| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[389] 4. суван̣н̣агаггадагаж̇аад̇агаван̣н̣анаа
[389] 4. Suvaṇṇakakkaṭakajātakavaṇṇanā
син̇г̇иймиг̇од̇и ид̣̇ам̣ сад̇т̇аа взл̣уванз вихаранд̇о аананд̣̇ад̇т̇зрасса ад̇д̇ано ад̇т̇ааяа ж̇ийвид̇абарижжааг̇ам̣ аараб̣бха гат̇зси. вад̇т̇у яаава д̇хануг̇г̇ахабаяож̇анаа кан̣д̣ахаалаж̇аад̇агз (ж̇аа. 2.22.982 аад̣̇аяо) д̇ханабаалависсаж̇ж̇анам̣ жуул̣ахам̣самахаахам̣саж̇аад̇агз (ж̇аа. 1.15.133 аад̣̇аяо) гат̇ид̇ам̣. д̇ад̣̇аа хи бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, д̇хаммабхан̣д̣ааг̇ааригааананд̣̇ад̇т̇зро сзгкабадисамбхид̣̇ааббад̇д̇о худ̇ваа д̇ханабаалагз ааг̇ажчанд̇з саммаасамб̣уд̣̇д̇хасса ж̇ийвид̇ам̣ барижжаж̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби аананд̣̇о маяхам̣ ж̇ийвид̇ам̣ барижжаж̇иязваа’’д̇и вад̇ваа ад̇ийд̇ам̣ аахари.
Siṅgīmigoti idaṃ satthā veḷuvane viharanto ānandattherassa attano atthāya jīvitapariccāgaṃ ārabbha kathesi. Vatthu yāva dhanuggahapayojanā khaṇḍahālajātake (jā. 2.22.982 ādayo) dhanapālavissajjanaṃ cūḷahaṃsamahāhaṃsajātake (jā. 1.15.133 ādayo) kathitaṃ. Tadā hi bhikkhū dhammasabhāyaṃ kathaṃ samuṭṭhāpesuṃ ‘‘āvuso, dhammabhaṇḍāgārikaānandatthero sekkhapaṭisambhidāppatto hutvā dhanapālake āgacchante sammāsambuddhassa jīvitaṃ pariccajī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi ānando mayhaṃ jīvitaṃ pariccajiyevā’’ti vatvā atītaṃ āhari.
ад̇ийд̇з рааж̇аг̇ахасса буб̣б̣абассз саалинд̣̇ияо наама б̣раахман̣аг̇аамо ход̇и. д̇ад̣̇аа б̣од̇хисад̇д̇о д̇асмим̣ г̇аамз гассагаб̣раахман̣агулз ниб̣б̣ад̇д̇ид̇ваа ваяаббад̇д̇о гудумб̣ам̣ сан̣табзд̇ваа д̇асса г̇аамасса буб̣б̣уд̇д̇арааяа д̣̇исааяа згасмим̣ г̇аамакзд̇д̇з гарийсасахассамад̇д̇ам̣ гасим̣ гаарзси. со згад̣̇ивасам̣ мануссзхи сад̣̇д̇хим̣ кзд̇д̇ам̣ г̇анд̇ваа гаммагаарз ‘‘гасат̇аа’’д̇и аан̣аабзд̇ваа мукад̇хованад̇т̇ааяа кзд̇д̇агодияам̣ маханд̇ам̣ соб̣бхам̣ убасан̇гами. д̇асмим̣ ко бана соб̣бхз зго суван̣н̣аван̣н̣о гаггадаго бадивасад̇и абхируубо баасаад̣̇иго. б̣од̇хисад̇д̇о д̣̇анд̇агадтам̣ каад̣̇ид̇ваа д̇ам̣ соб̣бхам̣ од̇ари. д̇асса мукад̇хованагаалз гаггадаго санд̇игам̣ ааг̇амааси. ат̇а нам̣ со угкибид̇ваа ад̇д̇ано уд̇д̇арисаадаганд̇арз нибаж̇ж̇аабзд̇ваа г̇ахзд̇ваа кзд̇д̇з гад̇д̇аб̣б̣агижжам̣ гад̇ваа г̇ажчанд̇о д̇ад̇т̇зва нам̣ соб̣бхз багкибид̇ваа г̇зхам̣ аг̇амааси. д̇ад̇о бадтааяа кзд̇д̇ам̣ ааг̇ажчанд̇о батамам̣ д̇ам̣ соб̣бхам̣ г̇анд̇ваа гаггадагам̣ угкибид̇ваа уд̇д̇арисаадаганд̇арз нибаж̇ж̇аабзд̇ваа бажчаа гамманд̇ам̣ вижаарзси. ид̇и д̇зсам̣ ан̃н̃аман̃н̃ам̣ виссаасо д̣̇ал̣хо ахоси.
