| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
суд̇д̇анд̇игад̣̇угамаад̇игаабад̣̇аван̣н̣анаа
Suttantikadukamātikāpadavaṇṇanā
101-108. суд̇д̇анд̇игад̣̇угзсу самбаяог̇авасзна виж̇ж̇ам̣ бхаж̇анд̇ийд̇и виж̇ж̇аабхааг̇ино; виж̇ж̇аабхааг̇з виж̇ж̇аагодтаасз вад̇д̇анд̇ийд̇иби виж̇ж̇аабхааг̇ино. д̇ад̇т̇а вибассанаан̃аан̣ам̣, маномаяид̣̇д̇хи, ча абхин̃н̃аад̇и адта виж̇ж̇аа. буримзна ад̇т̇зна д̇аахи самбаяуд̇д̇ад̇хаммааби виж̇ж̇аабхааг̇ино. бажчимзна ад̇т̇зна д̇аасу яаа гаажи згаа виж̇ж̇аа виж̇ж̇аа. сзсаа виж̇ж̇аабхааг̇инод̇и. звам̣ виж̇ж̇ааби виж̇ж̇ааяа самбаяуд̇д̇ад̇хаммааби виж̇ж̇аабхааг̇инод̇взва взд̣̇ид̇аб̣б̣аа. ид̇ха бана самбаяуд̇д̇ад̇хаммаава ад̇хиббзд̇аа. самбаяог̇авасзнзва авиж̇ж̇ам̣ бхаж̇анд̇ийд̇и авиж̇ж̇аабхааг̇ино. авиж̇ж̇аабхааг̇з авиж̇ж̇аагодтаасз вад̇д̇анд̇ийд̇иби авиж̇ж̇аабхааг̇ино. д̇ад̇т̇а д̣̇угкабадижчаад̣̇агам̣ д̇амо самуд̣̇аяаад̣̇ибадижчаад̣̇аганд̇и жад̇ассо авиж̇ж̇аа. буриманаязнзва д̇аахи самбаяуд̇д̇ад̇хаммааби авиж̇ж̇аабхааг̇ино. д̇аасу яаа гаажи згаа авиж̇ж̇аа авиж̇ж̇аа. сзсаа авиж̇ж̇аабхааг̇инод̇и. звам̣ авиж̇ж̇ааби авиж̇ж̇ааяа самбаяуд̇д̇ад̇хаммааби авиж̇ж̇аабхааг̇инод̇взва взд̣̇ид̇аб̣б̣аа. ид̇ха бана самбаяуд̇д̇ад̇хаммаава ад̇хиббзд̇аа.
101-108. Suttantikadukesu sampayogavasena vijjaṃ bhajantīti vijjābhāgino; vijjābhāge vijjākoṭṭhāse vattantītipi vijjābhāgino. Tattha vipassanāñāṇaṃ, manomayiddhi, cha abhiññāti aṭṭha vijjā. Purimena atthena tāhi sampayuttadhammāpi vijjābhāgino. Pacchimena atthena tāsu yā kāci ekā vijjā vijjā. Sesā vijjābhāginoti. Evaṃ vijjāpi vijjāya sampayuttadhammāpi vijjābhāginotveva veditabbā. Idha pana sampayuttadhammāva adhippetā. Sampayogavaseneva avijjaṃ bhajantīti avijjābhāgino. Avijjābhāge avijjākoṭṭhāse vattantītipi avijjābhāgino. Tattha dukkhapaṭicchādakaṃ tamo samudayādipaṭicchādakanti catasso avijjā. Purimanayeneva tāhi sampayuttadhammāpi avijjābhāgino. Tāsu yā kāci ekā avijjā avijjā. Sesā avijjābhāginoti. Evaṃ avijjāpi avijjāya sampayuttadhammāpi avijjābhāginotveva veditabbā. Idha pana sampayuttadhammāva adhippetā.
