| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā |
суд̇д̇анд̇игад̣̇уганигкзбагат̇ааван̣н̣анаа
Suttantikadukanikkhepakathāvaṇṇanā
1303. вивзжид̇ад̇д̇аад̇и висум̣ гад̇ад̇д̇аа багаасид̇ад̇д̇аа. асзсзд̇ваа кзбзд̇ийд̇и важ̇ирам̣ ад̇д̇анаа бад̇ид̇адтаанам̣ асзсзд̇ваа кзбзд̇и буна абаагад̇игад̇аааабаад̣̇анзна.
1303. Vivecitattāti visuṃ katattā pakāsitattā. Asesetvā khepetīti vajiraṃ attanā patitaṭṭhānaṃ asesetvā khepeti puna apākatikatāāpādanena.
1311. д̇аббад̇ийд̇и виббадисаарий ход̇и, анусожад̇и ваа.
1311. Tappatīti vippaṭisārī hoti, anusocati vā.
1313. аханд̇и ид̇и-сад̣̇д̣̇абарзна ахам̣-сад̣̇д̣̇зна хзд̇убхууд̇зна яо ад̇т̇о вин̃н̃ааяад̇и, со сам̣гат̇ийяад̇и, уд̣̇ийрийяад̇ийд̇и ад̇т̇о. ан̃н̃ат̇аа хи вужжамаанасса важанзна багаасияамаанасса бад̣̇ад̇т̇асса сан̇каад̣̇ибхаавз саб̣б̣зсам̣ гусалаад̣̇ид̇хаммаанам̣ ад̇хиважанаад̣̇ид̇аа сияаад̇и. бхаавод̇и сад̇д̇авзважананд̇и бхан̣анд̇и, д̇хаад̇уяаа ваа зд̇ам̣ ад̇хиважанам̣. д̣̇ад̇д̇од̇и зд̇д̇аавад̇аа сад̇д̇абан̃н̃ад̇д̇им̣ д̣̇ассзд̇ваа ан̃н̃амби убаад̣̇аабан̃н̃ад̇д̇им̣ д̣̇ассзд̇ум̣ ‘‘ман̃жо’’д̇иаад̣̇имааха. аханд̇и жа бавад̇д̇ам̣ ад̇хиважанам̣ вад̣̇анд̇зна сун̣анд̇зна жа буб̣б̣з г̇ахид̇асан̃н̃зна ад̇т̇аббагаасанабхаавзна вин̃н̃ааяад̇и. на хи д̇асмим̣ авин̃н̃аад̇з д̇ад̣̇ад̇т̇авиж̇аананам̣ ад̇т̇ийд̇и висзсзна ад̇хиважанам̣ ‘‘н̃ааяад̇ийд̇и саман̃н̃аа’’д̇и вуд̇д̇ам̣. зд̇ассад̇т̇асса аханд̇и ид̣̇ам̣ ад̇хиважананд̇и звам̣ ваа сан̃н̃ааг̇ахан̣авасзна н̃ааяад̇и саман̃н̃ааяад̇и баагадаа ход̇ийд̇и саман̃н̃аа. бан̃н̃аабийяад̇ийд̇и аханд̇и ид̣̇ам̣ зд̇асса ад̇хиважананд̇и звам̣ табийяад̇ийд̇и ад̇т̇о. вохарийяад̇ийд̇и вужжад̇и. уд̣̇д̇хзяяанд̇и уд̣̇д̇харид̇аб̣б̣ам̣. аби наамасахассад̇од̇и анзгзхиби наамасахассзхийд̇и ад̇т̇о. саяамзва убабад̇анасийлам̣ наамам̣ ‘‘обабаад̇иганаама’’нд̇и вужжад̇и.
1313. Ahanti iti-saddaparena ahaṃ-saddena hetubhūtena yo attho viññāyati, so saṃkathīyati, udīrīyatīti attho. Aññathā hi vuccamānassa vacanena pakāsiyamānassa padatthassa saṅkhādibhāve sabbesaṃ kusalādidhammānaṃ adhivacanāditā siyāti. Bhāvoti sattavevacananti bhaṇanti, dhātuyā vā etaṃ adhivacanaṃ. Dattoti ettāvatā sattapaññattiṃ dassetvā aññampi upādāpaññattiṃ dassetuṃ ‘‘mañco’’tiādimāha. Ahanti ca pavattaṃ adhivacanaṃ vadantena suṇantena ca pubbe gahitasaññena atthappakāsanabhāvena viññāyati. Na hi tasmiṃ aviññāte tadatthavijānanaṃ atthīti visesena adhivacanaṃ ‘‘ñāyatīti samaññā’’ti vuttaṃ. Etassatthassa ahanti idaṃ adhivacananti evaṃ vā saññāgahaṇavasena ñāyati samaññāyati pākaṭā hotīti samaññā. Paññāpīyatīti ahanti idaṃ etassa adhivacananti evaṃ ṭhapīyatīti attho. Voharīyatīti vuccati. Uddheyyanti uddharitabbaṃ. Api nāmasahassatoti anekehipi nāmasahassehīti attho. Sayameva upapatanasīlaṃ nāmaṃ ‘‘opapātikanāma’’nti vuccati.
гарийяад̇ийд̇и гаммам̣, наамамзва гаммам̣ наамагаммам̣. д̇ат̇аа наамад̇хзяяам̣. гаран̣атабанасад̣̇д̣̇ааби хи гаммад̇т̇аа хонд̇ийд̇и. ат̇а гаран̣ад̇т̇аа, гарийяад̇и жа табийяад̇и жа зд̇зна ад̇т̇о звам̣наамод̇и бан̃н̃аабийяад̇ийд̇и гаран̣ам̣ табанан̃жа наама ход̇и. ат̇а бхаавад̇т̇аа, н̃аабанамад̇д̇амзва гаран̣ам̣ табананд̇и жа вуд̇д̇ам̣. нааманируд̇д̇и наамаб̣яан̃ж̇ананд̇и наамамижжзва вуд̇д̇ам̣ ход̇и. на хи бат̇авийсан̇каад̇ам̣ ад̇т̇аббагаарамад̇д̇ам̣ нивад̣̇ад̇и б̣яан̃ж̇аяад̇и ваа бат̇авийд̇и наамам̣ нивад̣̇ад̇и б̣яан̃ж̇аяад̇и ваа, д̇асмаа анаамасса нируд̇д̇иб̣яан̃ж̇анабхааванивааран̣ад̇т̇ам̣ ‘‘нааманируд̇д̇и наамаб̣яан̃ж̇ана’’нд̇и вуд̇д̇ам̣. звам̣ наамаабхилаабод̇и зд̇т̇ааби наяо. зд̇т̇а бана сан̇каа саман̃н̃аа бан̃н̃ад̇д̇и вохаарод̇и жад̇уухи бад̣̇зхи бан̃н̃аабид̇аб̣б̣ад̇о бан̃н̃ад̇д̇и вуд̇д̇аа, ид̇арзхи бан̃н̃аабанад̇о.
Karīyatīti kammaṃ, nāmameva kammaṃ nāmakammaṃ. Tathā nāmadheyyaṃ. Karaṇaṭhapanasaddāpi hi kammatthā hontīti. Atha karaṇatthā, karīyati ca ṭhapīyati ca etena attho evaṃnāmoti paññāpīyatīti karaṇaṃ ṭhapanañca nāma hoti. Atha bhāvatthā, ñāpanamattameva karaṇaṃ ṭhapananti ca vuttaṃ. Nāmanirutti nāmabyañjananti nāmamicceva vuttaṃ hoti. Na hi pathavīsaṅkhātaṃ atthappakāramattaṃ nivadati byañjayati vā pathavīti nāmaṃ nivadati byañjayati vā, tasmā anāmassa niruttibyañjanabhāvanivāraṇatthaṃ ‘‘nāmanirutti nāmabyañjana’’nti vuttaṃ. Evaṃ nāmābhilāpoti etthāpi nayo. Ettha pana saṅkhā samaññā paññatti vohāroti catūhi padehi paññāpitabbato paññatti vuttā, itarehi paññāpanato.
д̇ад̇т̇а жа ‘‘буримаа убаад̣̇аабан̃н̃ад̇д̇и уббаад̣̇аваяагижжарахид̇аа логасан̇гзд̇асид̣̇д̇хаа, бажчимаа наамабан̃н̃ад̇д̇и, яааяа буримаа бан̃н̃ад̇д̇и руубаад̣̇аяо жа сод̇ад̣̇вааравин̃н̃аан̣асанд̇аанаананд̇арамуббаннзна г̇ахид̇абуб̣б̣асан̇гзд̇зна манод̣̇вааравин̃н̃аан̣асанд̇аанзна г̇ахид̇ааяа бан̃н̃аабийяанд̇ий’’д̇и аажарияаа вад̣̇анд̇и. зд̇асмим̣ бана имиссаа баал̣ияаа адтагат̇ааяа жа ад̇т̇з сад̇и яам̣ вуд̇д̇ам̣ маад̇игааяам̣ ‘‘важанамад̇д̇амзва ад̇хигаарам̣ гад̇ваа бавад̇д̇аа ад̇хиважанаа наама, сахзд̇угам̣ гад̇ваа вужжамаанаа абхилаабаа нируд̇д̇и наама, багаарзна н̃аабанад̇о бан̃н̃ад̇д̇и наамаа’’д̇и (д̇ха. са. адта. 101-108), д̇зна вирод̇хо сияаа. на хи уббаад̣̇аваяагижжарахид̇асса важанамад̇д̇ам̣ ад̇хигаарам̣ гад̇ваа бавад̇д̇и ад̇т̇и уббаад̣̇аад̣̇исахид̇ассзва бавад̇д̇исаб̣бхаавад̇о, на жа важанаважанад̇т̇авимуд̇д̇асса наамасса нид̣̇д̇хаарзд̇ваа сахзд̇угам̣ гад̇ваа вужжамаанад̇аа ад̇т̇и, нааби анид̣̇д̇хаарид̇асабхаавасса бад̣̇ад̇т̇асса д̇зна д̇зна багаарзна н̃аабанам̣ ад̇т̇ийд̇и.
Tattha ca ‘‘purimā upādāpaññatti uppādavayakiccarahitā lokasaṅketasiddhā, pacchimā nāmapaññatti, yāya purimā paññatti rūpādayo ca sotadvāraviññāṇasantānānantaramuppannena gahitapubbasaṅketena manodvāraviññāṇasantānena gahitāya paññāpīyantī’’ti ācariyā vadanti. Etasmiṃ pana imissā pāḷiyā aṭṭhakathāya ca atthe sati yaṃ vuttaṃ mātikāyaṃ ‘‘vacanamattameva adhikāraṃ katvā pavattā adhivacanā nāma, sahetukaṃ katvā vuccamānā abhilāpā nirutti nāma, pakārena ñāpanato paññatti nāmā’’ti (dha. sa. aṭṭha. 101-108), tena virodho siyā. Na hi uppādavayakiccarahitassa vacanamattaṃ adhikāraṃ katvā pavatti atthi uppādādisahitasseva pavattisabbhāvato, na ca vacanavacanatthavimuttassa nāmassa niddhāretvā sahetukaṃ katvā vuccamānatā atthi, nāpi aniddhāritasabhāvassa padatthassa tena tena pakārena ñāpanaṃ atthīti.
