| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
суд̇д̇анд̇игад̣̇уганигкзбагат̇ааван̣н̣анаа
Suttantikadukanikkhepakathāvaṇṇanā
1313. ахам̣-сад̣̇д̣̇зна хзд̇убхууд̇зна яо ад̇т̇од̇и зд̇т̇а ахам̣-сад̣̇д̣̇о ад̇т̇од̇и ад̇хиббзд̇о. ад̇т̇ааваб̣од̇ханад̇т̇о хи сад̣̇д̣̇аббаяог̇о. ад̇т̇абараад̇хийно гзвало ад̇т̇абад̣̇ад̇т̇аго, со бад̣̇ад̇т̇авибариязсагааринаа бана ид̇и-сад̣̇д̣̇зна барад̇о баяуд̇д̇зна сад̣̇д̣̇абад̣̇ад̇т̇аго ж̇ааяад̇и яат̇аа г̇аавийд̇и аяамаахаад̇и г̇о-сад̣̇д̣̇ам̣ аахаад̇и вин̃н̃ааяад̇и. д̇зна вин̃н̃ад̇д̇ивигаарасахид̇о сад̣̇д̣̇о бан̃н̃ад̇д̇ийд̇и д̣̇ассзд̇и. д̇ат̇аа хи ‘‘б̣уд̣̇д̇хасса бхаг̇авад̇о вохааро логияасод̇з бадихан̃н̃ад̇ий’’д̇иаад̣̇инаа (гат̇аа. 347) бан̃н̃ад̇д̇ияаа важанабхаавам̣ саад̇хаяад̇и. ан̃н̃ат̇аад̇иаад̣̇инаа бан̃н̃ад̇д̇ияаа асад̣̇д̣̇асабхаавад̇д̇з д̣̇осамааха. ад̇хиважанаад̣̇ид̇аа сияаа, д̇ат̇аа жа ад̇хиважанаад̣̇ийнам̣ ад̇хиважанабат̇аад̣̇ид̇о висзсо на сияаад̇и д̣̇угоязва на самбхавзяяаад̇и ад̇хиббааяо. адтагат̇ааяам̣ бана сагасанд̇ад̇ибарияаабаннз руубаад̣̇аяо д̇хаммз самуухад̇о санд̇аанад̇о жа згад̇д̇авасзна г̇ахзд̇ваа аханд̇и вохарияамаанаа убаад̣̇аабан̃н̃ад̇д̇и сан̇кааяад̇и вохарийяад̇ийд̇и сан̇каад̇и ад̇хиббзд̇аа. д̇ат̇аа сзсзсу яат̇аасамбхавам̣ д̣̇адтаб̣б̣ам̣. д̇знзвааха ‘‘д̣̇ад̇д̇од̇и зд̇д̇аавад̇аа сад̇д̇абан̃н̃ад̇д̇им̣ д̣̇ассзд̇ваа ан̃н̃амби убаад̣̇аабан̃н̃ад̇д̇им̣ д̣̇ассзд̇у’’нд̇иаад̣̇и. бад̣̇ад̇т̇ассаад̇и ахам̣-сад̣̇д̣̇аад̣̇ибад̣̇аабхид̇хзяяасса, барамад̇т̇асса ваа. ад̇хиважанам̣ сад̣̇д̣̇од̇и ад̇хиббааязна ‘‘вад̣̇анд̇знаа’’д̇иаад̣̇и вуд̇д̇ам̣. со хи ад̇д̇анаа н̃аабзд̇аб̣б̣амад̇т̇ам̣ саяам̣ н̃аад̇о зва н̃аабзд̇ийд̇и аг̇г̇ахид̇асамб̣анд̇хасса на сад̣̇д̣̇о ад̇т̇аббагаасанасамад̇т̇од̇и вуд̇д̇ам̣ ‘‘буб̣б̣з г̇ахид̇асан̃н̃знаа’’д̇и. висзсзна н̃ааяад̇ийд̇и саман̃н̃аад̇и сам̣-сад̣̇д̣̇асса висзсад̇т̇ад̇ам̣ ааха.
1313. Ahaṃ-saddena hetubhūtena yo atthoti ettha ahaṃ-saddo atthoti adhippeto. Atthāvabodhanattho hi saddappayogo. Atthaparādhīno kevalo atthapadatthako, so padatthavipariyesakārinā pana iti-saddena parato payuttena saddapadatthako jāyati yathā gāvīti ayamāhāti go-saddaṃ āhāti viññāyati. Tena viññattivikārasahito saddo paññattīti dasseti. Tathā hi ‘‘buddhassa bhagavato vohāro lokiyasote paṭihaññatī’’tiādinā (kathā. 347) paññattiyā vacanabhāvaṃ sādhayati. Aññathātiādinā paññattiyā asaddasabhāvatte dosamāha. Adhivacanāditā siyā, tathā ca adhivacanādīnaṃ adhivacanapathādito viseso na siyāti dukoyeva na sambhaveyyāti adhippāyo. Aṭṭhakathāyaṃ pana sakasantatipariyāpanne rūpādayo dhamme samūhato santānato ca ekattavasena gahetvā ahanti vohariyamānā upādāpaññatti saṅkhāyati voharīyatīti saṅkhāti adhippetā. Tathā sesesu yathāsambhavaṃ daṭṭhabbaṃ. Tenevāha ‘‘dattoti ettāvatā sattapaññattiṃ dassetvā aññampi upādāpaññattiṃ dassetu’’ntiādi. Padatthassāti ahaṃ-saddādipadābhidheyyassa, paramatthassa vā. Adhivacanaṃ saddoti adhippāyena ‘‘vadantenā’’tiādi vuttaṃ. So hi attanā ñāpetabbamatthaṃ sayaṃ ñāto eva ñāpetīti aggahitasambandhassa na saddo atthappakāsanasamatthoti vuttaṃ ‘‘pubbe gahitasaññenā’’ti. Visesena ñāyatīti samaññāti saṃ-saddassa visesatthataṃ āha.
гарийяад̇ийд̇и ид̣̇ам̣ имассад̇т̇асса ад̇хиважананд̇и звам̣ нигкибийяад̇и. наамабхууд̇ам̣ важанамзва д̇ам̣ д̇ам̣ ад̇т̇ам̣ нид̣̇д̇хаарзд̇ваа сахзд̇угам̣ гад̇ваа вад̣̇ад̇и б̣яан̃ж̇аяад̇и жаад̇и ааха ‘‘наамамижжзва вуд̇д̇ам̣ ход̇ий’’д̇и. д̇знзвааха ‘‘на хи бат̇авий’’д̇иаад̣̇и. бат̇авийсан̇каад̇анд̇и бат̇авий-сад̣̇д̣̇аабхид̇хзяяам̣.
Karīyatīti idaṃ imassatthassa adhivacananti evaṃ nikkhipīyati. Nāmabhūtaṃ vacanameva taṃ taṃ atthaṃ niddhāretvā sahetukaṃ katvā vadati byañjayati cāti āha ‘‘nāmamicceva vuttaṃ hotī’’ti. Tenevāha ‘‘na hi pathavī’’tiādi. Pathavīsaṅkhātanti pathavī-saddābhidheyyaṃ.
аажарияаад̇и адтагат̇ааяа сам̣ван̣н̣анагаа аажарияаа, на адтагат̇аажарияаад̇и ад̇хиббааязна вад̣̇ад̇и. маад̇игааяанд̇и маад̇игааван̣н̣анааяам̣. д̇знаад̇и маад̇игааван̣н̣анааважанзна. имиссаа баал̣ияаа адтагат̇ааяа жа ад̇т̇ад̣̇ассанасса зд̇асса яат̇аавуд̇д̇асса аажарияаваад̣̇асса вирод̇хо сияаа, д̇амзва вирод̇хам̣ ‘‘на хий’’д̇иаад̣̇инаа виварад̇и. д̇ад̇т̇а ад̇хиважанабат̇аад̣̇ибхаавзна вуд̇д̇аанам̣ д̇хаммаанам̣ багаасагасса сабхаавасса вин̃н̃ад̇д̇ивигаарасахид̇асад̣̇д̣̇ассзва важанамад̇д̇ам̣ ад̇хигаарам̣ гад̇ваа бавад̇д̇иаад̣̇и яуж̇ж̇ад̇и, на асабхаавассаад̇и ад̇хиббааязна ‘‘уббаад̣̇аваяагижжарахид̇ассаа’’д̇иаад̣̇и вуд̇д̇ам̣. д̇ад̇т̇а анид̣̇д̇хаарид̇асабхаавассаад̇и барамад̇т̇ад̇о анубалад̣̇д̇хасабхаавасса.
Ācariyāti aṭṭhakathāya saṃvaṇṇanakā ācariyā, na aṭṭhakathācariyāti adhippāyena vadati. Mātikāyanti mātikāvaṇṇanāyaṃ. Tenāti mātikāvaṇṇanāvacanena. Imissā pāḷiyā aṭṭhakathāya ca atthadassanassa etassa yathāvuttassa ācariyavādassa virodho siyā, tameva virodhaṃ ‘‘na hī’’tiādinā vivarati. Tattha adhivacanapathādibhāvena vuttānaṃ dhammānaṃ pakāsakassa sabhāvassa viññattivikārasahitasaddasseva vacanamattaṃ adhikāraṃ katvā pavattiādi yujjati, na asabhāvassāti adhippāyena ‘‘uppādavayakiccarahitassā’’tiādi vuttaṃ. Tattha aniddhāritasabhāvassāti paramatthato anupaladdhasabhāvassa.
д̣̇увид̇хаад̇и бан̃н̃аабанабан̃н̃аабид̇аб̣б̣абхзд̣̇ад̇о д̣̇увид̇хаа. яат̇аавуд̇д̇аббагаараад̇и уббаад̣̇аваяагижжарахид̇аад̇иаад̣̇иббагаараа. адтагат̇ааяам̣ буг̇г̇алабан̃н̃ад̇д̇иван̣н̣анааяам̣. нану жа д̇ад̇т̇а убанид̇хаабан̃н̃ад̇д̇иаад̣̇аяо абарааби бан̃н̃ад̇д̇ияо вуд̇д̇аа, ат̇а гасмаа ‘‘ча бан̃н̃ад̇д̇ияова вуд̇д̇аа’’д̇и вуд̇д̇ам̣? сажжам̣ вуд̇д̇аа, д̇аа бана виж̇ж̇амаанабан̃н̃ад̇д̇иаад̣̇ийсу часу зва анд̇ог̇ад̇хаад̇и ‘‘адтагат̇ааяам̣ виж̇ж̇амаанабан̃н̃ад̇д̇иаад̣̇аяо ча бан̃н̃ад̇д̇ияова вуд̇д̇аа’’д̇и вуд̇д̇ам̣.
Duvidhāti paññāpanapaññāpitabbabhedato duvidhā. Yathāvuttappakārāti uppādavayakiccarahitātiādippakārā. Aṭṭhakathāyaṃ puggalapaññattivaṇṇanāyaṃ. Nanu ca tattha upanidhāpaññattiādayo aparāpi paññattiyo vuttā, atha kasmā ‘‘cha paññattiyova vuttā’’ti vuttaṃ? Saccaṃ vuttā, tā pana vijjamānapaññattiādīsu chasu eva antogadhāti ‘‘aṭṭhakathāyaṃ vijjamānapaññattiādayo cha paññattiyova vuttā’’ti vuttaṃ.
д̇ад̇т̇а руубаад̣̇и вияа авиж̇ж̇амаанад̇д̇аа бан̃н̃аабид̇аб̣б̣ад̇д̇аа жа авиж̇ж̇амаанабан̃н̃ад̇д̇и, авиж̇ж̇амаанасса жа сад̇д̇арат̇аад̣̇иад̇т̇асса бан̃н̃аабанад̇о авиж̇ж̇амаанабан̃н̃ад̇д̇ийд̇и звам̣ авиж̇ж̇амаанабан̃н̃ад̇д̇иважанзна яат̇аавуд̇д̇аа д̣̇увид̇хааби бан̃н̃ад̇д̇и сан̇г̇ахид̇аад̇и ааха ‘‘авиж̇ж̇амаана…бз… вуд̇д̇аа’’д̇и. ид̇арзхийд̇и виж̇ж̇амаанабан̃н̃ад̇д̇иаад̣̇ийхи авасзсзхи бан̃жахи, руубавзд̣̇анаад̣̇ийнам̣ сад̇д̇арат̇аад̣̇ийнан̃жа ад̇т̇аанам̣ багаарзхи н̃аабанад̇о д̇ам̣д̇ам̣ваажаго сад̣̇д̣̇оязва висаяабхзд̣̇ад̇о виж̇ж̇амаанабан̃н̃ад̇д̇иаад̣̇ибхзд̣̇аа бан̃н̃ад̇д̇и сан̇каад̣̇ийхи д̣̇асахи бад̣̇зхи вуд̇д̇аад̇и аяам̣ буримо ад̇т̇о, со жа яат̇ааруд̇авасзнзва баал̣ияаа вин̃н̃ааяамаанад̇д̇аа ‘‘баал̣иануг̇ад̇о уж̇уго’’д̇и жа вуд̇д̇о. яад̣̇и жаад̇иаад̣̇ийсу сад̇д̇аад̣̇игаа яат̇аавуд̇д̇аббагаараа убаад̣̇аабан̃н̃ад̇д̇и яад̣̇и авиж̇ж̇амаанабан̃н̃ад̇д̇и, саа ад̇т̇ийд̇и на вад̇д̇аб̣б̣аа. авиж̇ж̇амаанаа жа саа бан̃н̃аабид̇аб̣б̣ад̇о бан̃н̃ад̇д̇и жаад̇и д̇зсам̣ аажарияаанам̣ лад̣̇д̇хийд̇и ад̇хиббааяо. ид̣̇аани д̇ассаа лад̣̇д̇хияаа васзна бан̃н̃ад̇д̇ибат̇аад̇и вуд̇д̇ад̇хаммаанамби виж̇ж̇амаанабан̃н̃ад̇д̇ибхааваабад̇д̇ижод̣̇анзна д̇ад̇т̇а д̣̇осам̣ д̣̇ассзд̇и ‘‘яат̇аа жаа’’д̇иаад̣̇инаа. д̇ад̇од̇и яасмаа авиж̇ж̇амаанад̇д̇аа бан̃н̃аабид̇аб̣б̣ад̇д̇аа жа сад̇д̇арат̇аад̣̇ийнам̣ авиж̇ж̇амаанабан̃н̃ад̇д̇ибхааво вияа виж̇ж̇амаанад̇д̇аа бан̃н̃аабид̇аб̣б̣ад̇д̇аа жа саб̣б̣зсам̣ сабхаавад̇хаммаанам̣ виж̇ж̇амаанабан̃н̃ад̇д̇ибхааво аабаж̇ж̇ад̇и, д̇асмаад̇и ад̇т̇о.
