| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੬. ਸੁਤ੍ਤવਿਞ੍ਞਤ੍ਤਿਸਿਕ੍ਖਾਪਦવਣ੍ਣਨਾ
6. Suttaviññattisikkhāpadavaṇṇanā
੬੩੬. ਛਟ੍ਠੇ ਪਾਲ਼ਿਯਂ ਚੀવਰਕਾਰਸਮਯੇਤਿ ਇਮਿਨਾ વਸ੍ਸਂવੁਤ੍ਥਭਿਕ੍ਖੂਨਂ ਚੀવਰਕਮ੍ਮਸਮਯਤ੍ਤਾ ਚੀવਰਮਾਸੋ વੁਤ੍ਤੋ, ਅਥਞ੍ਞੋਪਿ ਪਨ ਚੀવਰਕਮ੍ਮਕਾਲੋ ਚੀવਰਕਾਰਸਮਯੋਤਿ વਤ੍ਤੁਂ વਟ੍ਟਤਿ।
636. Chaṭṭhe pāḷiyaṃ cīvarakārasamayeti iminā vassaṃvutthabhikkhūnaṃ cīvarakammasamayattā cīvaramāso vutto, athaññopi pana cīvarakammakālo cīvarakārasamayoti vattuṃ vaṭṭati.
੬੩੮. ਪਞ੍ਚਹਿਪਿ ਮਿਸ੍ਸੇਤ੍વਾਤਿ ਖੋਮਾਦੀਹਿ ਪਞ੍ਚਹਿ ਮਿਸ੍ਸੇਤ੍વਾ। વੀਤવੀਤਟ੍ਠਾਨਂ ਯਤ੍ਥ ਸਂਹਰਿਤ੍વਾ ਠਪੇਨ੍ਤਿ, ਤਸ੍ਸ ਤੁਰੀਤਿ ਅਧਿવਚਨਂ। ਸੁਤ੍ਤਂ ਪવੇਸੇਤ੍વਾ ਯੇਨ ਆਕੋਟੇਨ੍ਤਾ ਘਨਭਾવਂ ਸਮ੍ਪਾਦੇਨ੍ਤਿ, ਤਂ વੇਮਨ੍ਤਿ વੁਚ੍ਚਤਿ। ਯਂ ਯਨ੍ਤਿ ਯਂ ਯਂ ਪਯੋਗਂ। ਤਨ੍ਤੂਨਂ ਅਤ੍ਤਨੋ ਸਨ੍ਤਕਤ੍ਤਾ વੀਤવੀਤਟ੍ਠਾਨਂ ਪਟਿਲਦ੍ਧਮੇવ ਹੋਤੀਤਿ ਆਹ ‘‘ਦੀਘਤੋ…ਪੇ॰… વੀਤੇ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ। ਪਾਲ਼ਿਯਮ੍ਪਿ ਹਿ ਇਮਿਨਾવ ਅਧਿਪ੍ਪਾਯੇਨ ‘‘ਪਟਿਲਾਭੇਨ ਨਿਸ੍ਸਗ੍ਗਿਯ’’ਨ੍ਤਿ વੁਤ੍ਤਂ, ਤਸ੍ਮਾ ਯਾવ ਚੀવਰਂ વਡ੍ਢਤਿ, ਤਾવ ਇਮਿਨਾ ਪਮਾਣੇਨ ਆਪਤ੍ਤਿਯੋ વਡ੍ਢਨ੍ਤਿ।
638.Pañcahipimissetvāti khomādīhi pañcahi missetvā. Vītavītaṭṭhānaṃ yattha saṃharitvā ṭhapenti, tassa turīti adhivacanaṃ. Suttaṃ pavesetvā yena ākoṭentā ghanabhāvaṃ sampādenti, taṃ vemanti vuccati. Yaṃ yanti yaṃ yaṃ payogaṃ. Tantūnaṃ attano santakattā vītavītaṭṭhānaṃ paṭiladdhameva hotīti āha ‘‘dīghato…pe… vīte nissaggiyaṃ pācittiya’’nti. Pāḷiyampi hi imināva adhippāyena ‘‘paṭilābhena nissaggiya’’nti vuttaṃ, tasmā yāva cīvaraṃ vaḍḍhati, tāva iminā pamāṇena āpattiyo vaḍḍhanti.