д̣̇увид̇хаа жааяам̣ бан̃н̃ад̇д̇и яат̇аавуд̇д̇аббагаараад̇и адтагат̇ааважанан̃жа на д̣̇иссад̇и, адтагат̇ааяам̣ бана виж̇ж̇амаанабан̃н̃ад̇д̇иаад̣̇аяо ча бан̃н̃ад̇д̇ияова вуд̇д̇аа. д̇ад̇т̇а ‘‘руубам̣ взд̣̇анаа’’д̇иаад̣̇игаа виж̇ж̇амаанабан̃н̃ад̇д̇и. ‘‘ид̇т̇ий бурисо’’д̇иаад̣̇игаа авиж̇ж̇амаанабан̃н̃ад̇д̇и. ‘‘д̇звиж̇ж̇о чал̣абхин̃н̃о’’д̇иаад̣̇игаа виж̇ж̇амаанзна авиж̇ж̇амаанабан̃н̃ад̇д̇и. ‘‘ид̇т̇исад̣̇д̣̇о бурисасад̣̇д̣̇о’’д̇иаад̣̇игаа авиж̇ж̇амаанзна виж̇ж̇амаанабан̃н̃ад̇д̇и. ‘‘жагкувин̃н̃аан̣ам̣ сод̇авин̃н̃аан̣а’’нд̇иаад̣̇игаа виж̇ж̇амаанзна виж̇ж̇амаанабан̃н̃ад̇д̇и. ‘‘кад̇д̇ияагумааро б̣раахман̣агумааро’’д̇иаад̣̇игаа авиж̇ж̇амаанзна авиж̇ж̇амаанабан̃н̃ад̇д̇и. на жзд̇т̇а яат̇аавуд̇д̇аббагаараа д̣̇увид̇хаа бан̃н̃ад̇д̇и вуд̇д̇аад̇и саггаа вин̃н̃аад̇ум̣. виж̇ж̇амаанасса хи сан̇каа…бз… абхилаабо виж̇ж̇амаанабан̃н̃ад̇д̇и. авиж̇ж̇амаанасса жа сан̇каад̣̇игаа авиж̇ж̇амаанабан̃н̃ад̇д̇и. д̇зсам̣язва висзсанависзсид̇аб̣б̣абхаавзна бавад̇д̇аа сан̇каад̣̇аяо ид̇араад̇и.
Duvidhā cāyaṃ paññatti yathāvuttappakārāti aṭṭhakathāvacanañca na dissati, aṭṭhakathāyaṃ pana vijjamānapaññattiādayo cha paññattiyova vuttā. Tattha ‘‘rūpaṃ vedanā’’tiādikā vijjamānapaññatti. ‘‘Itthī puriso’’tiādikā avijjamānapaññatti. ‘‘Tevijjo chaḷabhiñño’’tiādikā vijjamānena avijjamānapaññatti. ‘‘Itthisaddo purisasaddo’’tiādikā avijjamānena vijjamānapaññatti. ‘‘Cakkhuviññāṇaṃ sotaviññāṇa’’ntiādikā vijjamānena vijjamānapaññatti. ‘‘Khattiyakumāro brāhmaṇakumāro’’tiādikā avijjamānena avijjamānapaññatti. Na cettha yathāvuttappakārā duvidhā paññatti vuttāti sakkā viññātuṃ. Vijjamānassa hi saṅkhā…pe… abhilāpo vijjamānapaññatti. Avijjamānassa ca saṅkhādikā avijjamānapaññatti. Tesaṃyeva visesanavisesitabbabhāvena pavattā saṅkhādayo itarāti.
авиж̇ж̇амаанабан̃н̃ад̇д̇иважанзна бан̃н̃аабид̇аб̣б̣аа убаад̣̇аабан̃н̃ад̇д̇и, д̇ассаа бан̃н̃аабанабхууд̇аа наамабан̃н̃ад̇д̇и жа вуд̇д̇аа, ид̇арзхи наамабан̃н̃ад̇д̇иязва яат̇аавуд̇д̇аад̇и жз? на, асид̣̇д̇хад̇д̇аа. сад̇и хи уж̇угз буримз баал̣иануг̇ад̇з ад̇т̇з аяамад̇т̇о имааяа адтагат̇ааяа вуд̇д̇од̇и асид̣̇д̇хамзд̇ам̣. яад̣̇и жа сад̇д̇арат̇агхадаад̣̇ид̣̇исаагаалагасин̣ааж̇адаагаасагасин̣уг̇гхаадимаагаасааагин̃жан̃н̃ааяад̇анависаяанирод̇хасамаабад̇д̇иаад̣̇иббагаараа убаад̣̇аабан̃н̃ад̇д̇и авиж̇ж̇амаанабан̃н̃ад̇д̇и, зд̇знзва важанзна д̇ассаа авиж̇ж̇амаанад̇аа вуд̇д̇аад̇и на саа ад̇т̇ийд̇и вад̇д̇аб̣б̣аа. яат̇аа жа бан̃н̃аабид̇аб̣б̣ад̇о авиж̇ж̇амаанаанам̣ сад̇д̇аад̣̇ийнам̣ авиж̇ж̇амаанабан̃н̃ад̇д̇ибхааво, звам̣ руубаад̣̇ийнам̣ виж̇ж̇амаанаанам̣ бан̃н̃абзд̇аб̣б̣ад̇о виж̇ж̇амаанабан̃н̃ад̇д̇ибхааво аабаж̇ж̇ад̇и. д̇ад̇о ‘‘саб̣б̣з д̇хаммаа бан̃н̃ад̇д̇ий’’д̇и бан̃н̃ад̇д̇ибат̇зхи ависидто бан̃н̃ад̇д̇ид̇хамманид̣̇д̣̇зсо вад̇д̇аб̣б̣о сияаа. ат̇ааби бан̃н̃аабид̇аб̣б̣абан̃н̃аабанависзсад̣̇ассанад̇т̇о сан̇каад̣̇инид̣̇д̣̇зсо, д̇ат̇ааби ‘‘згад̇хаммо саб̣б̣ад̇хаммзсу нибад̇ад̇и, саб̣б̣ад̇хаммаа згад̇хаммасмим̣ нибад̇анд̇ий’’д̇иаад̣̇инаа бан̃н̃аабид̇аб̣б̣аанам̣ бан̃н̃ад̇д̇ибат̇абхаавасса д̣̇ассид̇ад̇д̇аа бан̃н̃аабид̇аб̣б̣аанам̣ бан̃н̃ад̇д̇ибхаавз бан̃н̃ад̇д̇ибат̇аа бан̃н̃ад̇д̇исад̣̇д̣̇знзва вуд̇д̇аад̇и бан̃н̃ад̇д̇ибат̇абад̣̇ам̣ на вад̇д̇аб̣б̣ам̣ сияаа, нааби саггаа бан̃н̃аабид̇аб̣б̣абан̃н̃аабанависзсад̣̇ассанад̇т̇о сан̇каад̣̇инид̣̇д̣̇зсод̇и вад̇д̇ум̣ сан̇каад̣̇исад̣̇д̣̇аанам̣ самаанад̇т̇ад̇д̇аа. вуд̇д̇ан̃хи ‘‘маран̣знаби д̇ам̣ бахийяад̇и, яам̣ бурисо мамид̣̇анд̇и ман̃н̃ад̇ий’’д̇и (махаани. 41) зд̇т̇а ‘‘бурисод̇и сан̇каа саман̃н̃аа…бз… абхилаабо’’д̇и (махаани. 41). д̇ат̇аа ‘‘мааг̇ан̣д̣ияод̇и д̇асса б̣раахман̣асса наамам̣ сан̇каа саман̃н̃аа’’д̇иаад̣̇и (махаани. 73). на жа ‘‘аяам̣ ид̇т̇аннаамо’’д̇и сан̇гзд̇аг̇г̇ахан̣ам̣ ‘‘руубам̣ д̇иссо’’д̇иаад̣̇иважанаг̇г̇ахан̣ан̃жа мун̃жид̇ваа ан̃н̃асса асид̣̇д̇хасабхаавасса ад̇т̇абан̃н̃аабанз самад̇т̇ад̇аа самбхавад̇и, д̇зсан̃жа асамад̇т̇ад̇аа. яад̣̇и хи д̇зсам̣ винаа бан̃н̃ад̇д̇ияаа ад̇т̇абан̃н̃аабанз асамад̇т̇ад̇аа сияаа, бан̃н̃ад̇д̇ибан̃н̃аабанз жа асамад̇т̇ад̇аад̇и д̇ассаа ан̃н̃аа бан̃н̃ад̇д̇и вад̇д̇аб̣б̣аа сияаа, д̇ассаа д̇ассаад̇и анавад̇т̇аанам̣, д̇ад̇о ад̇т̇авиж̇аананамзва на сияаа, нааби сан̇гзд̇аг̇г̇ахан̣ам̣ сан̇гзд̇асса бан̃н̃ад̇д̇ибхаавз ‘‘аяам̣ имасса бхаасид̇асса ад̇т̇о’’д̇и ваа, ‘‘имассад̇т̇асса ид̣̇ам̣ важанам̣ ж̇од̇ага’’нд̇и ваа. сан̃н̃уббаад̣̇амад̇д̇з бана сан̇гзд̇аг̇г̇ахан̣з важанасса важанад̇т̇авинимуд̇д̇асса габбанз баяож̇анам̣ над̇т̇и. ‘‘б̣уд̣̇д̇хасса бхаг̇авад̇о вохааро логияз сод̇з бадихан̃н̃ад̇и’’ (гат̇аа. 347), ‘‘абхиж̇аанааси но д̇вам̣ аананд̣̇а ид̇о буб̣б̣з зваруубам̣ наамад̇хзяяам̣ суд̇ам̣ яад̣̇ид̣̇ам̣ ж̇анавасабхо’’д̇и (д̣̇ий. ни. 2.280), ‘‘нааман̃жа саавзд̇и гон̣д̣ан̃н̃о ахам̣ бхаг̇аваа’’д̇иаад̣̇ийхи (сам̣. ни. 1.217) жа бан̃н̃ад̇д̇ияаа важанабхааво сид̣̇д̇хо. д̇асмаа баал̣ияаа адтагат̇ааяа жа авируд̣̇д̇хо ад̇т̇о вижаарзд̇ваа г̇ахзд̇аб̣б̣о.