Tattha rūpādi viya avijjamānattā paññāpitabbattā ca avijjamānapaññatti, avijjamānassa ca sattarathādiatthassa paññāpanato avijjamānapaññattīti evaṃ avijjamānapaññattivacanena yathāvuttā duvidhāpi paññatti saṅgahitāti āha ‘‘avijjamāna…pe… vuttā’’ti. Itarehīti vijjamānapaññattiādīhi avasesehi pañcahi, rūpavedanādīnaṃ sattarathādīnañca atthānaṃ pakārehi ñāpanato taṃtaṃvācako saddoyeva visayabhedato vijjamānapaññattiādibhedā paññatti saṅkhādīhi dasahi padehi vuttāti ayaṃ purimo attho, so ca yathārutavaseneva pāḷiyā viññāyamānattā ‘‘pāḷianugato ujuko’’ti ca vutto. Yadi cātiādīsu sattādikā yathāvuttappakārā upādāpaññatti yadi avijjamānapaññatti, sā atthīti na vattabbā. Avijjamānā ca sā paññāpitabbato paññatti cāti tesaṃ ācariyānaṃ laddhīti adhippāyo. Idāni tassā laddhiyā vasena paññattipathāti vuttadhammānampi vijjamānapaññattibhāvāpatticodanena tattha dosaṃ dasseti ‘‘yathā cā’’tiādinā. Tatoti yasmā avijjamānattā paññāpitabbattā ca sattarathādīnaṃ avijjamānapaññattibhāvo viya vijjamānattā paññāpitabbattā ca sabbesaṃ sabhāvadhammānaṃ vijjamānapaññattibhāvo āpajjati, tasmāti attho.
‘‘ат̇аа’’д̇иаад̣̇инаа бан̃н̃ад̇д̇ибат̇анид̣̇д̣̇зсад̇о висидтасса бан̃н̃ад̇д̇ид̇хамманид̣̇д̣̇зсасса саяамзва гааран̣амаасан̇гад̇и. ‘‘наабий’’д̇иаад̣̇инаа д̇асса гааран̣асса асид̣̇д̇хад̇ам̣ д̣̇ассзд̇и. ‘‘бурисод̇и сан̇каа’’д̇иаад̣̇ийсу сан̇каад̣̇аяоби наамаад̣̇ийхи ад̇т̇ад̇о ависидтаа вуд̇д̇аад̇и ааха ‘‘сан̇каад̣̇исад̣̇д̣̇аанам̣ самаанад̇т̇ад̇д̇аа’’д̇и. важанаг̇г̇ахан̣ам̣ важанужжааран̣ам̣. ан̃н̃ассаад̇и наамабан̃н̃ад̇д̇им̣ санд̇хааяааха. д̇зсанд̇и сан̇гзд̇аг̇г̇ахан̣аважанаг̇г̇ахан̣аанам̣. асамад̇т̇ад̇аа на самбхавад̇ийд̇и яож̇анаа. д̇амзва асамбхавам̣ ‘‘яад̣̇и хий’’д̇иаад̣̇инаа виварад̇и. бан̃н̃ад̇д̇ияаад̇и наамабан̃н̃ад̇д̇ияаа. бан̃н̃ад̇д̇ибан̃н̃аабанзд̇и яааяа наамабан̃н̃ад̇д̇ияаа убаад̣̇ааяабан̃н̃ад̇д̇и руубаад̣̇аяо жа бан̃н̃аабийяанд̇и, яаа жа сод̇ад̣̇вааравин̃н̃аан̣асанд̇аанаананд̇арамуббаннзна г̇ахид̇абуб̣б̣асан̇гзд̇зна манод̣̇вааравин̃н̃аан̣асанд̇аанзна г̇аяхад̇и, саа аяам̣ наамаад̇и д̇ассаа бан̃н̃аабанз асан̇гарад̇о табанз. ат̇а ваа сод̇ад̣̇вааравин̃н̃аан̣асанд̇аанаананд̇арамуббаннзна манод̣̇вааравин̃н̃аан̣асанд̇аанзна бан̃н̃ад̇д̇ияаа г̇аахаабанз барижчинд̣̇анз. д̇ассаа ан̃н̃аа бан̃н̃ад̇д̇и вад̇д̇аб̣б̣аа сияаад̇и д̇ассаа наамабан̃н̃ад̇д̇ияаа н̃аабанз сан̇гзд̇аг̇г̇ахан̣аважанаг̇г̇ахан̣аанам̣ сахагаарийгааран̣абхууд̇аа ан̃н̃аа наамабан̃н̃ад̇д̇и ад̇т̇ийд̇и вад̇д̇аб̣б̣аа анун̃н̃аад̇аб̣б̣аа сияаа. д̇ад̇о ад̇т̇авиж̇аананамзва на сияаад̇и гзвалаани сан̇гзд̇аг̇г̇ахан̣аважанаг̇г̇ахан̣аани ад̇т̇абан̃н̃аабанз вияа бан̃н̃ад̇д̇ин̃аабанзби асамад̇т̇аани, бан̃н̃ад̇д̇и жа н̃аад̇ааязва д̇зсам̣ сахагаарийгааран̣ам̣ д̇ам̣ж̇аананад̇т̇ам̣ бан̃н̃ад̇д̇иананд̇арабаригаббанз жа анавад̇т̇аанаабад̇д̇ийд̇и ад̇т̇аад̇хиг̇амасса самбхаво зва на бхавзяяа.
‘‘Athā’’tiādinā paññattipathaniddesato visiṭṭhassa paññattidhammaniddesassa sayameva kāraṇamāsaṅkati. ‘‘Nāpī’’tiādinā tassa kāraṇassa asiddhataṃ dasseti. ‘‘Purisoti saṅkhā’’tiādīsu saṅkhādayopi nāmādīhi atthato avisiṭṭhā vuttāti āha ‘‘saṅkhādisaddānaṃ samānatthattā’’ti. Vacanaggahaṇaṃ vacanuccāraṇaṃ. Aññassāti nāmapaññattiṃ sandhāyāha. Tesanti saṅketaggahaṇavacanaggahaṇānaṃ. Asamatthatā na sambhavatīti yojanā. Tameva asambhavaṃ ‘‘yadi hī’’tiādinā vivarati. Paññattiyāti nāmapaññattiyā. Paññattipaññāpaneti yāya nāmapaññattiyā upādāyapaññatti rūpādayo ca paññāpīyanti, yā ca sotadvāraviññāṇasantānānantaramuppannena gahitapubbasaṅketena manodvāraviññāṇasantānena gayhati, sā ayaṃ nāmāti tassā paññāpane asaṅkarato ṭhapane. Atha vā sotadvāraviññāṇasantānānantaramuppannena manodvāraviññāṇasantānena paññattiyā gāhāpane paricchindane. Tassā aññā paññatti vattabbā siyāti tassā nāmapaññattiyā ñāpane saṅketaggahaṇavacanaggahaṇānaṃ sahakārīkāraṇabhūtā aññā nāmapaññatti atthīti vattabbā anuññātabbā siyā. Tato atthavijānanameva na siyāti kevalāni saṅketaggahaṇavacanaggahaṇāni atthapaññāpane viya paññattiñāpanepi asamatthāni, paññatti ca ñātāyeva tesaṃ sahakārīkāraṇaṃ taṃjānanatthaṃ paññattianantaraparikappane ca anavatthānāpattīti atthādhigamassa sambhavo eva na bhaveyya.
сан̇гзд̇о руубаад̣̇ийсу на гин̃жи ход̇и, бхууд̇аад̣̇инимид̇д̇ам̣ бхааванаависзсан̃жа убаад̣̇ааяа вохарияамаанаа гасин̣аад̣̇ибан̃н̃ад̇д̇и вияа д̇ам̣ д̇ам̣ сан̇гзд̇ид̇аб̣б̣ам̣ сан̇гзд̇агаран̣ан̃жа убаад̣̇ааяа вохаарамад̇д̇о, д̇асса жа бан̃н̃аабигаа наамабан̃н̃ад̇д̇ийд̇и яат̇аавуд̇д̇ад̣̇осаабад̇д̇им̣ д̣̇ассзнд̇о ‘‘нааби сан̇гзд̇аг̇г̇ахан̣а’’нд̇и авожа. нану жа ад̇т̇авиж̇аананаасамбхаважод̣̇анзнзва сан̇гзд̇аг̇г̇ахан̣аабхавоби д̣̇ассид̇од̇и? сажжамзд̇ам̣, сан̇гзд̇з бана аажарияаанам̣ мад̇ибхзд̣̇о виж̇ж̇ад̇и. д̇ад̇т̇а згабагкиго аяам̣ д̣̇осод̇и д̣̇ассанад̇т̇ам̣ д̇асса висум̣ важанам̣ вужжамаанаа руубаад̣̇аяо д̇хаммааважанад̇т̇аа бан̃н̃аабид̇аб̣б̣аа жа, д̇ад̣̇абхид̇хааяаго сад̣̇д̣̇о бан̃н̃ад̇д̇ийд̇и. зд̇д̇аавад̇аа саб̣б̣авохааро сиж̇жхад̇ийд̇и ад̇хиббааязна ‘‘важана…бз… ж̇анам̣ над̇т̇ий’’д̇и ааха. бан̃н̃ад̇д̇ияаа важанабхааво сид̣̇д̇хо бадихананасод̇аб̣б̣ад̇аад̣̇ийбагад̇д̇аа д̇зсам̣ баатаананд̇и ад̇хиббааяо. аад̣̇и-сад̣̇д̣̇зна ‘‘ад̇т̇и гзжи б̣уд̣̇д̇хасса бхаг̇авад̇о вохаарам̣ сун̣анд̇и, нируд̇д̇ибадисамбхид̣̇аа бажжуббаннаарамман̣аа’’д̇и звамаад̣̇им̣ сан̇г̇ан̣хаад̇и. д̇асмаад̇и яасмаа ‘‘бан̃н̃ад̇д̇ид̇хаммаа’’д̇и бад̣̇асса яат̇аавуд̇д̇абан̃н̃ад̇д̇ияо ад̇т̇од̇и зд̇асмим̣ багкз маад̇игааван̣н̣анааяа вирод̇хо, адтагат̇ааяам̣ авуд̇д̇ад̇аа, имиссаа баал̣ияаа анануг̇амо, саб̣б̣з д̇хаммаа бан̃н̃ад̇д̇ийд̇и нид̣̇д̣̇исид̇аб̣б̣ад̇аа, бан̃н̃ад̇д̇ибат̇абад̣̇асса навад̇д̇аб̣б̣ад̇аа, анавад̇т̇аанаабад̇д̇ид̇о ад̇т̇авиж̇аананаасамбхавод̇и анзгз д̣̇осаа, вин̃н̃ад̇д̇ивигаарасахид̇асса бана сад̣̇д̣̇асса бан̃н̃ад̇д̇ибхаавз яат̇аавуд̇д̇ад̣̇осаабхааво анзгзсам̣ баатаббад̣̇зсаанан̃жа ануломанам̣, д̇асмаа. д̇ад̇т̇а яуд̇д̇ам̣ г̇ахзд̇аб̣б̣анд̇и ад̇хиббааязнааха ‘‘баал̣и…бз… д̇аб̣б̣о’’д̇и.
Saṅketo rūpādīsu na kiñci hoti, bhūtādinimittaṃ bhāvanāvisesañca upādāya vohariyamānā kasiṇādipaññatti viya taṃ taṃ saṅketitabbaṃ saṅketakaraṇañca upādāya vohāramatto, tassa ca paññāpikā nāmapaññattīti yathāvuttadosāpattiṃ dassento ‘‘nāpi saṅketaggahaṇa’’nti avoca. Nanu ca atthavijānanāsambhavacodaneneva saṅketaggahaṇābhavopi dassitoti? Saccametaṃ, saṅkete pana ācariyānaṃ matibhedo vijjati. Tattha ekapakkhiko ayaṃ dosoti dassanatthaṃ tassa visuṃ vacanaṃ vuccamānā rūpādayo dhammāvacanatthā paññāpitabbā ca, tadabhidhāyako saddo paññattīti. Ettāvatā sabbavohāro sijjhatīti adhippāyena ‘‘vacana…pe… janaṃ natthī’’ti āha. Paññattiyā vacanabhāvo siddho paṭihananasotabbatādīpakattā tesaṃ pāṭhānanti adhippāyo. Ādi-saddena ‘‘atthi keci buddhassa bhagavato vohāraṃ suṇanti, niruttipaṭisambhidā paccuppannārammaṇā’’ti evamādiṃ saṅgaṇhāti. Tasmāti yasmā ‘‘paññattidhammā’’ti padassa yathāvuttapaññattiyo atthoti etasmiṃ pakkhe mātikāvaṇṇanāya virodho, aṭṭhakathāyaṃ avuttatā, imissā pāḷiyā ananugamo, sabbe dhammā paññattīti niddisitabbatā, paññattipathapadassa navattabbatā, anavatthānāpattito atthavijānanāsambhavoti aneke dosā, viññattivikārasahitassa pana saddassa paññattibhāve yathāvuttadosābhāvo anekesaṃ pāṭhappadesānañca anulomanaṃ, tasmā. Tattha yuttaṃ gahetabbanti adhippāyenāha ‘‘pāḷi…pe… tabbo’’ti.
