| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
суд̇д̇анд̇игад̣̇угамаад̇игаабад̣̇аван̣н̣анаа
Suttantikadukamātikāpadavaṇṇanā
101-108. виж̇ж̇аасабхааг̇ад̇ааяа , на сан̇габбаад̣̇аяо вияа виж̇ж̇ааяа убагаарагабхаавад̇о. ‘‘абхзж̇ж̇ам̣…бз… рухад̇ий’’д̇и убхаяамби анавасзсаббахаанамзва санд̇хааяа вуд̇д̇ам̣. гин̃жааби хи хздтимамаг̇г̇зхиби бахийяамаанаа гилзсаа д̇зна д̇зна од̇хинаа анавасзсамзва бахийяанд̇и, яз бана авасидтаа бхинд̣̇ид̇аб̣б̣аа, д̇з лобхаад̣̇игилзсабхаавасааман̃н̃ад̇о буна вирул̣хаа вияа хонд̇и. арахад̇д̇амаг̇г̇з бана уббаннз на звам̣ авасидтаабхаавад̇о. д̇ад̣̇убажаарзна ниссаяавохаарзна. гусалзхи д̇аабзд̇аб̣б̣аад̇и ваа д̇абанияаа, д̇ад̣̇ан̇г̇аад̣̇ивасзна б̣аад̇хид̇аб̣б̣аа бахаад̇аб̣б̣аад̇и ад̇т̇о. самаанад̇т̇аани ад̇хиважанаад̣̇ийнам̣ сан̇каад̣̇ибхаавад̇о. ‘‘саб̣б̣зва д̇хаммаа ад̇хиважанабат̇аа’’д̇иаад̣̇инаа ад̇хиважанаад̣̇ийнам̣ висаяабхаавз на гожи д̇хаммо важ̇ж̇ид̇о, важанабхааво зва жа ад̇хиважанаад̣̇ийнам̣ вагкамаанзна наязна яуж̇ж̇ад̇ийд̇и ад̇хиббааязнааха ‘‘саб̣б̣ан̃жа важанам̣ ад̇хиважанаад̣̇ибхаавам̣ бхаж̇ад̇ий’’д̇и.
101-108. Vijjāsabhāgatāya, na saṅkappādayo viya vijjāya upakārakabhāvato. ‘‘Abhejjaṃ…pe… ruhatī’’ti ubhayampi anavasesappahānameva sandhāya vuttaṃ. Kiñcāpi hi heṭṭhimamaggehipi pahīyamānā kilesā tena tena odhinā anavasesameva pahīyanti, ye pana avasiṭṭhā bhinditabbā, te lobhādikilesabhāvasāmaññato puna viruḷhā viya honti. Arahattamagge pana uppanne na evaṃ avasiṭṭhābhāvato. Tadupacārena nissayavohārena. Kusalehi tāpetabbāti vā tapaniyā, tadaṅgādivasena bādhitabbā pahātabbāti attho. Samānatthāni adhivacanādīnaṃ saṅkhādibhāvato. ‘‘Sabbeva dhammā adhivacanapathā’’tiādinā adhivacanādīnaṃ visayabhāve na koci dhammo vajjito, vacanabhāvo eva ca adhivacanādīnaṃ vakkhamānena nayena yujjatīti adhippāyenāha ‘‘sabbañca vacanaṃ adhivacanādibhāvaṃ bhajatī’’ti.