Avijjamānapaññattivacanena paññāpitabbā upādāpaññatti, tassā paññāpanabhūtā nāmapaññatti ca vuttā, itarehi nāmapaññattiyeva yathāvuttāti ce? Na, asiddhattā. Sati hi ujuke purime pāḷianugate atthe ayamattho imāya aṭṭhakathāya vuttoti asiddhametaṃ. Yadi ca sattarathaghaṭādidisākālakasiṇaajaṭākāsakasiṇugghāṭimākāsaākiñcaññāyatanavisayanirodhasamāpattiādippakārā upādāpaññatti avijjamānapaññatti, eteneva vacanena tassā avijjamānatā vuttāti na sā atthīti vattabbā. Yathā ca paññāpitabbato avijjamānānaṃ sattādīnaṃ avijjamānapaññattibhāvo, evaṃ rūpādīnaṃ vijjamānānaṃ paññapetabbato vijjamānapaññattibhāvo āpajjati. Tato ‘‘sabbe dhammā paññattī’’ti paññattipathehi avisiṭṭho paññattidhammaniddeso vattabbo siyā. Athāpi paññāpitabbapaññāpanavisesadassanattho saṅkhādiniddeso, tathāpi ‘‘ekadhammo sabbadhammesu nipatati, sabbadhammā ekadhammasmiṃ nipatantī’’tiādinā paññāpitabbānaṃ paññattipathabhāvassa dassitattā paññāpitabbānaṃ paññattibhāve paññattipathā paññattisaddeneva vuttāti paññattipathapadaṃ na vattabbaṃ siyā, nāpi sakkā paññāpitabbapaññāpanavisesadassanattho saṅkhādiniddesoti vattuṃ saṅkhādisaddānaṃ samānatthattā. Vuttañhi ‘‘maraṇenapi taṃ pahīyati, yaṃ puriso mamidanti maññatī’’ti (mahāni. 41) ettha ‘‘purisoti saṅkhā samaññā…pe… abhilāpo’’ti (mahāni. 41). Tathā ‘‘māgaṇḍiyoti tassa brāhmaṇassa nāmaṃ saṅkhā samaññā’’tiādi (mahāni. 73). Na ca ‘‘ayaṃ itthannāmo’’ti saṅketaggahaṇaṃ ‘‘rūpaṃ tisso’’tiādivacanaggahaṇañca muñcitvā aññassa asiddhasabhāvassa atthapaññāpane samatthatā sambhavati, tesañca asamatthatā. Yadi hi tesaṃ vinā paññattiyā atthapaññāpane asamatthatā siyā, paññattipaññāpane ca asamatthatāti tassā aññā paññatti vattabbā siyā, tassā tassāti anavatthānaṃ, tato atthavijānanameva na siyā, nāpi saṅketaggahaṇaṃ saṅketassa paññattibhāve ‘‘ayaṃ imassa bhāsitassa attho’’ti vā, ‘‘imassatthassa idaṃ vacanaṃ jotaka’’nti vā. Saññuppādamatte pana saṅketaggahaṇe vacanassa vacanatthavinimuttassa kappane payojanaṃ natthi. ‘‘Buddhassa bhagavato vohāro lokiye sote paṭihaññati’’ (kathā. 347), ‘‘abhijānāsi no tvaṃ ānanda ito pubbe evarūpaṃ nāmadheyyaṃ sutaṃ yadidaṃ janavasabho’’ti (dī. ni. 2.280), ‘‘nāmañca sāveti koṇḍañño ahaṃ bhagavā’’tiādīhi (saṃ. ni. 1.217) ca paññattiyā vacanabhāvo siddho. Tasmā pāḷiyā aṭṭhakathāya ca aviruddho attho vicāretvā gahetabbo.
яад̣̇и сад̇д̇аад̣̇аяо авиж̇ж̇амаанабан̃н̃ад̇д̇и на хонд̇и, гаа бана авиж̇ж̇амаанабан̃н̃ад̇д̇и наамаад̇и? багаасид̇о аяамад̇т̇о ‘‘авиж̇ж̇амаанаанам̣ сад̇д̇аад̣̇ийнам̣ сан̇каа…бз… абхилаабо авиж̇ж̇амаанабан̃н̃ад̇д̇ий’’д̇и. сад̇д̇аад̣̇ийнан̃жа авиж̇ж̇амаанад̇д̇аа ад̇т̇ид̇аа нзва вад̇д̇аб̣б̣аа, яз жа вад̣̇зяяум̣ ‘‘руубаад̣̇ийни вияа авиж̇ж̇амаанад̇д̇аа авиж̇ж̇амаанад̇аа вуд̇д̇аа, на над̇т̇ибхаавад̇о’’д̇и, аяан̃жа ваад̣̇о хзвад̇т̇игат̇ааяа бадисид̣̇д̇хо, на жа руубам̣ взд̣̇анаа на ход̇ийд̇и авиж̇ж̇амаанам̣ наама ход̇и. звам̣ сад̇д̇аад̣̇аяоби яад̣̇и ад̇т̇и, руубаад̣̇аяо на хонд̇ийд̇и авиж̇ж̇амаанаад̇и на вад̇д̇аб̣б̣аа. яасмаа бана язсу руубаад̣̇ийсу жагкаад̣̇ийсу жа д̇ат̇аа д̇ат̇аа бавад̇д̇амаанзсу ‘‘сад̇д̇о ид̇т̇ий рат̇о гхадо’’д̇иаад̣̇игаа вижид̇д̇асан̃н̃аа уббаж̇ж̇ад̇и, сан̃н̃аануломаани жа ад̇хиважанаани, д̇зхи руубажагкаад̣̇ийхи ан̃н̃о сад̇д̇арат̇аад̣̇исан̃н̃ааваламб̣ид̇о важанад̇т̇о виж̇ж̇амаано на ход̇и, д̇асмаа сад̇д̇арат̇аад̣̇иабхилаабаа ‘‘авиж̇ж̇амаанабан̃н̃ад̇д̇ий’’д̇и вужжанд̇и, на жа д̇з ‘‘мусаа’’д̇и вужжанд̇и логасаман̃н̃аавасзна бавад̇д̇ад̇д̇аа. д̇ад̇о зва д̇з абхилаабаа ‘‘саммуд̇исажжа’’нд̇и вужжанд̇и. со жа важанад̇т̇о саяам̣ авиж̇ж̇амааноби виж̇ж̇амаанасса важанассзва васзна бан̃н̃ад̇д̇ивохаарам̣ лабхад̇и, ‘‘саммуд̇исажжа’’нд̇и жа вужжад̇и яат̇ааг̇ахид̇асан̃н̃аавасзна бавад̇д̇аважанад̇т̇абхаавад̇о. ‘‘саммуд̇ин̃аан̣ам̣ сажжаарамман̣амзва, наан̃н̃аарамман̣а’’нд̇и (гат̇аа. 434) гат̇ааяа жа ‘‘бат̇авийгасин̣аад̣̇и жийвараад̣̇и жа саммуд̇исажжамхий’’д̇и иминаава ад̇хиббааязна вуд̇д̇анд̇и вин̃н̃ааяад̇и. яасмаа руубаад̣̇ийсу санд̇аанзна бавад̇д̇амаанзсу згад̇д̇аг̇г̇ахан̣авасзна д̇з амун̃жид̇ваа бавад̇д̇ам̣ сад̇д̇аад̣̇иг̇г̇ахан̣ам̣ жагкувин̃н̃аан̣аад̣̇ийни вияа руубаад̣̇ийсу д̇зсу канд̇хзсу жагкаад̣̇ийсу жа асанд̇ам̣ авиж̇ж̇амаанам̣ сад̇д̇арат̇аад̣̇им̣ г̇ан̣хаад̇и, д̇асмаа д̇ам̣ барид̇д̇аарамман̣аад̣̇ибхаавзна на вад̇д̇аб̣б̣анд̇и вуд̇д̇ам̣. д̇ат̇аа яам̣ канд̇хасамуухасанд̇аанам̣ згад̇д̇зна г̇ахид̇ам̣ убаад̣̇ааяа ‘‘галяаан̣амид̇д̇о баабамид̇д̇о буг̇г̇ало’’д̇и г̇ахан̣ам̣ бан̃н̃ад̇д̇и жа бавад̇д̇ад̇и, д̇ам̣ д̇ад̣̇убаад̣̇аанабхууд̇ам̣ буг̇г̇аласан̃н̃ааяа сзвамаанасса гусалаагусалаанам̣ уббад̇д̇и ход̇ийд̇и ‘‘буг̇г̇алоби убаниссаяабажжаязна бажжаяо’’д̇и (бадтаа. 1.1.9) вуд̇д̇ам̣. яасмаа бана буг̇г̇ало наама гожи бхааво над̇т̇и, д̇асмаа яат̇аа аабод̇хаад̇уаад̣̇ийни жид̇д̇зна вивзжзд̇ваа бат̇авийд̇хаад̇у убалаб̣бхад̇и, на звам̣ руубаад̣̇аяо канд̇хз вивзжзд̇ваа буг̇г̇ало убалаб̣бхад̇и. бадисзд̇хид̇аа жа буг̇г̇алагат̇ааяа буг̇г̇алад̣̇идти. важ̇ирааяа жа бхигкунияаа вуд̇д̇ам̣ –
Yadi sattādayo avijjamānapaññatti na honti, kā pana avijjamānapaññatti nāmāti? Pakāsito ayamattho ‘‘avijjamānānaṃ sattādīnaṃ saṅkhā…pe… abhilāpo avijjamānapaññattī’’ti. Sattādīnañca avijjamānattā atthitā neva vattabbā, ye ca vadeyyuṃ ‘‘rūpādīni viya avijjamānattā avijjamānatā vuttā, na natthibhāvato’’ti, ayañca vādo hevatthikathāya paṭisiddho, na ca rūpaṃ vedanā na hotīti avijjamānaṃ nāma hoti. Evaṃ sattādayopi yadi atthi, rūpādayo na hontīti avijjamānāti na vattabbā. Yasmā pana yesu rūpādīsu cakkhādīsu ca tathā tathā pavattamānesu ‘‘satto itthī ratho ghaṭo’’tiādikā vicittasaññā uppajjati, saññānulomāni ca adhivacanāni, tehi rūpacakkhādīhi añño sattarathādisaññāvalambito vacanattho vijjamāno na hoti, tasmā sattarathādiabhilāpā ‘‘avijjamānapaññattī’’ti vuccanti, na ca te ‘‘musā’’ti vuccanti lokasamaññāvasena pavattattā. Tato eva te abhilāpā ‘‘sammutisacca’’nti vuccanti. So ca vacanattho sayaṃ avijjamānopi vijjamānassa vacanasseva vasena paññattivohāraṃ labhati, ‘‘sammutisacca’’nti ca vuccati yathāgahitasaññāvasena pavattavacanatthabhāvato. ‘‘Sammutiñāṇaṃ saccārammaṇameva, nāññārammaṇa’’nti (kathā. 434) kathāya ca ‘‘pathavīkasiṇādi cīvarādi ca sammutisaccamhī’’ti imināva adhippāyena vuttanti viññāyati. Yasmā rūpādīsu santānena pavattamānesu ekattaggahaṇavasena te amuñcitvā pavattaṃ sattādiggahaṇaṃ cakkhuviññāṇādīni viya rūpādīsu tesu khandhesu cakkhādīsu ca asantaṃ avijjamānaṃ sattarathādiṃ gaṇhāti, tasmā taṃ parittārammaṇādibhāvena na vattabbanti vuttaṃ. Tathā yaṃ khandhasamūhasantānaṃ ekattena gahitaṃ upādāya ‘‘kalyāṇamitto pāpamitto puggalo’’ti gahaṇaṃ paññatti ca pavattati, taṃ tadupādānabhūtaṃ puggalasaññāya sevamānassa kusalākusalānaṃ uppatti hotīti ‘‘puggalopi upanissayapaccayena paccayo’’ti (paṭṭhā. 1.1.9) vuttaṃ. Yasmā pana puggalo nāma koci bhāvo natthi, tasmā yathā āpodhātuādīni cittena vivecetvā pathavīdhātu upalabbhati, na evaṃ rūpādayo khandhe vivecetvā puggalo upalabbhati. Paṭisedhitā ca puggalakathāya puggaladiṭṭhi. Vajirāya ca bhikkhuniyā vuttaṃ –
‘‘гам̣ ну сад̇д̇од̇и бажжзси, маара д̣̇идтиг̇ад̇ам̣ ну д̇з;
‘‘Kaṃ nu sattoti paccesi, māra diṭṭhigataṃ nu te;
суд̣̇д̇хасан̇каарабун̃ж̇ояам̣, наяид̇ха сад̇д̇убалаб̣бхад̇ий’’д̇и. (сам̣. ни. 1.171; махаани. 186; гат̇аа. 233);
Suddhasaṅkhārapuñjoyaṃ, nayidha sattupalabbhatī’’ti. (saṃ. ni. 1.171; mahāni. 186; kathā. 233);
сад̇д̇од̇и бана важанасса бан̃н̃ад̇д̇ияаа бавад̇д̇им̣ д̣̇ассзд̇ум̣ саа звамааха –
Sattoti pana vacanassa paññattiyā pavattiṃ dassetuṃ sā evamāha –
‘‘яат̇ааби ан̇г̇асамбхаараа, ход̇и сад̣̇д̣̇о рат̇о ид̇и;
‘‘Yathāpi aṅgasambhārā, hoti saddo ratho iti;
звам̣ канд̇хзсу санд̇зсу, ход̇и сад̇д̇од̇и саммуд̇ий’’д̇и. (сам̣. ни. 1.171; махаани. 186; гат̇аа. 233);
Evaṃ khandhesu santesu, hoti sattoti sammutī’’ti. (saṃ. ni. 1.171; mahāni. 186; kathā. 233);
яад̣̇и буг̇г̇ало на виж̇ж̇ад̇и, гат̇ам̣ буг̇г̇алаг̇г̇ахан̣асса саарамман̣ад̇аа сияаад̇и? авиж̇ж̇амаанассаби аарамман̣асса г̇ахан̣ад̇о. авиж̇ж̇амаанамби хи баригаббид̇ам̣ логасан̃н̃аад̇ам̣ ваа виж̇ж̇амаанам̣ ваа сабхаавабхууд̇ам̣ аарамман̣ам̣ г̇ахзд̇ваава уббаж̇ж̇анад̇о саарамман̣ад̇аа вуд̇д̇аа. саарамман̣аад̇и хи важанам̣ жид̇д̇ажзд̇асигаанам̣ аарамман̣зна винаа аббавад̇д̇ин̃н̃зва д̣̇ийбзд̇и, на д̇зхи г̇ахид̇асса аарамман̣асса виж̇ж̇амаанад̇ам̣ авиж̇ж̇амаанад̇ам̣ ваад̇и. аяам̣ сан̇кад̇аасан̇кад̇авинимуд̇д̇асса ад̇т̇ид̇аабадисзд̇хам̣ саб̣б̣ат̇аа анувад̇д̇анд̇аанам̣ винижчаяо.