яад̣̇и сад̇д̇аад̇иаад̣̇инаа сад̣̇д̣̇асса бан̃н̃ад̇д̇ибхаавз адтагат̇ааяа вирод̇хамааха. звам̣ бан̃н̃ад̇д̇ибхаавз яад̣̇и сад̣̇д̣̇асса бан̃н̃ад̇д̇ибхааво, д̇асса барамад̇т̇ад̇о виж̇ж̇амаанад̇д̇аа руубаад̣̇иад̇т̇асса жа бан̃н̃аабанад̇о виж̇ж̇амаанабан̃н̃ад̇д̇ибхааво зва сияаа, на авиж̇ж̇амаанабан̃н̃ад̇д̇ибхааво. на хи д̇з сад̇д̇аад̣̇аяо бан̃н̃ад̇д̇ийд̇и. зван̃жа авиж̇ж̇амаанабан̃н̃ад̇д̇ияаа абхааво зва сияаа. вуд̇д̇аа жа адтагат̇ааяам̣ (ба. ба. адта. 1 маад̇игааван̣н̣анаа) ‘‘авиж̇ж̇амаанабан̃н̃ад̇д̇ий’’д̇и. ид̇аро висаяасса авиж̇ж̇амаанад̇д̇аа д̇асса авиж̇ж̇амаанабан̃н̃ад̇д̇ибхаавод̇и яат̇аавуд̇д̇авирод̇хаабхаавам̣ д̣̇ассзнд̇о ‘‘авиж̇ж̇амаанаана’’нд̇иаад̣̇имааха. ид̣̇аани сад̇д̇аад̣̇ивисаяасса гзнажиби барияааязна ад̇т̇ид̇ааяа абхаавад̣̇ассанзна д̇аб̣б̣исаяааяа бан̃н̃ад̇д̇ияаа авиж̇ж̇амаанабан̃н̃ад̇д̇ибхаавам̣язва вавад̇т̇абзд̇и ‘‘аяан̃жа ваад̣̇о’’д̇и. виж̇ж̇амаанаа зва сад̇д̇аад̣̇аяо руубаад̣̇исабхааваабхаававасзна ‘‘авиж̇ж̇амаанаа’’д̇и вужжанд̇и, на саб̣б̣ат̇аа абхаавад̇о. д̇ат̇аа хи д̇ат̇аа д̇ат̇аа бан̃н̃аабияамаанабхаавзна вин̃н̃ааяанд̇ийд̇и яат̇аавуд̇д̇аруубо ваад̣̇о ‘‘руубам̣ ад̇т̇ийд̇и? хзвад̇т̇и хзва над̇т̇ийд̇и. сзвад̇т̇и сзва над̇т̇ийд̇и. на хзвам̣ вад̇д̇аб̣б̣з. сзвад̇т̇и сзва над̇т̇ийд̇и. ааманд̇аа. ад̇т̇адто над̇т̇адто’’д̇и (гат̇аа. 306) звам̣ бавад̇д̇ааяа хзвад̇т̇игат̇ааяа. д̇ад̇т̇а хи руубаад̣̇аяо д̇хаммаа руубаад̣̇исабхаавзна ад̇т̇и, взд̣̇анаад̣̇исабхаавзна над̇т̇и, д̇асмаа саб̣б̣амзвид̣̇ам̣ звам̣ ад̇т̇и звам̣ над̇т̇ийд̇и звам̣лад̣̇д̇хигз санд̇хааяа ‘‘руубам̣ ад̇т̇ий’’д̇и бужчаа сагаваад̣̇исса. ‘‘хзвад̇т̇и хзва над̇т̇ий’’д̇и виссаж̇ж̇анам̣ бараваад̣̇исса. ат̇а нам̣ сагаваад̣̇ий яад̣̇и руубамзва звам̣ ад̇т̇и звам̣ над̇т̇ийд̇и лад̣̇д̇хи, звам̣ санд̇з со зва ад̇т̇и со зва над̇т̇и наамаад̇и бужчанд̇о ‘‘сзвад̇т̇ий’’д̇и ааха. ид̇аро д̇знзва сабхаавзна ад̇т̇ид̇ам̣, д̇знзва над̇т̇ид̇ам̣ санд̇хааяа бадигкибад̇и. д̣̇уд̇ияам̣ будто сагабхаавзна ад̇т̇ид̇ам̣, барабхаавзна над̇т̇ид̇ам̣ санд̇хааяа бадиж̇аанаад̇и. д̇ад̇о сагаваад̣̇ий ‘‘ад̇т̇адто над̇т̇адто’’д̇иаад̣̇инаа ад̇т̇ид̇аа ваа над̇т̇ид̇аа ваа ан̃н̃аман̃н̃авируд̣̇д̇хаа згасмим̣ д̇хаммз винаа гаалабхзд̣̇зна асамбхавад̇д̇аад̇и гим̣ згад̇д̇ам̣ аабаж̇ж̇ад̇ийд̇и д̣̇ассзнд̇о бараваад̣̇им̣ ниг̇г̇ан̣хаад̇ийд̇и. бадисид̣̇д̇ход̇и жа ‘‘руубам̣ ‘рууба’нд̇и хзвад̇т̇и, руубам̣ ‘взд̣̇анаа’д̇и хзва над̇т̇ий’’д̇иаад̣̇инаа (гат̇аа. 306) вуд̇д̇ааяа руубавзд̣̇анаасан̃н̃аасан̇кааравин̃н̃аан̣аанам̣ сагабхаавзна ад̇т̇ид̇ааяа барабхаавзна над̇т̇ид̇ааяа жа бадисзд̇ханзна сад̇д̇аад̣̇ийнамби д̇ат̇аабхааво бадисзд̇хид̇о ход̇ийд̇и гад̇ваа вуд̇д̇ам̣.
Yadisattātiādinā saddassa paññattibhāve aṭṭhakathāya virodhamāha. Evaṃ paññattibhāve yadi saddassa paññattibhāvo, tassa paramatthato vijjamānattā rūpādiatthassa ca paññāpanato vijjamānapaññattibhāvo eva siyā, na avijjamānapaññattibhāvo. Na hi te sattādayo paññattīti. Evañca avijjamānapaññattiyā abhāvo eva siyā. Vuttā ca aṭṭhakathāyaṃ (pa. pa. aṭṭha. 1 mātikāvaṇṇanā) ‘‘avijjamānapaññattī’’ti. Itaro visayassa avijjamānattā tassa avijjamānapaññattibhāvoti yathāvuttavirodhābhāvaṃ dassento ‘‘avijjamānāna’’ntiādimāha. Idāni sattādivisayassa kenacipi pariyāyena atthitāya abhāvadassanena tabbisayāya paññattiyā avijjamānapaññattibhāvaṃyeva vavatthapeti ‘‘ayañca vādo’’ti. Vijjamānā eva sattādayo rūpādisabhāvābhāvavasena ‘‘avijjamānā’’ti vuccanti, na sabbathā abhāvato. Tathā hi tathā tathā paññāpiyamānabhāvena viññāyantīti yathāvuttarūpo vādo ‘‘rūpaṃ atthīti? Hevatthi heva natthīti. Sevatthi seva natthīti. Na hevaṃ vattabbe. Sevatthi seva natthīti. Āmantā. Atthaṭṭho natthaṭṭho’’ti (kathā. 306) evaṃ pavattāya hevatthikathāya. Tattha hi rūpādayo dhammā rūpādisabhāvena atthi, vedanādisabhāvena natthi, tasmā sabbamevidaṃ evaṃ atthi evaṃ natthīti evaṃladdhike sandhāya ‘‘rūpaṃ atthī’’ti pucchā sakavādissa. ‘‘Hevatthi heva natthī’’ti vissajjanaṃ paravādissa. Atha naṃ sakavādī yadi rūpameva evaṃ atthi evaṃ natthīti laddhi, evaṃ sante so eva atthi so eva natthi nāmāti pucchanto ‘‘sevatthī’’ti āha. Itaro teneva sabhāvena atthitaṃ, teneva natthitaṃ sandhāya paṭikkhipati. Dutiyaṃ puṭṭho sakabhāvena atthitaṃ, parabhāvena natthitaṃ sandhāya paṭijānāti. Tato sakavādī ‘‘atthaṭṭho natthaṭṭho’’tiādinā atthitā vā natthitā vā aññamaññaviruddhā ekasmiṃ dhamme vinā kālabhedena asambhavattāti kiṃ ekattaṃ āpajjatīti dassento paravādiṃ niggaṇhātīti. Paṭisiddhoti ca ‘‘rūpaṃ ‘rūpa’nti hevatthi, rūpaṃ ‘vedanā’ti heva natthī’’tiādinā (kathā. 306) vuttāya rūpavedanāsaññāsaṅkhāraviññāṇānaṃ sakabhāvena atthitāya parabhāvena natthitāya ca paṭisedhanena sattādīnampi tathābhāvo paṭisedhito hotīti katvā vuttaṃ.
руубаад̣̇аяо на хонд̇ийд̇и руубаад̣̇исабхааваа на хонд̇и. д̇ат̇аа д̇ат̇аад̇и самуухасанд̇аанаад̣̇ивасзна. вижид̇д̇асан̃н̃аа баригаббавасзна уббаж̇ж̇ад̇и. яад̣̇и сад̇д̇арат̇аад̣̇исан̃н̃ааваламб̣ид̇о важанад̇т̇о виж̇ж̇амаано на ход̇и, нану сад̇д̇арат̇аад̣̇иабхилаабаа анарияавохаараа ж̇ааяанд̇ийд̇и ааха ‘‘на жа д̇з абхилаабаа’’д̇иаад̣̇и. ад̇д̇ано васзна гин̃жи ахонд̇ам̣ бан̃н̃аабагасса важанассзва васзна бан̃н̃аабид̇аб̣б̣ад̇д̇аа бан̃н̃ад̇д̇ивохаарам̣ лабхад̇и. иминаава ад̇хиббааязнаад̇иаад̣̇и ‘‘саяам̣ авиж̇ж̇амаано’’д̇иаад̣̇инаа вуд̇д̇амзвад̇т̇ам̣ санд̇хааяааха. д̇анд̇и сад̇д̇аад̣̇иг̇г̇ахан̣ам̣. ‘‘б̣рахмавихааражад̇уггам̣ сад̇д̇абан̃н̃ад̇д̇им̣ аараб̣бха бавад̇д̇ад̇д̇аа навад̇д̇аб̣б̣аарамман̣ам̣ наама ход̇ий’’д̇иаад̣̇инаа адтагат̇ааяам̣ (д̇ха. са. адта. 1421) д̇ад̇т̇а д̇ад̇т̇а на вад̇д̇аб̣б̣анд̇и вуд̇д̇ам̣. яад̣̇и барид̇д̇аад̣̇ибхаавзна на вад̇д̇аб̣б̣ам̣, гат̇ам̣ авиж̇ж̇амаанасса сад̇д̇аад̣̇игасса бажжаяабхаавод̇и ааха ‘‘канд̇хасамуухасанд̇аана’’нд̇иаад̣̇и. д̇анд̇и канд̇хасамуухасанд̇аанам̣. д̇ад̣̇убаад̣̇аанабхууд̇анд̇и буг̇г̇алод̇и г̇ахан̣абан̃н̃ад̇д̇ийнам̣ гааран̣абхууд̇ам̣. яад̣̇и буг̇г̇аласан̃н̃ааяа сзвамаанасса гусалаад̣̇иуббад̇д̇и ход̇и, гат̇ам̣ буг̇г̇алад̣̇ассанам̣ мижчаад̣̇ассананд̇и бадисид̣̇д̇ханд̇и ааха ‘‘яасмаа банаа’’д̇иаад̣̇и. бат̇авийд̇хаад̇у убалаб̣бхад̇ийд̇и буг̇г̇алаабхаавз вибагкавасзна нид̣̇ассанамааха. ид̣̇ан̃хзд̇т̇а анумаанам̣. на руубаад̣̇аяо вивзжзд̇ваа буг̇г̇ало убалаб̣бхад̇и д̇зсам̣ аг̇г̇ахан̣з д̇ат̇ааруубааяа б̣уд̣̇д̇хияаа абхаавад̇о сзванаад̣̇аяо вияаад̇и. буг̇г̇ало убалаб̣бхад̇и сажчигадтабарамад̇т̇зна яо чавин̃н̃аан̣авин̃н̃зяяод̇и сам̣сарад̇и мужжад̇и жаад̇и звам̣ д̣̇идтияаа баригаббид̇абуг̇г̇алова бадисзд̇хид̇о, на вохаарабуг̇г̇алод̇и д̣̇ассзнд̇о ‘‘бадисз…бз… д̣̇идтий’’д̇и ааха.
Rūpādayona hontīti rūpādisabhāvā na honti. Tathā tathāti samūhasantānādivasena. Vicittasaññā parikappavasena uppajjati. Yadi sattarathādisaññāvalambito vacanattho vijjamāno na hoti, nanu sattarathādiabhilāpā anariyavohārā jāyantīti āha ‘‘na ca te abhilāpā’’tiādi. Attano vasena kiñci ahontaṃ paññāpakassa vacanasseva vasena paññāpitabbattā paññattivohāraṃ labhati. Imināva adhippāyenātiādi ‘‘sayaṃ avijjamāno’’tiādinā vuttamevatthaṃ sandhāyāha. Tanti sattādiggahaṇaṃ. ‘‘Brahmavihāracatukkaṃ sattapaññattiṃ ārabbha pavattattā navattabbārammaṇaṃ nāma hotī’’tiādinā aṭṭhakathāyaṃ (dha. sa. aṭṭha. 1421) tattha tattha na vattabbanti vuttaṃ. Yadi parittādibhāvena na vattabbaṃ, kathaṃ avijjamānassa sattādikassa paccayabhāvoti āha ‘‘khandhasamūhasantāna’’ntiādi. Tanti khandhasamūhasantānaṃ. Tadupādānabhūtanti puggaloti gahaṇapaññattīnaṃ kāraṇabhūtaṃ. Yadi puggalasaññāya sevamānassa kusalādiuppatti hoti, kathaṃ puggaladassanaṃ micchādassananti paṭisiddhanti āha ‘‘yasmā panā’’tiādi. Pathavīdhātu upalabbhatīti puggalābhāve vipakkhavasena nidassanamāha. Idañhettha anumānaṃ. Na rūpādayo vivecetvā puggalo upalabbhati tesaṃ aggahaṇe tathārūpāya buddhiyā abhāvato sevanādayo viyāti. Puggalo upalabbhati sacchikaṭṭhaparamatthena yo chaviññāṇaviññeyyoti saṃsarati muccati cāti evaṃ diṭṭhiyā parikappitapuggalova paṭisedhito, na vohārapuggaloti dassento ‘‘paṭise…pe… diṭṭhī’’ti āha.
г̇аат̇ааяа бан̃жасу канд̇хзсу руубам̣ взд̣̇анаа сан̃н̃аа жзд̇анаа вин̃н̃аан̣анд̇и зд̇зсу гам̣ наама д̇хаммам̣ сад̇д̇од̇и ж̇аанааси ну, зд̇зсу згамби сад̇д̇од̇и г̇ан̣хид̇ум̣ наарахад̇ийд̇и д̣̇ассзд̇и. ат̇а зд̇зхи ан̃н̃о зго сад̇д̇о ад̇т̇ийд̇и бажжзси. звамби маара д̣̇идтиг̇ад̇ам̣ ну д̇з. ну-сад̣̇д̣̇о д̣̇идтиг̇ад̇амзвзд̇и авад̇хааран̣ад̇т̇о. гасмаа? яасмаа суд̣̇д̇хасан̇каарабун̃ж̇ояам̣. д̇амзвад̇т̇ам̣ виварад̇и ‘‘наяид̇ха сад̇д̇уубалаб̣бхад̇ий’’д̇и. яасмаа бажжагкад̇о ваа анумаанад̇о ваа анубалад̣̇д̇хид̇о над̇т̇и зд̇т̇а гожи сад̇д̇о наамаад̇и ад̇хиббааяо. яад̣̇и сад̇д̇о над̇т̇и, гат̇ам̣ сад̇д̇о сам̣саарамаабаад̣̇ийд̇иаад̣̇и нийяад̇ийд̇и. гимзд̇т̇а нзд̇аб̣б̣ам̣, сад̇д̇од̇и вохаарасад̇д̇о ад̇хиббзд̇о, яасмаа сад̇д̇а-сад̣̇д̣̇о вохаарз бавад̇д̇ад̇ийд̇и. д̣̇уд̇ияаг̇аат̇ааяа самб̣анд̇хам̣ д̣̇ассзнд̇о ‘‘сад̇д̇о банаа’’д̇иаад̣̇имааха. ан̇г̇асамбхаараад̇и ан̇г̇асамбхаарад̇о агкажаггаийсаад̣̇иан̇г̇асамбхаарамубаад̣̇ааяаад̇и ад̇т̇о. сад̇д̇од̇и вохааро.
