| Library / Tipiṭaka / д̇ибидага • Tipiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi |
суд̇д̇анд̇игад̣̇уганигкзбам̣
Suttantikadukanikkhepaṃ
1303. гад̇амз д̇хаммаа виж̇ж̇аабхааг̇ино? виж̇ж̇ааяа самбаяуд̇д̇агаа д̇хаммаа – имз д̇хаммаа виж̇ж̇аабхааг̇ино.
1303. Katame dhammā vijjābhāgino? Vijjāya sampayuttakā dhammā – ime dhammā vijjābhāgino.
1304. гад̇амз д̇хаммаа авиж̇ж̇аабхааг̇ино? авиж̇ж̇ааяа самбаяуд̇д̇агаа д̇хаммаа – имз д̇хаммаа авиж̇ж̇аабхааг̇ино.
1304. Katame dhammā avijjābhāgino? Avijjāya sampayuttakā dhammā – ime dhammā avijjābhāgino.
1305. гад̇амз д̇хаммаа виж̇ж̇уубамаа? хздтимзсу д̇ийсу арияамаг̇г̇зсу бан̃н̃аа – имз д̇хаммаа виж̇ж̇уубамаа.
1305. Katame dhammā vijjūpamā? Heṭṭhimesu tīsu ariyamaggesu paññā – ime dhammā vijjūpamā.
1306. гад̇амз д̇хаммаа важ̇ируубамаа? убаридтимз арахад̇д̇амаг̇г̇з бан̃н̃аа – имз д̇хаммаа важ̇ируубамаа.
1306. Katame dhammā vajirūpamā? Upariṭṭhime arahattamagge paññā – ime dhammā vajirūpamā.
1307. гад̇амз д̇хаммаа б̣аалаа? ахирийган̃жа анод̇д̇аббан̃жа – имз д̇хаммаа б̣аалаа. саб̣б̣зби агусалаа д̇хаммаа б̣аалаа.
1307. Katame dhammā bālā? Ahirīkañca anottappañca – ime dhammā bālā. Sabbepi akusalā dhammā bālā.
1308. гад̇амз д̇хаммаа бан̣д̣ид̇аа? хирий жа од̇д̇аббан̃жа – имз д̇хаммаа бан̣д̣ид̇аа. саб̣б̣зби гусалаа д̇хаммаа бан̣д̣ид̇аа.
1308. Katame dhammā paṇḍitā? Hirī ca ottappañca – ime dhammā paṇḍitā. Sabbepi kusalā dhammā paṇḍitā.
1309. гад̇амз д̇хаммаа ган̣хаа? ахирийган̃жа анод̇д̇аббан̃жа – имз д̇хаммаа ган̣хаа. саб̣б̣зби агусалаа д̇хаммаа ган̣хаа.
1309. Katame dhammā kaṇhā? Ahirīkañca anottappañca – ime dhammā kaṇhā. Sabbepi akusalā dhammā kaṇhā.
1310. гад̇амз д̇хаммаа суггаа? хирий жа од̇д̇аббан̃жа – имз д̇хаммаа суггаа? саб̣б̣зби гусалаа д̇хаммаа суггаа.
1310. Katame dhammā sukkā? Hirī ca ottappañca – ime dhammā sukkā? Sabbepi kusalā dhammā sukkā.
1311. гад̇амз д̇хаммаа д̇абанийяаа? гааяад̣̇ужжарид̇ам̣, важийд̣̇ужжарид̇ам̣, манод̣̇ужжарид̇ам̣ – имз д̇хаммаа д̇абанийяаа. саб̣б̣зби агусалаа д̇хаммаа д̇абанийяаа.
1311. Katame dhammā tapanīyā? Kāyaduccaritaṃ, vacīduccaritaṃ, manoduccaritaṃ – ime dhammā tapanīyā. Sabbepi akusalā dhammā tapanīyā.
1312. гад̇амз д̇хаммаа ад̇абанийяаа? гааяасужарид̇ам̣, важийсужарид̇ам̣, маносужарид̇ам̣ – имз д̇хаммаа ад̇абанийяаа. саб̣б̣зби гусалаа д̇хаммаа ад̇абанийяаа.
1312. Katame dhammā atapanīyā? Kāyasucaritaṃ, vacīsucaritaṃ, manosucaritaṃ – ime dhammā atapanīyā. Sabbepi kusalā dhammā atapanīyā.
1313. гад̇амз д̇хаммаа ад̇хиважанаа? яаа д̇зсам̣ д̇зсам̣ д̇хаммаанам̣ сан̇каа саман̃н̃аа бан̃н̃ад̇д̇и вохааро наамам̣ наамагаммам̣ наамад̇хзяяам̣ нируд̇д̇и б̣яан̃ж̇анам̣ абхилаабо – имз д̇хаммаа ад̇хиважанаа. саб̣б̣зва д̇хаммаа ад̇хиважанабат̇аа.
1313. Katame dhammā adhivacanā? Yā tesaṃ tesaṃ dhammānaṃ saṅkhā samaññā paññatti vohāro nāmaṃ nāmakammaṃ nāmadheyyaṃ nirutti byañjanaṃ abhilāpo – ime dhammā adhivacanā. Sabbeva dhammā adhivacanapathā.
1314. гад̇амз д̇хаммаа нируд̇д̇и? яаа д̇зсам̣ д̇зсам̣ д̇хаммаанам̣ сан̇каа саман̃н̃аа бан̃н̃ад̇д̇и вохааро наамам̣ наамагаммам̣ наамад̇хзяяам̣ нируд̇д̇и б̣яан̃ж̇анам̣ абхилаабо – имз д̇хаммаа нируд̇д̇и. саб̣б̣зва д̇хаммаа нируд̇д̇ибат̇аа.
1314. Katame dhammā nirutti? Yā tesaṃ tesaṃ dhammānaṃ saṅkhā samaññā paññatti vohāro nāmaṃ nāmakammaṃ nāmadheyyaṃ nirutti byañjanaṃ abhilāpo – ime dhammā nirutti. Sabbeva dhammā niruttipathā.
1315. гад̇амз д̇хаммаа бан̃н̃ад̇д̇и? яаа д̇зсам̣ д̇зсам̣ д̇хаммаанам̣ сан̇каа саман̃н̃аа бан̃н̃ад̇д̇и вохааро наамам̣ наамагаммам̣ наамад̇хзяяам̣ нируд̇д̇и б̣яан̃ж̇анам̣ абхилаабо – имз д̇хаммаа бан̃н̃ад̇д̇и. саб̣б̣зва д̇хаммаа бан̃н̃ад̇д̇ибат̇аа.
1315. Katame dhammā paññatti? Yā tesaṃ tesaṃ dhammānaṃ saṅkhā samaññā paññatti vohāro nāmaṃ nāmakammaṃ nāmadheyyaṃ nirutti byañjanaṃ abhilāpo – ime dhammā paññatti. Sabbeva dhammā paññattipathā.
1316. д̇ад̇т̇а гад̇амам̣ наамам̣? взд̣̇анаагканд̇хо, сан̃н̃аагканд̇хо, сан̇каарагканд̇хо, вин̃н̃аан̣агканд̇хо, асан̇кад̇аа жа д̇хаад̇у – ид̣̇ам̣ вужжад̇и наамам̣.
1316. Tattha katamaṃ nāmaṃ? Vedanākkhandho, saññākkhandho, saṅkhārakkhandho, viññāṇakkhandho, asaṅkhatā ca dhātu – idaṃ vuccati nāmaṃ.
