| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
6. суд̇д̇авин̃н̃ад̇д̇исигкаабад̣̇аван̣н̣анаа
6. Suttaviññattisikkhāpadavaṇṇanā
чаб̣б̣ид̇хам̣ комасуд̇д̇аад̣̇инд̇и ‘‘суд̇д̇ам̣ наама ча суд̇д̇аани комам̣ габбаасигам̣ госзяяам̣ гамб̣алам̣ саан̣ам̣ бхан̇г̇а’’нд̇и (баараа. 638) звам̣ вуд̇д̇ам̣ чаб̣б̣ид̇хам̣ комасуд̇д̇аад̣̇им̣. д̇ад̇т̇а команд̇и (баараа. адта. 2.636-38) комаваагзхи гад̇асуд̇д̇ам̣. габбаасиганд̇и габбаасад̇о ниб̣б̣ад̇д̇ам̣. госзяяанд̇и госияам̣суухи ганд̇ид̇ваа гад̇асуд̇д̇ам̣. гамб̣аланд̇и зл̣агаломасуд̇д̇ам̣. саан̣анд̇и саан̣аваагзна гад̇асуд̇д̇ам̣. бхан̇г̇анд̇и баадзггам̣ ваагасуд̇д̇амзваад̇и згз. бан̃жахиби миссзд̇ваа гад̇асуд̇д̇ам̣ бана ‘‘бхан̇г̇а’’нд̇и взд̣̇ид̇аб̣б̣ам̣. д̇зсам̣ ануломанд̇и д̇зсам̣ комаад̣̇ийнам̣ ануломам̣ д̣̇угуулам̣ бад̇д̇ун̣н̣ам̣ сомаарабаддам̣ жийнабаддам̣ ид̣̇д̇хиж̇ам̣ д̣̇звад̣̇иннанд̇и чаб̣б̣ид̇хам̣ суд̇д̇ам̣.
Chabbidhaṃ khomasuttādinti ‘‘suttaṃ nāma cha suttāni khomaṃ kappāsikaṃ koseyyaṃ kambalaṃ sāṇaṃ bhaṅga’’nti (pārā. 638) evaṃ vuttaṃ chabbidhaṃ khomasuttādiṃ. Tattha khomanti (pārā. aṭṭha. 2.636-38) khomavākehi katasuttaṃ. Kappāsikanti kappāsato nibbattaṃ. Koseyyanti kosiyaṃsūhi kantitvā katasuttaṃ. Kambalanti eḷakalomasuttaṃ. Sāṇanti sāṇavākena katasuttaṃ. Bhaṅganti pāṭekkaṃ vākasuttamevāti eke. Pañcahipi missetvā katasuttaṃ pana ‘‘bhaṅga’’nti veditabbaṃ. Tesaṃ anulomanti tesaṃ khomādīnaṃ anulomaṃ dukūlaṃ pattuṇṇaṃ somārapaṭṭaṃ cīnapaṭṭaṃ iddhijaṃ devadinnanti chabbidhaṃ suttaṃ.
д̇урийд̇и вааяануубагаран̣о зго д̣̇ан̣д̣о, вийд̇авийд̇адтаанам̣ яад̇т̇а сам̣харид̇ваа табзнд̇и. взманд̇и вааяануубагаран̣о зго д̣̇ан̣д̣о, суд̇д̇ам̣ бавзсзд̇ваа язна аагодзнд̇о гханабхаавам̣ самбаад̣̇знд̇и. д̇асса саб̣б̣аббаяог̇зсу д̣̇уггаданд̇и д̇анд̇авааяасса яз д̇з д̇уривзмасаж̇ж̇анаад̣̇игаа баяог̇аа, д̇зсу саб̣б̣зсу баяог̇зсу бхигкусса д̣̇уггадам̣, д̇асса д̇анд̇авааяасса баяог̇з баяог̇з бхигкусса д̣̇уггаданд̇и вуд̇д̇ам̣ ход̇и. д̇уриаад̣̇ийнам̣ абхаавз д̇зсам̣ гаран̣ад̇т̇ам̣ ваасипарасуаад̣̇ийнам̣ маг̇г̇ананисаанаругкажчзд̣̇анаад̣̇исаб̣б̣аббаяог̇зби зсзва наяо. д̇анд̇уунам̣ ад̇д̇ано санд̇агад̇д̇аа вийд̇авийд̇адтаанам̣ бадилад̣̇д̇хамзва ход̇ийд̇и ааха ‘‘бадилаабхзна ниссаг̇г̇ияам̣ ход̇ий’’д̇и, вигаббанубаг̇абажчимажийвараббамаан̣з вийд̇з ниссаг̇г̇ияам̣ ход̇ийд̇и вуд̇д̇ам̣ ход̇и. д̇знзва вагкад̇и ‘‘д̣̇ийгхад̇о вид̣̇ад̇т̇имад̇д̇з, д̇ирияан̃жа хад̇т̇амад̇д̇з вийд̇з ниссаг̇г̇ияам̣ баажид̇д̇ияа’’нд̇и. зд̇т̇а жа ‘‘ид̣̇ам̣ мз, бханд̇з, жийварам̣ саамам̣ суд̇д̇ам̣ вин̃н̃аабзд̇ваа д̇анд̇авааязхи вааяаабид̇ам̣ ниссаг̇г̇ияа’’нд̇и иминаа наязна ниссаж̇ж̇анавид̇хаанам̣ взд̣̇ид̇аб̣б̣ам̣.