Gāthāya pañcasu khandhesu rūpaṃ vedanā saññā cetanā viññāṇanti etesu kaṃ nāma dhammaṃ sattoti jānāsi nu, etesu ekampi sattoti gaṇhituṃ nārahatīti dasseti. Atha etehi añño eko satto atthīti paccesi. Evampi māra diṭṭhigataṃ nu te. Nu-saddo diṭṭhigatameveti avadhāraṇattho. Kasmā? Yasmā suddhasaṅkhārapuñjoyaṃ. Tamevatthaṃ vivarati ‘‘nayidha sattūpalabbhatī’’ti. Yasmā paccakkhato vā anumānato vā anupaladdhito natthi ettha koci satto nāmāti adhippāyo. Yadi satto natthi, kathaṃ satto saṃsāramāpādītiādi nīyatīti. Kimettha netabbaṃ, sattoti vohārasatto adhippeto, yasmā satta-saddo vohāre pavattatīti. Dutiyagāthāya sambandhaṃ dassento ‘‘satto panā’’tiādimāha. Aṅgasambhārāti aṅgasambhārato akkhacakkaīsādiaṅgasambhāramupādāyāti attho. Sattoti vohāro.
авиж̇ж̇амаанассаад̇и ажжанд̇ам̣ авиж̇ж̇амаанасса сасависаан̣аад̣̇игасса. яад̣̇и ажжанд̇ам̣ авиж̇ж̇амаанам̣, гат̇ам̣ д̇ам̣ г̇аяхад̇ийд̇и ааха ‘‘баригаббид̇а’’нд̇и. логасан̃н̃аад̇ам̣ гхадаад̣̇и. зд̇т̇а бана яат̇аа ад̇д̇аанам̣ аараб̣бха уббаж̇ж̇амаанагад̇хаммаанам̣ д̇ам̣санд̇ад̇ибад̇ид̇аанан̃жа гилзсубад̇аабаабхаавзна ассад̇т̇абхаавабажжаяад̇ааяа уббаад̣̇аад̣̇ирахид̇амби ниб̣б̣аанам̣ ‘‘ассаасанагараса’’нд̇и вужжад̇и, звам̣ ад̇д̇аанам̣ аараб̣бха бавад̇д̇анагад̇хаммавасзна уббаад̣̇аад̣̇ирахид̇ааби бан̃н̃ад̇д̇и бавад̇д̇аад̇и вуд̇д̇аа. хзд̇уад̇т̇о ваа анд̇онийд̇од̇и бавад̇д̇ид̇аа вохаарид̇аад̇и ад̇т̇о д̣̇адтаб̣б̣о. д̇ат̇аа наамабан̃н̃ад̇д̇и бан̃н̃абзд̇аб̣б̣амад̇т̇ам̣ г̇ахид̇ааязва бан̃н̃аабзд̇и, вин̃н̃ад̇д̇и вияа ад̇хиббааяам̣ вин̃н̃аабзд̇ийд̇и саа г̇ахзд̇аб̣б̣аабхаавад̇о вужжамаанад̇т̇ад̣̇ваарзна вужжамаанаад̇и вуд̇д̇аа. бан̃н̃аабид̇аб̣б̣абан̃н̃ад̇д̇ияаа бана вужжамаанабхаавз вад̇д̇аб̣б̣амзва над̇т̇и. д̇ат̇аа багаарад̇о н̃аабанабхаавзна н̃аабзд̇аб̣б̣ан̃аабананд̇и гад̇ваа г̇ахзд̇аб̣б̣ад̇д̇ааязва жа д̇ассаа анид̣̇д̇хаарид̇асабхаавад̇аа бадигкид̇д̇аа д̣̇адтаб̣б̣аа. на хи сабхаавад̇хаммаанам̣ гагкал̣апусанаад̣̇и саруубад̇о сад̣̇д̣̇зна важанийяабхаавам̣ бхаж̇ад̇и, абижа ко нзсам̣ гаалад̣̇зсаад̣̇ибхзд̣̇абхиннаанам̣ винивад̇д̇аан̃н̃аж̇аад̇ияаго саж̇аад̇ияасаад̇хааран̣о буб̣б̣асан̇гзд̇аануруубам̣ аж̇жхааробасид̣̇д̇хо сааман̃н̃аагааро важанийяо. д̇ад̇т̇ааби на винаа гзнажи бавад̇д̇инимид̇д̇зна сад̣̇д̣̇о бавад̇д̇ад̇ийд̇и д̇асса бавад̇д̇инимид̇д̇абхууд̇о логасан̇гзд̇асид̣̇д̇хо д̇ам̣д̇ам̣важанад̇т̇анияад̇о сааман̃н̃аагаарависзсо наама бан̃н̃ад̇д̇ийд̇и буб̣б̣аажарияаа. со хи д̇асмим̣ д̇асмим̣ ад̇т̇з сад̣̇д̣̇ам̣ наамзд̇и, д̇асса д̇асса ваа ад̇т̇асса наамасан̃н̃ам̣ гарод̇ийд̇и наамам̣, багаарзхи н̃аабанад̇о бан̃н̃ад̇д̇и жаад̇и.
Avijjamānassāti accantaṃ avijjamānassa sasavisāṇādikassa. Yadi accantaṃ avijjamānaṃ, kathaṃ taṃ gayhatīti āha ‘‘parikappita’’nti. Lokasaññātaṃ ghaṭādi. Ettha pana yathā attānaṃ ārabbha uppajjamānakadhammānaṃ taṃsantatipatitānañca kilesupatāpābhāvena assatthabhāvapaccayatāya uppādādirahitampi nibbānaṃ ‘‘assāsanakarasa’’nti vuccati, evaṃ attānaṃ ārabbha pavattanakadhammavasena uppādādirahitāpi paññatti pavattāti vuttā. Hetuattho vā antonītoti pavattitā vohāritāti attho daṭṭhabbo. Tathā nāmapaññatti paññapetabbamatthaṃ gahitāyeva paññāpeti, viññatti viya adhippāyaṃ viññāpetīti sā gahetabbābhāvato vuccamānatthadvārena vuccamānāti vuttā. Paññāpitabbapaññattiyā pana vuccamānabhāve vattabbameva natthi. Tathā pakārato ñāpanabhāvena ñāpetabbañāpananti katvā gahetabbattāyeva ca tassā aniddhāritasabhāvatā paṭikkhittā daṭṭhabbā. Na hi sabhāvadhammānaṃ kakkhaḷaphusanādi sarūpato saddena vacanīyabhāvaṃ bhajati, apica kho nesaṃ kāladesādibhedabhinnānaṃ vinivattaaññajātiyako sajātiyasādhāraṇo pubbasaṅketānurūpaṃ ajjhāropasiddho sāmaññākāro vacanīyo. Tatthāpi na vinā kenaci pavattinimittena saddo pavattatīti tassa pavattinimittabhūto lokasaṅketasiddho taṃtaṃvacanatthaniyato sāmaññākāraviseso nāma paññattīti pubbācariyā. So hi tasmiṃ tasmiṃ atthe saddaṃ nāmeti, tassa tassa vā atthassa nāmasaññaṃ karotīti nāmaṃ, pakārehi ñāpanato paññatti cāti.
гасса бана со аагаарависзсод̇и? бан̃н̃аабзд̇аб̣б̣ад̇т̇ассаад̇и взд̣̇ид̇аб̣б̣ам̣. анзгаагаараа хи ад̇т̇аад̇и. зван̃жа гад̇ваа д̇ассаа бан̃н̃ад̇д̇ияаа г̇ахзд̇аб̣б̣ад̇ааважанан̃жа самад̇т̇ид̇ам̣ бхавад̇и, авассан̃жа зд̇амзвам̣ самбадижчид̇аб̣б̣ам̣. ан̃н̃ат̇аа важанаважанийяабхзд̣̇аанам̣ сан̇гаро сияаа, саб̣б̣оби ад̇т̇о саб̣б̣асса сад̣̇д̣̇асса важанийяо, саб̣б̣о жа сад̣̇д̣̇о саб̣б̣асса ад̇т̇асса ваажагод̇и на жзд̇т̇а сан̇гзд̇аг̇г̇ахан̣знзва д̇зсам̣ бавад̇д̇аад̇и саггаа вад̇д̇ум̣ вавад̇т̇ид̇зсу зва д̇зсу сан̇гзд̇аг̇г̇ахан̣асса бавад̇д̇ид̇о.
Kassa pana so ākāravisesoti? Paññāpetabbatthassāti veditabbaṃ. Anekākārā hi atthāti. Evañca katvā tassā paññattiyā gahetabbatāvacanañca samatthitaṃ bhavati, avassañca etamevaṃ sampaṭicchitabbaṃ. Aññathā vacanavacanīyabhedānaṃ saṅkaro siyā, sabbopi attho sabbassa saddassa vacanīyo, sabbo ca saddo sabbassa atthassa vācakoti na cettha saṅketaggahaṇeneva tesaṃ pavattāti sakkā vattuṃ vavatthitesu eva tesu saṅketaggahaṇassa pavattito.
абарз бана ‘‘яат̇аа д̇хуумад̇о аг̇г̇ианумаанз на гзвалзна д̇хуумзнзва аг̇г̇и вин̃н̃ааяад̇и, д̇хуумасса бана аг̇г̇инаа авинаабхаавасан̇каад̇о самб̣анд̇хо вин̃н̃ааяамаано д̇хуумзна аг̇г̇и вин̃н̃ааяад̇и, звам̣ сад̣̇д̣̇зна ад̇т̇авиж̇аананз на гзвалзна сад̣̇д̣̇зна д̇ад̣̇ад̇т̇о вин̃н̃ааяад̇и. д̇ам̣д̇ам̣сад̣̇д̣̇асса бана д̇зна д̇зна ад̇т̇зна авинаабхаавасан̇каад̇о самб̣анд̇хо вин̃н̃ааяамаано д̇зна д̇зна сад̣̇д̣̇зна ад̇т̇ам̣ н̃аабзд̇ийд̇и взд̣̇ид̇аб̣б̣ам̣. ан̃н̃ат̇аа аг̇г̇ахид̇асамб̣анд̇хзнаби сад̣̇д̣̇асаванамад̇д̇зна д̇ад̣̇ад̇т̇о вин̃н̃ааязяяаад̇и. яо яамзд̇т̇а яат̇аавуд̇д̇аруубо самб̣анд̇хо, со д̇асса д̇асса ад̇т̇асса сан̃н̃аабанабхаавзна нааманд̇и барамад̇т̇ад̇о абхааваа логасан̇гзд̇авасзна логасан̇гзд̇од̇и ваа сид̣̇д̇хо н̃аад̇од̇и логасан̇гзд̇асид̣̇д̇ход̇и, сад̣̇д̣̇зна багаасияамаанаанам̣ ад̇т̇аббагаараанам̣ ад̇хиг̇амахзд̇уд̇ааяа багаарад̇о н̃аабанад̇о бан̃н̃ад̇д̇ийд̇и жа вуд̇д̇о’’д̇и ван̣н̣аяанд̇и.
Apare pana ‘‘yathā dhūmato aggianumāne na kevalena dhūmeneva aggi viññāyati, dhūmassa pana agginā avinābhāvasaṅkhāto sambandho viññāyamāno dhūmena aggi viññāyati, evaṃ saddena atthavijānane na kevalena saddena tadattho viññāyati. Taṃtaṃsaddassa pana tena tena atthena avinābhāvasaṅkhāto sambandho viññāyamāno tena tena saddena atthaṃ ñāpetīti veditabbaṃ. Aññathā aggahitasambandhenapi saddasavanamattena tadattho viññāyeyyāti. Yo yamettha yathāvuttarūpo sambandho, so tassa tassa atthassa saññāpanabhāvena nāmanti paramatthato abhāvā lokasaṅketavasena lokasaṅketoti vā siddho ñātoti lokasaṅketasiddhoti, saddena pakāsiyamānānaṃ atthappakārānaṃ adhigamahetutāya pakārato ñāpanato paññattīti ca vutto’’ti vaṇṇayanti.
сан̇кад̇аасан̇кад̇авинимуд̇д̇ассаби н̃зяяависзсасса абхаавз гхадаад̣̇исад̣̇д̣̇аабхид̇хзяяаа вияа бат̇авийпассаад̣̇исад̣̇д̣̇аважанийяоби на лаб̣бхад̇иязваад̇и саб̣б̣авохааралобо сияаа. яасмаа жа руубааруубад̇хаммаа баб̣анд̇хасан̇каад̇ад̇ам̣д̇ам̣висзсаагааравасзнзва бавад̇д̇анд̇и, на гзвалаа, д̇асмаа д̇зсам̣ д̇з сан̣таанасамуухаавад̇т̇аависзсаагаараа яад̣̇иби барамад̇т̇ад̇о гин̃жи на хонд̇и, барамад̇т̇ад̇о бана виж̇ж̇амаанаанам̣ руубаад̣̇ийнам̣ убаад̣̇аанаанам̣ васзна виж̇ж̇амаанабхаавам̣ лабхид̇ваа д̇ам̣д̇ам̣г̇ахан̣аануруубам̣ д̇ам̣д̇ам̣абхилаабаад̇хигаран̣ам̣ бхавад̇и. убаад̣̇ааяабан̃н̃ад̇д̇и хи убаад̣̇аанад̇о яат̇аа ан̃н̃аа анан̃н̃аад̇и жа на вад̇д̇аб̣б̣аа, звам̣ саб̣б̣ат̇аа ад̇т̇и над̇т̇ийд̇и жа на вад̇д̇аб̣б̣аа. д̇аяоби хи зд̇з санд̇ааязваад̇и звам̣ д̇аава маад̇игааван̣н̣анааяа на гожи вирод̇хо. сан̇кааяад̇и сам̣гат̇ийяад̇ийд̇и сан̇каад̇и аяамад̇т̇о гат̇зд̇аб̣б̣абхаавзна важанад̇т̇зязва нирул̣хо, на важанасминд̇и важанабагкасса уж̇угад̇аа самбхавад̇и. важанабагкоязва баал̣иануг̇ад̇о, на барамбарааг̇ад̇о яат̇аавуд̇д̇о ад̇т̇од̇и гуд̇о банзд̇ам̣ лаб̣бхаа. на хи анийд̇о ад̇т̇о баал̣ианануг̇ад̇о, нааби саб̣б̣аа баал̣инийд̇ад̇т̇аа зваад̇и яат̇аавуд̇д̇аа д̣̇увид̇хаа бан̃н̃ад̇д̇ияо адтагат̇ааяам̣ чахи бан̃н̃ад̇д̇ийхи яат̇аасамбхавам̣ вуд̇д̇ааязваад̇и сид̣̇д̇хамзд̇ам̣ ад̇т̇ийд̇и на вад̇д̇аб̣б̣аад̇и.