1317. д̇ад̇т̇а гад̇амам̣ руубам̣? жад̇д̇ааро жа махаабхууд̇аа, жад̇уннан̃жа махаабхууд̇аанам̣ убаад̣̇ааяа руубам̣ – ид̣̇ам̣ вужжад̇и руубам̣.
1317. Tattha katamaṃ rūpaṃ? Cattāro ca mahābhūtā, catunnañca mahābhūtānaṃ upādāya rūpaṃ – idaṃ vuccati rūpaṃ.
1318. д̇ад̇т̇а гад̇амаа авиж̇ж̇аа? яам̣ ан̃н̃аан̣ам̣ ад̣̇ассанам̣…бз… авиж̇ж̇аалан̇г̇ий мохо агусаламуулам̣ – аяам̣ вужжад̇и авиж̇ж̇аа.
1318. Tattha katamā avijjā? Yaṃ aññāṇaṃ adassanaṃ…pe… avijjālaṅgī moho akusalamūlaṃ – ayaṃ vuccati avijjā.
1319. д̇ад̇т̇а гад̇амаа бхавад̇ан̣хаа? яо бхавзсу бхавачанд̣̇о…бз… бхаваж̇жхосаанам̣ – аяам̣ вужжад̇и бхавад̇ан̣хаа.
1319. Tattha katamā bhavataṇhā? Yo bhavesu bhavachando…pe… bhavajjhosānaṃ – ayaṃ vuccati bhavataṇhā.
1320. д̇ад̇т̇а гад̇амаа бхавад̣̇идти? бхависсад̇и ад̇д̇аа жа лого жаад̇и, яаа зваруубаа д̣̇идти д̣̇идтиг̇ад̇ам̣…бз… вибарияаасаг̇г̇аахо – аяам̣ вужжад̇и бхавад̣̇идти.
1320. Tattha katamā bhavadiṭṭhi? Bhavissati attā ca loko cāti, yā evarūpā diṭṭhi diṭṭhigataṃ…pe… vipariyāsaggāho – ayaṃ vuccati bhavadiṭṭhi.
1321. д̇ад̇т̇а гад̇амаа вибхавад̣̇идти? на бхависсад̇и ад̇д̇аа жа лого жаад̇и, яаа зваруубаа д̣̇идти д̣̇идтиг̇ад̇ам̣…бз… вибарияаасаг̇г̇аахо – аяам̣ вужжад̇и вибхавад̣̇идти.
1321. Tattha katamā vibhavadiṭṭhi? Na bhavissati attā ca loko cāti, yā evarūpā diṭṭhi diṭṭhigataṃ…pe… vipariyāsaggāho – ayaṃ vuccati vibhavadiṭṭhi.
1322. д̇ад̇т̇а гад̇амаа сассад̇ад̣̇идти? сассад̇о ад̇д̇аа жа лого жаад̇и, яаа зваруубаа д̣̇идти д̣̇идтиг̇ад̇ам̣…бз… вибарияаасаг̇г̇аахо – аяам̣ вужжад̇и сассад̇ад̣̇идти.
1322. Tattha katamā sassatadiṭṭhi? Sassato attā ca loko cāti, yā evarūpā diṭṭhi diṭṭhigataṃ…pe… vipariyāsaggāho – ayaṃ vuccati sassatadiṭṭhi.
1323. д̇ад̇т̇а гад̇амаа ужчзд̣̇ад̣̇идти? ужчиж̇ж̇иссад̇и ад̇д̇аа жа лого жаад̇и, яаа зваруубаа д̣̇идти д̣̇идтиг̇ад̇ам̣…бз… вибарияаасаг̇г̇аахо – аяам̣ вужжад̇и ужчзд̣̇ад̣̇идти.
1323. Tattha katamā ucchedadiṭṭhi? Ucchijjissati attā ca loko cāti, yā evarūpā diṭṭhi diṭṭhigataṃ…pe… vipariyāsaggāho – ayaṃ vuccati ucchedadiṭṭhi.
1324. д̇ад̇т̇а гад̇амаа анд̇аваа д̣̇идти? анд̇аваа ад̇д̇аа жа лого жаад̇и, яаа зваруубаа д̣̇идти д̣̇идтиг̇ад̇ам̣…бз… вибарияаасаг̇г̇аахо – аяам̣ вужжад̇и анд̇аваа д̣̇идти.
1324. Tattha katamā antavā diṭṭhi? Antavā attā ca loko cāti, yā evarūpā diṭṭhi diṭṭhigataṃ…pe… vipariyāsaggāho – ayaṃ vuccati antavā diṭṭhi.
1325. д̇ад̇т̇а гад̇амаа ананд̇аваа д̣̇идти? ананд̇аваа ад̇д̇аа жа лого жаад̇и, яаа зваруубаа д̣̇идти д̣̇идтиг̇ад̇ам̣…бз… вибарияаасаг̇г̇аахо – аяам̣ вужжад̇и ананд̇аваа д̣̇идти.
1325. Tattha katamā anantavā diṭṭhi? Anantavā attā ca loko cāti, yā evarūpā diṭṭhi diṭṭhigataṃ…pe… vipariyāsaggāho – ayaṃ vuccati anantavā diṭṭhi.
1326. д̇ад̇т̇а гад̇амаа буб̣б̣анд̇аануд̣̇идти? буб̣б̣анд̇ам̣ аараб̣бха яаа уббаж̇ж̇ад̇и д̣̇идти д̣̇идтиг̇ад̇ам̣…бз… вибарияаасаг̇г̇аахо – аяам̣ вужжад̇и буб̣б̣анд̇аануд̣̇идти.
1326. Tattha katamā pubbantānudiṭṭhi? Pubbantaṃ ārabbha yā uppajjati diṭṭhi diṭṭhigataṃ…pe… vipariyāsaggāho – ayaṃ vuccati pubbantānudiṭṭhi.
1327. д̇ад̇т̇а гад̇амаа абаранд̇аануд̣̇идти? абаранд̇ам̣ аараб̣бха яаа уббаж̇ж̇ад̇и д̣̇идти д̣̇идтиг̇ад̇ам̣…бз… вибарияаасаг̇г̇аахо – аяам̣ вужжад̇и абаранд̇аануд̣̇идти.
1327. Tattha katamā aparantānudiṭṭhi? Aparantaṃ ārabbha yā uppajjati diṭṭhi diṭṭhigataṃ…pe… vipariyāsaggāho – ayaṃ vuccati aparantānudiṭṭhi.
1328. д̇ад̇т̇а гад̇амам̣ ахиригам̣? яам̣ на хирийяад̇и хирияид̇аб̣б̣зна, на хирийяад̇и баабагаанам̣ агусалаанам̣ д̇хаммаанам̣ самаабад̇д̇ияаа – ид̣̇ам̣ вужжад̇и ахиригам̣.
1328. Tattha katamaṃ ahirikaṃ? Yaṃ na hirīyati hiriyitabbena, na hirīyati pāpakānaṃ akusalānaṃ dhammānaṃ samāpattiyā – idaṃ vuccati ahirikaṃ.
1329. д̇ад̇т̇а гад̇амам̣ анод̇д̇аббам̣? яам̣ на од̇д̇аббад̇и од̇д̇аббид̇аб̣б̣зна, на од̇д̇аббад̇и баабагаанам̣ агусалаанам̣ д̇хаммаанам̣ самаабад̇д̇ияаа – ид̣̇ам̣ вужжад̇и анод̇д̇аббам̣.
