| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[359] 9. суван̣н̣амиг̇аж̇аад̇агаван̣н̣анаа
[359] 9. Suvaṇṇamigajātakavaṇṇanā
виггама рз харибаад̣̇аад̇и ид̣̇ам̣ сад̇т̇аа ж̇зд̇аванз вихаранд̇о саавад̇т̇ияам̣ згам̣ гулад̇хийд̇арам̣ аараб̣бха гат̇зси. саа гира саавад̇т̇ияам̣ д̣̇виннам̣ аг̇г̇асаавагаанам̣ убадтаагагуласса д̇хийд̇аа сад̣̇д̇хаа басаннаа б̣уд̣̇д̇хамаамагаа д̇хаммамаамагаа сан̇гхамаамагаа аажаарасамбаннаа бан̣д̣ид̇аа д̣̇аанаад̣̇ибун̃н̃аабхирад̇аа. д̇ам̣ ан̃н̃ам̣ саавад̇т̇ияамзва самаанаж̇аад̇игам̣ мижчаад̣̇идтигагулам̣ ваарзси. ат̇ассаа маад̇аабид̇аро ‘‘амхаагам̣ д̇хийд̇аа сад̣̇д̇хаа басаннаа д̇ийн̣и рад̇анаани мамааяад̇и д̣̇аанаад̣̇ибун̃н̃аабхирад̇аа, д̇умхз мижчаад̣̇идтигаа имиссааби яат̇ааружияаа д̣̇аанам̣ ваа д̣̇аад̇ум̣ д̇хаммам̣ ваа сод̇ум̣ вихаарам̣ ваа г̇анд̇ум̣ сийлам̣ ваа рагкид̇ум̣ убосат̇агаммам̣ ваа гаад̇ум̣ на д̣̇ассат̇а, на маяам̣ д̇умхаагам̣ д̣̇зма, ад̇д̇анаа сад̣̇исам̣ мижчаад̣̇идтигагулаава гумааригам̣ г̇ан̣хат̇аа’’д̇и аахам̣су. д̇з д̇зхи бадигкид̇д̇аа ‘‘д̇умхаагам̣ д̇хийд̇аа амхаагам̣ гхарам̣ г̇анд̇ваа яат̇аад̇хиббааязна саб̣б̣амзд̇ам̣ гарод̇у, маяам̣ на ваарзссаама, д̣̇зт̇а но зд̇а’’нд̇и вад̇ваа ‘‘д̇зна хи г̇ан̣хат̇аа’’д̇и вуд̇д̇аа бхад̣̇д̣̇агзна нагкад̇д̇зна ман̇г̇алам̣ гад̇ваа д̇ам̣ ад̇д̇ано гхарам̣ наяим̣су. саа вад̇д̇аажаарасамбаннаа бад̇ид̣̇звад̇аа ахоси, сассусасурасаамигавад̇д̇аани гад̇аанзва хонд̇и.
Vikkamare haripādāti idaṃ satthā jetavane viharanto sāvatthiyaṃ ekaṃ kuladhītaraṃ ārabbha kathesi. Sā kira sāvatthiyaṃ dvinnaṃ aggasāvakānaṃ upaṭṭhākakulassa dhītā saddhā pasannā buddhamāmakā dhammamāmakā saṅghamāmakā ācārasampannā paṇḍitā dānādipuññābhiratā. Taṃ aññaṃ sāvatthiyameva samānajātikaṃ micchādiṭṭhikakulaṃ vāresi. Athassā mātāpitaro ‘‘amhākaṃ dhītā saddhā pasannā tīṇi ratanāni mamāyati dānādipuññābhiratā, tumhe micchādiṭṭhikā imissāpi yathāruciyā dānaṃ vā dātuṃ dhammaṃ vā sotuṃ vihāraṃ vā gantuṃ sīlaṃ vā rakkhituṃ uposathakammaṃ vā kātuṃ na dassatha, na mayaṃ tumhākaṃ dema, attanā sadisaṃ micchādiṭṭhikakulāva kumārikaṃ gaṇhathā’’ti āhaṃsu. Te tehi paṭikkhittā ‘‘tumhākaṃ dhītā amhākaṃ gharaṃ gantvā yathādhippāyena sabbametaṃ karotu, mayaṃ na vāressāma, detha no eta’’nti vatvā ‘‘tena hi gaṇhathā’’ti vuttā bhaddakena nakkhattena maṅgalaṃ katvā taṃ attano gharaṃ nayiṃsu. Sā vattācārasampannā patidevatā ahosi, sassusasurasāmikavattāni katāneva honti.
