| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
суд̇д̇анд̇игад̣̇уганигкзбагат̇аа
Suttantikadukanikkhepakathā
1303. суд̇д̇анд̇игад̣̇угзсу маад̇игаагат̇ааяам̣ ад̇т̇ад̇о вивзжид̇ад̇д̇аа яаани жа нзсам̣ нид̣̇д̣̇зсабад̣̇аани д̇зсамби хздтаа вуд̇д̇анаязнзва сувин̃н̃зяяад̇д̇аа язбхуяязна уд̇д̇аанад̇т̇аани зва. ид̣̇ам̣ банзд̇т̇а висзсамад̇д̇ам̣ – виж̇ж̇уубамад̣̇угз д̇аава жагкумаа гира бурисо мзгханд̇хагаарз рад̇д̇им̣ маг̇г̇ам̣ бадибаж̇ж̇и. д̇асса анд̇хагаарад̇ааяа маг̇г̇о на бан̃н̃ааяи. виж̇ж̇у нижчарид̇ваа анд̇хагаарам̣ вид̣̇д̇хам̣сзси. ат̇асса анд̇хагааравиг̇амаа маг̇г̇о баагадо ахоси. со д̣̇уд̇ияамби г̇аманам̣ абхинийхари. д̣̇уд̇ияамби анд̇хагааро од̇т̇ари. маг̇г̇о на бан̃н̃ааяи. виж̇ж̇у нижчарид̇ваа д̇ам̣ вид̣̇д̇хам̣сзси. виг̇ад̇з анд̇хагаарз маг̇г̇о баагадо ахоси. д̇ад̇ияамби г̇аманам̣ абхинийхари. анд̇хагааро од̇т̇ари. маг̇г̇о на бан̃н̃ааяи. виж̇ж̇у нижчарид̇ваа анд̇хагаарам̣ вид̣̇д̇хам̣сзси.
1303. Suttantikadukesu mātikākathāyaṃ atthato vivecitattā yāni ca nesaṃ niddesapadāni tesampi heṭṭhā vuttanayeneva suviññeyyattā yebhuyyena uttānatthāni eva. Idaṃ panettha visesamattaṃ – vijjūpamaduke tāva cakkhumā kira puriso meghandhakāre rattiṃ maggaṃ paṭipajji. Tassa andhakāratāya maggo na paññāyi. Vijju niccharitvā andhakāraṃ viddhaṃsesi. Athassa andhakāravigamā maggo pākaṭo ahosi. So dutiyampi gamanaṃ abhinīhari. Dutiyampi andhakāro otthari. Maggo na paññāyi. Vijju niccharitvā taṃ viddhaṃsesi. Vigate andhakāre maggo pākaṭo ahosi. Tatiyampi gamanaṃ abhinīhari. Andhakāro otthari. Maggo na paññāyi. Vijju niccharitvā andhakāraṃ viddhaṃsesi.
д̇ад̇т̇а жагкумад̇о бурисасса анд̇хагаарз маг̇г̇абадибаж̇ж̇анам̣ вияа арияасаавагасса сод̇аабад̇д̇имаг̇г̇ад̇т̇ааяа вибассанаарамбхо. анд̇хагаарз маг̇г̇асса абан̃н̃ааяанагаало вияа сажжажчаад̣̇агад̇амам̣. виж̇ж̇уяаа нижчарид̇ваа анд̇хагаарасса вид̣̇д̇хам̣сид̇агаало вияа сод̇аабад̇д̇имаг̇г̇обхаасзна уббаж̇ж̇ид̇ваа сажжажчаад̣̇агад̇амасса винод̣̇ид̇агаало. виг̇ад̇з анд̇хагаарз маг̇г̇асса баагадагаало вияа сод̇аабад̇д̇имаг̇г̇асса жад̇уннам̣ сажжаанам̣ баагадагаало. маг̇г̇асса баагадам̣ бана маг̇г̇асаман̇г̇ибуг̇г̇аласса баагадамзва. д̣̇уд̇ияаг̇аманаабхинийхааро вияа сагад̣̇ааг̇аамимаг̇г̇ад̇т̇ааяа вибассанаарамбхо. анд̇хагаарз маг̇г̇асса абан̃н̃ааяанагаало вияа сажжажчаад̣̇агад̇амам̣. д̣̇уд̇ияам̣ виж̇ж̇уяаа нижчарид̇ваа анд̇хагаарасса вид̣̇д̇хам̣сид̇агаало вияа сагад̣̇ааг̇аамимаг̇г̇обхаасзна уббаж̇ж̇ид̇ваа сажжажчаад̣̇агад̇амасса винод̣̇ид̇агаало. виг̇ад̇з анд̇хагаарз маг̇г̇асса баагадагаало вияа сагад̣̇ааг̇аамимаг̇г̇асса жад̇уннам̣ сажжаанам̣ баагадагаало. маг̇г̇асса баагадам̣ бана маг̇г̇асаман̇г̇ибуг̇г̇аласса баагадамзва. д̇ад̇ияаг̇аманаабхинийхааро вияа анааг̇аамимаг̇г̇ад̇т̇ааяа вибассанаарамбхо. анд̇хагаарз маг̇г̇асса абан̃н̃ааяанагаало вияа сажжажчаад̣̇агад̇амам̣. д̇ад̇ияам̣ виж̇ж̇уяаа нижчарид̇ваа анд̇хагаарасса вид̣̇д̇хам̣сид̇агаало вияа анааг̇аамимаг̇г̇обхаасзна уббаж̇ж̇ид̇ваа сажжажчаад̣̇агад̇амасса винод̣̇ид̇агаало. виг̇ад̇з анд̇хагаарз маг̇г̇асса баагадагаало вияа анааг̇аамимаг̇г̇асса жад̇уннам̣ сажжаанам̣ баагадагаало. маг̇г̇асса баагадам̣ бана маг̇г̇асаман̇г̇ибуг̇г̇аласса баагадамзва.
Tattha cakkhumato purisassa andhakāre maggapaṭipajjanaṃ viya ariyasāvakassa sotāpattimaggatthāya vipassanārambho. Andhakāre maggassa apaññāyanakālo viya saccacchādakatamaṃ. Vijjuyā niccharitvā andhakārassa viddhaṃsitakālo viya sotāpattimaggobhāsena uppajjitvā saccacchādakatamassa vinoditakālo. Vigate andhakāre maggassa pākaṭakālo viya sotāpattimaggassa catunnaṃ saccānaṃ pākaṭakālo. Maggassa pākaṭaṃ pana maggasamaṅgipuggalassa pākaṭameva. Dutiyagamanābhinīhāro viya sakadāgāmimaggatthāya vipassanārambho. Andhakāre maggassa apaññāyanakālo viya saccacchādakatamaṃ. Dutiyaṃ vijjuyā niccharitvā andhakārassa viddhaṃsitakālo viya sakadāgāmimaggobhāsena uppajjitvā saccacchādakatamassa vinoditakālo. Vigate andhakāre maggassa pākaṭakālo viya sakadāgāmimaggassa catunnaṃ saccānaṃ pākaṭakālo. Maggassa pākaṭaṃ pana maggasamaṅgipuggalassa pākaṭameva. Tatiyagamanābhinīhāro viya anāgāmimaggatthāya vipassanārambho. Andhakāre maggassa apaññāyanakālo viya saccacchādakatamaṃ. Tatiyaṃ vijjuyā niccharitvā andhakārassa viddhaṃsitakālo viya anāgāmimaggobhāsena uppajjitvā saccacchādakatamassa vinoditakālo. Vigate andhakāre maggassa pākaṭakālo viya anāgāmimaggassa catunnaṃ saccānaṃ pākaṭakālo. Maggassa pākaṭaṃ pana maggasamaṅgipuggalassa pākaṭameva.
важ̇ирасса бана баасаан̣о ваа ман̣и ваа абхзж̇ж̇о наама над̇т̇и. яад̇т̇а бад̇ад̇и д̇ам̣ винивид̣̇д̇хамзва ход̇и. важ̇ирам̣ кзбзнд̇ам̣ асзсзд̇ваа кзбзд̇и. важ̇ирзна г̇ад̇амаг̇г̇о наама буна баагад̇иго на ход̇и. звамзва арахад̇д̇амаг̇г̇асса аваж̇жхагилзсо наама над̇т̇и. саб̣б̣агилзсз винивиж̇жхад̇и важ̇ирам̣ вияа. арахад̇д̇амаг̇г̇оби гилзсз кзбзнд̇о асзсзд̇ваа кзбзд̇и. важ̇ирзна г̇ад̇амаг̇г̇асса буна баагад̇игад̇д̇аабхааво вияа арахад̇д̇амаг̇г̇зна бахийнагилзсаанам̣ буна бажжуд̣̇аавад̇д̇анам̣ наама над̇т̇ийд̇и.
Vajirassa pana pāsāṇo vā maṇi vā abhejjo nāma natthi. Yattha patati taṃ vinividdhameva hoti. Vajiraṃ khepentaṃ asesetvā khepeti. Vajirena gatamaggo nāma puna pākatiko na hoti. Evameva arahattamaggassa avajjhakileso nāma natthi. Sabbakilese vinivijjhati vajiraṃ viya. Arahattamaggopi kilese khepento asesetvā khepeti. Vajirena gatamaggassa puna pākatikattābhāvo viya arahattamaggena pahīnakilesānaṃ puna paccudāvattanaṃ nāma natthīti.
1307. б̣аалад̣̇уганид̣̇д̣̇зсз б̣аалзсу ахиригаанод̇д̇аббаани баагадаани, муулаани жа сзсаанам̣ б̣аалад̇хаммаанам̣. ахириго хи анод̇д̇аббий жа на гин̃жи агусалам̣ на гарод̇и наамаад̇и. зд̇аани д̣̇вз батамам̣язва висум̣ вуд̇д̇аани. суггабагкзби аяамзва наяо. д̇ат̇аа ган̣хад̣̇угз.
1307. Bāladukaniddese bālesu ahirikānottappāni pākaṭāni, mūlāni ca sesānaṃ bāladhammānaṃ. Ahiriko hi anottappī ca na kiñci akusalaṃ na karoti nāmāti. Etāni dve paṭhamaṃyeva visuṃ vuttāni. Sukkapakkhepi ayameva nayo. Tathā kaṇhaduke.
1311. д̇абанийяад̣̇уганид̣̇д̣̇зсз гад̇ад̇д̇аа жа агад̇ад̇д̇аа жа д̇абанам̣ взд̣̇ид̇аб̣б̣ам̣. гааяад̣̇ужжарид̇аад̣̇ийни хи гад̇ад̇д̇аа д̇абанд̇и, гааяасужарид̇аад̣̇ийни агад̇ад̇д̇аа. д̇ат̇аа хи буг̇г̇ало ‘гад̇ам̣ мз гааяад̣̇ужжарид̇а’нд̇и д̇аббад̇и, ‘агад̇ам̣ мз гааяасужарид̇а’нд̇и д̇аббад̇и. ‘гад̇ам̣ мз важийд̣̇ужжарид̇а’нд̇и д̇аббад̇и…бз… ‘агад̇ам̣ мз маносужарид̇а’нд̇и д̇аббад̇и. ад̇абанийязби зсзва наяо. галяаан̣агаарий хи буг̇г̇ало ‘гад̇ам̣ мз гааяасужарид̇а’нд̇и на д̇аббад̇и, ‘агад̇ам̣ мз гааяад̣̇ужжарид̇а’нд̇и на д̇аббад̇и…бз… ‘агад̇ам̣ мз манод̣̇ужжарид̇а’нд̇и на д̇аббад̇ийд̇и (а. ни. 2.3).
1311. Tapanīyadukaniddese katattā ca akatattā ca tapanaṃ veditabbaṃ. Kāyaduccaritādīni hi katattā tapanti, kāyasucaritādīni akatattā. Tathā hi puggalo ‘kataṃ me kāyaduccarita’nti tappati, ‘akataṃ me kāyasucarita’nti tappati. ‘Kataṃ me vacīduccarita’nti tappati…pe… ‘akataṃ me manosucarita’nti tappati. Atapanīyepi eseva nayo. Kalyāṇakārī hi puggalo ‘kataṃ me kāyasucarita’nti na tappati, ‘akataṃ me kāyaduccarita’nti na tappati…pe… ‘akataṃ me manoduccarita’nti na tappatīti (a. ni. 2.3).
1313. ад̇хиважанад̣̇уганид̣̇д̣̇зсз яаа д̇зсам̣ д̇зсам̣ д̇хаммаананд̇и саб̣б̣ад̇хаммаг̇г̇ахан̣ам̣. сан̇кааяад̇ийд̇и сан̇каа, сам̣гат̇ияад̇ийд̇и ад̇т̇о. гинд̇и сам̣гат̇ияад̇и? аханд̇и маманд̇и барод̇и барассаад̇и сад̇д̇од̇и бхаавод̇и босод̇и буг̇г̇алод̇и народ̇и маан̣авод̇и д̇иссод̇и д̣̇ад̇д̇од̇и, ‘ман̃жо бийтам̣ бхиси б̣имб̣оханам̣’ ‘вихааро баривзн̣ам̣ д̣̇ваарам̣ ваад̇абаана’нд̇и звам̣ анзгзхи аагаарзхи сам̣гат̇ияад̇ийд̇и ‘сан̇каа’. саман̃н̃ааяад̇ийд̇и саман̃н̃аа. гинд̇и саман̃н̃ааяад̇и? ‘аханд̇и…бз… ваад̇абаана’нд̇и саман̃н̃ааяад̇ийд̇и ‘саман̃н̃аа’. бан̃н̃аабияад̇ийд̇и бан̃н̃ад̇д̇и. вохарияад̇ийд̇и вохааро. гинд̇и вохарияад̇и? ‘аха’нд̇и…бз… ‘ваад̇абаана’нд̇и вохарияад̇ийд̇и вохааро.
1313. Adhivacanadukaniddese yā tesaṃ tesaṃ dhammānanti sabbadhammaggahaṇaṃ. Saṅkhāyatīti saṅkhā, saṃkathiyatīti attho. Kinti saṃkathiyati? Ahanti mamanti paroti parassāti sattoti bhāvoti posoti puggaloti naroti māṇavoti tissoti dattoti, ‘mañco pīṭhaṃ bhisi bimbohanaṃ’ ‘vihāro pariveṇaṃ dvāraṃ vātapāna’nti evaṃ anekehi ākārehi saṃkathiyatīti ‘saṅkhā’. Samaññāyatīti samaññā. Kinti samaññāyati? ‘Ahanti…pe… vātapāna’nti samaññāyatīti ‘samaññā’. Paññāpiyatīti paññatti. Vohariyatīti vohāro. Kinti vohariyati? ‘Aha’nti…pe… ‘vātapāna’nti vohariyatīti vohāro.
нааманд̇и жад̇уб̣б̣ид̇хам̣ наамам̣ – сааман̃н̃анаамам̣ г̇ун̣анаамам̣ гид̇д̇иманаамам̣ обабаад̇иганааманд̇и. д̇ад̇т̇а батамагаббигзсу махааж̇анзна самманнид̇ваа табид̇ад̇д̇аа махаасаммад̇од̇и ран̃н̃о наамам̣ ‘сааман̃н̃анаамам̣’ наама. яам̣ санд̇хааяа вуд̇д̇ам̣ – ‘‘махааж̇анасаммад̇од̇и ко, ваасздта, махаасаммад̇о д̇взва батамам̣ агкарам̣ убаниб̣б̣ад̇д̇а’’нд̇и (д̣̇ий. ни. 3.131). д̇хаммагат̇иго бам̣сугуулиго винаяад̇харо д̇збидаго сад̣̇д̇хо басаннод̇и зваруубам̣ г̇ун̣ад̇о ааг̇ад̇анаамам̣ ‘г̇ун̣анаамам̣’ наама. бхаг̇аваа арахам̣ саммаасамб̣уд̣̇д̇ход̇иаад̣̇ийниби д̇ат̇ааг̇ад̇асса анзгаани наамасад̇аани г̇ун̣анаамаанзва. д̇зна вуд̇д̇ам̣ –
Nāmanti catubbidhaṃ nāmaṃ – sāmaññanāmaṃ guṇanāmaṃ kittimanāmaṃ opapātikanāmanti. Tattha paṭhamakappikesu mahājanena sammannitvā ṭhapitattā mahāsammatoti rañño nāmaṃ ‘sāmaññanāmaṃ’ nāma. Yaṃ sandhāya vuttaṃ – ‘‘mahājanasammatoti kho, vāseṭṭha, mahāsammato tveva paṭhamaṃ akkharaṃ upanibbatta’’nti (dī. ni. 3.131). Dhammakathiko paṃsukūliko vinayadharo tepiṭako saddho pasannoti evarūpaṃ guṇato āgatanāmaṃ ‘guṇanāmaṃ’ nāma. Bhagavā arahaṃ sammāsambuddhotiādīnipi tathāgatassa anekāni nāmasatāni guṇanāmāneva. Tena vuttaṃ –
‘‘асан̇кязяяаани наамаани, саг̇ун̣зна махзсино;
‘‘Asaṅkhyeyyāni nāmāni, saguṇena mahesino;
г̇ун̣зна наамамуд̣̇д̇хзяяам̣, аби наамасахассад̇о’’д̇и.
