| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੬. ਸੁਤ੍ਤવਿਞ੍ਞਤ੍ਤਿਸਿਕ੍ਖਾਪਦવਣ੍ਣਨਾ
6. Suttaviññattisikkhāpadavaṇṇanā
੬੩੬. ਤੇਨ ਸਮਯੇਨਾਤਿ ਸੁਤ੍ਤવਿਞ੍ਞਤ੍ਤਿਸਿਕ੍ਖਾਪਦਂ। ਤਤ੍ਥ ਖੋਮਨ੍ਤਿ ਖੋਮવਾਕੇਹਿ ਕਤਸੁਤ੍ਤਂ। ਕਪ੍ਪਾਸਿਕਨ੍ਤਿ ਕਪ੍ਪਾਸਤੋ ਨਿਬ੍ਬਤ੍ਤਂ। ਕੋਸੇਯ੍ਯਨ੍ਤਿ ਕੋਸਿਯਂਸੂਹਿ ਕਨ੍ਤਿਤ੍વਾ ਕਤਸੁਤ੍ਤਂ। ਕਮ੍ਬਲਨ੍ਤਿ ਏਲ਼ਕਲੋਮਸੁਤ੍ਤਂ। ਸਾਣਨ੍ਤਿ ਸਾਣવਾਕਸੁਤ੍ਤਂ। ਭਙ੍ਗਨ੍ਤਿ ਪਾਟੇਕ੍ਕਂ વਾਕਸੁਤ੍ਤਮੇવਾਤਿ ਏਕੇ। ਏਤੇਹਿ ਪਞ੍ਚਹਿ ਮਿਸ੍ਸੇਤ੍વਾ ਕਤਸੁਤ੍ਤਂ ਪਨ ‘‘ਭਙ੍ਗ’’ਨ੍ਤਿ વੇਦਿਤਬ੍ਬਂ।
636.Tenasamayenāti suttaviññattisikkhāpadaṃ. Tattha khomanti khomavākehi katasuttaṃ. Kappāsikanti kappāsato nibbattaṃ. Koseyyanti kosiyaṃsūhi kantitvā katasuttaṃ. Kambalanti eḷakalomasuttaṃ. Sāṇanti sāṇavākasuttaṃ. Bhaṅganti pāṭekkaṃ vākasuttamevāti eke. Etehi pañcahi missetvā katasuttaṃ pana ‘‘bhaṅga’’nti veditabbaṃ.
વਾਯਾਪੇਤਿ ਪਯੋਗੇ ਪਯੋਗੇ ਦੁਕ੍ਕਟਨ੍ਤਿ ਸਚੇ ਤਨ੍ਤવਾਯਸ੍ਸ ਤੁਰਿવੇਮਾਦੀਨਿ ਨਤ੍ਥਿ, ਤਾਨਿ ‘‘ਅਰਞ੍ਞਤੋ ਆਹਰਿਸ੍ਸਾਮੀ’’ਤਿ વਾਸਿਂ વਾ ਫਰਸੁਂ વਾ ਨਿਸੇਤਿ, ਤਤੋ ਪਟ੍ਠਾਯ ਯਂ ਯਂ ਉਪਕਰਣਤ੍ਥਾਯ વਾ ਚੀવਰવਾਯਨਤ੍ਥਾਯ વਾ ਕਰੋਤਿ, ਸਬ੍ਬਤ੍ਥ ਤਨ੍ਤવਾਯਸ੍ਸ ਪਯੋਗੇ ਪਯੋਗੇ ਭਿਕ੍ਖੁਸ੍ਸ ਦੁਕ੍ਕਟਂ। ਦੀਘਤੋ વਿਦਤ੍ਥਿਮਤ੍ਤੇ ਤਿਰਿਯਞ੍ਚ ਹਤ੍ਥਮਤ੍ਤੇ વੀਤੇ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਮਹਾਪਚ੍ਚਰਿਯਂ ਪਨ ‘‘ਯਾવ ਪਰਿਯੋਸਾਨਂ વਾਯਾਪੇਨ੍ਤਸ੍ਸ ਫਲਕੇ ਫਲਕੇ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ વੁਤ੍ਤਂ। ਤਮ੍ਪਿ ਇਦਮੇવ ਪਮਾਣਂ ਸਨ੍ਧਾਯ વੁਤ੍ਤਨ੍ਤਿ વੇਦਿਤਬ੍ਬਂ। વਿਕਪ੍ਪਨੁਪਗਪਚ੍ਛਿਮਞ੍ਹਿ ਚੀવਰਸਙ੍ਖ੍ਯਂ ਗਚ੍ਛਤੀਤਿ।