Turīti vāyanūpakaraṇo eko daṇḍo, vītavītaṭṭhānaṃ yattha saṃharitvā ṭhapenti. Vemanti vāyanūpakaraṇo eko daṇḍo, suttaṃ pavesetvā yena ākoṭento ghanabhāvaṃ sampādenti. Tassa sabbappayogesu dukkaṭanti tantavāyassa ye te turivemasajjanādikā payogā, tesu sabbesu payogesu bhikkhussa dukkaṭaṃ, tassa tantavāyassa payoge payoge bhikkhussa dukkaṭanti vuttaṃ hoti. Turiādīnaṃ abhāve tesaṃ karaṇatthaṃ vāsipharasuādīnaṃ maggananisānarukkhacchedanādisabbappayogepi eseva nayo. Tantūnaṃ attano santakattā vītavītaṭṭhānaṃ paṭiladdhameva hotīti āha ‘‘paṭilābhena nissaggiyaṃ hotī’’ti, vikappanupagapacchimacīvarappamāṇe vīte nissaggiyaṃ hotīti vuttaṃ hoti. Teneva vakkhati ‘‘dīghato vidatthimatte, tiriyañca hatthamatte vīte nissaggiyaṃ pācittiya’’nti. Ettha ca ‘‘idaṃ me, bhante, cīvaraṃ sāmaṃ suttaṃ viññāpetvā tantavāyehi vāyāpitaṃ nissaggiya’’nti iminā nayena nissajjanavidhānaṃ veditabbaṃ.
д̇знзваад̇и вин̃н̃аабид̇ад̇анд̇авааязнзва. звам̣ ид̇ха д̣̇уггаданд̇и ид̇хааби д̇анд̇авааязнзва д̣̇ийгхад̇о вид̣̇ад̇т̇имад̇д̇з, д̇ирияам̣ хад̇т̇амад̇д̇з вийд̇з д̣̇уггаданд̇и ад̇т̇о. агаббияасуд̇д̇амаязд̇и вин̃н̃аабид̇асуд̇д̇амаяз. ид̇арасминд̇и авин̃н̃ад̇д̇исуд̇д̇амаяз барижчзд̣̇з. д̇ад̇о жз уунад̇араад̇и вуд̇д̇аббамаан̣ад̇о жз уунад̇араа, анд̇амасо (баараа. адта. 2.636-638) ажчиман̣д̣алаббамаан̣аабийд̇и ад̇хиббааяо. габбияад̇анд̇авааязнаби агаббияасуд̇д̇ам̣ вааяаабзнд̇асса яат̇аа буб̣б̣з ниссаг̇г̇ияам̣, звамид̇ха д̣̇уггадам̣. д̇знзва габбияан̃жа агаббияан̃жа суд̇д̇ам̣ вааяаабзнд̇асса сажз бажчимажийвараббамаан̣аа ваа уунагаа ваа агаббияасуд̇д̇абарижчзд̣̇аа хонд̇и, д̇зсу барижчзд̣̇аг̇ан̣анааяа д̣̇уггадам̣. габбияасуд̇д̇абарижчзд̣̇зсу анаабад̇д̇и. ат̇а зганд̇аригзна ваа суд̇д̇зна, д̣̇ийгхад̇о ваа габбияам̣ д̇ирияам̣ агаббияам̣ гад̇ваа вийд̇ам̣ ход̇и, бамаан̣аяуд̇д̇з барижчзд̣̇з барижчзд̣̇з д̣̇уггадам̣.