Atīte rājagahassa pubbapasse sālindiyo nāma brāhmaṇagāmo hoti. Tadā bodhisatto tasmiṃ gāme kassakabrāhmaṇakule nibbattitvā vayappatto kuṭumbaṃ saṇṭhapetvā tassa gāmassa pubbuttarāya disāya ekasmiṃ gāmakhette karīsasahassamattaṃ kasiṃ kāresi. So ekadivasaṃ manussehi saddhiṃ khettaṃ gantvā kammakāre ‘‘kasathā’’ti āṇāpetvā mukhadhovanatthāya khettakoṭiyaṃ mahantaṃ sobbhaṃ upasaṅkami. Tasmiṃ kho pana sobbhe eko suvaṇṇavaṇṇo kakkaṭako paṭivasati abhirūpo pāsādiko. Bodhisatto dantakaṭṭhaṃ khāditvā taṃ sobbhaṃ otari. Tassa mukhadhovanakāle kakkaṭako santikaṃ āgamāsi. Atha naṃ so ukkhipitvā attano uttarisāṭakantare nipajjāpetvā gahetvā khette kattabbakiccaṃ katvā gacchanto tattheva naṃ sobbhe pakkhipitvā gehaṃ agamāsi. Tato paṭṭhāya khettaṃ āgacchanto paṭhamaṃ taṃ sobbhaṃ gantvā kakkaṭakaṃ ukkhipitvā uttarisāṭakantare nipajjāpetvā pacchā kammantaṃ vicāresi. Iti tesaṃ aññamaññaṃ vissāso daḷho ahosi.
б̣од̇хисад̇д̇о ниб̣ад̣̇д̇хам̣ кзд̇д̇ам̣ ааг̇ажчад̇и, агкийсу жа банасса бан̃жа басаад̣̇аа д̇ийн̣и ман̣д̣алаани висуд̣̇д̇хаани худ̇ваа бан̃н̃ааяанд̇и. ат̇асса кзд̇д̇агодияам̣ згасмим̣ д̇аалз гаагагулаавагз гаагий агкийни д̣̇исваа каад̣̇ид̇угаамаа худ̇ваа гаагам̣ ааха – ‘‘саами, д̣̇охал̣о мз уббанно’’д̇и. ‘‘гим̣ д̣̇охал̣о наамаа’’д̇и? ‘‘зд̇асса б̣раахман̣асса агкийни каад̣̇ид̇угаамаамхий’’д̇и. ‘‘д̣̇уд̣̇д̣̇охал̣о д̇з уббанно, го зд̇аани аахарид̇ум̣ сагкиссад̇ий’’д̇и. ‘‘д̇вам̣ на саггосий’’д̇и ахамбзд̇ам̣ ж̇аанаами, яо банзса д̇ааласса авид̣̇уурз ваммиго, зд̇т̇а ган̣хасаббо васад̇и. ‘‘д̇ам̣ убадтаха, со зд̇ам̣ д̣ам̣сид̇ваа маарзссад̇и, ат̇асса агкийни уббаадзд̇ваа д̇вам̣ аахариссасий’’д̇и . со ‘‘саад̇хуу’’д̇и самбадижчид̇ваа д̇ад̇о бадтааяа ган̣хасаббам̣ убадтахи. б̣од̇хисад̇д̇знаби ваабид̇асассаанам̣ г̇аб̣бхаг̇г̇ахан̣агаалз гаггадаго махаа ахоси. ат̇згад̣̇ивасам̣ саббо гаагамааха ‘‘самма, д̇вам̣ ниб̣ад̣̇д̇хам̣ мам̣ убадтахаси, гим̣ д̇з гаромий’’д̇и. ‘‘саами, д̇умхаагам̣ д̣̇аасияаа зд̇асса кзд̇д̇асаамигасса агкийсу д̣̇охал̣о уббаж̇ж̇и, сваахам̣ д̇умхаагам̣ аанубхаавзна д̇асса агкийни лабхиссаамийд̇и д̇умхз убадтахаамий’’д̇и. саббо ‘‘ход̇у, наяид̣̇ам̣ г̇аругам̣, лабхиссасий’’д̇и д̇ам̣ ассаасзд̇ваа буна д̣̇ивасз б̣раахман̣асса ааг̇аманамаг̇г̇з гзд̣̇аарамарияаад̣̇ам̣ ниссааяа д̇ин̣зхи бадижчанно худ̇ваа д̇ассааг̇аманам̣ ологзнд̇о нибаж̇ж̇и.