Saṅkhatāsaṅkhatavinimuttassapi ñeyyavisesassa abhāve ghaṭādisaddābhidheyyā viya pathavīphassādisaddavacanīyopi na labbhatiyevāti sabbavohāralopo siyā. Yasmā ca rūpārūpadhammā pabandhasaṅkhātataṃtaṃvisesākāravaseneva pavattanti, na kevalā, tasmā tesaṃ te saṇṭhānasamūhaavatthāvisesākārā yadipi paramatthato kiñci na honti, paramatthato pana vijjamānānaṃ rūpādīnaṃ upādānānaṃ vasena vijjamānabhāvaṃ labhitvā taṃtaṃgahaṇānurūpaṃ taṃtaṃabhilāpādhikaraṇaṃ bhavati. Upādāyapaññatti hi upādānato yathā aññā anaññāti ca na vattabbā, evaṃ sabbathā atthi natthīti ca na vattabbā. Tayopi hi ete santāyevāti evaṃ tāva mātikāvaṇṇanāya na koci virodho. Saṅkhāyati saṃkathīyatīti saṅkhāti ayamattho kathetabbabhāvena vacanattheyeva niruḷho, na vacanasminti vacanapakkhassa ujukatā sambhavati. Vacanapakkhoyeva pāḷianugato, na paramparāgato yathāvutto atthoti kuto panetaṃ labbhā. Na hi anīto attho pāḷiananugato, nāpi sabbā pāḷinītatthā evāti yathāvuttā duvidhā paññattiyo aṭṭhakathāyaṃ chahi paññattīhi yathāsambhavaṃ vuttāyevāti siddhametaṃ atthīti na vattabbāti.
яад̣̇и барамад̇т̇ад̇о ад̇т̇ид̇аабадисзд̇хо, идтамзд̇ам̣. ат̇а вохаарад̇о, сад̇д̇арат̇агхадаад̣̇ийхи сад̇д̇арат̇аад̣̇иважанаббаяог̇оязва на самбхавзяяаад̇и. на хи важанийяарахид̇о важанаббаяог̇о ад̇т̇ийд̇и. барамад̇т̇ад̇хаммаанам̣ асабхаавад̇хаммабхууд̇ааяа бан̃н̃ад̇д̇ияаа вибхааг̇ад̣̇ассанад̇т̇аа ад̇хиважанаад̣̇ид̣̇угад̇д̇аяад̣̇зсанаад̇и на барамад̇т̇ад̇хаммаанам̣ руубаад̣̇ийнам̣ бан̃н̃ад̇д̇ибхааваабад̇д̇ийд̇и. на жа бан̃н̃ад̇д̇ибат̇абан̃н̃ад̇д̇ид̇хамманид̣̇д̣̇зсаанам̣ ависзсаважанам̣ яуд̇д̇ам̣, сад̣̇д̣̇ассзва бана бан̃н̃ад̇д̇ибхаавз сияаа гаажи д̇зсам̣ висзсамад̇д̇аа. бан̃н̃аабид̇аб̣б̣асса абарамад̇т̇асабхаавассзва бан̃н̃ад̇д̇ибхааво ад̇хиббзд̇од̇и на саб̣б̣о бан̃н̃ад̇д̇ибат̇о бан̃н̃ад̇д̇исад̣̇д̣̇зна вуд̇д̇о, бан̃н̃ад̇д̇и жа бан̃н̃аабзд̇аб̣б̣абхаавзна вуд̇д̇аад̇и бан̃н̃ад̇д̇ибат̇абад̣̇ам̣ вад̇д̇аб̣б̣амзва. зван̃жзд̇ам̣ ижчид̇аб̣б̣ам̣. ид̇арат̇аа сад̣̇д̣̇асса жа бан̃н̃аабид̇аб̣б̣ад̇ааяа бан̃н̃ад̇д̇ибат̇абхаавод̇и бан̃н̃ад̇д̇ибад̣̇ам̣ на вад̇д̇аб̣б̣ам̣ сияаад̇и жа саггаа вад̇д̇ум̣, нигкзбаган̣д̣з вибхад̇д̇ааязва бан̃н̃ад̇д̇и ‘‘бурисо мааг̇ан̣д̣ияо’’д̇и зд̇т̇ааби д̣̇ассид̇аад̇и на на саггаа вад̇д̇ум̣. д̇ат̇ааби хи яат̇аавуд̇д̇аубаад̣̇ааяабан̃н̃ад̇д̇инаамабан̃н̃ад̇д̇ийнам̣ сабхаавасамбхавад̇од̇и сан̇каад̣̇исад̣̇д̣̇аанам̣ самаанад̇т̇ад̇ааби д̇зсам̣ мад̇имад̇д̇амзва, вин̃н̃ад̇д̇и вияа ад̇хиббааяам̣ вин̃н̃аабзнд̇аа саяам̣ н̃аад̇ааязва наамабан̃н̃ад̇д̇и бан̃н̃аабзд̇аб̣б̣амад̇т̇ам̣ бан̃н̃аабзд̇и г̇ахид̇асаруубад̇ааяа бад̣̇ийбо вияа руубаг̇ад̇авид̇хам̣санзд̇и на бан̃н̃ад̇д̇ианд̇арабаригаббанзна баяож̇анам̣ ад̇т̇и бан̃н̃аабзд̇аб̣б̣ад̇т̇абан̃н̃аабанз, наамабан̃н̃ад̇д̇ибан̃н̃аабанз бана убаад̣̇аанабхзд̣̇абхиннаа убаад̣̇ааяабан̃н̃ад̇д̇и вияа д̇ам̣д̇ам̣важанаважанад̇т̇абхзд̣̇абхиннаа наамабан̃н̃ад̇д̇ийд̇и ан̃н̃аа бан̃н̃ад̇д̇и ижчид̇аа зва. на жа анавад̇т̇аанад̣̇осо д̇ам̣д̇ам̣важанасса д̇ад̣̇ад̇т̇авибхааванз сахагаарийгааран̣абхаавзна бадинияад̇асаруубад̇д̇аа. зд̇зна сан̇гзд̇аг̇г̇ахан̣аабхаавоби бадисид̣̇д̇хо д̣̇адтаб̣б̣о, д̇ат̇аа наамабан̃н̃ад̇д̇ияаа баяож̇анаабхааво. д̣̇ассид̇аббаяож̇анаа хи саа буб̣б̣зд̇и.
Yadi paramatthato atthitāpaṭisedho, iṭṭhametaṃ. Atha vohārato, sattarathaghaṭādīhi sattarathādivacanappayogoyeva na sambhaveyyāti. Na hi vacanīyarahito vacanappayogo atthīti. Paramatthadhammānaṃ asabhāvadhammabhūtāya paññattiyā vibhāgadassanatthā adhivacanādidukattayadesanāti na paramatthadhammānaṃ rūpādīnaṃ paññattibhāvāpattīti. Na ca paññattipathapaññattidhammaniddesānaṃ avisesavacanaṃ yuttaṃ, saddasseva pana paññattibhāve siyā kāci tesaṃ visesamattā. Paññāpitabbassa aparamatthasabhāvasseva paññattibhāvo adhippetoti na sabbo paññattipatho paññattisaddena vutto, paññatti ca paññāpetabbabhāvena vuttāti paññattipathapadaṃ vattabbameva. Evañcetaṃ icchitabbaṃ. Itarathā saddassa ca paññāpitabbatāya paññattipathabhāvoti paññattipadaṃ na vattabbaṃ siyāti ca sakkā vattuṃ, nikkhepakaṇḍe vibhattāyeva paññatti ‘‘puriso māgaṇḍiyo’’ti etthāpi dassitāti na na sakkā vattuṃ. Tathāpi hi yathāvuttaupādāyapaññattināmapaññattīnaṃ sabhāvasambhavatoti saṅkhādisaddānaṃ samānatthatāpi tesaṃ matimattameva, viññatti viya adhippāyaṃ viññāpentā sayaṃ ñātāyeva nāmapaññatti paññāpetabbamatthaṃ paññāpeti gahitasarūpatāya padīpo viya rūpagatavidhaṃsaneti na paññattiantaraparikappanena payojanaṃ atthi paññāpetabbatthapaññāpane, nāmapaññattipaññāpane pana upādānabhedabhinnā upādāyapaññatti viya taṃtaṃvacanavacanatthabhedabhinnā nāmapaññattīti aññā paññatti icchitā eva. Na ca anavatthānadoso taṃtaṃvacanassa tadatthavibhāvane sahakārīkāraṇabhāvena paṭiniyatasarūpattā. Etena saṅketaggahaṇābhāvopi paṭisiddho daṭṭhabbo, tathā nāmapaññattiyā payojanābhāvo. Dassitappayojanā hi sā pubbeti.
‘‘вохааро логияасод̇з бадихан̃н̃ад̇ий’’д̇иаад̣̇ийсу сод̇аб̣б̣асса сад̣̇д̣̇асса васзна д̇аб̣б̣исаяабхууд̇аа вохаараад̣̇аяо бадихананасод̇аб̣б̣ад̇аабарияааязна вуд̇д̇аад̇и д̣̇адтаб̣б̣аа. сад̣̇д̣̇оязва ваа д̇ад̇т̇а вохаараад̣̇исахажаарид̇ааяа д̇ат̇аа вуд̇д̇о. на хи саггаа саб̣б̣ад̇т̇а згарасаа д̣̇зсанаа бавад̇д̇ийд̇и вад̇д̇ум̣. д̇ат̇аа хи гад̇т̇ажи сукаа д̣̇угкаа, сукааби взд̣̇анаа д̣̇угкаад̇и вужжанд̇и, д̣̇угкаа сукаа, д̣̇угкааби сукаад̇и, звам̣ яат̇аавуд̇д̇аа д̣̇увид̇хааби бан̃н̃ад̇д̇и ад̇хиважанаад̣̇ибаатасса ад̇т̇абхаавзна адтагат̇ааяам̣ вуд̇д̇ааязваад̇и. аяам̣ сан̇кад̇аасан̇кад̇авинимуд̇д̇ам̣ н̃зяяависзсам̣ ижчанд̇аанам̣ васзна винижчаяо.
‘‘Vohāro lokiyasote paṭihaññatī’’tiādīsu sotabbassa saddassa vasena tabbisayabhūtā vohārādayo paṭihananasotabbatāpariyāyena vuttāti daṭṭhabbā. Saddoyeva vā tattha vohārādisahacāritāya tathā vutto. Na hi sakkā sabbattha ekarasā desanā pavattīti vattuṃ. Tathā hi katthaci sukhā dukkhā, sukhāpi vedanā dukkhāti vuccanti, dukkhā sukhā, dukkhāpi sukhāti, evaṃ yathāvuttā duvidhāpi paññatti adhivacanādipāṭhassa atthabhāvena aṭṭhakathāyaṃ vuttāyevāti. Ayaṃ saṅkhatāsaṅkhatavinimuttaṃ ñeyyavisesaṃ icchantānaṃ vasena vinicchayo.
1316. сад̇иби барзсам̣ сааман̃н̃аад̣̇инаамагаарагаанам̣ наамагаран̣абхаавз бараанабзгкад̇ааяа д̇ад̇о ад̇ивияа яуд̇д̇о ид̇ха наамагаран̣асабхааво уггам̣сабарижчзд̣̇зна наамагаран̣ад̇т̇од̇и ад̇хиббзд̇од̇и д̣̇ассзд̇ум̣ ‘‘ан̃н̃ам̣ анабзгкид̇ваа’’д̇иаад̣̇имааха. наамагаран̣асабхаавад̇аа на ход̇и асабхаавигад̇ааяа гад̣̇аажид̣̇зва бавад̇д̇ид̇о жаад̇и ад̇хиббааяо. сабхаавасид̣̇д̇хад̇д̇аад̇и взд̣̇анаад̣̇ийнам̣ взд̣̇анаад̣̇инаамагаран̣ад̇хаммад̇ам̣ ааха. яад̣̇и взд̣̇анаад̣̇ийнам̣ гзнажи агад̇ам̣ саганаамам̣ аад̣̇ааяаязва бавад̇д̇анад̇о обабаад̇иганаамаанам̣ наамагаран̣адтзна наамабхааво, звам̣ сад̇и бат̇авийаад̣̇ийнамби наамабхааво аабаж̇ж̇ад̇и, ан̃н̃ат̇аа бат̇авийаад̣̇инид̣̇ассанамзва на сияаад̇и ануяог̇ам̣ манаси гад̇ваа ааха ‘‘бат̇авийаад̣̇инид̣̇ассанзнаа’’д̇иаад̣̇и. згад̣̇зсасааман̃н̃зна хи яат̇аад̇хиббзд̇зна убамаа ход̇и, на саб̣б̣асааман̃н̃знаад̇и. звамби яад̣̇и сабхаавасид̣̇д̇ханаамад̇д̇аа взд̣̇анаад̣̇аяо наамам̣, бат̇авийаад̣̇ийнамби анивад̇д̇анийяо наамабхаавод̇и ааха ‘‘нирул̣хад̇д̇аа’’д̇иаад̣̇и. д̇зна яам̣нимид̇д̇ам̣ взд̣̇анаад̣̇ийсу наамасад̣̇д̣̇аббавад̇д̇и, сад̇иби д̇ад̣̇ан̃н̃зсам̣ д̇ам̣нимид̇д̇аяог̇з г̇о-сад̣̇д̣̇о вияа гуггудаад̣̇исад̇д̇абин̣д̣з нирул̣хад̇о взд̣̇анаад̣̇ийсу наама-сад̣̇д̣̇о бавад̇д̇од̇и д̣̇ассзд̇и. д̇ат̇аа хи анзгзсу суд̇д̇абад̣̇зсзсу д̇зсам̣язва наамавохааро д̣̇иссад̇и. наамад̇аанаабад̇д̇и вуд̇д̇аа гзсагумбхаад̣̇инааманд̇араабаж̇ж̇анад̇о. зд̇амзвад̇т̇ам̣ нид̣̇ассанабхаавзна ‘‘на хий’’д̇иаад̣̇инаа виварад̇и. яад̣̇иби самуухаад̣̇игханавиниб̣бхог̇аабхаавад̇о взд̣̇анаад̣̇иаруубад̇хаммзсуби бин̣д̣аагаарзна г̇ахан̣ам̣ бавад̇д̇ад̇и, д̇ам̣ бана язбхуяязна ад̇т̇аад̇ибаригаббамукзна згад̇хаммавасзнзва, на самуухавасзнаад̇и вуд̇д̇ам̣ ‘‘ан̃н̃зна…бз… над̇т̇ий’’д̇и.
