| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੨੮. ਸੁવਣ੍ਣਬਿਬ੍ਬੋਹਨવਗ੍ਗੋ
28. Suvaṇṇabibbohanavaggo
੧-੧੦. ਸੁવਣ੍ਣਬਿਬ੍ਬੋਹਨਿਯਤ੍ਥੇਰਅਪਦਾਨਾਦਿવਣ੍ਣਨਾ
1-10. Suvaṇṇabibbohaniyattheraapadānādivaṇṇanā
ਅਟ੍ਠવੀਸਤਿਮੇ વਗ੍ਗੇ ਪਠਮਾਪਦਾਨਂ ਉਤ੍ਤਾਨਮੇવ।
Aṭṭhavīsatime vagge paṭhamāpadānaṃ uttānameva.
੫. ਦੁਤਿਯਾਪਦਾਨੇ ਮਨੋਮਯੇਨ ਕਾਯੇਨਾਤਿ ਯਥਾ ਚਿਤ੍ਤવਸੇਨ ਪવਤ੍ਤਕਾਯੇਨਾਤਿ ਅਤ੍ਥੋ।
5. Dutiyāpadāne manomayena kāyenāti yathā cittavasena pavattakāyenāti attho.
੧੦. ਤਤਿਯਾਪਦਾਨੇ ਮਹਾਸਮੁਦ੍ਦਂ ਨਿਸ੍ਸਾਯਾਤਿ ਮਹਾਸਾਗਰਾਸਨ੍ਨੇ ਠਿਤਸ੍ਸ ਪਬ੍ਬਤਸ੍ਸ ਅਨ੍ਤਰੇ ਪਬ੍ਬਤਲੇਣੇਤਿ ਅਤ੍ਥੋ। ਸਿਦ੍ਧਤ੍ਥੋ ਭਗવਾ વਿવੇਕਕਾਮਤਾਯ વਸਤਿ ਪਟਿવਸਤੀਤਿ ਅਤ੍ਥੋ। ਪਚ੍ਚੁਗ੍ਗਨ੍ਤ੍વਾਨਕਾਸਹਨ੍ਤਿ ਅਹਂ ਤਸ੍ਸ ਭਗવਤੋ ਪਟਿਉਗ੍ਗਨ੍ਤ੍વਾ ਸਮੀਪਂ ਗਨ੍ਤ੍વਾ વਨ੍ਦਨਾਦਿਪੁਞ੍ਞਂ ਅਕਾਸਿਨ੍ਤਿ ਅਤ੍ਥੋ। ਚਙ੍ਕੋਟਕਮਦਾਸਹਨ੍ਤਿ ਸਿਦ੍ਧਤ੍ਥਸ੍ਸ ਭਗવਤੋ ਅਹਂ ਪੁਪ੍ਫਭਰਿਤਂ ਚਙ੍ਕੋਟਕਂ ਕਦਮ੍ਬਂ ਅਦਾਸਿਂ ਪੂਜੇਸਿਨ੍ਤਿ ਅਤ੍ਥੋ।
10. Tatiyāpadāne mahāsamuddaṃ nissāyāti mahāsāgarāsanne ṭhitassa pabbatassa antare pabbataleṇeti attho. Siddhattho bhagavā vivekakāmatāya vasati paṭivasatīti attho. Paccuggantvānakāsahanti ahaṃ tassa bhagavato paṭiuggantvā samīpaṃ gantvā vandanādipuññaṃ akāsinti attho. Caṅkoṭakamadāsahanti siddhatthassa bhagavato ahaṃ pupphabharitaṃ caṅkoṭakaṃ kadambaṃ adāsiṃ pūjesinti attho.