Bodhisatto nibaddhaṃ khettaṃ āgacchati, akkhīsu ca panassa pañca pasādā tīṇi maṇḍalāni visuddhāni hutvā paññāyanti. Athassa khettakoṭiyaṃ ekasmiṃ tāle kākakulāvake kākī akkhīni disvā khāditukāmā hutvā kākaṃ āha – ‘‘sāmi, dohaḷo me uppanno’’ti. ‘‘Kiṃ dohaḷo nāmā’’ti? ‘‘Etassa brāhmaṇassa akkhīni khāditukāmāmhī’’ti. ‘‘Duddohaḷo te uppanno, ko etāni āharituṃ sakkhissatī’’ti. ‘‘Tvaṃ na sakkosī’’ti ahampetaṃ jānāmi, yo panesa tālassa avidūre vammiko, ettha kaṇhasappo vasati. ‘‘Taṃ upaṭṭhaha, so etaṃ ḍaṃsitvā māressati, athassa akkhīni uppāṭetvā tvaṃ āharissasī’’ti . So ‘‘sādhū’’ti sampaṭicchitvā tato paṭṭhāya kaṇhasappaṃ upaṭṭhahi. Bodhisattenapi vāpitasassānaṃ gabbhaggahaṇakāle kakkaṭako mahā ahosi. Athekadivasaṃ sappo kākamāha ‘‘samma, tvaṃ nibaddhaṃ maṃ upaṭṭhahasi, kiṃ te karomī’’ti. ‘‘Sāmi, tumhākaṃ dāsiyā etassa khettasāmikassa akkhīsu dohaḷo uppajji, svāhaṃ tumhākaṃ ānubhāvena tassa akkhīni labhissāmīti tumhe upaṭṭhahāmī’’ti. Sappo ‘‘hotu, nayidaṃ garukaṃ, labhissasī’’ti taṃ assāsetvā puna divase brāhmaṇassa āgamanamagge kedāramariyādaṃ nissāya tiṇehi paṭicchanno hutvā tassāgamanaṃ olokento nipajji.