1329. Tattha katamaṃ anottappaṃ? Yaṃ na ottappati ottappitabbena, na ottappati pāpakānaṃ akusalānaṃ dhammānaṃ samāpattiyā – idaṃ vuccati anottappaṃ.
1330. д̇ад̇т̇а гад̇амаа хирий? яам̣ хирийяад̇и хирияид̇аб̣б̣зна, хирийяад̇и баабагаанам̣ агусалаанам̣ д̇хаммаанам̣ самаабад̇д̇ияаа – аяам̣ вужжад̇и хирий.
1330. Tattha katamā hirī? Yaṃ hirīyati hiriyitabbena, hirīyati pāpakānaṃ akusalānaṃ dhammānaṃ samāpattiyā – ayaṃ vuccati hirī.
1331. д̇ад̇т̇а гад̇амам̣ од̇д̇аббам̣? яам̣ од̇д̇аббад̇и од̇д̇аббид̇аб̣б̣зна, од̇д̇аббад̇и баабагаанам̣ агусалаанам̣ д̇хаммаанам̣ самаабад̇д̇ияаа – ид̣̇ам̣ вужжад̇и од̇д̇аббам̣.
1331. Tattha katamaṃ ottappaṃ? Yaṃ ottappati ottappitabbena, ottappati pāpakānaṃ akusalānaṃ dhammānaṃ samāpattiyā – idaṃ vuccati ottappaṃ.
1332. д̇ад̇т̇а гад̇амаа д̣̇оважассад̇аа? сахад̇хаммигз вужжамаанз д̣̇оважассааяам̣ д̣̇оважассияам̣ д̣̇оважассад̇аа виббадигуулаг̇г̇аахид̇аа вибажжанийгасаад̇ад̇аа анаад̣̇арияам̣ анаад̣̇арад̇аа аг̇ааравад̇аа аббадиссавад̇аа – аяам̣ вужжад̇и д̣̇оважассад̇аа.
1332. Tattha katamā dovacassatā? Sahadhammike vuccamāne dovacassāyaṃ dovacassiyaṃ dovacassatā vippaṭikūlaggāhitā vipaccanīkasātatā anādariyaṃ anādaratā agāravatā appaṭissavatā – ayaṃ vuccati dovacassatā.
1333. д̇ад̇т̇а гад̇амаа баабамид̇д̇ад̇аа? яз д̇з буг̇г̇алаа ассад̣̇д̇хаа д̣̇уссийлаа аббассуд̇аа мажчарино д̣̇уббан̃н̃аа, яаа д̇зсам̣ сзванаа нисзванаа сам̣сзванаа бхаж̇анаа самбхаж̇анаа бхад̇д̇и самбхад̇д̇и д̇ам̣самбаван̇гад̇аа – аяам̣ вужжад̇и баабамид̇д̇ад̇аа.
1333. Tattha katamā pāpamittatā? Ye te puggalā assaddhā dussīlā appassutā maccharino duppaññā, yā tesaṃ sevanā nisevanā saṃsevanā bhajanā sambhajanā bhatti sambhatti taṃsampavaṅkatā – ayaṃ vuccati pāpamittatā.
1334. д̇ад̇т̇а гад̇амаа соважассад̇аа? сахад̇хаммигз вужжамаанз соважассааяам̣ соважассияам̣ соважассад̇аа аббадигуулаг̇г̇аахид̇аа авибажжанийгасаад̇ад̇аа саг̇ааравад̇аа саад̣̇арияам̣ саад̣̇арад̇аа саббадиссавад̇аа – аяам̣ вужжад̇и соважассад̇аа.
1334. Tattha katamā sovacassatā? Sahadhammike vuccamāne sovacassāyaṃ sovacassiyaṃ sovacassatā appaṭikūlaggāhitā avipaccanīkasātatā sagāravatā sādariyaṃ sādaratā sappaṭissavatā – ayaṃ vuccati sovacassatā.
1335. д̇ад̇т̇а гад̇амаа галяаан̣амид̇д̇ад̇аа? яз д̇з буг̇г̇алаа сад̣̇д̇хаа сийлаванд̇о б̣ахуссуд̇аа жааг̇аванд̇о бан̃н̃аванд̇о, яаа д̇зсам̣ сзванаа нисзванаа сам̣сзванаа бхаж̇анаа самбхаж̇анаа бхад̇д̇и самбхад̇д̇и д̇ам̣самбаван̇гад̇аа – аяам̣ вужжад̇и галяаан̣амид̇д̇ад̇аа.
1335. Tattha katamā kalyāṇamittatā? Ye te puggalā saddhā sīlavanto bahussutā cāgavanto paññavanto, yā tesaṃ sevanā nisevanā saṃsevanā bhajanā sambhajanā bhatti sambhatti taṃsampavaṅkatā – ayaṃ vuccati kalyāṇamittatā.
1336. д̇ад̇т̇а гад̇амаа аабад̇д̇игусалад̇аа? бан̃жаби аабад̇д̇игканд̇хаа аабад̇д̇ияо, сад̇д̇аби аабад̇д̇игканд̇хаа аабад̇д̇ияо. яаа д̇аасам̣ аабад̇д̇ийнам̣ аабад̇д̇игусалад̇аа бан̃н̃аа баж̇аананаа…бз… амохо д̇хаммавижаяо саммаад̣̇идти – аяам̣ вужжад̇и аабад̇д̇игусалад̇аа.
1336. Tattha katamā āpattikusalatā? Pañcapi āpattikkhandhā āpattiyo, sattapi āpattikkhandhā āpattiyo. Yā tāsaṃ āpattīnaṃ āpattikusalatā paññā pajānanā…pe… amoho dhammavicayo sammādiṭṭhi – ayaṃ vuccati āpattikusalatā.
1337. д̇ад̇т̇а гад̇амаа аабад̇д̇ивудтаанагусалад̇аа? яаа д̇аахи аабад̇д̇ийхи вудтаанагусалад̇аа бан̃н̃аа баж̇аананаа…бз… амохо д̇хаммавижаяо саммаад̣̇идти – аяам̣ вужжад̇и аабад̇д̇ивудтаанагусалад̇аа.
1337. Tattha katamā āpattivuṭṭhānakusalatā? Yā tāhi āpattīhi vuṭṭhānakusalatā paññā pajānanā…pe… amoho dhammavicayo sammādiṭṭhi – ayaṃ vuccati āpattivuṭṭhānakusalatā.
1338. д̇ад̇т̇а гад̇амаа самаабад̇д̇игусалад̇аа? ад̇т̇и савид̇аггасавижаараа самаабад̇д̇и, ад̇т̇и авид̇аггавижаарамад̇д̇аа самаабад̇д̇и, ад̇т̇и авид̇аггаавижаараа самаабад̇д̇и. яаа д̇аасам̣ самаабад̇д̇ийнам̣ самаабад̇д̇игусалад̇аа бан̃н̃аа баж̇аананаа…бз… амохо д̇хаммавижаяо саммаад̣̇идти – аяам̣ вужжад̇и самаабад̇д̇игусалад̇аа.
1338. Tattha katamā samāpattikusalatā? Atthi savitakkasavicārā samāpatti, atthi avitakkavicāramattā samāpatti, atthi avitakkaavicārā samāpatti. Yā tāsaṃ samāpattīnaṃ samāpattikusalatā paññā pajānanā…pe… amoho dhammavicayo sammādiṭṭhi – ayaṃ vuccati samāpattikusalatā.