1316. Satipi paresaṃ sāmaññādināmakārakānaṃ nāmakaraṇabhāve parānapekkhatāya tato ativiya yutto idha nāmakaraṇasabhāvo ukkaṃsaparicchedena nāmakaraṇatthoti adhippetoti dassetuṃ ‘‘aññaṃ anapekkhitvā’’tiādimāha. Nāmakaraṇasabhāvatā na hoti asabhāvikatāya kadācideva pavattito cāti adhippāyo. Sabhāvasiddhattāti vedanādīnaṃ vedanādināmakaraṇadhammataṃ āha. Yadi vedanādīnaṃ kenaci akataṃ sakanāmaṃ ādāyayeva pavattanato opapātikanāmānaṃ nāmakaraṇaṭṭhena nāmabhāvo, evaṃ sati pathavīādīnampi nāmabhāvo āpajjati, aññathā pathavīādinidassanameva na siyāti anuyogaṃ manasi katvā āha ‘‘pathavīādinidassanenā’’tiādi. Ekadesasāmaññena hi yathādhippetena upamā hoti, na sabbasāmaññenāti. Evampi yadi sabhāvasiddhanāmattā vedanādayo nāmaṃ, pathavīādīnampi anivattanīyo nāmabhāvoti āha ‘‘niruḷhattā’’tiādi. Tena yaṃnimittaṃ vedanādīsu nāmasaddappavatti, satipi tadaññesaṃ taṃnimittayoge go-saddo viya kukkuṭādisattapiṇḍe niruḷhato vedanādīsu nāma-saddo pavattoti dasseti. Tathā hi anekesu suttapadesesu tesaṃyeva nāmavohāro dissati. Nāmatānāpatti vuttā kesakumbhādināmantarāpajjanato. Etamevatthaṃ nidassanabhāvena ‘‘na hī’’tiādinā vivarati. Yadipi samūhādighanavinibbhogābhāvato vedanādiarūpadhammesupi piṇḍākārena gahaṇaṃ pavattati, taṃ pana yebhuyyena atthātiparikappamukhena ekadhammavaseneva, na samūhavasenāti vuttaṃ ‘‘aññena…pe… natthī’’ti.
багаасагабагаасид̇аб̣б̣абхааво висаяивисаяабхааво зва. ад̇хиважанасампассо маносампассо. со наамаманд̇арзна г̇ахзд̇ум̣ асаггун̣зяяад̇ааяа баагадод̇и нид̣̇ассанабхаавзна вуд̇д̇о. ‘‘ад̇хиважанасампассо вияаа’’д̇и важанзна маносампассад̇аббагаараанамзва наамабхааво сияаа, на бадигхасампассад̇аббагаараананд̇и аасан̇гааяа нивад̇д̇анад̇т̇ам̣ ‘‘бадигхасампассобий’’д̇иаад̣̇имааха. д̇ад̇т̇а бан̃жавин̃н̃аан̣асахаг̇ад̇о пассо бадигхасампассо. би-сад̣̇д̣̇о самбхааванз. ид̣̇ам̣ вуд̇д̇ам̣ ход̇и – висаяийвисаяасан̇гхадданасамуббад̇д̇ияаа ан̃н̃апассад̇о ол̣ааригоби бадигхасампассо на руубад̇хаммаа вияа вибхууд̇аагааро, д̇ад̇о наамааяад̇д̇аг̇ахан̣ияабхааво наамассзваад̇и. аруубад̇ааяа ваад̇иаад̣̇инаа сааман̃н̃ад̇о висзсад̇о жа бадигхасампассасса убажааравасзна наамабхаавамааха. бажчимабуримаананд̇и ‘‘нааман̃жа руубан̃жаа’’д̇и имам̣ анубуб̣б̣им̣ санд̇хааяа вуд̇д̇ам̣. сад̇иби руубассаад̇иаад̣̇инаа наамавохаарахзд̇ум̣ анан̃н̃асаад̇хааран̣ам̣ ниб̣б̣аанасса ад̇хибад̇ибажжаяабхаавам̣ зва вибхаавзд̇и, яад̇о арияаанам̣ ан̃н̃ависаяавиниссадам̣ ниннабон̣абаб̣бхаарабхаавзна асан̇кад̇ад̇хаад̇уяам̣ зва жид̇д̇ам̣ бавад̇д̇ад̇ийд̇и.
Pakāsakapakāsitabbabhāvo visayivisayabhāvo eva. Adhivacanasamphasso manosamphasso. So nāmamantarena gahetuṃ asakkuṇeyyatāya pākaṭoti nidassanabhāvena vutto. ‘‘Adhivacanasamphasso viyā’’ti vacanena manosamphassatappakārānameva nāmabhāvo siyā, na paṭighasamphassatappakārānanti āsaṅkāya nivattanatthaṃ ‘‘paṭighasamphassopī’’tiādimāha. Tattha pañcaviññāṇasahagato phasso paṭighasamphasso. Pi-saddo sambhāvane. Idaṃ vuttaṃ hoti – visayīvisayasaṅghaṭṭanasamuppattiyā aññaphassato oḷārikopi paṭighasamphasso na rūpadhammā viya vibhūtākāro, tato nāmāyattagahaṇiyabhāvo nāmassevāti. Arūpatāya vātiādinā sāmaññato visesato ca paṭighasamphassassa upacāravasena nāmabhāvamāha. Pacchimapurimānanti ‘‘nāmañca rūpañcā’’ti imaṃ anupubbiṃ sandhāya vuttaṃ. Satipi rūpassātiādinā nāmavohārahetuṃ anaññasādhāraṇaṃ nibbānassa adhipatipaccayabhāvaṃ eva vibhāveti, yato ariyānaṃ aññavisayavinissaṭaṃ ninnapoṇapabbhārabhāvena asaṅkhatadhātuyaṃ eva cittaṃ pavattatīti.
1318. ваддасмим̣ аад̣̇ийнавабадижчаад̣̇анад̇о д̇ад̣̇ассаад̣̇анаабхинанд̣̇анад̇о жа ваддасса муулам̣ бад̇хаанагааран̣анд̇и ваддамуулам̣.
1318. Vaṭṭasmiṃ ādīnavapaṭicchādanato tadassādanābhinandanato ca vaṭṭassa mūlaṃ padhānakāraṇanti vaṭṭamūlaṃ.
1320. згзгасмим̣ руубаад̣̇игз яат̇аабхинивидтз вад̇т̇усмим̣ ахам̣маанаад̇хааранимид̇д̇ад̇ам̣ гусалаагусалад̇аб̣б̣ибаагалогаад̇хаарад̇ан̃жа самааробзд̇ваа бавад̇д̇аг̇г̇ахан̣ависзсо. яаа гаажи д̣̇идти нивисамаанаа д̇хаммасабхаавам̣ ад̇ижжабараамасанаагаарзнзва нивисад̇ийд̇и вуд̇д̇ам̣ ‘‘бараамасанд̇ийд̇и ад̇т̇о’’д̇и.
1320. Ekekasmiṃ rūpādike yathābhiniviṭṭhe vatthusmiṃ ahaṃmānādhāranimittataṃ kusalākusalatabbipākalokādhāratañca samāropetvā pavattaggahaṇaviseso. Yā kāci diṭṭhi nivisamānā dhammasabhāvaṃ aticcaparāmasanākāreneva nivisatīti vuttaṃ ‘‘parāmasantīti attho’’ti.
1332. жзд̇анааббад̇хаано сан̇каарагканд̇ход̇и гад̇ваа ‘‘яааяа жзд̇анааяаа’’д̇иаад̣̇и вуд̇д̇ам̣.
1332. Cetanāppadhāno saṅkhārakkhandhoti katvā ‘‘yāya cetanāyā’’tiādi vuttaṃ.
1333. д̣̇уннаамам̣ г̇аараяханаамам̣. анубасан̇гаманд̇ассаад̇иаад̣̇инаа сзванабхаж̇анаанам̣ висзсамааха.
1333. Dunnāmaṃ gārayhanāmaṃ. Anupasaṅkamantassātiādinā sevanabhajanānaṃ visesamāha.
1336. аабад̇д̇иаабад̇д̇ивудтаанабарижчзд̣̇аж̇аанануубааяад̣̇ассанам̣ саха вад̇т̇унаа саха гаммаваажааяаад̣̇иважананд̇и имамад̇т̇ам̣ д̣̇ассзнд̇о ‘‘вад̇т̇увийд̇иггамад̇о’’д̇иаад̣̇имааха. ‘‘аабад̇д̇игусалад̇аа аабад̇д̇ивудтаанагусалад̇аа’’д̇и (д̇ха. са. д̣̇угамаад̇игаа 119) хи вуд̇д̇анд̇и. гааран̣аж̇аананзна палам̣ судту н̃аад̇ам̣ ход̇ийд̇и д̇ам̣ д̣̇ассзд̇ум̣ ‘‘аабад̇д̇ияаа ваа’’д̇иаад̣̇имааха.
1336. Āpattiāpattivuṭṭhānaparicchedajānanūpāyadassanaṃ saha vatthunā saha kammavācāyādivacananti imamatthaṃ dassento ‘‘vatthuvītikkamato’’tiādimāha. ‘‘Āpattikusalatā āpattivuṭṭhānakusalatā’’ti (dha. sa. dukamātikā 119) hi vuttanti. Kāraṇajānanena phalaṃ suṭṭhu ñātaṃ hotīti taṃ dassetuṃ ‘‘āpattiyā vā’’tiādimāha.
1342. д̇ассаад̇и манасигаарагусалад̇ааяа.
1342. Tassāti manasikārakusalatāya.
1344. ануббаж̇ж̇амаанаанзва ануббаж̇ж̇анд̇аанзва.
1344. Anuppajjamānāneva anuppajjantāneva.
1348. агаран̣зна анаад̣̇аравасзнаад̇и ад̇хиббааяо.
1348. Akaraṇena anādaravasenāti adhippāyo.
1350. пзг̇г̇уругкасса сиг̇г̇уаад̣̇игасса.
1350. Pheggurukkhassa sigguādikassa.
1352. жагкунд̣̇рияаасам̣варассаад̇и жагкунд̣̇рияаасам̣варан̣асса. асам̣вуд̇ажагкунд̣̇рияассзва хзд̇ууд̇и жагкуд̣̇вааригасса абхиж̇жхаад̣̇ианваассаванасса д̇ам̣д̣̇вааригавин̃н̃аан̣асса вияа жагкунд̣̇рияам̣ бад̇хаанагааран̣ам̣. сад̇и хи асам̣вуд̇ад̇д̇з жагкунд̣̇рияасса д̇з д̇з анваассаванд̇ийд̇и асам̣варияамаанажагкунд̣̇рияахзд̇уго со асам̣варо д̇ат̇аавуд̇д̇од̇и адтагат̇ааяа ад̇хиббааяам̣ д̣̇ассзд̇и. ид̣̇аани яат̇аавуд̇д̇з ад̇хиббааяз тад̇ваа ‘‘яад̇ваад̇хигаран̣анд̇и хий’’д̇иаад̣̇инаа баал̣ияаа яож̇анам̣ д̣̇ассзд̇и. гасса жаад̇и багаарам̣ бужчад̇и, гат̇ам̣вид̇хасса гат̇ам̣сан̣тид̇ассаад̇и ад̇т̇о. на хи саруубз вуд̇д̇з буна саруубабужчааяа баяож̇анам̣ ад̇т̇и. анваассаванд̇и абхиж̇жхаад̣̇аяо. д̇ад̣̇убалагкид̇анд̇и анваассавуубалагкид̇ам̣ жагкунд̣̇рияам̣ асам̣вуд̇анд̇и яож̇анаа.
1352. Cakkhundriyāsaṃvarassāti cakkhundriyāsaṃvaraṇassa. Asaṃvutacakkhundriyasseva hetūti cakkhudvārikassa abhijjhādianvāssavanassa taṃdvārikaviññāṇassa viya cakkhundriyaṃ padhānakāraṇaṃ. Sati hi asaṃvutatte cakkhundriyassa te te anvāssavantīti asaṃvariyamānacakkhundriyahetuko so asaṃvaro tathāvuttoti aṭṭhakathāya adhippāyaṃ dasseti. Idāni yathāvutte adhippāye ṭhatvā ‘‘yatvādhikaraṇanti hī’’tiādinā pāḷiyā yojanaṃ dasseti. Kassa cāti pakāraṃ pucchati, kathaṃvidhassa kathaṃsaṇṭhitassāti attho. Na hi sarūpe vutte puna sarūpapucchāya payojanaṃ atthi. Anvāssavanti abhijjhādayo. Tadupalakkhitanti anvāssavūpalakkhitaṃ cakkhundriyaṃ asaṃvutanti yojanā.
яат̇аасамбхаванд̇и д̣̇уссийляаасам̣варо манод̣̇вааравасзна, сзсаасам̣варо чад̣̇вааравасзна яож̇зд̇аб̣б̣о. мудтассажжаад̣̇ийнам̣ сад̇ибадибагкаагусалад̇хаммаад̣̇ибхаавад̇о сияаа бан̃жад̣̇ваарз уббад̇д̇и, на д̇взва гааяигаваажасигавийд̇иггамабхууд̇асса д̣̇уссийляасса д̇ад̇т̇а уббад̇д̇и бан̃жад̣̇вааригаж̇аванаанам̣ авин̃н̃ад̇д̇иж̇анагад̇д̇аад̇и д̇амзва яат̇аасамбхавам̣ ‘‘на хи бан̃жад̣̇ваарз’’д̇иаад̣̇инаа виварад̇и.
Yathāsambhavanti dussīlyāsaṃvaro manodvāravasena, sesāsaṃvaro chadvāravasena yojetabbo. Muṭṭhassaccādīnaṃ satipaṭipakkhākusaladhammādibhāvato siyā pañcadvāre uppatti, na tveva kāyikavācasikavītikkamabhūtassa dussīlyassa tattha uppatti pañcadvārikajavanānaṃ aviññattijanakattāti tameva yathāsambhavaṃ ‘‘na hi pañcadvāre’’tiādinā vivarati.