Yadi puggalo na vijjati, kathaṃ puggalaggahaṇassa sārammaṇatā siyāti? Avijjamānassapi ārammaṇassa gahaṇato. Avijjamānampi hi parikappitaṃ lokasaññātaṃ vā vijjamānaṃ vā sabhāvabhūtaṃ ārammaṇaṃ gahetvāva uppajjanato sārammaṇatā vuttā. Sārammaṇāti hi vacanaṃ cittacetasikānaṃ ārammaṇena vinā appavattiññeva dīpeti, na tehi gahitassa ārammaṇassa vijjamānataṃ avijjamānataṃ vāti. Ayaṃ saṅkhatāsaṅkhatavinimuttassa atthitāpaṭisedhaṃ sabbathā anuvattantānaṃ vinicchayo.
1316. наамагаран̣адтзнаад̇и ан̃н̃ам̣ анабзгкид̇ваа саяамзва ад̇д̇ано наамагаран̣асабхаавад̇од̇и ад̇т̇о. яан̃хи барасса наамам̣ гарод̇и, д̇асса жа д̇ад̣̇абзгкад̇д̇аа ан̃н̃аабзгкам̣ наамагаран̣анд̇и наамагаран̣асабхаавад̇аа на ход̇и. д̇асмаа махааж̇анасса н̃аад̇ийнам̣ г̇ун̣аанан̃жа сааман̃н̃анаамаад̣̇игаарагаанам̣ наамабхааво наабаж̇ж̇ад̇и. яасса жа ан̃н̃зхи наамам̣ гарийяад̇и, д̇асса жа наамагаран̣асабхаавад̇аа над̇т̇ийд̇и над̇т̇иязва наамабхааво, взд̣̇анаад̣̇ийнам̣ бана сабхаавасид̣̇д̇хад̇д̇аа взд̣̇анаад̣̇инаамасса наамагаран̣асабхаавад̇о наамад̇аа вуд̇д̇аа. бат̇авийаад̣̇инид̣̇ассанзна наамасса сабхаавасид̣̇д̇хад̇ам̣язва нид̣̇ассзд̇и, на наамабхаавасааман̃н̃ам̣, нирул̣хад̇д̇аа бана наамасад̣̇д̣̇о аруубад̇хаммзсу зва вуд̇д̇о, на бат̇авийаад̣̇ийсууд̇и на д̇зсам̣ наамабхааво. маад̇игааяа жа бат̇авийаад̣̇ийнам̣ наамад̇аанаабад̇д̇и вуд̇д̇аава. на хи бат̇авийаад̣̇инаамам̣ виж̇ахид̇ваа гзсаад̣̇инаамзхи руубад̇хаммаанам̣ вияа взд̣̇анаад̣̇инаамам̣ виж̇ахид̇ваа ан̃н̃зна наамзна аруубад̇хаммаанам̣ вохарид̇аб̣б̣зна бин̣д̣аагаарзна бавад̇д̇и ад̇т̇ийд̇и.
1316. Nāmakaraṇaṭṭhenāti aññaṃ anapekkhitvā sayameva attano nāmakaraṇasabhāvatoti attho. Yañhi parassa nāmaṃ karoti, tassa ca tadapekkhattā aññāpekkhaṃ nāmakaraṇanti nāmakaraṇasabhāvatā na hoti. Tasmā mahājanassa ñātīnaṃ guṇānañca sāmaññanāmādikārakānaṃ nāmabhāvo nāpajjati. Yassa ca aññehi nāmaṃ karīyati, tassa ca nāmakaraṇasabhāvatā natthīti natthiyeva nāmabhāvo, vedanādīnaṃ pana sabhāvasiddhattā vedanādināmassa nāmakaraṇasabhāvato nāmatā vuttā. Pathavīādinidassanena nāmassa sabhāvasiddhataṃyeva nidasseti, na nāmabhāvasāmaññaṃ, niruḷhattā pana nāmasaddo arūpadhammesu eva vutto, na pathavīādīsūti na tesaṃ nāmabhāvo. Mātikāya ca pathavīādīnaṃ nāmatānāpatti vuttāva. Na hi pathavīādināmaṃ vijahitvā kesādināmehi rūpadhammānaṃ viya vedanādināmaṃ vijahitvā aññena nāmena arūpadhammānaṃ voharitabbena piṇḍākārena pavatti atthīti.
ат̇а ваа руубад̇хаммаа жагкаад̣̇аяо руубаад̣̇аяо жа д̇зсам̣ багаасагабагаасид̇аб̣б̣абхаавад̇о винаа наамзна баагадаа хонд̇и, на звам̣ аруубад̇хаммаад̇и ад̇хиважанасампассо вияа наамааяад̇д̇аг̇ахан̣ийяабхаавзна ‘‘наама’’нд̇и вуд̇д̇аа, бадигхасампассоби на жагкаад̣̇ийни вияа наамзна винаа баагадод̇и ‘‘наама’’нд̇и вуд̇д̇о. аруубад̇ааяа ваа ан̃н̃анаамасабхааг̇ад̇д̇аа сан̇г̇ахид̇ояам̣, ан̃н̃апассасабхааг̇ад̇д̇аа ваа. важанад̇т̇оби хи ‘‘руубаяад̇ийд̇и руубам̣, наамаяад̇ийд̇и наама’’нд̇и ид̇ха бажчимабуримаанам̣ самбхавад̇и. руубаяад̇ийд̇и винааби наамзна ад̇д̇аанам̣ багаасаяад̇ийд̇и ад̇т̇о, наамаяад̇ийд̇и наамзна винаа абаагадабхаавад̇о ад̇д̇ано багаасагам̣ наамам̣ гарод̇ийд̇и ад̇т̇о. аарамман̣аад̇хибад̇ибажжаяад̇ааяаад̇и сад̇иби руубасса аарамман̣аад̇хибад̇ибажжаяабхаавз на барамассаасабхууд̇ам̣ ниб̣б̣аанам̣ вияа саад̇исаяам̣ д̇ам̣нааманасабхаавзна бажжаяод̇и ниб̣б̣аанамзва ‘‘наама’’нд̇и вуд̇д̇ам̣.
Atha vā rūpadhammā cakkhādayo rūpādayo ca tesaṃ pakāsakapakāsitabbabhāvato vinā nāmena pākaṭā honti, na evaṃ arūpadhammāti adhivacanasamphasso viya nāmāyattagahaṇīyabhāvena ‘‘nāma’’nti vuttā, paṭighasamphassopi na cakkhādīni viya nāmena vinā pākaṭoti ‘‘nāma’’nti vutto. Arūpatāya vā aññanāmasabhāgattā saṅgahitoyaṃ, aññaphassasabhāgattā vā. Vacanatthopi hi ‘‘rūpayatīti rūpaṃ, nāmayatīti nāma’’nti idha pacchimapurimānaṃ sambhavati. Rūpayatīti vināpi nāmena attānaṃ pakāsayatīti attho, nāmayatīti nāmena vinā apākaṭabhāvato attano pakāsakaṃ nāmaṃ karotīti attho. Ārammaṇādhipatipaccayatāyāti satipi rūpassa ārammaṇādhipatipaccayabhāve na paramassāsabhūtaṃ nibbānaṃ viya sātisayaṃ taṃnāmanasabhāvena paccayoti nibbānameva ‘‘nāma’’nti vuttaṃ.
1318. ваддамууласамуд̣̇аажаарад̣̇ассанад̇т̇анд̇и сад̇д̇аанам̣ ваддамууласамуд̣̇аажааро наама авиж̇ж̇аа жа бхавад̇ан̣хаа жа, д̇ам̣д̣̇ассанад̇т̇анд̇и ад̇т̇о. д̇ад̇т̇а самуд̣̇аажарад̇ийд̇и самуд̣̇аажааро, ваддамууламзва самуд̣̇аажааро ваддамууласамуд̣̇аажааро, ваддамуулад̣̇ассанзна ваддамуулаанам̣ бавад̇д̇и д̣̇ассид̇аа ход̇ийд̇и ваддамуулаанам̣ самуд̣̇аажаарасса д̣̇ассанад̇т̇анд̇иби ад̇т̇о.