1339. д̇ад̇т̇а гад̇амаа самаабад̇д̇ивудтаанагусалад̇аа? яаа д̇аахи самаабад̇д̇ийхи вудтаанагусалад̇аа бан̃н̃аа баж̇аананаа…бз… амохо д̇хаммавижаяо саммаад̣̇идти – аяам̣ вужжад̇и самаабад̇д̇ивудтаанагусалад̇аа.
1339. Tattha katamā samāpattivuṭṭhānakusalatā? Yā tāhi samāpattīhi vuṭṭhānakusalatā paññā pajānanā…pe… amoho dhammavicayo sammādiṭṭhi – ayaṃ vuccati samāpattivuṭṭhānakusalatā.
1340. д̇ад̇т̇а гад̇амаа д̇хаад̇угусалад̇аа? адтаараса д̇хаад̇уяо жагкуд̇хаад̇у руубад̇хаад̇у жагкувин̃н̃аан̣ад̇хаад̇у, сод̇ад̇хаад̇у сад̣̇д̣̇ад̇хаад̇у сод̇авин̃н̃аан̣ад̇хаад̇у, гхаанад̇хаад̇у г̇анд̇хад̇хаад̇у гхаанавин̃н̃аан̣ад̇хаад̇у, ж̇ивхаад̇хаад̇у расад̇хаад̇у ж̇ивхаавин̃н̃аан̣ад̇хаад̇у, гааяад̇хаад̇у подтаб̣б̣ад̇хаад̇у гааяавин̃н̃аан̣ад̇хаад̇у, манод̇хаад̇у д̇хаммад̇хаад̇у мановин̃н̃аан̣ад̇хаад̇у. яаа д̇аасам̣ д̇хаад̇уунам̣ д̇хаад̇угусалад̇аа бан̃н̃аа баж̇аананаа…бз… амохо д̇хаммавижаяо саммаад̣̇идти – аяам̣ вужжад̇и д̇хаад̇угусалад̇аа.
1340. Tattha katamā dhātukusalatā? Aṭṭhārasa dhātuyo cakkhudhātu rūpadhātu cakkhuviññāṇadhātu, sotadhātu saddadhātu sotaviññāṇadhātu, ghānadhātu gandhadhātu ghānaviññāṇadhātu, jivhādhātu rasadhātu jivhāviññāṇadhātu, kāyadhātu phoṭṭhabbadhātu kāyaviññāṇadhātu, manodhātu dhammadhātu manoviññāṇadhātu. Yā tāsaṃ dhātūnaṃ dhātukusalatā paññā pajānanā…pe… amoho dhammavicayo sammādiṭṭhi – ayaṃ vuccati dhātukusalatā.
1341. д̇ад̇т̇а гад̇амаа манасигаарагусалад̇аа? яаа д̇аасам̣ д̇хаад̇уунам̣ манасигаарагусалад̇аа бан̃н̃аа баж̇аананаа…бз… амохо д̇хаммавижаяо саммаад̣̇идти – аяам̣ вужжад̇и манасигаарагусалад̇аа.
1341. Tattha katamā manasikārakusalatā? Yā tāsaṃ dhātūnaṃ manasikārakusalatā paññā pajānanā…pe… amoho dhammavicayo sammādiṭṭhi – ayaṃ vuccati manasikārakusalatā.
1342. д̇ад̇т̇а гад̇амаа ааяад̇анагусалад̇аа? д̣̇ваад̣̇асааяад̇анаани – жагкааяад̇анам̣, руубааяад̇анам̣, сод̇ааяад̇анам̣, сад̣̇д̣̇ааяад̇анам̣, гхаанааяад̇анам̣, г̇анд̇хааяад̇анам̣, ж̇ивхааяад̇анам̣, расааяад̇анам̣, гааяааяад̇анам̣, подтаб̣б̣ааяад̇анам̣, манааяад̇анам̣, д̇хаммааяад̇анам̣. яаа д̇зсам̣ ааяад̇анаанам̣ ааяад̇анагусалад̇аа бан̃н̃аа баж̇аананаа…бз… амохо д̇хаммавижаяо саммаад̣̇идти – аяам̣ вужжад̇и ааяад̇анагусалад̇аа.
1342. Tattha katamā āyatanakusalatā? Dvādasāyatanāni – cakkhāyatanaṃ, rūpāyatanaṃ, sotāyatanaṃ, saddāyatanaṃ, ghānāyatanaṃ, gandhāyatanaṃ, jivhāyatanaṃ, rasāyatanaṃ, kāyāyatanaṃ, phoṭṭhabbāyatanaṃ, manāyatanaṃ, dhammāyatanaṃ. Yā tesaṃ āyatanānaṃ āyatanakusalatā paññā pajānanā…pe… amoho dhammavicayo sammādiṭṭhi – ayaṃ vuccati āyatanakusalatā.
1343. д̇ад̇т̇а гад̇амаа бадижжасамуббаад̣̇агусалад̇аа? авиж̇ж̇аабажжаяаа сан̇каараа, сан̇каарабажжаяаа вин̃н̃аан̣ам̣, вин̃н̃аан̣абажжаяаа наамаруубам̣, наамаруубабажжаяаа сал̣ааяад̇анам̣, сал̣ааяад̇анабажжаяаа пассо, пассабажжаяаа взд̣̇анаа, взд̣̇анаабажжаяаа д̇ан̣хаа, д̇ан̣хаабажжаяаа убаад̣̇аанам̣, убаад̣̇аанабажжаяаа бхаво, бхавабажжаяаа ж̇аад̇и, ж̇аад̇ибажжаяаа ж̇араамаран̣ам̣ согабарид̣̇звад̣̇угкад̣̇оманассубааяаасаа самбхаванд̇и; звамзд̇асса гзваласса д̣̇угкагканд̇хасса самуд̣̇аяо ход̇ийд̇и. яаа д̇ад̇т̇а бан̃н̃аа баж̇аананаа…бз… амохо д̇хаммавижаяо саммаад̣̇идти – аяам̣ вужжад̇и бадижжасамуббаад̣̇агусалад̇аа.
1343. Tattha katamā paṭiccasamuppādakusalatā? Avijjāpaccayā saṅkhārā, saṅkhārapaccayā viññāṇaṃ, viññāṇapaccayā nāmarūpaṃ, nāmarūpapaccayā saḷāyatanaṃ, saḷāyatanapaccayā phasso, phassapaccayā vedanā, vedanāpaccayā taṇhā, taṇhāpaccayā upādānaṃ, upādānapaccayā bhavo, bhavapaccayā jāti, jātipaccayā jarāmaraṇaṃ sokaparidevadukkhadomanassupāyāsā sambhavanti; evametassa kevalassa dukkhakkhandhassa samudayo hotīti. Yā tattha paññā pajānanā…pe… amoho dhammavicayo sammādiṭṭhi – ayaṃ vuccati paṭiccasamuppādakusalatā.
1344. д̇ад̇т̇а гад̇амаа таанагусалад̇аа? яз яз д̇хаммаа язсам̣ язсам̣ д̇хаммаанам̣ хзд̇уу бажжаяаа уббаад̣̇ааяа 1 д̇ам̣ д̇ам̣ таананд̇и, яаа д̇ад̇т̇а бан̃н̃аа баж̇аананаа…бз… амохо д̇хаммавижаяо саммаад̣̇идти – аяам̣ вужжад̇и таанагусалад̇аа.
