| Library / Tipiṭaka / තිපිටක • Tipiṭaka / සංයුත්‌තනිකාය • Saṃyuttanikāya |
2. දුතියවග්‌ගො
2. Dutiyavaggo
1. සුවණ්‌ණපාතිසුත්‌තං
1. Suvaṇṇapātisuttaṃ
167. සාවත්‌ථියං විහරති…පෙ.… ‘‘දාරුණො, භික්‌ඛවෙ, ලාභසක්‌කාරසිලොකො…පෙ.… අධිගමාය. ඉධාහං, භික්‌ඛවෙ, එකච්‌චං පුග්‌ගලං එවං චෙතසා චෙතො පරිච්‌ච පජානාමි – ‘න චායමායස්‌මා සුවණ්‌ණපාතියාපි රූපියචුණ්‌ණපරිපූරාය හෙතු සම්‌පජානමුසා භාසෙය්‍යා’ති. තමෙනං පස්‌සාමි අපරෙන සමයෙන ලාභසක්‌කාරසිලොකෙන අභිභූතං පරියාදිණ්‌ණචිත්‌තං සම්‌පජානමුසා භාසන්‌තං. එවං දාරුණො ඛො, භික්‌ඛවෙ, ලාභසක්‌කාරසිලොකො…පෙ.… එවඤ්‌හි වො, භික්‌ඛවෙ, සික්‌ඛිතබ්‌බ’’න්‌ති. පඨමං.
167. Sāvatthiyaṃ viharati…pe… ‘‘dāruṇo, bhikkhave, lābhasakkārasiloko…pe… adhigamāya. Idhāhaṃ, bhikkhave, ekaccaṃ puggalaṃ evaṃ cetasā ceto paricca pajānāmi – ‘na cāyamāyasmā suvaṇṇapātiyāpi rūpiyacuṇṇaparipūrāya hetu sampajānamusā bhāseyyā’ti. Tamenaṃ passāmi aparena samayena lābhasakkārasilokena abhibhūtaṃ pariyādiṇṇacittaṃ sampajānamusā bhāsantaṃ. Evaṃ dāruṇo kho, bhikkhave, lābhasakkārasiloko…pe… evañhi vo, bhikkhave, sikkhitabba’’nti. Paṭhamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) / 1-2. සුවණ්‌ණපාතිසුත්‌තාදිවණ්‌ණනා • 1-2. Suvaṇṇapātisuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1-2. සුවණ්‌ණපාතිසුත්‌තාදිවණ්‌ණනා • 1-2. Suvaṇṇapātisuttādivaṇṇanā
