| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
суд̇д̇анд̇игад̣̇угамаад̇игаабад̣̇аван̣н̣анаа
Suttantikadukamātikāpadavaṇṇanā
101-108. виж̇ж̇аараасанд̇ог̇ад̇хад̇хаммаа виж̇ж̇аасабхааг̇ад̇ааяа д̇ад̣̇згад̣̇зсз виж̇ж̇аагодтаасз вад̇д̇анд̇ийд̇и вуд̇д̇аа. важ̇ирасса яад̇т̇а д̇ам̣ бад̇ад̇и, д̇ад̇т̇а абхзж̇ж̇ам̣ наама гин̃жи ман̣ибаасаан̣аад̣̇и над̇т̇и, на жа д̇зна г̇аманамаг̇г̇о вирухад̇и, звамзва арахад̇д̇амаг̇г̇зна яад̇т̇а со уббаж̇ж̇ад̇и, д̇асмим̣ санд̇аанз абхзж̇ж̇о гилзсо наама над̇т̇и, на жа бхинно буна вирухад̇ийд̇и важ̇ирубамад̇аа взд̣̇ид̇аб̣б̣аа. д̇ад̣̇убажаарзна б̣аалаа яат̇аа ‘‘ман̃жаа гхосанд̇ий’’д̇и. ган̣хаабхиж̇аад̇ийд̇и абааяаа вужжанд̇и мануссзсу жа д̣̇обхаг̇г̇ияам̣. д̇абанасса ваа д̣̇угкасса хид̇аад̇и д̇абанияаа.
101-108. Vijjārāsantogadhadhammā vijjāsabhāgatāya tadekadese vijjākoṭṭhāse vattantīti vuttā. Vajirassa yattha taṃ patati, tattha abhejjaṃ nāma kiñci maṇipāsāṇādi natthi, na ca tena gamanamaggo viruhati, evameva arahattamaggena yattha so uppajjati, tasmiṃ santāne abhejjo kileso nāma natthi, na ca bhinno puna viruhatīti vajirupamatā veditabbā. Tadupacārena bālā yathā ‘‘mañcā ghosantī’’ti. Kaṇhābhijātīti apāyā vuccanti manussesu ca dobhaggiyaṃ. Tapanassa vā dukkhassa hitāti tapaniyā.
д̣̇аасаад̣̇ийсуби сиривад̣дхагаад̣̇исад̣̇д̣̇аа вияа ад̇ат̇ад̇д̇аа важанамад̇д̇амзва ад̇хигаарам̣ гад̇ваа бавад̇д̇аа ад̇хиважанаа. яасмаа бана ад̇хиважананируд̇д̇ибан̃н̃ад̇д̇ибад̣̇аани самаанад̇т̇аани, саб̣б̣ан̃жа важанам̣ ад̇хиважанаад̣̇ибхаавам̣ бхаж̇ад̇и, д̇асмаа д̇зсуби важанависзсзсу висзсзна бавад̇д̇зхи ад̇хиважанаад̣̇исад̣̇д̣̇зхи саб̣б̣аани важанаани ад̇т̇аббагаасанасааман̃н̃зна вуд̇д̇аанийд̇и зд̇знаад̇хиббааязна аяам̣ ад̇т̇аяож̇анаа гад̇аад̇и взд̣̇ид̇аб̣б̣аа. ат̇а ваа ад̇хи-сад̣̇д̣̇о убарибхааг̇з, убари важанам̣ ад̇хиважанам̣. гасса убари? багаасзд̇аб̣б̣асса ад̇т̇ассаад̇и вид̣̇ид̇овааяамад̇т̇о. ад̇хийнам̣ ваа важанам̣ ад̇хиважанам̣. гзна ад̇хийнам̣? ад̇т̇зна. д̇ат̇аа д̇ам̣д̇ам̣ад̇т̇аббагаасанз нижчид̇ам̣, нияад̇ам̣ ваа важанам̣ нируд̇д̇и. бат̇авийд̇хаад̇убурисаад̣̇ид̇ам̣д̇ам̣багаарзна н̃аабанад̇о бан̃н̃ад̇д̇ийд̇и звам̣ ад̇хиважанаад̣̇ибад̣̇аанам̣ саб̣б̣аважанзсу бавад̇д̇и взд̣̇ид̇аб̣б̣аа. ан̃н̃ат̇аа сиривад̣дхагад̇ханавад̣дхагаббагаараанамзва абхилаабаанам̣ ад̇хиважанад̇аа, абхисан̇каронд̇ийд̇и звам̣багаараанамзва нид̣̇д̇хааран̣аважанаанам̣ нируд̇д̇ид̇аа, д̇агго вид̇аггод̇и звам̣багаараанамзва згамзвад̇т̇ам̣ д̇зна д̇зна багаарзна н̃аабзнд̇аанам̣ бан̃н̃ад̇д̇ид̇аа жа аабаж̇ж̇зяяаад̇и.