Guṇena nāmamuddheyyaṃ, api nāmasahassato’’ti.
яам̣ бана ж̇аад̇асса гумаарагасса наамаг̇г̇ахан̣ад̣̇ивасз д̣̇агкин̣зяяаанам̣ саггаарам̣ гад̇ваа самийбз тид̇аа н̃аад̇агаа габбзд̇ваа багаббзд̇ваа ‘аяам̣ асугонаамаа’д̇и наамам̣ гаронд̇и, ид̣̇ам̣ ‘гид̇д̇иманаама’ наама. яаа бана буримабан̃н̃ад̇д̇и бажчимабан̃н̃ад̇д̇ияам̣ бад̇ад̇и, буримавохааро бажчимавохаарз бад̇ад̇и, сзяяат̇ид̣̇ам̣ – буримагаббзби жанд̣̇о жанд̣̇оязва наама, зд̇арахиби жанд̣̇ова. ад̇ийд̇з суурияо… самуд̣̇д̣̇о… бат̇авий… баб̣б̣ад̇о баб̣б̣ад̇оязва, наама, зд̇арахиби баб̣б̣ад̇оязваад̇и ид̣̇ам̣ ‘обабаад̇иганаамам̣’ наама. ид̣̇ам̣ жад̇уб̣б̣ид̇хамби наамам̣ зд̇т̇а наамамзва ход̇и.
Yaṃ pana jātassa kumārakassa nāmaggahaṇadivase dakkhiṇeyyānaṃ sakkāraṃ katvā samīpe ṭhitā ñātakā kappetvā pakappetvā ‘ayaṃ asukonāmā’ti nāmaṃ karonti, idaṃ ‘kittimanāma’ nāma. Yā pana purimapaññatti pacchimapaññattiyaṃ patati, purimavohāro pacchimavohāre patati, seyyathidaṃ – purimakappepi cando candoyeva nāma, etarahipi candova. Atīte sūriyo… samuddo… pathavī… pabbato pabbatoyeva, nāma, etarahipi pabbatoyevāti idaṃ ‘opapātikanāmaṃ’ nāma. Idaṃ catubbidhampi nāmaṃ ettha nāmameva hoti.
наамагамманд̇и наамагаран̣ам̣. наамад̇хзяяанд̇и наамадтабанам̣. нируд̇д̇ийд̇и нааманируд̇д̇и. б̣яан̃ж̇ананд̇и наамаб̣яан̃ж̇анам̣. яасмаа банзд̇ам̣ ад̇т̇ам̣ б̣яан̃ж̇зд̇и д̇асмаа звам̣ вуд̇д̇ам̣. абхилаабод̇и наамаабхилаабова. саб̣б̣зва д̇хаммаа ад̇хиважанабат̇аад̇и ад̇хиважанасса нобат̇ад̇хаммо наама над̇т̇и. згад̇хаммо саб̣б̣ад̇хаммзсу нибад̇ад̇и, саб̣б̣ад̇хаммаа згад̇хаммасмим̣ нибад̇анд̇и. гат̇ам̣? аяан̃хи наамабан̃н̃ад̇д̇и згад̇хаммо, со саб̣б̣зсу жад̇убхуумагад̇хаммзсу нибад̇ад̇и. сад̇д̇оби сан̇каароби наамад̇о муд̇д̇аго наама над̇т̇и.
Nāmakammanti nāmakaraṇaṃ. Nāmadheyyanti nāmaṭṭhapanaṃ. Niruttīti nāmanirutti. Byañjananti nāmabyañjanaṃ. Yasmā panetaṃ atthaṃ byañjeti tasmā evaṃ vuttaṃ. Abhilāpoti nāmābhilāpova. Sabbeva dhammā adhivacanapathāti adhivacanassa nopathadhammo nāma natthi. Ekadhammo sabbadhammesu nipatati, sabbadhammā ekadhammasmiṃ nipatanti. Kathaṃ? Ayañhi nāmapaññatti ekadhammo, so sabbesu catubhūmakadhammesu nipatati. Sattopi saṅkhāropi nāmato muttako nāma natthi.
адавийбаб̣б̣ад̇аад̣̇ийсу ругкоби ж̇аанабад̣̇аанам̣ бхааро. д̇з хи ‘аяам̣ гим̣ ругко наамаа’д̇и будтаа ‘кад̣̇иро’ ‘балаасо’д̇и ад̇д̇анаа ж̇аананаганаамам̣ гат̇знд̇и. яасса наамам̣ на ж̇аананд̇и д̇амби ‘анаамаго’ наамаад̇и вад̣̇анд̇и. д̇амби д̇асса наамад̇хзяяамзва худ̇ваа д̇идтад̇и. самуд̣̇д̣̇з мажчагажчабаад̣̇ийсуби зсзва наяо. ид̇арз д̣̇вз д̣̇угаа иминаа самаанад̇т̇аа зва.
Aṭavīpabbatādīsu rukkhopi jānapadānaṃ bhāro. Te hi ‘ayaṃ kiṃ rukkho nāmā’ti puṭṭhā ‘khadiro’ ‘palāso’ti attanā jānanakanāmaṃ kathenti. Yassa nāmaṃ na jānanti tampi ‘anāmako’ nāmāti vadanti. Tampi tassa nāmadheyyameva hutvā tiṭṭhati. Samudde macchakacchapādīsupi eseva nayo. Itare dve dukā iminā samānatthā eva.
1316. наамаруубад̣̇угз наамагаран̣адтзна жа наманадтзна жа нааманадтзна жа наамам̣. д̇ад̇т̇а жад̇д̇ааро канд̇хаа д̇аава наамагаран̣адтзна ‘наамам̣’. яат̇аа хи махааж̇анасаммад̇ад̇д̇аа махаасаммад̇асса махаасаммад̇од̇и наамам̣ ахоси, яат̇аа ваа маад̇аабид̇аро ‘аяам̣ д̇иссо наама ход̇у, пуссо наама ход̇уу’д̇и звам̣ буд̇д̇асса гид̇д̇иманаамам̣ гаронд̇и, яат̇аа ваа ‘д̇хаммагат̇иго’ ‘винаяад̇харо’д̇и г̇ун̣ад̇о наамам̣ ааг̇ажчад̇и, на звам̣ взд̣̇анаад̣̇ийнам̣. взд̣̇анаад̣̇аяо хи махаабат̇авийаад̣̇аяо вияа ад̇д̇ано наамам̣ гаронд̇аава уббаж̇ж̇анд̇и. д̇зсу уббаннзсу д̇зсам̣ наамам̣ уббаннамзва ход̇и. на хи взд̣̇анам̣ уббаннам̣ ‘д̇вам̣ взд̣̇анаа наама хохий’д̇и гожи бхан̣ад̇и. на жа д̇ассаа наамаг̇г̇ахан̣агижжам̣ ад̇т̇и. яат̇аа бат̇авияаа уббаннааяа ‘д̇вам̣ бат̇авий наама хохий’д̇и наамаг̇г̇ахан̣агижжам̣ над̇т̇и, жаггаваал̣асинзружанд̣̇имасуурияанагкад̇д̇зсу уббаннзсу ‘д̇вам̣ жаггаваал̣ам̣ наама хохи д̇вам̣ нагкад̇д̇ам̣ наама хохий’д̇и наамаг̇г̇ахан̣агижжам̣ над̇т̇и, наамам̣ уббаннамзва ход̇и, обабаад̇игабан̃н̃ад̇д̇ияам̣ нибад̇ад̇и, звам̣ взд̣̇анааяа уббаннааяа ‘д̇вам̣ взд̣̇анаа наама хохий’д̇и наамаг̇г̇ахан̣агижжам̣ над̇т̇и. д̇ааяа уббаннааяа взд̣̇анаад̇и наамам̣ уббаннамзва ход̇и. обабаад̇игабан̃н̃ад̇д̇ияам̣ нибад̇ад̇и. сан̃н̃аад̣̇ийсуби зсзва наяо. ад̇ийд̇зби хи взд̣̇анаа взд̣̇анааязва, сан̃н̃аа… сан̇каараа… вин̃н̃аан̣ам̣ вин̃н̃аан̣амзва. анааг̇ад̇зби, бажжуббаннзби. ниб̣б̣аанам̣ бана сад̣̇ааби ниб̣б̣аанамзваад̇и. ‘наамагаран̣адтзна’ наамам̣.
1316. Nāmarūpaduke nāmakaraṇaṭṭhena ca namanaṭṭhena ca nāmanaṭṭhena ca nāmaṃ. Tattha cattāro khandhā tāva nāmakaraṇaṭṭhena ‘nāmaṃ’. Yathā hi mahājanasammatattā mahāsammatassa mahāsammatoti nāmaṃ ahosi, yathā vā mātāpitaro ‘ayaṃ tisso nāma hotu, phusso nāma hotū’ti evaṃ puttassa kittimanāmaṃ karonti, yathā vā ‘dhammakathiko’ ‘vinayadharo’ti guṇato nāmaṃ āgacchati, na evaṃ vedanādīnaṃ. Vedanādayo hi mahāpathavīādayo viya attano nāmaṃ karontāva uppajjanti. Tesu uppannesu tesaṃ nāmaṃ uppannameva hoti. Na hi vedanaṃ uppannaṃ ‘tvaṃ vedanā nāma hohī’ti koci bhaṇati. Na ca tassā nāmaggahaṇakiccaṃ atthi. Yathā pathaviyā uppannāya ‘tvaṃ pathavī nāma hohī’ti nāmaggahaṇakiccaṃ natthi, cakkavāḷasinerucandimasūriyanakkhattesu uppannesu ‘tvaṃ cakkavāḷaṃ nāma hohi tvaṃ nakkhattaṃ nāma hohī’ti nāmaggahaṇakiccaṃ natthi, nāmaṃ uppannameva hoti, opapātikapaññattiyaṃ nipatati, evaṃ vedanāya uppannāya ‘tvaṃ vedanā nāma hohī’ti nāmaggahaṇakiccaṃ natthi. Tāya uppannāya vedanāti nāmaṃ uppannameva hoti. Opapātikapaññattiyaṃ nipatati. Saññādīsupi eseva nayo. Atītepi hi vedanā vedanāyeva, saññā… saṅkhārā… viññāṇaṃ viññāṇameva. Anāgatepi, paccuppannepi. Nibbānaṃ pana sadāpi nibbānamevāti. ‘Nāmakaraṇaṭṭhena’ nāmaṃ.
‘наманадтзнаа’би жзд̇т̇а жад̇д̇ааро канд̇хаа наамам̣. д̇з хи аарамман̣аабхимукаа наманд̇и. ‘нааманадтзна’ саб̣б̣амби наамам̣. жад̇д̇ааро хи канд̇хаа аарамман̣з ан̃н̃аман̃н̃ам̣ наамзнд̇и. ниб̣б̣аанам̣ аарамман̣аад̇хибад̇ибажжаяад̇ааяа ад̇д̇ани анаваж̇ж̇ад̇хаммз наамзд̇и.
‘Namanaṭṭhenā’pi cettha cattāro khandhā nāmaṃ. Te hi ārammaṇābhimukhā namanti. ‘Nāmanaṭṭhena’ sabbampi nāmaṃ. Cattāro hi khandhā ārammaṇe aññamaññaṃ nāmenti. Nibbānaṃ ārammaṇādhipatipaccayatāya attani anavajjadhamme nāmeti.
1318. авиж̇ж̇аабхавад̇ан̣хаа ваддамууласамуд̣̇аажаарад̣̇ассанад̇т̇ам̣ г̇ахид̇аа.
1318. Avijjābhavataṇhā vaṭṭamūlasamudācāradassanatthaṃ gahitā.
1320. бхависсад̇и ад̇д̇аа жа лого жаад̇и канд̇хабан̃жагам̣ ад̇д̇аа жа лого жаад̇и г̇ахзд̇ваа ‘д̇ам̣ бхависсад̇ий’д̇и г̇ахан̣аагаарзна нивидтаа сассад̇ад̣̇идти. д̣̇уд̇ияаа ‘на бхависсад̇ий’д̇и аагаарзна нивидтаа ужчзд̣̇ад̣̇идти.
1320. Bhavissati attā ca loko cāti khandhapañcakaṃ attā ca loko cāti gahetvā ‘taṃ bhavissatī’ti gahaṇākārena niviṭṭhā sassatadiṭṭhi. Dutiyā ‘na bhavissatī’ti ākārena niviṭṭhā ucchedadiṭṭhi.
1326. буб̣б̣анд̇ам̣ аараб̣бхаад̇и ад̇ийд̇агодтаасам̣ аарамман̣ам̣ гарид̇ваа. иминаа б̣рахмаж̇аалз ааг̇ад̇аа адтаараса буб̣б̣анд̇аануд̣̇идтияо г̇ахид̇аа. абаранд̇ам̣ аараб̣бхаад̇и анааг̇ад̇агодтаасам̣ аарамман̣ам̣ гарид̇ваа. иминаа д̇ад̇т̇зва ааг̇ад̇аа жад̇ужад̇д̇аалийса абаранд̇аануд̣̇идтияо г̇ахид̇аа.
1326. Pubbantaṃārabbhāti atītakoṭṭhāsaṃ ārammaṇaṃ karitvā. Iminā brahmajāle āgatā aṭṭhārasa pubbantānudiṭṭhiyo gahitā. Aparantaṃ ārabbhāti anāgatakoṭṭhāsaṃ ārammaṇaṃ karitvā. Iminā tattheva āgatā catucattālīsa aparantānudiṭṭhiyo gahitā.
1332. д̣̇оважассад̇аанид̣̇д̣̇зсз сахад̇хаммигз вужжамаанзд̇и сахад̇хаммигам̣ наама яам̣ бхаг̇авад̇аа бан̃н̃ад̇д̇ам̣ сигкаабад̣̇ам̣, д̇асмим̣ вад̇т̇ум̣ д̣̇ассзд̇ваа аабад̇д̇им̣ ааробзд̇ваа ‘ид̣̇ам̣ наама д̇вам̣ аабад̇д̇им̣ аабанно, ин̇гха д̣̇зсзхи вудтаахи бадигарохий’д̇и вужжамаанз. д̣̇оважассааяанд̇иаад̣̇ийсу звам̣ жод̣̇ияамаанасса бадижод̣̇анааяа ваа аббад̣̇агкин̣аг̇аахид̇ааяа ваа д̣̇уб̣б̣ажасса гаммам̣ д̣̇оважассааяам̣. д̇ад̣̇зва д̣̇оважассанд̇иби вужжад̇и. д̇асса бхааво д̣̇оважассияам̣. ид̇арам̣ д̇ассзва взважанам̣. виббадигуулаг̇аахид̇аад̇и виломаг̇аахид̇аа. виломаг̇ахан̣асан̇каад̇зна вибажжанийгзна саад̇ам̣ ассаад̇и вибажжанийгасаад̇о. ‘бадаан̣игаг̇ахан̣ам̣ г̇ахзд̇ваа згабад̣̇знзва д̇ам̣ ниссад̣̇д̣̇амагааси’нд̇и сукам̣ бадилабханд̇ассзд̇ам̣ ад̇хиважанам̣. д̇асса бхааво вибажжанийгасаад̇ад̇аа. оваад̣̇ам̣ анаад̣̇ияанавасзна анаад̣̇арасса бхааво анаад̣̇арияам̣. ид̇арам̣ д̇ассзва взважанам̣. анаад̣̇ияанаагааро ваа анаад̣̇арад̇аа. г̇аруваасам̣ авасанавасзна уббанно аг̇ааравабхааво аг̇ааравад̇аа. саж̇здтагаваасам̣ авасанавасзна уббанно аббадиссавабхааво аббадиссавад̇аа. аяам̣ вужжад̇ийд̇и аяам̣ зваруубаа д̣̇оважассад̇аа наама вужжад̇и. ад̇т̇ад̇о банзсаа д̇знаагаарзна бавад̇д̇аа жад̇д̇ааро канд̇хаа, сан̇каарагканд̇хоязва ваад̇и. баабамид̇д̇ад̇аад̣̇ийсуби зсзва наяо. д̣̇оважассад̇аа баабамид̇д̇ад̇аад̣̇аяо хи висум̣ жзд̇асигад̇хаммаа наама над̇т̇и.