Vāyāpeti payoge payoge dukkaṭanti sace tantavāyassa turivemādīni natthi, tāni ‘‘araññato āharissāmī’’ti vāsiṃ vā pharasuṃ vā niseti, tato paṭṭhāya yaṃ yaṃ upakaraṇatthāya vā cīvaravāyanatthāya vā karoti, sabbattha tantavāyassa payoge payoge bhikkhussa dukkaṭaṃ. Dīghato vidatthimatte tiriyañca hatthamatte vīte nissaggiyaṃ pācittiyaṃ. Mahāpaccariyaṃ pana ‘‘yāva pariyosānaṃ vāyāpentassa phalake phalake nissaggiyaṃ pācittiya’’nti vuttaṃ. Tampi idameva pamāṇaṃ sandhāya vuttanti veditabbaṃ. Vikappanupagapacchimañhi cīvarasaṅkhyaṃ gacchatīti.
ਅਪਿਚੇਤ੍ਥ ਏવਂ વਿਨਿਚ੍ਛਯੋ વੇਦਿਤਬ੍ਬੋ – ਸੁਤ੍ਤਂ ਤਾવ ਸਾਮਂ વਿਞ੍ਞਾਪਿਤਂ ਅਕਪ੍ਪਿਯਂ, ਸੇਸਂ ਞਾਤਕਾਦਿવਸੇਨ ਉਪ੍ਪਨ੍ਨਂ ਕਪ੍ਪਿਯਂ। ਤਨ੍ਤવਾਯੋਪਿ ਅਞ੍ਞਾਤਕਅਪ੍ਪવਾਰਿਤੋ વਿਞ੍ਞਤ੍ਤਿਯਾ ਲਦ੍ਧੋ ਅਕਪ੍ਪਿਯੋ, ਸੇਸੋ ਕਪ੍ਪਿਯੋ। ਤਤ੍ਥ ਅਕਪ੍ਪਿਯਸੁਤ੍ਤਂ ਅਕਪ੍ਪਿਯਤਨ੍ਤવਾਯੇਨ વਾਯਾਪੇਨ੍ਤਸ੍ਸ ਪੁਬ੍ਬੇ વੁਤ੍ਤਨਯੇਨ ਨਿਸ੍ਸਗ੍ਗਿਯਂ। ਤੇਨੇવ ਪਨ ਕਪ੍ਪਿਯਸੁਤ੍ਤਂ વਾਯਾਪੇਨ੍ਤਸ੍ਸ ਯਥਾ ਪੁਬ੍ਬੇ ਨਿਸ੍ਸਗ੍ਗਿਯਂ, ਏવਂ ਦੁਕ੍ਕਟਂ। ਤੇਨੇવ ਕਪ੍ਪਿਯਂ ਅਕਪ੍ਪਿਯਞ੍ਚ ਸੁਤ੍ਤਂ વਾਯਾਪੇਨ੍ਤਸ੍ਸ ਯਦਿ ਪਚ੍ਛਿਮਚੀવਰਪ੍ਪਮਾਣੇਨ ਏਕੋ ਪਰਿਚ੍ਛੇਦੋ ਸੁਦ੍ਧਕਪ੍ਪਿਯਸੁਤ੍ਤਮਯੋ, ਏਕੋ ਅਕਪ੍ਪਿਯਸੁਤ੍ਤਮਯੋਤਿ ਏવਂ ਕੇਦਾਰਬਦ੍ਧਂ વਿਯ ਚੀવਰਂ ਹੋਤਿ, ਅਕਪ੍ਪਿਯਸੁਤ੍ਤਮਯੇ ਪਰਿਚ੍ਛੇਦੇ ਪਾਚਿਤ੍ਤਿਯਂ, ਇਤਰਸ੍ਮਿਂ ਤਥੇવ ਦੁਕ੍ਕਟਂ। ਯਦਿ ਤਤੋ ਊਨਪਰਿਚ੍ਛੇਦਾ ਹੋਨ੍ਤਿ, ਅਨ੍ਤਮਸੋ ਅਚ੍ਛਿਮਣ੍ਡਲਪ੍ਪਮਾਣਾਪਿ, ਸਬ੍ਬਪਰਿਚ੍ਛੇਦੇਸੁ ਪਰਿਚ੍ਛੇਦਗਣਨਾਯ ਦੁਕ੍ਕਟਂ। ਅਥ ਏਕਨ੍ਤਰਿਕੇਨ વਾ ਸੁਤ੍ਤੇਨ ਦੀਘਤੋ વਾ ਕਪ੍ਪਿਯਂ ਤਿਰਿਯਂ ਅਕਪ੍ਪਿਯਂ ਕਤ੍વਾ વੀਤਂ ਹੋਤਿ, ਫਲਕੇ ਫਲਕੇ ਦੁਕ੍ਕਟਂ। ਕਪ੍ਪਿਯਤਨ੍ਤવਾਯੇਨਪਿ ਅਕਪ੍ਪਿਯਸੁਤ੍ਤਂ વਾਯਾਪੇਨ੍ਤਸ੍ਸ ਯਥਾ ਪੁਬ੍ਬੇ ਨਿਸ੍ਸਗ੍ਗਿਯਂ, ਏવਂ ਦੁਕ੍ਕਟਂ। ਤੇਨੇવ ਕਪ੍ਪਿਯਞ੍ਚ ਅਕਪ੍ਪਿਯਞ੍ਚ ਸੁਤ੍ਤਂ વਾਯਾਪੇਨ੍ਤਸ੍ਸ ਸਚੇ ਪਚ੍ਛਿਮਚੀવਰਪ੍ਪਮਾਣਾ ਊਨਕਾ વਾ ਅਕਪ੍ਪਿਯਸੁਤ੍ਤਪਰਿਚ੍ਛੇਦਾ ਹੋਨ੍ਤਿ, ਤੇਸੁ ਪਰਿਚ੍ਛੇਦਗਣਨਾਯ ਦੁਕ੍ਕਟਂ। ਕਪ੍ਪਿਯਸੁਤ੍ਤਪਰਿਚ੍ਛੇਦੇਸੁ ਅਨਾਪਤ੍ਤਿ। ਅਥ ਏਕਨ੍ਤਰਿਕੇਨ વਾ ਸੁਤ੍ਤੇਨ ਦੀਘਤੋ વਾ ਕਪ੍ਪਿਯਂ ਤਿਰਿਯਂ ਅਕਪ੍ਪਿਯਂ ਕਤ੍વਾ વੀਤਂ ਹੋਤਿ, ਫਲਕੇ ਫਲਕੇ ਦੁਕ੍ਕਟਂ।
Apicettha evaṃ vinicchayo veditabbo – suttaṃ tāva sāmaṃ viññāpitaṃ akappiyaṃ, sesaṃ ñātakādivasena uppannaṃ kappiyaṃ. Tantavāyopi aññātakaappavārito viññattiyā laddho akappiyo, seso kappiyo. Tattha akappiyasuttaṃ akappiyatantavāyena vāyāpentassa pubbe vuttanayena nissaggiyaṃ. Teneva pana kappiyasuttaṃ vāyāpentassa yathā pubbe nissaggiyaṃ, evaṃ dukkaṭaṃ. Teneva kappiyaṃ akappiyañca suttaṃ vāyāpentassa yadi pacchimacīvarappamāṇena eko paricchedo suddhakappiyasuttamayo, eko akappiyasuttamayoti evaṃ kedārabaddhaṃ viya cīvaraṃ hoti, akappiyasuttamaye paricchede pācittiyaṃ, itarasmiṃ tatheva dukkaṭaṃ. Yadi tato ūnaparicchedā honti, antamaso acchimaṇḍalappamāṇāpi, sabbaparicchedesu paricchedagaṇanāya dukkaṭaṃ. Atha ekantarikena vā suttena dīghato vā kappiyaṃ tiriyaṃ akappiyaṃ katvā vītaṃ hoti, phalake phalake dukkaṭaṃ. Kappiyatantavāyenapi