Dāsādīsupi sirivaḍḍhakādisaddā viya atathattā vacanamattameva adhikāraṃ katvā pavattā adhivacanā. Yasmā pana adhivacananiruttipaññattipadāni samānatthāni, sabbañca vacanaṃ adhivacanādibhāvaṃ bhajati, tasmā tesupi vacanavisesesu visesena pavattehi adhivacanādisaddehi sabbāni vacanāni atthappakāsanasāmaññena vuttānīti etenādhippāyena ayaṃ atthayojanā katāti veditabbā. Atha vā adhi-saddo uparibhāge, upari vacanaṃ adhivacanaṃ. Kassa upari? Pakāsetabbassa atthassāti viditovāyamattho. Adhīnaṃ vā vacanaṃ adhivacanaṃ. Kena adhīnaṃ? Atthena. Tathā taṃtaṃatthappakāsane nicchitaṃ, niyataṃ vā vacanaṃ nirutti. Pathavīdhātupurisāditaṃtaṃpakārena ñāpanato paññattīti evaṃ adhivacanādipadānaṃ sabbavacanesu pavatti veditabbā. Aññathā sirivaḍḍhakadhanavaḍḍhakappakārānameva abhilāpānaṃ adhivacanatā, abhisaṅkharontīti evaṃpakārānameva niddhāraṇavacanānaṃ niruttitā, takko vitakkoti evaṃpakārānameva ekamevatthaṃ tena tena pakārena ñāpentānaṃ paññattitā ca āpajjeyyāti.
109-118. пассо взд̣̇анаад̇и саб̣б̣ад̣̇ааби аруубад̇хаммаанам̣ пассаад̣̇инаамагад̇д̇аа бат̇авияаад̣̇ийнам̣ гзсагумбхаад̣̇инааманд̇араабад̇д̇и вияа нааманд̇араанаабаж̇ж̇анад̇о жа сад̣̇аа ад̇д̇анаава гад̇анаамад̇ааяа жад̇угканд̇ханиб̣б̣аанаани наамагаран̣адтзна наамам̣. наманам̣ авинаабхаавад̇о аарамман̣аабхимукад̇аа, наманахзд̇убхууд̇ад̇аа нааманам̣. ат̇а ваа ад̇хиважанасампассо вияа ад̇хиважанам̣ наамаманд̇арзна яз анубажид̇аб̣од̇хисамбхаараанам̣ г̇ахан̣ам̣ на г̇ажчанд̇и, д̇з наамааяад̇д̇аг̇г̇ахан̣аа наамам̣. руубам̣ бана винааби наамасаад̇ханам̣ ад̇д̇ано руббанасабхаавзна г̇ахан̣ам̣ убаяаад̇ийд̇и руубам̣.
