| Library / Tipiṭaka / திபிடக • Tipiṭaka / ஸாரத்த²தீ³பனீ-டீகா • Sāratthadīpanī-ṭīkā |
6. ஸுத்தவிஞ்ஞத்திஸிக்கா²பத³வண்ணனா
6. Suttaviññattisikkhāpadavaṇṇanā
636. ச²ட்டே² பாளியங் சீவரகாரஸமயேதி இமினா வஸ்ஸங்வுத்த²பி⁴க்கூ²னங் சீவரகம்மஸமயத்தா சீவரமாஸோ வுத்தோ, அத²ஞ்ஞோபி பன சீவரகம்மகாலோ சீவரகாரஸமயோதி வத்துங் வட்டதி.
636. Chaṭṭhe pāḷiyaṃ cīvarakārasamayeti iminā vassaṃvutthabhikkhūnaṃ cīvarakammasamayattā cīvaramāso vutto, athaññopi pana cīvarakammakālo cīvarakārasamayoti vattuṃ vaṭṭati.
638. பஞ்சஹிபி மிஸ்ஸெத்வாதி கோ²மாதீ³ஹி பஞ்சஹி மிஸ்ஸெத்வா. வீதவீதட்டா²னங் யத்த² ஸங்ஹரித்வா ட²பெந்தி, தஸ்ஸ துரீதி அதி⁴வசனங். ஸுத்தங் பவேஸெத்வா யேன ஆகோடெந்தா க⁴னபா⁴வங் ஸம்பாதெ³ந்தி, தங் வேமந்தி வுச்சதி. யங் யந்தி யங் யங் பயோக³ங். தந்தூனங் அத்தனோ ஸந்தகத்தா வீதவீதட்டா²னங் படிலத்³த⁴மேவ ஹோதீதி ஆஹ ‘‘தீ³க⁴தோ…பே॰… வீதே நிஸ்ஸக்³கி³யங் பாசித்திய’’ந்தி. பாளியம்பி ஹி இமினாவ அதி⁴ப்பாயேன ‘‘படிலாபே⁴ன நிஸ்ஸக்³கி³ய’’ந்தி வுத்தங், தஸ்மா யாவ சீவரங் வட்³ட⁴தி, தாவ இமினா பமாணேன ஆபத்தியோ வட்³ட⁴ந்தி.
638.Pañcahipimissetvāti khomādīhi pañcahi missetvā. Vītavītaṭṭhānaṃ yattha saṃharitvā ṭhapenti, tassa turīti adhivacanaṃ. Suttaṃ pavesetvā yena ākoṭentā ghanabhāvaṃ sampādenti, taṃ vemanti vuccati. Yaṃ yanti yaṃ yaṃ payogaṃ. Tantūnaṃ attano santakattā vītavītaṭṭhānaṃ paṭiladdhameva hotīti āha ‘‘dīghato…pe… vīte nissaggiyaṃ pācittiya’’nti. Pāḷiyampi hi imināva adhippāyena ‘‘paṭilābhena nissaggiya’’nti vuttaṃ, tasmā yāva cīvaraṃ vaḍḍhati, tāva iminā pamāṇena āpattiyo vaḍḍhanti.
ஸேஸோ கப்பியோதி எத்த² ஹத்த²கம்மயாசனவஸேன. புப்³பே³ வுத்தனயேன நிஸ்ஸக்³கி³யந்தி தீ³க⁴ஸோ வித³த்தி²மத்தே திரியங் ஹத்த²மத்தே ச வீதே நிஸ்ஸக்³கி³யங். தேனேவாதி அகப்பியதந்தவாயேன. ததே²வ து³க்கடந்தி பரிச்சே²தே³ பரிச்சே²தே³ து³க்கடங். கேதா³ரப³த்³தா⁴தீ³ஹீதி ஆதி³-ஸத்³தே³ன அச்சி²மண்ட³லப³த்³தா⁴தி³ க³ஹிதங். தந்தே டி²தங்யேவ அதி⁴ட்டா²தப்³ப³ந்தி எத்த² ‘‘பச்சா² வீதட்டா²னங் அதி⁴ட்டி²தக³திகமேவ ஹோதி, புன அதி⁴ட்டா²னகிச்சங் நத்தி². ஸசே பன பரிச்சே²த³ங் த³ஸ்ஸெத்வா அந்தரந்தரா அவீதங் ஹோதி, புன அதி⁴ட்டா²தப்³ப³’’ந்தி வத³ந்தி. ஏஸேவ நயோதி விகப்பனுபக³ப்பமாணமத்தே வீதே தந்தே டி²தங்யேவ அதி⁴ட்டா²தப்³ப³ந்தி அத்தோ². சீவரத்தா²ய விஞ்ஞாபிதஸுத்தங், அத்துத்³தே³ஸிகதா, அகப்பியதந்தவாயேன வாயாபனந்தி இமானெத்த² தீணி அங்கா³னி.