Tenevāti viññāpitatantavāyeneva. Evaṃ idha dukkaṭanti idhāpi tantavāyeneva dīghato vidatthimatte, tiriyaṃ hatthamatte vīte dukkaṭanti attho. Akappiyasuttamayeti viññāpitasuttamaye. Itarasminti aviññattisuttamaye paricchede. Tato ce ūnatarāti vuttappamāṇato ce ūnatarā, antamaso (pārā. aṭṭha. 2.636-638) acchimaṇḍalappamāṇāpīti adhippāyo. Kappiyatantavāyenapi akappiyasuttaṃ vāyāpentassa yathā pubbe nissaggiyaṃ, evamidha dukkaṭaṃ. Teneva kappiyañca akappiyañca suttaṃ vāyāpentassa sace pacchimacīvarappamāṇā vā ūnakā vā akappiyasuttaparicchedā honti, tesu paricchedagaṇanāya dukkaṭaṃ. Kappiyasuttaparicchedesu anāpatti. Atha ekantarikena vā suttena, dīghato vā kappiyaṃ tiriyaṃ akappiyaṃ katvā vītaṃ hoti, pamāṇayutte paricchede paricchede dukkaṭaṃ.
яад̣̇и бана (баараа. адта. 2.636-638) д̣̇вз д̇анд̇авааяаа хонд̇и зго габбияо зго агаббияо, суд̇д̇ан̃жа агаббияам̣, д̇з жз ваарзна винанд̇и, агаббияад̇анд̇авааязна вийд̇з бамаан̣аяуд̇д̇з барижчзд̣̇з барижчзд̣̇з баажид̇д̇ияам̣, уунад̇арз д̣̇уггадам̣. ид̇арзна вийд̇з убхаяад̇т̇а д̣̇уггадам̣. сажз д̣̇взби взмам̣ г̇ахзд̇ваа згад̇о винанд̇и, бамаан̣аяуд̇д̇з барижчзд̣̇з барижчзд̣̇з баажид̇д̇ияам̣. ат̇а суд̇д̇ам̣ габбияам̣, жийваран̃жа гзд̣̇аараб̣ад̣̇д̇хаад̣̇ийхи сабарижчзд̣̇ам̣, агаббияад̇анд̇авааязна вийд̇з барижчзд̣̇з барижчзд̣̇з д̣̇уггадам̣, ид̇арзна вийд̇з анаабад̇д̇и. сажз д̣̇взби згад̇о винанд̇и, бамаан̣аяуд̇д̇з барижчзд̣̇з барижчзд̣̇з д̣̇уггадам̣. ат̇а суд̇д̇амби габбияан̃жа агаббияан̃жа, д̇з жз ваарзна винанд̇и, агаббияад̇анд̇авааязна агаббияасуд̇д̇амаязсу бажчимажийвараббамаан̣зсу барижчзд̣̇зсу вийд̇зсу барижчзд̣̇аг̇ан̣анааяа баажид̇д̇ияам̣, уунад̇арзсу габбияасуд̇д̇амаязсу жа д̣̇уггадам̣. габбияад̇анд̇авааязна агаббияасуд̇д̇амаязсу бамаан̣аяуд̇д̇зсу ваа уунагзсу ваа д̣̇уггадамзва, габбияасуд̇д̇амаязсу анаабад̇д̇и.
Yadi pana (pārā. aṭṭha. 2.636-638) dve tantavāyā honti eko kappiyo eko akappiyo, suttañca akappiyaṃ, te ce vārena vinanti, akappiyatantavāyena vīte pamāṇayutte paricchede paricchede pācittiyaṃ, ūnatare dukkaṭaṃ. Itarena vīte ubhayattha dukkaṭaṃ. Sace dvepi vemaṃ gahetvā ekato vinanti, pamāṇayutte paricchede paricchede pācittiyaṃ. Atha suttaṃ kappiyaṃ, cīvarañca kedārabaddhādīhi saparicchedaṃ, akappiyatantavāyena vīte paricchede paricchede dukkaṭaṃ, itarena vīte anāpatti. Sace dvepi ekato vinanti, pamāṇayutte paricchede paricchede dukkaṭaṃ. Atha suttampi kappiyañca akappiyañca, te ce vārena vinanti, akappiyatantavāyena akappiyasuttamayesu pacchimacīvarappamāṇesu paricchedesu vītesu paricchedagaṇanāya pācittiyaṃ, ūnataresu kappiyasuttamayesu ca dukkaṭaṃ. Kappiyatantavāyena akappiyasuttamayesu pamāṇayuttesu vā ūnakesu vā dukkaṭameva, kappiyasuttamayesu anāpatti.
