| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
28. суван̣н̣аб̣иб̣б̣оханаваг̇г̇о
28. Suvaṇṇabibbohanavaggo
1-10. суван̣н̣аб̣иб̣б̣оханияад̇т̇зраабад̣̇аанаад̣̇иван̣н̣анаа
1-10. Suvaṇṇabibbohaniyattheraapadānādivaṇṇanā
адтавийсад̇имз ваг̇г̇з батамаабад̣̇аанам̣ уд̇д̇аанамзва.
Aṭṭhavīsatime vagge paṭhamāpadānaṃ uttānameva.
5. д̣̇уд̇ияаабад̣̇аанз маномаязна гааязнаад̇и яат̇аа жид̇д̇авасзна бавад̇д̇агааязнаад̇и ад̇т̇о.
5. Dutiyāpadāne manomayena kāyenāti yathā cittavasena pavattakāyenāti attho.
10. д̇ад̇ияаабад̣̇аанз махаасамуд̣̇д̣̇ам̣ ниссааяаад̇и махаасааг̇араасаннз тид̇асса баб̣б̣ад̇асса анд̇арз баб̣б̣ад̇алзн̣зд̇и ад̇т̇о. сид̣̇д̇хад̇т̇о бхаг̇аваа вивзгагаамад̇ааяа васад̇и бадивасад̇ийд̇и ад̇т̇о. бажжуг̇г̇анд̇ваанагаасаханд̇и ахам̣ д̇асса бхаг̇авад̇о бадиуг̇г̇анд̇ваа самийбам̣ г̇анд̇ваа ванд̣̇анаад̣̇ибун̃н̃ам̣ агаасинд̇и ад̇т̇о. жан̇годагамад̣̇аасаханд̇и сид̣̇д̇хад̇т̇асса бхаг̇авад̇о ахам̣ бубпабхарид̇ам̣ жан̇годагам̣ гад̣̇амб̣ам̣ ад̣̇аасим̣ бууж̇зсинд̇и ад̇т̇о.
10. Tatiyāpadāne mahāsamuddaṃ nissāyāti mahāsāgarāsanne ṭhitassa pabbatassa antare pabbataleṇeti attho. Siddhattho bhagavā vivekakāmatāya vasati paṭivasatīti attho. Paccuggantvānakāsahanti ahaṃ tassa bhagavato paṭiuggantvā samīpaṃ gantvā vandanādipuññaṃ akāsinti attho. Caṅkoṭakamadāsahanti siddhatthassa bhagavato ahaṃ pupphabharitaṃ caṅkoṭakaṃ kadambaṃ adāsiṃ pūjesinti attho.
14. жад̇уд̇т̇аабад̣̇аанз агаггасажид̇д̇ассаат̇аад̇и апарусажид̇д̇асса, ат̇а-сад̣̇д̣̇о бад̣̇абууран̣з.
14. Catutthāpadāne akakkasacittassāthāti apharusacittassa, atha-saddo padapūraṇe.
19. бан̃жамаабад̣̇аанз уд̣̇умб̣арз васанд̇ассаад̇и уд̣̇умб̣араругкамуулз ругкажчааяааяа васанд̇асса д̇иссасса бхаг̇авад̇о. нияад̇з бан̣н̣асант̇арзд̇и нияаамид̇з бадиб̣ад̣̇д̇хз бан̣н̣асант̇арз саакаабхан̇г̇аасанз нисиннасса. вуд̇т̇огаасо маяаа д̣̇иннод̇и вивид̇д̇огаасз ман̣д̣абад̣̇ваараад̣̇ийхи бихид̇огаасо маяаа д̣̇инно самбаад̣̇ид̇од̇и ад̇т̇о.
19. Pañcamāpadāne udumbare vasantassāti udumbararukkhamūle rukkhacchāyāya vasantassa tissassa bhagavato. Niyate paṇṇasanthareti niyāmite paṭibaddhe paṇṇasanthare sākhābhaṅgāsane nisinnassa. Vutthokāso mayā dinnoti vivittokāse maṇḍapadvārādīhi pihitokāso mayā dinno sampāditoti attho.
24. чадтаабад̣̇аанз бод̇т̇ад̣̇аанам̣ маяаа д̣̇иннанд̇и бод̇т̇аваддим̣ бод̇т̇ачаллим̣ д̇аал̣зд̇ваа гад̇ам̣ саадагам̣ висамам̣ г̇опаасугзна гхам̣сид̇ваа ниммид̇ам̣ суд̇д̇ам̣ г̇ахзд̇ваа ганд̇ид̇ваа д̇зна суд̇д̇зна нисийд̣̇анад̇т̇ааяа ваа бхуумад̇т̇аран̣ад̇т̇ааяа ваа саадагам̣ вааяаабзд̇ваа д̇ам̣ саадагам̣ маяаа рад̇анад̇д̇аяасса д̣̇иннанд̇и ад̇т̇о.
24. Chaṭṭhāpadāne potthadānaṃ mayā dinnanti potthavaṭṭiṃ potthachalliṃ tāḷetvā kataṃ sāṭakaṃ visamaṃ gophāsukena ghaṃsitvā nimmitaṃ suttaṃ gahetvā kantitvā tena suttena nisīdanatthāya vā bhūmattharaṇatthāya vā sāṭakaṃ vāyāpetvā taṃ sāṭakaṃ mayā ratanattayassa dinnanti attho.