саа згад̣̇ивасам̣ саамигам̣ ааха – ‘‘ижчаамахам̣, аяяабуд̇д̇а, амхаагам̣ гулуубагад̇т̇зраанам̣ д̣̇аанам̣ д̣̇аад̇у’’нд̇и. саад̇ху, бхад̣̇д̣̇з, яат̇ааж̇жхаасаязна д̣̇аанам̣ д̣̇зхийд̇и. саа т̇зрз ниманд̇аабзд̇ваа маханд̇ам̣ саггаарам̣ гад̇ваа бан̣ийд̇абхож̇анам̣ бхож̇зд̇ваа згаманд̇ам̣ нисийд̣̇ид̇ваа ‘‘бханд̇з, имам̣ гулам̣ мижчаад̣̇идтигам̣ ассад̣̇д̇хам̣ д̇ин̣н̣ам̣ рад̇анаанам̣ г̇ун̣ам̣ на ж̇аанаад̇и, саад̇ху, аяяаа, яаава имам̣ гулам̣ д̇ин̣н̣ам̣ рад̇анаанам̣ г̇ун̣ам̣ ж̇аанаад̇и, д̇аава ид̇хзва бхигкам̣ г̇ан̣хат̇аа’’д̇и ааха. т̇зраа ад̇хиваасзд̇ваа д̇ад̇т̇а ниб̣ад̣̇д̇хам̣ бхун̃ж̇анд̇и. буна саамигам̣ ааха ‘‘аяяабуд̇д̇а, т̇зраа ид̇ха ниб̣ад̣̇д̇хам̣ ааг̇ажчанд̇и, гим̣гааран̣аа д̇умхз на бассат̇аа’’д̇и. ‘‘саад̇ху, бассиссаамий’’д̇и. саа бунад̣̇ивасз т̇зраанам̣ бхад̇д̇агижжабарияосаанз д̇асса аарожзси . со убасан̇гамид̇ваа т̇зрзхи сад̣̇д̇хим̣ бадисант̇аарам̣ гад̇ваа згаманд̇ам̣ нисийд̣̇и. ат̇асса д̇хаммасзнаабад̇и д̇хаммагат̇ам̣ гат̇зси. со т̇зрасса д̇хаммагат̇ааяа жа ирияаабат̇зсу жа басийд̣̇ид̇ваа д̇ад̇о бадтааяа т̇зраанам̣ аасанам̣ бан̃н̃абзд̇и, баанийяам̣ бариссаавзд̇и, анд̇араабхад̇д̇з д̇хаммагат̇ам̣ сун̣аад̇и, д̇асса абарабхааг̇з мижчаад̣̇идти бхиж̇ж̇и.
