| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
суд̇д̇анд̇анид̣̇д̣̇зсаван̣н̣анаа
Suttantaniddesavaṇṇanā
21. гат̇ам̣ сад̇исамб̣ож̇жхан̇г̇о ид̇и жз ход̇ийд̇и б̣ож̇жхан̇г̇од̇и сад̇исамб̣ож̇жхан̇г̇ам̣ сийсам̣ гад̇ваа паласамаабад̇д̇им̣ самаабаж̇ж̇анд̇асса ан̃н̃зсу б̣ож̇жхан̇г̇зсу виж̇ж̇амаанзсу звам̣ аяам̣ сад̇исамб̣ож̇жхан̇г̇о ход̇ийд̇и ид̇и жз бавад̇д̇асса гат̇ам̣ со сад̇исамб̣ож̇жхан̇г̇о ход̇ийд̇и ад̇т̇о. яаавад̇аа нирод̇хуубадтаад̇ийд̇и яад̇д̇агзна гаалзна нирод̇хо убадтаад̇и, яад̇д̇агз гаалз аарамман̣ад̇о ниб̣б̣аанам̣ убадтаад̇ийд̇и ад̇т̇о. яаавад̇аа ажжийд̇и яад̇д̇агзна баримаан̣зна ж̇аалаа. гат̇ам̣ аббамаан̣о ид̇и жз ход̇ийд̇и б̣ож̇жхан̇г̇од̇и на аббамаан̣зби сад̇исамб̣ож̇жхан̇г̇з виж̇ж̇амаанз звам̣ аяам̣ аббамаан̣о ход̇ийд̇и ид̇и жз бавад̇д̇асса со аббамаан̣о сад̇исамб̣ож̇жхан̇г̇о гат̇ам̣ ход̇ийд̇и ад̇т̇о. бамаан̣аб̣ад̣̇д̇хаад̇и гилзсаа жа барияудтаанаа жа бонобхавигасан̇каараа жа бамаан̣аб̣ад̣̇д̇хаа наама хонд̇и. ‘‘рааг̇обамаан̣агаран̣о, д̣̇осо бамаан̣агаран̣о, мохо бамаан̣агаран̣о’’д̇и (ма. ни. 1.459) важанад̇о рааг̇аад̣̇аяо яасса уббаж̇ж̇анд̇и, ‘‘аяам̣ зд̇д̇аго’’д̇и д̇асса бамаан̣агаран̣ад̇о бамаан̣ам̣ наама. д̇асмим̣ бамаан̣з б̣ад̣̇д̇хаа бадиб̣ад̣̇д̇хаа ааяад̇д̇аад̇и гилзсаад̣̇аяо бамаан̣аб̣ад̣̇д̇хаа наама хонд̇и. гилзсаад̇и анусаяабхууд̇аа, барияудтаанаад̇и самуд̣̇аажаараббад̇д̇агилзсаа. сан̇каараа бонобхавигаад̇и бунаббунам̣ бхавагаран̣ам̣ бунабхаво, бунабхаво сийламзд̇зсанд̇и бонабхавигаа, бонабхавигаа зва бонобхавигаа. гусалаагусалагаммасан̇каад̇аа сан̇каараа. аббамаан̣од̇и вуд̇д̇аббагаарасса бамаан̣асса абхаавзна аббамаан̣о. маг̇г̇апалаанамби аббамаан̣ад̇д̇аа д̇ад̇о висзсанад̇т̇ам̣ ажаладтзна асан̇кад̇адтзнаад̇и вуд̇д̇ам̣. бхан̇г̇аабхаавад̇о ажало, бажжаяаабхаавад̇о асан̇кад̇о. яо хи ажало асан̇кад̇о жа, со ад̇ивияа бамаан̣авирахид̇о ход̇и.