1344. Tattha katamā ṭhānakusalatā? Ye ye dhammā yesaṃ yesaṃ dhammānaṃ hetū paccayā uppādāya 2 taṃ taṃ ṭhānanti, yā tattha paññā pajānanā…pe… amoho dhammavicayo sammādiṭṭhi – ayaṃ vuccati ṭhānakusalatā.
1345. д̇ад̇т̇а гад̇амаа адтаанагусалад̇аа? яз яз д̇хаммаа язсам̣ язсам̣ д̇хаммаанам̣ на хзд̇уу на бажжаяаа уббаад̣̇ааяа д̇ам̣ д̇ам̣ адтаананд̇и, яаа д̇ад̇т̇а бан̃н̃аа баж̇аананаа…бз… амохо д̇хаммавижаяо саммаад̣̇идти – аяам̣ вужжад̇и адтаанагусалад̇аа.
1345. Tattha katamā aṭṭhānakusalatā? Ye ye dhammā yesaṃ yesaṃ dhammānaṃ na hetū na paccayā uppādāya taṃ taṃ aṭṭhānanti, yā tattha paññā pajānanā…pe… amoho dhammavicayo sammādiṭṭhi – ayaṃ vuccati aṭṭhānakusalatā.
1346. д̇ад̇т̇а гад̇амо аж̇ж̇аво? яаа аж̇ж̇авад̇аа аж̇имхад̇аа аван̇гад̇аа агудилад̇аа – аяам̣ вужжад̇и аж̇ж̇аво.
1346. Tattha katamo ajjavo? Yā ajjavatā ajimhatā avaṅkatā akuṭilatā – ayaṃ vuccati ajjavo.
1347. д̇ад̇т̇а гад̇амо мад̣̇д̣̇аво? яаа муд̣̇уд̇аа мад̣̇д̣̇авад̇аа агагкал̣ад̇аа агат̇инад̇аа нийжажид̇д̇ад̇аа – аяам̣ вужжад̇и мад̣̇д̣̇аво.
1347. Tattha katamo maddavo? Yā mudutā maddavatā akakkhaḷatā akathinatā nīcacittatā – ayaṃ vuccati maddavo.
1348. д̇ад̇т̇а гад̇амаа канд̇и? яаа канд̇и каманад̇аа ад̇хиваасанад̇аа ажан̣д̣иггам̣ анасуробо ад̇д̇аманад̇аа жид̇д̇асса – аяам̣ вужжад̇и канд̇и.
1348. Tattha katamā khanti? Yā khanti khamanatā adhivāsanatā acaṇḍikkaṃ anasuropo attamanatā cittassa – ayaṃ vuccati khanti.
1349. д̇ад̇т̇а гад̇амам̣ соражжам̣? яо гааяиго авийд̇иггамо, ваажасиго авийд̇иггамо, гааяигаваажасиго авийд̇иггамо – ид̣̇ам̣ вужжад̇и соражжам̣. саб̣б̣оби сийласам̣варо соражжам̣.
1349. Tattha katamaṃ soraccaṃ? Yo kāyiko avītikkamo, vācasiko avītikkamo, kāyikavācasiko avītikkamo – idaṃ vuccati soraccaṃ. Sabbopi sīlasaṃvaro soraccaṃ.
1350. д̇ад̇т̇а гад̇амам̣ саакаляам̣? яаа саа ваажаа ан̣д̣агаа гаггасаа барагадугаа бараабхисаж̇ж̇аний год̇хасааманд̇аа асамаад̇хисам̣вад̇д̇анигаа, д̇ат̇ааруубим̣ ваажам̣ бахааяа яаа саа ваажаа нзл̣аа ган̣н̣асукаа бзманийяаа хад̣̇аяан̇г̇амаа борий б̣ахуж̇анаганд̇аа б̣ахуж̇анаманаабаа д̇ат̇ааруубим̣ ваажам̣ бхаасид̇аа ход̇и; яаа д̇ад̇т̇а сан̣хаваажад̇аа сакилаваажад̇аа апарусаваажад̇аа – ид̣̇ам̣ вужжад̇и саакаляам̣.
1350. Tattha katamaṃ sākhalyaṃ? Yā sā vācā aṇḍakā kakkasā parakaṭukā parābhisajjanī kodhasāmantā asamādhisaṃvattanikā, tathārūpiṃ vācaṃ pahāya yā sā vācā neḷā kaṇṇasukhā pemanīyā hadayaṅgamā porī bahujanakantā bahujanamanāpā tathārūpiṃ vācaṃ bhāsitā hoti; yā tattha saṇhavācatā sakhilavācatā apharusavācatā – idaṃ vuccati sākhalyaṃ.
1351. д̇ад̇т̇а гад̇амо бадисант̇ааро? д̣̇вз бадисант̇аараа – аамисабадисант̇ааро жа д̇хаммабадисант̇ааро жа. ид̇хзгажжо бадисант̇аараго ход̇и аамисабадисант̇аарзна ваа д̇хаммабадисант̇аарзна ваа – аяам̣ вужжад̇и бадисант̇ааро.
1351. Tattha katamo paṭisanthāro? Dve paṭisanthārā – āmisapaṭisanthāro ca dhammapaṭisanthāro ca. Idhekacco paṭisanthārako hoti āmisapaṭisanthārena vā dhammapaṭisanthārena vā – ayaṃ vuccati paṭisanthāro.
1352. д̇ад̇т̇а гад̇амаа инд̣̇риязсу аг̇уд̇д̇ад̣̇ваарад̇аа? ид̇хзгажжо жагкунаа руубам̣ д̣̇исваа нимид̇д̇аг̇г̇аахий ход̇и ануб̣яан̃ж̇анаг̇г̇аахий. яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа на бадибаж̇ж̇ад̇и, на рагкад̇и жагкунд̣̇рияам̣, жагкунд̣̇рияз на сам̣варам̣ аабаж̇ж̇ад̇и. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа…бз… ж̇ивхааяа расам̣ сааяид̇ваа…бз… гааязна подтаб̣б̣ам̣ пусид̇ваа…бз… манасаа д̇хаммам̣ вин̃н̃ааяа нимид̇д̇аг̇г̇аахий ход̇и ануб̣яан̃ж̇анаг̇г̇аахий. яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа на бадибаж̇ж̇ад̇и, на рагкад̇и манинд̣̇рияам̣, манинд̣̇рияз на сам̣варам̣ аабаж̇ж̇ад̇и. яаа имзсам̣ чаннам̣ инд̣̇рияаанам̣ аг̇уд̇д̇и аг̇обанаа анаарагко асам̣варо – аяам̣ вужжад̇и инд̣̇риязсу аг̇уд̇д̇ад̣̇ваарад̇аа.
1352. Tattha katamā indriyesu aguttadvāratā? Idhekacco cakkhunā rūpaṃ disvā nimittaggāhī hoti anubyañjanaggāhī. Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya na paṭipajjati, na rakkhati cakkhundriyaṃ, cakkhundriye na saṃvaraṃ āpajjati. Sotena saddaṃ sutvā…pe… ghānena gandhaṃ ghāyitvā…pe… jivhāya rasaṃ sāyitvā…pe… kāyena phoṭṭhabbaṃ phusitvā…pe… manasā dhammaṃ viññāya nimittaggāhī hoti anubyañjanaggāhī. Yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya na paṭipajjati, na rakkhati manindriyaṃ, manindriye na saṃvaraṃ āpajjati. Yā imesaṃ channaṃ indriyānaṃ agutti agopanā anārakkho asaṃvaro – ayaṃ vuccati indriyesu aguttadvāratā.