109-118. Phasso vedanāti sabbadāpi arūpadhammānaṃ phassādināmakattā pathaviyādīnaṃ kesakumbhādināmantarāpatti viya nāmantarānāpajjanato ca sadā attanāva katanāmatāya catukkhandhanibbānāni nāmakaraṇaṭṭhena nāmaṃ. Namanaṃ avinābhāvato ārammaṇābhimukhatā, namanahetubhūtatā nāmanaṃ. Atha vā adhivacanasamphasso viya adhivacanaṃ nāmamantarena ye anupacitabodhisambhārānaṃ gahaṇaṃ na gacchanti, te nāmāyattaggahaṇā nāmaṃ. Rūpaṃ pana vināpi nāmasādhanaṃ attano ruppanasabhāvena gahaṇaṃ upayātīti rūpaṃ.
119-123. ид̇о буб̣б̣з баригаммам̣ бавад̇д̇ам̣, ид̇о барам̣ бхаван̇г̇ам̣, маж̇жхз самаабад̇д̇ийд̇и звам̣ самаабад̇д̇ийнам̣ аббанаабарижчзд̣̇абан̃н̃аа самаабад̇д̇игусалад̇аа. вудтаанз гусалабхааво буб̣б̣з вудтаанз барижчзд̣̇агаран̣ан̃аан̣ам̣. лагкан̣аад̣̇ивасзна анижжаад̣̇ивасзна жа манаси гаран̣ам̣ манасигааро.
119-123. Ito pubbe parikammaṃ pavattaṃ, ito paraṃ bhavaṅgaṃ, majjhe samāpattīti evaṃ samāpattīnaṃ appanāparicchedapaññā samāpattikusalatā. Vuṭṭhāne kusalabhāvo pubbe vuṭṭhāne paricchedakaraṇañāṇaṃ. Lakkhaṇādivasena aniccādivasena ca manasi karaṇaṃ manasikāro.
124-134. сужисийлад̇аа соражжам̣. саа хи собханагаммарад̇ад̇аад̇и. саммод̣̇агасса, саммод̣̇аго ваа муд̣̇убхааво саммод̣̇агамуд̣̇убхааво, сан̣хаваажад̇аа. ‘‘аг̇уд̇д̇ад̣̇ваарад̇аа’’д̇и вуд̇д̇з гзсу д̣̇ваарзсууд̇и на бан̃н̃ааяад̇ийд̇и ‘‘инд̣̇риязсуу’’д̇и вуд̇д̇ам̣. самбаж̇аанаад̇ийд̇и самбаж̇аано, д̇асса бхааво самбаж̇ан̃н̃ам̣. д̇ад̣̇аби н̃аан̣ам̣ яасмаа самбаж̇аанаад̇и, д̇асмаа ‘‘самбаж̇аанаад̇ийд̇и самбаж̇ан̃н̃а’’нд̇и ааха. аббадисан̇каанз нимид̇д̇з висаяз ваа. вийрияасийсзнаад̇и вийрияабаамогкзна. уббаннам̣ б̣аланд̇и вийрияобад̇т̇амбхзна хи гусалабхааванаа б̣алавад̇ий т̇ираа уббаж̇ж̇ад̇ийд̇и д̇ат̇аа уббаннаа б̣алавад̇ий гусалабхааванаа б̣алаванд̇о сад̇д̇а б̣ож̇жхан̇г̇аад̇иби вужжанд̇и. гасин̣анимид̇д̇ам̣ вияа сан̃н̃аан̣ам̣ вияа савиг̇г̇ахам̣ вияа жа судту убалагкзд̇аб̣б̣аагаарам̣ ‘‘нимид̇д̇а’’нд̇и вужжад̇и. самат̇о жа звам̣ аагаарод̇и ‘‘нимид̇д̇а’’нд̇и вуд̇д̇о. д̇ат̇аа хи со бажжавзгканд̇зна бажжавзгкан̣ад̇о г̇аяхад̇ийд̇и. уд̣̇д̇хажжамива жид̇д̇ам̣ на вигкибад̇ийд̇и, вигкзбабадигкзбо ваа авигкзбо.