б̣од̇хисад̇д̇о ааг̇ажчанд̇о батамам̣ соб̣бхам̣ од̇арид̇ваа мукам̣ д̇ховид̇ваа синзхам̣ бажжубадтаабзд̇ваа суван̣н̣агаггадагам̣ аалин̇г̇зд̇ваа уд̇д̇арисаадаганд̇арз нибаж̇ж̇аабзд̇ваа кзд̇д̇ам̣ баависи. саббо д̇ам̣ ааг̇ажчанд̇ам̣ д̣̇исваава взг̇зна багканд̣̇ид̇ваа бин̣д̣игамам̣сз д̣ам̣сид̇ваа д̇ад̇т̇зва баад̇зд̇ваа ваммигам̣ санд̇хааяа балааяи. б̣од̇хисад̇д̇асса бад̇анан̃жа гаггадагасса саадаганд̇арад̇о лан̇гханан̃жа гаагасса ааг̇анд̇ваа б̣од̇хисад̇д̇асса урз нилийяанан̃жа абажчааабуримам̣ ахоси. гааго нилийяид̇ваа агкийни д̇ун̣д̣зна бахари. гаггадаго ‘‘имам̣ гаагам̣ ниссааяа мама сахааяасса бхаяам̣ уббаннам̣, зд̇асмим̣ г̇ахид̇з саббо ааг̇ажчиссад̇ий’’д̇и сан̣д̣аасзна г̇ан̣ханд̇о вияа гаагам̣ г̇ийвааяам̣ ал̣зна д̣̇ал̣хам̣ г̇ахзд̇ваа гиламзд̇ваа т̇огам̣ сит̇иламагааси. гааго ‘‘гисса мам̣ самма, чад̣д̣зд̇ваа балааяаси, зса мам̣ гаггадаго бхияяо вихзтзд̇и, яаава на мараами, д̇аава зхий’’д̇и саббам̣ баггосанд̇о батамам̣ г̇аат̇амааха –
Bodhisatto āgacchanto paṭhamaṃ sobbhaṃ otaritvā mukhaṃ dhovitvā sinehaṃ paccupaṭṭhāpetvā suvaṇṇakakkaṭakaṃ āliṅgetvā uttarisāṭakantare nipajjāpetvā khettaṃ pāvisi. Sappo taṃ āgacchantaṃ disvāva vegena pakkhanditvā piṇḍikamaṃse ḍaṃsitvā tattheva pātetvā vammikaṃ sandhāya palāyi. Bodhisattassa patanañca kakkaṭakassa sāṭakantarato laṅghanañca kākassa āgantvā bodhisattassa ure nilīyanañca apacchāapurimaṃ ahosi. Kāko nilīyitvā akkhīni tuṇḍena pahari. Kakkaṭako ‘‘imaṃ kākaṃ nissāya mama sahāyassa bhayaṃ uppannaṃ, etasmiṃ gahite sappo āgacchissatī’’ti saṇḍāsena gaṇhanto viya kākaṃ gīvāyaṃ aḷena daḷhaṃ gahetvā kilametvā thokaṃ sithilamakāsi. Kāko ‘‘kissa maṃ samma, chaḍḍetvā palāyasi, esa maṃ kakkaṭako bhiyyo viheṭheti, yāva na marāmi, tāva ehī’’ti sappaṃ pakkosanto paṭhamaṃ gāthamāha –
94.
94.
‘‘син̇г̇иймиг̇о ааяад̇ажагкунзд̇д̇о, адтид̇д̇ажо ваарисаяо аломо;
‘‘Siṅgīmigo āyatacakkhunetto, aṭṭhittaco vārisayo alomo;
д̇знаабхибхууд̇о габан̣ам̣ руд̣̇аами, харз сакаа гисса ну мам̣ ж̇ахаасий’’д̇и.
Tenābhibhūto kapaṇaṃ rudāmi, hare sakhā kissa nu maṃ jahāsī’’ti.
д̇ад̇т̇а син̇г̇иймиг̇од̇и син̇г̇ийсуван̣н̣аван̣н̣ад̇ааяа ваа ал̣асан̇каад̇аанам̣ ваа син̇г̇аанам̣ ад̇т̇ид̇ааяа гаггадаго вуд̇д̇о. ааяад̇ажагкунзд̇д̇од̇и д̣̇ийгхзхи жагкусан̇каад̇зхи нзд̇д̇зхи саманнааг̇ад̇о. адтимзва д̇ажо ассаад̇и адтид̇д̇ажо. харз сакаад̇и аалабанамзд̇ам̣, амбхо сахааяаад̇и ад̇т̇о.
Tattha siṅgīmigoti siṅgīsuvaṇṇavaṇṇatāya vā aḷasaṅkhātānaṃ vā siṅgānaṃ atthitāya kakkaṭako vutto. Āyatacakkhunettoti dīghehi cakkhusaṅkhātehi nettehi samannāgato. Aṭṭhimeva taco assāti aṭṭhittaco. Hare sakhāti ālapanametaṃ, ambho sahāyāti attho.