109-118. ан̃н̃ам̣ анабзгкид̇ваа саяамзва ад̇д̇ано наамагаран̣асабхааво наамагаран̣адтод̇и, д̇зна аруубад̇хаммаанам̣ вияа обабаад̇иганаамад̇ааяа бат̇авийаад̣̇ийнамби наамабхааво сияаад̇и аасан̇гааяа нивад̇д̇анад̇т̇ам̣ ‘‘нааманд̇араанаабаж̇ж̇анад̇о’’д̇и ааха. на хи винаа бат̇авийаад̣̇инаамзнаби руубад̇хаммаа вияа гзсаад̣̇инаамзхи винаа взд̣̇анаад̣̇инаамзхи ан̃н̃зна наамзна аруубад̇хаммаа бин̣д̣аагаарад̇о вохарийяанд̇ийд̇и. яам̣ бана барасса наамам̣ гарод̇и, д̇асса ан̃н̃аабзгкам̣ наамагаран̣анд̇и наамагаран̣асабхаавад̇аа над̇т̇ийд̇и сааман̃н̃анаамаад̣̇игаран̣аанам̣ наамабхааво наабаж̇ж̇ад̇и. яасса жан̃н̃зхи наамам̣ гарийяад̇и, д̇асса наамагаран̣асабхаавад̇ааяа абхаавоязваад̇и над̇т̇и наамабхааво. яз бана анаабаннанааманд̇араа сабхаавасид̣̇д̇ханаамаа жа, д̇з взд̣̇анаад̣̇аяова наамам̣ наамаад̇и д̣̇ассзнд̇о ‘‘ад̇д̇анааваа’’д̇иаад̣̇имааха. пассаад̣̇ийнам̣ аарамман̣аабхимукад̇аа д̇ам̣ аг̇г̇ахзд̇ваа аббавад̇д̇иязваад̇и д̣̇ассзд̇ум̣ ‘‘авинаабхаавад̇о’’д̇и вуд̇д̇ам̣. ад̇хиважанасампассо маносампассо, со наамаманд̇арзна г̇ахзд̇ум̣ асаггун̣зяяад̇ааяа баагадод̇и нид̣̇ассанабхаавзна вуд̇д̇о. руббанасабхаавзнаад̇и нид̣̇ассанамад̇д̇ам̣ д̣̇адтаб̣б̣ам̣. багаасагабагаасид̇аб̣б̣абхаавзнаби хи винааби наамзна руубад̇хаммаа баагадаа хонд̇ийд̇и. ат̇а ваа багаасагабагаасид̇аб̣б̣абхааво висаяивисаяабхааво жагкуруубаад̣̇ийнам̣ сабхааво, со руббанасабхаавз сааман̃н̃з анд̇ог̇ад̇ход̇и д̣̇адтаб̣б̣ам̣.
109-118. Aññaṃ anapekkhitvā sayameva attano nāmakaraṇasabhāvo nāmakaraṇaṭṭhoti, tena arūpadhammānaṃ viya opapātikanāmatāya pathavīādīnampi nāmabhāvo siyāti āsaṅkāya nivattanatthaṃ ‘‘nāmantarānāpajjanato’’ti āha. Na hi vinā pathavīādināmenapi rūpadhammā viya kesādināmehi vinā vedanādināmehi aññena nāmena arūpadhammā piṇḍākārato voharīyantīti. Yaṃ pana parassa nāmaṃ karoti, tassa aññāpekkhaṃ nāmakaraṇanti nāmakaraṇasabhāvatā natthīti sāmaññanāmādikaraṇānaṃ nāmabhāvo nāpajjati. Yassa caññehi nāmaṃ karīyati, tassa nāmakaraṇasabhāvatāya abhāvoyevāti natthi nāmabhāvo. Ye pana anāpannanāmantarā sabhāvasiddhanāmā ca, te vedanādayova nāmaṃ nāmāti dassento ‘‘attanāvā’’tiādimāha. Phassādīnaṃ ārammaṇābhimukhatā taṃ aggahetvā appavattiyevāti dassetuṃ ‘‘avinābhāvato’’ti vuttaṃ. Adhivacanasamphasso manosamphasso, so nāmamantarena gahetuṃ asakkuṇeyyatāya pākaṭoti nidassanabhāvena vutto. Ruppanasabhāvenāti nidassanamattaṃ daṭṭhabbaṃ. Pakāsakapakāsitabbabhāvenapi hi vināpi nāmena rūpadhammā pākaṭā hontīti. Atha vā pakāsakapakāsitabbabhāvo visayivisayabhāvo cakkhurūpādīnaṃ sabhāvo, so ruppanasabhāve sāmaññe antogadhoti daṭṭhabbaṃ.