੧੪. ਚਤੁਤ੍ਥਾਪਦਾਨੇ ਅਕਕ੍ਕਸਚਿਤ੍ਤਸ੍ਸਾਥਾਤਿ ਅਫਰੁਸਚਿਤ੍ਤਸ੍ਸ, ਅਥ-ਸਦ੍ਦੋ ਪਦਪੂਰਣੇ।
14. Catutthāpadāne akakkasacittassāthāti apharusacittassa, atha-saddo padapūraṇe.
੧੯. ਪਞ੍ਚਮਾਪਦਾਨੇ ਉਦੁਮ੍ਬਰੇ વਸਨ੍ਤਸ੍ਸਾਤਿ ਉਦੁਮ੍ਬਰਰੁਕ੍ਖਮੂਲੇ ਰੁਕ੍ਖਚ੍ਛਾਯਾਯ વਸਨ੍ਤਸ੍ਸ ਤਿਸ੍ਸਸ੍ਸ ਭਗવਤੋ। ਨਿਯਤੇ ਪਣ੍ਣਸਨ੍ਥਰੇਤਿ ਨਿਯਾਮਿਤੇ ਪਟਿਬਦ੍ਧੇ ਪਣ੍ਣਸਨ੍ਥਰੇ ਸਾਖਾਭਙ੍ਗਾਸਨੇ ਨਿਸਿਨ੍ਨਸ੍ਸ। વੁਤ੍ਥੋਕਾਸੋ ਮਯਾ ਦਿਨ੍ਨੋਤਿ વਿવਿਤ੍ਤੋਕਾਸੇ ਮਣ੍ਡਪਦ੍વਾਰਾਦੀਹਿ ਪਿਹਿਤੋਕਾਸੋ ਮਯਾ ਦਿਨ੍ਨੋ ਸਮ੍ਪਾਦਿਤੋਤਿ ਅਤ੍ਥੋ।
19. Pañcamāpadāne udumbare vasantassāti udumbararukkhamūle rukkhacchāyāya vasantassa tissassa bhagavato. Niyate paṇṇasanthareti niyāmite paṭibaddhe paṇṇasanthare sākhābhaṅgāsane nisinnassa. Vutthokāso mayā dinnoti vivittokāse maṇḍapadvārādīhi pihitokāso mayā dinno sampāditoti attho.
੨੪. ਛਟ੍ਠਾਪਦਾਨੇ ਪੋਤ੍ਥਦਾਨਂ ਮਯਾ ਦਿਨ੍ਨਨ੍ਤਿ ਪੋਤ੍ਥવਟ੍ਟਿਂ ਪੋਤ੍ਥਛਲ੍ਲਿਂ ਤਾਲ਼ੇਤ੍વਾ ਕਤਂ ਸਾਟਕਂ વਿਸਮਂ ਗੋਫਾਸੁਕੇਨ ਘਂਸਿਤ੍વਾ ਨਿਮ੍ਮਿਤਂ ਸੁਤ੍ਤਂ ਗਹੇਤ੍વਾ ਕਨ੍ਤਿਤ੍વਾ ਤੇਨ ਸੁਤ੍ਤੇਨ ਨਿਸੀਦਨਤ੍ਥਾਯ વਾ ਭੂਮਤ੍ਥਰਣਤ੍ਥਾਯ વਾ ਸਾਟਕਂ વਾਯਾਪੇਤ੍વਾ ਤਂ ਸਾਟਕਂ ਮਯਾ ਰਤਨਤ੍ਤਯਸ੍ਸ ਦਿਨ੍ਨਨ੍ਤਿ ਅਤ੍ਥੋ।
24. Chaṭṭhāpadāne potthadānaṃ mayā dinnanti potthavaṭṭiṃ potthachalliṃ tāḷetvā kataṃ sāṭakaṃ visamaṃ gophāsukena ghaṃsitvā nimmitaṃ suttaṃ gahetvā kantitvā tena suttena nisīdanatthāya vā bhūmattharaṇatthāya vā sāṭakaṃ vāyāpetvā taṃ sāṭakaṃ mayā ratanattayassa dinnanti attho.
੨੭. ਸਤ੍ਤਮਾਪਦਾਨੇ ਚਨ੍ਦਭਾਗਾਨਦੀਤੀਰੇਤਿ ਚਨ੍ਦਭਾਗਾਯ ਨਾਮ ਨਦਿਯਾ ਤੀਰਤੋ, ਨਿਸ੍ਸਕ੍ਕੇ ਭੁਮ੍ਮવਚਨਂ । ਅਨੁਸੋਤਨ੍ਤਿ ਸੋਤਸ੍ਸ ਅਨੁ ਹੇਟ੍ਠਾਗਙ੍ਗਂ વਜਾਮਿ ਗਚ੍ਛਾਮਿ ਅਹਨ੍ਤਿ ਅਤ੍ਥੋ। ਸਤ੍ਤ ਮਾਲੁવਪੁਪ੍ਫਾਨਿ, ਚਿਤਮਾਰੋਪਯਿਂ ਅਹਨ੍ਤਿ ਅਹਂ ਮਾਲੁવਪੁਪ੍ਫਾਨਿ ਸਤ੍ਤ ਪਤ੍ਤਾਨਿ ਗਹੇਤ੍વਾ ਚਿਤਕੇ વਾਲੁਕਰਾਸਿਮ੍ਹਿ વਾਲੁਕਾਹਿ ਥੂਪਂ ਕਤ੍વਾ ਪੂਜੇਸਿਨ੍ਤਿ ਅਤ੍ਥੋ।
27. Sattamāpadāne candabhāgānadītīreti candabhāgāya nāma nadiyā tīrato, nissakke bhummavacanaṃ . Anusotanti sotassa anu heṭṭhāgaṅgaṃ vajāmi gacchāmi ahanti attho. Satta māluvapupphāni, citamāropayiṃ ahanti ahaṃ māluvapupphāni satta pattāni gahetvā citake vālukarāsimhi vālukāhi thūpaṃ katvā pūjesinti attho.