akappiyasuttaṃ vāyāpentassa yathā pubbe nissaggiyaṃ, evaṃ dukkaṭaṃ. Teneva kappiyañca akappiyañca suttaṃ vāyāpentassa sace pacchimacīvarappamāṇā ūnakā vā akappiyasuttaparicchedā honti, tesu paricchedagaṇanāya dukkaṭaṃ. Kappiyasuttaparicchedesu anāpatti. Atha ekantarikena vā suttena dīghato vā kappiyaṃ tiriyaṃ akappiyaṃ katvā vītaṃ hoti, phalake phalake dukkaṭaṃ.
ਯਦਿ ਪਨ ਦ੍વੇ ਤਨ੍ਤવਾਯਾ ਹੋਨ੍ਤਿ, ਏਕੋ ਕਪ੍ਪਿਯੋ ਏਕੋ ਅਕਪ੍ਪਿਯੋ, ਸੁਤ੍ਤਞ੍ਚ ਅਕਪ੍ਪਿਯਂ, ਤੇ ਚੇ વਾਰੇਨ વਿਨਨ੍ਤਿ, ਅਕਪ੍ਪਿਯਤਨ੍ਤવਾਯੇਨ વੀਤੇ ਫਲਕੇ ਫਲਕੇ ਪਾਚਿਤ੍ਤਿਯਂ, ਊਨਤਰੇ ਦੁਕ੍ਕਟਂ। ਇਤਰੇਨ વੀਤੇ ਉਭਯਤ੍ਥ ਦੁਕ੍ਕਟਂ। ਸਚੇ ਦ੍વੇਪਿ વੇਮਂ ਗਹੇਤ੍વਾ ਏਕਤੋ વਿਨਨ੍ਤਿ, ਫਲਕੇ ਫਲਕੇ ਪਾਚਿਤ੍ਤਿਯਂ। ਅਥ ਸੁਤ੍ਤਂ ਕਪ੍ਪਿਯਂ, ਚੀવਰਞ੍ਚ ਕੇਦਾਰਬਦ੍ਧਾਦੀਹਿ ਸਪਰਿਚ੍ਛੇਦਂ, ਅਕਪ੍ਪਿਯਤਨ੍ਤવਾਯੇਨ વੀਤੇ ਪਰਿਚ੍ਛੇਦੇ ਪਰਿਚ੍ਛੇਦੇ ਦੁਕ੍ਕਟਂ, ਇਤਰੇਨ વੀਤੇ ਅਨਾਪਤ੍ਤਿ। ਸਚੇ ਦ੍વੇਪਿ વੇਮਂ ਗਹੇਤ੍વਾ ਏਕਤੋ વਿਨਨ੍ਤਿ, ਫਲਕੇ ਫਲਕੇ ਦੁਕ੍ਕਟਂ। ਅਥ ਸੁਤ੍ਤਮ੍ਪਿ ਕਪ੍ਪਿਯਞ੍ਚ ਅਕਪ੍ਪਿਯਞ੍ਚ, ਤੇ ਚੇ વਾਰੇਨ વਿਨਨ੍ਤਿ, ਅਕਪ੍ਪਿਯਤਨ੍ਤવਾਯੇਨ ਅਕਪ੍ਪਿਯਸੁਤ੍ਤਮਯੇਸੁ ਪਚ੍ਛਿਮਚੀવਰਪ੍ਪਮਾਣੇਸੁ ਪਰਿਚ੍ਛੇਦੇਸੁ વੀਤੇਸੁ ਪਰਿਚ੍ਛੇਦਗਣਨਾਯ ਪਾਚਿਤ੍ਤਿਯਂ। ਊਨਕਤਰੇਸੁ ਕਪ੍ਪਿਯਸੁਤ੍ਤਮਯੇਸੁ ਚ ਦੁਕ੍ਕਟਂ। ਕਪ੍ਪਿਯਤਨ੍ਤવਾਯੇਨ ਅਕਪ੍ਪਿਯਸੁਤ੍ਤਮਯੇਸੁ ਪਮਾਣਯੁਤ੍ਤੇਸੁ વਾ ਊਨਕੇਸੁ વਾ ਦੁਕ੍ਕਟਮੇવ। ਕਪ੍ਪਿਯਸੁਤ੍ਤਮਯੇਸੁ ਅਨਾਪਤ੍ਤਿ।
