| Library / Tipiṭaka / д̇ибидага • Tipiṭaka / бздагобад̣̇зсабаал̣и • Peṭakopadesapāḷi |
4. суд̇д̇авижаяажад̇уд̇т̇абхууми
4. Suttavicayacatutthabhūmi
40. д̇ад̇т̇а гад̇амо суд̇д̇авижаяо?
40. Tattha katamo suttavicayo?
д̇ад̇т̇а гусалзхи д̇хаммзхи агусалзхи д̇хаммзхи буб̣б̣аабарасо саад̇хугам̣ убабаригкияад̇и. гим̣ну ко ид̣̇ам̣ суд̇д̇ам̣ аарабхи…бз… д̇зхи суд̇д̇зхи саха ад̇хисаннадтзхи яуж̇ж̇ад̇и уд̣̇ааху на яуж̇ж̇ад̇ийд̇и?
Tattha kusalehi dhammehi akusalehi dhammehi pubbāparaso sādhukaṃ upaparikkhiyati. Kiṃnu kho idaṃ suttaṃ ārabhi…pe… tehi suttehi saha adhisannaṭṭhehi yujjati udāhu na yujjatīti?
яат̇аа бхаг̇аваа гилзсз аад̣̇имхи д̇ад̇т̇а д̣̇зсзд̇и. гим̣ д̣̇зсид̇ам̣? д̇зсам̣ гилзсаанам̣ бахаанам̣ уд̣̇ааху но д̣̇зсид̇анд̇и убабаригкид̇аб̣б̣ам̣. яад̣̇и на д̣̇зсид̇ам̣ бхаг̇авад̇и д̇зсам̣ гилзсаанам̣ бахаанам̣ гусалаа д̇хаммаа бариязсид̇аб̣б̣аа яад̇т̇а д̇з агусалаа бахаанам̣ г̇ажчанд̇и. сажз саманнзхамаано на лабхад̇и. д̇ад̇т̇а агусалаа д̇хаммаа абагад̣дхид̇аб̣б̣аа виймам̣сид̇аб̣б̣аа, сам̣гилзсабхааг̇ияасуд̇д̇ам̣, яад̣̇и гилзсаа абагад̣дхияанд̇аа. яз ваа на д̣̇знд̇и д̇ад̇т̇а убабаригкид̇аб̣б̣аа арияамаг̇г̇ад̇хаммаа д̇аасу бхуумийсу гилзсаа бахаанам̣ г̇ажчанд̇и, уд̣̇ааху на г̇ажчанд̇ийд̇и. яад̇д̇агаа бана гилзсаа д̣̇зсид̇аа. на д̇ад̇д̇агаа арияад̇хаммаа д̣̇зсид̇аа. яад̇т̇а гилзсаа бахаанам̣ г̇ажчанд̇и, д̇ад̇т̇а яз гилзсаа арияад̇хаммаанам̣ бадибагкзна на яуж̇ж̇анд̇и, д̇з абагад̣дхид̇аб̣б̣аа, сажз абагад̣дхияанд̇аа яож̇анам̣ д̣̇зд̇и. д̇ад̇т̇а звам̣ виймам̣сид̇аб̣б̣ам̣. д̣̇вз д̇ийн̣и ваа д̇ад̣̇уд̇д̇ари ваа гилзсаа згзна арияамаг̇г̇зна бахаанам̣ г̇ажчанд̇ийд̇и. сажз звам̣ виймам̣сияанд̇аа яож̇анам̣ д̣̇зд̇и, д̇ад̇т̇а убабаригкид̇аб̣б̣ам̣. барамбарааяа ваа бидагасамбад̣̇аанзна ваа суд̇д̇асса ад̇т̇о жа над̇т̇о жа. яам̣ ваа на саггаа суд̇д̇ам̣ нид̣̇д̣̇исид̇ум̣ нзва суд̇д̇ам̣ вижигижчид̇аб̣б̣ам̣. звам̣ яат̇аа аад̣̇имхи гусалаа д̇хаммаа хонд̇и. яз гилзсаа д̇з бахийнзяяаад̇и. д̇з убабаригкид̇аб̣б̣аа. буро ваа гусало бадибагкзна ваа буро д̣̇зсанаа, ануунаа анад̇хигаа уг̇г̇ахзд̇аб̣б̣аа. яат̇аа батамо уд̇д̇ило язсамид̣̇аани гилзсаанам̣ яз арияад̇хаммаа д̣̇зсид̇аа имз гилзсаа имзхи арияад̇хаммзхи бахийяанд̇и, уд̣̇ааху наббахийяанд̇ийд̇и вижинид̇аб̣б̣аа. яад̣̇и убабаригкияамаанаа яуж̇ж̇анд̇и, г̇ахзд̇аб̣б̣аа. ат̇а на яуж̇ж̇анд̇и, яз гилзсаа абадибагкаа хонд̇и, д̇з гилзсаа абарибагкид̇аб̣б̣аа. яз жа арияад̇хаммаа бадибагкаа хонд̇и, д̇з арияад̇хаммаа абагад̣дхид̇аб̣б̣аа . на хи арияад̇хаммаа анааг̇аамигилзсаббахаанам̣ г̇ажчанд̇и, нааби арияад̇хаммаа