буна анаж̇жход̇т̇аран̣абхаавзна гилзсанд̇хагаарам̣ вид̣̇д̇хам̣сзд̇ум̣ асамад̇т̇ад̇ааяа виж̇ж̇у убамаа зд̇зсанд̇и виж̇ж̇уубамаа. ниссзсам̣ вид̣̇д̇хам̣санасамад̇т̇ад̇ааяа важ̇ирам̣ убамаа зд̇зсанд̇и важ̇ируубамаа. б̣аалзсу тид̇ад̇д̇аа яад̇т̇а тид̇аа д̇ад̣̇убажаарзна б̣аалаа. бан̣д̣ид̇зсу тид̇ад̇д̇аа бан̣д̣ид̇аа. б̣аалагарад̇д̇аа ваа б̣аалаа, бан̣д̣ид̇агарад̇д̇аа бан̣д̣ид̇аа. ган̣хаад̇и гаал̣агаа, жид̇д̇асса абабхассарабхаавагаран̣аа. суггаад̇и од̣̇аад̇аа , жид̇д̇асса бабхассарабхаавагаран̣аа. ган̣хаабхиж̇аад̇ихзд̇уд̇о ваа ган̣хаа; суггаабхиж̇аад̇ихзд̇уд̇о суггаа. ид̇ха жзва самбарааяз жа д̇абзнд̇ийд̇и д̇абанийяаа. на д̇абанийяаа ад̇абанийяаа.
Puna anajjhottharaṇabhāvena kilesandhakāraṃ viddhaṃsetuṃ asamatthatāya vijju upamā etesanti vijjūpamā. Nissesaṃ viddhaṃsanasamatthatāya vajiraṃ upamā etesanti vajirūpamā. Bālesu ṭhitattā yattha ṭhitā tadupacārena bālā. Paṇḍitesu ṭhitattā paṇḍitā. Bālakarattā vā bālā, paṇḍitakarattā paṇḍitā. Kaṇhāti kāḷakā, cittassa apabhassarabhāvakaraṇā. Sukkāti odātā , cittassa pabhassarabhāvakaraṇā. Kaṇhābhijātihetuto vā kaṇhā; sukkābhijātihetuto sukkā. Idha ceva samparāye ca tapentīti tapanīyā. Na tapanīyā atapanīyā.
ад̇хиважанад̣̇угаад̣̇аяо д̇аяо ад̇т̇ад̇о ниннаанаагаран̣аа; б̣яан̃ж̇анамзвзд̇т̇а наанам̣. сиривад̣дхаго д̇ханавад̣дхагод̇и аад̣̇аяо хи важанамад̇д̇амзва ад̇хигаарам̣ гад̇ваа бавад̇д̇аа ад̇хиважанаа наама. ад̇хиважанаанам̣ бат̇аа ад̇хиважанабат̇аа. ‘‘абхисан̇каронд̇ийд̇и ко, бхигкавз, д̇асмаа сан̇каараа’’д̇и (сам̣. ни. 3.79) звам̣ нид̣̇д̇хаарзд̇ваа сахзд̇угам̣ гад̇ваа вужжамаанаа абхилаабаа нируд̇д̇и наама. нируд̇д̇ийнам̣ бат̇аа нируд̇д̇ибат̇аа. д̇агго вид̇агго сан̇габбод̇и (д̇ха. са. 7) звам̣ д̇зна д̇зна багаарзна н̃аабанад̇о бан̃н̃ад̇д̇и наама. бан̃н̃ад̇д̇ийнам̣ бат̇аа бан̃н̃ад̇д̇ибат̇аа. зд̇т̇а жа згам̣ д̣̇угам̣ вад̇вааби ид̇арзсам̣ важанз баяож̇анам̣ хзд̇уг̇ожчагз вуд̇д̇анаязнзва взд̣̇ид̇аб̣б̣ам̣.
Adhivacanadukādayo tayo atthato ninnānākaraṇā; byañjanamevettha nānaṃ. Sirivaḍḍhako dhanavaḍḍhakoti ādayo hi vacanamattameva adhikāraṃ katvā pavattā adhivacanā nāma. Adhivacanānaṃ pathā adhivacanapathā. ‘‘Abhisaṅkharontīti kho, bhikkhave, tasmā saṅkhārā’’ti (saṃ. ni. 3.79) evaṃ niddhāretvā sahetukaṃ katvā vuccamānā abhilāpā nirutti nāma. Niruttīnaṃ pathā niruttipathā. Takko vitakko saṅkappoti (dha. sa. 7) evaṃ tena tena pakārena ñāpanato paññatti nāma. Paññattīnaṃ pathā paññattipathā. Ettha ca ekaṃ dukaṃ vatvāpi itaresaṃ vacane payojanaṃ hetugocchake vuttanayeneva veditabbaṃ.