Yadi pana dve tantavāyā honti, eko kappiyo eko akappiyo, suttañca akappiyaṃ, te ce vārena vinanti, akappiyatantavāyena vīte phalake phalake pācittiyaṃ, ūnatare dukkaṭaṃ. Itarena vīte ubhayattha dukkaṭaṃ. Sace dvepi vemaṃ gahetvā ekato vinanti, phalake phalake pācittiyaṃ. Atha suttaṃ kappiyaṃ, cīvarañca kedārabaddhādīhi saparicchedaṃ, akappiyatantavāyena vīte paricchede paricchede dukkaṭaṃ, itarena vīte anāpatti. Sace dvepi vemaṃ gahetvā ekato vinanti, phalake phalake dukkaṭaṃ. Atha suttampi kappiyañca akappiyañca, te ce vārena vinanti, akappiyatantavāyena akappiyasuttamayesu pacchimacīvarappamāṇesu paricchedesu vītesu paricchedagaṇanāya pācittiyaṃ. Ūnakataresu kappiyasuttamayesu ca dukkaṭaṃ. Kappiyatantavāyena akappiyasuttamayesu pamāṇayuttesu vā ūnakesu vā dukkaṭameva. Kappiyasuttamayesu anāpatti.
ਅਥ ਏਕਨ੍ਤਰਿਕੇਨ વਾ ਸੁਤ੍ਤੇਨ ਦੀਘਤੋ વਾ ਅਕਪ੍ਪਿਯਂ ਤਿਰਿਯਂ ਕਪ੍ਪਿਯਂ ਕਤ੍વਾ વਿਨਨ੍ਤਿ, ਉਭੋਪਿ વਾ ਤੇ વੇਮਂ ਗਹੇਤ੍વਾ ਏਕਤੋ વਿਨਨ੍ਤਿ, ਅਪਰਿਚ੍ਛੇਦੇ ਚੀવਰੇ ਫਲਕੇ ਫਲਕੇ ਦੁਕ੍ਕਟਂ, ਸਪਰਿਚ੍ਛੇਦੇ ਪਰਿਚ੍ਛੇਦવਸੇਨ ਦੁਕ੍ਕਟਾਨੀਤਿ। ਅਯਂ ਪਨ ਅਤ੍ਥੋ ਮਹਾਅਟ੍ਠਕਥਾਯਂ ਅਪਾਕਟੋ, ਮਹਾਪਚ੍ਚਰਿਯਾਦੀਸੁ ਪਾਕਟੋ। ਇਧ ਸਬ੍ਬਾਕਾਰੇਨੇવ ਪਾਕਟੋ।
Atha ekantarikena vā suttena dīghato vā akappiyaṃ tiriyaṃ kappiyaṃ katvā vinanti, ubhopi vā te vemaṃ gahetvā ekato vinanti, aparicchede cīvare phalake phalake dukkaṭaṃ, saparicchede paricchedavasena dukkaṭānīti. Ayaṃ pana attho mahāaṭṭhakathāyaṃ apākaṭo, mahāpaccariyādīsu pākaṭo. Idha sabbākāreneva pākaṭo.