1353. д̇ад̇т̇а гад̇амаа бхож̇анз амад̇д̇ан̃н̃уд̇аа? ид̇хзгажжо аббадисан̇каа аяонисо аахаарам̣ аахаарзд̇и д̣̇авааяа мад̣̇ааяа ман̣д̣анааяа вибхуусанааяа. яаа д̇ад̇т̇а асанд̇удтид̇аа амад̇д̇ан̃н̃уд̇аа аббадисан̇каа бхож̇анз – аяам̣ вужжад̇и бхож̇анз амад̇д̇ан̃н̃уд̇аа.
1353. Tattha katamā bhojane amattaññutā? Idhekacco appaṭisaṅkhā ayoniso āhāraṃ āhāreti davāya madāya maṇḍanāya vibhūsanāya. Yā tattha asantuṭṭhitā amattaññutā appaṭisaṅkhā bhojane – ayaṃ vuccati bhojane amattaññutā.
1354. д̇ад̇т̇а гад̇амаа инд̣̇риязсу г̇уд̇д̇ад̣̇ваарад̇аа? ид̇хзгажжо жагкунаа руубам̣ д̣̇исваа на нимид̇д̇аг̇г̇аахий ход̇и на ануб̣яан̃ж̇анаг̇г̇аахий. яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ад̇и, рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇и. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа…бз… ж̇ивхааяа расам̣ сааяид̇ваа…бз… гааязна подтаб̣б̣ам̣ пусид̇ваа…бз… манасаа д̇хаммам̣ вин̃н̃ааяа на нимид̇д̇аг̇г̇аахий ход̇и наануб̣яан̃ж̇анаг̇г̇аахий. яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ад̇и, рагкад̇и манинд̣̇рияам̣, манинд̣̇рияз сам̣варам̣ аабаж̇ж̇ад̇и. яаа имзсам̣ чаннам̣ инд̣̇рияаанам̣ г̇уд̇д̇и г̇обанаа аарагко сам̣варо – аяам̣ вужжад̇и инд̣̇риязсу г̇уд̇д̇ад̣̇ваарад̇аа.
1354. Tattha katamā indriyesu guttadvāratā? Idhekacco cakkhunā rūpaṃ disvā na nimittaggāhī hoti na anubyañjanaggāhī. Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati, rakkhati cakkhundriyaṃ, cakkhundriye saṃvaraṃ āpajjati. Sotena saddaṃ sutvā…pe… ghānena gandhaṃ ghāyitvā…pe… jivhāya rasaṃ sāyitvā…pe… kāyena phoṭṭhabbaṃ phusitvā…pe… manasā dhammaṃ viññāya na nimittaggāhī hoti nānubyañjanaggāhī. Yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati, rakkhati manindriyaṃ, manindriye saṃvaraṃ āpajjati. Yā imesaṃ channaṃ indriyānaṃ gutti gopanā ārakkho saṃvaro – ayaṃ vuccati indriyesu guttadvāratā.
1355. д̇ад̇т̇а гад̇амаа бхож̇анз мад̇д̇ан̃н̃уд̇аа? ид̇хзгажжо бадисан̇каа яонисо аахаарам̣ аахаарзд̇и – нзва д̣̇авааяа на мад̣̇ааяа на ман̣д̣анааяа на вибхуусанааяа яаавад̣̇зва имасса гааяасса тид̇ияаа яаабанааяа вихим̣суубарад̇ияаа б̣рахмажарияаануг̇г̇ахааяа , ид̇и бураан̣ан̃жа взд̣̇анам̣ бадихан̇каами, наван̃жа взд̣̇анам̣ на уббаад̣̇зссаами, яаад̇раа жа мз бхависсад̇и анаваж̇ж̇ад̇аа жа паасувихааро жаад̇и. яаа д̇ад̇т̇а санд̇удтид̇аа мад̇д̇ан̃н̃уд̇аа бадисан̇каа бхож̇анз – аяам̣ вужжад̇и бхож̇анз мад̇д̇ан̃н̃уд̇аа.
1355. Tattha katamā bhojane mattaññutā? Idhekacco paṭisaṅkhā yoniso āhāraṃ āhāreti – neva davāya na madāya na maṇḍanāya na vibhūsanāya yāvadeva imassa kāyassa ṭhitiyā yāpanāya vihiṃsūparatiyā brahmacariyānuggahāya , iti purāṇañca vedanaṃ paṭihaṅkhāmi, navañca vedanaṃ na uppādessāmi, yātrā ca me bhavissati anavajjatā ca phāsuvihāro cāti. Yā tattha santuṭṭhitā mattaññutā paṭisaṅkhā bhojane – ayaṃ vuccati bhojane mattaññutā.
1356. д̇ад̇т̇а гад̇амам̣ мудтасажжам̣? яаа асад̇и анануссад̇и аббадиссад̇и асад̇и асаран̣ад̇аа ад̇хааран̣ад̇аа билаабанад̇аа саммусанад̇аа – ид̣̇ам̣ вужжад̇и мудтасажжам̣.
1356. Tattha katamaṃ muṭṭhasaccaṃ? Yā asati ananussati appaṭissati asati asaraṇatā adhāraṇatā pilāpanatā sammusanatā – idaṃ vuccati muṭṭhasaccaṃ.
1357. д̇ад̇т̇а гад̇амам̣ асамбаж̇ан̃н̃ам̣? яам̣ ан̃н̃аан̣ам̣ ад̣̇ассанам̣…бз… авиж̇ж̇аалан̇г̇ий мохо агусаламуулам̣ – ид̣̇ам̣ вужжад̇и асамбаж̇ан̃н̃ам̣.
1357. Tattha katamaṃ asampajaññaṃ? Yaṃ aññāṇaṃ adassanaṃ…pe… avijjālaṅgī moho akusalamūlaṃ – idaṃ vuccati asampajaññaṃ.
1358. д̇ад̇т̇а гад̇амаа сад̇и? яаа сад̇и ануссад̇и бадиссад̇и сад̇и саран̣ад̇аа д̇хааран̣ад̇аа абилаабанад̇аа асаммусанад̇аа сад̇и сад̇инд̣̇рияам̣ сад̇иб̣алам̣ саммаасад̇и – аяам̣ вужжад̇и сад̇и.
1358. Tattha katamā sati? Yā sati anussati paṭissati sati saraṇatā dhāraṇatā apilāpanatā asammusanatā sati satindriyaṃ satibalaṃ sammāsati – ayaṃ vuccati sati.
1359. д̇ад̇т̇а гад̇амам̣ самбаж̇ан̃н̃ам̣? яаа бан̃н̃аа баж̇аананаа…бз… амохо д̇хаммавижаяо саммаад̣̇идти – ид̣̇ам̣ вужжад̇и самбаж̇ан̃н̃ам̣.
1359. Tattha katamaṃ sampajaññaṃ? Yā paññā pajānanā…pe… amoho dhammavicayo sammādiṭṭhi – idaṃ vuccati sampajaññaṃ.
1360. д̇ад̇т̇а гад̇амам̣ бадисан̇каанаб̣алам̣? яаа бан̃н̃аа баж̇аананаа…бз… амохо д̇хаммавижаяо саммаад̣̇идти – ид̣̇ам̣ вужжад̇и бадисан̇каанаб̣алам̣.
