| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
5. суван̣н̣абубпияад̇т̇зраабад̣̇аанаван̣н̣анаа
5. Suvaṇṇapupphiyattheraapadānavaṇṇanā
вибассий наама бхаг̇аваад̇иаад̣̇игам̣ ааяасмад̇о суван̣н̣абубпияад̇т̇зрасса абад̣̇аанам̣. аяамби буримаж̇инаварзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о вибассисса бхаг̇авад̇о гаалз згасмим̣ таанз бхуумадтагад̣̇звабуд̇д̇о худ̇ваа ниб̣б̣ад̇д̇о д̇асса бхаг̇авад̇о д̇хаммам̣ суд̇ваа басаннамаанасо жад̇уухи суван̣н̣абубпзхи бууж̇зси. д̇аани бубпаани аагаасз суван̣н̣авид̇аанам̣ худ̇ваа чаад̣̇зсум̣, суван̣н̣абабхаа жа б̣уд̣̇д̇хасса сарийрабабхаа жа згад̇о худ̇ваа махааобхаасо ахоси. со ад̇ирзгад̇арам̣ басанно сагабхаванам̣ г̇ад̇оби сарад̇иязва. со д̇зна бун̃н̃агаммзна д̇усид̇абхаванаад̣̇исуг̇ад̇ийсуязва сам̣саранд̇о д̣̇иб̣б̣асамбад̇д̇им̣ анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вин̃н̃уд̇ам̣ бад̇д̇о сад̇т̇у д̇хаммад̣̇зсанам̣ суд̇ваа саасанз урам̣ д̣̇ад̇ваа баб̣б̣аж̇ид̇о нажирассзва арахаа ахоси.
Vipassīnāma bhagavātiādikaṃ āyasmato suvaṇṇapupphiyattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle ekasmiṃ ṭhāne bhūmaṭṭhakadevaputto hutvā nibbatto tassa bhagavato dhammaṃ sutvā pasannamānaso catūhi suvaṇṇapupphehi pūjesi. Tāni pupphāni ākāse suvaṇṇavitānaṃ hutvā chādesuṃ, suvaṇṇapabhā ca buddhassa sarīrapabhā ca ekato hutvā mahāobhāso ahosi. So atirekataraṃ pasanno sakabhavanaṃ gatopi saratiyeva. So tena puññakammena tusitabhavanādisugatīsuyeva saṃsaranto dibbasampattiṃ anubhavitvā imasmiṃ buddhuppāde kulagehe nibbatto viññutaṃ patto satthu dhammadesanaṃ sutvā sāsane uraṃ datvā pabbajito nacirasseva arahā ahosi.
40. со абарабхааг̇з буб̣б̣агаммам̣ сарид̇ваа соманассаж̇аад̇о ад̇д̇ано буб̣б̣ажарид̇аабад̣̇аанам̣ багаасзнд̇о вибассий наама бхаг̇аваад̇иаад̣̇имааха. д̇ам̣ хздтаа вуд̇д̇ад̇т̇амзва.
40. So aparabhāge pubbakammaṃ saritvā somanassajāto attano pubbacaritāpadānaṃ pakāsento vipassī nāma bhagavātiādimāha. Taṃ heṭṭhā vuttatthameva.
44. баамож̇ж̇ам̣ ж̇анаяид̇ваанаад̇и б̣алавабийд̇им̣ уббаад̣̇зд̇ваа ‘‘баамож̇ж̇ам̣ аамод̣̇анаа бамод̣̇анаа хаасо бахаасо вид̇д̇и од̣̇аг̇яам̣ ад̇д̇аманад̇аа жид̇д̇ассаа’’д̇иаад̣̇ийсу (д̇ха. са. 9, 86; махаани. 1) вияа ад̇д̇аманад̇аа сагабхаавам̣ уббаад̣̇зд̇ваад̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
44.Pāmojjaṃ janayitvānāti balavapītiṃ uppādetvā ‘‘pāmojjaṃ āmodanā pamodanā hāso pahāso vitti odagyaṃ attamanatā cittassā’’tiādīsu (dha. sa. 9, 86; mahāni. 1) viya attamanatā sakabhāvaṃ uppādetvāti attho. Sesaṃ sabbattha uttānamevāti.
суван̣н̣абубпияад̇т̇зраабад̣̇аанаван̣н̣анаа самад̇д̇аа.
Suvaṇṇapupphiyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 5. суван̣н̣абубпияад̇т̇зраабад̣̇аанам̣ • 5. Suvaṇṇapupphiyattheraapadānaṃ