Sā ekadivasaṃ sāmikaṃ āha – ‘‘icchāmahaṃ, ayyaputta, amhākaṃ kulūpakattherānaṃ dānaṃ dātu’’nti. Sādhu, bhadde, yathājjhāsayena dānaṃ dehīti. Sā there nimantāpetvā mahantaṃ sakkāraṃ katvā paṇītabhojanaṃ bhojetvā ekamantaṃ nisīditvā ‘‘bhante, imaṃ kulaṃ micchādiṭṭhikaṃ assaddhaṃ tiṇṇaṃ ratanānaṃ guṇaṃ na jānāti, sādhu, ayyā, yāva imaṃ kulaṃ tiṇṇaṃ ratanānaṃ guṇaṃ jānāti, tāva idheva bhikkhaṃ gaṇhathā’’ti āha. Therā adhivāsetvā tattha nibaddhaṃ bhuñjanti. Puna sāmikaṃ āha ‘‘ayyaputta, therā idha nibaddhaṃ āgacchanti, kiṃkāraṇā tumhe na passathā’’ti. ‘‘Sādhu, passissāmī’’ti. Sā punadivase therānaṃ bhattakiccapariyosāne tassa ārocesi . So upasaṅkamitvā therehi saddhiṃ paṭisanthāraṃ katvā ekamantaṃ nisīdi. Athassa dhammasenāpati dhammakathaṃ kathesi. So therassa dhammakathāya ca iriyāpathesu ca pasīditvā tato paṭṭhāya therānaṃ āsanaṃ paññapeti, pānīyaṃ parissāveti, antarābhatte dhammakathaṃ suṇāti, tassa aparabhāge micchādiṭṭhi bhijji.
ат̇згад̣̇ивасам̣ т̇зро д̣̇виннамби д̇хаммагат̇ам̣ гат̇знд̇о сажжаани багаасзси, сажжабарияосаанз убхоби ж̇аяамбад̇игаа сод̇аабад̇д̇ипалз бад̇идтахим̣су. д̇ад̇о бадтааяа д̇асса маад̇аабид̇аро аад̣̇им̣ гад̇ваа анд̇амасо д̣̇аасагаммагарааби саб̣б̣з мижчаад̣̇идтим̣ бхинд̣̇ид̇ваа б̣уд̣̇д̇хад̇хаммасан̇гхамаамагааязва ж̇аад̇аа. ат̇згад̣̇ивасам̣ д̣̇ааригаа саамигам̣ ааха – ‘‘аяяабуд̇д̇а, гим̣ мз гхарааваасзна, ижчаамахам̣ баб̣б̣аж̇ид̇у’’нд̇и. со ‘‘саад̇ху бхад̣̇д̣̇з, ахамби баб̣б̣аж̇иссаамий’’д̇и маханд̇зна бариваарзна д̇ам̣ бхигкунубассаяам̣ нзд̇ваа баб̣б̣ааж̇зд̇ваа саяамби сад̇т̇аарам̣ убасан̇гамид̇ваа баб̣б̣аж̇ж̇ам̣ яаажи. д̇ам̣ сад̇т̇аа баб̣б̣ааж̇зси. убхоби вибассанам̣ вад̣дхзд̇ваа на жирассзва арахад̇д̇ам̣ баабун̣им̣су. ат̇згад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, асугаа наама д̣̇ахарабхигкуний ад̇д̇ано жзва бажжаяаа ж̇аад̇аа саамигасса жа, ад̇д̇анааби баб̣б̣аж̇ид̇ваа арахад̇д̇ам̣ бад̇ваа д̇амби баабзсий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва д̇аава зсаа саамигам̣ рааг̇абаасаа можзси, буб̣б̣збзсаа бораан̣агабан̣д̣ид̇з бана маран̣абаасаа можзсий’’д̇и вад̇ваа ад̇ийд̇ам̣ аахари.