ਸਚੇ ਸੁਤ੍ਤਮ੍ਪਿ ਕਪ੍ਪਿਯਂ, ਤਨ੍ਤવਾਯੋਪਿ ਕਪ੍ਪਿਯੋ ਞਾਤਕਪ੍ਪવਾਰਿਤੋ વਾ ਮੂਲੇਨ વਾ ਪਯੋਜਿਤੋ, વਾਯਾਪਨਪਚ੍ਚਯਾ ਅਨਾਪਤ੍ਤਿ। ਦਸਾਹਾਤਿਕ੍ਕਮਨਪਚ੍ਚਯਾ ਪਨ ਆਪਤ੍ਤਿਂ ਰਕ੍ਖਨ੍ਤੇਨ વਿਕਪ੍ਪਨੁਪਗਪ੍ਪਮਾਣਮਤ੍ਤੇ વੀਤੇ ਤਨ੍ਤੇ ਠਿਤਂਯੇવ ਅਧਿਟ੍ਠਾਤਬ੍ਬਂ। ਦਸਾਹਾਤਿਕ੍ਕਮੇਨ ਨਿਟ੍ਠਾਪਿਯਮਾਨਞ੍ਹਿ ਨਿਸ੍ਸਗ੍ਗਿਯਂ ਭવੇਯ੍ਯਾਤਿ। ਞਾਤਕਾਦੀਹਿ ਤਨ੍ਤਂ ਆਰੋਪੇਤ੍વਾ ‘‘ਤੁਮ੍ਹਾਕਂ, ਭਨ੍ਤੇ, ਇਦਂ ਚੀવਰਂ ਗਣ੍ਹੇਯ੍ਯਾਥਾ’’ਤਿ ਨਿਯ੍ਯਾਤਿਤੇਪਿ ਏਸੇવ ਨਯੋ।
Sace suttampi kappiyaṃ, tantavāyopi kappiyo ñātakappavārito vā mūlena vā payojito, vāyāpanapaccayā anāpatti. Dasāhātikkamanapaccayā pana āpattiṃ rakkhantena vikappanupagappamāṇamatte vīte tante ṭhitaṃyeva adhiṭṭhātabbaṃ. Dasāhātikkamena niṭṭhāpiyamānañhi nissaggiyaṃ bhaveyyāti. Ñātakādīhi tantaṃ āropetvā ‘‘tumhākaṃ, bhante, idaṃ cīvaraṃ gaṇheyyāthā’’ti niyyātitepi eseva nayo.
ਸਚੇ ਤਨ੍ਤવਾਯੋ ਏવਂ ਪਯੋਜਿਤੋ વਾ ਸਯਂ ਦਾਤੁਕਾਮੋ વਾ ਹੁਤ੍વਾ ‘‘ਅਹਂ, ਭਨ੍ਤੇ, ਤੁਮ੍ਹਾਕਂ ਚੀવਰਂ ਅਸੁਕਦਿવਸੇ ਨਾਮ વਾਯਿਤ੍વਾ ਠਪੇਸ੍ਸਾਮੀ’’ਤਿ વਦਤਿ, ਭਿਕ੍ਖੁ ਚ ਤੇਨ ਪਰਿਚ੍ਛਿਨ੍ਨਦਿવਸਤੋ ਦਸਾਹਂ ਅਤਿਕ੍ਕਾਮੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
Sace tantavāyo evaṃ payojito vā sayaṃ dātukāmo vā hutvā ‘‘ahaṃ, bhante, tumhākaṃ cīvaraṃ asukadivase nāma vāyitvā ṭhapessāmī’’ti vadati, bhikkhu ca tena paricchinnadivasato dasāhaṃ atikkāmeti, nissaggiyaṃ pācittiyaṃ.