саб̣б̣агилзсаанам̣ бахаанааяа сам̣вад̇д̇анд̇и. яат̇аа гусалаа мзд̇д̇аа агусало рааг̇о на д̇у гусалаа мзд̇д̇аад̇и гаарзд̇ваа агусаласса рааг̇асса бахаанааяа самбхавад̇и б̣яаабаад̣̇о мзд̇д̇ааяа бахаанам̣ г̇ажчад̇и. д̇асмаа убхо гилзсаа убабаригкид̇аб̣б̣аа. яо яо жа д̇хаммо убад̣̇исияад̇и гусало ваа агусало ваа со абагад̣дхид̇аб̣б̣о. сажз д̇з яуж̇ж̇анд̇и абагад̣дхияамаано над̇т̇и убабаригкид̇аб̣б̣ам̣. д̣̇вз ваа гилзсаа згзна арияад̇хаммзна бахийнзяяаад̇и д̣̇вийхи ваа арияад̇хаммзхи зго ваа гилзсо бахийяад̇ийд̇и.
Yathā bhagavā kilese ādimhi tattha deseti. Kiṃ desitaṃ? Tesaṃ kilesānaṃ pahānaṃ udāhu no desitanti upaparikkhitabbaṃ. Yadi na desitaṃ bhagavati tesaṃ kilesānaṃ pahānaṃ kusalā dhammā pariyesitabbā yattha te akusalā pahānaṃ gacchanti. Sace samannehamāno na labhati. Tattha akusalā dhammā apakaḍḍhitabbā vīmaṃsitabbā, saṃkilesabhāgiyasuttaṃ, yadi kilesā apakaḍḍhiyantā. Ye vā na denti tattha upaparikkhitabbā ariyamaggadhammā tāsu bhūmīsu kilesā pahānaṃ gacchanti, udāhu na gacchantīti. Yattakā pana kilesā desitā. Na tattakā ariyadhammā desitā. Yattha kilesā pahānaṃ gacchanti, tattha ye kilesā ariyadhammānaṃ paṭipakkhena na yujjanti, te apakaḍḍhitabbā, sace apakaḍḍhiyantā yojanaṃ deti. Tattha evaṃ vīmaṃsitabbaṃ. Dve tīṇi vā taduttari vā kilesā ekena ariyamaggena pahānaṃ gacchantīti. Sace evaṃ vīmaṃsiyantā yojanaṃ deti, tattha upaparikkhitabbaṃ. Paramparāya vā piṭakasampadānena vā suttassa attho ca nattho ca. Yaṃ vā na sakkā suttaṃ niddisituṃ neva suttaṃ vicikicchitabbaṃ. Evaṃ yathā ādimhi kusalā dhammā honti. Ye kilesā te pahīneyyāti. Te upaparikkhitabbā. Puro vā kusalo paṭipakkhena vā puro desanā, anūnā anadhikā uggahetabbā. Yathā paṭhamo uttilo yesamidāni kilesānaṃ ye ariyadhammā desitā ime kilesā imehi ariyadhammehi pahīyanti, udāhu nappahīyantīti vicinitabbā. Yadi upaparikkhiyamānā yujjanti, gahetabbā. Atha na yujjanti, ye kilesā apaṭipakkhā honti, te kilesā aparipakkhitabbā. Ye ca ariyadhammā paṭipakkhā honti, te ariyadhammā apakaḍḍhitabbā . Na hi ariyadhammā anāgāmikilesappahānaṃ gacchanti, nāpi ariyadhammā sabbakilesānaṃ pahānāya saṃvattanti. Yathā kusalā mettā akusalo rāgo na tu kusalā mettāti kāretvā akusalassa rāgassa pahānāya sambhavati byāpādo mettāya pahānaṃ gacchati. Tasmā ubho kilesā upaparikkhitabbā. Yo yo ca dhammo upadisiyati kusalo vā akusalo vā so apakaḍḍhitabbo. Sace te yujjanti apakaḍḍhiyamāno natthi upaparikkhitabbaṃ. Dve vā kilesā ekena ariyadhammena pahīneyyāti dvīhi vā ariyadhammehi eko vā kileso pahīyatīti.