Athekadivasaṃ thero dvinnampi dhammakathaṃ kathento saccāni pakāsesi, saccapariyosāne ubhopi jayampatikā sotāpattiphale patiṭṭhahiṃsu. Tato paṭṭhāya tassa mātāpitaro ādiṃ katvā antamaso dāsakammakarāpi sabbe micchādiṭṭhiṃ bhinditvā buddhadhammasaṅghamāmakāyeva jātā. Athekadivasaṃ dārikā sāmikaṃ āha – ‘‘ayyaputta, kiṃ me gharāvāsena, icchāmahaṃ pabbajitu’’nti. So ‘‘sādhu bhadde, ahampi pabbajissāmī’’ti mahantena parivārena taṃ bhikkhunupassayaṃ netvā pabbājetvā sayampi satthāraṃ upasaṅkamitvā pabbajjaṃ yāci. Taṃ satthā pabbājesi. Ubhopi vipassanaṃ vaḍḍhetvā na cirasseva arahattaṃ pāpuṇiṃsu. Athekadivasaṃ bhikkhū dhammasabhāyaṃ kathaṃ samuṭṭhāpesuṃ ‘‘āvuso, asukā nāma daharabhikkhunī attano ceva paccayā jātā sāmikassa ca, attanāpi pabbajitvā arahattaṃ patvā tampi pāpesī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva tāva esā sāmikaṃ rāgapāsā mocesi, pubbepesā porāṇakapaṇḍite pana maraṇapāsā mocesī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о миг̇аяонияам̣ ниб̣б̣ад̇д̇ид̇ваа ваяаббад̇д̇о абхируубо ахоси баасаад̣̇иго д̣̇ассанийяо суван̣н̣аван̣н̣о лаакаарасабаригаммагад̇зхи вияа хад̇т̇абаад̣̇зхи раж̇ад̇ад̣̇аамасад̣̇исзхи висаан̣зхи ман̣иг̇ул̣игабадибхааг̇зхи агкийхи рад̇д̇агамб̣алаг̇зн̣д̣усад̣̇исзна мукзна саманнааг̇ад̇о. бхарияаабисса д̇арун̣амиг̇ий абхируубаа ахоси д̣̇ассанийяаа. д̇з самаг̇г̇аваасам̣ васим̣су, асийд̇исахассажид̇рамиг̇аа б̣од̇хисад̇д̇ам̣ убадтахим̣су. д̇ад̣̇аа луд̣̇д̣̇агаа миг̇авийт̇ийсу баасз од̣д̣зсум̣. ат̇згад̣̇ивасам̣ б̣од̇хисад̇д̇о миг̇аанам̣ бурад̇о г̇ажчанд̇о баад̣̇з баасзна б̣аж̇жхид̇ваа ‘‘чинд̣̇иссаами на’’нд̇и аагад̣дхи, жаммам̣ чиж̇ж̇и, буна аагад̣дханд̇асса мам̣сам̣ чиж̇ж̇и, буна нхаару чиж̇ж̇и, баасо адтимаахажжа адтааси. со баасам̣ чинд̣̇ид̇ум̣ асаггонд̇о маран̣абхаяад̇аж̇ж̇ид̇о б̣ад̣̇д̇харавам̣ рави. д̇ам̣ суд̇ваа бхийд̇о миг̇аг̇ан̣о балааяи. бхарияаа банасса балааяид̇ваа миг̇аанам̣ анд̇арз ологзнд̇ий д̇ам̣ ад̣̇исваа ‘‘ид̣̇ам̣ бхаяам̣ маяхам̣ бияасаамигасса уббаннам̣ бхависсад̇ий’’д̇и взг̇зна д̇асса санд̇игам̣ г̇анд̇ваа ассумукий род̣̇амаанаа ‘‘саами , д̇вам̣ махаб̣б̣ало, гим̣ зд̇ам̣ баасам̣ санд̇хаарзд̇ум̣ на сагкиссаси, взг̇ам̣ ж̇анзд̇ваа чинд̣̇аахи на’’нд̇и д̇асса уссаахам̣ ж̇анзнд̇ий батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto migayoniyaṃ nibbattitvā vayappatto abhirūpo ahosi pāsādiko dassanīyo suvaṇṇavaṇṇo lākhārasaparikammakatehi viya hatthapādehi rajatadāmasadisehi visāṇehi maṇiguḷikapaṭibhāgehi akkhīhi rattakambalageṇḍusadisena mukhena samannāgato. Bhariyāpissa taruṇamigī abhirūpā ahosi dassanīyā. Te samaggavāsaṃ vasiṃsu, asītisahassacitramigā bodhisattaṃ upaṭṭhahiṃsu. Tadā luddakā migavīthīsu pāse oḍḍesuṃ. Athekadivasaṃ bodhisatto migānaṃ purato gacchanto pāde pāsena bajjhitvā ‘‘chindissāmi na’’nti ākaḍḍhi, cammaṃ chijji, puna ākaḍḍhantassa maṃsaṃ chijji, puna nhāru chijji, pāso aṭṭhimāhacca aṭṭhāsi. So pāsaṃ chindituṃ asakkonto maraṇabhayatajjito baddharavaṃ ravi. Taṃ sutvā bhīto migagaṇo palāyi. Bhariyā panassa palāyitvā migānaṃ antare olokentī taṃ adisvā ‘‘idaṃ bhayaṃ mayhaṃ piyasāmikassa uppannaṃ bhavissatī’’ti vegena tassa santikaṃ gantvā assumukhī rodamānā ‘‘sāmi , tvaṃ mahabbalo, kiṃ etaṃ pāsaṃ sandhāretuṃ na sakkhissasi, vegaṃ janetvā chindāhi na’’nti tassa ussāhaṃ janentī paṭhamaṃ gāthamāha –
50.