ат̇а зганд̇аригзна ваа суд̇д̇зна, д̣̇ийгхад̇о ваа агаббияам̣ д̇ирияам̣ агаббияам̣ гад̇ваа винанд̇и, убхоби ваа д̇з взмам̣ г̇ахзд̇ваа згад̇о винанд̇и, абарижчзд̣̇з жийварз бамаан̣аяуд̇д̇з барижчзд̣̇з барижчзд̣̇з д̣̇уггадам̣, сабарижчзд̣̇з барижчзд̣̇авасзна д̣̇уггадаани. д̇знааха ‘‘зд̇знзва убааязнаа’’д̇иаад̣̇и.
Atha ekantarikena vā suttena, dīghato vā akappiyaṃ tiriyaṃ akappiyaṃ katvā vinanti, ubhopi vā te vemaṃ gahetvā ekato vinanti, aparicchede cīvare pamāṇayutte paricchede paricchede dukkaṭaṃ, saparicchede paricchedavasena dukkaṭāni. Tenāha ‘‘eteneva upāyenā’’tiādi.
зд̇т̇а жа д̇анд̇авааяо д̇аава ан̃н̃аад̇агааббаваарид̇ад̇о вин̃н̃ад̇д̇ияаа лад̣̇д̇хо агаббияо, сзсо габбияо. суд̇д̇амби саамам̣ вин̃н̃аабид̇ам̣ агаббияам̣, сзсам̣, н̃аад̇агаад̣̇ивасзна уббаннан̃жа габбияанд̇и взд̣̇ид̇аб̣б̣ам̣. д̇игабаажид̇д̇ияанд̇и вааяаабид̇з вааяаабид̇асан̃н̃ивзмад̇игаавааяаабид̇асан̃н̃ийнам̣ васзна д̇ийн̣и баажид̇д̇ияаани. жийварад̇т̇ааяа вин̃н̃аабид̇асуд̇д̇анд̇и саамам̣ ваа ан̃н̃зна ваа жийварад̇т̇ааяа вин̃н̃аабид̇асуд̇д̇ам̣ . гин̃жааби баал̣ияам̣ ‘‘саамам̣ суд̇д̇ам̣ вин̃н̃аабзд̇ваа’’д̇и вуд̇д̇ам̣, д̇ат̇ааби ид̇ха ‘‘жийварад̇т̇ааяа саамам̣ вин̃н̃аабид̇асуд̇д̇а’’нд̇и авад̇ваа гзвалам̣ ‘‘жийварад̇т̇ааяа вин̃н̃аабид̇асуд̇д̇а’’нд̇и ан̇г̇зсу вуд̇д̇ад̇д̇аа ан̃н̃зна жийварад̇т̇ааяа вин̃н̃аабид̇асуд̇д̇амби сан̇г̇ахам̣ г̇ажчад̇ийд̇и взд̣̇ид̇аб̣б̣ам̣. агаббияавин̃н̃ад̇д̇ияаад̇и ‘‘жийварам̣ мз, аавусо, вааяат̇аа’’д̇и звам̣бхууд̇ааяа агаббияавин̃н̃ад̇д̇ияаа.
Ettha ca tantavāyo tāva aññātakaappavāritato viññattiyā laddho akappiyo, seso kappiyo. Suttampi sāmaṃ viññāpitaṃ akappiyaṃ, sesaṃ, ñātakādivasena uppannañca kappiyanti veditabbaṃ. Tikapācittiyanti vāyāpite vāyāpitasaññivematikaavāyāpitasaññīnaṃ vasena tīṇi pācittiyāni. Cīvaratthāya viññāpitasuttanti sāmaṃ vā aññena vā cīvaratthāya viññāpitasuttaṃ . Kiñcāpi pāḷiyaṃ ‘‘sāmaṃ suttaṃ viññāpetvā’’ti vuttaṃ, tathāpi idha ‘‘cīvaratthāya sāmaṃ viññāpitasutta’’nti avatvā kevalaṃ ‘‘cīvaratthāya viññāpitasutta’’nti aṅgesu vuttattā aññena cīvaratthāya viññāpitasuttampi saṅgahaṃ gacchatīti veditabbaṃ. Akappiyaviññattiyāti ‘‘cīvaraṃ me, āvuso, vāyathā’’ti evaṃbhūtāya akappiyaviññattiyā.
суд̇д̇авин̃н̃ад̇д̇исигкаабад̣̇аван̣н̣анаа нидтид̇аа.
Suttaviññattisikkhāpadavaṇṇanā niṭṭhitā.