ਸਚੇ ਪਨ ਤਨ੍ਤવਾਯੋ ‘‘ਅਹਂ ਤੁਮ੍ਹਾਕਂ ਚੀવਰਂ વਾਯਿਤ੍વਾ ਸਾਸਨਂ ਪੇਸੇਸ੍ਸਾਮੀ’’ਤਿ વਤ੍વਾ ਤਥੇવ ਕਰੋਤਿ, ਤੇਨ ਪੇਸਿਤਭਿਕ੍ਖੁ ਪਨ ਤਸ੍ਸ ਭਿਕ੍ਖੁਨੋ ਨ ਆਰੋਚੇਤਿ, ਅਞ੍ਞੋ ਦਿਸ੍વਾ વਾ ਸੁਤ੍વਾ વਾ ‘‘ਤੁਮ੍ਹਾਕਂ, ਭਨ੍ਤੇ, ਚੀવਰਂ ਨਿਟ੍ਠਿਤ’’ਨ੍ਤਿ ਆਰੋਚੇਤਿ, ਏਤਸ੍ਸ ਆਰੋਚਨਂ ਨ ਪਮਾਣਂ। ਯਦਾ ਪਨ ਤੇਨ ਪੇਸਿਤੋਯੇવ ਆਰੋਚੇਤਿ, ਤਸ੍ਸ વਚਨਂ ਸੁਤਦਿવਸਤੋ ਪਟ੍ਠਾਯ ਦਸਾਹਂ ਅਤਿਕ੍ਕਾਮਯਤੋ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ।
Sace pana tantavāyo ‘‘ahaṃ tumhākaṃ cīvaraṃ vāyitvā sāsanaṃ pesessāmī’’ti vatvā tatheva karoti, tena pesitabhikkhu pana tassa bhikkhuno na āroceti, añño disvā vā sutvā vā ‘‘tumhākaṃ, bhante, cīvaraṃ niṭṭhita’’nti āroceti, etassa ārocanaṃ na pamāṇaṃ. Yadā pana tena pesitoyeva āroceti, tassa vacanaṃ sutadivasato paṭṭhāya dasāhaṃ atikkāmayato nissaggiyaṃ pācittiyaṃ.
ਸਚੇ ਤਨ੍ਤવਾਯੋ ‘‘ਅਹਂ ਤੁਮ੍ਹਾਕਂ ਚੀવਰਂ વਾਯਿਤ੍વਾ ਕਸ੍ਸਚਿ ਹਤ੍ਥੇ ਪਹਿਣਿਸ੍ਸਾਮੀ’’ਤਿ વਤ੍વਾ ਤਥੇવ ਕਰੋਤਿ, ਚੀવਰਂ ਗਹੇਤ੍વਾ ਗਤਭਿਕ੍ਖੁ ਪਨ ਅਤ੍ਤਨੋ ਪਰਿવੇਣੇ ਠਪੇਤ੍વਾ ਤਸ੍ਸ ਨ ਆਰੋਚੇਤਿ, ਅਞ੍ਞੋ ਕੋਚਿ ਭਣਤਿ ‘‘ਅਪਿ, ਭਨ੍ਤੇ, ਅਧੁਨਾ ਆਭਤਂ ਚੀવਰਂ ਸੁਨ੍ਦਰ’’ਨ੍ਤਿ? ‘‘ਕੁਹਿਂ, ਆવੁਸੋ, ਚੀવਰ’’ਨ੍ਤਿ? ‘‘ਇਤ੍ਥਨ੍ਨਾਮਸ੍ਸ ਹਤ੍ਥੇ ਪੇਸਿਤ’’ਨ੍ਤਿ। ਏਤਸ੍ਸਪਿ વਚਨਂ ਨ ਪਮਾਣਂ। ਯਦਾ ਪਨ ਸੋ ਭਿਕ੍ਖੁ ਚੀવਰਂ ਦੇਤਿ, ਲਦ੍ਧਦਿવਸਤੋ ਪਟ੍ਠਾਯ ਦਸਾਹਂ ਅਤਿਕ੍ਕਾਮਯਤੋ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ। ਸਚੇ ਪਨ વਾਯਾਪਨਮੂਲਂ ਅਦਿਨ੍ਨਂ ਹੋਤਿ, ਯਾવ ਕਾਕਣਿਕਮਤ੍ਤਮ੍ਪਿ ਅવਸਿਟ੍ਠਂ, ਤਾવ ਰਕ੍ਖਤਿ।