50.
‘‘виггама рз харибаад̣̇а, виггама рз махаамиг̇а;
‘‘Vikkama re haripāda, vikkama re mahāmiga;
чинд̣̇а ваарад̇д̇игам̣ баасам̣, наахам̣ згаа ванз рамз’’д̇и.
Chinda vārattikaṃ pāsaṃ, nāhaṃ ekā vane rame’’ti.
д̇ад̇т̇а виггамаад̇и бараггама, аагад̣дхаад̇и ад̇т̇о. рзд̇и ааманд̇анз нибаад̇о. харибаад̣̇аад̇и суван̣н̣абаад̣̇а. сагаласарийрамби д̇асса суван̣н̣аван̣н̣ам̣, аяам̣ бана г̇ааравзнзвамааха. наахам̣ згаад̇и ахам̣ д̇аяаа винаа згигаа ванз на рамиссаами, д̇ин̣од̣̇агам̣ бана аг̇г̇ахзд̇ваа суссид̇ваа мариссаамийд̇и д̣̇ассзд̇и.
Tattha vikkamāti parakkama, ākaḍḍhāti attho. Reti āmantane nipāto. Haripādāti suvaṇṇapāda. Sakalasarīrampi tassa suvaṇṇavaṇṇaṃ, ayaṃ pana gāravenevamāha. Nāhaṃ ekāti ahaṃ tayā vinā ekikā vane na ramissāmi, tiṇodakaṃ pana aggahetvā sussitvā marissāmīti dasseti.
д̇ам̣ суд̇ваа миг̇о д̣̇уд̇ияам̣ г̇аат̇амааха –
Taṃ sutvā migo dutiyaṃ gāthamāha –
51.
51.
‘‘виггамаами на баарзми, бхуумим̣ сумбхаами взг̇асаа;
‘‘Vikkamāmi na pāremi, bhūmiṃ sumbhāmi vegasā;
д̣̇ал̣хо ваарад̇д̇иго баасо, баад̣̇ам̣ мз бариганд̇ад̇ий’’д̇и.
Daḷho vārattiko pāso, pādaṃ me parikantatī’’ti.
д̇ад̇т̇а виггамаамийд̇и бхад̣̇д̣̇з, ахам̣ вийрияам̣ гароми. на баарзмийд̇и баасам̣ чинд̣̇ид̇ум̣ бана на саггомийд̇и ад̇т̇о. бхуумим̣ сумбхаамийд̇и аби наама чиж̇ж̇зяяаад̇и баад̣̇знааби бхуумим̣ бахараами. взг̇асаад̇и взг̇зна. бариганд̇ад̇ийд̇и жаммаад̣̇ийни чинд̣̇анд̇о саманд̇аа ганд̇ад̇ийд̇и.
Tattha vikkamāmīti bhadde, ahaṃ vīriyaṃ karomi. Na pāremīti pāsaṃ chindituṃ pana na sakkomīti attho. Bhūmiṃ sumbhāmīti api nāma chijjeyyāti pādenāpi bhūmiṃ paharāmi. Vegasāti vegena. Parikantatīti cammādīni chindanto samantā kantatīti.