27. сад̇д̇амаабад̣̇аанз жанд̣̇абхааг̇аанад̣̇ийд̇ийрзд̇и жанд̣̇абхааг̇ааяа наама над̣̇ияаа д̇ийрад̇о, ниссаггз бхуммаважанам̣ . анусод̇анд̇и сод̇асса ану хздтааг̇ан̇г̇ам̣ важ̇аами г̇ажчаами аханд̇и ад̇т̇о. сад̇д̇а маалувабубпаани, жид̇амааробаяим̣ аханд̇и ахам̣ маалувабубпаани сад̇д̇а бад̇д̇аани г̇ахзд̇ваа жид̇агз ваалугараасимхи ваалугаахи т̇уубам̣ гад̇ваа бууж̇зсинд̇и ад̇т̇о.
27. Sattamāpadāne candabhāgānadītīreti candabhāgāya nāma nadiyā tīrato, nissakke bhummavacanaṃ . Anusotanti sotassa anu heṭṭhāgaṅgaṃ vajāmi gacchāmi ahanti attho. Satta māluvapupphāni, citamāropayiṃ ahanti ahaṃ māluvapupphāni satta pattāni gahetvā citake vālukarāsimhi vālukāhi thūpaṃ katvā pūjesinti attho.
31-32. адтамаабад̣̇аанз махаасинд̇ху суд̣̇ассанаад̇и сунд̣̇арад̣̇ассанасунд̣̇арод̣̇агад̇хавалабулинобасобхид̇ад̇д̇аа судту манохараа махаасинд̇ху наама вааринад̣̇ий ахоси. д̇ад̇т̇а д̇иссам̣ синд̇хувааринад̣̇ияам̣ саббабхаасам̣ бабхааяа сахид̇ам̣ суд̣̇ассанам̣ сунд̣̇араруубам̣ барамобасамз яуд̇д̇ам̣ уд̇д̇амз убасамз яуд̇д̇ам̣ саман̇г̇ийбхууд̇ам̣ вийд̇арааг̇ам̣ ахам̣ ад̣̇д̣̇асанд̇и ад̇т̇о. д̣̇исваахам̣ вимхид̇аасаяод̇и ‘‘зваруубам̣ бхаяаанагам̣ химаванд̇ам̣ гат̇ам̣ самбад̇д̇о’’д̇и вимхид̇ааж̇жхаасаяо ажчарияаб̣бхуд̇ажид̇д̇од̇и ад̇т̇о. аалувам̣ д̇асса баад̣̇аасинд̇и д̇асса арахад̇о ахам̣ басаннамаанасо аалуваганд̣̇ам̣ баад̣̇аасим̣ аад̣̇арзна ад̣̇аасинд̇и ад̇т̇о.
31-32. Aṭṭhamāpadāne mahāsindhu sudassanāti sundaradassanasundarodakadhavalapulinopasobhitattā suṭṭhu manoharā mahāsindhu nāma vārinadī ahosi. Tattha tissaṃ sindhuvārinadiyaṃ sappabhāsaṃ pabhāya sahitaṃ sudassanaṃ sundararūpaṃ paramopasame yuttaṃ uttame upasame yuttaṃ samaṅgībhūtaṃ vītarāgaṃ ahaṃ addasanti attho. Disvāhaṃ vimhitāsayoti ‘‘evarūpaṃ bhayānakaṃ himavantaṃ kathaṃ sampatto’’ti vimhitaajjhāsayo acchariyabbhutacittoti attho. Āluvaṃ tassa pādāsinti tassa arahato ahaṃ pasannamānaso āluvakandaṃ pādāsiṃ ādarena adāsinti attho.
навамад̣̇асамаабад̣̇аанаани уд̇д̇аанаанзваад̇и.
Navamadasamāpadānāni uttānānevāti.
адтавийсад̇имаваг̇г̇аван̣н̣анаа самад̇д̇аа.
Aṭṭhavīsatimavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi
2. д̇иламудтид̣̇ааяагад̇т̇зраабад̣̇аанам̣ • 2. Tilamuṭṭhidāyakattheraapadānaṃ
3. жан̇годагияад̇т̇зраабад̣̇аанам̣ • 3. Caṅkoṭakiyattheraapadānaṃ
4. аб̣бхан̃ж̇анад̣̇ааяагад̇т̇зраабад̣̇аанам̣ • 4. Abbhañjanadāyakattheraapadānaṃ
5. зган̃ж̇алигад̇т̇зраабад̣̇аанам̣ • 5. Ekañjalikattheraapadānaṃ
6. бод̇т̇агад̣̇ааяагад̇т̇зраабад̣̇аанам̣ • 6. Potthakadāyakattheraapadānaṃ
7. жид̇агабууж̇агад̇т̇зраабад̣̇аанам̣ • 7. Citakapūjakattheraapadānaṃ
8. аалувад̣̇ааяагад̇т̇зраабад̣̇аанам̣ • 8. Āluvadāyakattheraapadānaṃ