ат̇а ваа звамби убабаригкияамаанам̣ яуж̇ж̇ад̇и, д̇ад̇т̇а виймам̣сид̇аб̣б̣ам̣ ваа яат̇аа яуж̇ж̇ад̇и д̇ад̇т̇а виймам̣сид̇аб̣б̣ам̣ ваа, яат̇аа нану саггаа суд̇д̇ам̣ нид̣̇д̣̇исид̇ум̣, на хи суд̇д̇з вижигижчид̇аб̣б̣ам̣. гилзсо мам̣ арияад̇хаммзсу д̣̇зсид̇зсу убхаяад̇о убабаригкид̇аб̣б̣ам̣. гира яз ваа имз гилзсаа д̣̇зсид̇аа яз жа арияад̇хаммаа д̣̇зсид̇аа г̇аат̇ааяа ваа б̣яаагаран̣зна ваа, гим̣ ну ко имз гилзсаа имзхи арияад̇хаммзхи бахийяанд̇и, уд̣̇ааху наббахийяанд̇и? имз ваа арияад̇хаммаа имзсам̣ гилзсаанам̣ бахаанааяа сам̣вад̇д̇анд̇ийд̇и. гин̃жааби гусалзхи д̇хаммзхи агусалаа д̇хаммаа бахаанам̣ г̇ажчанд̇и. на д̇у саб̣б̣зхи арияад̇хаммзхи саб̣б̣аагусалаа бахаанам̣ г̇ажчанд̇и. яат̇аа мзд̇д̇аа гусало агусало жа рааг̇о на д̇у гусалаа мзд̇д̇аа агусало рааг̇од̇и гаарзд̇ваа мзд̇д̇ааяа рааг̇о бахаанам̣, б̣яаабаад̣̇о мзд̇д̇ааяа бахаанам̣ г̇ажчанд̇и. звам̣ гилзсод̇и гаарзд̇ваа суд̇д̇зна бахаанам̣ г̇ажчад̇и. на суд̇д̇о д̇хаммод̇и гаарзд̇ваа саб̣б̣ам̣ гилзсасса бахаанааяа сам̣вад̇д̇ад̇и. яам̣ д̇у суд̇д̇асса арияад̇хаммо сам̣гилзсабадибагко, со д̇зна бахаанам̣ г̇ажчад̇ийд̇и.
Atha vā evampi upaparikkhiyamānaṃ yujjati, tattha vīmaṃsitabbaṃ vā yathā yujjati tattha vīmaṃsitabbaṃ vā, yathā nanu sakkā suttaṃ niddisituṃ, na hi sutte vicikicchitabbaṃ. Kileso maṃ ariyadhammesu desitesu ubhayato upaparikkhitabbaṃ. Kira ye vā ime kilesā desitā ye ca ariyadhammā desitā gāthāya vā byākaraṇena vā, kiṃ nu kho ime kilesā imehi ariyadhammehi pahīyanti, udāhu nappahīyanti? Ime vā ariyadhammā imesaṃ kilesānaṃ pahānāya saṃvattantīti. Kiñcāpi kusalehi dhammehi akusalā dhammā pahānaṃ gacchanti. Na tu sabbehi ariyadhammehi sabbākusalā pahānaṃ gacchanti. Yathā mettā kusalo akusalo ca rāgo na tu kusalā mettā akusalo rāgoti kāretvā mettāya rāgo pahānaṃ, byāpādo mettāya pahānaṃ gacchanti. Evaṃ kilesoti kāretvā suttena pahānaṃ gacchati. Na sutto dhammoti kāretvā sabbaṃ kilesassa pahānāya saṃvattati. Yaṃ tu suttassa ariyadhammo saṃkilesapaṭipakkho, so tena pahānaṃ gacchatīti.