1332. Dovacassatāniddese sahadhammike vuccamāneti sahadhammikaṃ nāma yaṃ bhagavatā paññattaṃ sikkhāpadaṃ, tasmiṃ vatthuṃ dassetvā āpattiṃ āropetvā ‘idaṃ nāma tvaṃ āpattiṃ āpanno, iṅgha desehi vuṭṭhāhi paṭikarohī’ti vuccamāne. Dovacassāyantiādīsu evaṃ codiyamānassa paṭicodanāya vā appadakkhiṇagāhitāya vā dubbacassa kammaṃ dovacassāyaṃ. Tadeva dovacassantipi vuccati. Tassa bhāvo dovacassiyaṃ. Itaraṃ tasseva vevacanaṃ. Vippaṭikūlagāhitāti vilomagāhitā. Vilomagahaṇasaṅkhātena vipaccanīkena sātaṃ assāti vipaccanīkasāto. ‘Paṭāṇikagahaṇaṃ gahetvā ekapadeneva taṃ nissaddamakāsi’nti sukhaṃ paṭilabhantassetaṃ adhivacanaṃ. Tassa bhāvo vipaccanīkasātatā. Ovādaṃ anādiyanavasena anādarassa bhāvo anādariyaṃ. Itaraṃ tasseva vevacanaṃ. Anādiyanākāro vā anādaratā. Garuvāsaṃ avasanavasena uppanno agāravabhāvo agāravatā. Sajeṭṭhakavāsaṃ avasanavasena uppanno appaṭissavabhāvo appaṭissavatā. Ayaṃ vuccatīti ayaṃ evarūpā dovacassatā nāma vuccati. Atthato panesā tenākārena pavattā cattāro khandhā, saṅkhārakkhandhoyeva vāti. Pāpamittatādīsupi eseva nayo. Dovacassatā pāpamittatādayo hi visuṃ cetasikadhammā nāma natthi.
1333. над̇т̇и зд̇зсам̣ сад̣̇д̇хаад̇и ассад̣̇д̇хаа; б̣уд̣̇д̇хаад̣̇ийни вад̇т̇ууни на сад̣̇д̣̇аханд̇ийд̇и ад̇т̇о. д̣̇уссийлаад̇и сийласса д̣̇уннаамам̣ над̇т̇и, ниссийлаад̇и ад̇т̇о. аббассуд̇аад̇и суд̇арахид̇аа. бан̃жа мажчарияаани зд̇зсам̣ ад̇т̇ийд̇и мажчарино. д̣̇уббан̃н̃аад̇и ниббан̃н̃аа. сзванагавасзна сзванаа. б̣алавасзванаа нисзванаа. саб̣б̣ад̇обхааг̇зна сзванаа сам̣сзванаа. убасаг̇г̇авасзна ваа бад̣̇ам̣ вад̣дхид̇ам̣. д̇ийхиби сзванаава гат̇ид̇аа. бхаж̇анаад̇и убасан̇гаманаа. самбхаж̇анаад̇и саб̣б̣ад̇обхааг̇зна бхаж̇анаа. убасаг̇г̇авасзна ваа бад̣̇ам̣ вад̣дхид̇ам̣. бхад̇д̇ийд̇и д̣̇ал̣хабхад̇д̇и. самбхад̇д̇ийд̇и саб̣б̣ад̇обхааг̇зна бхад̇д̇и. убасаг̇г̇авасзна ваа бад̣̇ам̣ вад̣дхид̇ам̣. д̣̇вийхиби д̣̇ал̣хабхад̇д̇и зва гат̇ид̇аа. д̇ам̣самбаван̇гад̇аад̇и д̇зсу буг̇г̇алзсу гааязна жзва жид̇д̇зна жа самбаван̇габхааво; д̇анниннад̇аа д̇аббон̣ад̇аа д̇аббаб̣бхаарад̇аад̇и ад̇т̇о.
1333. Natthi etesaṃ saddhāti assaddhā; buddhādīni vatthūni na saddahantīti attho. Dussīlāti sīlassa dunnāmaṃ natthi, nissīlāti attho. Appassutāti sutarahitā. Pañca macchariyāni etesaṃ atthīti maccharino. Duppaññāti nippaññā. Sevanakavasena sevanā. Balavasevanā nisevanā. Sabbatobhāgena sevanā saṃsevanā. Upasaggavasena vā padaṃ vaḍḍhitaṃ. Tīhipi sevanāva kathitā. Bhajanāti upasaṅkamanā. Sambhajanāti sabbatobhāgena bhajanā. Upasaggavasena vā padaṃ vaḍḍhitaṃ. Bhattīti daḷhabhatti. Sambhattīti sabbatobhāgena bhatti. Upasaggavasena vā padaṃ vaḍḍhitaṃ. Dvīhipi daḷhabhatti eva kathitā. Taṃsampavaṅkatāti tesu puggalesu kāyena ceva cittena ca sampavaṅkabhāvo; tanninnatā tappoṇatā tappabbhāratāti attho.
1334. соважассад̇аад̣̇уганид̣̇д̣̇зсоби вуд̇д̇абадибагканаязна взд̣̇ид̇аб̣б̣о.
1334. Sovacassatādukaniddesopi vuttapaṭipakkhanayena veditabbo.
1336. бан̃жаби аабад̇д̇игканд̇хаад̇и маад̇игаанид̣̇д̣̇зсзна ‘баарааж̇игам̣ сан̇гхаад̣̇исзсам̣ баажид̇д̇ияам̣ баадид̣̇зсанийяам̣ д̣̇уггада’нд̇и имаа бан̃жа аабад̇д̇ияо. сад̇д̇аби аабад̇д̇игканд̇хаад̇и винаяанид̣̇д̣̇зсзна ‘баарааж̇игам̣ сан̇гхаад̣̇исзсам̣ т̇уллажжаяам̣ баажид̇д̇ияам̣ баадид̣̇зсанийяам̣ д̣̇уггадам̣ д̣̇уб̣бхаасид̇а’нд̇и имаа сад̇д̇а аабад̇д̇ияо. д̇ад̇т̇а саха вад̇т̇унаа д̇аасам̣ аабад̇д̇ийнам̣ барижчзд̣̇аж̇аананагабан̃н̃аа аабад̇д̇игусалад̇аа наама. саха гаммаваажааяа аабад̇д̇ивудтаанабарижчзд̣̇аж̇аананагабан̃н̃аа бана аабад̇д̇ивудтаанагусалад̇аа наама.
1336. Pañcapiāpattikkhandhāti mātikāniddesena ‘pārājikaṃ saṅghādisesaṃ pācittiyaṃ pāṭidesanīyaṃ dukkaṭa’nti imā pañca āpattiyo. Sattapi āpattikkhandhāti vinayaniddesena ‘pārājikaṃ saṅghādisesaṃ thullaccayaṃ pācittiyaṃ pāṭidesanīyaṃ dukkaṭaṃ dubbhāsita’nti imā satta āpattiyo. Tattha saha vatthunā tāsaṃ āpattīnaṃ paricchedajānanakapaññā āpattikusalatā nāma. Saha kammavācāya āpattivuṭṭhānaparicchedajānanakapaññā pana āpattivuṭṭhānakusalatā nāma.
1338. самаабаж̇ж̇ид̇аб̣б̣ад̇о самаабад̇д̇и. саха баригаммзна аббанаабарижчзд̣̇аж̇аананагабан̃н̃аа бана самаабад̇д̇игусалад̇аа наама. ‘жанд̣̇з ваа суурияз ваа нагкад̇д̇з ваа зд̇д̇агам̣ таанам̣ г̇ад̇з вудтахиссаамий’д̇и авираж̇жхид̇ваа д̇асмим̣язва самаяз вудтаанагабан̃н̃ааяа ад̇т̇ид̇ааяа самаабад̇д̇ивудтаанагусалад̇аа наама.
1338. Samāpajjitabbato samāpatti. Saha parikammena appanāparicchedajānanakapaññā pana samāpattikusalatā nāma. ‘Cande vā sūriye vā nakkhatte vā ettakaṃ ṭhānaṃ gate vuṭṭhahissāmī’ti avirajjhitvā tasmiṃyeva samaye vuṭṭhānakapaññāya atthitāya samāpattivuṭṭhānakusalatā nāma.
1340. адтаарасаннам̣ д̇хаад̇уунам̣ уг̇г̇ахаманасигаарасаванад̇хааран̣абарижчзд̣̇аж̇аананагабан̃н̃аа д̇хаад̇угусалад̇аа наама. д̇аасам̣язва уг̇г̇ахаманасигаараж̇аананагабан̃н̃аа манасигаарагусалад̇аа наама.
1340. Aṭṭhārasannaṃ dhātūnaṃ uggahamanasikārasavanadhāraṇaparicchedajānanakapaññā dhātukusalatā nāma. Tāsaṃyeva uggahamanasikārajānanakapaññā manasikārakusalatā nāma.
1342. д̣̇ваад̣̇асаннам̣ ааяад̇анаанам̣ уг̇г̇ахаманасигаарасаванад̇хааран̣абарижчзд̣̇аж̇аананагабан̃н̃аа лад̇аа наама. д̇ийсуби ваа зд̇аасу гусалад̇аасу уг̇г̇ахо манасигааро саванам̣ саммасанам̣ бадивзд̇хо бажжавзгкан̣аад̇и саб̣б̣ам̣ ваддад̇и. д̇ад̇т̇а саванауг̇г̇ахабажжавзгкан̣аа логияаа, бадивзд̇хо логуд̇д̇аро. саммасанаманасигаараа логияалогуд̇д̇арамиссагаа. ‘авиж̇ж̇аабажжаяаа сан̇каараа’д̇иаад̣̇ийни (вибха. адта. 225) бадижжасамуббаад̣̇авибхан̇г̇з аавибхависсанд̇и. ‘иминаа бана бажжаязна ид̣̇ам̣ ход̇ий’д̇и ж̇аананагабан̃н̃аа бадижжасамуббаад̣̇агусалад̇аа наама.
1342. Dvādasannaṃ āyatanānaṃ uggahamanasikārasavanadhāraṇaparicchedajānanakapaññā latā nāma. Tīsupi vā etāsu kusalatāsu uggaho manasikāro savanaṃ sammasanaṃ paṭivedho paccavekkhaṇāti sabbaṃ vaṭṭati. Tattha savanauggahapaccavekkhaṇā lokiyā, paṭivedho lokuttaro. Sammasanamanasikārā lokiyalokuttaramissakā. ‘Avijjāpaccayā saṅkhārā’tiādīni (vibha. aṭṭha. 225) paṭiccasamuppādavibhaṅge āvibhavissanti. ‘Iminā pana paccayena idaṃ hotī’ti jānanakapaññā paṭiccasamuppādakusalatā nāma.
1344. таанаадтаанагусалад̇аад̣̇уганид̣̇д̣̇зсз хзд̇уу бажжаяаад̇и убхаяамбзд̇ам̣ ан̃н̃аман̃н̃авзважанам̣. жагкубасаад̣̇о хи руубам̣ аарамман̣ам̣ гад̇ваа уббаж̇ж̇анагасса жагкувин̃н̃аан̣асса хзд̇у жзва бажжаяо жа. д̇ат̇аа сод̇абасаад̣̇аад̣̇аяо сод̇авин̃н̃аан̣аад̣̇ийнам̣, амб̣аб̣ийж̇аад̣̇ийни жа амб̣апалаад̣̇ийнам̣. д̣̇уд̇ияанаяз яз яз д̇хаммаад̇и висабхааг̇абажжаяад̇хаммаанам̣ нид̣̇ассанам̣. язсам̣ язсанд̇и висабхааг̇абажжаяасамуббаннад̇хамманид̣̇ассанам̣. на хзд̇уу на бажжаяаад̇и жагкубасаад̣̇о сад̣̇д̣̇ам̣ аарамман̣ам̣ гад̇ваа уббаж̇ж̇анагасса сод̇авин̃н̃аан̣асса на хзд̇у на бажжаяо. д̇ат̇аа сод̇абасаад̣̇аад̣̇аяо авасзсавин̃н̃аан̣аад̣̇ийнам̣. амб̣аад̣̇аяо жа д̇аалаад̣̇ийнам̣ уббад̇д̇ияаад̇и звамад̇т̇о взд̣̇ид̇аб̣б̣о.
1344. Ṭhānāṭṭhānakusalatādukaniddese hetū paccayāti ubhayampetaṃ aññamaññavevacanaṃ. Cakkhupasādo hi rūpaṃ ārammaṇaṃ katvā uppajjanakassa cakkhuviññāṇassa hetu ceva paccayo ca. Tathā sotapasādādayo sotaviññāṇādīnaṃ, ambabījādīni ca ambaphalādīnaṃ. Dutiyanaye ye ye dhammāti visabhāgapaccayadhammānaṃ nidassanaṃ. Yesaṃ yesanti visabhāgapaccayasamuppannadhammanidassanaṃ. Na hetū na paccayāti cakkhupasādo saddaṃ ārammaṇaṃ katvā uppajjanakassa sotaviññāṇassa na hetu na paccayo. Tathā sotapasādādayo avasesaviññāṇādīnaṃ. Ambādayo ca tālādīnaṃ uppattiyāti evamattho veditabbo.
1346. аж̇ж̇авамад̣̇д̣̇аванид̣̇д̣̇зсз нийжажид̇д̇ад̇аад̇и бад̣̇амад̇д̇амзва висзсо. д̇ассад̇т̇о – маанаабхаавзна нийжам̣ жид̇д̇ам̣ ассаад̇и нийжажид̇д̇о. нийжажид̇д̇асса бхааво нийжажид̇д̇ад̇аа. сзсам̣ жид̇д̇уж̇угад̇аажид̇д̇амуд̣̇уд̇аанам̣ бад̣̇абхааж̇анийяз ааг̇ад̇амзва.
1346. Ajjavamaddavaniddese nīcacittatāti padamattameva viseso. Tassattho – mānābhāvena nīcaṃ cittaṃ assāti nīcacitto. Nīcacittassa bhāvo nīcacittatā. Sesaṃ cittujukatācittamudutānaṃ padabhājanīye āgatameva.
1348. канд̇инид̣̇д̣̇зсз каманагавасзна канд̇и. каманаагааро каманад̇аа. ад̇хиваасзнд̇и зд̇ааяа, ад̇д̇ано убари ааробзд̇ваа ваасзнд̇и, на бадиб̣ааханд̇и, на бажжанийгад̇ааяа д̇идтанд̇ийд̇и ад̇хиваасанад̇аа . ажан̣д̣игасса бхааво ажан̣д̣иггам̣. анасуробод̇и асуробо вужжад̇и на саммааробид̇ад̇д̇аа д̣̇уруд̇д̇аважанам̣. д̇аббадибагкад̇о анасуробо суруд̇д̇аваажаад̇и ад̇т̇о. звамзд̇т̇а палуубажаарзна гааран̣ам̣ нид̣̇д̣̇идтам̣. ад̇д̇аманад̇аа жид̇д̇ассаад̇и соманассавасзна жид̇д̇асса сагаманад̇аа, ад̇д̇ано жид̇д̇асабхаавоязва, на б̣яаабаннажид̇д̇ад̇аад̇и ад̇т̇о.
1348. Khantiniddese khamanakavasena khanti. Khamanākāro khamanatā. Adhivāsenti etāya, attano upari āropetvā vāsenti, na paṭibāhanti, na paccanīkatāya tiṭṭhantīti adhivāsanatā. Acaṇḍikassa bhāvo acaṇḍikkaṃ. Anasuropoti asuropo vuccati na sammāropitattā duruttavacanaṃ. Tappaṭipakkhato anasuropo suruttavācāti attho. Evamettha phalūpacārena kāraṇaṃ niddiṭṭhaṃ. Attamanatā cittassāti somanassavasena cittassa sakamanatā, attano cittasabhāvoyeva, na byāpannacittatāti attho.
1349. соражжанид̣̇д̣̇зсз гааяиго авийд̇иггамод̇и д̇ивид̇хам̣ гааяасужарид̇ам̣. ваажасиго авийд̇иггамод̇и жад̇уб̣б̣ид̇хам̣ важийсужарид̇ам̣. гааяигаваажасигод̇и иминаа гааяаважийд̣̇ваарасамудтид̇ам̣ ааж̇ийвадтамагасийлам̣ барияаад̣̇ияад̇и. ид̣̇ам̣ вужжад̇и соражжанд̇и ид̣̇ам̣ баабад̇о судту орад̇ад̇д̇аа соражжам̣ наама вужжад̇и. саб̣б̣оби сийласам̣варод̇и ид̣̇ам̣ яасмаа на гзвалам̣ гааяаваажаахзва анаажаарам̣ аажарад̇и манасааби аажарад̇и зва, д̇асмаа маанасигасийлам̣ барияаад̣̇ааяа д̣̇ассзд̇ум̣ вуд̇д̇ам̣.
1349. Soraccaniddese kāyiko avītikkamoti tividhaṃ kāyasucaritaṃ. Vācasiko avītikkamoti catubbidhaṃ vacīsucaritaṃ. Kāyikavācasikoti iminā kāyavacīdvārasamuṭṭhitaṃ ājīvaṭṭhamakasīlaṃ pariyādiyati. Idaṃ vuccati soraccanti idaṃ pāpato suṭṭhu oratattā soraccaṃ nāma vuccati. Sabbopi sīlasaṃvaroti idaṃ yasmā na kevalaṃ kāyavācāheva anācāraṃ ācarati manasāpi ācarati eva, tasmā mānasikasīlaṃ pariyādāya dassetuṃ vuttaṃ.
