| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੫. ਸੁવਣ੍ਣਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ
5. Suvaṇṇapupphiyattheraapadānavaṇṇanā
વਿਪਸ੍ਸੀ ਨਾਮ ਭਗવਾਤਿਆਦਿਕਂ ਆਯਸ੍ਮਤੋ ਸੁવਣ੍ਣਪੁਪ੍ਫਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਜਿਨવਰੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ વਿਪਸ੍ਸਿਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਠਾਨੇ ਭੂਮਟ੍ਠਕਦੇવਪੁਤ੍ਤੋ ਹੁਤ੍વਾ ਨਿਬ੍ਬਤ੍ਤੋ ਤਸ੍ਸ ਭਗવਤੋ ਧਮ੍ਮਂ ਸੁਤ੍વਾ ਪਸਨ੍ਨਮਾਨਸੋ ਚਤੂਹਿ ਸੁવਣ੍ਣਪੁਪ੍ਫੇਹਿ ਪੂਜੇਸਿ। ਤਾਨਿ ਪੁਪ੍ਫਾਨਿ ਆਕਾਸੇ ਸੁવਣ੍ਣવਿਤਾਨਂ ਹੁਤ੍વਾ ਛਾਦੇਸੁਂ, ਸੁવਣ੍ਣਪਭਾ ਚ ਬੁਦ੍ਧਸ੍ਸ ਸਰੀਰਪਭਾ ਚ ਏਕਤੋ ਹੁਤ੍વਾ ਮਹਾਓਭਾਸੋ ਅਹੋਸਿ। ਸੋ ਅਤਿਰੇਕਤਰਂ ਪਸਨ੍ਨੋ ਸਕਭવਨਂ ਗਤੋਪਿ ਸਰਤਿਯੇવ। ਸੋ ਤੇਨ ਪੁਞ੍ਞਕਮ੍ਮੇਨ ਤੁਸਿਤਭવਨਾਦਿਸੁਗਤੀਸੁਯੇવ ਸਂਸਰਨ੍ਤੋ ਦਿਬ੍ਬਸਮ੍ਪਤ੍ਤਿਂ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વਿਞ੍ਞੁਤਂ ਪਤ੍ਤੋ ਸਤ੍ਥੁ ਧਮ੍ਮਦੇਸਨਂ ਸੁਤ੍વਾ ਸਾਸਨੇ ਉਰਂ ਦਤ੍વਾ ਪਬ੍ਬਜਿਤੋ ਨਚਿਰਸ੍ਸੇવ ਅਰਹਾ ਅਹੋਸਿ।
Vipassīnāma bhagavātiādikaṃ āyasmato suvaṇṇapupphiyattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto vipassissa bhagavato kāle ekasmiṃ ṭhāne bhūmaṭṭhakadevaputto hutvā nibbatto tassa bhagavato dhammaṃ sutvā pasannamānaso catūhi suvaṇṇapupphehi pūjesi. Tāni pupphāni ākāse suvaṇṇavitānaṃ hutvā chādesuṃ, suvaṇṇapabhā ca buddhassa sarīrapabhā ca ekato hutvā mahāobhāso ahosi. So atirekataraṃ pasanno sakabhavanaṃ gatopi saratiyeva. So tena puññakammena tusitabhavanādisugatīsuyeva saṃsaranto dibbasampattiṃ anubhavitvā imasmiṃ buddhuppāde kulagehe nibbatto viññutaṃ patto satthu dhammadesanaṃ sutvā sāsane uraṃ datvā pabbajito nacirasseva arahā ahosi.
੪੦. ਸੋ ਅਪਰਭਾਗੇ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਅਤ੍ਤਨੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ વਿਪਸ੍ਸੀ ਨਾਮ ਭਗવਾਤਿਆਦਿਮਾਹ। ਤਂ ਹੇਟ੍ਠਾ વੁਤ੍ਤਤ੍ਥਮੇવ।
40. So aparabhāge pubbakammaṃ saritvā somanassajāto attano pubbacaritāpadānaṃ pakāsento vipassī nāma bhagavātiādimāha. Taṃ heṭṭhā vuttatthameva.
੪੪. ਪਾਮੋਜ੍ਜਂ ਜਨਯਿਤ੍વਾਨਾਤਿ ਬਲવਪੀਤਿਂ ਉਪ੍ਪਾਦੇਤ੍વਾ ‘‘ਪਾਮੋਜ੍ਜਂ ਆਮੋਦਨਾ ਪਮੋਦਨਾ ਹਾਸੋ ਪਹਾਸੋ વਿਤ੍ਤਿ ਓਦਗ੍ਯਂ ਅਤ੍ਤਮਨਤਾ ਚਿਤ੍ਤਸ੍ਸਾ’’ਤਿਆਦੀਸੁ (ਧ॰ ਸ॰ ੯, ੮੬; ਮਹਾਨਿ॰ ੧) વਿਯ ਅਤ੍ਤਮਨਤਾ ਸਕਭਾવਂ ਉਪ੍ਪਾਦੇਤ੍વਾਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
44.Pāmojjaṃ janayitvānāti balavapītiṃ uppādetvā ‘‘pāmojjaṃ āmodanā pamodanā hāso pahāso vitti odagyaṃ attamanatā cittassā’’tiādīsu (dha. sa. 9, 86; mahāni. 1) viya attamanatā sakabhāvaṃ uppādetvāti attho. Sesaṃ sabbattha uttānamevāti.
ਸੁવਣ੍ਣਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Suvaṇṇapupphiyattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੫. ਸੁવਣ੍ਣਪੁਪ੍ਫਿਯਤ੍ਥੇਰਅਪਦਾਨਂ • 5. Suvaṇṇapupphiyattheraapadānaṃ