1360. Tattha katamaṃ paṭisaṅkhānabalaṃ? Yā paññā pajānanā…pe… amoho dhammavicayo sammādiṭṭhi – idaṃ vuccati paṭisaṅkhānabalaṃ.
1361. д̇ад̇т̇а гад̇амам̣ бхааванааб̣алам̣? яаа гусалаанам̣ д̇хаммаанам̣ аасзванаа бхааванаа б̣ахулийгаммам̣ – ид̣̇ам̣ вужжад̇и бхааванааб̣алам̣. сад̇д̇аби б̣ож̇жхан̇г̇аа бхааванааб̣алам̣.
1361. Tattha katamaṃ bhāvanābalaṃ? Yā kusalānaṃ dhammānaṃ āsevanā bhāvanā bahulīkammaṃ – idaṃ vuccati bhāvanābalaṃ. Sattapi bojjhaṅgā bhāvanābalaṃ.
1362. д̇ад̇т̇а гад̇амо самат̇о? яаа жид̇д̇асса тид̇и…бз… саммаасамаад̇хи – аяам̣ вужжад̇и самат̇о.
1362. Tattha katamo samatho? Yā cittassa ṭhiti…pe… sammāsamādhi – ayaṃ vuccati samatho.
1363. д̇ад̇т̇а гад̇амаа вибассанаа? яаа бан̃н̃аа баж̇аананаа…бз… амохо д̇хаммавижаяо саммаад̣̇идти – аяам̣ вужжад̇и вибассанаа.
1363. Tattha katamā vipassanā? Yā paññā pajānanā…pe… amoho dhammavicayo sammādiṭṭhi – ayaṃ vuccati vipassanā.
1364. д̇ад̇т̇а гад̇амам̣ самат̇анимид̇д̇ам̣? яаа жид̇д̇асса тид̇и…бз… саммаасамаад̇хи – ид̣̇ам̣ вужжад̇и самат̇анимид̇д̇ам̣.
1364. Tattha katamaṃ samathanimittaṃ? Yā cittassa ṭhiti…pe… sammāsamādhi – idaṃ vuccati samathanimittaṃ.
1365. д̇ад̇т̇а гад̇амам̣ баг̇г̇ааханимид̇д̇ам̣? яо жзд̇асиго вийрияаарамбхо…бз… саммаавааяаамо – ид̣̇ам̣ вужжад̇и баг̇г̇ааханимид̇д̇ам̣.
1365. Tattha katamaṃ paggāhanimittaṃ? Yo cetasiko vīriyārambho…pe… sammāvāyāmo – idaṃ vuccati paggāhanimittaṃ.
1366. д̇ад̇т̇а гад̇амо баг̇г̇аахо? яо жзд̇асиго вийрияаарамбхо…бз… саммаавааяаамо – аяам̣ вужжад̇и баг̇г̇аахо.
1366. Tattha katamo paggāho? Yo cetasiko vīriyārambho…pe… sammāvāyāmo – ayaṃ vuccati paggāho.
1367. д̇ад̇т̇а гад̇амо авигкзбо? яаа жид̇д̇асса тид̇и…бз… саммаасамаад̇хи – аяам̣ вужжад̇и авигкзбо.
1367. Tattha katamo avikkhepo? Yā cittassa ṭhiti…pe… sammāsamādhi – ayaṃ vuccati avikkhepo.
1368. д̇ад̇т̇а гад̇амаа сийлавибад̇д̇и? яо гааяиго вийд̇иггамо, ваажасиго вийд̇иггамо , гааяигаваажасиго вийд̇иггамо – аяам̣ вужжад̇и сийлавибад̇д̇и. саб̣б̣амби д̣̇уссиляам̣ сийлавибад̇д̇и.
1368. Tattha katamā sīlavipatti? Yo kāyiko vītikkamo, vācasiko vītikkamo , kāyikavācasiko vītikkamo – ayaṃ vuccati sīlavipatti. Sabbampi dussilyaṃ sīlavipatti.
1369. д̇ад̇т̇а гад̇амаа д̣̇идтивибад̇д̇и? над̇т̇и д̣̇иннам̣, над̇т̇и яидтам̣, над̇т̇и худ̇ам̣, над̇т̇и сугад̇ад̣̇уггадаанам̣ гаммаанам̣ палам̣ вибааго, над̇т̇и аяам̣ лого, над̇т̇и баро лого, над̇т̇и маад̇аа, над̇т̇и бид̇аа, над̇т̇и сад̇д̇аа обабаад̇игаа, над̇т̇и логз саман̣аб̣раахман̣аа саммаг̇г̇ад̇аа саммаабадибаннаа яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ийд̇иः яаа зваруубаа д̣̇идти д̣̇идтиг̇ад̇ам̣…бз… вибарияаасаг̇г̇аахо – аяам̣ вужжад̇и д̣̇идтивибад̇д̇и. саб̣б̣ааби мижчаад̣̇идти д̣̇идтивибад̇д̇и.
1369. Tattha katamā diṭṭhivipatti? Natthi dinnaṃ, natthi yiṭṭhaṃ, natthi hutaṃ, natthi sukatadukkaṭānaṃ kammānaṃ phalaṃ vipāko, natthi ayaṃ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentītiः yā evarūpā diṭṭhi diṭṭhigataṃ…pe… vipariyāsaggāho – ayaṃ vuccati diṭṭhivipatti. Sabbāpi micchādiṭṭhi diṭṭhivipatti.
1370. д̇ад̇т̇а гад̇амаа сийласамбад̣̇аа? яо гааяиго авийд̇иггамо, ваажасиго авийд̇иггамо, гааяигаваажасиго авийд̇иггамо – аяам̣ вужжад̇и сийласамбад̣̇аа. саб̣б̣оби сийласам̣варо сийласамбад̣̇аа.
1370. Tattha katamā sīlasampadā? Yo kāyiko avītikkamo, vācasiko avītikkamo, kāyikavācasiko avītikkamo – ayaṃ vuccati sīlasampadā. Sabbopi sīlasaṃvaro sīlasampadā.
1371. д̇ад̇т̇а гад̇амаа д̣̇идтисамбад̣̇аа? ад̇т̇и д̣̇иннам̣, ад̇т̇и яидтам̣, ад̇т̇и худ̇ам̣, ад̇т̇и сугад̇ад̣̇уггадаанам̣ гаммаанам̣ палам̣ вибааго, ад̇т̇и аяам̣ лого, ад̇т̇и баро лого, ад̇т̇и маад̇аа, ад̇т̇и бид̇аа, ад̇т̇и сад̇д̇аа обабаад̇игаа, ад̇т̇и логз саман̣аб̣раахман̣аа саммаг̇г̇ад̇аа саммаабадибаннаа яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ийд̇иः яаа зваруубаа бан̃н̃аа баж̇аананаа…бз… амохо д̇хаммавижаяо саммаад̣̇идти – аяам̣ вужжад̇и д̣̇идтисамбад̣̇аа. саб̣б̣ааби саммаад̣̇идти д̣̇идтисамбад̣̇аа.
1371. Tattha katamā diṭṭhisampadā? Atthi dinnaṃ, atthi yiṭṭhaṃ, atthi hutaṃ, atthi sukatadukkaṭānaṃ kammānaṃ phalaṃ vipāko, atthi ayaṃ loko, atthi paro loko, atthi mātā, atthi pitā, atthi sattā opapātikā, atthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentītiः yā evarūpā paññā pajānanā…pe… amoho dhammavicayo sammādiṭṭhi – ayaṃ vuccati diṭṭhisampadā. Sabbāpi sammādiṭṭhi diṭṭhisampadā.