41. д̇ад̇т̇а гусалз д̣̇зсид̇з суд̇д̇з б̣яаагаран̣з ваа сам̣гилзсаа на яуж̇ж̇анд̇и арияад̇хаммаа ваа, д̇з махаабад̣̇зсз нид̣̇д̣̇исид̇аб̣б̣ааваяавзна абагад̣дхид̇аб̣б̣аа . д̇ад̇т̇а гилзсзхи жа д̣̇зсид̇зхи арияад̇хаммзсу жа яад̣̇иби д̇зна арияад̇хаммзна д̇з гилзсаа бахаанам̣ г̇ажчанд̇и. д̇ад̇т̇аби уд̇д̇ари убабаригкид̇аб̣б̣ам̣. гзна гааран̣зна зд̇з гилзсаа баж̇ахид̇аб̣б̣аа, гзна гааран̣зна арияад̇хаммаа д̣̇зсид̇аад̇и? язна язна ваа аагаарзна арияад̇хаммаа д̣̇зсид̇аа, д̇зна д̇зна багаарзна аяам̣ гилзсо тид̇о. ад̇т̇и хи зго гилзсо, д̇зна ваа арияад̇хаммаа на ан̃н̃ат̇аа ан̃н̃ат̇аа бахаад̇аб̣б̣о, яат̇аа д̣̇идти рааг̇о авиж̇ж̇аа жа д̣̇ассанзна бахаад̇аб̣б̣аа. саа жз зван̃жа авиж̇ж̇аа бхааванааяа бхууми ваа д̇хаммаа бхааванааяа бахаад̇аб̣б̣аа. сааязва уд̣̇д̇хам̣бхааг̇ияам̣ асан̇кад̇ад̣̇ассанааяа вимуд̇д̇ияаа анимид̇д̇зна жзд̇осамаад̇хинаа аманасигаарзна бахийяад̇и. звам̣ саад̇т̇ам̣ саб̣яан̃ж̇анам̣ убабаригкид̇аб̣б̣ам̣. яз д̣̇ассанзна бахаад̇аб̣б̣аа гилзсаа д̣̇ассанаагаарзна арияад̇хаммо д̣̇зсид̇о, бхааванааяа бахаад̇аб̣б̣аа бхааванаагаарзна арияад̇хаммо д̣̇зсид̇о, бад̇исзванаа бахаад̇аб̣б̣аа бад̇исзванаагаарзна арияад̇хаммо д̣̇зсид̇о, звам̣ винод̣̇анабахаад̇аб̣б̣аа яаава сад̇д̇а аасаваа гаад̇аб̣б̣аа, яааван̃н̃ат̇аа. ан̃н̃ат̇аа хзса д̇хаммо бахаад̇аб̣б̣о ан̃н̃знаагаарзна арияад̇хаммо д̣̇зсид̇о, со арияад̇хаммо ан̃н̃ат̇аа бариязсид̇аб̣б̣о. яад̣̇и аяам̣ д̇хаммо бариязсад̇о яо жа д̣̇зсзд̇и язна язнаагаарзна, со арияад̇хаммо бариязсид̇аб̣б̣о, д̇знаагаарзна гилзсо бахийяад̇и. со д̇ад̇т̇а убабаригкид̇аб̣б̣о. ат̇а на яуж̇ж̇ад̇и яад̣̇и хи д̇зна суд̇д̇зна вихид̇ам̣ суд̇д̇ам̣ виймам̣сид̇аб̣б̣ам̣. яат̇аа яуж̇ж̇ад̇и, д̇ат̇аа г̇ахзд̇аб̣б̣ам̣. яат̇аа на яуж̇ж̇ад̇и, д̇ат̇аа на г̇ахзд̇аб̣б̣ам̣, ад̣̇д̇хаа зд̇ам̣ бхаг̇авад̇аа на бхаасид̇ам̣, ааяасмад̇аа ваа д̣̇уг̇г̇ахид̇ам̣, яат̇аа махаабад̣̇зсз нид̣̇д̣̇исид̇аб̣б̣ам̣, бхаг̇авад̇аа яат̇аабхууд̇ам̣ д̣̇зсид̇ам̣, яо жа д̇хаммо д̣̇зсид̇о гусало жа агусало жа д̇асса д̇хаммасса бажжаяо бариязсид̇аб̣б̣о. на хи бажжаяаа винаа д̇хаммо аббажжаяо уббаж̇ж̇ад̇и. д̇ад̇т̇а го аагааро бариязсанааяа?