яат̇аа гинд̇и язна багаарзна ж̇аванз уббаж̇ж̇амаано асам̣варо ‘‘жагкунд̣̇рияз асам̣варо’’д̇и вужжад̇и , д̇ам̣ нид̣̇ассанам̣ гинд̇и ад̇т̇о. д̇ад̇т̇ааяам̣ бавад̇д̇иггамо – бан̃жад̣̇ваарз руубаад̣̇иаарамман̣з аабаат̇аг̇ад̇з нияамид̇аад̣̇ивасзна гусалаагусалаж̇аванз уббаж̇ж̇ид̇ваа бхаван̇г̇ам̣ од̇ин̣н̣з манод̣̇вааригаж̇аванам̣ д̇ам̣язваарамман̣ам̣ гад̇ваа бхаван̇г̇ам̣ од̇арад̇и, буна д̇асмим̣язва д̣̇ваарз ‘‘ид̇т̇ибурисо’’д̇иаад̣̇инаа вавад̇т̇абзд̇ваа ж̇аванам̣ бхаван̇г̇ам̣ од̇арад̇и. буна ваарз басаад̣̇араж̇ж̇анаад̣̇ивасзна ж̇аванам̣ ж̇авад̇и. буна яад̣̇и д̇ам̣ аарамман̣ам̣ аабаат̇ам̣ ааг̇ажчад̇и, д̇ам̣сад̣̇исамзва бан̃жад̣̇ваараад̣̇ийсу ж̇аванам̣ д̇ад̣̇аа уббаж̇ж̇амаанагам̣ санд̇хааяа ‘‘звамзва ж̇аванз д̣̇уссийляаад̣̇ийсу уббаннзсу д̇асмим̣ асам̣варз сад̇и д̣̇ваарамби аг̇уд̇д̇а’’нд̇иаад̣̇и вуд̇д̇ам̣. аяам̣ бана уггадтанаяо барижид̇аарамман̣ам̣ санд̇хааяа вуд̇д̇о, абарижид̇з анд̇аранд̇араа бан̃жад̣̇ваарз уббаж̇ж̇ид̇ваа д̇ад̣̇ануруубам̣ манод̣̇ваарзби уббаж̇ж̇ад̇ийд̇и. д̣̇ваарабхаван̇г̇аад̣̇ийнам̣ ж̇аванзна самб̣анд̇хо згасанд̇ад̇ибарияаабаннад̇о д̣̇адтаб̣б̣о.
Yathā kinti yena pakārena javane uppajjamāno asaṃvaro ‘‘cakkhundriye asaṃvaro’’ti vuccati , taṃ nidassanaṃ kinti attho. Tatthāyaṃ pavattikkamo – pañcadvāre rūpādiārammaṇe āpāthagate niyamitādivasena kusalākusalajavane uppajjitvā bhavaṅgaṃ otiṇṇe manodvārikajavanaṃ taṃyevārammaṇaṃ katvā bhavaṅgaṃ otarati, puna tasmiṃyeva dvāre ‘‘itthipuriso’’tiādinā vavatthapetvā javanaṃ bhavaṅgaṃ otarati. Puna vāre pasādarajjanādivasena javanaṃ javati. Puna yadi taṃ ārammaṇaṃ āpāthaṃ āgacchati, taṃsadisameva pañcadvārādīsu javanaṃ tadā uppajjamānakaṃ sandhāya ‘‘evameva javane dussīlyādīsu uppannesu tasmiṃ asaṃvare sati dvārampi agutta’’ntiādi vuttaṃ. Ayaṃ pana ukkaṭṭhanayo paricitārammaṇaṃ sandhāya vutto, aparicite antarantarā pañcadvāre uppajjitvā tadanurūpaṃ manodvārepi uppajjatīti. Dvārabhavaṅgādīnaṃ javanena sambandho ekasantatipariyāpannato daṭṭhabbo.
сад̇и д̣̇ваарабхаван̇г̇аад̣̇игзд̇и бажжаяабхаавзна буриманибпаннам̣ ж̇аванагаалз асанд̇амби бхаван̇г̇аад̣̇и жагкаад̣̇и вияа паланибпад̇д̇ияаа санд̇ан̃н̃зва наамаад̇и вуд̇д̇ам̣. на хи д̇харамаанам̣язва санд̇анд̇и вужжад̇ийд̇и. б̣аахирам̣ вияа гад̇ваад̇и барамад̇т̇ад̇о ж̇аванасса б̣аахирабхаавз ид̇арасса жа аб̣бханд̇арабхаавз асад̇иби ‘‘бабхассарамид̣̇ам̣ , бхигкавз, жид̇д̇ам̣, д̇ан̃жа ко ааг̇анд̇угзхи убаггилзсзхи убаггилидта’’нд̇иаад̣̇иважанад̇о (а. ни. 1.49) ааг̇анд̇угабхууд̇асса гад̣̇аажи гад̣̇аажи уббаж̇ж̇амаанасса ж̇аванасса б̣аахирабхааво д̇аб̣б̣ид̇хурасабхаавасса ид̇арасса аб̣бханд̇арабхааво барияааяад̇о вуд̇д̇од̇и д̣̇ассзд̇и. асам̣варахзд̇убхааваабад̇д̇ид̇од̇и д̣̇ваараад̣̇ийнам̣ асам̣варахзд̇убхааваабаж̇ж̇анасса баагадабхаавам̣ санд̇хааяааха. уббаннз хи асам̣варз д̣̇ваараад̣̇ийнам̣ д̇асса хзд̇убхааво бан̃н̃ааяад̇ийд̇и. д̣̇ваарабхаван̇г̇аад̣̇имуусананд̇и д̣̇ваарабхаван̇г̇аад̣̇ийсу муусанам̣. яасмин̃хи д̣̇ваарз асам̣варо уббаж̇ж̇ад̇и, со д̇ад̇т̇а д̣̇ваараад̣̇ийнам̣ сам̣варуубаниссаяабхаавам̣ убажчинд̣̇анд̇оязва бавад̇д̇ад̇ийд̇и. д̇знзвааха ‘‘гусалабхан̣д̣авинаасана’’нд̇и.
Sati dvārabhavaṅgādiketi paccayabhāvena purimanipphannaṃ javanakāle asantampi bhavaṅgādi cakkhādi viya phalanipphattiyā santaññeva nāmāti vuttaṃ. Na hi dharamānaṃyeva santanti vuccatīti. Bāhiraṃ viya katvāti paramatthato javanassa bāhirabhāve itarassa ca abbhantarabhāve asatipi ‘‘pabhassaramidaṃ , bhikkhave, cittaṃ, tañca kho āgantukehi upakkilesehi upakkiliṭṭha’’ntiādivacanato (a. ni. 1.49) āgantukabhūtassa kadāci kadāci uppajjamānassa javanassa bāhirabhāvo tabbidhurasabhāvassa itarassa abbhantarabhāvo pariyāyato vuttoti dasseti. Asaṃvarahetubhāvāpattitoti dvārādīnaṃ asaṃvarahetubhāvāpajjanassa pākaṭabhāvaṃ sandhāyāha. Uppanne hi asaṃvare dvārādīnaṃ tassa hetubhāvo paññāyatīti. Dvārabhavaṅgādimūsananti dvārabhavaṅgādīsu mūsanaṃ. Yasmiñhi dvāre asaṃvaro uppajjati, so tattha dvārādīnaṃ saṃvarūpanissayabhāvaṃ upacchindantoyeva pavattatīti. Tenevāha ‘‘kusalabhaṇḍavināsana’’nti.
зд̇т̇а жа ‘‘жагкунаа руубам̣ д̣̇исваа’’д̇иаад̣̇ибаал̣ияам̣ сам̣варо, сам̣варид̇аб̣б̣ам̣, сам̣варан̣убааяо, яад̇о жа со сам̣варо, яад̇т̇а жа со сам̣варод̇и имам̣ бабхзд̣̇ам̣ д̣̇ассзд̇ваа яож̇зд̇аб̣б̣аа. гат̇ам̣? ‘‘рагкад̇и…бз… сам̣варам̣ аабаж̇ж̇ад̇ий’’д̇и зд̇зна сам̣варо вуд̇д̇о. сад̇им̣ бажжудтабзд̇ийд̇и аяан̃хзд̇т̇а ад̇т̇од̇и. жагкаад̣̇и сам̣варид̇аб̣б̣ам̣. на нимид̇д̇аг̇г̇аахий ход̇и наануб̣яан̃ж̇анаг̇г̇аахийд̇и сам̣варан̣убааяо. ‘‘яад̇ваад̇хигаран̣а’’нд̇иаад̣̇инаа сам̣варан̣аавад̇хи. руубаад̣̇аяо сам̣варависаяод̇и. гин̃жа бадисан̇каабхааванааб̣аласан̇г̇ахид̇абхаавзна д̣̇увид̇хоби инд̣̇рияасам̣варо? д̇ад̇т̇а буримзна висаязсу аад̣̇ийнавад̣̇ассанам̣, ид̇арзна аад̣̇ийнаваббахаанам̣. д̇ат̇аа буримзна барияудтаанаббахаанам̣, ид̇арзна анусаяаббахаанам̣ . д̇ат̇аа буримо логияамаг̇г̇асан̇г̇ахид̇о, д̣̇уд̇ияо логуд̇д̇арамаг̇г̇асан̇г̇ахид̇од̇и аяамби висзсо взд̣̇ид̇аб̣б̣о.
Ettha ca ‘‘cakkhunā rūpaṃ disvā’’tiādipāḷiyaṃ saṃvaro, saṃvaritabbaṃ, saṃvaraṇupāyo, yato ca so saṃvaro, yattha ca so saṃvaroti imaṃ pabhedaṃ dassetvā yojetabbā. Kathaṃ? ‘‘Rakkhati…pe… saṃvaraṃ āpajjatī’’ti etena saṃvaro vutto. Satiṃ paccuṭṭhapetīti ayañhettha atthoti. Cakkhādi saṃvaritabbaṃ. Na nimittaggāhī hoti nānubyañjanaggāhīti saṃvaraṇupāyo. ‘‘Yatvādhikaraṇa’’ntiādinā saṃvaraṇāvadhi. Rūpādayo saṃvaravisayoti. Kiñca paṭisaṅkhābhāvanābalasaṅgahitabhāvena duvidhopi indriyasaṃvaro? Tattha purimena visayesu ādīnavadassanaṃ, itarena ādīnavappahānaṃ. Tathā purimena pariyuṭṭhānappahānaṃ, itarena anusayappahānaṃ . Tathā purimo lokiyamaggasaṅgahito, dutiyo lokuttaramaggasaṅgahitoti ayampi viseso veditabbo.
1353. д̣̇авад̇т̇аад̣̇иабхилаасод̇и д̣̇аво зва ад̇т̇о баяож̇ананд̇и д̣̇авад̇т̇о, со аад̣̇и язсам̣ д̇з д̣̇авад̇т̇аад̣̇аяо. д̇зсу, д̇зсам̣ ваа абхилаасо, д̣̇аво ваа ад̇т̇о зд̇ассаад̇и д̣̇авад̇т̇о, д̇ад̣̇аад̣̇иго д̣̇авад̇т̇аад̣̇и, го бана сод̇и ааха ‘‘абхилаасо’’д̇и. аахаарабарибхог̇з асанд̇уссанаад̇и аахаарабарибхог̇з ад̇ид̇д̇и. б̣ахуно ул̣аарасса жа бад̇т̇анаавасзна бавад̇д̇аа бхияяогамяад̇аа асанд̇уссанаад̇и звамзд̇т̇а ад̇т̇о яуж̇ж̇ад̇и.
1353. Davatthādiabhilāsoti davo eva attho payojananti davattho, so ādi yesaṃ te davatthādayo. Tesu, tesaṃ vā abhilāso, davo vā attho etassāti davattho, tadādiko davatthādi, ko pana soti āha ‘‘abhilāso’’ti. Āhāraparibhoge asantussanāti āhāraparibhoge atitti. Bahuno uḷārassa ca patthanāvasena pavattā bhiyyokamyatā asantussanāti evamettha attho yujjati.
1355. маж̇ж̇анаагаарзна бавад̇д̇и маанассзваад̇и гад̇ваа ‘‘маанова маанамад̣̇о’’д̇и вуд̇д̇ам̣. д̇ат̇аа хи ж̇аад̇имад̣̇аад̣̇аяо ‘‘маано ман̃н̃анаа’’д̇иаад̣̇инаа маанабхаавзнзва вибхад̇д̇аад̇и. куд̣̇аа наама гаммаж̇ад̇зж̇о. д̇ам̣ бана абхуд̇д̇з бхуд̇д̇з жа уббаж̇ж̇ад̇ийд̇и яам̣ д̇ад̇т̇а аамаасаяасан̇каад̇асса сарийрад̣̇зсасса бийл̣анад̇о вихим̣саасад̣̇д̣̇аважанийяам̣, д̇ад̣̇зва д̣̇ассзд̇аб̣б̣ам̣, ид̇аран̃жа нивад̇д̇зд̇аб̣б̣анд̇и абхуд̇д̇абажжаяаа уббаж̇ж̇анагад̇д̇зна куд̣̇аа висзсид̇аад̇и ааха ‘‘куд̣̇ааяа висзсана’’нд̇и. яз бана ‘‘гаммаж̇ад̇зж̇абажжаяаа д̣̇угкаа взд̣̇анаа куд̣̇аа’’д̇и вад̣̇анд̇и, д̇зсам̣ абхуд̇д̇абажжаяаа уббаж̇ж̇анагаад̇и висзсанамзва на яуж̇ж̇ад̇и. сад̇иби д̇асмим̣ бхууд̇ад̇т̇агат̇анз вихим̣суубарад̇ибураан̣авзд̣̇анаабадихананаанам̣ висзсаабхааво аабаж̇ж̇ад̇ийд̇и буримоязвзд̇т̇а ад̇т̇о. зд̇аасам̣ го висзсод̇и абхуд̇д̇абажжаяаа уббаж̇ж̇анагавзд̣̇анаа, бхуд̇д̇абажжаяаа на уббаж̇ж̇анагавзд̣̇анаад̇и д̣̇взби жзд̇аа взд̣̇анаа яаавад̇аа анааг̇ад̇ааязваад̇и ад̇хиббааяо. сад̇иби анааг̇ад̇ад̇д̇з буримаа уббаннасад̣̇исий, ид̇араа бана ад̇ам̣сад̣̇исий ажжанд̇ам̣ ануббаннааваад̇и аяамзд̇т̇а висзсо. д̇знзва ‘‘яат̇аабавад̇д̇аа’’д̇и буримааяам̣ вуд̇д̇ам̣, ид̇арад̇т̇а жа ‘‘аббавад̇д̇аа’’д̇и. ат̇а ваа абхуд̇д̇абажжаяаа уббаж̇ж̇анагавзд̣̇анаа буб̣б̣з гад̇агаммасса вибаагад̇д̇аа бураан̣авзд̣̇анаа наама. аббажжавзгкан̣аад̣̇иаяуд̇д̇абарибхог̇абажжаяаа бажжавзгкан̣аад̣̇ияуд̇д̇абарибхог̇ад̇о ааяад̇им̣ на уббаж̇ж̇иссад̇ийд̇и бхуд̇д̇абажжаяаа на уббаж̇ж̇анагавзд̣̇анаа нававзд̣̇анаа наама. вихим̣саанимид̇д̇ад̇аа вихим̣сааниб̣б̣ад̇д̇ад̇аа.
