| Library / Tipiṭaka / д̇ибидага • Tipiṭaka / бзд̇авад̇т̇убаал̣и • Petavatthupāḷi |
11. суд̇д̇абзд̇авад̇т̇у
11. Suttapetavatthu
341.
341.
‘‘ахам̣ бурз баб̣б̣аж̇ид̇асса бхигкуно, суд̇д̇ам̣ ад̣̇аасим̣ убасан̇гамма яаажид̇аа;
‘‘Ahaṃ pure pabbajitassa bhikkhuno, suttaṃ adāsiṃ upasaṅkamma yācitā;
д̇асса вибааго вибулапалуубалаб̣бхад̇и, б̣ахугаа жа мз уббаж̇ж̇арз 1 вад̇т̇агодияо.
Tassa vipāko vipulaphalūpalabbhati, bahukā ca me uppajjare 2 vatthakoṭiyo.
342.
342.
‘‘бубпаабхигин̣н̣ам̣ рамид̇ам̣ 3 вимаанам̣, анзгажид̇д̇ам̣ наранаарисзвид̇ам̣;
‘‘Pupphābhikiṇṇaṃ ramitaṃ 4 vimānaṃ, anekacittaṃ naranārisevitaṃ;
саахам̣ бхун̃ж̇аами жа баарубаами жа, бахууд̇авид̇д̇аа на жа д̇аава кийяад̇и.
Sāhaṃ bhuñjāmi ca pārupāmi ca, pahūtavittā na ca tāva khīyati.
343.
343.
‘‘д̇ассзва гаммасса вибаагаманваяаа, сукан̃жа саад̇ан̃жа ид̇хуубалаб̣бхад̇и;
‘‘Tasseva kammassa vipākamanvayā, sukhañca sātañca idhūpalabbhati;
саахам̣ г̇анд̇ваа бунад̣̇зва маанусам̣, гаахаами бун̃н̃аани наяаяяабуд̇д̇а ма’’нд̇и.
Sāhaṃ gantvā punadeva mānusaṃ, kāhāmi puññāni nayayyaputta ma’’nti.
344.
344.
‘‘сад̇д̇а д̇увам̣ вассасад̇аа ид̇хааг̇ад̇аа,
‘‘Satta tuvaṃ vassasatā idhāgatā,
ж̇ин̣н̣аа жа вуд̣дхаа жа д̇ахим̣ бхависсаси;
Jiṇṇā ca vuḍḍhā ca tahiṃ bhavissasi;
саб̣б̣зва д̇з гаалагад̇аа жа н̃аад̇агаа,
Sabbeva te kālakatā ca ñātakā,
гим̣ д̇ад̇т̇а г̇анд̇ваана ид̇о гариссасий’’д̇и.
Kiṃ tattha gantvāna ito karissasī’’ti.
345.
345.
‘‘сад̇д̇зва вассаани ид̇хааг̇ад̇ааяа мз, д̣̇иб̣б̣ан̃жа сукан̃жа самаббид̇ааяа;
‘‘Satteva vassāni idhāgatāya me, dibbañca sukhañca samappitāya;
саахам̣ г̇анд̇ваана бунад̣̇зва маанусам̣, гаахаами бун̃н̃аани наяаяяабуд̇д̇а ма’’нд̇и.
Sāhaṃ gantvāna punadeva mānusaṃ, kāhāmi puññāni nayayyaputta ma’’nti.
346.
346.
со д̇ам̣ г̇ахзд̇ваана басаяха б̣аахааяам̣, бажжаанаяид̇ваана т̇зрим̣ суд̣̇уб̣б̣алам̣;
So taṃ gahetvāna pasayha bāhāyaṃ, paccānayitvāna theriṃ sudubbalaṃ;
‘‘важ̇ж̇зси ан̃н̃амби ж̇анам̣ ид̇хааг̇ад̇ам̣, ‘гарот̇а бун̃н̃аани сукуубалаб̣бхад̇и’’.
‘‘Vajjesi aññampi janaṃ idhāgataṃ, ‘karotha puññāni sukhūpalabbhati’’.
347.
347.
‘‘д̣̇идтаа маяаа агад̇зна саад̇хунаа, бзд̇аа вихан̃н̃анд̇и д̇ат̇зва мануссаа;
‘‘Diṭṭhā mayā akatena sādhunā, petā vihaññanti tatheva manussā;
гамман̃жа гад̇ваа сукавзд̣̇анийяам̣, д̣̇зваа мануссаа жа сукз тид̇аа баж̇аа’’д̇и.
Kammañca katvā sukhavedanīyaṃ, devā manussā ca sukhe ṭhitā pajā’’ti.
суд̇д̇абзд̇авад̇т̇у згаад̣̇асамам̣.
Suttapetavatthu ekādasamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бзд̇авад̇т̇у-адтагат̇аа • Petavatthu-aṭṭhakathā / 11. суд̇д̇абзд̇авад̇т̇уван̣н̣анаа • 11. Suttapetavatthuvaṇṇanā