124-134. Sucisīlatā soraccaṃ. Sā hi sobhanakammaratatāti. Sammodakassa, sammodako vā mudubhāvo sammodakamudubhāvo, saṇhavācatā. ‘‘Aguttadvāratā’’ti vutte kesu dvāresūti na paññāyatīti ‘‘indriyesū’’ti vuttaṃ. Sampajānātīti sampajāno, tassa bhāvo sampajaññaṃ. Tadapi ñāṇaṃ yasmā sampajānāti, tasmā ‘‘sampajānātīti sampajañña’’nti āha. Appaṭisaṅkhāne nimitte visaye vā. Vīriyasīsenāti vīriyapāmokkhena. Uppannaṃ balanti vīriyopatthambhena hi kusalabhāvanā balavatī thirā uppajjatīti tathā uppannā balavatī kusalabhāvanā balavanto satta bojjhaṅgātipi vuccanti. Kasiṇanimittaṃ viya saññāṇaṃ viya saviggahaṃ viya ca suṭṭhu upalakkhetabbākāraṃ ‘‘nimitta’’nti vuccati. Samatho ca evaṃ ākāroti ‘‘nimitta’’nti vutto. Tathā hi so paccavekkhantena paccavekkhaṇato gayhatīti. Uddhaccamiva cittaṃ na vikkhipatīti, vikkhepapaṭikkhepo vā avikkhepo.
135-142. сийламзва бунаббунам̣ аасзвияамаанам̣ логияам̣ логуд̇д̇арамби сийлам̣ барибуурзд̇ийд̇и ‘‘сийлабарибууран̣ад̇о’’д̇и вуд̇д̇ам̣. сийласса самбад̣̇аад̇и гааран̣асийламби паласийламби самбаннасамуд̣̇ааяасса згад̣̇зсавасзна вуд̇д̇ам̣. ат̇а ваа ‘‘гад̇амз жа т̇абад̇и агусалаа сийлаа? агусалам̣ гааяагаммам̣ агусалам̣ важийгаммам̣ баабаго ааж̇ийво’’д̇и (ма. ни. 2.264) вуд̇д̇ад̇д̇аа саб̣б̣амби гусалаагусалам̣ ‘‘сийла’’нд̇и г̇ахзд̇ваа д̇ад̇т̇а гусаласийлам̣ нид̣̇д̇хаарзд̇ваа ‘‘сийласамбад̣̇аа’’д̇и вуд̇д̇ам̣. звам̣ д̣̇идтисамбад̣̇ааби взд̣̇ид̇аб̣б̣аа.
135-142. Sīlameva punappunaṃ āseviyamānaṃ lokiyaṃ lokuttarampi sīlaṃ paripūretīti ‘‘sīlaparipūraṇato’’ti vuttaṃ. Sīlassa sampadāti kāraṇasīlampi phalasīlampi sampannasamudāyassa ekadesavasena vuttaṃ. Atha vā ‘‘katame ca thapati akusalā sīlā? Akusalaṃ kāyakammaṃ akusalaṃ vacīkammaṃ pāpako ājīvo’’ti (ma. ni. 2.264) vuttattā sabbampi kusalākusalaṃ ‘‘sīla’’nti gahetvā tattha kusalasīlaṃ niddhāretvā ‘‘sīlasampadā’’ti vuttaṃ. Evaṃ diṭṭhisampadāpi veditabbā.