Seso kappiyoti ettha hatthakammayācanavasena. Pubbe vuttanayena nissaggiyanti dīghaso vidatthimatte tiriyaṃ hatthamatte ca vīte nissaggiyaṃ. Tenevāti akappiyatantavāyena. Tatheva dukkaṭanti paricchede paricchede dukkaṭaṃ. Kedārabaddhādīhīti ādi-saddena acchimaṇḍalabaddhādi gahitaṃ. Tante ṭhitaṃyeva adhiṭṭhātabbanti ettha ‘‘pacchā vītaṭṭhānaṃ adhiṭṭhitagatikameva hoti, puna adhiṭṭhānakiccaṃ natthi. Sace pana paricchedaṃ dassetvā antarantarā avītaṃ hoti, puna adhiṭṭhātabba’’nti vadanti. Eseva nayoti vikappanupagappamāṇamatte vīte tante ṭhitaṃyeva adhiṭṭhātabbanti attho. Cīvaratthāya viññāpitasuttaṃ, attuddesikatā, akappiyatantavāyena vāyāpananti imānettha tīṇi aṅgāni.
மாதிகாட்ட²கதா²யங் (கங்கா²॰ அட்ட²॰ ஸுத்தவிஞ்ஞத்திஸிக்கா²பத³வண்ணனா) பன வாயாபெய்யாதி எத்த² ‘‘சீவரங் மே, ஆவுஸோ, வாயதா²தி அகப்பியவிஞ்ஞத்தியா வாயாபெய்யா’’தி அத்த²ங் வத்வா அங்கே³ஸுபி ‘‘அகப்பியதந்தவாயேன அகப்பியவிஞ்ஞத்தியா வாயாபன’’ந்தி விஸேஸெத்வா வுத்தங், ததா²வித⁴ங் பன விஸேஸவசனங் நேவ பாளியங், ந அட்ட²கதா²யங் உபலப்³ப⁴தி. பாளியம்பி ‘‘ஞாதகானங் பவாரிதான’’ந்தி எத்தகமேவ அனாபத்திவாரே வுத்தங், அட்ட²கதா²யஞ்ச ஸுத்ததந்தவாயானமேவ கப்பியாகப்பியபா⁴வேன ப³ஹுதா⁴ நயோ த³ஸ்ஸிதோ , ந கப்பியாகப்பியவிஞ்ஞத்திவஸேனாதி. ‘‘அகப்பியவிஞ்ஞத்தியா வாயாபெய்யா’’தி ச விஸேஸெத்வா வத³ந்தேன அயங் நாம கப்பியவிஞ்ஞத்தீதி விஸுங் ந த³ஸ்ஸிதங், தஸ்மா வீமங்ஸித்வா க³ஹேதப்³ப³ங்.
Mātikāṭṭhakathāyaṃ (kaṅkhā. aṭṭha. suttaviññattisikkhāpadavaṇṇanā) pana vāyāpeyyāti ettha ‘‘cīvaraṃ me, āvuso, vāyathāti akappiyaviññattiyā vāyāpeyyā’’ti atthaṃ vatvā aṅgesupi ‘‘akappiyatantavāyena akappiyaviññattiyā vāyāpana’’nti visesetvā vuttaṃ, tathāvidhaṃ pana visesavacanaṃ neva pāḷiyaṃ, na aṭṭhakathāyaṃ upalabbhati. Pāḷiyampi ‘‘ñātakānaṃ pavāritāna’’nti ettakameva anāpattivāre vuttaṃ, aṭṭhakathāyañca suttatantavāyānameva kappiyākappiyabhāvena bahudhā nayo dassito , na kappiyākappiyaviññattivasenāti. ‘‘Akappiyaviññattiyā vāyāpeyyā’’ti ca visesetvā vadantena ayaṃ nāma kappiyaviññattīti visuṃ na dassitaṃ, tasmā vīmaṃsitvā gahetabbaṃ.
ஸுத்தவிஞ்ஞத்திஸிக்கா²பத³வண்ணனா நிட்டி²தா.
Suttaviññattisikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 6. ஸுத்தவிஞ்ஞத்திஸிக்கா²பத³ங் • 6. Suttaviññattisikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 6. ஸுத்தவிஞ்ஞத்திஸிக்கா²பத³வண்ணனா • 6. Suttaviññattisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 6. ஸுத்தவிஞ்ஞத்திஸிக்கா²பத³வண்ணனா • 6. Suttaviññattisikkhāpadavaṇṇanā