੩੧-੩੨. ਅਟ੍ਠਮਾਪਦਾਨੇ ਮਹਾਸਿਨ੍ਧੁ ਸੁਦਸ੍ਸਨਾਤਿ ਸੁਨ੍ਦਰਦਸ੍ਸਨਸੁਨ੍ਦਰੋਦਕਧવਲਪੁਲਿਨੋਪਸੋਭਿਤਤ੍ਤਾ ਸੁਟ੍ਠੁ ਮਨੋਹਰਾ ਮਹਾਸਿਨ੍ਧੁ ਨਾਮ વਾਰਿਨਦੀ ਅਹੋਸਿ। ਤਤ੍ਥ ਤਿਸ੍ਸਂ ਸਿਨ੍ਧੁવਾਰਿਨਦਿਯਂ ਸਪ੍ਪਭਾਸਂ ਪਭਾਯ ਸਹਿਤਂ ਸੁਦਸ੍ਸਨਂ ਸੁਨ੍ਦਰਰੂਪਂ ਪਰਮੋਪਸਮੇ ਯੁਤ੍ਤਂ ਉਤ੍ਤਮੇ ਉਪਸਮੇ ਯੁਤ੍ਤਂ ਸਮਙ੍ਗੀਭੂਤਂ વੀਤਰਾਗਂ ਅਹਂ ਅਦ੍ਦਸਨ੍ਤਿ ਅਤ੍ਥੋ। ਦਿਸ੍વਾਹਂ વਿਮ੍ਹਿਤਾਸਯੋਤਿ ‘‘ਏવਰੂਪਂ ਭਯਾਨਕਂ ਹਿਮવਨ੍ਤਂ ਕਥਂ ਸਮ੍ਪਤ੍ਤੋ’’ਤਿ વਿਮ੍ਹਿਤਅਜ੍ਝਾਸਯੋ ਅਚ੍ਛਰਿਯਬ੍ਭੁਤਚਿਤ੍ਤੋਤਿ ਅਤ੍ਥੋ। ਆਲੁવਂ ਤਸ੍ਸ ਪਾਦਾਸਿਨ੍ਤਿ ਤਸ੍ਸ ਅਰਹਤੋ ਅਹਂ ਪਸਨ੍ਨਮਾਨਸੋ ਆਲੁવਕਨ੍ਦਂ ਪਾਦਾਸਿਂ ਆਦਰੇਨ ਅਦਾਸਿਨ੍ਤਿ ਅਤ੍ਥੋ।
31-32. Aṭṭhamāpadāne mahāsindhu sudassanāti sundaradassanasundarodakadhavalapulinopasobhitattā suṭṭhu manoharā mahāsindhu nāma vārinadī ahosi. Tattha tissaṃ sindhuvārinadiyaṃ sappabhāsaṃ pabhāya sahitaṃ sudassanaṃ sundararūpaṃ paramopasame yuttaṃ uttame upasame yuttaṃ samaṅgībhūtaṃ vītarāgaṃ ahaṃ addasanti attho. Disvāhaṃ vimhitāsayoti ‘‘evarūpaṃ bhayānakaṃ himavantaṃ kathaṃ sampatto’’ti vimhitaajjhāsayo acchariyabbhutacittoti attho. Āluvaṃ tassa pādāsinti tassa arahato ahaṃ pasannamānaso āluvakandaṃ pādāsiṃ ādarena adāsinti attho.
ਨવਮਦਸਮਾਪਦਾਨਾਨਿ ਉਤ੍ਤਾਨਾਨੇવਾਤਿ।
Navamadasamāpadānāni uttānānevāti.
ਅਟ੍ਠવੀਸਤਿਮવਗ੍ਗવਣ੍ਣਨਾ ਸਮਤ੍ਤਾ।
Aṭṭhavīsatimavaggavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi
੨. ਤਿਲਮੁਟ੍ਠਿਦਾਯਕਤ੍ਥੇਰਅਪਦਾਨਂ • 2. Tilamuṭṭhidāyakattheraapadānaṃ
੩. ਚਙ੍ਕੋਟਕਿਯਤ੍ਥੇਰਅਪਦਾਨਂ • 3. Caṅkoṭakiyattheraapadānaṃ
੪. ਅਬ੍ਭਞ੍ਜਨਦਾਯਕਤ੍ਥੇਰਅਪਦਾਨਂ • 4. Abbhañjanadāyakattheraapadānaṃ
੫. ਏਕਞ੍ਜਲਿਕਤ੍ਥੇਰਅਪਦਾਨਂ • 5. Ekañjalikattheraapadānaṃ
੬. ਪੋਤ੍ਥਕਦਾਯਕਤ੍ਥੇਰਅਪਦਾਨਂ • 6. Potthakadāyakattheraapadānaṃ
੭. ਚਿਤਕਪੂਜਕਤ੍ਥੇਰਅਪਦਾਨਂ • 7. Citakapūjakattheraapadānaṃ
੮. ਆਲੁવਦਾਯਕਤ੍ਥੇਰਅਪਦਾਨਂ • 8. Āluvadāyakattheraapadānaṃ