1372. д̇ад̇т̇а гад̇амаа сийлависуд̣̇д̇хи? яо гааяиго авийд̇иггамо, ваажасиго авийд̇иггамо, гааяигаваажасиго авийд̇иггамо – аяам̣ вужжад̇и сийлависуд̣̇д̇хи. саб̣б̣оби сийласам̣варо сийлависуд̣̇д̇хи.
1372. Tattha katamā sīlavisuddhi? Yo kāyiko avītikkamo, vācasiko avītikkamo, kāyikavācasiko avītikkamo – ayaṃ vuccati sīlavisuddhi. Sabbopi sīlasaṃvaro sīlavisuddhi.
1373. д̇ад̇т̇а гад̇амаа д̣̇идтивисуд̣̇д̇хи? гаммассагад̇ан̃аан̣ам̣ сажжаануломиган̃аан̣ам̣ маг̇г̇асаман̇г̇исса н̃аан̣ам̣ паласаман̇г̇исса н̃аан̣ам̣.
1373. Tattha katamā diṭṭhivisuddhi? Kammassakatañāṇaṃ saccānulomikañāṇaṃ maggasamaṅgissa ñāṇaṃ phalasamaṅgissa ñāṇaṃ.
1374. д̣̇идтивисуд̣̇д̇хи ко банаад̇и – яаа бан̃н̃аа баж̇аананаа…бз… амохо д̇хаммавижаяо саммаад̣̇идти.
1374. Diṭṭhivisuddhikho panāti – yā paññā pajānanā…pe… amoho dhammavicayo sammādiṭṭhi.
1375. яат̇аад̣̇идтисса жа бад̇хаананд̇и – яо жзд̇асиго вийрияаарамбхо…бз… саммаавааяаамо.
1375. Yathādiṭṭhissa ca padhānanti – yo cetasiko vīriyārambho…pe… sammāvāyāmo.
1376. сам̣взг̇од̇и – ж̇аад̇ибхаяам̣ ж̇араабхаяам̣ б̣яаад̇хибхаяам̣ маран̣абхаяам̣. сам̣взж̇анияам̣ 3 таананд̇и – ж̇аад̇и ж̇араа б̣яаад̇хи маран̣ам̣.
1376. Saṃvegoti – jātibhayaṃ jarābhayaṃ byādhibhayaṃ maraṇabhayaṃ. Saṃvejaniyaṃ 4 ṭhānanti – jāti jarā byādhi maraṇaṃ.
1377. сам̣виг̇г̇асса жа яонисо бад̇хаананд̇и – ид̇ха бхигку ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и, уббаннаанам̣ баабагаанам̣ агусалаанам̣ д̇хаммаанам̣ бахаанааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и, ануббаннаанам̣ гусалаанам̣ д̇хаммаанам̣ уббаад̣̇ааяа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и, уббаннаанам̣ гусалаанам̣ д̇хаммаанам̣ тид̇ияаа асаммосааяа бхияяобхаавааяа взбуллааяа бхааванааяа баарибуурияаа чанд̣̇ам̣ ж̇анзд̇и вааяамад̇и вийрияам̣ аарабхад̇и жид̇д̇ам̣ баг̇г̇ан̣хаад̇и бад̣̇ахад̇и.
1377. Saṃviggassa ca yoniso padhānanti – idha bhikkhu anuppannānaṃ pāpakānaṃ akusalānaṃ dhammānaṃ anuppādāya chandaṃ janeti vāyamati vīriyaṃ ārabhati cittaṃ paggaṇhāti padahati, uppannānaṃ pāpakānaṃ akusalānaṃ dhammānaṃ pahānāya chandaṃ janeti vāyamati vīriyaṃ ārabhati cittaṃ paggaṇhāti padahati, anuppannānaṃ kusalānaṃ dhammānaṃ uppādāya chandaṃ janeti vāyamati vīriyaṃ ārabhati cittaṃ paggaṇhāti padahati, uppannānaṃ kusalānaṃ dhammānaṃ ṭhitiyā asammosāya bhiyyobhāvāya vepullāya bhāvanāya pāripūriyā chandaṃ janeti vāyamati vīriyaṃ ārabhati cittaṃ paggaṇhāti padahati.
1378. асанд̇удтид̇аа жа гусалзсу д̇хаммзсууд̇и – яаа гусалаанам̣ д̇хаммаанам̣ бхааванааяа асанд̇удтасса бхияяогамяад̇аа.
1378. Asantuṭṭhitā ca kusalesu dhammesūti – yā kusalānaṃ dhammānaṃ bhāvanāya asantuṭṭhassa bhiyyokamyatā.
1379. аббадиваанид̇аа жа бад̇хаанасминд̇и – яаа гусалаанам̣ д̇хаммаанам̣ бхааванааяа саггажжагирияад̇аа саад̇ажжагирияад̇аа адтид̇агирияад̇аа анолийнавуд̇д̇ид̇аа анигкид̇д̇ачанд̣̇ад̇аа анигкид̇д̇ад̇хурад̇аа аасзванаа бхааванаа б̣ахулийгаммам̣.
1379. Appaṭivānitā ca padhānasminti – yā kusalānaṃ dhammānaṃ bhāvanāya sakkaccakiriyatā sātaccakiriyatā aṭṭhitakiriyatā anolīnavuttitā anikkhittachandatā anikkhittadhuratā āsevanā bhāvanā bahulīkammaṃ.
1380. виж̇ж̇аад̇и – д̇иссо виж̇ж̇аа – буб̣б̣зниваасаануссад̇и н̃аан̣ам̣ виж̇ж̇аа, сад̇д̇аанам̣ жуд̇уубабаад̇з н̃аан̣ам̣ виж̇ж̇аа, аасаваанам̣ каяз н̃аан̣ам̣ виж̇ж̇аа.
1380. Vijjāti – tisso vijjā – pubbenivāsānussati ñāṇaṃ vijjā, sattānaṃ cutūpapāte ñāṇaṃ vijjā, āsavānaṃ khaye ñāṇaṃ vijjā.
1381. вимуд̇д̇ийд̇и – д̣̇вз вимуд̇д̇ияо – жид̇д̇асса 5 ад̇химуд̇д̇и, ниб̣б̣аанан̃жа.
1381. Vimuttīti – dve vimuttiyo – cittassa 6 adhimutti, nibbānañca.
1382. каяз н̃аан̣анд̇и – маг̇г̇асаман̇г̇исса н̃аан̣ам̣.
1382. Khaye ñāṇanti – maggasamaṅgissa ñāṇaṃ.
1383. ануббаад̣̇з н̃аан̣анд̇и – паласаман̇г̇исса н̃аан̣ам̣.
1383. Anuppāde ñāṇanti – phalasamaṅgissa ñāṇaṃ.
нигкзбаган̣д̣ам̣ нидтид̇ам̣.
Nikkhepakaṇḍaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā / суд̇д̇анд̇игад̣̇уганигкзбагат̇аа • Suttantikadukanikkhepakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / суд̇д̇анд̇игад̣̇уганигкзбагат̇ааван̣н̣анаа • Suttantikadukanikkhepakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-анудийгаа • Dhammasaṅgaṇī-anuṭīkā / суд̇д̇анд̇игад̣̇уганигкзбагат̇ааван̣н̣анаа • Suttantikadukanikkhepakathāvaṇṇanā
