| Library / Tipiṭaka / திபிடக • Tipiṭaka / விமதிவினோத³னீ-டீகா • Vimativinodanī-ṭīkā |
6. ஸுத்தவிஞ்ஞத்திஸிக்கா²பத³வண்ணனா
6. Suttaviññattisikkhāpadavaṇṇanā
636. ச²ட்டே² வீதவீதட்டா²னங் யஸ்மிங் சதுரஸ்ஸதா³ரும்ஹி பலிவேடெ²ந்தி, தஸ்ஸ துரீதி நாமங். வாயந்தா திரியங் ஸுத்தங் பவேஸெத்வா யேன ஆகோடெந்தா வத்தே² க⁴னபா⁴வங் ஆபாதெ³ந்தி, தங் ‘‘வேம’’ந்தி வுச்சதி.
636. Chaṭṭhe vītavītaṭṭhānaṃ yasmiṃ caturassadārumhi paliveṭhenti, tassa turīti nāmaṃ. Vāyantā tiriyaṃ suttaṃ pavesetvā yena ākoṭentā vatthe ghanabhāvaṃ āpādenti, taṃ ‘‘vema’’nti vuccati.
‘‘இதரஸ்மிங் ததே²வ து³க்கட’’ந்தி இமினா வாயிதுங் ஆரத்³த⁴காலதோ பட்டா²ய யதா²வுத்தபரிச்சே²த³னிட்டி²தேயேவ து³க்கடம்பி ஹோதி, ந ததோ புப்³பே³ வாயனபயோகே³ஸூதி த³ஸ்ஸேதி.
‘‘Itarasmiṃ tatheva dukkaṭa’’nti iminā vāyituṃ āraddhakālato paṭṭhāya yathāvuttaparicchedaniṭṭhiteyeva dukkaṭampi hoti, na tato pubbe vāyanapayogesūti dasseti.
தந்தே டி²தங்யேவ அதி⁴ட்டா²தப்³ப³ந்தி எத்த² ஏகவாரங் அதி⁴ட்டி²தே பச்சா² வீதங் அதி⁴ட்டி²தக³திகமேவ ஹோதி, புன அதி⁴ட்டா²னகிச்சங் நத்தி². ஸசே பன அந்தரந்தரா த³ஸா ட²பெத்வா விஸுங் விஸுங் ஸபரிச்சே²த³ங் வீதங் ஹோதி, பச்சேகங் அதி⁴ட்டா²தப்³ப³மேவாதி த³ட்ட²ப்³ப³ங். எத்த² ச கப்பியஸுத்தங் க³ஹெத்வா அஞ்ஞாதகஅப்பவாரிதேனாபி அகப்பியதந்தவாயேன ‘‘ஸுத்தமத்தி², வாயந்தோ நத்தீ²’’திஆதி³பரியாயமுகே²ன வாயாபெந்தஸ்ஸ அனாபத்தி. தேனேவ மாதிகாட்ட²கதா²யங் (கங்கா²॰ அட்ட²॰ ஸுத்தவிஞ்ஞத்திஸிக்கா²பத³வண்ணனா) ‘‘வாயாபெய்யா’’தி பத³ஸ்ஸ ‘‘சீவரங் மே, ஆவுஸோ, வாயதா²தி அகப்பியவிஞ்ஞத்தியா வாயாபெய்யா’’தி அத்தோ² வுத்தோ, ஏவங் வத³ந்தோ அகப்பியதந்தவாயேன வாயாபேதி நாம, நாஞ்ஞதா².
Tanteṭhitaṃyeva adhiṭṭhātabbanti ettha ekavāraṃ adhiṭṭhite pacchā vītaṃ adhiṭṭhitagatikameva hoti, puna adhiṭṭhānakiccaṃ natthi. Sace pana antarantarā dasā ṭhapetvā visuṃ visuṃ saparicchedaṃ vītaṃ hoti, paccekaṃ adhiṭṭhātabbamevāti daṭṭhabbaṃ. Ettha ca kappiyasuttaṃ gahetvā aññātakaappavāritenāpi akappiyatantavāyena ‘‘suttamatthi, vāyanto natthī’’tiādipariyāyamukhena vāyāpentassa anāpatti. Teneva mātikāṭṭhakathāyaṃ (kaṅkhā. aṭṭha. suttaviññattisikkhāpadavaṇṇanā) ‘‘vāyāpeyyā’’ti padassa ‘‘cīvaraṃ me, āvuso, vāyathāti akappiyaviññattiyā vāyāpeyyā’’ti attho vutto, evaṃ vadanto akappiyatantavāyena vāyāpeti nāma, nāññathā.
640. அனாபத்தி சீவரங் ஸிப்³பே³துந்திஆதீ³ஸு இமினா ஸிக்கா²பதே³னேவ அனாபத்தி, அகதவிஞ்ஞத்திபச்சயா பன து³க்கடமேவாதி வத³ந்தி. அகப்பியஸுத்ததா, அத்துத்³தே³ஸிகதா, அகப்பியதந்தவாயேன அகப்பியவிஞ்ஞத்தியா வாயாபனந்தி இமானெத்த² தீணி அங்கா³னி.
640.Anāpatti cīvaraṃ sibbetuntiādīsu iminā sikkhāpadeneva anāpatti, akataviññattipaccayā pana dukkaṭamevāti vadanti. Akappiyasuttatā, attuddesikatā, akappiyatantavāyena akappiyaviññattiyā vāyāpananti imānettha tīṇi aṅgāni.
ஸுத்தவிஞ்ஞத்திஸிக்கா²பத³வண்ணனா நிட்டி²தா.
Suttaviññattisikkhāpadavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 6. ஸுத்தவிஞ்ஞத்திஸிக்கா²பத³ங் • 6. Suttaviññattisikkhāpadaṃ
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 6. ஸுத்தவிஞ்ஞத்திஸிக்கா²பத³வண்ணனா • 6. Suttaviññattisikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 6. ஸுத்தவிஞ்ஞத்திஸிக்கா²பத³வண்ணனா • 6. Suttaviññattisikkhāpadavaṇṇanā