ат̇а нам̣ миг̇ий ‘‘маа бхааяи, саами, ахам̣ ад̇д̇ано б̣алзна луд̣̇д̣̇агам̣ яаажид̇ваа д̇ава ж̇ийвид̇ам̣ аахариссаами. сажз яаажанааяа на сагкиссаами, мама ж̇ийвид̇амби д̣̇ад̇ваа д̇ава ж̇ийвид̇ам̣ аахариссаамий’’д̇и махаасад̇д̇ам̣ ассаасзд̇ваа лохид̇алид̇д̇ам̣ б̣од̇хисад̇д̇ам̣ бариг̇г̇ахзд̇ваа адтааси. луд̣̇д̣̇агоби асин̃жа сад̇д̇ин̃жа г̇ахзд̇ваа габбудтаанаг̇г̇и вияа ааг̇ажчад̇и. саа д̇ам̣ д̣̇исваа ‘‘саами, луд̣̇д̣̇аго ааг̇ажчад̇и, ахам̣ ад̇д̇ано б̣алам̣ гариссаами, д̇вам̣ маа бхааяий’’д̇и миг̇ам̣ ассаасзд̇ваа луд̣̇д̣̇агасса бадибат̇ам̣ г̇анд̇ваа бадиггамид̇ваа згаманд̇ам̣ тид̇аа д̇ам̣ ванд̣̇ид̇ваа ‘‘саами, мама саамиго суван̣н̣аван̣н̣о сийлаажаарасамбанно, асийд̇исахассаанам̣ миг̇аанам̣ рааж̇аа’’д̇и б̣од̇хисад̇д̇асса г̇ун̣ам̣ гат̇зд̇ваа миг̇арааж̇з тид̇зязва ад̇д̇ано вад̇хам̣ яаажанд̇ий д̇ад̇ияам̣ г̇аат̇амааха –
Atha naṃ migī ‘‘mā bhāyi, sāmi, ahaṃ attano balena luddakaṃ yācitvā tava jīvitaṃ āharissāmi. Sace yācanāya na sakkhissāmi, mama jīvitampi datvā tava jīvitaṃ āharissāmī’’ti mahāsattaṃ assāsetvā lohitalittaṃ bodhisattaṃ pariggahetvā aṭṭhāsi. Luddakopi asiñca sattiñca gahetvā kappuṭṭhānaggi viya āgacchati. Sā taṃ disvā ‘‘sāmi, luddako āgacchati, ahaṃ attano balaṃ karissāmi, tvaṃ mā bhāyī’’ti migaṃ assāsetvā luddakassa paṭipathaṃ gantvā paṭikkamitvā ekamantaṃ ṭhitā taṃ vanditvā ‘‘sāmi, mama sāmiko suvaṇṇavaṇṇo sīlācārasampanno, asītisahassānaṃ migānaṃ rājā’’ti bodhisattassa guṇaṃ kathetvā migarāje ṭhiteyeva attano vadhaṃ yācantī tatiyaṃ gāthamāha –
52.
52.
‘‘ад̇т̇арассу балаасаани, асим̣ ниб̣б̣ааха луд̣̇д̣̇ага;
‘‘Attharassu palāsāni, asiṃ nibbāha luddaka;
батамам̣ мам̣ вад̇хид̇ваана, хана бажчаа махаамиг̇а’’нд̇и.
Paṭhamaṃ maṃ vadhitvāna, hana pacchā mahāmiga’’nti.
д̇ад̇т̇а балаасаанийд̇и мам̣садтабанад̇т̇ам̣ балаасабан̣н̣аани ад̇т̇арассу. асим̣ ниб̣б̣аахаад̇и асим̣ госад̇о нийхара.
Tattha palāsānīti maṃsaṭṭhapanatthaṃ palāsapaṇṇāni attharassu. Asiṃ nibbāhāti asiṃ kosato nīhara.