109-118. наамаруубад̣̇угз наамагаран̣адтзна наманадтзна нааманадтзна жа наамам̣. руббанадтзна руубам̣. аяамзд̇т̇а сан̇кзбо. вид̇т̇ааро бана нигкзбаган̣д̣з аави бхависсад̇и. авиж̇ж̇аад̇и д̣̇угкаад̣̇ийсу ан̃н̃аан̣ам̣. бхавад̇ан̣хаад̇и бхавабад̇т̇анаа. бхавад̣̇идтийд̇и бхаво вужжад̇и сассад̇ам̣; сассад̇авасзна уббаж̇ж̇анад̣̇идти. вибхавад̣̇идтийд̇и вибхаво вужжад̇и ужчзд̣̇ам̣; ужчзд̣̇авасзна уббаж̇ж̇анад̣̇идти. сассад̇о ад̇д̇аа жа лого жаад̇и бавад̇д̇аа д̣̇идти сассад̇ад̣̇идти. ужчиж̇ж̇иссад̇ийд̇и бавад̇д̇аа д̣̇идти ужчзд̣̇ад̣̇идти. анд̇аваад̇и бавад̇д̇аа д̣̇идти анд̇аваад̣̇идти. ананд̇аваад̇и бавад̇д̇аа д̣̇идти ананд̇аваад̣̇идти. буб̣б̣анд̇ам̣ ануг̇ад̇аа д̣̇идти буб̣б̣анд̇аануд̣̇идти. абаранд̇ам̣ ануг̇ад̇аа д̣̇идти абаранд̇аануд̣̇идти. ахириганд̇и яам̣ на хирияад̇и хирияид̇аб̣б̣знаад̇и (д̇ха. са. 387) звам̣ вид̇т̇аарид̇аа ниллаж̇ж̇ад̇аа. анод̇д̇аббанд̇и яам̣ на од̇д̇аббад̇и од̇д̇аббид̇аб̣б̣знаад̇и звам̣ вид̇т̇аарид̇о абхааяанагааагааро. хирияанаа хирий, од̇д̇аббанаа од̇д̇аббам̣. д̣̇оважассад̇аад̣̇ийсу д̣̇угкам̣ важо зд̇асмим̣ виббадигуулаг̇аахимхи вибажжанийгасаад̇з анаад̣̇арз буг̇г̇алзд̇и д̣̇уб̣б̣ажо. д̇асса гаммам̣ д̣̇оважассам̣. д̇асса бхааво д̣̇оважассад̇аа. баабаа ассад̣̇д̇хаад̣̇аяо буг̇г̇алаа зд̇асса мид̇д̇аад̇и баабамид̇д̇о; д̇асса бхааво баабамид̇д̇ад̇аа. соважассад̇аа жа галяаан̣амид̇д̇ад̇аа жа вуд̇д̇абадибагканаязна взд̣̇ид̇аб̣б̣аа.
109-118. Nāmarūpaduke nāmakaraṇaṭṭhena namanaṭṭhena nāmanaṭṭhena ca nāmaṃ. Ruppanaṭṭhena rūpaṃ. Ayamettha saṅkhepo. Vitthāro pana nikkhepakaṇḍe āvi bhavissati. Avijjāti dukkhādīsu aññāṇaṃ. Bhavataṇhāti bhavapatthanā. Bhavadiṭṭhīti bhavo vuccati sassataṃ; sassatavasena uppajjanadiṭṭhi. Vibhavadiṭṭhīti vibhavo vuccati ucchedaṃ; ucchedavasena uppajjanadiṭṭhi. Sassato attā ca loko cāti pavattā diṭṭhi sassatadiṭṭhi. Ucchijjissatīti pavattā diṭṭhi ucchedadiṭṭhi. Antavāti pavattā diṭṭhi antavādiṭṭhi. Anantavāti pavattā diṭṭhi anantavādiṭṭhi. Pubbantaṃ anugatā diṭṭhi pubbantānudiṭṭhi. Aparantaṃ anugatā diṭṭhi aparantānudiṭṭhi. Ahirikanti yaṃ na hiriyati hiriyitabbenāti (dha. sa. 387) evaṃ vitthāritā nillajjatā. Anottappanti yaṃ na ottappati ottappitabbenāti evaṃ vitthārito abhāyanakaākāro. Hiriyanā hirī, ottappanā ottappaṃ. Dovacassatādīsu dukkhaṃ vaco etasmiṃ vippaṭikūlagāhimhi vipaccanīkasāte anādare puggaleti dubbaco. Tassa kammaṃ dovacassaṃ. Tassa bhāvo dovacassatā. Pāpā assaddhādayo puggalā etassa mittāti pāpamitto; tassa bhāvo pāpamittatā. Sovacassatā ca kalyāṇamittatā ca vuttapaṭipakkhanayena veditabbā.
