| Library / Tipiṭaka / ਤਿਪਿਟਕ • Tipiṭaka / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā |
੬. ਸੁਤ੍ਤવਿਞ੍ਞਤ੍ਤਿਸਿਕ੍ਖਾਪਦવਣ੍ਣਨਾ
6. Suttaviññattisikkhāpadavaṇṇanā
੬੩੬. ਛਟ੍ਠੇ વੀਤવੀਤਟ੍ਠਾਨਂ ਯਸ੍ਮਿਂ ਚਤੁਰਸ੍ਸਦਾਰੁਮ੍ਹਿ ਪਲਿવੇਠੇਨ੍ਤਿ, ਤਸ੍ਸ ਤੁਰੀਤਿ ਨਾਮਂ। વਾਯਨ੍ਤਾ ਤਿਰਿਯਂ ਸੁਤ੍ਤਂ ਪવੇਸੇਤ੍વਾ ਯੇਨ ਆਕੋਟੇਨ੍ਤਾ વਤ੍ਥੇ ਘਨਭਾવਂ ਆਪਾਦੇਨ੍ਤਿ, ਤਂ ‘‘વੇਮ’’ਨ੍ਤਿ વੁਚ੍ਚਤਿ।
636. Chaṭṭhe vītavītaṭṭhānaṃ yasmiṃ caturassadārumhi paliveṭhenti, tassa turīti nāmaṃ. Vāyantā tiriyaṃ suttaṃ pavesetvā yena ākoṭentā vatthe ghanabhāvaṃ āpādenti, taṃ ‘‘vema’’nti vuccati.
‘‘ਇਤਰਸ੍ਮਿਂ ਤਥੇવ ਦੁਕ੍ਕਟ’’ਨ੍ਤਿ ਇਮਿਨਾ વਾਯਿਤੁਂ ਆਰਦ੍ਧਕਾਲਤੋ ਪਟ੍ਠਾਯ ਯਥਾવੁਤ੍ਤਪਰਿਚ੍ਛੇਦਨਿਟ੍ਠਿਤੇਯੇવ ਦੁਕ੍ਕਟਮ੍ਪਿ ਹੋਤਿ, ਨ ਤਤੋ ਪੁਬ੍ਬੇ વਾਯਨਪਯੋਗੇਸੂਤਿ ਦਸ੍ਸੇਤਿ।
‘‘Itarasmiṃ tatheva dukkaṭa’’nti iminā vāyituṃ āraddhakālato paṭṭhāya yathāvuttaparicchedaniṭṭhiteyeva dukkaṭampi hoti, na tato pubbe vāyanapayogesūti dasseti.
ਤਨ੍ਤੇ ਠਿਤਂਯੇવ ਅਧਿਟ੍ਠਾਤਬ੍ਬਨ੍ਤਿ ਏਤ੍ਥ ਏਕવਾਰਂ ਅਧਿਟ੍ਠਿਤੇ ਪਚ੍ਛਾ વੀਤਂ ਅਧਿਟ੍ਠਿਤਗਤਿਕਮੇવ ਹੋਤਿ, ਪੁਨ ਅਧਿਟ੍ਠਾਨਕਿਚ੍ਚਂ ਨਤ੍ਥਿ। ਸਚੇ ਪਨ ਅਨ੍ਤਰਨ੍ਤਰਾ ਦਸਾ ਠਪੇਤ੍વਾ વਿਸੁਂ વਿਸੁਂ ਸਪਰਿਚ੍ਛੇਦਂ વੀਤਂ ਹੋਤਿ, ਪਚ੍ਚੇਕਂ ਅਧਿਟ੍ਠਾਤਬ੍ਬਮੇવਾਤਿ ਦਟ੍ਠਬ੍ਬਂ। ਏਤ੍ਥ ਚ ਕਪ੍ਪਿਯਸੁਤ੍ਤਂ ਗਹੇਤ੍વਾ ਅਞ੍ਞਾਤਕਅਪ੍ਪવਾਰਿਤੇਨਾਪਿ ਅਕਪ੍ਪਿਯਤਨ੍ਤવਾਯੇਨ ‘‘ਸੁਤ੍ਤਮਤ੍ਥਿ, વਾਯਨ੍ਤੋ ਨਤ੍ਥੀ’’ਤਿਆਦਿਪਰਿਯਾਯਮੁਖੇਨ વਾਯਾਪੇਨ੍ਤਸ੍ਸ ਅਨਾਪਤ੍ਤਿ। ਤੇਨੇવ ਮਾਤਿਕਾਟ੍ਠਕਥਾਯਂ (ਕਙ੍ਖਾ॰ ਅਟ੍ਠ॰ ਸੁਤ੍ਤવਿਞ੍ਞਤ੍ਤਿਸਿਕ੍ਖਾਪਦવਣ੍ਣਨਾ) ‘‘વਾਯਾਪੇਯ੍ਯਾ’’ਤਿ ਪਦਸ੍ਸ ‘‘ਚੀવਰਂ ਮੇ, ਆવੁਸੋ, વਾਯਥਾਤਿ ਅਕਪ੍ਪਿਯવਿਞ੍ਞਤ੍ਤਿਯਾ વਾਯਾਪੇਯ੍ਯਾ’’ਤਿ ਅਤ੍ਥੋ વੁਤ੍ਤੋ, ਏવਂ વਦਨ੍ਤੋ ਅਕਪ੍ਪਿਯਤਨ੍ਤવਾਯੇਨ વਾਯਾਪੇਤਿ ਨਾਮ, ਨਾਞ੍ਞਥਾ।
