Library / Tipiṭaka / തിപിടക • Tipiṭaka / ജാതകപാളി • Jātakapāḷi |
൩൮൯. സുവണ്ണകക്കടജാതകം (൬-൨-൪)
389. Suvaṇṇakakkaṭajātakaṃ (6-2-4)
൯൪.
94.
സിങ്ഗീമിഗോ ആയതചക്ഖുനേത്തോ, അട്ഠിത്തചോ വാരിസയോ അലോമോ;
Siṅgīmigo āyatacakkhunetto, aṭṭhittaco vārisayo alomo;
തേനാഭിഭൂതോ കപണം രുദാമി, ഹരേ സഖാ കിസ്സ നു മം ജഹാസി.
Tenābhibhūto kapaṇaṃ rudāmi, hare sakhā kissa nu maṃ jahāsi.
൯൫.
95.
സോ പസ്സസന്തോ മഹതാ ഫണേന, ഭുജങ്ഗമോ കക്കടമജ്ഝപത്തോ;
So passasanto mahatā phaṇena, bhujaṅgamo kakkaṭamajjhapatto;
സഖാ സഖാരം പരിതായമാനോ, ഭുജങ്ഗമം കക്കടകോ ഗഹേസി.
Sakhā sakhāraṃ paritāyamāno, bhujaṅgamaṃ kakkaṭako gahesi.
൯൬.
96.
ന വായസം നോ പന കണ്ഹസപ്പം, ഘാസത്ഥികോ കക്കടകോ അദേയ്യ;
Na vāyasaṃ no pana kaṇhasappaṃ, ghāsatthiko kakkaṭako adeyya;
പുച്ഛാമി തം ആയതചക്ഖുനേത്ത, അഥ കിസ്സ ഹേതുമ്ഹ ഉഭോ ഗഹീതാ.
Pucchāmi taṃ āyatacakkhunetta, atha kissa hetumha ubho gahītā.
൯൭.
97.
അയം പുരിസോ മമ അത്ഥകാമോ, യോ മം ഗഹേത്വാന ദകായ നേതി;
Ayaṃ puriso mama atthakāmo, yo maṃ gahetvāna dakāya neti;
തസ്മിം മതേ ദുക്ഖമനപ്പകം മേ, അഹഞ്ച ഏസോ ച ഉഭോ ന ഹോമ.
Tasmiṃ mate dukkhamanappakaṃ me, ahañca eso ca ubho na homa.
൯൮.
98.
മമഞ്ച ദിസ്വാന പവദ്ധകായം, സബ്ബോ ജനോ ഹിംസിതുമേവ മിച്ഛേ;
Mamañca disvāna pavaddhakāyaṃ, sabbo jano hiṃsitumeva micche;
സാദുഞ്ച ഥൂലഞ്ച മുദുഞ്ച മംസം, കാകാപി മം ദിസ്വാന 1 വിഹേഠയേയ്യും.
Sāduñca thūlañca muduñca maṃsaṃ, kākāpi maṃ disvāna 2 viheṭhayeyyuṃ.
൯൯.
99.
സചേതസ്സ ഹേതുമ്ഹ ഉഭോ ഗഹീതാ, ഉട്ഠാതു പോസോ വിസമാവമാമി 3;
Sacetassa hetumha ubho gahītā, uṭṭhātu poso visamāvamāmi 4;
മമഞ്ച കാകഞ്ച പമുഞ്ച ഖിപ്പം, പുരേ വിസം ഗാള്ഹമുപേതി മച്ചം.
Mamañca kākañca pamuñca khippaṃ, pure visaṃ gāḷhamupeti maccaṃ.
൧൦൦.
100.
പുരിസഞ്ച ദിസ്വാന സുഖിം അരോഗം, കാകം പമോക്ഖാമി യഥേവ സപ്പം.
Purisañca disvāna sukhiṃ arogaṃ, kākaṃ pamokkhāmi yatheva sappaṃ.
൧൦൧.
101.
കാകോ തദാ ദേവദത്തോ അഹോസി, മാരോ പന കണ്ഹസപ്പോ അഹോസി;
Kāko tadā devadatto ahosi, māro pana kaṇhasappo ahosi;
ആനന്ദഭദ്ദോ കക്കടകോ അഹോസി, അഹം തദാ ബ്രാഹ്മണോ ഹോമി സത്ഥാതി 9.
Ānandabhaddo kakkaṭako ahosi, ahaṃ tadā brāhmaṇo homi satthāti 10.
സുവണ്ണകക്കടജാതകം ചതുത്ഥം.
Suvaṇṇakakkaṭajātakaṃ catutthaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / ജാതക-അട്ഠകഥാ • Jātaka-aṭṭhakathā / [൩൮൯] ൪. സുവണ്ണകക്കടകജാതകവണ്ണനാ • [389] 4. Suvaṇṇakakkaṭakajātakavaṇṇanā