119-123. ‘бан̃жаби аабад̇д̇игканд̇хаа аабад̇д̇ияо, сад̇д̇аби аабад̇д̇игканд̇хаа аабад̇д̇ияо’д̇и (д̇ха. са. 1336) звам̣ вуд̇д̇аасу аабад̇д̇ийсу гусалабхааво аабад̇д̇игусалад̇аа. д̇аахи аабад̇д̇ийхи вудтаанз гусалабхааво аабад̇д̇ивудтаанагусалад̇аа. самаабад̇д̇ийсу гусалабхааво самаабад̇д̇игусалад̇аа. самаабад̇д̇ийнам̣ аббанаабарижчзд̣̇абан̃н̃ааязд̇ам̣ ад̇хиважанам̣. самаабад̇д̇ийхи вудтаанз гусалабхааво самаабад̇д̇ивудтаанагусалад̇аа. адтаарасасу д̇хаад̇уусу гусалабхааво д̇хаад̇угусалад̇аа. д̇аасам̣язва д̇хаад̇уунам̣ манасигаарз гусалабхааво манасигаарагусалад̇аа. жагкааяад̇анаад̣̇ийсу гусалабхааво ааяад̇анагусалад̇аа. д̣̇ваад̣̇асан̇г̇з бадижжасамуббаад̣̇з гусалабхааво бадижжасамуббаад̣̇агусалад̇аа. д̇асмим̣ д̇асмим̣ таанз гусалабхааво таанагусалад̇аа. таананд̇и гааран̣ам̣ вужжад̇и. д̇асмин̃хи д̇ад̣̇ааяад̇д̇авуд̇д̇ид̇ааяа палам̣ д̇идтад̇и наама, д̇асмаа таананд̇и вуд̇д̇ам̣. адтаанз гусалабхааво адтаанагусалад̇аа.
119-123. ‘Pañcapi āpattikkhandhā āpattiyo, sattapi āpattikkhandhā āpattiyo’ti (dha. sa. 1336) evaṃ vuttāsu āpattīsu kusalabhāvo āpattikusalatā. Tāhi āpattīhi vuṭṭhāne kusalabhāvo āpattivuṭṭhānakusalatā. Samāpattīsu kusalabhāvo samāpattikusalatā. Samāpattīnaṃ appanāparicchedapaññāyetaṃ adhivacanaṃ. Samāpattīhi vuṭṭhāne kusalabhāvo samāpattivuṭṭhānakusalatā. Aṭṭhārasasu dhātūsu kusalabhāvo dhātukusalatā. Tāsaṃyeva dhātūnaṃ manasikāre kusalabhāvo manasikārakusalatā. Cakkhāyatanādīsu kusalabhāvo āyatanakusalatā. Dvādasaṅge paṭiccasamuppāde kusalabhāvo paṭiccasamuppādakusalatā. Tasmiṃ tasmiṃ ṭhāne kusalabhāvo ṭhānakusalatā. Ṭhānanti kāraṇaṃ vuccati. Tasmiñhi tadāyattavuttitāya phalaṃ tiṭṭhati nāma, tasmā ṭhānanti vuttaṃ. Aṭṭhāne kusalabhāvo aṭṭhānakusalatā.