119-123. ид̇о буб̣б̣з баригамманд̇иаад̣̇инаа самаабад̇д̇ивудтаанагусалад̇аа вияа самаабад̇д̇игусалад̇ааби жхааналаабхийнам̣язва ход̇ийд̇и вуд̇д̇ам̣ вияа д̣̇иссад̇и. ‘‘ид̇арзсамби ануссававасзна самаабад̇д̇ийнам̣ аббанаабарижчзд̣̇абан̃н̃аа лаб̣бхад̇ий’’д̇и вад̣̇анд̇и. ‘‘звам̣ сийлависод̇ханаад̣̇инаа самаабад̇д̇им̣ аббзд̇ийд̇и ж̇аананагабан̃н̃аа саха баригаммзна аббанаабарижчзд̣̇аж̇аананагабан̃н̃аа’’д̇и гзжи. вудтаанз гусалабхааво вудтаанавасид̇аа. буб̣б̣зд̇и самаабаж̇ж̇анад̇о буб̣б̣з.
119-123. Ito pubbe parikammantiādinā samāpattivuṭṭhānakusalatā viya samāpattikusalatāpi jhānalābhīnaṃyeva hotīti vuttaṃ viya dissati. ‘‘Itaresampi anussavavasena samāpattīnaṃ appanāparicchedapaññā labbhatī’’ti vadanti. ‘‘Evaṃ sīlavisodhanādinā samāpattiṃ appetīti jānanakapaññā saha parikammena appanāparicchedajānanakapaññā’’ti keci. Vuṭṭhāne kusalabhāvo vuṭṭhānavasitā. Pubbeti samāpajjanato pubbe.
124-134. собханз рад̇о сурад̇о, д̇асса бхааво соражжанд̇и ааха ‘‘собханагаммарад̇ад̇аа’’д̇и. судту ваа орад̇о вирад̇о сорад̇о , д̇асса бхааво соражжанд̇и. аяам̣ банад̇т̇о адтагат̇ааяам̣ вуд̇д̇о зва. аббадисан̇каанам̣ мохо. гусалабхааванаа б̣од̇хибагкияад̇хаммаанам̣ вад̣дханаа. сан̃н̃аан̣ам̣ убалагкан̣ам̣. савиг̇г̇ахам̣ саб̣имб̣агам̣. убалагкзд̇аб̣б̣аагаарам̣ д̇хаммаж̇аад̇ам̣, аарамман̣ам̣ ваа. авигкзбод̇и жид̇д̇авигкзбабадибагко. уж̇увибажжанийгад̇ааяа хи бахаанавудтаанзна жа авигкзбо вигкзбам̣ бадигкибад̇и, бавад̇д̇ид̇ум̣ на д̣̇зд̇ийд̇и.
124-134. Sobhane rato surato, tassa bhāvo soraccanti āha ‘‘sobhanakammaratatā’’ti. Suṭṭhu vā orato virato sorato , tassa bhāvo soraccanti. Ayaṃ panattho aṭṭhakathāyaṃ vutto eva. Appaṭisaṅkhānaṃ moho. Kusalabhāvanā bodhipakkhiyadhammānaṃ vaḍḍhanā. Saññāṇaṃ upalakkhaṇaṃ. Saviggahaṃ sabimbakaṃ. Upalakkhetabbākāraṃ dhammajātaṃ, ārammaṇaṃ vā. Avikkhepoti cittavikkhepapaṭipakkho. Ujuvipaccanīkatāya hi pahānavuṭṭhānena ca avikkhepo vikkhepaṃ paṭikkhipati, pavattituṃ na detīti.