1318. Vaṭṭamūlasamudācāradassanatthanti sattānaṃ vaṭṭamūlasamudācāro nāma avijjā ca bhavataṇhā ca, taṃdassanatthanti attho. Tattha samudācaratīti samudācāro, vaṭṭamūlameva samudācāro vaṭṭamūlasamudācāro, vaṭṭamūladassanena vaṭṭamūlānaṃ pavatti dassitā hotīti vaṭṭamūlānaṃ samudācārassa dassanatthantipi attho.
1320. згзгасмин̃жа ад̇д̇аад̇и жа логод̇и жа г̇ахан̣ависзсам̣ убаад̣̇ааяа ‘‘ад̇д̇аа жа лого жаа’’д̇и вуд̇д̇ам̣. згам̣ ваа канд̇хам̣ ад̇д̇ад̇о г̇ахзд̇ваа ан̃н̃ам̣ ад̇д̇ано убабхог̇абхууд̇о логод̇и г̇ан̣ханд̇асса ад̇д̇ано ад̇д̇аанам̣ ‘‘ад̇д̇аа’’д̇и г̇ахзд̇ваа барасса ад̇д̇аанам̣ ‘‘лого’’д̇и г̇ан̣ханд̇асса ваа васзна ‘‘ад̇д̇аа жа лого жаа’’д̇и вуд̇д̇ам̣. д̇ам̣ бхависсад̇ийд̇и д̇ам̣ д̣̇вид̇хааби г̇ахид̇ам̣ канд̇хабан̃жагам̣ бхависсад̇ийд̇и нивидтаа бараамасанд̇ийд̇и ад̇т̇о.
1320. Ekekasmiñca attāti ca lokoti ca gahaṇavisesaṃ upādāya ‘‘attā ca loko cā’’ti vuttaṃ. Ekaṃ vā khandhaṃ attato gahetvā aññaṃ attano upabhogabhūto lokoti gaṇhantassa attano attānaṃ ‘‘attā’’ti gahetvā parassa attānaṃ ‘‘loko’’ti gaṇhantassa vā vasena ‘‘attā ca loko cā’’ti vuttaṃ. Taṃ bhavissatīti taṃ dvidhāpi gahitaṃ khandhapañcakaṃ bhavissatīti niviṭṭhā parāmasantīti attho.
1332. саха сигкид̇аб̣б̣о д̇хаммо сахад̇хаммо, д̇ад̇т̇а бхавам̣ сахад̇хаммигам̣. гаммад̇т̇з вад̇д̇амаанад̇о д̣̇оважассасад̣̇д̣̇ад̇о ааяа-сад̣̇д̣̇ам̣ анан̃н̃ад̇т̇ам̣ гад̇ваа ‘‘д̣̇оважассааяа’’нд̇и вуд̇д̇анд̇и ад̇хиббааязна ‘‘д̣̇уб̣б̣ажасса гамма’’нд̇и ааха. д̣̇оважассасса ваа аяанам̣ бавад̇д̇и д̣̇оважассааяам̣. важанасса бадивируд̣̇д̇хаважанам̣ бадаан̣игаг̇ахан̣ам̣ . г̇ун̣зхи г̇аруусу г̇ааравзна васанам̣ г̇аруваасо. ж̇аад̇иаад̣̇ийхи ж̇здтагзсу бадиссун̣ид̇аб̣б̣зсу васанам̣ саж̇здтагаваасо. од̇д̇аббид̇аб̣б̣аа ваа г̇аруно. хирияид̇аб̣б̣аа ж̇здтагаа. яааяа жзд̇анааяа д̣̇уб̣б̣ажо ход̇и, саа д̣̇оважассад̇аа бхавид̇ум̣ арахад̇ийд̇и ‘‘сан̇каарагканд̇хоязваа’’д̇и ааха.
1332. Saha sikkhitabbo dhammo sahadhammo, tattha bhavaṃ sahadhammikaṃ. Kammatthe vattamānato dovacassasaddato āya-saddaṃ anaññatthaṃ katvā ‘‘dovacassāya’’nti vuttanti adhippāyena ‘‘dubbacassa kamma’’nti āha. Dovacassassa vā ayanaṃ pavatti dovacassāyaṃ. Vacanassa paṭiviruddhavacanaṃ paṭāṇikagahaṇaṃ. Guṇehi garūsu gāravena vasanaṃ garuvāso. Jātiādīhi jeṭṭhakesu paṭissuṇitabbesu vasanaṃ sajeṭṭhakavāso. Ottappitabbā vā garuno. Hiriyitabbā jeṭṭhakā. Yāya cetanāya dubbaco hoti, sā dovacassatā bhavituṃ arahatīti ‘‘saṅkhārakkhandhoyevā’’ti āha.
1333. д̣̇у-сад̣̇д̣̇зна яуд̇д̇ам̣ наамам̣ д̣̇уннаамам̣. анубасан̇гаманд̇ассаби анусигканам̣ сзванаад̇и ад̇хиббааязна ‘‘бхаж̇анаад̇и убасан̇гаманаа’’д̇и ааха. саб̣б̣ад̇обхааг̇знаад̇и гааяаваажаажид̇д̇зхи аави жзва рахо жа.
1333. Du-saddena yuttaṃ nāmaṃ dunnāmaṃ. Anupasaṅkamantassapi anusikkhanaṃ sevanāti adhippāyena ‘‘bhajanāti upasaṅkamanā’’ti āha. Sabbatobhāgenāti kāyavācācittehi āvi ceva raho ca.
1336. винаяод̇и вибхан̇г̇аканд̇хагаа вуд̇д̇аа. вад̇т̇увийд̇иггамад̇о буб̣б̣з барад̇о жа аабад̇д̇им̣ аабаж̇ж̇анд̇о наама на ход̇ийд̇и саха вад̇т̇унаа аабад̇д̇им̣ барижчинд̣̇ад̇и. д̇знааха ‘‘саха вад̇т̇унаа…бз… аабад̇д̇игусалад̇аа наамаа’’д̇и. саха гаммаваажааяаад̇и аб̣бхаанад̇ин̣авад̇т̇аарагагаммаваажааяа ‘‘ахам̣, бханд̇з, ид̇т̇аннаамам̣ аабад̇д̇им̣ аабаж̇ж̇и’’нд̇иаад̣̇игааяа жа. сахзва хи гаммаваажааяа аабад̇д̇ивудтаанан̃жа барижчинд̣̇ад̇ийд̇и. аабад̇д̇ияаа ваа гааран̣ам̣ вад̇т̇у, вудтаанасса гааран̣ам̣ гаммаваажаад̇и гааран̣зна саха паласса ж̇аананавасзна ‘‘саха вад̇т̇унаа саха гаммаваажааяаа’’д̇и вуд̇д̇ам̣.
1336. Vinayoti vibhaṅgakhandhakā vuttā. Vatthuvītikkamato pubbe parato ca āpattiṃ āpajjanto nāma na hotīti saha vatthunā āpattiṃ paricchindati. Tenāha ‘‘saha vatthunā…pe… āpattikusalatā nāmā’’ti. Saha kammavācāyāti abbhānatiṇavatthārakakammavācāya ‘‘ahaṃ, bhante, itthannāmaṃ āpattiṃ āpajji’’ntiādikāya ca. Saheva hi kammavācāya āpattivuṭṭhānañca paricchindatīti. Āpattiyā vā kāraṇaṃ vatthu, vuṭṭhānassa kāraṇaṃ kammavācāti kāraṇena saha phalassa jānanavasena ‘‘saha vatthunā saha kammavācāyā’’ti vuttaṃ.
1338. аяамзвад̇т̇о саха баригаммзнаад̇и зд̇т̇а вуд̇д̇о. вудтаанагабан̃н̃ааяаад̇и вудтаанасса гааран̣абхууд̇ааяа баригаммабан̃н̃ааяа.
1338. Ayamevattho saha parikammenāti ettha vutto. Vuṭṭhānakapaññāyāti vuṭṭhānassa kāraṇabhūtāya parikammapaññāya.
1340. д̇хаад̇увисаяаа саб̣б̣ааби бан̃н̃аа д̇хаад̇угусалад̇аа, д̇ад̣̇згад̣̇зсаа манасигаарагусалад̇аад̇и ад̇хиббааязна буримабад̣̇зби уг̇г̇ахаманасигаараж̇аананабан̃н̃аа вуд̇д̇аа. буримабад̣̇з ваа ваажуг̇г̇ад̇ааяа д̇хаад̇убаал̣ияаа манасигаран̣ам̣ ‘‘манасигааро’’д̇и вуд̇д̇ам̣. д̇ад̇т̇а уг̇г̇ан̣ханд̇ий манасигаронд̇ий д̇хаад̇убаал̣ияаа ад̇т̇ам̣ сун̣анд̇ий г̇ант̇ад̇о жа ад̇т̇ад̇о жа д̇хаарзнд̇ий ‘‘аяам̣ жагкуд̇хаад̇у наамаа’’д̇иаад̣̇инаа сабхаавад̇о адтаарасзваад̇и г̇ан̣анад̇о жа барижчзд̣̇ам̣ ж̇аананд̇ий жа бан̃н̃аа уг̇г̇ахабан̃н̃аад̣̇игаа вуд̇д̇аа. бажчимабад̣̇з бан̃жавид̇хааби саа бан̃н̃аа уг̇г̇аход̇и д̇ад̇о жа бавад̇д̇о анижжаад̣̇иманасигааро ‘‘уг̇г̇ахаманасигааро’’д̇и вуд̇д̇о, д̇асса ж̇аананам̣ бавад̇д̇анамзва, яат̇аа бавад̇д̇ам̣ ваа уг̇г̇ахам̣, звамзва бавад̇д̇о уг̇г̇аход̇и ж̇аананам̣ уг̇г̇ахаж̇аананам̣. манасигаароби ‘‘звам̣ бавад̇д̇зд̇аб̣б̣о зван̃жа бавад̇д̇о’’д̇и ж̇аананам̣ манасигаараж̇аананам̣. д̇ад̣̇убхаяамби манасигаарагосалланд̇и вуд̇д̇ам̣. уг̇г̇ахоби хи манасигаарасамбаяог̇ад̇о манасигааранируд̇д̇им̣ лад̣̇д̇хум̣ яуд̇д̇од̇и яо жа манаси гаад̇аб̣б̣о, яо жа манасигаран̣убааяо, саб̣б̣о со манасигаарод̇и вад̇д̇ум̣ ваддад̇ийд̇и. д̇ад̇т̇а жа госаллам̣ манасигаарагусалад̇аад̇и.
1340. Dhātuvisayā sabbāpi paññā dhātukusalatā, tadekadesā manasikārakusalatāti adhippāyena purimapadepi uggahamanasikārajānanapaññā vuttā. Purimapade vā vācuggatāya dhātupāḷiyā manasikaraṇaṃ ‘‘manasikāro’’ti vuttaṃ. Tattha uggaṇhantī manasikarontī dhātupāḷiyā atthaṃ suṇantī ganthato ca atthato ca dhārentī ‘‘ayaṃ cakkhudhātu nāmā’’tiādinā sabhāvato aṭṭhārasevāti gaṇanato ca paricchedaṃ jānantī ca paññā uggahapaññādikā vuttā. Pacchimapade pañcavidhāpi sā paññā uggahoti tato ca pavatto aniccādimanasikāro ‘‘uggahamanasikāro’’ti vutto, tassa jānanaṃ pavattanameva, yathā pavattaṃ vā uggahaṃ, evameva pavatto uggahoti jānanaṃ uggahajānanaṃ. Manasikāropi ‘‘evaṃ pavattetabbo evañca pavatto’’ti jānanaṃ manasikārajānanaṃ. Tadubhayampi manasikārakosallanti vuttaṃ. Uggahopi hi manasikārasampayogato manasikāraniruttiṃ laddhuṃ yuttoti yo ca manasi kātabbo, yo ca manasikaraṇupāyo, sabbo so manasikāroti vattuṃ vaṭṭatīti. Tattha ca kosallaṃ manasikārakusalatāti.