д̇ам̣ суд̇ваа луд̣̇д̣̇аго ‘‘мануссабхууд̇аа д̇аава саамигасса ад̇т̇ааяа ад̇д̇ано ж̇ийвид̇ам̣ на барижжаж̇анд̇и, аяам̣ д̇иражчаанаг̇ад̇аа ж̇ийвид̇ам̣ барижжаж̇ад̇и, мануссабхаасааяа жа мад̇хурзна сарзна гат̇зд̇и, аж̇ж̇а имиссаа жа бад̇ино жассаа ж̇ийвид̇ам̣ д̣̇ассаамий’’д̇и басаннажид̇д̇о жад̇уд̇т̇ам̣ г̇аат̇амааха –
Taṃ sutvā luddako ‘‘manussabhūtā tāva sāmikassa atthāya attano jīvitaṃ na pariccajanti, ayaṃ tiracchānagatā jīvitaṃ pariccajati, manussabhāsāya ca madhurena sarena katheti, ajja imissā ca patino cassā jīvitaṃ dassāmī’’ti pasannacitto catutthaṃ gāthamāha –
53.
53.
‘‘на мз суд̇ам̣ ваа д̣̇идтам̣ ваа, бхаасанд̇им̣ маанусим̣ миг̇им̣;
‘‘Na me sutaṃ vā diṭṭhaṃ vā, bhāsantiṃ mānusiṃ migiṃ;
д̇ван̃жа бхад̣̇д̣̇з сукий хохи, зсо жааби махаамиг̇о’’д̇и.
Tvañca bhadde sukhī hohi, eso cāpi mahāmigo’’ti.
д̇ад̇т̇а суд̇ам̣ ваа д̣̇идтам̣ ваад̇и маяаа ид̇о буб̣б̣з зваруубам̣ д̣̇идтам̣ ваа суд̇ам̣ ваа над̇т̇и. бхаасанд̇им̣ маанусим̣ миг̇инд̇и ахан̃хи ид̇о буб̣б̣з маанусим̣ ваажам̣ бхаасанд̇им̣ миг̇им̣ нзва ад̣̇д̣̇асам̣ на ассосим̣. язсам̣ бана ‘‘на мз суд̇аа ваа д̣̇идтаа ваа, бхаасанд̇ий маанусий миг̇ий’’д̇и баал̣и, д̇зсам̣ яат̇аабаал̣имзва ад̇т̇о д̣̇иссад̇и. бхад̣̇д̣̇зд̇и бхад̣̇д̣̇агз бан̣д̣игз убааяагусалз. ид̇и д̇ам̣ аалабид̇ваа буна ‘‘д̇ван̃жа зсо жааби махаамиг̇од̇и д̣̇взби ж̇анаа сукий нид̣̇д̣̇угкаа хот̇аа’’д̇и д̇ам̣ самассаасзд̇ваа луд̣̇д̣̇аго б̣од̇хисад̇д̇асса санд̇игам̣ г̇анд̇ваа ваасияаа жаммабаасам̣ чинд̣̇ид̇ваа баад̣̇з лаг̇г̇абаасагам̣ сан̣игам̣ нийхарид̇ваа нхаарунаа нхаарум̣, мам̣сзна мам̣сам̣, жаммзна жаммам̣ бадибаадзд̇ваа баад̣̇ам̣ хад̇т̇зна баримаж̇ж̇и. д̇ан̇кан̣ан̃н̃зва махаасад̇д̇асса буурид̇абаарамид̇аанубхаавзна луд̣̇д̣̇агасса жа мзд̇д̇ажид̇д̇аанубхаавзна миг̇ияаа жа мзд̇д̇ад̇хаммаанубхаавзна нхаарумам̣сажаммаани нхаарумам̣сажаммзхи гхадаяим̣су. б̣од̇хисад̇д̇о бана сукий нид̣̇д̣̇угко адтааси.