1350. саакаляанид̣̇д̣̇зсз ан̣д̣агаад̇и яат̇аа сад̣̇осз ругкз ан̣д̣агаани удтаханд̇и, звам̣ сад̣̇осад̇ааяа кум̣санавамбханаад̣̇иважанзхи ан̣д̣агаа ж̇аад̇аа. гаггасаад̇и бууд̇игаа саа яат̇аа наама бууд̇иругко гаггасо ход̇и баг̇гхарид̇ажун̣н̣о звам̣ гаггасаа ход̇и. сод̇ам̣ гхам̣саяамаанаа вияа бависад̇и. д̇зна вуд̇д̇ам̣ ‘гаггасаа’д̇и. барагадугаад̇и барзсам̣ гадугаа аманаабаа д̣̇осаж̇ананий. бараабхисаж̇ж̇анийд̇и гудилаган̣дагасаакаа вияа жаммзсу виж̇жхид̇ваа барзсам̣ абхисаж̇ж̇аний, г̇анд̇угаамаанамби г̇анд̇ум̣ ад̣̇ад̇ваа лаг̇г̇анагаарий. год̇хасааманд̇аад̇и год̇хасса аасаннаа. асамаад̇хисам̣вад̇д̇анигаад̇и аббанаасамаад̇хисса ваа убажаарасамаад̇хисса ваа асам̣вад̇д̇анигаа. ид̇и саб̣б̣аанзвзд̇аани сад̣̇осаваажааяа взважанаани. д̇ат̇ааруубим̣ ваажам̣ бахааяаад̇и ид̣̇ам̣ парусаваажам̣ аббаж̇ахид̇ваа тид̇асса анд̇аранд̇арз бавад̇д̇ааби сан̣хаваажаа асан̣хаваажаа зва наамаад̇и д̣̇ийбанад̇т̇ам̣ вуд̇д̇ам̣.
1350. Sākhalyaniddese aṇḍakāti yathā sadose rukkhe aṇḍakāni uṭṭhahanti, evaṃ sadosatāya khuṃsanavambhanādivacanehi aṇḍakā jātā. Kakkasāti pūtikā sā yathā nāma pūtirukkho kakkaso hoti paggharitacuṇṇo evaṃ kakkasā hoti. Sotaṃ ghaṃsayamānā viya pavisati. Tena vuttaṃ ‘kakkasā’ti. Parakaṭukāti paresaṃ kaṭukā amanāpā dosajananī. Parābhisajjanīti kuṭilakaṇṭakasākhā viya cammesu vijjhitvā paresaṃ abhisajjanī, gantukāmānampi gantuṃ adatvā lagganakārī. Kodhasāmantāti kodhassa āsannā. Asamādhisaṃvattanikāti appanāsamādhissa vā upacārasamādhissa vā asaṃvattanikā. Iti sabbānevetāni sadosavācāya vevacanāni. Tathārūpiṃ vācaṃ pahāyāti idaṃ pharusavācaṃ appajahitvā ṭhitassa antarantare pavattāpi saṇhavācā asaṇhavācā eva nāmāti dīpanatthaṃ vuttaṃ.
нзл̣аад̇и зл̣ам̣ вужжад̇и д̣̇осо. наассаа зл̣анд̇и нзл̣аа; нид̣̇д̣̇осаад̇и ад̇т̇о. ‘‘нзл̣ан̇г̇о сзд̇абажчаад̣̇о’’д̇и (уд̣̇аа. 65; сам̣. ни. 4.347; бздаго. 25) зд̇т̇а вуд̇д̇анзл̣ам̣ вияа. ган̣н̣асукаад̇и б̣яан̃ж̇анамад̇хурад̇ааяа ган̣н̣аанам̣ сукаа, сууживиж̇жханам̣ вияа ган̣н̣асуулам̣ на ж̇анзд̇и. ад̇т̇амад̇хурад̇ааяа сарийрз гобам̣ аж̇анзд̇ваа бзмам̣ ж̇анзд̇ийд̇и бзманийяаа. хад̣̇аяам̣ г̇ажчад̇и, аббадихан̃н̃амаанаа сукзна жид̇д̇ам̣ бависад̇ийд̇и хад̣̇аяан̇г̇амаа. г̇ун̣абарибун̣н̣ад̇ааяа бурз бхаваад̇и борий. бурз сам̣вад̣дханаарий вияа сугумаараад̇иби борий. бурасса зсаад̇иби борий; наг̇араваасийнам̣ гат̇аад̇и ад̇т̇о. наг̇араваасино хи яуд̇д̇агат̇аа хонд̇и. бид̇имад̇д̇ам̣ бид̇аад̇и бхаад̇имад̇д̇ам̣ бхаад̇аад̇и вад̣̇анд̇и. зваруубий гат̇аа б̣ахуно ж̇анасса ганд̇аа ход̇ийд̇и б̣ахуж̇анаганд̇аа. ганд̇абхаавзнзва б̣ахуно ж̇анасса манаабаа жид̇д̇авуд̣дхигараад̇и б̣ахуж̇анаманаабаа. яаа д̇ад̇т̇аад̇и яаа д̇асмим̣ буг̇г̇алз. сан̣хаваажад̇аад̇и мадтаваажад̇аа. сакилаваажад̇аад̇и муд̣̇уваажад̇аа. апарусаваажад̇аад̇и агагкал̣аваажад̇аа.
Neḷāti eḷaṃ vuccati doso. Nāssā eḷanti neḷā; niddosāti attho. ‘‘Neḷaṅgo setapacchādo’’ti (udā. 65; saṃ. ni. 4.347; peṭako. 25) ettha vuttaneḷaṃ viya. Kaṇṇasukhāti byañjanamadhuratāya kaṇṇānaṃ sukhā, sūcivijjhanaṃ viya kaṇṇasūlaṃ na janeti. Atthamadhuratāya sarīre kopaṃ ajanetvā pemaṃ janetīti pemanīyā. Hadayaṃ gacchati, appaṭihaññamānā sukhena cittaṃ pavisatīti hadayaṅgamā. Guṇaparipuṇṇatāya pure bhavāti porī. Pure saṃvaḍḍhanārī viya sukumārātipi porī. Purassa esātipi porī; nagaravāsīnaṃ kathāti attho. Nagaravāsino hi yuttakathā honti. Pitimattaṃ pitāti bhātimattaṃ bhātāti vadanti. Evarūpī kathā bahuno janassa kantā hotīti bahujanakantā. Kantabhāveneva bahuno janassa manāpā cittavuḍḍhikarāti bahujanamanāpā. Yā tatthāti yā tasmiṃ puggale. Saṇhavācatāti maṭṭhavācatā. Sakhilavācatāti muduvācatā. Apharusavācatāti akakkhaḷavācatā.
1351. бадисант̇ааранид̣̇д̣̇зсз аамисабадисант̇аарод̇и аамисаалаабхзна ад̇д̇анаа саха барзсам̣ чид̣̇д̣̇ам̣ яат̇аа бихид̇ам̣ ход̇и бадижчаннам̣ звам̣ аамисзна бадисант̇аран̣ам̣. д̇хаммабадисант̇аарод̇и д̇хаммасса аббадилаабхзна ад̇д̇анаа саха барзсам̣ чид̣̇д̣̇ам̣ яат̇аа бихид̇ам̣ ход̇и бадижчаннам̣, звам̣ д̇хаммзна бадисант̇аран̣ам̣. бадисант̇аараго ход̇ийд̇и д̣̇взязва хи логасанниваасасса чид̣̇д̣̇аани, д̇зсам̣ бадисант̇аараго ход̇и. аамисабадисант̇аарзна ваа д̇хаммабадисант̇аарзна ваад̇и иминаа д̣̇увид̇хзна бадисант̇аарзна бадисант̇аараго ход̇и, бадисант̇арад̇и, ниранд̇арам̣ гарод̇и.
1351. Paṭisanthāraniddese āmisapaṭisanthāroti āmisaalābhena attanā saha paresaṃ chiddaṃ yathā pihitaṃ hoti paṭicchannaṃ evaṃ āmisena paṭisantharaṇaṃ. Dhammapaṭisanthāroti dhammassa appaṭilābhena attanā saha paresaṃ chiddaṃ yathā pihitaṃ hoti paṭicchannaṃ, evaṃ dhammena paṭisantharaṇaṃ. Paṭisanthārako hotīti dveyeva hi lokasannivāsassa chiddāni, tesaṃ paṭisanthārako hoti. Āmisapaṭisanthārena vā dhammapaṭisanthārena vāti iminā duvidhena paṭisanthārena paṭisanthārako hoti, paṭisantharati, nirantaraṃ karoti.
д̇ад̇рааяам̣ аад̣̇ид̇о бадтааяа гат̇аа – бадисант̇аарагзна хи бхигкунаа ааг̇анд̇угам̣ ааг̇ажчанд̇ам̣ д̣̇исваава бажжуг̇г̇анд̇ваа бад̇д̇ажийварам̣ г̇ахзд̇аб̣б̣ам̣, аасанам̣ д̣̇аад̇аб̣б̣ам̣, д̇аалаван̣дзна б̣ийж̇ид̇аб̣б̣ам̣, баад̣̇аа д̇ховид̇ваа магкзд̇аб̣б̣аа, саббипаан̣ид̇з сад̇и бхзсаж̇ж̇ам̣ д̣̇аад̇аб̣б̣ам̣, баанийязна бужчид̇аб̣б̣о, ааваасо бадиж̇аг̇г̇ид̇аб̣б̣о. звам̣ згад̣̇зсзна аамисабадисант̇ааро гад̇о наама ход̇и.
Tatrāyaṃ ādito paṭṭhāya kathā – paṭisanthārakena hi bhikkhunā āgantukaṃ āgacchantaṃ disvāva paccuggantvā pattacīvaraṃ gahetabbaṃ, āsanaṃ dātabbaṃ, tālavaṇṭena bījitabbaṃ, pādā dhovitvā makkhetabbā, sappiphāṇite sati bhesajjaṃ dātabbaṃ, pānīyena pucchitabbo, āvāso paṭijaggitabbo. Evaṃ ekadesena āmisapaṭisanthāro kato nāma hoti.
сааяам̣ бана навагад̇арзби ад̇д̇ано убадтаанам̣ анааг̇ад̇зязва, д̇асса санд̇игам̣ г̇анд̇ваа нисийд̣̇ид̇ваа ависаяз абужчид̇ваа д̇асса висаяз бан̃хо бужчид̇аб̣б̣о. ‘д̇умхз гад̇арабхаан̣агаа’д̇и абужчид̇ваа д̇умхаагам̣ ‘аажарияубаж̇жхааяаа гад̇арам̣ г̇ант̇ам̣ вал̣ан̃ж̇знд̇ий’д̇и бужчид̇ваа бахонагадтаанз бан̃хо бужчид̇аб̣б̣о. сажз гат̇зд̇ум̣ саггод̇и ижжзд̇ам̣ гусалам̣. но жз саггод̇и саяам̣ гат̇зд̇ваа д̣̇аад̇аб̣б̣ам̣. звам̣ згад̣̇зсзна д̇хаммабадисант̇ааро гад̇о наама ход̇и.
Sāyaṃ pana navakatarepi attano upaṭṭhānaṃ anāgateyeva, tassa santikaṃ gantvā nisīditvā avisaye apucchitvā tassa visaye pañho pucchitabbo. ‘Tumhe katarabhāṇakā’ti apucchitvā tumhākaṃ ‘ācariyupajjhāyā kataraṃ ganthaṃ vaḷañjentī’ti pucchitvā pahonakaṭṭhāne pañho pucchitabbo. Sace kathetuṃ sakkoti iccetaṃ kusalaṃ. No ce sakkoti sayaṃ kathetvā dātabbaṃ. Evaṃ ekadesena dhammapaṭisanthāro kato nāma hoti.
сажз ад̇д̇ано санд̇игз васад̇и д̇ам̣ аад̣̇ааяа ниб̣ад̣̇д̇хам̣ бин̣д̣ааяа жарид̇аб̣б̣ам̣. сажз г̇анд̇угаамо ход̇и бунад̣̇ивасз г̇аманасабхааг̇зна д̇ам̣ аад̣̇ааяа згасмим̣ г̇аамз бин̣д̣ааяа жарид̇ваа уяяож̇зд̇аб̣б̣о. сажз ан̃н̃асмим̣ д̣̇исаабхааг̇з бхигкуу ниманд̇ид̇аа хонд̇и д̇ам̣ бхигкум̣ ижчамаанам̣ аад̣̇ааяа г̇анд̇аб̣б̣ам̣. ‘на маяхам̣ зсаа д̣̇исаа сабхааг̇аа’д̇и г̇анд̇ум̣ анижчанд̇з сзсабхигкуу бзсзд̇ваа д̇ам̣ аад̣̇ааяа бин̣д̣ааяа жарид̇аб̣б̣ам̣. ад̇д̇анаа лад̣̇д̇хаамисам̣ д̇асса д̣̇аад̇аб̣б̣ам̣. звам̣ ‘аамисабадисант̇ааро’ гад̇о наама ход̇и.
Sace attano santike vasati taṃ ādāya nibaddhaṃ piṇḍāya caritabbaṃ. Sace gantukāmo hoti punadivase gamanasabhāgena taṃ ādāya ekasmiṃ gāme piṇḍāya caritvā uyyojetabbo. Sace aññasmiṃ disābhāge bhikkhū nimantitā honti taṃ bhikkhuṃ icchamānaṃ ādāya gantabbaṃ. ‘Na mayhaṃ esā disā sabhāgā’ti gantuṃ anicchante sesabhikkhū pesetvā taṃ ādāya piṇḍāya caritabbaṃ. Attanā laddhāmisaṃ tassa dātabbaṃ. Evaṃ ‘āmisapaṭisanthāro’ kato nāma hoti.
аамисабадисант̇аарагзна бана ад̇д̇анаа лад̣̇д̇хам̣ гасса д̣̇аад̇аб̣б̣анд̇и? ааг̇анд̇угасса д̇аава д̣̇аад̇аб̣б̣ам̣. сажз г̇илаано ваа авассиго ваа ад̇т̇и, д̇зсамби д̣̇аад̇аб̣б̣ам̣. аажарияубаж̇жхааяаанам̣ д̣̇аад̇аб̣б̣ам̣. бхан̣д̣аг̇аахагасса д̣̇аад̇аб̣б̣ам̣. саараан̣ийяад̇хаммабуурагзна бана сад̇аваарамби сахассаваарамби ааг̇ад̇ааг̇ад̇аанам̣ т̇зраасанад̇о бадтааяа д̣̇аад̇аб̣б̣ам̣. бадисант̇аарагзна бана язна язна на лад̣̇д̇хам̣, д̇асса д̇асса д̣̇аад̇аб̣б̣ам̣. б̣ахиг̇аамам̣ нигкамид̇ваа ж̇ин̣н̣агам̣ ваа анаат̇ам̣ бхигкум̣ ваа бхигкуним̣ ваа д̣̇исваа д̇зсамби д̣̇аад̇аб̣б̣ам̣.
Āmisapaṭisanthārakena pana attanā laddhaṃ kassa dātabbanti? Āgantukassa tāva dātabbaṃ. Sace gilāno vā avassiko vā atthi, tesampi dātabbaṃ. Ācariyupajjhāyānaṃ dātabbaṃ. Bhaṇḍagāhakassa dātabbaṃ. Sārāṇīyadhammapūrakena pana satavārampi sahassavārampi āgatāgatānaṃ therāsanato paṭṭhāya dātabbaṃ. Paṭisanthārakena pana yena yena na laddhaṃ, tassa tassa dātabbaṃ. Bahigāmaṃ nikkhamitvā jiṇṇakaṃ vā anāthaṃ bhikkhuṃ vā bhikkhuniṃ vā disvā tesampi dātabbaṃ.
д̇ад̇рид̣̇ам̣ вад̇т̇у – жорзхи гира г̇уд̇д̇асаалаг̇аамз бахад̇з д̇ан̇кан̣ан̃н̃зва згаа нирод̇хад̇о вудтид̇аа кийн̣аасавад̇т̇зрий д̣̇ахарабхигкунияаа бхан̣д̣агам̣ г̇аахаабзд̇ваа махааж̇анзна сад̣̇д̇хим̣ маг̇г̇ам̣ бадибаж̇ж̇ид̇ваа тид̇амаж̇жханхигз нагуланаг̇араг̇аамад̣̇ваарам̣ бад̇ваа ругкамуулз нисийд̣̇и. д̇асмим̣ самаяз гаал̣аваллиман̣д̣абаваасий махаанааг̇ад̇т̇зро нагуланаг̇араг̇аамз бин̣д̣ааяа жарид̇ваа нигканд̇о т̇зрим̣ д̣̇исваа бхад̇д̇зна аабужчи. саа ‘бад̇д̇о мз над̇т̇ий’д̇и ааха. т̇зро ‘иминаава бхун̃ж̇ат̇аа’д̇и саха бад̇д̇зна ад̣̇ааси. т̇зрий бхад̇д̇агижжам̣ гад̇ваа бад̇д̇ам̣ д̇ховид̇ваа т̇зрасса д̣̇ад̇ваа ааха – ‘аж̇ж̇а д̇аава бхигкаажаарзна гиламиссат̇а, ид̇о бадтааяа бана во бхигкаажаарабарид̇д̇аасо наама на бхависсад̇и, д̇аад̇аа’д̇и. д̇ад̇о бадтааяа т̇зрасса уунагахаабан̣аг̇гханаго бин̣д̣абаад̇о наама на уббаннабуб̣б̣о. аяам̣ ‘аамисабадисант̇ааро’ наама.