1342. д̇ийсуби ваа…бз… ваддад̇ийд̇и д̇ассаа жа уг̇г̇ахаад̣̇ибхааво вуд̇д̇о. саммасанам̣ бан̃н̃аа , саа маг̇г̇асамбаяуд̇д̇аа анижжаад̣̇исаммасанагижжам̣ саад̇хзд̇и нижжасан̃н̃аад̣̇ибаж̇аханад̇о. манасигааро саммасанасамбаяуд̇д̇о д̇ат̇зва анижжаад̣̇иманасигаарагижжам̣ маг̇г̇асамбаяуд̇д̇о саад̇хзд̇и. д̇знааха ‘‘саммасанаманасигаараа логияалогуд̇д̇арамиссагаа’’д̇и. иминаа бана бажжаязна ид̣̇ам̣ ход̇ийд̇и звам̣ авиж̇ж̇аад̣̇ийнам̣ сан̇каараад̣̇ибажжаяуббаннасса бажжаяабхааваж̇аананам̣ бадижжасамуббаад̣̇агусалад̇аад̇и д̣̇ассзд̇и.
1342. Tīsupi vā…pe… vaṭṭatīti tassā ca uggahādibhāvo vutto. Sammasanaṃ paññā , sā maggasampayuttā aniccādisammasanakiccaṃ sādheti niccasaññādipajahanato. Manasikāro sammasanasampayutto tatheva aniccādimanasikārakiccaṃ maggasampayutto sādheti. Tenāha ‘‘sammasanamanasikārā lokiyalokuttaramissakā’’ti. Iminā pana paccayena idaṃ hotīti evaṃ avijjādīnaṃ saṅkhārādipaccayuppannassa paccayabhāvajānanaṃ paṭiccasamuppādakusalatāti dasseti.
1344. амб̣аб̣ийж̇аад̣̇ийни анубаад̣̇иннагад̣̇ассанад̇т̇ам̣ вуд̇д̇аани. сод̇авин̃н̃аан̣аад̣̇ийнам̣ висабхааг̇аа анануруубаа ануббаад̣̇агааязва жагкаад̣̇аяо ‘‘висабхааг̇абажжаяаа’’д̇и вуд̇д̇аа, д̇зхи ануббаж̇ж̇амаанаанзва жа сод̇авин̃н̃аан̣аад̣̇ийни ‘‘висабхааг̇абажжаяасамуббаннад̇хаммаа’’д̇и. сод̇авин̃н̃аан̣зна ваа висабхааг̇асса жагкувин̃н̃аан̣асса бажжаяод̇и висабхааг̇абажжаяо, жагкааяад̇анасса висабхааг̇зна сод̇ааяад̇анзна бажжаязна самуббанно висабхааг̇абажжаяасамуббанно.
1344. Ambabījādīni anupādinnakadassanatthaṃ vuttāni. Sotaviññāṇādīnaṃ visabhāgā ananurūpā anuppādakāyeva cakkhādayo ‘‘visabhāgapaccayā’’ti vuttā, tehi anuppajjamānāneva ca sotaviññāṇādīni ‘‘visabhāgapaccayasamuppannadhammā’’ti. Sotaviññāṇena vā visabhāgassa cakkhuviññāṇassa paccayoti visabhāgapaccayo, cakkhāyatanassa visabhāgena sotāyatanena paccayena samuppanno visabhāgapaccayasamuppanno.
1346. аж̇ж̇аванид̣̇д̣̇зсз аж̇ж̇аво аж̇ж̇авад̇аад̇и уж̇уд̇аа уж̇угад̇аа ижжзва вуд̇д̇ам̣ ход̇ийд̇и аж̇ж̇авамад̣̇д̣̇аванид̣̇д̣̇зсзсу уж̇угад̇аамуд̣̇уд̇аанид̣̇д̣̇зсзхи висзсам̣ мад̣̇д̣̇аванид̣̇д̣̇зсз вуд̇д̇ам̣ ‘‘нийжажид̇д̇ад̇аа’’д̇ибад̣̇амааха. д̇ад̇т̇а ‘‘нийжажид̇д̇ад̇аа муд̣̇уд̇аа’’д̇и буна муд̣̇уд̇ааважанам̣ нийжажид̇д̇ад̇ааяа висзсанад̇т̇ам̣. омааноби хи нийжажид̇д̇ад̇аа ход̇и, на бана муд̣̇уд̇аад̇и.
1346. Ajjavaniddese ajjavo ajjavatāti ujutā ujukatā icceva vuttaṃ hotīti ajjavamaddavaniddesesu ujukatāmudutāniddesehi visesaṃ maddavaniddese vuttaṃ ‘‘nīcacittatā’’tipadamāha. Tattha ‘‘nīcacittatā mudutā’’ti puna mudutāvacanaṃ nīcacittatāya visesanatthaṃ. Omānopi hi nīcacittatā hoti, na pana mudutāti.
1348. барзсам̣ д̣̇уггадам̣ д̣̇уруд̇д̇ан̃жа бадивирод̇хаагаран̣зна ад̇д̇ано убари ааробзд̇ваа ваасзнд̇и. жид̇д̇асса сагаманад̇аад̇и жид̇д̇асса аб̣яаабанно саго манобхаавод̇и ад̇т̇о. жид̇д̇анд̇и ваа жид̇д̇аббаб̣анд̇хам̣ згад̇д̇зна г̇ахзд̇ваа д̇асса анд̇араа уббаннзна бийд̇исахаг̇ад̇аманзна сагаманад̇д̇ам̣ ааха. ад̇д̇амано ваа буг̇г̇ало, д̇асса бхааво ад̇д̇аманад̇аа. саа на сад̇д̇ассаад̇и буг̇г̇алад̣̇идтинивааран̣ад̇д̇ам̣ ‘‘жид̇д̇ассаа’’д̇и вуд̇д̇ам̣.
1348. Paresaṃ dukkaṭaṃ duruttañca paṭivirodhākaraṇena attano upari āropetvā vāsenti. Cittassa sakamanatāti cittassa abyāpanno sako manobhāvoti attho. Cittanti vā cittappabandhaṃ ekattena gahetvā tassa antarā uppannena pītisahagatamanena sakamanattaṃ āha. Attamano vā puggalo, tassa bhāvo attamanatā. Sā na sattassāti puggaladiṭṭhinivāraṇattaṃ ‘‘cittassā’’ti vuttaṃ.
1349. гааяаваажаахи гад̇д̇аб̣б̣асса агаран̣зна асаад̣̇ияид̇аб̣б̣асса саад̣̇ияанзна жа манасааби аажарад̇и зва, инд̣̇рияасам̣вараад̣̇ибхзд̣̇анавасзна ваа зд̇ам̣ вуд̇д̇анд̇и взд̣̇ид̇аб̣б̣ам̣.
1349. Kāyavācāhi kattabbassa akaraṇena asādiyitabbassa sādiyanena ca manasāpi ācarati eva, indriyasaṃvarādibhedanavasena vā etaṃ vuttanti veditabbaṃ.
1350. сад̣̇осаван̣з ругкз нияяаасабин̣д̣ияо, ахижчад̇д̇агаани ваа удтид̇аани ‘‘ан̣д̣агааний’’д̇и вад̣̇анд̇и. пзг̇г̇уругкасса бана гут̇ид̇асса ан̣д̣аани вияа удтид̇аа жун̣н̣абин̣д̣ияо г̇ан̣тияо ваа ‘‘ан̣д̣агааний’’д̇и взд̣̇ид̇аб̣б̣аа. бад̣̇уманаал̣ам̣ вияа сод̇ам̣ гхам̣саяамаанаа вияа бависанд̇ий гаггасаа д̣̇адтаб̣б̣аа. год̇хзна ниб̣б̣ад̇д̇аа д̇асса бариваарабхууд̇аа год̇хасааманд̇аа. бурз сам̣вад̣дханаарий борий, саа вияа сугумаараа муд̣̇угаа ваажаа борий вияаад̇и борий. д̇ад̇т̇аад̇и ‘‘бхаасид̇аа ход̇ий’’д̇и вуд̇д̇ааяа гирияааяаад̇иби яож̇анаа самбхавад̇и, д̇ад̇т̇а ваажааяаад̇и ваа. сан̣хаваажад̇аад̇иаад̣̇инаа д̇ам̣ ваажам̣ бавад̇д̇аяамаанам̣ жзд̇анам̣ д̣̇ассзд̇и.
1350. Sadosavaṇe rukkhe niyyāsapiṇḍiyo, ahicchattakāni vā uṭṭhitāni ‘‘aṇḍakānī’’ti vadanti. Pheggurukkhassa pana kuthitassa aṇḍāni viya uṭṭhitā cuṇṇapiṇḍiyo gaṇṭhiyo vā ‘‘aṇḍakānī’’ti veditabbā. Padumanāḷaṃ viya sotaṃ ghaṃsayamānā viya pavisantī kakkasā daṭṭhabbā. Kodhena nibbattā tassa parivārabhūtā kodhasāmantā. Pure saṃvaḍḍhanārī porī, sā viya sukumārā mudukā vācā porī viyāti porī. Tatthāti ‘‘bhāsitā hotī’’ti vuttāya kiriyāyātipi yojanā sambhavati, tattha vācāyāti vā. Saṇhavācatātiādinā taṃ vācaṃ pavattayamānaṃ cetanaṃ dasseti.
1351. аамисаалаабхзна яам̣ чид̣̇д̣̇ам̣ ход̇и, д̇ам̣ аамисаалаабхзна ‘‘чид̣̇д̣̇а’’нд̇и вуд̇д̇ам̣. д̣̇взязва хийд̇и яат̇аавуд̇д̇аани аамисад̇хаммаалаабхзхи бавад̇д̇амаанаани чид̣̇д̣̇аани ааха. г̇аманасабхааг̇знаад̇и г̇аманамаг̇г̇асса анужчавигад̣̇исаабхааг̇зна. сан̇г̇ахабагкз тад̇ваад̇и сан̇г̇ахам̣ гаромижжзва гат̇зд̇аб̣б̣ам̣, на лаабхасаггаарагаамад̇аад̣̇ийхийд̇и ад̇т̇о. авассам̣ гаад̇аб̣б̣ам̣ гижжам̣, ид̇арам̣ гаран̣ийяам̣. аб̣бхаанад̇о ан̃н̃ам̣ аабад̇д̇ивудтаанам̣ ‘‘вудтаана’’нд̇и вуд̇д̇ам̣.