саббо д̇ам̣ суд̇ваа маханд̇ам̣ пан̣ам̣ гад̇ваа гаагам̣ ассаасзнд̇о аг̇амааси. сад̇т̇аа имамад̇т̇ам̣ д̣̇ийбзнд̇о абхисамб̣уд̣̇д̇хо худ̇ваа д̣̇уд̇ияам̣ г̇аат̇амааха –
Sappo taṃ sutvā mahantaṃ phaṇaṃ katvā kākaṃ assāsento agamāsi. Satthā imamatthaṃ dīpento abhisambuddho hutvā dutiyaṃ gāthamāha –
95.
95.
‘‘со бассасанд̇о махад̇аа пан̣зна, бхуж̇ан̇г̇амо гаггадамаж̇жхабад̇д̇о;
‘‘So passasanto mahatā phaṇena, bhujaṅgamo kakkaṭamajjhapatto;
сакаа сакаарам̣ барид̇ааяамаано, бхуж̇ан̇г̇амам̣ гаггадаго г̇ахзсий’’д̇и.
Sakhā sakhāraṃ paritāyamāno, bhujaṅgamaṃ kakkaṭako gahesī’’ti.
д̇ад̇т̇а гаггадамаж̇жхабад̇д̇од̇и гаггадагам̣ самбад̇д̇о. сакаа сакааранд̇и сахааяо сахааяам̣. ‘‘сагам̣ сакаара’’нд̇иби баато, ад̇д̇ано сахааяанд̇и ад̇т̇о. барид̇ааяамаанод̇и рагкамаано. г̇ахзсийд̇и д̣̇уд̇иязна ал̣зна г̇ийвааяам̣ д̣̇ал̣хам̣ г̇ахзси.
Tattha kakkaṭamajjhapattoti kakkaṭakaṃ sampatto. Sakhā sakhāranti sahāyo sahāyaṃ. ‘‘Sakaṃ sakhāra’’ntipi pāṭho, attano sahāyanti attho. Paritāyamānoti rakkhamāno. Gahesīti dutiyena aḷena gīvāyaṃ daḷhaṃ gahesi.
ат̇а нам̣ гиламзд̇ваа т̇огам̣ сит̇иламагааси. ат̇а саббо ‘‘гаггадагаа наама нзва гаагамам̣сам̣ каад̣̇анд̇и, на саббамам̣сам̣, ат̇а гзна ну ко гааран̣зна аяам̣ амхз г̇ан̣хий’’д̇и жинд̇зд̇ваа д̇ам̣ бужчанд̇о д̇ад̇ияам̣ г̇аат̇амааха –
Atha naṃ kilametvā thokaṃ sithilamakāsi. Atha sappo ‘‘kakkaṭakā nāma neva kākamaṃsaṃ khādanti, na sappamaṃsaṃ, atha kena nu kho kāraṇena ayaṃ amhe gaṇhī’’ti cintetvā taṃ pucchanto tatiyaṃ gāthamāha –
96.
96.
‘‘на вааяасам̣ но бана ган̣хасаббам̣, гхаасад̇т̇иго гаггадаго ад̣̇зяяа;
‘‘Na vāyasaṃ no pana kaṇhasappaṃ, ghāsatthiko kakkaṭako adeyya;
бужчаами д̇ам̣ ааяад̇ажагкунзд̇д̇а, ат̇а гисса хзд̇умха убхо г̇ахийд̇аа’’д̇и.
Pucchāmi taṃ āyatacakkhunetta, atha kissa hetumha ubho gahītā’’ti.
д̇ад̇т̇а гхаасад̇т̇игод̇и аахаарад̇т̇иго худ̇ваа. ад̣̇зяяаад̇иаад̣̇иязяяа, на-гаарзна яож̇зд̇ваа на г̇ан̣хийд̇и ад̇т̇о.
Tattha ghāsatthikoti āhāratthiko hutvā. Adeyyātiādiyeyya, na-kārena yojetvā na gaṇhīti attho.
д̇ам̣ суд̇ваа гаггадаго г̇ахан̣агааран̣ам̣ гат̇знд̇о д̣̇вз г̇аат̇аа абхааси –
Taṃ sutvā kakkaṭako gahaṇakāraṇaṃ kathento dve gāthā abhāsi –
97.
97.