41. Tattha kusale desite sutte byākaraṇe vā saṃkilesā na yujjanti ariyadhammā vā, te mahāpadese niddisitabbāvayavena apakaḍḍhitabbā . Tattha kilesehi ca desitehi ariyadhammesu ca yadipi tena ariyadhammena te kilesā pahānaṃ gacchanti. Tatthapi uttari upaparikkhitabbaṃ. Kena kāraṇena ete kilesā pajahitabbā, kena kāraṇena ariyadhammā desitāti? Yena yena vā ākārena ariyadhammā desitā, tena tena pakārena ayaṃ kileso ṭhito. Atthi hi eko kileso, tena vā ariyadhammā na aññathā aññathā pahātabbo, yathā diṭṭhi rāgo avijjā ca dassanena pahātabbā. Sā ce evañca avijjā bhāvanāya bhūmi vā dhammā bhāvanāya pahātabbā. Sāyeva uddhaṃbhāgiyaṃ asaṅkhatadassanāya vimuttiyā animittena cetosamādhinā amanasikārena pahīyati. Evaṃ sātthaṃ sabyañjanaṃ upaparikkhitabbaṃ. Ye dassanena pahātabbā kilesā dassanākārena ariyadhammo desito, bhāvanāya pahātabbā bhāvanākārena ariyadhammo desito, patisevanā pahātabbā patisevanākārena ariyadhammo desito, evaṃ vinodanapahātabbā yāva satta āsavā kātabbā, yāvaññathā. Aññathā hesa dhammo pahātabbo aññenākārena ariyadhammo desito, so ariyadhammo aññathā pariyesitabbo. Yadi ayaṃ dhammo pariyesato yo ca deseti yena yenākārena, so ariyadhammo pariyesitabbo, tenākārena kileso pahīyati. So tattha upaparikkhitabbo. Atha na yujjati yadi hi tena suttena vihitaṃ suttaṃ vīmaṃsitabbaṃ. Yathā yujjati, tathā gahetabbaṃ. Yathā na yujjati, tathā na gahetabbaṃ, addhā etaṃ bhagavatā na bhāsitaṃ, āyasmatā vā duggahitaṃ, yathā mahāpadese niddisitabbaṃ, bhagavatā yathābhūtaṃ desitaṃ, yo ca dhammo desito kusalo ca akusalo ca tassa dhammassa paccayo pariyesitabbo. Na hi paccayā vinā dhammo appaccayo uppajjati. Tattha ko ākāro pariyesanāya?
д̇ад̇т̇а д̇ат̇ааруубам̣ сахзд̇у саббажжаяам̣ сояам̣ д̇хаммо вуд̇д̇од̇и ид̣̇ам̣ виймам̣сид̇аб̣б̣ам̣. со жа бажжаяо д̇ивид̇хо – муд̣̇у маж̇жхо ад̇химад̇д̇о. д̇ад̇т̇а муд̣̇умхи бажжаяз муд̣̇уд̇хаммо г̇ахзд̇аб̣б̣о, звам̣ сад̇язса бажжаяо д̣̇увид̇хо барам̣бараабажжаяо жа самананд̇арабажжаяо жа. со бажжаяо муд̣̇уд̇зна б̣яаад̇химад̇д̇ам̣ бариязсид̇аб̣б̣ам̣. гим̣ гааран̣ам̣? ан̃н̃ад̇ароби бажжаяо ан̃н̃зхи бажжаязхи барияад̇д̇им̣ ваа баарибуурим̣ ваа г̇ажчад̇и . д̇ад̇т̇а яо д̇хаммо д̣̇зсид̇о, д̇асса д̇хаммасса зд̇зна ваа гааран̣зна ваа хзд̇у бариязсид̇аб̣б̣о. яат̇аа бажжаяо хзд̇унаа бажжаязна жа, со д̇асса д̇хаммасса ниссанд̣̇о бариязсид̇аб̣б̣о. яат̇аа нид̣̇д̣̇идто ад̇хидтаанз бад̇хаанам̣ бариязсад̇и, со бажжаяо бариязсид̇аб̣б̣о. на хи муд̣̇усса д̇хаммасса ад̇химад̇д̇о ниссанд̣̇о ад̇химад̇д̇асса ваа ниссанд̣̇асса муд̣̇уд̇хаммо, ат̇а