ਸੇਸੋ ਕਪ੍ਪਿਯੋਤਿ ਏਤ੍ਥ ਹਤ੍ਥਕਮ੍ਮਯਾਚਨવਸੇਨ। ਪੁਬ੍ਬੇ વੁਤ੍ਤਨਯੇਨ ਨਿਸ੍ਸਗ੍ਗਿਯਨ੍ਤਿ ਦੀਘਸੋ વਿਦਤ੍ਥਿਮਤ੍ਤੇ ਤਿਰਿਯਂ ਹਤ੍ਥਮਤ੍ਤੇ ਚ વੀਤੇ ਨਿਸ੍ਸਗ੍ਗਿਯਂ। ਤੇਨੇવਾਤਿ ਅਕਪ੍ਪਿਯਤਨ੍ਤવਾਯੇਨ। ਤਥੇવ ਦੁਕ੍ਕਟਨ੍ਤਿ ਪਰਿਚ੍ਛੇਦੇ ਪਰਿਚ੍ਛੇਦੇ ਦੁਕ੍ਕਟਂ। ਕੇਦਾਰਬਦ੍ਧਾਦੀਹੀਤਿ ਆਦਿ-ਸਦ੍ਦੇਨ ਅਚ੍ਛਿਮਣ੍ਡਲਬਦ੍ਧਾਦਿ ਗਹਿਤਂ। ਤਨ੍ਤੇ ਠਿਤਂਯੇવ ਅਧਿਟ੍ਠਾਤਬ੍ਬਨ੍ਤਿ ਏਤ੍ਥ ‘‘ਪਚ੍ਛਾ વੀਤਟ੍ਠਾਨਂ ਅਧਿਟ੍ਠਿਤਗਤਿਕਮੇવ ਹੋਤਿ, ਪੁਨ ਅਧਿਟ੍ਠਾਨਕਿਚ੍ਚਂ ਨਤ੍ਥਿ। ਸਚੇ ਪਨ ਪਰਿਚ੍ਛੇਦਂ ਦਸ੍ਸੇਤ੍વਾ ਅਨ੍ਤਰਨ੍ਤਰਾ ਅવੀਤਂ ਹੋਤਿ, ਪੁਨ ਅਧਿਟ੍ਠਾਤਬ੍ਬ’’ਨ੍ਤਿ વਦਨ੍ਤਿ। ਏਸੇવ ਨਯੋਤਿ વਿਕਪ੍ਪਨੁਪਗਪ੍ਪਮਾਣਮਤ੍ਤੇ વੀਤੇ ਤਨ੍ਤੇ ਠਿਤਂਯੇવ ਅਧਿਟ੍ਠਾਤਬ੍ਬਨ੍ਤਿ ਅਤ੍ਥੋ। ਚੀવਰਤ੍ਥਾਯ વਿਞ੍ਞਾਪਿਤਸੁਤ੍ਤਂ, ਅਤ੍ਤੁਦ੍ਦੇਸਿਕਤਾ, ਅਕਪ੍ਪਿਯਤਨ੍ਤવਾਯੇਨ વਾਯਾਪਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ।
Seso kappiyoti ettha hatthakammayācanavasena. Pubbe vuttanayena nissaggiyanti dīghaso vidatthimatte tiriyaṃ hatthamatte ca vīte nissaggiyaṃ. Tenevāti akappiyatantavāyena. Tatheva dukkaṭanti paricchede paricchede dukkaṭaṃ. Kedārabaddhādīhīti ādi-saddena acchimaṇḍalabaddhādi gahitaṃ. Tante ṭhitaṃyeva adhiṭṭhātabbanti ettha ‘‘pacchā vītaṭṭhānaṃ adhiṭṭhitagatikameva hoti, puna adhiṭṭhānakiccaṃ natthi. Sace pana paricchedaṃ dassetvā antarantarā avītaṃ hoti, puna adhiṭṭhātabba’’nti vadanti. Eseva nayoti vikappanupagappamāṇamatte vīte tante ṭhitaṃyeva adhiṭṭhātabbanti attho. Cīvaratthāya viññāpitasuttaṃ, attuddesikatā, akappiyatantavāyena vāyāpananti imānettha tīṇi aṅgāni.