Tatridaṃ vatthu – corehi kira guttasālagāme pahate taṅkhaṇaññeva ekā nirodhato vuṭṭhitā khīṇāsavattherī daharabhikkhuniyā bhaṇḍakaṃ gāhāpetvā mahājanena saddhiṃ maggaṃ paṭipajjitvā ṭhitamajjhanhike nakulanagaragāmadvāraṃ patvā rukkhamūle nisīdi. Tasmiṃ samaye kāḷavallimaṇḍapavāsī mahānāgatthero nakulanagaragāme piṇḍāya caritvā nikkhanto theriṃ disvā bhattena āpucchi. Sā ‘patto me natthī’ti āha. Thero ‘imināva bhuñjathā’ti saha pattena adāsi. Therī bhattakiccaṃ katvā pattaṃ dhovitvā therassa datvā āha – ‘ajja tāva bhikkhācārena kilamissatha, ito paṭṭhāya pana vo bhikkhācāraparittāso nāma na bhavissati, tātā’ti. Tato paṭṭhāya therassa ūnakahāpaṇagghanako piṇḍapāto nāma na uppannapubbo. Ayaṃ ‘āmisapaṭisanthāro’ nāma.
имам̣ бадисант̇аарам̣ гад̇ваа бхигкунаа сан̇г̇ахабагкз тад̇ваа д̇асса бхигкуно гаммадтаанам̣ гат̇зд̇аб̣б̣ам̣, д̇хаммо ваажзд̇аб̣б̣о, гуггужжам̣ винод̣̇зд̇аб̣б̣ам̣, уббаннам̣ гижжам̣ гаран̣ийяам̣ гаад̇аб̣б̣ам̣, аб̣бхаанавудтаанамаанад̇д̇абариваасаа д̣̇аад̇аб̣б̣аа. баб̣б̣аж̇ж̇аарахо баб̣б̣ааж̇зд̇аб̣б̣о убасамбад̣̇аарахо убасамбаад̣̇зд̇аб̣б̣о. бхигкунияааби ад̇д̇ано санд̇игз убасамбад̣̇ам̣ ааган̇камаанааяа гаммаваажам̣ гаад̇ум̣ ваддад̇и. аяам̣ ‘д̇хаммабадисант̇ааро’ наама.
Imaṃ paṭisanthāraṃ katvā bhikkhunā saṅgahapakkhe ṭhatvā tassa bhikkhuno kammaṭṭhānaṃ kathetabbaṃ, dhammo vācetabbo, kukkuccaṃ vinodetabbaṃ, uppannaṃ kiccaṃ karaṇīyaṃ kātabbaṃ, abbhānavuṭṭhānamānattaparivāsā dātabbā. Pabbajjāraho pabbājetabbo upasampadāraho upasampādetabbo. Bhikkhuniyāpi attano santike upasampadaṃ ākaṅkhamānāya kammavācaṃ kātuṃ vaṭṭati. Ayaṃ ‘dhammapaṭisanthāro’ nāma.
имзхи д̣̇вийхи бадисант̇аарзхи бадисант̇аараго бхигку ануббаннам̣ лаабхам̣ уббаад̣̇зд̇и, уббаннам̣ т̇ааварам̣ гарод̇и, сабхаяадтаанз ад̇д̇ано ж̇ийвид̇ам̣ рагкад̇и жоранааг̇аран̃н̃о бад̇д̇аг̇г̇ахан̣ахад̇т̇знзва аг̇г̇ам̣ г̇ахзд̇ваа бад̇д̇знзва бхад̇д̇ам̣ аагиранд̇о т̇зро вияа. алад̣̇д̇халаабхуббаад̣̇анз бана ид̇о балааяид̇ваа барад̇ийрам̣ г̇ад̇зна махаанааг̇аран̃н̃аа згасса т̇зрасса санд̇игз сан̇г̇ахам̣ лабхид̇ваа буна ааг̇анд̇ваа раж̇ж̇з бад̇идтид̇зна сзд̇амб̣ан̇г̇ан̣з яааваж̇ийвам̣ бавад̇д̇ид̇ам̣ махаабхзсаж̇ж̇ад̣̇аанавад̇т̇у гат̇зд̇аб̣б̣ам̣. уббанналаабхат̇ааварагаран̣з д̣̇ийгхабхаан̣агаабхаяад̇т̇зрасса хад̇т̇ад̇о бадисант̇аарам̣ лабхид̇ваа жзд̇ияабаб̣б̣ад̇з жорзхи бхан̣д̣агасса авилуд̇д̇абхаавз вад̇т̇у гат̇зд̇аб̣б̣ам̣.
Imehi dvīhi paṭisanthārehi paṭisanthārako bhikkhu anuppannaṃ lābhaṃ uppādeti, uppannaṃ thāvaraṃ karoti, sabhayaṭṭhāne attano jīvitaṃ rakkhati coranāgarañño pattaggahaṇahattheneva aggaṃ gahetvā patteneva bhattaṃ ākiranto thero viya. Aladdhalābhuppādane pana ito palāyitvā paratīraṃ gatena mahānāgaraññā ekassa therassa santike saṅgahaṃ labhitvā puna āgantvā rajje patiṭṭhitena setambaṅgaṇe yāvajīvaṃ pavattitaṃ mahābhesajjadānavatthu kathetabbaṃ. Uppannalābhathāvarakaraṇe dīghabhāṇakaabhayattherassa hatthato paṭisanthāraṃ labhitvā cetiyapabbate corehi bhaṇḍakassa aviluttabhāve vatthu kathetabbaṃ.
1352. инд̣̇риязсу аг̇уд̇д̇ад̣̇ваарад̇аанид̣̇д̣̇зсз жагкунаа руубам̣ д̣̇исваад̇и гааран̣авасзна жагкууд̇и лад̣̇д̇хавохаарзна руубад̣̇ассанасамад̇т̇зна жагкувин̃н̃аан̣зна руубам̣ д̣̇исваа. бораан̣аа банааху – ‘‘жагку руубам̣ на бассад̇и, ажид̇д̇агад̇д̇аа; жид̇д̇ам̣ на бассад̇и, ажагкугад̇д̇аа; д̣̇ваараарамман̣асан̇гхадданзна бана басаад̣̇авад̇т̇угзна жид̇д̇зна бассад̇и. ийд̣̇исий банзсаа ‘д̇ханунаа виж̇ж̇ад̇ий’д̇иаад̣̇ийсу вияа сасамбхаарагат̇аа наама ход̇и. д̇асмаа жагкувин̃н̃аан̣зна руубам̣ д̣̇исваа’’д̇и аяамзвзд̇т̇а ад̇т̇од̇и. нимид̇д̇аг̇г̇аахийд̇и ид̇т̇ибурисанимид̇д̇ам̣ ваа субханимид̇д̇аад̣̇игам̣ ваа гилзсавад̇т̇убхууд̇ам̣ нимид̇д̇ам̣ чанд̣̇арааг̇авасзна г̇ан̣хаад̇и, д̣̇идтамад̇д̇зязва на сан̣таад̇и. ануб̣яан̃ж̇анаг̇г̇аахийд̇и гилзсаанам̣ ануб̣яан̃ж̇анад̇о баагадабхаавагаран̣ад̇о ануб̣яан̃ж̇ананд̇и лад̣̇д̇хавохаарам̣ хад̇т̇абаад̣̇асид̇ахасид̇агат̇ид̇ааалогид̇авилогид̇аад̣̇ибхзд̣̇ам̣ аагаарам̣ г̇ан̣хаад̇и. яад̇ваад̇хигаран̣амзнанд̇иаад̣̇имхи яам̣гааран̣аа яасса жагкунд̣̇рияаасам̣варасса хзд̇у, зд̇ам̣ буг̇г̇алам̣ сад̇игаваадзна жагкунд̣̇рияам̣ асам̣вуд̇ам̣ абихид̇ажагкуд̣̇ваарам̣ худ̇ваа вихаранд̇ам̣ зд̇з абхиж̇жхаад̣̇аяо д̇хаммаа анваассавзяяум̣ ануб̣анд̇хзяяум̣ аж̇жход̇т̇арзяяум̣. д̇асса сам̣варааяа на бадибаж̇ж̇ад̇ийд̇и д̇асса жагкунд̣̇рияасса сад̇игаваадзна бид̣̇аханад̇т̇ааяа на бадибаж̇ж̇ад̇и. звам̣бхууд̇оязва жа на рагкад̇и жагкунд̣̇рияам̣, на жагкунд̣̇рияз сам̣варам̣ аабаж̇ж̇ад̇ийд̇и вужжад̇и.
1352. Indriyesu aguttadvāratāniddese cakkhunā rūpaṃ disvāti kāraṇavasena cakkhūti laddhavohārena rūpadassanasamatthena cakkhuviññāṇena rūpaṃ disvā. Porāṇā panāhu – ‘‘cakkhu rūpaṃ na passati, acittakattā; cittaṃ na passati, acakkhukattā; dvārārammaṇasaṅghaṭṭanena pana pasādavatthukena cittena passati. Īdisī panesā ‘dhanunā vijjatī’tiādīsu viya sasambhārakathā nāma hoti. Tasmā cakkhuviññāṇena rūpaṃ disvā’’ti ayamevettha atthoti. Nimittaggāhīti itthipurisanimittaṃ vā subhanimittādikaṃ vā kilesavatthubhūtaṃ nimittaṃ chandarāgavasena gaṇhāti, diṭṭhamatteyeva na saṇṭhāti. Anubyañjanaggāhīti kilesānaṃ anubyañjanato pākaṭabhāvakaraṇato anubyañjananti laddhavohāraṃ hatthapādasitahasitakathitaālokitavilokitādibhedaṃ ākāraṃ gaṇhāti. Yatvādhikaraṇamenantiādimhi yaṃkāraṇā yassa cakkhundriyāsaṃvarassa hetu, etaṃ puggalaṃ satikavāṭena cakkhundriyaṃ asaṃvutaṃ apihitacakkhudvāraṃ hutvā viharantaṃ ete abhijjhādayo dhammā anvāssaveyyuṃ anubandheyyuṃ ajjhotthareyyuṃ. Tassa saṃvarāya na paṭipajjatīti tassa cakkhundriyassa satikavāṭena pidahanatthāya na paṭipajjati. Evaṃbhūtoyeva ca na rakkhati cakkhundriyaṃ, na cakkhundriye saṃvaraṃ āpajjatīti vuccati.
д̇ад̇т̇а гин̃жааби жагкунд̣̇рияз сам̣варо ваа асам̣варо ваа над̇т̇и, на хи жагкубасаад̣̇ам̣ ниссааяа сад̇и ваа мудтассажжам̣ ваа уббаж̇ж̇ад̇и. абижа яад̣̇аа руубаарамман̣ам̣ жагкусса аабаат̇амааг̇ажчад̇и д̇ад̣̇аа бхаван̇г̇з д̣̇вигкад̇д̇ум̣ уббаж̇ж̇ид̇ваа нируд̣̇д̇хз гирияаманод̇хаад̇у ааваж̇ж̇анагижжам̣ саад̇хаяамаанаа уббаж̇ж̇ид̇ваа нируж̇жхад̇и. д̇ад̇о жагкувин̃н̃аан̣ам̣ д̣̇ассанагижжам̣, д̇ад̇о вибаагаманод̇хаад̇у самбадижчанагижжам̣, д̇ад̇о вибаагаахзд̇угамановин̃н̃аан̣ад̇хаад̇у санд̇ийран̣агижжам̣, д̇ад̇о гирияаахзд̇угамановин̃н̃аан̣ад̇хаад̇у водтаб̣б̣анагижжам̣ саад̇хаяамаанаа уббаж̇ж̇ид̇ваа нируж̇жхад̇и. д̇ад̣̇ананд̇арам̣ ж̇аванам̣ ж̇авад̇и. д̇ад̇рааби нзва бхаван̇г̇асамаяз на ааваж̇ж̇анаад̣̇ийнам̣ ан̃н̃ад̇арасамаяз сам̣варо ваа асам̣варо ваа ад̇т̇и. ж̇аванагкан̣з бана д̣̇уссийляам̣ ваа мудтассажжам̣ ваа ан̃н̃аан̣ам̣ ваа агканд̇и ваа госаж̇ж̇ам̣ ваа уббаж̇ж̇ад̇и, асам̣варо ход̇и.
Tattha kiñcāpi cakkhundriye saṃvaro vā asaṃvaro vā natthi, na hi cakkhupasādaṃ nissāya sati vā muṭṭhassaccaṃ vā uppajjati. Apica yadā rūpārammaṇaṃ cakkhussa āpāthamāgacchati tadā bhavaṅge dvikkhattuṃ uppajjitvā niruddhe kiriyamanodhātu āvajjanakiccaṃ sādhayamānā uppajjitvā nirujjhati. Tato cakkhuviññāṇaṃ dassanakiccaṃ, tato vipākamanodhātu sampaṭicchanakiccaṃ, tato vipākāhetukamanoviññāṇadhātu santīraṇakiccaṃ, tato kiriyāhetukamanoviññāṇadhātu voṭṭhabbanakiccaṃ sādhayamānā uppajjitvā nirujjhati. Tadanantaraṃ javanaṃ javati. Tatrāpi neva bhavaṅgasamaye na āvajjanādīnaṃ aññatarasamaye saṃvaro vā asaṃvaro vā atthi. Javanakkhaṇe pana dussīlyaṃ vā muṭṭhassaccaṃ vā aññāṇaṃ vā akkhanti vā kosajjaṃ vā uppajjati, asaṃvaro hoti.
звам̣ хонд̇о бана со ‘жагкунд̣̇рияз асам̣варо’д̇и вужжад̇и. гасмаа? яасмаа д̇асмим̣ асам̣варз сад̇и д̣̇ваарамби аг̇уд̇д̇ам̣ ход̇и, бхаван̇г̇амби, ааваж̇ж̇анаад̣̇ийниби вийт̇ижид̇д̇аани. яат̇аа гим̣? яат̇аа наг̇арз жад̇уусу д̣̇ваарзсу асам̣вуд̇зсу гин̃жааби анд̇огхарад̣̇ваарагодтагаг̇аб̣бхаад̣̇аяо сусам̣вуд̇аа, д̇ат̇ааби анд̇онаг̇арз саб̣б̣ам̣ бхан̣д̣ам̣ арагкид̇ам̣ аг̇обид̇амзва ход̇и. наг̇арад̣̇ваарзна хи бависид̇ваа жораа яад̣̇ижчагам̣ гарзяяум̣. звамзва ж̇аванз д̣̇уссийляаад̣̇ийсу уббаннзсу д̇асмим̣ асам̣варз сад̇и д̣̇ваарамби аг̇уд̇д̇ам̣ ход̇и, бхаван̇г̇амби, ааваж̇ж̇анаад̣̇ийниби вийт̇ижид̇д̇аанийд̇и.
Evaṃ honto pana so ‘cakkhundriye asaṃvaro’ti vuccati. Kasmā? Yasmā tasmiṃ asaṃvare sati dvārampi aguttaṃ hoti, bhavaṅgampi, āvajjanādīnipi vīthicittāni. Yathā kiṃ? Yathā nagare catūsu dvāresu asaṃvutesu kiñcāpi antogharadvārakoṭṭhakagabbhādayo susaṃvutā, tathāpi antonagare sabbaṃ bhaṇḍaṃ arakkhitaṃ agopitameva hoti. Nagaradvārena hi pavisitvā corā yadicchakaṃ kareyyuṃ. Evameva javane dussīlyādīsu uppannesu tasmiṃ asaṃvare sati dvārampi aguttaṃ hoti, bhavaṅgampi, āvajjanādīnipi vīthicittānīti.
сод̇зна сад̣̇д̣̇ам̣ суд̇ваад̇иаад̣̇ийсуби зсзва наяо. яаа имзсанд̇и звам̣ сам̣варам̣ анаабаж̇ж̇анд̇асса имзсам̣ чаннам̣ инд̣̇рияаанам̣ яаа аг̇уд̇д̇и яаа аг̇обанаа яо анаарагко яо асам̣варо, ат̇аганам̣, абид̣̇ахананд̇и ад̇т̇о.
Sotena saddaṃ sutvātiādīsupi eseva nayo. Yā imesanti evaṃ saṃvaraṃ anāpajjantassa imesaṃ channaṃ indriyānaṃ yā agutti yā agopanā yo anārakkho yo asaṃvaro, athakanaṃ, apidahananti attho.