‘‘аяам̣ бурисо мама ад̇т̇агаамо, яо мам̣ г̇ахзд̇ваана д̣̇агааяа нзд̇и;
‘‘Ayaṃ puriso mama atthakāmo, yo maṃ gahetvāna dakāya neti;
д̇асмим̣ мад̇з д̣̇угкаманаббагам̣ мз, ахан̃жа зсо жа убхо на хома.
Tasmiṃ mate dukkhamanappakaṃ me, ahañca eso ca ubho na homa.
98.
98.
‘‘маман̃жа д̣̇исваана бавад̣̇д̇хагааяам̣, саб̣б̣о ж̇ано хим̣сид̇умзва мижчз;
‘‘Mamañca disvāna pavaddhakāyaṃ, sabbo jano hiṃsitumeva micche;
саад̣̇ун̃жа т̇уулан̃жа муд̣̇ун̃жа мам̣сам̣, гаагааби мам̣ д̣̇исва вихзтаязяяу’’нд̇и.
Sāduñca thūlañca muduñca maṃsaṃ, kākāpi maṃ disva viheṭhayeyyu’’nti.
д̇ад̇т̇а аяанд̇и б̣од̇хисад̇д̇ам̣ нид̣̇д̣̇исад̇и. ад̇т̇агаамод̇и хид̇агаамо. д̣̇агааяа нзд̇ийд̇и яо мам̣ самбияааяамаано уд̇д̇арисаадагзна г̇ахзд̇ваана уд̣̇агааяа нзд̇и, ад̇д̇ано васанагасоб̣бхам̣ баабзд̇и. д̇асмим̣ мад̇зд̇и сажз со имасмим̣ таанз мариссад̇и, зд̇асмим̣ мад̇з мама гааяигам̣ жзд̇асигам̣ маханд̇ам̣ д̣̇угкам̣ бхависсад̇ийд̇и д̣̇ийбзд̇и. убхо на хомаад̇и д̣̇взби ж̇анаа на бхависсаама. маман̃жа д̣̇исваанаад̇и г̇аат̇ааяа аяамад̇т̇о – ид̣̇ан̃жа абарам̣ гааран̣ам̣, имасмим̣ мад̇з анаат̇ам̣ ниббажжаяам̣ мам̣ бавад̣дхид̇агааяам̣ д̣̇исваа саб̣б̣о ж̇ано ‘‘имасса гаггадагасса саад̣̇ун̃жа т̇уулан̃жа муд̣̇ун̃жа мам̣са’’нд̇и мам̣ маарзд̇ум̣ ижчзяяа, на гзвалан̃жа ж̇ано мануссо, д̇иражчаанабхууд̇аа гаагааби мам̣ д̣̇исваа вихзтаязяяум̣ вихзсзяяум̣ маарзяяум̣.
Tattha ayanti bodhisattaṃ niddisati. Atthakāmoti hitakāmo. Dakāya netīti yo maṃ sampiyāyamāno uttarisāṭakena gahetvāna udakāya neti, attano vasanakasobbhaṃ pāpeti. Tasmiṃ mateti sace so imasmiṃ ṭhāne marissati, etasmiṃ mate mama kāyikaṃ cetasikaṃ mahantaṃ dukkhaṃ bhavissatīti dīpeti. Ubho na homāti dvepi janā na bhavissāma. Mamañca disvānāti gāthāya ayamattho – idañca aparaṃ kāraṇaṃ, imasmiṃ mate anāthaṃ nippaccayaṃ maṃ pavaḍḍhitakāyaṃ disvā sabbo jano ‘‘imassa kakkaṭakassa sāduñca thūlañca muduñca maṃsa’’nti maṃ māretuṃ iccheyya, na kevalañca jano manusso, tiracchānabhūtā kākāpi maṃ disvā viheṭhayeyyuṃ viheseyyuṃ māreyyuṃ.
д̇ам̣ суд̇ваа саббо жинд̇зси ‘‘згзнубааязна имам̣ ван̃жзд̇ваа гааган̃жа ад̇д̇аанан̃жа можзссаамий’’д̇и. ат̇а нам̣ ван̃жзд̇угаамо чадтам̣ г̇аат̇амааха –
Taṃ sutvā sappo cintesi ‘‘ekenupāyena imaṃ vañcetvā kākañca attānañca mocessāmī’’ti. Atha naṃ vañcetukāmo chaṭṭhaṃ gāthamāha –
99.