Tanteṭhitaṃyeva adhiṭṭhātabbanti ettha ekavāraṃ adhiṭṭhite pacchā vītaṃ adhiṭṭhitagatikameva hoti, puna adhiṭṭhānakiccaṃ natthi. Sace pana antarantarā dasā ṭhapetvā visuṃ visuṃ saparicchedaṃ vītaṃ hoti, paccekaṃ adhiṭṭhātabbamevāti daṭṭhabbaṃ. Ettha ca kappiyasuttaṃ gahetvā aññātakaappavāritenāpi akappiyatantavāyena ‘‘suttamatthi, vāyanto natthī’’tiādipariyāyamukhena vāyāpentassa anāpatti. Teneva mātikāṭṭhakathāyaṃ (kaṅkhā. aṭṭha. suttaviññattisikkhāpadavaṇṇanā) ‘‘vāyāpeyyā’’ti padassa ‘‘cīvaraṃ me, āvuso, vāyathāti akappiyaviññattiyā vāyāpeyyā’’ti attho vutto, evaṃ vadanto akappiyatantavāyena vāyāpeti nāma, nāññathā.
੬੪੦. ਅਨਾਪਤ੍ਤਿ ਚੀવਰਂ ਸਿਬ੍ਬੇਤੁਨ੍ਤਿਆਦੀਸੁ ਇਮਿਨਾ ਸਿਕ੍ਖਾਪਦੇਨੇવ ਅਨਾਪਤ੍ਤਿ, ਅਕਤવਿਞ੍ਞਤ੍ਤਿਪਚ੍ਚਯਾ ਪਨ ਦੁਕ੍ਕਟਮੇવਾਤਿ વਦਨ੍ਤਿ। ਅਕਪ੍ਪਿਯਸੁਤ੍ਤਤਾ, ਅਤ੍ਤੁਦ੍ਦੇਸਿਕਤਾ, ਅਕਪ੍ਪਿਯਤਨ੍ਤવਾਯੇਨ ਅਕਪ੍ਪਿਯવਿਞ੍ਞਤ੍ਤਿਯਾ વਾਯਾਪਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ।
640.Anāpatti cīvaraṃ sibbetuntiādīsu iminā sikkhāpadeneva anāpatti, akataviññattipaccayā pana dukkaṭamevāti vadanti. Akappiyasuttatā, attuddesikatā, akappiyatantavāyena akappiyaviññattiyā vāyāpananti imānettha tīṇi aṅgāni.
ਸੁਤ੍ਤવਿਞ੍ਞਤ੍ਤਿਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Suttaviññattisikkhāpadavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੬. ਸੁਤ੍ਤવਿਞ੍ਞਤ੍ਤਿਸਿਕ੍ਖਾਪਦਂ • 6. Suttaviññattisikkhāpadaṃ
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā / ੬. ਸੁਤ੍ਤવਿਞ੍ਞਤ੍ਤਿਸਿਕ੍ਖਾਪਦવਣ੍ਣਨਾ • 6. Suttaviññattisikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੬. ਸੁਤ੍ਤવਿਞ੍ਞਤ੍ਤਿਸਿਕ੍ਖਾਪਦવਣ੍ਣਨਾ • 6. Suttaviññattisikkhāpadavaṇṇanā