1355. Majjanākārena pavatti mānassevāti katvā ‘‘mānova mānamado’’ti vuttaṃ. Tathā hi jātimadādayo ‘‘māno maññanā’’tiādinā mānabhāveneva vibhattāti. Khudā nāma kammajatejo. Taṃ pana abhutte bhutte ca uppajjatīti yaṃ tattha āmāsayasaṅkhātassa sarīradesassa pīḷanato vihiṃsāsaddavacanīyaṃ, tadeva dassetabbaṃ, itarañca nivattetabbanti abhuttapaccayā uppajjanakattena khudā visesitāti āha ‘‘khudāya visesana’’nti. Ye pana ‘‘kammajatejapaccayā dukkhā vedanā khudā’’ti vadanti, tesaṃ abhuttapaccayā uppajjanakāti visesanameva na yujjati. Satipi tasmiṃ bhūtatthakathane vihiṃsūparatipurāṇavedanāpaṭihananānaṃ visesābhāvo āpajjatīti purimoyevettha attho. Etāsaṃ ko visesoti abhuttapaccayā uppajjanakavedanā, bhuttapaccayā na uppajjanakavedanāti dvepi cetā vedanā yāvatā anāgatāyevāti adhippāyo. Satipi anāgatatte purimā uppannasadisī, itarā pana ataṃsadisī accantaṃ anuppannāvāti ayamettha viseso. Teneva ‘‘yathāpavattā’’ti purimāyaṃ vuttaṃ, itarattha ca ‘‘appavattā’’ti. Atha vā abhuttapaccayā uppajjanakavedanā pubbe katakammassa vipākattā purāṇavedanā nāma. Appaccavekkhaṇādiayuttaparibhogapaccayā paccavekkhaṇādiyuttaparibhogato āyatiṃ na uppajjissatīti bhuttapaccayā na uppajjanakavedanā navavedanā nāma. Vihiṃsānimittatā vihiṃsānibbattatā.
яаабзнд̇и зд̇знаад̇и яаабанаад̇и вуд̇д̇асса сарийраяаабанагааран̣асса ж̇ийвид̇инд̣̇рияассабияаабанагааран̣анд̇и имасса висзсассад̣̇ассанад̇т̇ам̣ ‘‘ж̇ийвид̇инд̣̇рияаяаабанад̇т̇ааяаа’’д̇и вад̇ваа на гзвалам̣ ж̇ийвид̇инд̣̇рияассзва яаабанагааран̣амаахааро, ат̇а ко таанаад̣̇ибавад̇д̇иаагаарависзсаяуд̇д̇асса сагаласарийрассаби яаабанагааран̣анд̇и д̇ам̣д̣̇ийбанад̇т̇ам̣ яаад̇раад̇и важананд̇и яаабанаа мз бхависсад̇ийд̇и ависзсзна вуд̇д̇анд̇и д̣̇ассзнд̇о ‘‘жад̇уннам̣ ирияаабат̇аанам̣ авижчзд̣̇асан̇каад̇аа яаабанаа яаад̇раа’’д̇и ааха. адтаанаяож̇анаабарибхог̇ад̣̇уббарибхог̇аад̣̇ивасзна сад̣̇д̇хаад̣̇зяяасса винаасанам̣ сад̣̇д̇хаад̣̇зяяавинибаад̇анам̣. язнаад̇и г̇ан̣абхож̇аналагкан̣аббад̇д̇асса т̇уубийгад̇аад̣̇игасса ваа бадиг̇г̇ахан̣зна. сааваж̇ж̇ам̣ санинд̣̇ам̣ барибхог̇ам̣ гарод̇ийд̇и ваа ад̇т̇о.
Yāpenti etenāti yāpanāti vuttassa sarīrayāpanakāraṇassa jīvitindriyassapiyāpanakāraṇanti imassa visesassadassanatthaṃ ‘‘jīvitindriyayāpanatthāyā’’ti vatvā na kevalaṃ jīvitindriyasseva yāpanakāraṇamāhāro, atha kho ṭhānādipavattiākāravisesayuttassa sakalasarīrassapi yāpanakāraṇanti taṃdīpanatthaṃ yātrāti vacananti yāpanā me bhavissatīti avisesena vuttanti dassento ‘‘catunnaṃ iriyāpathānaṃ avicchedasaṅkhātā yāpanā yātrā’’ti āha. Aṭṭhānayojanaaparibhogadupparibhogādivasena saddhādeyyassa vināsanaṃ saddhādeyyavinipātanaṃ. Yenāti gaṇabhojanalakkhaṇappattassa thūpīkatādikassa vā paṭiggahaṇena. Sāvajjaṃ sanindaṃ paribhogaṃ karotīti vā attho.
ирияаа…бз… вуд̇д̇анд̇и сукам̣ бавад̇д̇амаанзхи ирияаабат̇зхи д̇зсам̣ д̇ат̇аабавад̇д̇ияаа гааран̣анд̇и г̇ахид̇ад̇д̇аа вид̣̇ид̇ад̇д̇аа яат̇аавуд̇д̇абхун̃ж̇анабиванаани буб̣б̣агаалагирияаабхаавзна вужжамаанаани ирияаабат̇агад̇д̇угаани вияа вуд̇д̇аанийд̇и ад̇т̇о. яат̇аа хи ‘‘бан̃н̃ааяа жасса д̣̇исваа аасаваа баригкийн̣аа хонд̇ий’’д̇и (ма. ни. 1.271; 2.182) д̣̇ассанасса каяахзд̇уд̇аа, ‘‘гхад̇ам̣ бивид̇ваа б̣алам̣ бхавад̇и, сийхам̣ д̣̇исваа бхаяам̣ бхавад̇ий’’д̇и жа баанад̣̇ассанаанам̣ б̣алабхаяахзд̇уд̇аа вужжад̇и, звам̣ бхун̃ж̇анабиванаанам̣ ирияаабат̇асукаббавад̇д̇ихзд̇убхааво вуд̇д̇од̇и звамзд̇т̇а ад̇т̇о д̣̇адтаб̣б̣о. сулабхаанаваж̇ж̇абхааво вияа аббабхаавоби бажжаяаанам̣ барамасаллзкавуд̇д̇ийнам̣ сукавихаарааяа барияад̇д̇од̇и жийварасзнаасанаанам̣ аббабхаавуггам̣саануж̇аананавасзна бавад̇д̇аахи ананд̇араг̇аат̇аахи ид̇хааби д̇хаммасзнаабад̇инаа сукавихаарааяа барияад̇д̇о аббабхаавуггам̣со анун̃н̃аад̇од̇и вин̃н̃ааяад̇ийд̇и ‘‘бунабий’’д̇иаад̣̇инаа ‘‘бхуд̇ваанаа’’д̇и баатам̣ самад̇т̇аяад̇и.
Iriyā…pe… vuttanti sukhaṃ pavattamānehi iriyāpathehi tesaṃ tathāpavattiyā kāraṇanti gahitattā viditattā yathāvuttabhuñjanapivanāni pubbakālakiriyābhāvena vuccamānāni iriyāpathakattukāni viya vuttānīti attho. Yathā hi ‘‘paññāya cassa disvā āsavā parikkhīṇā hontī’’ti (ma. ni. 1.271; 2.182) dassanassa khayahetutā, ‘‘ghataṃ pivitvā balaṃ bhavati, sīhaṃ disvā bhayaṃ bhavatī’’ti ca pānadassanānaṃ balabhayahetutā vuccati, evaṃ bhuñjanapivanānaṃ iriyāpathasukhappavattihetubhāvo vuttoti evamettha attho daṭṭhabbo. Sulabhānavajjabhāvo viya appabhāvopi paccayānaṃ paramasallekhavuttīnaṃ sukhavihārāya pariyattoti cīvarasenāsanānaṃ appabhāvukkaṃsānujānanavasena pavattāhi anantaragāthāhi idhāpi dhammasenāpatinā sukhavihārāya pariyatto appabhāvukkaṃso anuññātoti viññāyatīti ‘‘punapī’’tiādinā ‘‘bhutvānā’’ti pāṭhaṃ samatthayati.
1368. сад̇иаад̣̇ид̇хаммаад̇и сад̇ибан̃н̃аасамаад̇хивийрияасаммааваажаад̣̇ид̇хаммаа, яз чахи д̣̇угзхи бариг̇г̇ахид̇аа.
1368. Satiādidhammāti satipaññāsamādhivīriyasammāvācādidhammā, ye chahi dukehi pariggahitā.
1373. бадивиж̇жхид̇аб̣б̣зхи бадивзд̇хо вуд̇д̇о. висаязнаби хи висаяий вужжад̇и сахажарабхаавад̇о. яат̇аа –
1373. Paṭivijjhitabbehi paṭivedho vutto. Visayenapi hi visayī vuccati sahacarabhāvato. Yathā –
‘‘уббаад̣̇зд̇ваана сам̣взг̇ам̣, д̣̇угкзнасса жа хзд̇унаа;
‘‘Uppādetvāna saṃvegaṃ, dukkhenassa ca hetunā;
вад̣дхаяид̇ваа саммасид̇ваа, муд̇д̇ияаа маг̇г̇амаб̣равий’’д̇и
Vaḍḍhayitvā sammasitvā, muttiyā maggamabravī’’ti
‘‘сажжабарияосаанз’’д̇и жа.
‘‘Saccapariyosāne’’ti ca.
яат̇аа д̣̇угкаад̣̇ийнам̣ барин̃н̃аад̣̇ивасзна бавад̇д̇амаанам̣ бадивзд̇хан̃аан̣ам̣ асаммохад̇о д̇з авиломзд̇ваа авирод̇хзд̇ваа бавад̇д̇ад̇и наама, звам̣ д̇ад̣̇убаниссаяабхаавам̣ вибассанаан̃аан̣амби яат̇ааб̣алам̣ д̇з авиломзд̇ваа бавад̇д̇ад̇ийд̇и жад̇уннам̣ сажжаанам̣ ануломанд̇и вуд̇д̇анд̇и д̣̇уд̇ияо ад̇т̇авигаббо вуд̇д̇о. зд̇т̇а жа ‘‘жад̇уннам̣ сажжаана’’нд̇и бад̣̇ам̣ винаа убажаарзна вуд̇д̇ам̣, буримасмим̣ убажаарзнаад̇и д̣̇адтаб̣б̣ам̣. саммаад̣̇идтиббад̇хаанад̇д̇аа ваа сзсамаг̇г̇ан̇г̇аанам̣ маг̇г̇асажжзгад̣̇зсасса бадивзд̇хасса ануломам̣ самуд̣̇ааяаануломам̣ вуд̇д̇ам̣, жад̇усажжзгад̣̇зсасса маг̇г̇асса ваа.
Yathā dukkhādīnaṃ pariññādivasena pavattamānaṃ paṭivedhañāṇaṃ asammohato te avilometvā avirodhetvā pavattati nāma, evaṃ tadupanissayabhāvaṃ vipassanāñāṇampi yathābalaṃ te avilometvā pavattatīti catunnaṃ saccānaṃ anulomanti vuttanti dutiyo atthavikappo vutto. Ettha ca ‘‘catunnaṃ saccāna’’nti padaṃ vinā upacārena vuttaṃ, purimasmiṃ upacārenāti daṭṭhabbaṃ. Sammādiṭṭhippadhānattā vā sesamaggaṅgānaṃ maggasaccekadesassa paṭivedhassa anulomaṃ samudāyānulomaṃ vuttaṃ, catusaccekadesassa maggassa vā.
1380. каяасамаязд̇и каяасамуухз. ‘‘гилзсаанам̣ каяавасзна бавад̇д̇ад̇хаммабун̃ж̇з’’д̇и жа вад̣̇анд̇и.
1380. Khayasamayeti khayasamūhe. ‘‘Kilesānaṃ khayavasena pavattadhammapuñje’’ti ca vadanti.
1381. абариб̣анд̇хабхаавзна нираасан̇гаа, аарамман̣з абхирад̇ибхаавзна жа бавад̇д̇и ад̇химужжанадтод̇и ааха ‘‘ани…бз… д̇д̇анадтзнаа’’д̇и.
1381. Aparibandhabhāvena nirāsaṅkā, ārammaṇe abhiratibhāvena ca pavatti adhimuccanaṭṭhoti āha ‘‘ani…pe… ttanaṭṭhenā’’ti.
1382. арияамаг̇г̇аббавад̇д̇ияаа уд̇д̇арагаалам̣ бавад̇д̇амаанам̣ палан̃аан̣ам̣ д̇ам̣д̇ам̣маг̇г̇аваж̇жхагилзсаанам̣ каяабарияосаанз бавад̇д̇ад̇д̇аа ‘‘кийн̣анд̇з н̃аан̣а’’нд̇и вуд̇д̇ам̣. яасмаа бана д̇ам̣ маг̇г̇аананд̇арам̣ уббаж̇ж̇ад̇и, д̇асмаа маг̇г̇зна таанасо кийн̣зсу гилзсзсу д̇зсам̣ кийн̣абхааваананд̇арам̣ бавад̇д̇амаанам̣ кийн̣абхааваанам̣ батамагаалз бавад̇д̇анд̇иби вужжад̇ийд̇и д̣̇уд̇ияо вигаббо вуд̇д̇о.
1382. Ariyamaggappavattiyā uttarakālaṃ pavattamānaṃ phalañāṇaṃ taṃtaṃmaggavajjhakilesānaṃ khayapariyosāne pavattattā ‘‘khīṇante ñāṇa’’nti vuttaṃ. Yasmā pana taṃ maggānantaraṃ uppajjati, tasmā maggena ṭhānaso khīṇesu kilesesu tesaṃ khīṇabhāvānantaraṃ pavattamānaṃ khīṇabhāvānaṃ paṭhamakāle pavattantipi vuccatīti dutiyo vikappo vutto.
д̣̇уганигкзбагат̇ааван̣н̣анаа нидтид̇аа.
Dukanikkhepakathāvaṇṇanā niṭṭhitā.
нигкзбаган̣д̣аван̣н̣анаа нидтид̇аа.
Nikkhepakaṇḍavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / суд̇д̇анд̇игад̣̇уганигкзбам̣ • Suttantikadukanikkhepaṃ
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / суд̇д̇анд̇игад̣̇уганигкзбагат̇аа • Suttantikadukanikkhepakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / суд̇д̇анд̇игад̣̇уганигкзбагат̇ааван̣н̣анаа • Suttantikadukanikkhepakathāvaṇṇanā