д̣̇идтивисуд̣̇д̇хи ко бана яат̇аад̣̇идтисса жа бад̇хаананд̇и гаммассагад̇ан̃аан̣аад̣̇исан̇каад̇аа д̣̇идтивисуд̣̇д̇хи жзваад̇и бадибаадияаа д̣̇идтивисуд̣̇д̇хи д̣̇идтивисуд̣̇д̇хи ко банаад̇и жа бад̣̇ад̣̇ваяасса самаанад̇д̇аа бан̃н̃аа. яат̇аад̣̇идтиссаад̇и ниб̣б̣ад̇д̇ид̇аббагаарад̣̇идтисса ниб̣б̣ад̇д̇зд̇аб̣б̣абад̇хаанаануруубад̣̇идтисса ваа яат̇аад̣̇идтибавад̇д̇агирияасса ваа. сам̣взг̇од̇и саход̇д̇аббам̣ н̃аан̣ам̣, од̇д̇аббамзва ваа. самад̇д̇ам̣ д̇уссанам̣ д̇ид̇д̇и санд̇удти, над̇т̇и зд̇асса санд̇удтийд̇и асанд̇удти, асанд̇удтисса бхааво асанд̇удтид̇аа. вийрияаббаваахз бавад̇д̇амаанз анд̇араа зва бадиг̇аманам̣ нивад̇д̇анам̣ бадиваанам̣, д̇ам̣ асса ад̇т̇ийд̇и бадивааний , на бадивааний аббадивааний, д̇асса бхааво аббадиваанид̇аа. вимужжанам̣ наама аарамман̣з ад̇химуд̇д̇ад̇аа гилзсзхи саб̣б̣асан̇каарзхи жа ниссадад̇аа жа. бадисанд̇хивасзнаад̇и гилзсаанам̣ д̇ам̣д̇ам̣маг̇г̇аваж̇жхаанам̣ уббаннамаг̇г̇з канд̇хасанд̇аанз буна сам̣д̣̇аханавасзна. ануббаад̣̇абхууд̇зд̇и д̇ам̣д̇ам̣палз. ануббаад̣̇абарияосаанзд̇и ануббаад̣̇агаро маг̇г̇о ануббаад̣̇о, д̇асса барияосаанз.
Diṭṭhivisuddhi kho pana yathādiṭṭhissa ca padhānanti kammassakatañāṇādisaṅkhātā diṭṭhivisuddhi cevāti paṭipāṭiyā diṭṭhivisuddhi diṭṭhivisuddhi kho panāti ca padadvayassa samānattā paññā. Yathādiṭṭhissāti nibbattitappakāradiṭṭhissa nibbattetabbapadhānānurūpadiṭṭhissa vā yathādiṭṭhipavattakiriyassa vā. Saṃvegoti sahottappaṃ ñāṇaṃ, ottappameva vā. Samattaṃ tussanaṃ titti santuṭṭhi, natthi etassa santuṭṭhīti asantuṭṭhi, asantuṭṭhissa bhāvo asantuṭṭhitā. Vīriyappavāhe pavattamāne antarā eva paṭigamanaṃ nivattanaṃ paṭivānaṃ, taṃ assa atthīti paṭivānī , na paṭivānī appaṭivānī, tassa bhāvo appaṭivānitā. Vimuccanaṃ nāma ārammaṇe adhimuttatā kilesehi sabbasaṅkhārehi ca nissaṭatā ca. Paṭisandhivasenāti kilesānaṃ taṃtaṃmaggavajjhānaṃ uppannamagge khandhasantāne puna saṃdahanavasena. Anuppādabhūteti taṃtaṃphale. Anuppādapariyosāneti anuppādakaro maggo anuppādo, tassa pariyosāne.
суд̇д̇анд̇игад̣̇угамаад̇игаабад̣̇аван̣н̣анаа нидтид̇аа.
Suttantikadukamātikāpadavaṇṇanā niṭṭhitā.
д̣̇угамаад̇игаабад̣̇аван̣н̣анаа нидтид̇аа.
Dukamātikāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / суд̇д̇анд̇игад̣̇угамаад̇игаа • Suttantikadukamātikā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / суд̇д̇анд̇игад̣̇угамаад̇игаабад̣̇аван̣н̣анаа • Suttantikadukamātikāpadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / суд̇д̇анд̇игад̣̇угамаад̇игаабад̣̇аван̣н̣анаа • Suttantikadukamātikāpadavaṇṇanā