1353. бхож̇анз амад̇д̇ан̃н̃уд̇аанид̣̇д̣̇зсз ид̇хзгажжод̇и имасмим̣ сад̇д̇алогз згажжо. аббадисан̇каад̇и бадисан̇каанабан̃н̃ааяа аж̇аанид̇ваа анубад̇хаарзд̇ваа. аяонисод̇и анубааязна. аахааранд̇и асид̇абийд̇аад̣̇иаж̇жхохаран̣ийяам̣. аахаарзд̇ийд̇и барибхун̃ж̇ад̇и аж̇жхохарад̇и. д̣̇авааяаад̇иаад̣̇и анубааяад̣̇ассанад̇т̇ам̣ вуд̇д̇ам̣. анубааязна хи аахаарзнд̇о д̣̇авад̇т̇ааяа мад̣̇ад̇т̇ааяа ман̣д̣анад̇т̇ааяа вибхуусанад̇т̇ааяа ваа аахаарзд̇и, но ид̣̇амад̇т̇ид̇ам̣ бадижжа. яаа д̇ад̇т̇а асанд̇удтид̇аад̇и яаа д̇асмим̣ аяонисо аахаарабарибхог̇з асанд̇уссанаа асанд̇удтибхааво. амад̇д̇ан̃н̃уд̇аад̇и амад̇д̇ан̃н̃убхааво, бамаан̣асан̇каад̇ааяа мад̇д̇ааяа аж̇аананам̣. аяам̣ вужжад̇ийд̇и аяам̣ абажжавзгкид̇абарибхог̇авасзна бавад̇д̇аа бхож̇анз амад̇д̇ан̃н̃уд̇аа наама вужжад̇и.
1353. Bhojane amattaññutāniddese idhekaccoti imasmiṃ sattaloke ekacco. Appaṭisaṅkhāti paṭisaṅkhānapaññāya ajānitvā anupadhāretvā. Ayonisoti anupāyena. Āhāranti asitapītādiajjhoharaṇīyaṃ. Āhāretīti paribhuñjati ajjhoharati. Davāyātiādi anupāyadassanatthaṃ vuttaṃ. Anupāyena hi āhārento davatthāya madatthāya maṇḍanatthāya vibhūsanatthāya vā āhāreti, no idamatthitaṃ paṭicca. Yā tattha asantuṭṭhitāti yā tasmiṃ ayoniso āhāraparibhoge asantussanā asantuṭṭhibhāvo. Amattaññutāti amattaññubhāvo, pamāṇasaṅkhātāya mattāya ajānanaṃ. Ayaṃ vuccatīti ayaṃ apaccavekkhitaparibhogavasena pavattā bhojane amattaññutā nāma vuccati.
1354. инд̣̇риязсу г̇уд̇д̇ад̣̇ваарад̇аанид̣̇д̣̇зсз жагкунаад̇иаад̣̇и вуд̇д̇анаязнзва взд̣̇ид̇аб̣б̣ам̣. на нимид̇д̇аг̇г̇аахий ход̇ийд̇и чанд̣̇арааг̇авасзна вуд̇д̇аббагаарам̣ нимид̇д̇ам̣ на г̇ан̣хаад̇и. звам̣ сзсабад̣̇ааниби вуд̇д̇абадибагканаязнзва взд̣̇ид̇аб̣б̣аани. яат̇аа жа хздтаа ‘ж̇аванз д̣̇уссийляаад̣̇ийсу уббаннзсу д̇асмим̣ асам̣варз сад̇и, д̣̇ваарамби аг̇уд̇д̇ам̣ ход̇и, бхаван̇г̇амби, ааваж̇ж̇анаад̣̇ийниби вийт̇ижид̇д̇ааний’д̇и вуд̇д̇ам̣, звамид̇ха д̇асмим̣ сийлаад̣̇ийсу уббаннзсу д̣̇ваарамби г̇уд̇д̇ам̣ ход̇и, бхаван̇г̇амби, ааваж̇ж̇анаад̣̇ийниби вийт̇ижид̇д̇аани. яат̇аа гим̣? яат̇аа наг̇арад̣̇ваарзсу сусам̣вуд̇зсу, гин̃жааби анд̇огхараад̣̇аяо асам̣вуд̇аа хонд̇и, д̇ат̇ааби анд̇онаг̇арз саб̣б̣ам̣ бхан̣д̣ам̣ сурагкид̇ам̣ суг̇обид̇амзва ход̇и – наг̇арад̣̇ваарзсу бихид̇зсу жораанам̣ бавзсо над̇т̇и – звамзва ж̇аванз сийлаад̣̇ийсу уббаннзсу д̣̇ваарамби г̇уд̇д̇ам̣ ход̇и, бхаван̇г̇амби, ааваж̇ж̇анаад̣̇ийниби вийт̇ижид̇д̇аани. д̇асмаа ж̇аванагкан̣з уббаж̇ж̇амааноби ‘жагкунд̣̇рияз сам̣варо’д̇и вуд̇д̇о. сод̇зна сад̣̇д̣̇ам̣ суд̇ваад̇иаад̣̇ийсуби зсзва наяо.
1354. Indriyesu guttadvāratāniddese cakkhunātiādi vuttanayeneva veditabbaṃ. Na nimittaggāhī hotīti chandarāgavasena vuttappakāraṃ nimittaṃ na gaṇhāti. Evaṃ sesapadānipi vuttapaṭipakkhanayeneva veditabbāni. Yathā ca heṭṭhā ‘javane dussīlyādīsu uppannesu tasmiṃ asaṃvare sati, dvārampi aguttaṃ hoti, bhavaṅgampi, āvajjanādīnipi vīthicittānī’ti vuttaṃ, evamidha tasmiṃ sīlādīsu uppannesu dvārampi guttaṃ hoti, bhavaṅgampi, āvajjanādīnipi vīthicittāni. Yathā kiṃ? Yathā nagaradvāresu susaṃvutesu, kiñcāpi antogharādayo asaṃvutā honti, tathāpi antonagare sabbaṃ bhaṇḍaṃ surakkhitaṃ sugopitameva hoti – nagaradvāresu pihitesu corānaṃ paveso natthi – evameva javane sīlādīsu uppannesu dvārampi guttaṃ hoti, bhavaṅgampi, āvajjanādīnipi vīthicittāni. Tasmā javanakkhaṇe uppajjamānopi ‘cakkhundriye saṃvaro’ti vutto. Sotena saddaṃ sutvātiādīsupi eseva nayo.
1355. бхож̇анз мад̇д̇ан̃н̃уд̇аанид̣̇д̣̇зсз бадисан̇каа яонисо аахаарам̣ аахаарзд̇ийд̇и бадисан̇каанабан̃н̃ааяа ж̇аанид̇ваа убааязна аахаарам̣ барибхун̃ж̇ад̇и. ид̣̇аани д̇ам̣ убааяам̣ д̣̇ассзд̇ум̣ нзва д̣̇авааяаад̇иаад̣̇и вуд̇д̇ам̣.
1355. Bhojane mattaññutāniddese paṭisaṅkhā yoniso āhāraṃ āhāretīti paṭisaṅkhānapaññāya jānitvā upāyena āhāraṃ paribhuñjati. Idāni taṃ upāyaṃ dassetuṃ neva davāyātiādi vuttaṃ.
д̇ад̇т̇а ‘нзва д̣̇авааяаа’д̇и д̣̇авад̇т̇ааяа на аахаарзд̇и. д̇ад̇т̇а надалан̇гхагаад̣̇аяо д̣̇авад̇т̇ааяа аахаарзнд̇и наама. яан̃хи бхож̇анам̣ бхуд̇д̇асса нажжаг̇ийд̇агаб̣яасилогасан̇каад̇о д̣̇аво ад̇ирзгад̇арзна бадибхаад̇и, д̇ам̣ бхож̇анам̣ ад̇хаммзна висамзна бариязсид̇ваа д̇з аахаарзнд̇и. аяам̣ бана бхигку звам̣ на аахаарзд̇и.
Tattha ‘neva davāyā’ti davatthāya na āhāreti. Tattha naṭalaṅghakādayo davatthāya āhārenti nāma. Yañhi bhojanaṃ bhuttassa naccagītakabyasilokasaṅkhāto davo atirekatarena paṭibhāti, taṃ bhojanaṃ adhammena visamena pariyesitvā te āhārenti. Ayaṃ pana bhikkhu evaṃ na āhāreti.
на мад̣̇ааяаад̇и маанамад̣̇абурисамад̣̇аанам̣ вад̣дханад̇т̇ааяа на аахаарзд̇и. д̇ад̇т̇а рааж̇арааж̇амахаамад̇д̇аа мад̣̇ад̇т̇ааяа аахаарзнд̇и наама. д̇з хи ад̇д̇ано маанамад̣̇абурисамад̣̇аанам̣ вад̣дханад̇т̇ааяа бин̣д̣арасабхож̇анаад̣̇ийни бан̣ийд̇абхож̇анаани бхун̃ж̇анд̇и. аяам̣ бана бхигку звам̣ на аахаарзд̇и.
Namadāyāti mānamadapurisamadānaṃ vaḍḍhanatthāya na āhāreti. Tattha rājarājamahāmattā madatthāya āhārenti nāma. Te hi attano mānamadapurisamadānaṃ vaḍḍhanatthāya piṇḍarasabhojanādīni paṇītabhojanāni bhuñjanti. Ayaṃ pana bhikkhu evaṃ na āhāreti.
на ман̣д̣анааяаад̇и сарийраман̣д̣анад̇т̇ааяа на аахаарзд̇и. д̇ад̇т̇а руубуубаж̇ийвинияо маад̇уг̇аамаа анд̇збуригаад̣̇аяо жа саббипаан̣ид̇ам̣ наама биванд̇и, д̇з хи синид̣̇д̇хам̣ муд̣̇ум̣ манд̣̇ам̣ бхож̇анам̣ аахаарзнд̇и ‘звам̣ но ан̇г̇аладти сусан̣тид̇аа бхависсад̇и, сарийрз чавиван̣н̣о басанно бхависсад̇ий’д̇и. аяам̣ бана бхигку звам̣ на аахаарзд̇и.
Na maṇḍanāyāti sarīramaṇḍanatthāya na āhāreti. Tattha rūpūpajīviniyo mātugāmā antepurikādayo ca sappiphāṇitaṃ nāma pivanti, te hi siniddhaṃ muduṃ mandaṃ bhojanaṃ āhārenti ‘evaṃ no aṅgalaṭṭhi susaṇṭhitā bhavissati, sarīre chavivaṇṇo pasanno bhavissatī’ti. Ayaṃ pana bhikkhu evaṃ na āhāreti.
на вибхуусанааяаад̇и сарийрз мам̣савибхуусанад̇т̇ааяа на аахаарзд̇и. д̇ад̇т̇а ниб̣б̣уд̣̇д̇хамалламудтигамаллаад̣̇аяо сусинид̣̇д̇хзхи мажчамам̣саад̣̇ийхи сарийрамам̣сам̣ бийн̣знд̇и ‘звам̣ но мам̣сам̣ уссад̣̇ам̣ бхависсад̇и бахаарасаханад̇т̇ааяаа’д̇и. аяам̣ бана бхигку звам̣ сарийрз мам̣савибхуусанад̇т̇ааяа на аахаарзд̇и.
Na vibhūsanāyāti sarīre maṃsavibhūsanatthāya na āhāreti. Tattha nibbuddhamallamuṭṭhikamallādayo susiniddhehi macchamaṃsādīhi sarīramaṃsaṃ pīṇenti ‘evaṃ no maṃsaṃ ussadaṃ bhavissati pahārasahanatthāyā’ti. Ayaṃ pana bhikkhu evaṃ sarīre maṃsavibhūsanatthāya na āhāreti.
яаавад̣̇зваад̇и аахаараахаран̣з баяож̇анасса барижчзд̣̇анияамад̣̇ассанам̣. имасса гааяасса тид̇ияаад̇и имасса жад̇умахаабхууд̇игагараж̇агааяасса табанад̇т̇ааяа аахаарзд̇и. ид̣̇амасса аахаараахаран̣з баяож̇ананд̇и ад̇т̇о. яаабанааяаад̇и ж̇ийвид̇инд̣̇рияаяаабанад̇т̇ааяа аахаарзд̇и. вихим̣суубарад̇ияаад̇и вихим̣саа наама абхуд̇д̇абажжаяаа уббаж̇ж̇анагаа куд̣̇д̣̇аа. д̇ассаа убарад̇ияаа вуубасаманад̇т̇ааяа аахаарзд̇и. б̣рахмажарияаануг̇г̇ахааяаад̇и б̣рахмажарияам̣ наама д̇иссо сигкаа, сагалам̣ саасанам̣, д̇асса ануг̇г̇ан̣ханад̇т̇ааяа аахаарзд̇и.
Yāvadevāti āhārāharaṇe payojanassa paricchedaniyamadassanaṃ. Imassa kāyassa ṭhitiyāti imassa catumahābhūtikakarajakāyassa ṭhapanatthāya āhāreti. Idamassa āhārāharaṇe payojananti attho. Yāpanāyāti jīvitindriyayāpanatthāya āhāreti. Vihiṃsūparatiyāti vihiṃsā nāma abhuttapaccayā uppajjanakā khuddā. Tassā uparatiyā vūpasamanatthāya āhāreti. Brahmacariyānuggahāyāti brahmacariyaṃ nāma tisso sikkhā, sakalaṃ sāsanaṃ, tassa anuggaṇhanatthāya āhāreti.
ид̇ийд̇и убааяанид̣̇ассанам̣; иминаа убааязнаад̇и ад̇т̇о. бураан̣ан̃жа взд̣̇анам̣ бадихан̇каамийд̇и бураан̣авзд̣̇анаа наама абхуд̇д̇аббажжаяаа уббаж̇ж̇анагавзд̣̇анаа. д̇ам̣ бадиханиссаамийд̇и аахаарзд̇и. наван̃жа взд̣̇анам̣ на уббаад̣̇зссаамийд̇и нававзд̣̇анаа наама ад̇ибхуд̇д̇аббажжаязна уббаж̇ж̇анагавзд̣̇анаа. д̇ам̣ на уббаад̣̇зссаамийд̇и аахаарзд̇и. ат̇а ваа, ‘нававзд̣̇анаа’ наама бхуд̇д̇аббажжаяаа науббаж̇ж̇анагавзд̣̇анаа. д̇ассаа ануббаннааяа ануббаж̇ж̇анад̇т̇амзва аахаарзд̇и. яаад̇раа жа мз бхависсад̇ийд̇и яаабанаа жа мз бхависсад̇и. анаваж̇ж̇ад̇аа жаад̇и зд̇т̇а ад̇т̇и сааваж̇ж̇ам̣ ад̇т̇и анаваж̇ж̇ам̣. д̇ад̇т̇а ад̇хаммигабариязсанаа ад̇хаммигабадиг̇г̇ахан̣ам̣ ад̇хаммзна барибхог̇од̇и ид̣̇ам̣ ‘сааваж̇ж̇ам̣’ наама. д̇хаммзна бариязсид̇ваа д̇хаммзна бадиг̇г̇ахзд̇ваа бажжавзгкид̇ваа барибхун̃ж̇анам̣ ‘анаваж̇ж̇ам̣’ наама. згажжо анаваж̇ж̇зязва сааваж̇ж̇ам̣ гарод̇и, ‘лад̣̇д̇хам̣ мз’д̇и гад̇ваа бамаан̣аад̇игганд̇ам̣ бхун̃ж̇ад̇и. д̇ам̣ ж̇ийраабзд̇ум̣ асаггонд̇о уд̣̇д̇хам̣вирзжанаад̇ховирзжанаад̣̇ийхи гиламад̇и. сагалавихаарз бхигкуу д̇асса сарийрабадиж̇аг̇г̇анабхзсаж̇ж̇абариязсанаад̣̇ийсу уссуггам̣ аабаж̇ж̇анд̇и. ‘гим̣ ид̣̇а’нд̇и вуд̇д̇з ‘асугасса наама уд̣̇арам̣ уд̣̇д̇хумаад̇а’нд̇иаад̣̇ийни вад̣̇анд̇и. ‘зса нижжагааламби звам̣багад̇игоязва, ад̇д̇ано гужчибамаан̣ам̣ наама на ж̇аанаад̇ий’д̇и нинд̣̇анд̇и г̇араханд̇и. аяам̣ анаваж̇ж̇зязва сааваж̇ж̇ам̣ гарод̇и наама. звам̣ агад̇ваа ‘анаваж̇ж̇ад̇аа жа бхависсад̇ий’д̇и аахаарзд̇и.
Itīti upāyanidassanaṃ; iminā upāyenāti attho. Purāṇañca vedanaṃ paṭihaṅkhāmīti purāṇavedanā nāma abhuttappaccayā uppajjanakavedanā. Taṃ paṭihanissāmīti āhāreti. Navañca vedanaṃ na uppādessāmīti navavedanā nāma atibhuttappaccayena uppajjanakavedanā. Taṃ na uppādessāmīti āhāreti. Atha vā, ‘navavedanā’ nāma bhuttappaccayā nauppajjanakavedanā. Tassā anuppannāya anuppajjanatthameva āhāreti. Yātrā ca me bhavissatīti yāpanā ca me bhavissati. Anavajjatā cāti ettha atthi sāvajjaṃ atthi anavajjaṃ. Tattha adhammikapariyesanā adhammikapaṭiggahaṇaṃ adhammena paribhogoti idaṃ ‘sāvajjaṃ’ nāma. Dhammena pariyesitvā dhammena paṭiggahetvā paccavekkhitvā paribhuñjanaṃ ‘anavajjaṃ’ nāma. Ekacco anavajjeyeva sāvajjaṃ karoti, ‘laddhaṃ me’ti katvā pamāṇātikkantaṃ bhuñjati. Taṃ jīrāpetuṃ asakkonto uddhaṃvirecanaadhovirecanādīhi kilamati. Sakalavihāre bhikkhū tassa sarīrapaṭijagganabhesajjapariyesanādīsu ussukkaṃ āpajjanti. ‘Kiṃ ida’nti vutte ‘asukassa nāma udaraṃ uddhumāta’ntiādīni vadanti. ‘Esa niccakālampi evaṃpakatikoyeva, attano kucchipamāṇaṃ nāma na jānātī’ti nindanti garahanti. Ayaṃ anavajjeyeva sāvajjaṃ karoti nāma. Evaṃ akatvā ‘anavajjatā ca bhavissatī’ti āhāreti.