99.
‘‘сажзд̇асса хзд̇умха убхо г̇ахийд̇аа, удтаад̇у босз висамаавамаами;
‘‘Sacetassa hetumha ubho gahītā, uṭṭhātu pose visamāvamāmi;
маман̃жа гааган̃жа бамун̃жа киббам̣, бурз висам̣ г̇аал̣хамубзд̇и мажжа’’нд̇и.
Mamañca kākañca pamuñca khippaṃ, pure visaṃ gāḷhamupeti macca’’nti.
д̇ад̇т̇а сажзд̇асса хзд̇ууд̇и сажз зд̇асса гааран̣аа. удтаад̇ууд̇и ниб̣б̣исо ход̇у. висамаавамаамийд̇и ахамасса висам̣ аагад̣дхаами, ниб̣б̣исам̣ нам̣ гароми. бурз висам̣ г̇аал̣хамубзд̇и мажжанд̇и иман̃хи мажжам̣ маяаа анаавамияамаанам̣ висам̣ г̇аал̣хам̣ б̣алавам̣ худ̇ваа убаг̇ажчзяяа, д̇ам̣ яаава на убаг̇ажчад̇и, д̇аавад̣̇зва амхз д̣̇взби ж̇анз киббам̣ мун̃жаад̇и.
Tattha sacetassa hetūti sace etassa kāraṇā. Uṭṭhātūti nibbiso hotu. Visamāvamāmīti ahamassa visaṃ ākaḍḍhāmi, nibbisaṃ naṃ karomi. Pure visaṃ gāḷhamupeti maccanti imañhi maccaṃ mayā anāvamiyamānaṃ visaṃ gāḷhaṃ balavaṃ hutvā upagaccheyya, taṃ yāva na upagacchati, tāvadeva amhe dvepi jane khippaṃ muñcāti.
д̇ам̣ суд̇ваа гаггадаго жинд̇зси ‘‘аяам̣ згзнубааязна мам̣ д̣̇взби ж̇анз виссаж̇ж̇аабзд̇ваа балааяид̇угаамо, маяхам̣ убааяагосаллам̣ на ж̇аанаад̇и, ахам̣ д̣̇аани яат̇аа саббо сан̃жарид̇ум̣ саггод̇и, звам̣ ал̣ам̣ сит̇илам̣ гариссаами, гаагам̣ бана нзва виссаж̇ж̇зссаамий’’д̇и звам̣ жинд̇зд̇ваа сад̇д̇амам̣ г̇аат̇амааха –
Taṃ sutvā kakkaṭako cintesi ‘‘ayaṃ ekenupāyena maṃ dvepi jane vissajjāpetvā palāyitukāmo, mayhaṃ upāyakosallaṃ na jānāti, ahaṃ dāni yathā sappo sañcarituṃ sakkoti, evaṃ aḷaṃ sithilaṃ karissāmi, kākaṃ pana neva vissajjessāmī’’ti evaṃ cintetvā sattamaṃ gāthamāha –
100.
100.
‘‘саббам̣ бамогкаами на д̇аава гаагам̣, бадиб̣анд̇хаго хохид̇и д̇аава гааго;
‘‘Sappaṃ pamokkhāmi na tāva kākaṃ, paṭibandhako hohiti tāva kāko;
бурисан̃жа д̣̇исваана суким̣ арог̇ам̣, гаагам̣ бамогкаами яат̇зва сабба’’нд̇и.
Purisañca disvāna sukhiṃ arogaṃ, kākaṃ pamokkhāmi yatheva sappa’’nti.
д̇ад̇т̇а бадиб̣анд̇хагод̇и баадибхог̇о. яат̇зва саббанд̇и яат̇аа бхаванд̇ам̣ саббам̣ мун̃жаами, д̇ат̇аа гаагам̣ бамогкаами, гзвалам̣ д̇вам̣ имасса б̣раахман̣асса сарийрад̇о сийгхам̣ висам̣ аавамаахийд̇и.