Sace tantavāyo ‘‘ahaṃ tumhākaṃ cīvaraṃ vāyitvā kassaci hatthe pahiṇissāmī’’ti vatvā tatheva karoti, cīvaraṃ gahetvā gatabhikkhu pana attano pariveṇe ṭhapetvā tassa na āroceti, añño koci bhaṇati ‘‘api, bhante, adhunā ābhataṃ cīvaraṃ sundara’’nti? ‘‘Kuhiṃ, āvuso, cīvara’’nti? ‘‘Itthannāmassa hatthe pesita’’nti. Etassapi vacanaṃ na pamāṇaṃ. Yadā pana so bhikkhu cīvaraṃ deti, laddhadivasato paṭṭhāya dasāhaṃ atikkāmayato nissaggiyaṃ pācittiyaṃ. Sace pana vāyāpanamūlaṃ adinnaṃ hoti, yāva kākaṇikamattampi avasiṭṭhaṃ, tāva rakkhati.
੬੪੦. ਅਨਾਪਤ੍ਤਿ ਚੀવਰਂ ਸਿਬ੍ਬੇਤੁਨ੍ਤਿ ਚੀવਰਸਿਬ੍ਬਨਤ੍ਥਾਯ ਸੁਤ੍ਤਂ વਿਞ੍ਞਾਪੇਨ੍ਤਸ੍ਸ ਅਨਾਪਤ੍ਤੀਤਿ ਅਤ੍ਥੋ। ਆਯੋਗੇਤਿਆਦੀਸੁਪਿ ਨਿਮਿਤ੍ਤਤ੍ਥੇ ਭੁਮ੍ਮવਚਨਂ, ਆਯੋਗਾਦਿਨਿਮਿਤ੍ਤਂ વਿਞ੍ਞਾਪੇਨ੍ਤਸ੍ਸ ਅਨਾਪਤ੍ਤੀਤਿ વੁਤ੍ਤਂ ਹੋਤਿ। ਸੇਸਮੇਤ੍ਥ ਉਤ੍ਤਾਨਤ੍ਥਮੇવਾਤਿ।
640.Anāpatti cīvaraṃ sibbetunti cīvarasibbanatthāya suttaṃ viññāpentassa anāpattīti attho. Āyogetiādīsupi nimittatthe bhummavacanaṃ, āyogādinimittaṃ viññāpentassa anāpattīti vuttaṃ hoti. Sesamettha uttānatthamevāti.
ਛਸਮੁਟ੍ਠਾਨਂ, ਕਿਰਿਯਂ, ਨੋਸਞ੍ਞਾવਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿવਜ੍ਜਂ, ਕਾਯਕਮ੍ਮવਚੀਕਮ੍ਮਂ, ਤਿਚਿਤ੍ਤਂ, ਤਿવੇਦਨਨ੍ਤਿ।
Chasamuṭṭhānaṃ, kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammavacīkammaṃ, ticittaṃ, tivedananti.
ਸੁਤ੍ਤવਿਞ੍ਞਤ੍ਤਿਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Suttaviññattisikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੬. ਸੁਤ੍ਤવਿਞ੍ਞਤ੍ਤਿਸਿਕ੍ਖਾਪਦਂ • 6. Suttaviññattisikkhāpadaṃ
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੬. ਸੁਤ੍ਤવਿਞ੍ਞਤ੍ਤਿਸਿਕ੍ਖਾਪਦવਣ੍ਣਨਾ • 6. Suttaviññattisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੬. ਸੁਤ੍ਤવਿਞ੍ਞਤ੍ਤਿਸਿਕ੍ਖਾਪਦવਣ੍ਣਨਾ • 6. Suttaviññattisikkhāpadavaṇṇanā