ਮਾਤਿਕਾਟ੍ਠਕਥਾਯਂ (ਕਙ੍ਖਾ॰ ਅਟ੍ਠ॰ ਸੁਤ੍ਤવਿਞ੍ਞਤ੍ਤਿਸਿਕ੍ਖਾਪਦવਣ੍ਣਨਾ) ਪਨ વਾਯਾਪੇਯ੍ਯਾਤਿ ਏਤ੍ਥ ‘‘ਚੀવਰਂ ਮੇ, ਆવੁਸੋ, વਾਯਥਾਤਿ ਅਕਪ੍ਪਿਯવਿਞ੍ਞਤ੍ਤਿਯਾ વਾਯਾਪੇਯ੍ਯਾ’’ਤਿ ਅਤ੍ਥਂ વਤ੍વਾ ਅਙ੍ਗੇਸੁਪਿ ‘‘ਅਕਪ੍ਪਿਯਤਨ੍ਤવਾਯੇਨ ਅਕਪ੍ਪਿਯવਿਞ੍ਞਤ੍ਤਿਯਾ વਾਯਾਪਨ’’ਨ੍ਤਿ વਿਸੇਸੇਤ੍વਾ વੁਤ੍ਤਂ, ਤਥਾવਿਧਂ ਪਨ વਿਸੇਸવਚਨਂ ਨੇવ ਪਾਲ਼ਿਯਂ, ਨ ਅਟ੍ਠਕਥਾਯਂ ਉਪਲਬ੍ਭਤਿ। ਪਾਲ਼ਿਯਮ੍ਪਿ ‘‘ਞਾਤਕਾਨਂ ਪવਾਰਿਤਾਨ’’ਨ੍ਤਿ ਏਤ੍ਤਕਮੇવ ਅਨਾਪਤ੍ਤਿવਾਰੇ વੁਤ੍ਤਂ, ਅਟ੍ਠਕਥਾਯਞ੍ਚ ਸੁਤ੍ਤਤਨ੍ਤવਾਯਾਨਮੇવ ਕਪ੍ਪਿਯਾਕਪ੍ਪਿਯਭਾવੇਨ ਬਹੁਧਾ ਨਯੋ ਦਸ੍ਸਿਤੋ , ਨ ਕਪ੍ਪਿਯਾਕਪ੍ਪਿਯવਿਞ੍ਞਤ੍ਤਿવਸੇਨਾਤਿ। ‘‘ਅਕਪ੍ਪਿਯવਿਞ੍ਞਤ੍ਤਿਯਾ વਾਯਾਪੇਯ੍ਯਾ’’ਤਿ ਚ વਿਸੇਸੇਤ੍વਾ વਦਨ੍ਤੇਨ ਅਯਂ ਨਾਮ ਕਪ੍ਪਿਯવਿਞ੍ਞਤ੍ਤੀਤਿ વਿਸੁਂ ਨ ਦਸ੍ਸਿਤਂ, ਤਸ੍ਮਾ વੀਮਂਸਿਤ੍વਾ ਗਹੇਤਬ੍ਬਂ।
Mātikāṭṭhakathāyaṃ (kaṅkhā. aṭṭha. suttaviññattisikkhāpadavaṇṇanā) pana vāyāpeyyāti ettha ‘‘cīvaraṃ me, āvuso, vāyathāti akappiyaviññattiyā vāyāpeyyā’’ti atthaṃ vatvā aṅgesupi ‘‘akappiyatantavāyena akappiyaviññattiyā vāyāpana’’nti visesetvā vuttaṃ, tathāvidhaṃ pana visesavacanaṃ neva pāḷiyaṃ, na aṭṭhakathāyaṃ upalabbhati. Pāḷiyampi ‘‘ñātakānaṃ pavāritāna’’nti ettakameva anāpattivāre vuttaṃ, aṭṭhakathāyañca suttatantavāyānameva kappiyākappiyabhāvena bahudhā nayo dassito , na kappiyākappiyaviññattivasenāti. ‘‘Akappiyaviññattiyā vāyāpeyyā’’ti ca visesetvā vadantena ayaṃ nāma kappiyaviññattīti visuṃ na dassitaṃ, tasmā vīmaṃsitvā gahetabbaṃ.
ਸੁਤ੍ਤવਿਞ੍ਞਤ੍ਤਿਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Suttaviññattisikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੬. ਸੁਤ੍ਤવਿਞ੍ਞਤ੍ਤਿਸਿਕ੍ਖਾਪਦਂ • 6. Suttaviññattisikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੬. ਸੁਤ੍ਤવਿਞ੍ਞਤ੍ਤਿਸਿਕ੍ਖਾਪਦવਣ੍ਣਨਾ • 6. Suttaviññattisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੬. ਸੁਤ੍ਤવਿਞ੍ਞਤ੍ਤਿਸਿਕ੍ਖਾਪਦવਣ੍ਣਨਾ • 6. Suttaviññattisikkhāpadavaṇṇanā