21.Kathaṃsatisambojjhaṅgo iti ce hotīti bojjhaṅgoti satisambojjhaṅgaṃ sīsaṃ katvā phalasamāpattiṃ samāpajjantassa aññesu bojjhaṅgesu vijjamānesu evaṃ ayaṃ satisambojjhaṅgo hotīti iti ce pavattassa kathaṃ so satisambojjhaṅgo hotīti attho. Yāvatā nirodhūpaṭṭhātīti yattakena kālena nirodho upaṭṭhāti, yattake kāle ārammaṇato nibbānaṃ upaṭṭhātīti attho. Yāvatā accīti yattakena parimāṇena jālā. Kathaṃ appamāṇo iti ce hotīti bojjhaṅgoti na appamāṇepi satisambojjhaṅge vijjamāne evaṃ ayaṃ appamāṇo hotīti iti ce pavattassa so appamāṇo satisambojjhaṅgo kathaṃ hotīti attho. Pamāṇabaddhāti kilesā ca pariyuṭṭhānā ca ponobhavikasaṅkhārā ca pamāṇabaddhā nāma honti. ‘‘Rāgopamāṇakaraṇo, doso pamāṇakaraṇo, moho pamāṇakaraṇo’’ti (ma. ni. 1.459) vacanato rāgādayo yassa uppajjanti, ‘‘ayaṃ ettako’’ti tassa pamāṇakaraṇato pamāṇaṃ nāma. Tasmiṃ pamāṇe baddhā paṭibaddhā āyattāti kilesādayo pamāṇabaddhā nāma honti. Kilesāti anusayabhūtā, pariyuṭṭhānāti samudācārappattakilesā. Saṅkhārā ponobhavikāti punappunaṃ bhavakaraṇaṃ punabhavo, punabhavo sīlametesanti ponabhavikā, ponabhavikā eva ponobhavikā. Kusalākusalakammasaṅkhātā saṅkhārā. Appamāṇoti vuttappakārassa pamāṇassa abhāvena appamāṇo. Maggaphalānampi appamāṇattā tato visesanatthaṃ acalaṭṭhena asaṅkhataṭṭhenāti vuttaṃ. Bhaṅgābhāvato acalo, paccayābhāvato asaṅkhato. Yo hi acalo asaṅkhato ca, so ativiya pamāṇavirahito hoti.
гат̇ам̣ сусамаарад̣̇д̇хо ид̇и жз ход̇ийд̇и б̣ож̇жхан̇г̇од̇и ананд̇арам̣ вуд̇д̇анаязна яож̇зд̇аб̣б̣ам̣. висамаад̇и саяан̃жа висамад̇д̇аа, висамасса жа бхаавасса хзд̇уд̇д̇аа висамаа. самад̇хаммод̇и санд̇адтзна бан̣ийд̇адтзна само д̇хаммо. бамаан̣аабхаавад̇о санд̇о. ‘‘яаавад̇аа, бхигкавз, д̇хаммаа сан̇кад̇аа ваа асан̇кад̇аа ваа, вирааг̇о д̇зсам̣ д̇хаммаанам̣ аг̇г̇амагкааяад̇ий’’д̇и (а. ни. 4.34; ид̇иву. 90) важанад̇о саб̣б̣ад̇хаммуд̇д̇амадтзна бан̣ийд̇о. д̇асмим̣ самад̇хаммод̇и вуд̇д̇з сусамз аарад̣̇д̇хо сусамаарад̣̇д̇хо. ааваж̇ж̇ид̇ад̇д̇аад̇и паласамаабад̇д̇ияаа бавад̇д̇агаалам̣ санд̇хааяа вуд̇д̇ам̣. ануббаад̣̇аад̣̇исан̇каад̇з ниб̣б̣аанз манод̣̇ваарааваж̇ж̇анасса уббаннад̇д̇аад̇и вуд̇д̇ам̣ ход̇и. д̇идтад̇ийд̇и бавад̇д̇ад̇и. уббаад̣̇аад̣̇ийни хздтаа вуд̇д̇ад̇т̇аани. сзсаб̣ож̇жхан̇г̇амуулагзсуби ваарзсу зсзва наяо.
Kathaṃ susamāraddho iti ce hotīti bojjhaṅgoti anantaraṃ vuttanayena yojetabbaṃ. Visamāti sayañca visamattā, visamassa ca bhāvassa hetuttā visamā. Samadhammoti santaṭṭhena paṇītaṭṭhena samo dhammo. Pamāṇābhāvato santo. ‘‘Yāvatā, bhikkhave, dhammā saṅkhatā vā asaṅkhatā vā, virāgo tesaṃ dhammānaṃ aggamakkhāyatī’’ti (a. ni. 4.34; itivu. 90) vacanato sabbadhammuttamaṭṭhena paṇīto. Tasmiṃ samadhammoti vutte susame āraddho susamāraddho. Āvajjitattāti phalasamāpattiyā pavattakālaṃ sandhāya vuttaṃ. Anuppādādisaṅkhāte nibbāne manodvārāvajjanassa uppannattāti vuttaṃ hoti. Tiṭṭhatīti pavattati. Uppādādīni heṭṭhā vuttatthāni. Sesabojjhaṅgamūlakesupi vāresu eseva nayo.
б̣ож̇жхан̇г̇агат̇ааван̣н̣анаа нидтид̇аа.
Bojjhaṅgakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 3. б̣ож̇жхан̇г̇агат̇аа • 3. Bojjhaṅgakathā
