| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
6. суд̇д̇авин̃н̃ад̇д̇исигкаабад̣̇аван̣н̣анаа
6. Suttaviññattisikkhāpadavaṇṇanā
636. чадтз баал̣ияам̣ жийварагаарасамаязд̇и иминаа вассам̣вуд̇т̇абхигкуунам̣ жийварагаммасамаяад̇д̇аа жийварамаасо вуд̇д̇о, ат̇ан̃н̃оби бана жийварагаммагаало жийварагаарасамаяод̇и вад̇д̇ум̣ ваддад̇и.
636. Chaṭṭhe pāḷiyaṃ cīvarakārasamayeti iminā vassaṃvutthabhikkhūnaṃ cīvarakammasamayattā cīvaramāso vutto, athaññopi pana cīvarakammakālo cīvarakārasamayoti vattuṃ vaṭṭati.
638. бан̃жахиби миссзд̇ваад̇и комаад̣̇ийхи бан̃жахи миссзд̇ваа. вийд̇авийд̇адтаанам̣ яад̇т̇а сам̣харид̇ваа табзнд̇и, д̇асса д̇урийд̇и ад̇хиважанам̣. суд̇д̇ам̣ бавзсзд̇ваа язна аагодзнд̇аа гханабхаавам̣ самбаад̣̇знд̇и, д̇ам̣ взманд̇и вужжад̇и. яам̣ яанд̇и яам̣ яам̣ баяог̇ам̣. д̇анд̇уунам̣ ад̇д̇ано санд̇агад̇д̇аа вийд̇авийд̇адтаанам̣ бадилад̣̇д̇хамзва ход̇ийд̇и ааха ‘‘д̣̇ийгхад̇о…бз… вийд̇з ниссаг̇г̇ияам̣ баажид̇д̇ияа’’нд̇и. баал̣ияамби хи иминаава ад̇хиббааязна ‘‘бадилаабхзна ниссаг̇г̇ияа’’нд̇и вуд̇д̇ам̣, д̇асмаа яаава жийварам̣ вад̣дхад̇и, д̇аава иминаа бамаан̣зна аабад̇д̇ияо вад̣дханд̇и.
638.Pañcahipimissetvāti khomādīhi pañcahi missetvā. Vītavītaṭṭhānaṃ yattha saṃharitvā ṭhapenti, tassa turīti adhivacanaṃ. Suttaṃ pavesetvā yena ākoṭentā ghanabhāvaṃ sampādenti, taṃ vemanti vuccati. Yaṃ yanti yaṃ yaṃ payogaṃ. Tantūnaṃ attano santakattā vītavītaṭṭhānaṃ paṭiladdhameva hotīti āha ‘‘dīghato…pe… vīte nissaggiyaṃ pācittiya’’nti. Pāḷiyampi hi imināva adhippāyena ‘‘paṭilābhena nissaggiya’’nti vuttaṃ, tasmā yāva cīvaraṃ vaḍḍhati, tāva iminā pamāṇena āpattiyo vaḍḍhanti.
сзсо габбияод̇и зд̇т̇а хад̇т̇агаммаяаажанавасзна. буб̣б̣з вуд̇д̇анаязна ниссаг̇г̇ияанд̇и д̣̇ийгхасо вид̣̇ад̇т̇имад̇д̇з д̇ирияам̣ хад̇т̇амад̇д̇з жа вийд̇з ниссаг̇г̇ияам̣. д̇знзваад̇и агаббияад̇анд̇авааязна. д̇ат̇зва д̣̇уггаданд̇и барижчзд̣̇з барижчзд̣̇з д̣̇уггадам̣. гзд̣̇аараб̣ад̣̇д̇хаад̣̇ийхийд̇и аад̣̇и-сад̣̇д̣̇зна ажчиман̣д̣алаб̣ад̣̇д̇хаад̣̇и г̇ахид̇ам̣. д̇анд̇з тид̇ам̣язва ад̇хидтаад̇аб̣б̣анд̇и зд̇т̇а ‘‘бажчаа вийд̇адтаанам̣ ад̇хидтид̇аг̇ад̇игамзва ход̇и, буна ад̇хидтаанагижжам̣ над̇т̇и. сажз бана барижчзд̣̇ам̣ д̣̇ассзд̇ваа анд̇аранд̇араа авийд̇ам̣ ход̇и, буна ад̇хидтаад̇аб̣б̣а’’нд̇и вад̣̇анд̇и. зсзва наяод̇и вигаббанубаг̇аббамаан̣амад̇д̇з вийд̇з д̇анд̇з тид̇ам̣язва ад̇хидтаад̇аб̣б̣анд̇и ад̇т̇о. жийварад̇т̇ааяа вин̃н̃аабид̇асуд̇д̇ам̣, ад̇д̇уд̣̇д̣̇зсигад̇аа, агаббияад̇анд̇авааязна вааяаабананд̇и имаанзд̇т̇а д̇ийн̣и ан̇г̇аани.