1351. Āmisālābhena yaṃ chiddaṃ hoti, taṃ āmisālābhena ‘‘chidda’’nti vuttaṃ. Dveyeva hīti yathāvuttāni āmisadhammālābhehi pavattamānāni chiddāni āha. Gamanasabhāgenāti gamanamaggassa anucchavikadisābhāgena. Saṅgahapakkhe ṭhatvāti saṅgahaṃ karomicceva kathetabbaṃ, na lābhasakkārakāmatādīhīti attho. Avassaṃ kātabbaṃ kiccaṃ, itaraṃ karaṇīyaṃ. Abbhānato aññaṃ āpattivuṭṭhānaṃ ‘‘vuṭṭhāna’’nti vuttaṃ.
1352. сасамбхаарагат̇аад̇и д̣̇ассанасса гааран̣асахид̇аад̇и ад̇т̇о, сасамбхаарасса ваа д̣̇ассанасса гат̇аа сасамбхаарагат̇аа. яасса жагкунд̣̇рияаасам̣варасса хзд̇ууд̇и вад̇ваа буна ‘‘д̇асса жагкунд̣̇рияасса сад̇игаваадзна бид̣̇аханад̇т̇ааяаа’’д̇и вуд̇д̇ам̣, на асам̣варассаад̇и. д̇ад̣̇ид̣̇ам̣ яам̣ жагкунд̣̇рияаасам̣варасса хзд̇у абхиж̇жхаад̣̇ианваассаванам̣ д̣̇ассид̇ам̣, д̇ам̣ асам̣вуд̇ажагкунд̣̇рияассзва хзд̇убавад̇д̇ам̣ д̣̇ассид̇анд̇и гад̇ваа вуд̇д̇анд̇и взд̣̇ид̇аб̣б̣ам̣, яад̇ваад̇хигаран̣анд̇и хи яасса жагкунд̣̇рияасса гааран̣аад̇и ад̇т̇о. гасса жа гааран̣аад̇и? асам̣вуд̇асса. гин̃жа асам̣вуд̇ам̣? яасса жагкунд̣̇рияаасам̣варасса хзд̇у анваассаванд̇и д̇ад̣̇убалагкид̇ам̣, д̇асса сам̣варааяаад̇и аяамад̇т̇аяож̇анаа.
1352. Sasambhārakathāti dassanassa kāraṇasahitāti attho, sasambhārassa vā dassanassa kathā sasambhārakathā. Yassa cakkhundriyāsaṃvarassa hetūti vatvā puna ‘‘tassa cakkhundriyassa satikavāṭena pidahanatthāyā’’ti vuttaṃ, na asaṃvarassāti. Tadidaṃ yaṃ cakkhundriyāsaṃvarassa hetu abhijjhādianvāssavanaṃ dassitaṃ, taṃ asaṃvutacakkhundriyasseva hetupavattaṃ dassitanti katvā vuttanti veditabbaṃ, yatvādhikaraṇanti hi yassa cakkhundriyassa kāraṇāti attho. Kassa ca kāraṇāti? Asaṃvutassa. Kiñca asaṃvutaṃ? Yassa cakkhundriyāsaṃvarassa hetu anvāssavanti tadupalakkhitaṃ, tassa saṃvarāyāti ayamatthayojanā.
ж̇аванагкан̣з бана д̣̇уссийляам̣ ваад̇иаад̣̇и буна аважанад̇т̇ам̣ ид̇хзва саб̣б̣ам̣ вуд̇д̇анд̇и часу д̣̇ваарзсу яат̇аасамбхавам̣ яож̇зд̇аб̣б̣ам̣. на хи бан̃жад̣̇ваарз гааяаважийд̣̇ужжарид̇асан̇каад̇ам̣ д̣̇уссийляам̣ ад̇т̇ийд̇и. яат̇аа гинд̇иаад̣̇инаа наг̇арад̣̇ваарз асам̣варз сад̇и д̇ам̣самб̣анд̇хаанам̣ гхараад̣̇ийнам̣ асам̣вуд̇ад̇аа вияа ж̇аванз асам̣варз сад̇и д̇ам̣самб̣анд̇хаанам̣ д̣̇ваараад̣̇ийнам̣ асам̣вуд̇ад̇аад̇и звам̣ ан̃н̃зсам̣ сам̣варз, ан̃н̃зсам̣ сам̣вуд̇ад̇аасааман̃н̃амзва нид̣̇ассзд̇и, на буб̣б̣аабарасааман̃н̃ам̣ анд̇о б̣ахи сааман̃н̃ам̣ ваа. сад̇и ваа д̣̇ваарабхаван̇г̇аад̣̇игз буна уббаж̇ж̇амаанам̣ ж̇аванам̣ б̣аахирам̣ вияа гад̇ваа наг̇арад̣̇ваарасамаанам̣ вуд̇д̇ам̣, ид̇аран̃жа анд̇онаг̇арад̣̇ваарасамаанам̣. ж̇аванз ваа асам̣варз уббаннз д̇ад̇о барам̣ д̣̇ваарабхаван̇г̇аад̣̇ийнам̣ асам̣варахзд̇убхааваабад̇д̇ид̇о наг̇арад̣̇ваарасад̣̇исзна ж̇аванзна бависид̇ваа д̣̇уссийляаад̣̇ижораанам̣ д̣̇ваарабхаван̇г̇аад̣̇имуусанам̣ гусалабхан̣д̣авинаасанам̣ гат̇ид̇анд̇и д̣̇адтаб̣б̣ам̣.
Javanakkhaṇe pana dussīlyaṃ vātiādi puna avacanatthaṃ idheva sabbaṃ vuttanti chasu dvāresu yathāsambhavaṃ yojetabbaṃ. Na hi pañcadvāre kāyavacīduccaritasaṅkhātaṃ dussīlyaṃ atthīti. Yathā kintiādinā nagaradvāre asaṃvare sati taṃsambandhānaṃ gharādīnaṃ asaṃvutatā viya javane asaṃvare sati taṃsambandhānaṃ dvārādīnaṃ asaṃvutatāti evaṃ aññesaṃ saṃvare, aññesaṃ saṃvutatāsāmaññameva nidasseti, na pubbāparasāmaññaṃ anto bahi sāmaññaṃ vā. Sati vā dvārabhavaṅgādike puna uppajjamānaṃ javanaṃ bāhiraṃ viya katvā nagaradvārasamānaṃ vuttaṃ, itarañca antonagaradvārasamānaṃ. Javane vā asaṃvare uppanne tato paraṃ dvārabhavaṅgādīnaṃ asaṃvarahetubhāvāpattito nagaradvārasadisena javanena pavisitvā dussīlyādicorānaṃ dvārabhavaṅgādimūsanaṃ kusalabhaṇḍavināsanaṃ kathitanti daṭṭhabbaṃ.
1353. иминаа аахаарзна нид̇т̇аран̣ад̇т̇зна ад̇т̇игабхааво ид̣̇амад̇т̇игад̇аа. аахаарабарибхог̇з асанд̇уссанаад̇и аахаарабарибхог̇агкан̣з бавад̇д̇аа асанд̇уссанаа, д̣̇авад̇т̇аад̣̇иабхилаасод̇и ад̇т̇о. зд̇т̇а жа асанд̇удтид̇аа лобхо, амад̇д̇ан̃н̃уд̇аа аббадисан̇каа жа моход̇и имз д̣̇вз д̇хаммаа ‘‘бхож̇анз амад̇д̇ан̃н̃уд̇аа’’д̇и взд̣̇ид̇аб̣б̣аа.
1353. Iminā āhārena nittharaṇatthena atthikabhāvo idamatthikatā. Āhāraparibhoge asantussanāti āhāraparibhogakkhaṇe pavattā asantussanā, davatthādiabhilāsoti attho. Ettha ca asantuṭṭhitā lobho, amattaññutā appaṭisaṅkhā ca mohoti ime dve dhammā ‘‘bhojane amattaññutā’’ti veditabbā.
1355. ‘‘сзяяохамасмий’’д̇иаад̣̇инаа бавад̇д̇амаанова маанамад̣̇о. асад̣̇д̇хаммасзванаасамад̇т̇ад̇ам̣ ниссааяа бавад̇д̇о маано, рааг̇о зва ваа бурисамад̣̇о. саггарасаббикийраад̣̇ийни яож̇зд̇ваа б̣ахалабаггам̣ бхож̇анам̣ бин̣д̣арасабхож̇анам̣, б̣ахалабаггам̣ ваа мам̣сарасаад̣̇ибхож̇анам̣. манд̣̇анд̇и аббам̣. тид̇ияаад̇и тид̇ад̇т̇ам̣. д̇ад̣̇ад̇т̇ан̃жа бхун̃ж̇анд̇о яасмаа ‘‘гааяам̣ табзссаамий’’д̇и бхун̃ж̇ад̇и, д̇асмаа ‘‘табанад̇т̇ааяаа’’д̇и вуд̇д̇ам̣. абхуд̇д̇абажжаяаа уббаж̇ж̇анагаад̇и ид̣̇ам̣ куд̣̇ааяа висзсанам̣ яассаа аббавад̇д̇и бхож̇анзна гаад̇аб̣б̣аа, д̇ассаа д̣̇ассанад̇т̇ам̣. сагалам̣ саасананд̇и баал̣ид̇хаммамби саб̣б̣агусалзби сан̇г̇ан̣хаад̇и. абхуд̇д̇абажжаяаа уббаж̇ж̇анагавзд̣̇анаа, бхуд̇д̇абажжаяаа на уббаж̇ж̇анагавзд̣̇анаад̇и зд̇аасам̣ го висзсо? буримаа яат̇аабавад̇д̇аа ж̇игхажчаанимид̇д̇аа взд̣̇анаа. саа хи абхун̃ж̇анд̇асса бхияяо бавад̇д̇анавасзна уббаж̇ж̇ад̇ийд̇и. бажчимааби куд̣̇аанимид̇д̇аава ан̇г̇ад̣̇аахасуулаад̣̇ивзд̣̇анаа аббавад̇д̇аа. саа хи бхуд̇д̇абажжаяаа буб̣б̣з ануббаннаава на уббаж̇ж̇иссад̇и. вихим̣саанимид̇д̇ад̇аа жзд̇аасам̣ вихим̣сааяа висзсо.
1355. ‘‘Seyyohamasmī’’tiādinā pavattamānova mānamado. Asaddhammasevanāsamatthataṃ nissāya pavatto māno, rāgo eva vā purisamado. Sakkarasappikhīrādīni yojetvā bahalapakkaṃ bhojanaṃ piṇḍarasabhojanaṃ, bahalapakkaṃ vā maṃsarasādibhojanaṃ. Mandanti appaṃ. Ṭhitiyāti ṭhitatthaṃ. Tadatthañca bhuñjanto yasmā ‘‘kāyaṃ ṭhapessāmī’’ti bhuñjati, tasmā ‘‘ṭhapanatthāyā’’ti vuttaṃ. Abhuttapaccayā uppajjanakāti idaṃ khudāya visesanaṃ yassā appavatti bhojanena kātabbā, tassā dassanatthaṃ. Sakalaṃ sāsananti pāḷidhammampi sabbakusalepi saṅgaṇhāti. Abhuttapaccayā uppajjanakavedanā, bhuttapaccayā na uppajjanakavedanāti etāsaṃ ko viseso? Purimā yathāpavattā jighacchānimittā vedanā. Sā hi abhuñjantassa bhiyyo pavattanavasena uppajjatīti. Pacchimāpi khudānimittāva aṅgadāhasūlādivedanā appavattā. Sā hi bhuttapaccayā pubbe anuppannāva na uppajjissati. Vihiṃsānimittatā cetāsaṃ vihiṃsāya viseso.