124-134. уж̇убхааво аж̇ж̇аво. муд̣̇убхааво мад̣̇д̣̇аво. ад̇хиваасанасан̇каад̇о каманабхааво канд̇и. сурад̇асса бхааво соражжам̣. саммод̣̇агамуд̣̇убхаавасан̇каад̇о сакилабхааво саакаляам̣. яат̇аа барзхи сад̣̇д̇хим̣ ад̇д̇ано чид̣̇д̣̇ам̣ на ход̇и звам̣ д̇хаммаамисзхи бадисант̇аран̣ам̣ бадисант̇ааро. инд̣̇рияасам̣варабхзд̣̇асан̇каад̇о манажчадтзсу инд̣̇риязсу аг̇уд̇д̇ад̣̇ваарабхааво инд̣̇риязсу аг̇уд̇д̇ад̣̇ваарад̇аа. бадиг̇г̇ахан̣абарибхог̇авасзна бхож̇анз мад̇д̇ам̣ аж̇аананабхааво бхож̇анз амад̇д̇ан̃н̃уд̇аа. ананд̇арад̣̇уго вуд̇д̇абадибагканаязна взд̣̇ид̇аб̣б̣о. сад̇ивиббаваасасан̇каад̇о мудтассад̇ибхааво мудтассажжам̣. асамбаж̇аанабхааво асамбаж̇ан̃н̃ам̣. сарад̇ийд̇и сад̇и. самбаж̇аанаад̇ийд̇и самбаж̇ан̃н̃ам̣. аббадисан̇каанз агамбанадтзна бадисан̇каанасан̇каад̇ам̣ б̣алам̣ бадисан̇каанаб̣алам̣. вийрияасийсзна сад̇д̇а б̣ож̇жхан̇г̇з бхаавзнд̇асса уббаннам̣ б̣алам̣ бхааванааб̣алам̣. бажжанийгад̇хаммз самзд̇ийд̇и самат̇о. анижжаад̣̇ивасзна вивид̇хзна аагаарзна бассад̇ийд̇и вибассанаа. самат̇ова д̇ам̣ аагаарам̣ г̇ахзд̇ваа буна бавад̇д̇зд̇аб̣б̣асса самат̇асса нимид̇д̇авасзна самат̇анимид̇д̇ам̣. баг̇г̇ааханимид̇д̇зби зсзва наяо. самбаяуд̇д̇ад̇хаммз баг̇г̇ан̣хаад̇ийд̇и баг̇г̇аахо. на вигкибад̇ийд̇и авигкзбо.
124-134. Ujubhāvo ajjavo. Mudubhāvo maddavo. Adhivāsanasaṅkhāto khamanabhāvo khanti. Suratassa bhāvo soraccaṃ. Sammodakamudubhāvasaṅkhāto sakhilabhāvo sākhalyaṃ. Yathā parehi saddhiṃ attano chiddaṃ na hoti evaṃ dhammāmisehi paṭisantharaṇaṃ paṭisanthāro. Indriyasaṃvarabhedasaṅkhāto manacchaṭṭhesu indriyesu aguttadvārabhāvo indriyesu aguttadvāratā. Paṭiggahaṇaparibhogavasena bhojane mattaṃ ajānanabhāvo bhojane amattaññutā. Anantaraduko vuttapaṭipakkhanayena veditabbo. Sativippavāsasaṅkhāto muṭṭhassatibhāvo muṭṭhassaccaṃ. Asampajānabhāvo asampajaññaṃ. Saratīti sati. Sampajānātīti sampajaññaṃ. Appaṭisaṅkhāne akampanaṭṭhena paṭisaṅkhānasaṅkhātaṃ balaṃ paṭisaṅkhānabalaṃ. Vīriyasīsena satta bojjhaṅge bhāventassa uppannaṃ balaṃ bhāvanābalaṃ. Paccanīkadhamme sametīti samatho. Aniccādivasena vividhena ākārena passatīti vipassanā. Samathova taṃ ākāraṃ gahetvā puna pavattetabbassa samathassa nimittavasena samathanimittaṃ. Paggāhanimittepi eseva nayo. Sampayuttadhamme paggaṇhātīti paggāho. Na vikkhipatīti avikkhepo.
135-142. сийлавинаасигаа асам̣варасан̇каад̇аа сийласса вибад̇д̇и сийлавибад̇д̇и. саммаад̣̇идтивинаасигаа мижчаад̣̇идтисан̇каад̇аа д̣̇идтияаа вибад̇д̇и д̣̇идтивибад̇д̇и. соражжамзва сийласса самбаад̣̇анад̇о сийлабарибууран̣ад̇о сийласса самбад̣̇аад̇и сийласамбад̣̇аа. д̣̇идтибаарибуурибхууд̇ам̣ н̃аан̣ам̣ д̣̇идтияаа самбад̣̇аад̇и д̣̇идтисамбад̣̇аа. висуд̣̇д̇хибхаавам̣ самбад̇д̇аа сийласан̇каад̇аа сийласса висуд̣̇д̇хи, сийлависуд̣̇д̇хи. ниб̣б̣аанасан̇каад̇ам̣ висуд̣̇д̇хим̣ баабзд̇ум̣ самад̇т̇аа, д̣̇ассанасан̇каад̇аа, д̣̇идтияаа висуд̣̇д̇хи д̣̇идтивисуд̣̇д̇хи. д̣̇идтивисуд̣̇д̇хи ко бана яат̇аад̣̇идтисса жа бад̇хаананд̇и гаммассагад̇ан̃н̃аан̣аад̣̇исан̇каад̇аа д̣̇идтивисуд̣̇д̇хи жзва яат̇аад̣̇идтисса жа ануруубад̣̇идтисса галяаан̣ад̣̇идтисса д̇ам̣самбаяуд̇д̇амзва бад̇хаанам̣. сам̣взг̇од̇и ж̇аад̇иаад̣̇ийни бадижжа уббаннабхаяасан̇каад̇ам̣ сам̣виж̇ж̇анам̣. сам̣взж̇анияадтаананд̇и сам̣взг̇аж̇анагам̣ ж̇аад̇иаад̣̇игааран̣ам̣. сам̣виг̇г̇асса жа яонисобад̇хаананд̇и звам̣ сам̣взг̇аж̇аад̇асса убааяабад̇хаанам̣. асанд̇удтид̇аа жа гусалзсу д̇хаммзсууд̇и гусалад̇хаммабууран̣з асанд̇удтибхааво. аббадиваанид̇аа жа бад̇хаанасминд̇и арахад̇д̇ам̣ абад̇ваа бад̇хаанасмим̣ анивад̇д̇анад̇аа аносагганад̇аа. виж̇аананад̇о виж̇ж̇аа. вимужжанад̇о вимуд̇д̇и. каяз н̃аан̣анд̇и гилзсагкаяагарз арияамаг̇г̇з н̃аан̣ам̣. ануббаад̣̇з н̃аан̣анд̇и бадисанд̇хивасзна ануббаад̣̇абхууд̇з д̇ам̣д̇ам̣маг̇г̇аваж̇жхагилзсаанам̣ ануббаад̣̇абарияосаанз уббаннз арияапалз н̃аан̣ам̣. аяам̣ маад̇игааяа анубуб̣б̣абад̣̇аван̣н̣анаа.
135-142. Sīlavināsikā asaṃvarasaṅkhātā sīlassa vipatti sīlavipatti. Sammādiṭṭhivināsikā micchādiṭṭhisaṅkhātā diṭṭhiyā vipatti diṭṭhivipatti. Soraccameva sīlassa sampādanato sīlaparipūraṇato sīlassa sampadāti sīlasampadā. Diṭṭhipāripūribhūtaṃ ñāṇaṃ diṭṭhiyā sampadāti diṭṭhisampadā. Visuddhibhāvaṃ sampattā sīlasaṅkhātā sīlassa visuddhi, sīlavisuddhi. Nibbānasaṅkhātaṃ visuddhiṃ pāpetuṃ samatthā, dassanasaṅkhātā, diṭṭhiyā visuddhi diṭṭhivisuddhi. Diṭṭhivisuddhi kho pana yathādiṭṭhissa ca padhānanti kammassakataññāṇādisaṅkhātā diṭṭhivisuddhi ceva yathādiṭṭhissa ca anurūpadiṭṭhissa kalyāṇadiṭṭhissa taṃsampayuttameva padhānaṃ. Saṃvegoti jātiādīni paṭicca uppannabhayasaṅkhātaṃ saṃvijjanaṃ. Saṃvejaniyaṭṭhānanti saṃvegajanakaṃ jātiādikāraṇaṃ. Saṃviggassa ca yonisopadhānanti evaṃ saṃvegajātassa upāyapadhānaṃ. Asantuṭṭhitā ca kusalesu dhammesūti kusaladhammapūraṇe asantuṭṭhibhāvo. Appaṭivānitā ca padhānasminti arahattaṃ apatvā padhānasmiṃ anivattanatā anosakkanatā. Vijānanato vijjā. Vimuccanato vimutti. Khaye ñāṇanti kilesakkhayakare ariyamagge ñāṇaṃ. Anuppāde ñāṇanti paṭisandhivasena anuppādabhūte taṃtaṃmaggavajjhakilesānaṃ anuppādapariyosāne uppanne ariyaphale ñāṇaṃ. Ayaṃ mātikāya anupubbapadavaṇṇanā.
д̣̇угамаад̇игаабад̣̇аван̣н̣анаа нидтид̇аа.
Dukamātikāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / суд̇д̇анд̇игад̣̇угамаад̇игаа • Suttantikadukamātikā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / суд̇д̇анд̇игад̣̇угамаад̇игаабад̣̇аван̣н̣анаа • Suttantikadukamātikāpadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / суд̇д̇анд̇игад̣̇угамаад̇игаабад̣̇аван̣н̣анаа • Suttantikadukamātikāpadavaṇṇanā
