇хийд̇и вибассанаад̇о бажчаа уббаад̣̇ид̇о ниб̣б̣зд̇хабхааг̇ияо самаад̇хи нид̣̇д̣̇идто ход̇и. д̇асмааязва хи ид̇и батамам̣ вибассанаа, бажчаа самат̇од̇и вуд̇д̇ам̣.
4. Vipassanāpubbaṅgamavāre paṭhamaṃ aniccatotiādinā ārammaṇaṃ aniyametvā vipassanā vuttā, pacchā rūpaṃ aniccatotiādinā ārammaṇaṃ niyametvā vuttā. Tattha jātānanti tassā vipassanāya jātānaṃ cittacetasikānaṃ dhammānaṃ. Vosaggārammaṇatāti ettha vosaggo nibbānaṃ. Nibbānañhi saṅkhatavosaggato pariccāgato ‘‘vosaggo’’ti vutto. Vipassanā ca taṃsampayuttadhammā ca nibbānaninnatāya ajjhāsayavasena nibbāne patiṭṭhitattā nibbānapatiṭṭhā nibbānārammaṇā. Patiṭṭhāpi hi ālambīyatīti ārammaṇaṃ nāma hoti, nibbāne patiṭṭhaṭṭheneva nibbānārammaṇā. Aññattha pāḷiyampi hi patiṭṭhā ‘‘ārammaṇa’’nti vuccanti. Yathāha – ‘‘seyyathāpi, āvuso, naḷāgāraṃ vā tiṇāgāraṃ vā sukkhaṃ koḷāpaṃ terovassikaṃ puratthimāya cepi disāya puriso ādittāya tiṇukkāya upasaṅkameyya, labhetha aggi otāraṃ, labhetha aggi ārammaṇa’’ntiādi (saṃ. ni. 4.243). Tasmā tattha jātānaṃ dhammānaṃ vosaggārammaṇatāya nibbānapatiṭṭhābhāvena hetubhūtena uppādito yo cittassa ekaggatāsaṅkhāto upacārappanābhedo avikkhepo, so samādhīti vipassanāto pacchā uppādito nibbedhabhāgiyo samādhi niddiṭṭho hoti. Tasmāyeva hi iti paṭhamaṃ vipassanā, pacchā samathoti vuttaṃ.
5. яуг̇анад̣̇д̇ханид̣̇д̣̇зсз яасмаа хздтаа суд̇д̇анд̇аван̣н̣анааяам̣ вуд̇д̇о яуг̇анад̣̇д̇хаггамо буримад̣̇ваяанид̣̇д̣̇зсанаязнзва баагадо, маг̇г̇агкан̣з яуг̇анад̣̇д̇хаггамо бана на баагадо, д̇асмаа буб̣б̣абхааг̇з анзганд̇игам̣ яуг̇анад̣̇д̇хабхааванам̣ авад̇ваа маг̇г̇агкан̣з зганд̇зна лаб̣бхамаанаяуг̇анад̣̇д̇хабхааванамзва д̣̇ассзнд̇о сол̣асахи аагаарзхийд̇иаад̣̇имааха. д̇ад̇т̇а аарамман̣адтзнаад̇иаад̣̇ийсу сад̇д̇арасасу аагаарзсу анд̇з уд̣̇д̣̇идтам̣ яуг̇анад̣̇д̇хам̣ муулабад̣̇зна згадтад̇д̇аа д̇ам̣ виббахааяа сзсаанам̣ васзна ‘‘сол̣асахий’’д̇и вуд̇д̇ам̣. аарамман̣адтзнаад̇и ааламб̣анадтзна, аарамман̣авасзнаад̇и ад̇т̇о. звам̣ сзсзсуби. г̇ожарадтзнаад̇и аарамман̣адтзби сад̇и ниссаяид̇аб̣б̣адтаанадтзна. бахаанадтзнаад̇и баж̇аханадтзна. барижжааг̇адтзнаад̇и бахаанзби сад̇и буна