паасувихааро жаад̇и зд̇т̇ааби ад̇т̇и паасувихааро ад̇т̇и на паасувихааро. д̇ад̇т̇а ‘аахарахад̇т̇аго алам̣саадаго д̇ад̇т̇аваддаго гаагамаасаго бхуд̇д̇авамид̇аго’д̇и имзсам̣ бан̃жаннам̣ б̣раахман̣аанам̣ бхож̇анам̣ на паасувихааро наама. зд̇зсу хи ‘аахарахад̇т̇аго’ наама б̣ахум̣ бхун̃ж̇ид̇ваа ад̇д̇ано д̇хаммад̇ааяа удтаад̇ум̣ асаггонд̇о ‘аахара хад̇т̇а’нд̇и вад̣̇ад̇и. ‘алам̣саадаго’ наама ажжуд̣̇д̇хумаад̇агужчид̇ааяа удтид̇оби саадагам̣ ниваасзд̇ум̣ на саггод̇и. ‘д̇ад̇т̇аваддаго’ наама удтаад̇ум̣ асаггонд̇о д̇ад̇т̇зва бариваддад̇и. ‘гаагамаасаго’ наама яат̇аа гаагзхи аамасид̇ум̣ саггаа ход̇и, звам̣ яаава мукад̣̇ваараа аахаарзд̇и. ‘бхуд̇д̇авамид̇аго’ наама мукзна санд̇хаарзд̇ум̣ асаггонд̇о д̇ад̇т̇зва вамад̇и. звам̣ агад̇ваа ‘паасувихааро жа мз бхависсад̇ий’д̇и аахаарзд̇и. паасувихааро наама жад̇уухи бан̃жахи аалобзхи уунууд̣̇арад̇аа. зд̇д̇аган̃хи бхун̃ж̇ид̇ваа баанийяам̣ бивад̇о жад̇д̇ааро ирияаабат̇аа сукзна бавад̇д̇анд̇и. д̇асмаа д̇хаммасзнаабад̇и звамааха –
Phāsuvihāro cāti etthāpi atthi phāsuvihāro atthi na phāsuvihāro. Tattha ‘āharahatthako alaṃsāṭako tatthavaṭṭako kākamāsako bhuttavamitako’ti imesaṃ pañcannaṃ brāhmaṇānaṃ bhojanaṃ na phāsuvihāro nāma. Etesu hi ‘āharahatthako’ nāma bahuṃ bhuñjitvā attano dhammatāya uṭṭhātuṃ asakkonto ‘āhara hattha’nti vadati. ‘Alaṃsāṭako’ nāma accuddhumātakucchitāya uṭṭhitopi sāṭakaṃ nivāsetuṃ na sakkoti. ‘Tatthavaṭṭako’ nāma uṭṭhātuṃ asakkonto tattheva parivaṭṭati. ‘Kākamāsako’ nāma yathā kākehi āmasituṃ sakkā hoti, evaṃ yāva mukhadvārā āhāreti. ‘Bhuttavamitako’ nāma mukhena sandhāretuṃ asakkonto tattheva vamati. Evaṃ akatvā ‘phāsuvihāro ca me bhavissatī’ti āhāreti. Phāsuvihāro nāma catūhi pañcahi ālopehi ūnūdaratā. Ettakañhi bhuñjitvā pānīyaṃ pivato cattāro iriyāpathā sukhena pavattanti. Tasmā dhammasenāpati evamāha –
‘‘жад̇д̇ааро бан̃жа аалобз, абхуд̇ваа уд̣̇агам̣ бивз;
‘‘Cattāro pañca ālope, abhutvā udakaṃ pive;
алам̣ паасувихаарааяа, бахид̇ад̇д̇асса бхигкуно’’д̇и. (т̇зраг̇аа. 983);
Alaṃ phāsuvihārāya, pahitattassa bhikkhuno’’ti. (theragā. 983);
имасмим̣ бана таанз ан̇г̇аани самод̇хаанзд̇аб̣б̣аани. ‘нзва д̣̇авааяаа’д̇ихи згам̣ ан̇г̇ам̣, ‘на мад̣̇ааяаа’д̇и згам̣, ‘на ман̣д̣анааяаа’д̇и згам̣, ‘на вибхуусанааяаа’д̇и згам̣, ‘яаавад̣̇зва имасса гааяасса тид̇ияаа яаабанааяаа’д̇и згам̣, ‘вихим̣суубарад̇ияаа б̣рахмажарияаануг̇г̇ахааяаа’д̇и згам̣, ‘ид̇и бураан̣ан̃жа взд̣̇анам̣ бадихан̇каами наван̃жа взд̣̇анам̣ на уббаад̣̇зссаамий’д̇и згам̣, ‘яаад̇раа жа мз бхависсад̇ий’д̇и згам̣ ан̇г̇ам̣. анаваж̇ж̇ад̇аа жа паасувихааро жаад̇и аяамзд̇т̇а бхож̇анаанисам̣со. махаасийвад̇т̇зро банааха – хздтаа жад̇д̇аари ан̇г̇аани бадигкзбо наама. убари бана адтан̇г̇аани самод̇хаанзд̇аб̣б̣аанийд̇и – д̇ад̇т̇а ‘яаавад̣̇зва имасса гааяасса тид̇ияаа’д̇и згам̣ ан̇г̇ам̣, ‘яаабанааяаа’д̇и згам̣, ‘вихим̣суубарад̇ияаад̇и’ згам̣, ‘б̣рахмажарияаануг̇г̇ахааяаа’д̇и згам̣, ‘ид̇и бураан̣ан̃жа взд̣̇анам̣ бадихан̇каамий’д̇и згам̣, ‘наван̃жа взд̣̇анам̣ на уббаад̣̇зссаамий’д̇и згам̣, ‘яаад̇раа жа мз бхависсад̇ий’д̇и згам̣, ‘анаваж̇ж̇ад̇аа’ жаад̇и згам̣. паасувихааро бана бхож̇анаанисам̣сод̇и. звам̣ адтан̇г̇асаманнааг̇ад̇ам̣ аахаарам̣ аахаарзнд̇о бхож̇анз мад̇д̇ан̃н̃уу наама ход̇и. аяам̣ вужжад̇ийд̇и аяам̣ бариязсанабадиг̇г̇ахан̣абарибхог̇зсу яуд̇д̇аббамаан̣аж̇аананавасзна бавад̇д̇о бажжавзгкид̇абарибхог̇о бхож̇анз мад̇д̇ан̃н̃уд̇аа наама вужжад̇и.
Imasmiṃ pana ṭhāne aṅgāni samodhānetabbāni. ‘Neva davāyā’tihi ekaṃ aṅgaṃ, ‘na madāyā’ti ekaṃ, ‘na maṇḍanāyā’ti ekaṃ, ‘na vibhūsanāyā’ti ekaṃ, ‘yāvadeva imassa kāyassa ṭhitiyā yāpanāyā’ti ekaṃ, ‘vihiṃsūparatiyā brahmacariyānuggahāyā’ti ekaṃ, ‘iti purāṇañca vedanaṃ paṭihaṅkhāmi navañca vedanaṃ na uppādessāmī’ti ekaṃ, ‘yātrā ca me bhavissatī’ti ekaṃ aṅgaṃ. Anavajjatā ca phāsuvihāro cāti ayamettha bhojanānisaṃso. Mahāsīvatthero panāha – heṭṭhā cattāri aṅgāni paṭikkhepo nāma. Upari pana aṭṭhaṅgāni samodhānetabbānīti – tattha ‘yāvadeva imassa kāyassa ṭhitiyā’ti ekaṃ aṅgaṃ, ‘yāpanāyā’ti ekaṃ, ‘vihiṃsūparatiyāti’ ekaṃ, ‘brahmacariyānuggahāyā’ti ekaṃ, ‘iti purāṇañca vedanaṃ paṭihaṅkhāmī’ti ekaṃ, ‘navañca vedanaṃ na uppādessāmī’ti ekaṃ, ‘yātrā ca me bhavissatī’ti ekaṃ, ‘anavajjatā’ cāti ekaṃ. Phāsuvihāro pana bhojanānisaṃsoti. Evaṃ aṭṭhaṅgasamannāgataṃ āhāraṃ āhārento bhojane mattaññū nāma hoti. Ayaṃ vuccatīti ayaṃ pariyesanapaṭiggahaṇaparibhogesu yuttappamāṇajānanavasena pavatto paccavekkhitaparibhogo bhojane mattaññutā nāma vuccati.
1356. мудтассажжанид̣̇д̣̇зсз асад̇ийд̇и сад̇ивирахид̇аа жад̇д̇ааро канд̇хаа. анануссад̇и аббадиссад̇ийд̇и убасаг̇г̇авасзна бад̣̇ам̣ вад̣дхид̇ам̣. асаран̣ад̇аад̇и асаран̣аагааро. ад̇хааран̣ад̇аад̇и д̇хаарзд̇ум̣ асамад̇т̇ад̇аа. д̇ааяа хи саманнааг̇ад̇о буг̇г̇ало аад̇хаанаббад̇д̇о нид̇хаанагкамо на ход̇и. уд̣̇агз алааб̣угадаахам̣ вияа аарамман̣з билавад̇ийд̇и билаабанад̇аа. сам̣мусанад̇аад̇и надтамудтассад̇ид̇аа. д̇ааяа хи саманнааг̇ад̇о буг̇г̇ало нигкид̇д̇абхад̇д̇о вияа гааго, нигкид̇д̇амам̣со вияа жа син̇г̇аало ход̇и.
1356. Muṭṭhassaccaniddese asatīti sativirahitā cattāro khandhā. Ananussati appaṭissatīti upasaggavasena padaṃ vaḍḍhitaṃ. Asaraṇatāti asaraṇākāro. Adhāraṇatāti dhāretuṃ asamatthatā. Tāya hi samannāgato puggalo ādhānappatto nidhānakkhamo na hoti. Udake alābukaṭāhaṃ viya ārammaṇe pilavatīti pilāpanatā. Saṃmusanatāti naṭṭhamuṭṭhassatitā. Tāya hi samannāgato puggalo nikkhittabhatto viya kāko, nikkhittamaṃso viya ca siṅgālo hoti.
1361. бхааванааб̣аланид̣̇д̣̇зсз гусалаанам̣ д̇хаммаананд̇и б̣од̇хибагкияад̇хаммаанам̣ аасзванаад̇и аад̣̇исзванаа. бхааванаад̇и вад̣дханаа. б̣ахулийгамманд̇и бунаббунам̣ гаран̣ам̣.
1361. Bhāvanābalaniddese kusalānaṃ dhammānanti bodhipakkhiyadhammānaṃ āsevanāti ādisevanā. Bhāvanāti vaḍḍhanā. Bahulīkammanti punappunaṃ karaṇaṃ.
1368. сийлавибад̇д̇инид̣̇д̣̇зсо сийласамбад̣̇аанид̣̇д̣̇зсабадибагкад̇о взд̣̇ид̇аб̣б̣о. д̣̇идтивибад̇д̇инид̣̇д̣̇зсо жа д̣̇идтисамбад̣̇аанид̣̇д̣̇зсабадибагкад̇о д̣̇идтисамбад̣̇аанид̣̇д̣̇зсо жа д̣̇идтубаад̣̇аананид̣̇д̣̇зсабадибагкад̇о. сийлависуд̣̇д̇хинид̣̇д̣̇зсо гин̃жааби сийласамбад̣̇аанид̣̇д̣̇зсзна самаано, д̇ад̇т̇а бана висуд̣̇д̇хисамбаабагам̣ баад̇имогкасам̣варасийлам̣ гат̇ид̇ам̣, ид̇ха висуд̣̇д̇хиббад̇д̇ам̣ сийлам̣. сад̇и жа самбаж̇ан̃н̃ан̃жа, бадисан̇каанаб̣алан̃жа бхааванааб̣алан̃жа, самат̇о жа вибассанаа жа, самат̇анимид̇д̇ан̃жа баг̇г̇аханимид̇д̇ан̃жа, баг̇г̇аахо жа авигкзбо жа, сийласамбад̣̇аа жа д̣̇идтисамбад̣̇аа жаад̇и имзхи бана чахи д̣̇угзхи жад̇убхуумагааби логияалогуд̇д̇арад̇хаммаава гат̇ид̇аа.
1368. Sīlavipattiniddeso sīlasampadāniddesapaṭipakkhato veditabbo. Diṭṭhivipattiniddeso ca diṭṭhisampadāniddesapaṭipakkhato diṭṭhisampadāniddeso ca diṭṭhupādānaniddesapaṭipakkhato. Sīlavisuddhiniddeso kiñcāpi sīlasampadāniddesena samāno, tattha pana visuddhisampāpakaṃ pātimokkhasaṃvarasīlaṃ kathitaṃ, idha visuddhippattaṃ sīlaṃ. Sati ca sampajaññañca, paṭisaṅkhānabalañca bhāvanābalañca, samatho ca vipassanā ca, samathanimittañca paggahanimittañca, paggāho ca avikkhepo ca, sīlasampadā ca diṭṭhisampadā cāti imehi pana chahi dukehi catubhūmakāpi lokiyalokuttaradhammāva kathitā.
1373. д̣̇идтивисуд̣̇д̇хинид̣̇д̣̇зсз гаммассагад̇ан̃н̃аан̣анд̇и ‘ид̣̇ам̣ гаммам̣ сагам̣, ид̣̇ам̣ но сага’нд̇и ж̇аананабан̃н̃аа. д̇ад̇т̇а ад̇д̇анаа ваа гад̇ам̣ ход̇у барзна ваа саб̣б̣амби агусалагаммам̣ но сагам̣. гасмаа? ад̇т̇абхан̃ж̇анад̇о анад̇т̇аж̇ананад̇о жа. гусалагаммам̣ бана анад̇т̇абхан̃ж̇анад̇о ад̇т̇аж̇ананад̇о жа ‘сагам̣’ наама. д̇ад̇т̇а яат̇аа наама сад̇хано сабхог̇о бурисо ад̣̇д̇хаанамаг̇г̇ам̣ бадибаж̇ж̇ид̇ваа анд̇араамаг̇г̇з г̇ааманиг̇амаад̣̇ийсу нагкад̇д̇з сан̇гхудтз ‘ахам̣ ааг̇анд̇уго, гам̣ ну ко ниссааяа нагкад̇д̇ам̣ гийл̣зяяа’нд̇и ажинд̇зд̇ваа яат̇аа яат̇аа ижчад̇и д̇зна д̇зна нийхаарзна нагкад̇д̇ам̣ гийл̣анд̇о сукзна ганд̇аарам̣ ад̇иггамад̇и, звамзва имасмим̣ гаммассагад̇ан̃н̃аан̣з тад̇ваа имз сад̇д̇аа б̣ахум̣ ваддаг̇аамигаммам̣ ааяуухид̇ваа сукзна сукам̣ анубхаванд̇аа арахад̇д̇ам̣ бад̇д̇аа г̇ан̣анабат̇ам̣ вийд̇ивад̇д̇аа. сажжаануломиган̃аан̣анд̇и жад̇уннам̣ сажжаанам̣ ануломам̣ вибассанаан̃аан̣ам̣. маг̇г̇асаман̇г̇исса н̃аан̣ам̣ паласаман̇г̇исса н̃аан̣анд̇и маг̇г̇ан̃аан̣апалан̃аан̣ааниязва.
1373. Diṭṭhivisuddhiniddese kammassakataññāṇanti ‘idaṃ kammaṃ sakaṃ, idaṃ no saka’nti jānanapaññā. Tattha attanā vā kataṃ hotu parena vā sabbampi akusalakammaṃ no sakaṃ. Kasmā? Atthabhañjanato anatthajananato ca. Kusalakammaṃ pana anatthabhañjanato atthajananato ca ‘sakaṃ’ nāma. Tattha yathā nāma sadhano sabhogo puriso addhānamaggaṃ paṭipajjitvā antarāmagge gāmanigamādīsu nakkhatte saṅghuṭṭhe ‘ahaṃ āgantuko, kaṃ nu kho nissāya nakkhattaṃ kīḷeyya’nti acintetvā yathā yathā icchati tena tena nīhārena nakkhattaṃ kīḷanto sukhena kantāraṃ atikkamati, evameva imasmiṃ kammassakataññāṇe ṭhatvā ime sattā bahuṃ vaṭṭagāmikammaṃ āyūhitvā sukhena sukhaṃ anubhavantā arahattaṃ pattā gaṇanapathaṃ vītivattā. Saccānulomikañāṇanti catunnaṃ saccānaṃ anulomaṃ vipassanāñāṇaṃ. Maggasamaṅgissa ñāṇaṃ phalasamaṅgissa ñāṇanti maggañāṇaphalañāṇāniyeva.