Tattha paṭibandhakoti pāṭibhogo. Yatheva sappanti yathā bhavantaṃ sappaṃ muñcāmi, tathā kākaṃ pamokkhāmi, kevalaṃ tvaṃ imassa brāhmaṇassa sarīrato sīghaṃ visaṃ āvamāhīti.
зван̃жа бана вад̇ваа д̇асса сукасан̃жааран̣ад̇т̇ам̣ ал̣ам̣ сит̇иламагааси. саббо висам̣ аавамид̇ваа махаасад̇д̇асса сарийрам̣ ниб̣б̣исам̣ агааси. со нид̣̇д̣̇угко удтааяа багад̇иван̣н̣знзва адтааси. гаггадаго ‘‘сажз имз д̣̇взби ж̇анаа арог̇аа бхависсанд̇и, маяхам̣ сахааяасса вад̣дхи наама на бхависсад̇и, винаасзссаами нз’’д̇и жинд̇зд̇ваа гад̇д̇аригааяа уббаламагул̣ам̣ вияа ал̣зхи убхиннамби сийсам̣ габбзд̇ваа ж̇ийвид̇агкаяам̣ баабзси. гаагийби д̇амхаа таанаа балааяи. б̣од̇хисад̇д̇о саббасса сарийрам̣ д̣̇ан̣д̣агз взтзд̇ваа г̇умб̣абидтз киби. суван̣н̣агаггадагам̣ соб̣бхз виссаж̇ж̇зд̇ваа нхад̇ваа саалинд̣̇ияаг̇аамамзва г̇ад̇о. д̇ад̇о бадтааяа гаггадагзна сад̣̇д̇хим̣ ад̇хигад̇аро виссаасо ахоси.
Evañca pana vatvā tassa sukhasañcāraṇatthaṃ aḷaṃ sithilamakāsi. Sappo visaṃ āvamitvā mahāsattassa sarīraṃ nibbisaṃ akāsi. So niddukkho uṭṭhāya pakativaṇṇeneva aṭṭhāsi. Kakkaṭako ‘‘sace ime dvepi janā arogā bhavissanti, mayhaṃ sahāyassa vaḍḍhi nāma na bhavissati, vināsessāmi ne’’ti cintetvā kattarikāya uppalamakuḷaṃ viya aḷehi ubhinnampi sīsaṃ kappetvā jīvitakkhayaṃ pāpesi. Kākīpi tamhā ṭhānā palāyi. Bodhisatto sappassa sarīraṃ daṇḍake veṭhetvā gumbapiṭṭhe khipi. Suvaṇṇakakkaṭakaṃ sobbhe vissajjetvā nhatvā sālindiyagāmameva gato. Tato paṭṭhāya kakkaṭakena saddhiṃ adhikataro vissāso ahosi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзнд̇о осаанаг̇аат̇амааха –
Satthā imaṃ dhammadesanaṃ āharitvā saccāni pakāsetvā jātakaṃ samodhānento osānagāthamāha –
101.
101.
‘‘гааго д̇ад̣̇аа д̣̇звад̣̇ад̇д̇о ахоси, мааро бана ган̣хасаббо ахоси;
‘‘Kāko tadā devadatto ahosi, māro pana kaṇhasappo ahosi;
аананд̣̇абхад̣̇д̣̇о гаггадаго ахоси, ахам̣ д̇ад̣̇аа б̣раахман̣о хоми сад̇т̇аа’’д̇и.
Ānandabhaddo kakkaṭako ahosi, ahaṃ tadā brāhmaṇo homi satthā’’ti.
сажжабарияосаанз б̣ахуу сод̇аабаннаад̣̇аяо ахзсум̣. гаагий бана г̇аат̇ааяа на вуд̇д̇аа, саа жин̃жамаан̣авигаа ахосийд̇и.
Saccapariyosāne bahū sotāpannādayo ahesuṃ. Kākī pana gāthāya na vuttā, sā ciñcamāṇavikā ahosīti.
суван̣н̣агаггадагаж̇аад̇агаван̣н̣анаа жад̇уд̇т̇аа.
Suvaṇṇakakkaṭakajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 389. суван̣н̣агаггадаж̇аад̇агам̣ • 389. Suvaṇṇakakkaṭajātakaṃ