135-142. гааран̣асийлам̣ логияам̣. паласийлам̣ логуд̇д̇арам̣ д̇зна сиж̇жхад̇ийд̇и гад̇ваа, логияассаби ваа сийласса гааран̣апалабхааво буб̣б̣аабарабхаавзна д̣̇адтаб̣б̣о. самбаннасамуд̣̇ааяасса барибун̣н̣асамуухасса. агусалаа сийлаа агусалаа самаажаараа. сийласамбад̣̇аа сийласамбад̇д̇и сийлаг̇ун̣аад̇и ад̇т̇о. саход̇д̇аббам̣ н̃аан̣анд̇и од̇д̇аббасса н̃аан̣аббад̇хаанад̇ам̣ ааха, на бана н̃аан̣асса од̇д̇аббасахид̇ад̇аамад̇д̇ам̣. на хи од̇д̇аббарахид̇ам̣ н̃аан̣ам̣ ад̇т̇ийд̇и. ад̇химуд̇д̇ад̇аа абхирад̇ивасзна нираасан̇гаабавад̇д̇и. ниссадад̇аа висам̣яуд̇д̇ад̇аа. зд̇т̇а жа ад̇химуд̇д̇ад̇ааниссадад̇ааважанзхи д̇ад̣̇убхаяабарияааяаа д̣̇вз вимуд̇д̇ияо згасзсанаязна ид̇ха ‘‘вимуд̇д̇ий’’д̇и вуд̇д̇аад̇и д̣̇ассзд̇и. д̇ат̇аа хи вуд̇д̇ам̣ ‘‘жид̇д̇асса жа ад̇химуд̇д̇и ниб̣б̣аанан̃жаа’’д̇и. уббаж̇ж̇ад̇и зд̇знаад̇и уббаад̣̇о, на уббаад̣̇од̇и ануббаад̣̇о, д̇аб̣бхууд̇з ануббаад̣̇абарияосаанз вимогканд̇з ануббаад̣̇асса арияамаг̇г̇асса гилзсаанам̣ ваа ануббаж̇ж̇анасса барияосаанзд̇и таанапалзхи арияапаламзва убалагкийяад̇ийд̇и д̣̇адтаб̣б̣ам̣.
135-142. Kāraṇasīlaṃ lokiyaṃ. Phalasīlaṃ lokuttaraṃ tena sijjhatīti katvā, lokiyassapi vā sīlassa kāraṇaphalabhāvo pubbāparabhāvena daṭṭhabbo. Sampannasamudāyassa paripuṇṇasamūhassa. Akusalā sīlā akusalā samācārā. Sīlasampadā sīlasampatti sīlaguṇāti attho. Sahottappaṃ ñāṇanti ottappassa ñāṇappadhānataṃ āha, na pana ñāṇassa ottappasahitatāmattaṃ. Na hi ottapparahitaṃ ñāṇaṃ atthīti. Adhimuttatā abhirativasena nirāsaṅkāpavatti. Nissaṭatā visaṃyuttatā. Ettha ca adhimuttatānissaṭatāvacanehi tadubhayapariyāyā dve vimuttiyo ekasesanayena idha ‘‘vimuttī’’ti vuttāti dasseti. Tathā hi vuttaṃ ‘‘cittassa ca adhimutti nibbānañcā’’ti. Uppajjati etenāti uppādo, na uppādoti anuppādo, tabbhūte anuppādapariyosāne vimokkhante anuppādassa ariyamaggassa kilesānaṃ vā anuppajjanassa pariyosāneti ṭhānaphalehi ariyaphalameva upalakkhīyatīti daṭṭhabbaṃ.
маад̇игаабад̣̇аван̣н̣анаа нидтид̇аа.
Mātikāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / суд̇д̇анд̇игад̣̇угамаад̇игаа • Suttantikadukamātikā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / суд̇д̇анд̇игад̣̇угамаад̇игаабад̣̇аван̣н̣анаа • Suttantikadukamātikāpadavaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / суд̇д̇анд̇игад̣̇угамаад̇игаабад̣̇аван̣н̣анаа • Suttantikadukamātikāpadavaṇṇanā