1374. ‘д̣̇идтивисуд̣̇д̇хи ко банаа’д̇ибад̣̇асса нид̣̇д̣̇зсз яаа бан̃н̃аа баж̇аананаад̇иаад̣̇ийхи бад̣̇зхи хздтаа вуд̇д̇аани гаммассагад̇ан̃н̃аан̣аад̣̇ийнзва жад̇д̇аари н̃аан̣аани вибхад̇д̇аани.
1374. ‘Diṭṭhivisuddhi kho panā’tipadassa niddese yā paññā pajānanātiādīhi padehi heṭṭhā vuttāni kammassakataññāṇādīneva cattāri ñāṇāni vibhattāni.
1375. ‘яат̇аад̣̇идтисса жа бад̇хаана’нд̇и бад̣̇асса нид̣̇д̣̇зсз яо жзд̇асиго вийрияаарамбход̇иаад̣̇ийхи бад̣̇зхи нид̣̇д̣̇идтам̣ вийрияам̣ бан̃н̃ааг̇ад̇игамзва; бан̃н̃ааяа хи логияадтаанз логияам̣ логуд̇д̇арадтаанз логуд̇д̇аранд̇и взд̣̇ид̇аб̣б̣ам̣.
1375. ‘Yathādiṭṭhissaca padhāna’nti padassa niddese yo cetasiko vīriyārambhotiādīhi padehi niddiṭṭhaṃ vīriyaṃ paññāgatikameva; paññāya hi lokiyaṭṭhāne lokiyaṃ lokuttaraṭṭhāne lokuttaranti veditabbaṃ.
1376. сам̣взг̇ад̣̇уганид̣̇д̣̇зсз ж̇аад̇ибхаяанд̇и ж̇аад̇им̣ бхаяад̇о д̣̇исваа тид̇ан̃аан̣ам̣. ж̇араамаран̣абхаяаад̣̇ийсуби зсзва наяо.
1376. Saṃvegadukaniddese jātibhayanti jātiṃ bhayato disvā ṭhitañāṇaṃ. Jarāmaraṇabhayādīsupi eseva nayo.
1377. ануббаннаанам̣ баабагаананд̇иаад̣̇ийхи ж̇аад̇иаад̣̇ийни бхаяад̇о д̣̇исваа ж̇аад̇иж̇арааб̣яаад̇химаран̣зхи мужжид̇угаамасса убааяабад̇хаанам̣ гат̇ид̇ам̣. бад̣̇абхааж̇анийяасса банад̇т̇о вибхан̇г̇адтагат̇ааяам̣ (вибха. адта. 367 б̣ож̇жхан̇г̇абаб̣б̣аван̣н̣анаа) аави бхависсад̇и.
1377. Anuppannānaṃ pāpakānantiādīhi jātiādīni bhayato disvā jātijarābyādhimaraṇehi muccitukāmassa upāyapadhānaṃ kathitaṃ. Padabhājanīyassa panattho vibhaṅgaṭṭhakathāyaṃ (vibha. aṭṭha. 367 bojjhaṅgapabbavaṇṇanā) āvi bhavissati.
1378. ‘асанд̇удтид̇аа жа гусалзсу д̇хаммзсуу’д̇и бад̣̇анид̣̇д̣̇зсз бхияяогамяад̇аад̇и висзсагаамад̇аа. ид̇хзгажжо хи аад̣̇ид̇ова багкигабхад̇д̇ам̣ ваа салаагабхад̇д̇ам̣ ваа убосат̇игам̣ ваа баадибад̣̇игам̣ ваа д̣̇зд̇и, со д̇зна асанд̇удто худ̇ваа буна д̇хурабхад̇д̇ам̣ сан̇гхабхад̇д̇ам̣ вассааваасигам̣ д̣̇зд̇и, ааваасам̣ гаарзд̇и, жад̇д̇аароби бажжаяз д̣̇зд̇и. д̇ад̇рааби асанд̇удто худ̇ваа саран̣аани г̇ан̣хаад̇и, бан̃жа сийлаани самаад̣̇ияад̇и. д̇ад̇рааби асанд̇удто худ̇ваа баб̣б̣аж̇ад̇и. баб̣б̣аж̇ид̇ваа згам̣ нигааяам̣ д̣̇вз нигааязд̇и д̇збидагам̣ б̣уд̣̇д̇хаважанам̣ г̇ан̣хаад̇и, адта самаабад̇д̇ияо бхаавзд̇и, вибассанам̣ вад̣дхзд̇ваа арахад̇д̇ам̣ г̇ан̣хаад̇и . арахад̇д̇аббад̇д̇ид̇о бадтааяа махаасанд̇удто наама ход̇и. звам̣ яаава арахад̇д̇аа висзсагаамад̇аа ‘бхияяогамяад̇аа’ наама.
1378. ‘Asantuṭṭhitā ca kusalesu dhammesū’ti padaniddese bhiyyokamyatāti visesakāmatā. Idhekacco hi āditova pakkhikabhattaṃ vā salākabhattaṃ vā uposathikaṃ vā pāṭipadikaṃ vā deti, so tena asantuṭṭho hutvā puna dhurabhattaṃ saṅghabhattaṃ vassāvāsikaṃ deti, āvāsaṃ kāreti, cattāropi paccaye deti. Tatrāpi asantuṭṭho hutvā saraṇāni gaṇhāti, pañca sīlāni samādiyati. Tatrāpi asantuṭṭho hutvā pabbajati. Pabbajitvā ekaṃ nikāyaṃ dve nikāyeti tepiṭakaṃ buddhavacanaṃ gaṇhāti, aṭṭha samāpattiyo bhāveti, vipassanaṃ vaḍḍhetvā arahattaṃ gaṇhāti . Arahattappattito paṭṭhāya mahāsantuṭṭho nāma hoti. Evaṃ yāva arahattā visesakāmatā ‘bhiyyokamyatā’ nāma.
1379. ‘аббадиваанид̇аа жа бад̇хаанасми’нд̇и бад̣̇асса нид̣̇д̣̇зсз яасмаа банд̇асзнаасанзсу ад̇хигусалаанам̣ д̇хаммаанам̣ бхааванааяа угган̣тамаано бад̇хаанам̣ бадиваасзд̇и наама , анугган̣тамаано но бадиваасзд̇и наама, д̇асмаа д̇ам̣ наяам̣ д̣̇ассзд̇ум̣ яаа гусалаанам̣ д̇хаммаананд̇иаад̣̇и вуд̇д̇ам̣. д̇ад̇т̇а саггажжагирияад̇аад̇и гусалаанам̣ гаран̣з саггажжагаарид̇аа. саад̇ажжагирияад̇аад̇и сад̇ад̇амзва гаран̣ам̣. адтид̇агирияад̇аад̇и кан̣д̣ам̣ агад̇ваа адтабзд̇ваа гаран̣ам̣. анолийнавуд̇д̇ид̇аад̇и алийнаж̇ийвид̇аа, алийнабавад̇д̇ид̇аа ваа. анигкид̇д̇ачанд̣̇ад̇аад̇и гусалажчанд̣̇асса анигкибанам̣. анигкид̇д̇ад̇хурад̇аад̇и гусалагаран̣з вийрияад̇хурасса анигкибанам̣.
1379. ‘Appaṭivānitā ca padhānasmi’nti padassa niddese yasmā pantasenāsanesu adhikusalānaṃ dhammānaṃ bhāvanāya ukkaṇṭhamāno padhānaṃ paṭivāseti nāma , anukkaṇṭhamāno no paṭivāseti nāma, tasmā taṃ nayaṃ dassetuṃ yā kusalānaṃ dhammānantiādi vuttaṃ. Tattha sakkaccakiriyatāti kusalānaṃ karaṇe sakkaccakāritā. Sātaccakiriyatāti satatameva karaṇaṃ. Aṭṭhitakiriyatāti khaṇḍaṃ akatvā aṭṭhapetvā karaṇaṃ. Anolīnavuttitāti alīnajīvitā, alīnapavattitā vā. Anikkhittachandatāti kusalacchandassa anikkhipanaṃ. Anikkhittadhuratāti kusalakaraṇe vīriyadhurassa anikkhipanaṃ.
1380. ‘буб̣б̣зниваасаануссад̇ин̃аан̣ам̣ виж̇ж̇аа’д̇и зд̇т̇а буб̣б̣зниваасод̇и буб̣б̣з нивуд̇т̇агканд̇хаа жа канд̇хабадиб̣ад̣̇д̇хан̃жа. буб̣б̣зниваасасса ануссад̇и буб̣б̣зниваасаануссад̇и. д̇ааяа самбаяуд̇д̇ам̣ н̃аан̣ам̣ буб̣б̣зниваасаануссад̇ин̃аан̣ам̣. д̇аяид̣̇ам̣ буб̣б̣з нивуд̇т̇агканд̇хабадижчаад̣̇агам̣ д̇амам̣ виж̇жхад̇ийд̇и виж̇ж̇аа. д̇ам̣ д̇амам̣ виж̇жхид̇ваа д̇з канд̇хз вид̣̇ид̇з баагадз гарод̇ийд̇и вид̣̇ид̇агаран̣адтзнааби виж̇ж̇аа.
1380. ‘Pubbenivāsānussatiñāṇaṃvijjā’ti ettha pubbenivāsoti pubbe nivutthakkhandhā ca khandhapaṭibaddhañca. Pubbenivāsassa anussati pubbenivāsānussati. Tāya sampayuttaṃ ñāṇaṃ pubbenivāsānussatiñāṇaṃ. Tayidaṃ pubbe nivutthakkhandhapaṭicchādakaṃ tamaṃ vijjhatīti vijjā. Taṃ tamaṃ vijjhitvā te khandhe vidite pākaṭe karotīti viditakaraṇaṭṭhenāpi vijjā.
жуд̇уубабаад̇з н̃аан̣анд̇и жуд̇ияан̃жа убабаад̇з жа н̃аан̣ам̣. ид̣̇амби сад̇д̇аанам̣ жуд̇ибадисанд̇хижчаад̣̇агам̣ д̇амам̣ виж̇жхад̇ийд̇и виж̇ж̇аа. д̇ам̣ д̇амам̣ виж̇жхид̇ваа сад̇д̇аанам̣ жуд̇ибадисанд̇хияо вид̣̇ид̇аа баагадаа гарод̇ийд̇и вид̣̇ид̇агаран̣адтзнааби виж̇ж̇аа. аасаваанам̣ каяз н̃аан̣анд̇и саб̣б̣агилзсаанам̣ каяасамаяз н̃аан̣ам̣. д̇аяид̣̇ам̣ жад̇усажжажчаад̣̇агад̇амам̣ виж̇жхад̇ийд̇и виж̇ж̇аа. д̇ам̣ д̇амам̣ виж̇жхид̇ваа жад̇д̇аари сажжаани вид̣̇ид̇аани баагадаани гарод̇ийд̇и вид̣̇ид̇агаран̣адтзнааби виж̇ж̇аа.
Cutūpapāte ñāṇanti cutiyañca upapāte ca ñāṇaṃ. Idampi sattānaṃ cutipaṭisandhicchādakaṃ tamaṃ vijjhatīti vijjā. Taṃ tamaṃ vijjhitvā sattānaṃ cutipaṭisandhiyo viditā pākaṭā karotīti viditakaraṇaṭṭhenāpi vijjā. Āsavānaṃ khaye ñāṇanti sabbakilesānaṃ khayasamaye ñāṇaṃ. Tayidaṃ catusaccacchādakatamaṃ vijjhatīti vijjā. Taṃ tamaṃ vijjhitvā cattāri saccāni viditāni pākaṭāni karotīti viditakaraṇaṭṭhenāpi vijjā.
1381. ‘жид̇д̇асса жа ад̇химуд̇д̇и ниб̣б̣аанан̃жаа’д̇и зд̇т̇а аарамман̣з ад̇химужжанадтзна, бажжанийгад̇хаммзхи жа судтумуд̇д̇адтзна адта самаабад̇д̇ияо жид̇д̇асса ад̇химуд̇д̇и наама. ид̇арам̣ бана ‘над̇т̇и зд̇т̇а д̇ан̣хаасан̇каад̇ам̣ ваанам̣’, ‘ниг̇г̇ад̇ам̣ ваа д̇асмаа ваанаа’д̇и ниб̣б̣аанам̣. д̇ад̇т̇а адта самаабад̇д̇ияо саяам̣ вигкамбхид̇агилзсзхи вимуд̇д̇ад̇д̇аа вимуд̇д̇ийд̇и вуд̇д̇аа, ниб̣б̣аанам̣ бана саб̣б̣агилзсзхи ажжанд̇ам̣ вимуд̇д̇ад̇д̇аа вимуд̇д̇ийд̇и.
1381. ‘Cittassaca adhimutti nibbānañcā’ti ettha ārammaṇe adhimuccanaṭṭhena, paccanīkadhammehi ca suṭṭhumuttaṭṭhena aṭṭha samāpattiyo cittassa adhimutti nāma. Itaraṃ pana ‘natthi ettha taṇhāsaṅkhātaṃ vānaṃ’, ‘niggataṃ vā tasmā vānā’ti nibbānaṃ. Tattha aṭṭha samāpattiyo sayaṃ vikkhambhitakilesehi vimuttattā vimuttīti vuttā, nibbānaṃ pana sabbakilesehi accantaṃ vimuttattā vimuttīti.
1382. маг̇г̇асаман̇г̇исса н̃аан̣анд̇и жад̇д̇аари маг̇г̇ан̃аан̣аани. паласаман̇г̇исса н̃аан̣анд̇и жад̇д̇аари палан̃аан̣аани. д̇ад̇т̇а батамамаг̇г̇ан̃аан̣ам̣ бан̃жа гилзсз кзбзнд̇ам̣ нирод̇хзнд̇ам̣ вуубасамзнд̇ам̣ бадиббассамбхзнд̇ам̣ уббаж̇ж̇ад̇ийд̇и каяз н̃аан̣ам̣ наама ж̇аад̇ам̣. д̣̇уд̇ияамаг̇г̇ан̃аан̣ам̣ жад̇д̇ааро гилзсз. д̇ат̇аа д̇ад̇ияамаг̇г̇ан̃аан̣ам̣. жад̇уд̇т̇амаг̇г̇ан̃аан̣ам̣ бана адта гилзсз кзбзнд̇ам̣ нирод̇хзнд̇ам̣ вуубасамзнд̇ам̣ бадиббассамбхзнд̇ам̣ уббаж̇ж̇ад̇ийд̇и ‘каяз н̃аан̣ам̣’ наама ж̇аад̇ам̣. д̇ам̣ д̇ам̣ маг̇г̇апалан̃аан̣ам̣ бана д̇зсам̣ д̇зсам̣ гилзсаанам̣ кийн̣анд̇з нируд̣̇д̇ханд̇з вуубасаманд̇з бадиббассамбханд̇з ануббаад̣̇анд̇з аббавад̇д̇анд̇з уббаннанд̇и ануббаад̣̇з н̃аан̣ам̣ наама ж̇аад̇анд̇и.
1382. Maggasamaṅgissañāṇanti cattāri maggañāṇāni. Phalasamaṅgissa ñāṇanti cattāri phalañāṇāni. Tattha paṭhamamaggañāṇaṃ pañca kilese khepentaṃ nirodhentaṃ vūpasamentaṃ paṭippassambhentaṃ uppajjatīti khaye ñāṇaṃ nāma jātaṃ. Dutiyamaggañāṇaṃ cattāro kilese. Tathā tatiyamaggañāṇaṃ. Catutthamaggañāṇaṃ pana aṭṭha kilese khepentaṃ nirodhentaṃ vūpasamentaṃ paṭippassambhentaṃ uppajjatīti ‘khaye ñāṇaṃ’ nāma jātaṃ. Taṃ taṃ maggaphalañāṇaṃ pana tesaṃ tesaṃ kilesānaṃ khīṇante niruddhante vūpasamante paṭippassambhante anuppādante appavattante uppannanti anuppāde ñāṇaṃ nāma jātanti.
адтасаалинияаа д̇хаммасан̇г̇ахаадтагат̇ааяа
Aṭṭhasāliniyā dhammasaṅgahaaṭṭhakathāya
нигкзбаган̣д̣аван̣н̣анаа нидтид̇аа.
Nikkhepakaṇḍavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / суд̇д̇анд̇игад̣̇уганигкзбам̣ • Suttantikadukanikkhepaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / суд̇д̇анд̇игад̣̇уганигкзбагат̇ааван̣н̣анаа • Suttantikadukanikkhepakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / суд̇д̇анд̇игад̣̇уганигкзбагат̇ааван̣н̣анаа • Suttantikadukanikkhepakathāvaṇṇanā