муд̣̇усса муд̣̇у маж̇жхааяа маж̇жхо ад̇химад̇д̇асса ад̇химад̇д̇о яуж̇ж̇ад̇и, д̇ам̣ г̇ахзд̇аб̣б̣ам̣, ат̇а на яуж̇ж̇ад̇и на г̇ахзд̇аб̣б̣ам̣. яан̃жа бхаг̇аваа аарабхад̇и д̇хаммам̣ д̣̇зсзд̇ум̣, д̇ам̣язва д̇хаммам̣ маж̇жханд̇абарияосаанам̣ д̣̇зсзд̇и, яат̇аа суд̇д̇аад̇хидтаанз д̇хаммаа аад̣̇имхи нид̣̇д̣̇исад̇и, д̇ам̣язва б̣аху д̇асса суд̇д̇асса барияосаанам̣. д̇асса хи д̇хаммасса васзна д̇ам̣ суд̇д̇ам̣ ход̇и г̇аат̇аа ваа б̣яаагаран̣ам̣ куд̣̇д̣̇агам̣ маханд̇ам̣ ваа, яат̇аа бана д̣̇увид̇хаа ануруубанд̇и ваа т̇абанаа жа д̣̇зсанаат̇абанаа. руубанд̇иби д̇хаммасса бариязсид̇аб̣б̣аа. яат̇аа жа бхаг̇авад̇аа бан̃жаннам̣ инд̣̇рияаанам̣ сам̣варан̣ам̣ д̣̇зсид̇ам̣ д̇ан̣хааяа ниг̇г̇ахан̣ад̇т̇ам̣ ижчаава ход̇и. д̣̇зсзд̇и яат̇аа г̇обаалагобамз суд̇д̇з ан̃н̃зхиби суд̇д̇зхи бхаг̇аваа бхаасад̇и ижчаава ход̇и маж̇жхиманигааяз вид̇агго аяам̣ бхаг̇авад̇о д̣̇зсанаануруубанд̇и ид̇и со д̇хаммо ан̃н̃зсуби взяяаагаран̣зсу бариязсид̇аб̣б̣о. на хи згам̣ хи суд̇д̇з д̣̇адтаб̣б̣о. яуж̇ж̇анам̣ д̇ам̣ г̇ахзд̇аб̣б̣ам̣.
Tattha tathārūpaṃ sahetu sappaccayaṃ soyaṃ dhammo vuttoti idaṃ vīmaṃsitabbaṃ. So ca paccayo tividho – mudu majjho adhimatto. Tattha mudumhi paccaye mududhammo gahetabbo, evaṃ satyesa paccayo duvidho paraṃparāpaccayo ca samanantarapaccayo ca. So paccayo mudutena byādhimattaṃ pariyesitabbaṃ. Kiṃ kāraṇaṃ? Aññataropi paccayo aññehi paccayehi pariyattiṃ vā pāripūriṃ vā gacchati . Tattha yo dhammo desito, tassa dhammassa etena vā kāraṇena vā hetu pariyesitabbo. Yathā paccayo hetunā paccayena ca, so tassa dhammassa nissando pariyesitabbo. Yathā niddiṭṭho adhiṭṭhāne padhānaṃ pariyesati, so paccayo pariyesitabbo. Na hi mudussa dhammassa adhimatto nissando adhimattassa vā nissandassa mududhammo, atha mudussa mudu majjhāya majjho adhimattassa adhimatto yujjati, taṃ gahetabbaṃ, atha na yujjati na gahetabbaṃ. Yañca bhagavā ārabhati dhammaṃ desetuṃ, taṃyeva dhammaṃ majjhantapariyosānaṃ deseti, yathā suttādhiṭṭhāne dhammā ādimhi niddisati, taṃyeva bahu tassa suttassa pariyosānaṃ. Tassa hi dhammassa vasena taṃ suttaṃ hoti gāthā vā byākaraṇaṃ khuddakaṃ mahantaṃ vā, yathā pana duvidhā anurūpanti vā thapanā ca desanāthapanā. Rūpantipi dhammassa pariyesitabbā. Yathā ca bhagavatā pañcannaṃ indriyānaṃ saṃvaraṇaṃ desitaṃ taṇhāya niggahaṇatthaṃ icchāva hoti. Deseti yathā gopālakopame sutte aññehipi suttehi bhagavā bhāsati icchāva hoti majjhimanikāye vitakko ayaṃ bhagavato desanānurūpanti iti so dhammo aññesupi veyyākaraṇesu pariyesitabbo. Na hi ekaṃ hi sutte daṭṭhabbo. Yujjanaṃ taṃ gahetabbaṃ.