Tattha sutaṃ vā diṭṭhaṃ vāti mayā ito pubbe evarūpaṃ diṭṭhaṃ vā sutaṃ vā natthi. Bhāsantiṃ mānusiṃ miginti ahañhi ito pubbe mānusiṃ vācaṃ bhāsantiṃ migiṃ neva addasaṃ na assosiṃ. Yesaṃ pana ‘‘na me sutā vā diṭṭhā vā, bhāsantī mānusī migī’’ti pāḷi, tesaṃ yathāpāḷimeva attho dissati. Bhaddeti bhaddake paṇḍike upāyakusale. Iti taṃ ālapitvā puna ‘‘tvañca eso cāpi mahāmigoti dvepi janā sukhī niddukkhā hothā’’ti taṃ samassāsetvā luddako bodhisattassa santikaṃ gantvā vāsiyā cammapāsaṃ chinditvā pāde laggapāsakaṃ saṇikaṃ nīharitvā nhārunā nhāruṃ, maṃsena maṃsaṃ, cammena cammaṃ paṭipāṭetvā pādaṃ hatthena parimajji. Taṅkhaṇaññeva mahāsattassa pūritapāramitānubhāvena luddakassa ca mettacittānubhāvena migiyā ca mettadhammānubhāvena nhārumaṃsacammāni nhārumaṃsacammehi ghaṭayiṃsu. Bodhisatto pana sukhī niddukkho aṭṭhāsi.
миг̇ий б̣од̇хисад̇д̇ам̣ сукид̇ам̣ д̣̇исваа соманассаж̇аад̇аа луд̣̇д̣̇агасса анумод̣̇анам̣ гаронд̇ий бан̃жамам̣ г̇аат̇амааха –
Migī bodhisattaṃ sukhitaṃ disvā somanassajātā luddakassa anumodanaṃ karontī pañcamaṃ gāthamāha –
54.
54.
‘‘звам̣ луд̣̇д̣̇ага нанд̣̇ассу, саха саб̣б̣зхи н̃аад̇ибхи;
‘‘Evaṃ luddaka nandassu, saha sabbehi ñātibhi;
яат̇аахамаж̇ж̇а нанд̣̇аами, муд̇д̇ам̣ д̣̇исваа махаамиг̇а’’нд̇и.
Yathāhamajja nandāmi, muttaṃ disvā mahāmiga’’nti.
д̇ад̇т̇а луд̣̇д̣̇агаад̇и д̣̇аарун̣агаммагирияааяа лад̣̇д̇ханаамавасзна аалабад̇и.
Tattha luddakāti dāruṇakammakiriyāya laddhanāmavasena ālapati.
б̣од̇хисад̇д̇о ‘‘аяам̣ луд̣̇д̣̇о маяхам̣ авассаяо ж̇аад̇о, маяаабисса авассаязнзва бхавид̇ум̣ вадад̇ий’’д̇и г̇ожарабхуумияам̣ д̣̇идтам̣ згам̣ ман̣игканд̇хам̣ д̇асса д̣̇ад̇ваа ‘‘самма, ид̇о бадтааяа баан̣аад̇ибаад̇аад̣̇ийни маа гари, иминаа гудумб̣ам̣ сан̣табзд̇ваа д̣̇аарагз босзнд̇о д̣̇аанасийлаад̣̇ийни бун̃н̃аани гарохий’’д̇и д̇ассоваад̣̇ам̣ д̣̇ад̇ваа аран̃н̃ам̣ баависи.
Bodhisatto ‘‘ayaṃ luddo mayhaṃ avassayo jāto, mayāpissa avassayeneva bhavituṃ vaṭatī’’ti gocarabhūmiyaṃ diṭṭhaṃ ekaṃ maṇikkhandhaṃ tassa datvā ‘‘samma, ito paṭṭhāya pāṇātipātādīni mā kari, iminā kuṭumbaṃ saṇṭhapetvā dārake posento dānasīlādīni puññāni karohī’’ti tassovādaṃ datvā araññaṃ pāvisi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа луд̣̇д̣̇аго чанно ахоси, миг̇ий д̣̇ахарабхигкуний, миг̇арааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā luddako channo ahosi, migī daharabhikkhunī, migarājā pana ahameva ahosi’’nti.
суван̣н̣амиг̇аж̇аад̇агаван̣н̣анаа навамаа.
Suvaṇṇamigajātakavaṇṇanā navamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 359. суван̣н̣амиг̇аж̇аад̇агам̣ • 359. Suvaṇṇamigajātakaṃ
