| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
6. суд̇д̇авин̃н̃ад̇д̇исигкаабад̣̇аван̣н̣анаа
6. Suttaviññattisikkhāpadavaṇṇanā
636. чадтз вийд̇авийд̇адтаанам̣ яасмим̣ жад̇урассад̣̇аарумхи баливзтзнд̇и, д̇асса д̇урийд̇и наамам̣. вааяанд̇аа д̇ирияам̣ суд̇д̇ам̣ бавзсзд̇ваа язна аагодзнд̇аа вад̇т̇з гханабхаавам̣ аабаад̣̇знд̇и, д̇ам̣ ‘‘взма’’нд̇и вужжад̇и.
636. Chaṭṭhe vītavītaṭṭhānaṃ yasmiṃ caturassadārumhi paliveṭhenti, tassa turīti nāmaṃ. Vāyantā tiriyaṃ suttaṃ pavesetvā yena ākoṭentā vatthe ghanabhāvaṃ āpādenti, taṃ ‘‘vema’’nti vuccati.
‘‘ид̇арасмим̣ д̇ат̇зва д̣̇уггада’’нд̇и иминаа вааяид̇ум̣ аарад̣̇д̇хагаалад̇о бадтааяа яат̇аавуд̇д̇абарижчзд̣̇анидтид̇зязва д̣̇уггадамби ход̇и, на д̇ад̇о буб̣б̣з вааяанабаяог̇зсууд̇и д̣̇ассзд̇и.
‘‘Itarasmiṃ tatheva dukkaṭa’’nti iminā vāyituṃ āraddhakālato paṭṭhāya yathāvuttaparicchedaniṭṭhiteyeva dukkaṭampi hoti, na tato pubbe vāyanapayogesūti dasseti.
д̇анд̇з тид̇ам̣язва ад̇хидтаад̇аб̣б̣анд̇и зд̇т̇а згаваарам̣ ад̇хидтид̇з бажчаа вийд̇ам̣ ад̇хидтид̇аг̇ад̇игамзва ход̇и, буна ад̇хидтаанагижжам̣ над̇т̇и. сажз бана анд̇аранд̇араа д̣̇асаа табзд̇ваа висум̣ висум̣ сабарижчзд̣̇ам̣ вийд̇ам̣ ход̇и, бажжзгам̣ ад̇хидтаад̇аб̣б̣амзваад̇и д̣̇адтаб̣б̣ам̣. зд̇т̇а жа габбияасуд̇д̇ам̣ г̇ахзд̇ваа ан̃н̃аад̇агааббаваарид̇знааби агаббияад̇анд̇авааязна ‘‘суд̇д̇амад̇т̇и, вааяанд̇о над̇т̇ий’’д̇иаад̣̇ибарияааяамукзна вааяаабзнд̇асса анаабад̇д̇и. д̇знзва маад̇игаадтагат̇ааяам̣ (ган̇каа. адта. суд̇д̇авин̃н̃ад̇д̇исигкаабад̣̇аван̣н̣анаа) ‘‘вааяаабзяяаа’’д̇и бад̣̇асса ‘‘жийварам̣ мз, аавусо, вааяат̇аад̇и агаббияавин̃н̃ад̇д̇ияаа вааяаабзяяаа’’д̇и ад̇т̇о вуд̇д̇о, звам̣ вад̣̇анд̇о агаббияад̇анд̇авааязна вааяаабзд̇и наама, наан̃н̃ат̇аа.
Tanteṭhitaṃyeva adhiṭṭhātabbanti ettha ekavāraṃ adhiṭṭhite pacchā vītaṃ adhiṭṭhitagatikameva hoti, puna adhiṭṭhānakiccaṃ natthi. Sace pana antarantarā dasā ṭhapetvā visuṃ visuṃ saparicchedaṃ vītaṃ hoti, paccekaṃ adhiṭṭhātabbamevāti daṭṭhabbaṃ. Ettha ca kappiyasuttaṃ gahetvā aññātakaappavāritenāpi akappiyatantavāyena ‘‘suttamatthi, vāyanto natthī’’tiādipariyāyamukhena vāyāpentassa anāpatti. Teneva mātikāṭṭhakathāyaṃ (kaṅkhā. aṭṭha. suttaviññattisikkhāpadavaṇṇanā) ‘‘vāyāpeyyā’’ti padassa ‘‘cīvaraṃ me, āvuso, vāyathāti akappiyaviññattiyā vāyāpeyyā’’ti attho vutto, evaṃ vadanto akappiyatantavāyena vāyāpeti nāma, nāññathā.
640. анаабад̇д̇и жийварам̣ сиб̣б̣зд̇унд̇иаад̣̇ийсу иминаа сигкаабад̣̇знзва анаабад̇д̇и, агад̇авин̃н̃ад̇д̇ибажжаяаа бана д̣̇уггадамзваад̇и вад̣̇анд̇и. агаббияасуд̇д̇ад̇аа, ад̇д̇уд̣̇д̣̇зсигад̇аа, агаббияад̇анд̇авааязна агаббияавин̃н̃ад̇д̇ияаа вааяаабананд̇и имаанзд̇т̇а д̇ийн̣и ан̇г̇аани.
640.Anāpatti cīvaraṃ sibbetuntiādīsu iminā sikkhāpadeneva anāpatti, akataviññattipaccayā pana dukkaṭamevāti vadanti. Akappiyasuttatā, attuddesikatā, akappiyatantavāyena akappiyaviññattiyā vāyāpananti imānettha tīṇi aṅgāni.
суд̇д̇авин̃н̃ад̇д̇исигкаабад̣̇аван̣н̣анаа нидтид̇аа.
Suttaviññattisikkhāpadavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 6. суд̇д̇авин̃н̃ад̇д̇исигкаабад̣̇ам̣ • 6. Suttaviññattisikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 6. суд̇д̇авин̃н̃ад̇д̇исигкаабад̣̇аван̣н̣анаа • 6. Suttaviññattisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 6. суд̇д̇авин̃н̃ад̇д̇исигкаабад̣̇аван̣н̣анаа • 6. Suttaviññattisikkhāpadavaṇṇanā
