| Library / Tipiṭaka / ติปิฎก • Tipiṭaka / ชาตกปาฬิ • Jātakapāḷi |
๓๘๙. สุวณฺณกกฺกฎชาตกํ (๖-๒-๔)
389. Suvaṇṇakakkaṭajātakaṃ (6-2-4)
๙๔.
94.
สิงฺคีมิโค อายตจกฺขุเนโตฺต, อฎฺฐิตฺตโจ วาริสโย อโลโม;
Siṅgīmigo āyatacakkhunetto, aṭṭhittaco vārisayo alomo;
เตนาภิภูโต กปณํ รุทามิ, หเร สขา กิสฺส นุ มํ ชหาสิฯ
Tenābhibhūto kapaṇaṃ rudāmi, hare sakhā kissa nu maṃ jahāsi.
๙๕.
95.
โส ปสฺสสโนฺต มหตา ผเณน, ภุชงฺคโม กกฺกฎมชฺฌปโตฺต;
So passasanto mahatā phaṇena, bhujaṅgamo kakkaṭamajjhapatto;
สขา สขารํ ปริตายมาโน, ภุชงฺคมํ กกฺกฎโก คเหสิฯ
Sakhā sakhāraṃ paritāyamāno, bhujaṅgamaṃ kakkaṭako gahesi.
๙๖.
96.
น วายสํ โน ปน กณฺหสปฺปํ, ฆาสตฺถิโก กกฺกฎโก อเทยฺย;
Na vāyasaṃ no pana kaṇhasappaṃ, ghāsatthiko kakkaṭako adeyya;
ปุจฺฉามิ ตํ อายตจกฺขุเนตฺต, อถ กิสฺส เหตุมฺห อุโภ คหีตาฯ
Pucchāmi taṃ āyatacakkhunetta, atha kissa hetumha ubho gahītā.
๙๗.
97.
อยํ ปุริโส มม อตฺถกาโม, โย มํ คเหตฺวาน ทกาย เนติ;
Ayaṃ puriso mama atthakāmo, yo maṃ gahetvāna dakāya neti;
ตสฺมิํ มเต ทุกฺขมนปฺปกํ เม, อหญฺจ เอโส จ อุโภ น โหมฯ
Tasmiṃ mate dukkhamanappakaṃ me, ahañca eso ca ubho na homa.
๙๘.
98.
มมญฺจ ทิสฺวาน ปวทฺธกายํ, สโพฺพ ชโน หิํสิตุเมว มิเจฺฉ;
Mamañca disvāna pavaddhakāyaṃ, sabbo jano hiṃsitumeva micche;
สาทุญฺจ ถูลญฺจ มุทุญฺจ มํสํ, กากาปิ มํ ทิสฺวาน 1 วิเหฐเยยฺยุํฯ
Sāduñca thūlañca muduñca maṃsaṃ, kākāpi maṃ disvāna 2 viheṭhayeyyuṃ.
๙๙.
99.
สเจตสฺส เหตุมฺห อุโภ คหีตา, อุฎฺฐาตุ โปโส วิสมาวมามิ 3;
Sacetassa hetumha ubho gahītā, uṭṭhātu poso visamāvamāmi 4;
มมญฺจ กากญฺจ ปมุญฺจ ขิปฺปํ, ปุเร วิสํ คาฬฺหมุเปติ มจฺจํฯ
Mamañca kākañca pamuñca khippaṃ, pure visaṃ gāḷhamupeti maccaṃ.
๑๐๐.
100.
ปุริสญฺจ ทิสฺวาน สุขิํ อโรคํ, กากํ ปโมกฺขามิ ยเถว สปฺปํฯ
Purisañca disvāna sukhiṃ arogaṃ, kākaṃ pamokkhāmi yatheva sappaṃ.
๑๐๑.
101.
กาโก ตทา เทวทโตฺต อโหสิ, มาโร ปน กณฺหสโปฺป อโหสิ;
Kāko tadā devadatto ahosi, māro pana kaṇhasappo ahosi;
อานนฺทภโทฺท กกฺกฎโก อโหสิ, อหํ ตทา พฺราหฺมโณ โหมิ สตฺถาติ 9ฯ
Ānandabhaddo kakkaṭako ahosi, ahaṃ tadā brāhmaṇo homi satthāti 10.
สุวณฺณกกฺกฎชาตกํ จตุตฺถํฯ
Suvaṇṇakakkaṭajātakaṃ catutthaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / ชาตก-อฎฺฐกถา • Jātaka-aṭṭhakathā / [๓๘๙] ๔. สุวณฺณกกฺกฎกชาตกวณฺณนา • [389] 4. Suvaṇṇakakkaṭakajātakavaṇṇanā