яаад̇раад̇и яаабанаа вуд̇д̇аа, буб̣б̣зби ‘‘яаабанааяаа’’д̇и вуд̇д̇ам̣, го зд̇т̇а висзсо? буб̣б̣з ‘‘яаабанааяаад̇и ж̇ийвид̇инд̣̇рияаяаабанад̇т̇ааяаа’’д̇и вуд̇д̇ам̣, ид̇ха бана жад̇уннам̣ ирияаабат̇аанам̣ авижчзд̣̇асан̇каад̇аа яаабанаа яаад̇раад̇и аяамзд̇т̇а висзсо . д̣̇ааяагад̣̇зяяад̇хаммаанам̣ ад̇д̇ано жа бамаан̣ам̣ аж̇аанид̇ваа бадиг̇г̇ахан̣ам̣, сад̣̇д̇хаад̣̇зяяавинибаад̇анад̇т̇ам̣ ваа бадиг̇г̇ахан̣ам̣ ад̇хаммигабадиг̇г̇ахан̣ам̣, язна ваа аабад̇д̇им̣ аабаж̇ж̇зяяа. абажжавзгкид̇абарибхог̇о ад̇хаммзна барибхог̇о. анаваж̇ж̇з анинд̣̇ид̇аб̣б̣з бажжаяз сааваж̇ж̇ам̣ санинд̣̇ам̣ барибхог̇зна ад̇д̇аанам̣ гарод̇и. анаваж̇ж̇ад̇аа жа бхависсад̇ийд̇и ад̇д̇ано багад̇иаг̇г̇иб̣алаад̣̇им̣ ж̇аанид̇ваа ‘‘звам̣ мз аг̇арахид̇аб̣б̣ад̇аа жа бхависсад̇ий’’д̇и бамаан̣аяуд̇д̇ам̣ аахаарзд̇ийд̇и ад̇т̇о.
Yātrāti yāpanā vuttā, pubbepi ‘‘yāpanāyā’’ti vuttaṃ, ko ettha viseso? Pubbe ‘‘yāpanāyāti jīvitindriyayāpanatthāyā’’ti vuttaṃ, idha pana catunnaṃ iriyāpathānaṃ avicchedasaṅkhātā yāpanā yātrāti ayamettha viseso . Dāyakadeyyadhammānaṃ attano ca pamāṇaṃ ajānitvā paṭiggahaṇaṃ, saddhādeyyavinipātanatthaṃ vā paṭiggahaṇaṃ adhammikapaṭiggahaṇaṃ, yena vā āpattiṃ āpajjeyya. Apaccavekkhitaparibhogo adhammena paribhogo. Anavajje aninditabbe paccaye sāvajjaṃ sanindaṃ paribhogena attānaṃ karoti. Anavajjatā ca bhavissatīti attano pakatiaggibalādiṃ jānitvā ‘‘evaṃ me agarahitabbatā ca bhavissatī’’ti pamāṇayuttaṃ āhāretīti attho.
суко ирияаабат̇авихааро паасувихааро. зд̇д̇аган̃хи бхун̃ж̇ид̇ваа…бз… бавад̇д̇анд̇ийд̇и ирияаабат̇аанам̣ сукаббавад̇д̇ияаа гааран̣абхууд̇ам̣ бхун̃ж̇анам̣ биванан̃жа ирияаабат̇зхи гааран̣абхаавзна г̇ахид̇ад̇д̇аа д̇зхи саад̇хид̇ам̣ вияа вуд̇д̇ам̣. ‘‘абхуд̇ваа уд̣̇агам̣ бивз’’д̇и ликанд̇и, ‘‘бхуд̇ваанаа’’д̇и бана баато. бунаби хи аббассзва ануж̇аананавасзна –
Sukho iriyāpathavihāro phāsuvihāro. Ettakañhi bhuñjitvā…pe… pavattantīti iriyāpathānaṃ sukhappavattiyā kāraṇabhūtaṃ bhuñjanaṃ pivanañca iriyāpathehi kāraṇabhāvena gahitattā tehi sādhitaṃ viya vuttaṃ. ‘‘Abhutvā udakaṃ pive’’ti likhanti, ‘‘bhutvānā’’ti pana pāṭho. Punapi hi appasseva anujānanavasena –
‘‘габбияам̣ д̇ам̣ жз чаад̣̇зд̇и, жийварам̣ ид̣̇амад̇т̇игам̣;
‘‘Kappiyaṃ taṃ ce chādeti, cīvaraṃ idamatthikaṃ;
алам̣ паасувихаарааяа.
Alaṃ phāsuvihārāya.
‘‘баллан̇гзна нисиннасса, ж̇ан̣н̣угз наабхивассад̇и;
‘‘Pallaṅkena nisinnassa, jaṇṇuke nābhivassati;
алам̣ паасувихаарааяаа’’д̇и. (т̇зраг̇аа. 984-985) –
Alaṃ phāsuvihārāyā’’ti. (theragā. 984-985) –
ааха.
Āha.
бхож̇анаанисам̣сод̇и яат̇аавуд̇д̇зхи адтахан̇г̇зхи саманнааг̇ад̇асса бхож̇анасса аг̇арахид̇аб̣б̣ад̇аа сукавихааро жа аанисам̣сод̇и ад̇т̇о. яуд̇д̇асса нид̣̇д̣̇осасса бхож̇анасса баримаан̣асса жа васзна ж̇аананам̣ яуд̇д̇абамаан̣аж̇аананам̣ наама.
Bhojanānisaṃsoti yathāvuttehi aṭṭhahaṅgehi samannāgatassa bhojanassa agarahitabbatā sukhavihāro ca ānisaṃsoti attho. Yuttassa niddosassa bhojanassa parimāṇassa ca vasena jānanaṃ yuttapamāṇajānanaṃ nāma.
1356. винаасам̣ бад̇д̇ияаа надтаа, бадибагкзхи абхибхууд̇ад̇д̇аа мудтаа жа сад̇и яасса, со надтамудтассад̇и, д̇асса бхааво надтамудтассад̇ид̇аа.
1356. Vināsaṃ pattiyā naṭṭhā, paṭipakkhehi abhibhūtattā muṭṭhā ca sati yassa, so naṭṭhamuṭṭhassati, tassa bhāvo naṭṭhamuṭṭhassatitā.
1368. висуд̣̇д̇хиббад̇д̇анд̇и маг̇г̇апаласийлам̣ вужжад̇и. логуд̇д̇арад̇хаммааваад̇и логуд̇д̇арасад̇иаад̣̇ид̇хаммаава. сийласамбад̣̇аа бана руубааруубааважараа над̇т̇ийд̇и самбхавад̇о яож̇зд̇аб̣б̣аа.
1368. Visuddhippattanti maggaphalasīlaṃ vuccati. Lokuttaradhammāvāti lokuttarasatiādidhammāva. Sīlasampadā pana rūpārūpāvacarā natthīti sambhavato yojetabbā.
1373. бхог̇уубагаран̣зхи сабхог̇о. жад̇уннам̣ сажжаанам̣ ануломанд̇и жад̇усажжаббадивзд̇хасса ануломанд̇и ад̇т̇о. ‘‘сажжаана’’нд̇и хи бадивиж̇жхид̇аб̣б̣зхи бадивзд̇хо вуд̇д̇о, жад̇усажжаббадивзд̇хасса ваа убаниссаяабхууд̇ам̣ бадивиж̇жхид̇аб̣б̣аанам̣ жад̇уннам̣ сажжаанам̣ ануломанд̇и вуд̇д̇ам̣.
1373. Bhogūpakaraṇehi sabhogo. Catunnaṃ saccānaṃ anulomanti catusaccappaṭivedhassa anulomanti attho. ‘‘Saccāna’’nti hi paṭivijjhitabbehi paṭivedho vutto, catusaccappaṭivedhassa vā upanissayabhūtaṃ paṭivijjhitabbānaṃ catunnaṃ saccānaṃ anulomanti vuttaṃ.
1378. ‘‘мама гхарам̣ д̇хурам̣ гад̇ваа бхигкам̣ бависат̇аа’’д̇и д̣̇ияяамаанам̣ д̇хурабхад̇д̇анд̇и вад̣̇анд̇и. нижжабхад̇д̇аад̣̇и ваа ан̃н̃зби аан̣аабзд̇ваа саяам̣ д̇хурам̣ худ̇ваа д̣̇иннам̣ д̇хурабхад̇д̇ам̣.
1378. ‘‘Mama gharaṃ dhuraṃ katvā bhikkhaṃ pavisathā’’ti diyyamānaṃ dhurabhattanti vadanti. Niccabhattādi vā aññepi āṇāpetvā sayaṃ dhuraṃ hutvā dinnaṃ dhurabhattaṃ.
1379. бадиваасзд̇и наамаад̇и нивад̇д̇зд̇и наама осаггзд̇и наама.
1379. Paṭivāsetināmāti nivatteti nāma osakketi nāma.
1380. буб̣б̣з нивуд̇т̇агканд̇хаад̇и буримаж̇аад̇ийсу санд̇ад̇ибарияаабаннз канд̇хз ааха. канд̇хабадиб̣ад̣̇д̇ханд̇и вад̇т̇аабхаран̣аяаанаг̇аамаж̇анабад̣̇аад̣̇и. каяасамаязд̇и маг̇г̇агкан̣ам̣ ааха.
1380. Pubbe nivutthakkhandhāti purimajātīsu santatipariyāpanne khandhe āha. Khandhapaṭibaddhanti vatthābharaṇayānagāmajanapadādi. Khayasamayeti maggakkhaṇaṃ āha.
1381. ад̇химужжанадтзнаад̇и аниг̇г̇ахид̇абагканд̣̇анасан̇каад̇зна яат̇аасукам̣ бавад̇д̇анадтзна.
1381. Adhimuccanaṭṭhenāti aniggahitapakkhandanasaṅkhātena yathāsukhaṃ pavattanaṭṭhena.
1382. кийн̣аанам̣ анд̇о авасаанам̣ нидтид̇абхааво кийн̣анд̇о, кийн̣аанам̣ ваа аад̣̇игаало, д̇асмим̣ кийн̣анд̇з. зса наяо нируд̣̇д̇ханд̇зд̇иаад̣̇ийсу.
1382. Khīṇānaṃ anto avasānaṃ niṭṭhitabhāvo khīṇanto, khīṇānaṃ vā ādikālo, tasmiṃ khīṇante. Esa nayo niruddhantetiādīsu.
д̣̇уганигкзбагат̇ааван̣н̣анаа нидтид̇аа.
Dukanikkhepakathāvaṇṇanā niṭṭhitā.
нигкзбаган̣д̣аван̣н̣анаа нидтид̇аа.
Nikkhepakaṇḍavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / суд̇д̇анд̇игад̣̇уганигкзбам̣ • Suttantikadukanikkhepaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / суд̇д̇анд̇игад̣̇уганигкзбагат̇аа • Suttantikadukanikkhepakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / суд̇д̇анд̇игад̣̇уганигкзбагат̇ааван̣н̣анаа • Suttantikadukanikkhepakathāvaṇṇanā