42. д̇ад̇т̇а гад̇амам̣ анун̃н̃аад̇ам̣? яам̣ гин̃жи суд̇д̇ам̣ бхаг̇авад̇аа на бхаасид̇ам̣ д̇ан̃жа суд̇д̇зсуязва нд̣̇иссад̇и, звамзд̇ам̣ д̇хаарзд̇аб̣б̣ам̣. яат̇аа асугзна бхаасид̇анд̇и, д̇ам̣ суд̇д̇ам̣ виймам̣сид̇аб̣б̣ам̣. гим̣ ну ко имам̣ суд̇д̇ам̣ анун̃н̃аад̇ам̣ камам̣ бхаг̇авад̇о уд̣̇ааху наанун̃н̃аад̇ам̣ камам̣, гин̃жи руубан̃жа суд̇д̇ам̣ бхаг̇авад̇о анун̃н̃аад̇ам̣ камам̣ гин̃жи руубан̃жа наанун̃н̃аад̇ам̣ камам̣? яам̣ саб̣б̣асо анод̇аарзд̇ваа д̣̇асаб̣ало г̇ожарам̣ д̣̇зсзд̇и, д̇ам̣ саб̣б̣ам̣ суд̇д̇ам̣ бхаг̇авад̇о наанун̃н̃аад̇ам̣ камам̣. ад̇т̇иби со сааваго д̣̇асаб̣алаанам̣ г̇ожарам̣ ж̇аанаад̇и од̇хисо анод̇хисо, д̇ам̣ бана б̣алам̣ саб̣б̣асо на ж̇аанаад̇и ан̃н̃ат̇аа наама саванзна, яат̇аа ааяасмад̇аа саарибуд̇д̇зна язна б̣раахман̣о овад̣̇ид̇о, д̇асса ааяасмад̇о над̇т̇и инд̣̇рияаб̣алавзмад̇д̇ан̃аан̣ам̣, д̇зна буг̇г̇алабаро 1 баран̃жа д̇ам̣ аж̇аананд̇о сад̇и уд̇д̇аригаран̣ийяз уббаад̣̇ид̇о, со бхаг̇авад̇аа абасаад̣̇ид̇о. яат̇аава ааяасмаа махаагассабо бхааг̇инзяяам̣ овад̣̇ад̇и ананд̇арияасаманнааг̇ад̇о ид̣̇д̇хибаадихийрзна ан̇г̇улияо ад̣̇ийбзд̇ваа яам̣ саб̣б̣зсам̣ д̇хаммаанам̣ гаммасамаад̣̇аанаанам̣ хзд̇усо таанасо яат̇аабхууд̇ам̣ н̃аан̣ам̣, д̇асса ааяасмад̇о сам̣виж̇ж̇ад̇з, д̇зна нам̣ овад̣̇ад̇и, д̇ам̣ бхаг̇аваа гарод̇и.
42. Tattha katamaṃ anuññātaṃ? Yaṃ kiñci suttaṃ bhagavatā na bhāsitaṃ tañca suttesuyeva ndissati, evametaṃ dhāretabbaṃ. Yathā asukena bhāsitanti, taṃ suttaṃ vīmaṃsitabbaṃ. Kiṃ nu kho imaṃ suttaṃ anuññātaṃ khamaṃ bhagavato udāhu nānuññātaṃ khamaṃ, kiñci rūpañca suttaṃ bhagavato anuññātaṃ khamaṃ kiñci rūpañca nānuññātaṃ khamaṃ? Yaṃ sabbaso anotāretvā dasabalo gocaraṃ deseti, taṃ sabbaṃ suttaṃ bhagavato nānuññātaṃ khamaṃ. Atthipi so sāvako dasabalānaṃ gocaraṃ jānāti odhiso anodhiso, taṃ pana balaṃ sabbaso na jānāti aññathā nāma savanena, yathā āyasmatā sāriputtena yena brāhmaṇo ovadito, tassa āyasmato natthi indriyabalavemattañāṇaṃ, tena puggalaparo 2 parañca taṃ ajānanto sati uttarikaraṇīye uppādito, so bhagavatā apasādito. Yathāva āyasmā mahākassapo bhāgineyyaṃ ovadati anantariyasamannāgato iddhipāṭihīrena aṅguliyo adīpetvā yaṃ sabbesaṃ dhammānaṃ kammasamādānānaṃ hetuso ṭhānaso yathābhūtaṃ ñāṇaṃ, tassa āyasmato saṃvijjate, tena naṃ ovadati, taṃ bhagavā karoti.
‘‘сажзби д̣̇аса баж̇ж̇од̇з, д̇хаараяиссаси гассаба;
‘‘Sacepi dasa pajjote, dhārayissasi kassapa;
нзва д̣̇агкад̇и руубаани, жагку д̇асса на виж̇ж̇ад̇ий’’д̇и.
Neva dakkhati rūpāni, cakkhu tassa na vijjatī’’ti.