анаад̣̇ияанзна барижжааг̇адтзна. вудтаанадтзнаад̇и уг̇г̇аманадтзна. вивадданадтзнаад̇и уг̇г̇аманзби сад̇и абунараавадданзна нивад̇д̇анадтзна. санд̇адтзнаад̇и ниб̣б̣уд̇адтзна. бан̣ийд̇адтзнаад̇и ниб̣б̣уд̇адтзби сад̇и уд̇д̇амадтзна, ад̇аббагадтзна ваа. вимуд̇д̇адтзнаад̇и б̣анд̇ханаабаг̇ад̇адтзна. анаасавадтзнаад̇и б̣анд̇ханамогкзби сад̇и аарамман̣ам̣ гад̇ваа бавад̇д̇амаанаасававирахид̇адтзна. д̇аран̣адтзнаад̇и аносийд̣̇ид̇ваа билаванадтзна, ад̇иггаманадтзна ваа. анимид̇д̇адтзнаад̇и сан̇кааранимид̇д̇авирахид̇адтзна. аббан̣ихид̇адтзнаад̇и бан̣ид̇хивирахид̇адтзна. сун̃н̃ад̇адтзнаад̇и абхинивзсавирахид̇адтзна. згарасадтзнаад̇и згагижжадтзна. анад̇ивад̇д̇анадтзнаад̇и ан̃н̃аман̃н̃ам̣ анад̇иггаманадтзна. яуг̇анад̣̇д̇хадтзнаад̇и яуг̇алагадтзна.
5. Yuganaddhaniddese yasmā heṭṭhā suttantavaṇṇanāyaṃ vutto yuganaddhakkamo purimadvayaniddesanayeneva pākaṭo, maggakkhaṇe yuganaddhakkamo pana na pākaṭo, tasmā pubbabhāge anekantikaṃ yuganaddhabhāvanaṃ avatvā maggakkhaṇe ekantena labbhamānayuganaddhabhāvanameva dassento soḷasahi ākārehītiādimāha. Tattha ārammaṇaṭṭhenātiādīsu sattarasasu ākāresu ante uddiṭṭhaṃ yuganaddhaṃ mūlapadena ekaṭṭhattā taṃ vippahāya sesānaṃ vasena ‘‘soḷasahī’’ti vuttaṃ. Ārammaṇaṭṭhenāti ālambanaṭṭhena, ārammaṇavasenāti attho. Evaṃ sesesupi. Gocaraṭṭhenāti ārammaṇaṭṭhepi sati nissayitabbaṭṭhānaṭṭhena. Pahānaṭṭhenāti pajahanaṭṭhena. Pariccāgaṭṭhenāti pahānepi sati puna anādiyanena pariccāgaṭṭhena. Vuṭṭhānaṭṭhenāti uggamanaṭṭhena. Vivaṭṭanaṭṭhenāti uggamanepi sati apunarāvaṭṭanena nivattanaṭṭhena. Santaṭṭhenāti nibbutaṭṭhena. Paṇītaṭṭhenāti nibbutaṭṭhepi sati uttamaṭṭhena, atappakaṭṭhena vā. Vimuttaṭṭhenāti bandhanāpagataṭṭhena. Anāsavaṭṭhenāti bandhanamokkhepi sati ārammaṇaṃ katvā pavattamānāsavavirahitaṭṭhena. Taraṇaṭṭhenāti anosīditvā pilavanaṭṭhena, atikkamanaṭṭhena vā. Animittaṭṭhenāti saṅkhāranimittavirahitaṭṭhena. Appaṇihitaṭṭhenāti paṇidhivirahitaṭṭhena. Suññataṭṭhenāti abhinivesavirahitaṭṭhena. Ekarasaṭṭhenāti ekakiccaṭṭhena. Anativattanaṭṭhenāti aññamaññaṃ anatikkamanaṭṭhena. Yuganaddhaṭṭhenāti yugalakaṭṭhena.
уд̣̇д̇хажжам̣ баж̇ахад̇о, авиж̇ж̇ам̣ баж̇ахад̇од̇и яог̇ино д̇асса д̇асса бадибагкаббахаанавасзна вуд̇д̇ам̣. нирод̇хо жзд̇т̇а ниб̣б̣аанамзва. ан̃н̃аман̃н̃ам̣ наад̇ивад̇д̇анд̇ийд̇и самат̇о жз вибассанам̣ ад̇ивад̇д̇зяяа, лийнабагкигад̇д̇аа самат̇асса жид̇д̇ам̣ госаж̇ж̇ааяа сам̣вад̇д̇зяяа. вибассанаа жз самат̇ам̣ ад̇ивад̇д̇зяяа, уд̣̇д̇хажжабагкигад̇д̇аа вибассанааяа жид̇д̇ам̣ уд̣̇д̇хажжааяа сам̣вад̇д̇зяяа. д̇асмаа самат̇о жа вибассанам̣ анад̇ивад̇д̇амаано госаж̇ж̇абаад̇ам̣ на гарод̇и, вибассанаа самат̇ам̣ анад̇ивад̇д̇амаанаа уд̣̇д̇хажжабаад̇ам̣ на гарод̇и. самат̇о самам̣ бавад̇д̇амаано вибассанам̣ уд̣̇д̇хажжабаад̇ад̇о рагкад̇и, вибассанаа самам̣ бавад̇д̇амаанаа самат̇ам̣ госаж̇ж̇абаад̇ад̇о рагкад̇и. звамимз убхо ан̃н̃аман̃н̃ам̣ анад̇ивад̇д̇анагижжзна згагижжаа, самаа худ̇ваа бавад̇д̇амаанзна ан̃н̃аман̃н̃ам̣ анад̇ивад̇д̇амаанаа ад̇т̇асид̣̇д̇хигараа хонд̇и. д̇зсам̣ маг̇г̇агкан̣з яуг̇анад̣̇д̇хад̇д̇ам̣ вудтаанаг̇ааминивибассанаагкан̣з яуг̇анад̣̇д̇хад̇д̇ааязва ход̇и. бахаанабарижжааг̇авудтаанавивадданагаран̣аанам̣ маг̇г̇агижжавасзна вуд̇д̇ад̇д̇аа сагаласса маг̇г̇агижжасса д̣̇ассанад̇т̇ам̣ уд̣̇д̇хажжасахаг̇ад̇агилзсаа жа канд̇хаа жа авиж̇ж̇аасахаг̇ад̇агилзсаа жа канд̇хаа жа нид̣̇д̣̇идтаа. сзсаанам̣ на д̇ат̇аа вуд̇д̇ад̇д̇аа бадибагкад̇хаммамад̇д̇ад̣̇ассанавасзна уд̣̇д̇хажжаавиж̇ж̇аа зва нид̣̇д̣̇идтаа. виваддад̇од̇и нивад̇д̇анд̇асса.
Uddhaccaṃ pajahato, avijjaṃ pajahatoti yogino tassa tassa paṭipakkhappahānavasena vuttaṃ. Nirodho cettha nibbānameva. Aññamaññaṃ nātivattantīti samatho ce vipassanaṃ ativatteyya, līnapakkhikattā samathassa cittaṃ kosajjāya saṃvatteyya. Vipassanā ce samathaṃ ativatteyya, uddhaccapakkhikattā vipassanāya cittaṃ uddhaccāya saṃvatteyya. Tasmā samatho ca vipassanaṃ anativattamāno kosajjapātaṃ na karoti, vipassanā samathaṃ anativattamānā uddhaccapātaṃ na karoti. Samatho samaṃ pavattamāno vipassanaṃ uddhaccapātato rakkhati, vipassanā samaṃ pavattamānā samathaṃ kosajjapātato rakkhati. Evamime ubho aññamaññaṃ anativattanakiccena ekakiccā, samā hutvā pavattamānena aññamaññaṃ anativattamānā atthasiddhikarā honti. Tesaṃ maggakkhaṇe yuganaddhattaṃ vuṭṭhānagāminivipassanākkhaṇe yuganaddhattāyeva hoti. Pahānapariccāgavuṭṭhānavivaṭṭanakaraṇānaṃ maggakiccavasena vuttattā sakalassa maggakiccassa dassanatthaṃ uddhaccasahagatakilesā ca khandhā ca avijjāsahagatakilesā ca khandhā ca niddiṭṭhā. Sesānaṃ na tathā vuttattā paṭipakkhadhammamattadassanavasena uddhaccāvijjā eva niddiṭṭhā. Vivaṭṭatoti nivattantassa.
самаад̇хи гаамаасаваа вимуд̇д̇о ход̇ийд̇и самаад̇хисса гаамажчанд̣̇абадибагкад̇д̇аа вуд̇д̇ам̣. рааг̇авирааг̇аад̇и рааг̇асса вирааг̇о самад̇иггамо зд̇иссаа ад̇т̇ийд̇и рааг̇авирааг̇аа, ‘‘рааг̇авирааг̇ад̇о’’д̇и ниссаггаважанам̣ ваа. д̇ат̇аа авиж̇ж̇аавирааг̇аа. жзд̇овимуд̇д̇ийд̇и маг̇г̇асамбаяуд̇д̇о самаад̇хи. бан̃н̃аавимуд̇д̇ийд̇и маг̇г̇асамбаяуд̇д̇аа бан̃н̃аа. д̇арад̇од̇и д̇аранд̇асса. саб̣б̣абан̣ид̇хийхийд̇и рааг̇ад̣̇осамохабан̣ид̇хийхи, саб̣б̣абад̇т̇анаахи ваа. звам̣ жуд̣̇д̣̇аса аагаарз виссаж̇ж̇ид̇ваа згарасадтан̃жа анад̇ивад̇д̇анадтан̃жа авибхаж̇ид̇ваава имзхи сол̣асахи аагаарзхийд̇и ааха. гасмаа? д̇зсам̣ жуд̣̇д̣̇асаннам̣ аагаараанам̣ згзгасса авасаанз ‘‘згарасаа хонд̇и, яуг̇анад̣̇д̇хаа хонд̇и, ан̃н̃аман̃н̃ам̣ наад̇ивад̇д̇анд̇ий’’д̇и нид̣̇д̣̇идтад̇д̇аа д̇з д̣̇взби аагаараа нид̣̇д̣̇идтаава хонд̇и. д̇асмаа ‘‘сол̣асахий’’д̇и ааха. яуг̇анад̣̇д̇хадто бана уд̣̇д̣̇зсзби на бхан̣ид̇оязваад̇и.
Samādhi kāmāsavā vimutto hotīti samādhissa kāmacchandapaṭipakkhattā vuttaṃ. Rāgavirāgāti rāgassa virāgo samatikkamo etissā atthīti rāgavirāgā, ‘‘rāgavirāgato’’ti nissakkavacanaṃ vā. Tathā avijjāvirāgā. Cetovimuttīti maggasampayutto samādhi. Paññāvimuttīti maggasampayuttā paññā. Taratoti tarantassa. Sabbapaṇidhīhīti rāgadosamohapaṇidhīhi, sabbapatthanāhi vā. Evaṃ cuddasa ākāre vissajjitvā ekarasaṭṭhañca anativattanaṭṭhañca avibhajitvāva imehi soḷasahi ākārehīti āha. Kasmā? Tesaṃ cuddasannaṃ ākārānaṃ ekekassa avasāne ‘‘ekarasā honti, yuganaddhā honti, aññamaññaṃ nātivattantī’’ti niddiṭṭhattā te dvepi ākārā niddiṭṭhāva honti. Tasmā ‘‘soḷasahī’’ti āha. Yuganaddhaṭṭho pana uddesepi na bhaṇitoyevāti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 1. суд̇д̇анд̇анид̣̇д̣̇зсо • 1. Suttantaniddeso