Seso kappiyoti ettha hatthakammayācanavasena. Pubbe vuttanayena nissaggiyanti dīghaso vidatthimatte tiriyaṃ hatthamatte ca vīte nissaggiyaṃ. Tenevāti akappiyatantavāyena. Tatheva dukkaṭanti paricchede paricchede dukkaṭaṃ. Kedārabaddhādīhīti ādi-saddena acchimaṇḍalabaddhādi gahitaṃ. Tante ṭhitaṃyeva adhiṭṭhātabbanti ettha ‘‘pacchā vītaṭṭhānaṃ adhiṭṭhitagatikameva hoti, puna adhiṭṭhānakiccaṃ natthi. Sace pana paricchedaṃ dassetvā antarantarā avītaṃ hoti, puna adhiṭṭhātabba’’nti vadanti. Eseva nayoti vikappanupagappamāṇamatte vīte tante ṭhitaṃyeva adhiṭṭhātabbanti attho. Cīvaratthāya viññāpitasuttaṃ, attuddesikatā, akappiyatantavāyena vāyāpananti imānettha tīṇi aṅgāni.
маад̇игаадтагат̇ааяам̣ (ган̇каа. адта. суд̇д̇авин̃н̃ад̇д̇исигкаабад̣̇аван̣н̣анаа) бана вааяаабзяяаад̇и зд̇т̇а ‘‘жийварам̣ мз, аавусо, вааяат̇аад̇и агаббияавин̃н̃ад̇д̇ияаа вааяаабзяяаа’’д̇и ад̇т̇ам̣ вад̇ваа ан̇г̇зсуби ‘‘агаббияад̇анд̇авааязна агаббияавин̃н̃ад̇д̇ияаа вааяаабана’’нд̇и висзсзд̇ваа вуд̇д̇ам̣, д̇ат̇аавид̇хам̣ бана висзсаважанам̣ нзва баал̣ияам̣, на адтагат̇ааяам̣ убалаб̣бхад̇и. баал̣ияамби ‘‘н̃аад̇агаанам̣ баваарид̇аана’’нд̇и зд̇д̇агамзва анаабад̇д̇иваарз вуд̇д̇ам̣, адтагат̇ааяан̃жа суд̇д̇ад̇анд̇авааяаанамзва габбияаагаббияабхаавзна б̣ахуд̇хаа наяо д̣̇ассид̇о , на габбияаагаббияавин̃н̃ад̇д̇ивасзнаад̇и. ‘‘агаббияавин̃н̃ад̇д̇ияаа вааяаабзяяаа’’д̇и жа висзсзд̇ваа вад̣̇анд̇зна аяам̣ наама габбияавин̃н̃ад̇д̇ийд̇и висум̣ на д̣̇ассид̇ам̣, д̇асмаа виймам̣сид̇ваа г̇ахзд̇аб̣б̣ам̣.
Mātikāṭṭhakathāyaṃ (kaṅkhā. aṭṭha. suttaviññattisikkhāpadavaṇṇanā) pana vāyāpeyyāti ettha ‘‘cīvaraṃ me, āvuso, vāyathāti akappiyaviññattiyā vāyāpeyyā’’ti atthaṃ vatvā aṅgesupi ‘‘akappiyatantavāyena akappiyaviññattiyā vāyāpana’’nti visesetvā vuttaṃ, tathāvidhaṃ pana visesavacanaṃ neva pāḷiyaṃ, na aṭṭhakathāyaṃ upalabbhati. Pāḷiyampi ‘‘ñātakānaṃ pavāritāna’’nti ettakameva anāpattivāre vuttaṃ, aṭṭhakathāyañca suttatantavāyānameva kappiyākappiyabhāvena bahudhā nayo dassito , na kappiyākappiyaviññattivasenāti. ‘‘Akappiyaviññattiyā vāyāpeyyā’’ti ca visesetvā vadantena ayaṃ nāma kappiyaviññattīti visuṃ na dassitaṃ, tasmā vīmaṃsitvā gahetabbaṃ.
суд̇д̇авин̃н̃ад̇д̇исигкаабад̣̇аван̣н̣анаа нидтид̇аа.
Suttaviññattisikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. суд̇д̇авин̃н̃ад̇д̇исигкаабад̣̇ам̣ • 6. Suttaviññattisikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 6. суд̇д̇авин̃н̃ад̇д̇исигкаабад̣̇аван̣н̣анаа • 6. Suttaviññattisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. суд̇д̇авин̃н̃ад̇д̇исигкаабад̣̇аван̣н̣анаа • 6. Suttaviññattisikkhāpadavaṇṇanā