аби жа ко яат̇аа д̣̇ууд̇о рааж̇аважанзна сад̇д̇аманусаасад̇и, звам̣ сзсаануг̇о ан̃н̃аад̇агам̣ гхосам̣ барзсам̣ д̣̇зсзд̇и. анун̃н̃аад̇акамасуд̇д̇ам̣ г̇ахзд̇аб̣б̣ам̣. ананун̃н̃аад̇акамам̣ на г̇ахзд̇аб̣б̣ам̣.
Api ca kho yathā dūto rājavacanena sattamanusāsati, evaṃ sesānugo aññātakaṃ ghosaṃ paresaṃ deseti. Anuññātakhamasuttaṃ gahetabbaṃ. Ananuññātakhamaṃ na gahetabbaṃ.
д̇ад̇т̇а гад̇амо суд̇д̇асан̇гаро? бан̃жавид̇хам̣ суд̇д̇ам̣, сам̣гилзсабхааг̇ияам̣ ваасанаабхааг̇ияам̣ д̣̇ассанабхааг̇ияам̣ бхааванаабхааг̇ияам̣ асзгкабхааг̇ияам̣. ан̃н̃ам̣ аараад̇хзяяа ан̃н̃ам̣ д̣̇зсзд̇и ан̃н̃асса жа суд̇д̇асса ад̇т̇ам̣ ан̃н̃амхи суд̇д̇з нид̣̇д̣̇исад̇и. суд̇д̇асса ваа хи анзгаагаарам̣ ад̇т̇ам̣ нид̣̇д̣̇исад̇и. арияад̇хаммасаад̇ханз ад̇т̇ам̣ виварад̇и. ваасанаабхааг̇ияасса ад̇т̇ам̣ д̣̇ассанабхааг̇иязсу нид̣̇д̣̇исад̇и. орамбхааг̇ияаанам̣ сам̣яож̇анаанам̣ ад̇т̇ам̣ уд̣̇д̇хам̣бхааг̇иязсу нид̣̇д̣̇исад̇и. муд̣̇умаж̇жхаанам̣ инд̣̇рияаанам̣ ад̇химад̇д̇зсу суд̇д̇зсу нид̣̇д̣̇исад̇и. ид̇и аяам̣ суд̇д̇ам̣ самбхзд̣̇ам̣ хзд̇унаа жа ниссанд̣̇зна жа палзна жа нид̣̇д̣̇зсзна жа муд̣̇умаж̇жхаад̇химад̇д̇ад̇ааяаби жа ад̇т̇зна жа б̣яан̃ж̇анзна жа яо самбхзд̣̇о, аяам̣ вужжад̇и суд̇д̇асан̇гаро. яо асамбхзд̣̇о, аяам̣ вужжад̇и суд̇д̇авижаяо.
Tattha katamo suttasaṅkaro? Pañcavidhaṃ suttaṃ, saṃkilesabhāgiyaṃ vāsanābhāgiyaṃ dassanabhāgiyaṃ bhāvanābhāgiyaṃ asekkhabhāgiyaṃ. Aññaṃ ārādheyya aññaṃ deseti aññassa ca suttassa atthaṃ aññamhi sutte niddisati. Suttassa vā hi anekākāraṃ atthaṃ niddisati. Ariyadhammasādhane atthaṃ vivarati. Vāsanābhāgiyassa atthaṃ dassanabhāgiyesu niddisati. Orambhāgiyānaṃ saṃyojanānaṃ atthaṃ uddhaṃbhāgiyesu niddisati. Mudumajjhānaṃ indriyānaṃ adhimattesu suttesu niddisati. Iti ayaṃ suttaṃ sambhedaṃ hetunā ca nissandena ca phalena ca niddesena ca mudumajjhādhimattatāyapi ca atthena ca byañjanena ca yo sambhedo, ayaṃ vuccati suttasaṅkaro. Yo asambhedo, ayaṃ vuccati suttavicayo.
д̇ад̇т̇ааяам̣ уд̣̇д̣̇аанаг̇аат̇аа
Tatthāyaṃ uddānagāthā
буримаанам̣ агкан̣д̣ам̣, яат̇аабхууд̇асса бажжаяо;
Purimānaṃ akkhaṇḍaṃ, yathābhūtassa paccayo;
ниссанд̣̇о ваасанаасад̣̇д̇хи, анун̃н̃аа суд̇д̇асан̇гаро.
Nissando vāsanāsaddhi, anuññā suttasaṅkaro.
т̇зрасса махаагажжааяанасса
Therassa mahākaccāyanassa
суд̇д̇авижаяо наама жад̇уд̇т̇абхууми.
Suttavicayo nāma catutthabhūmi.
Footnotes:
