| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
13. суван̣н̣асаамажарияааван̣н̣анаа
13. Suvaṇṇasāmacariyāvaṇṇanā
111. д̇зрасамз саамо яад̣̇аа ванз аасинд̇и химаванд̇асмим̣ миг̇асаммад̇ааяа наама над̣̇ияаа д̇ийрз махад̇и аран̃н̃з саамо наама д̇аабасагумааро яад̣̇аа ахоси. саггзна абхиниммид̇од̇и саггасса д̣̇зваанаминд̣̇асса убад̣̇зсасамбад̇д̇ияаа ж̇аад̇ад̇д̇аа саггзна ниб̣б̣ад̇д̇ид̇о ж̇анид̇о. д̇ад̇рааяам̣ анубуб̣б̣игат̇аа – ад̇ийд̇з б̣аараан̣асид̇о авид̣̇уурз над̣̇ияаа д̇ийрз зго нзсаад̣̇аг̇аамо ахоси. д̇ад̇т̇а ж̇здтанзсаад̣̇асса буд̇д̇о ж̇аад̇о. д̇асса ‘‘д̣̇угууло’’д̇и наамамагам̣су. д̇ассаа зва над̣̇ияаа барад̇ийрзби зго нзсаад̣̇аг̇аамо ахоси. д̇ад̇т̇а ж̇здтанзсаад̣̇асса д̇хийд̇аа ж̇аад̇аа. д̇ассаа ‘‘бааригаа’’д̇и наамамагам̣су. д̇з убхоби б̣рахмалогад̇о ааг̇ад̇аа суд̣̇д̇хасад̇д̇аа. д̇зсам̣ ваяаббад̇д̇аанам̣ анижчамаанаанам̣язва ааваахавиваахам̣ гарим̣су. д̇з убхоби гилзсасамуд̣̇д̣̇ам̣ анод̇арид̇ваа б̣рахмаано вияа згад̇о васим̣су. на жа гин̃жи нзсаад̣̇агаммам̣ гаронд̇и.
111. Terasame sāmo yadā vane āsinti himavantasmiṃ migasammatāya nāma nadiyā tīre mahati araññe sāmo nāma tāpasakumāro yadā ahosi. Sakkena abhinimmitoti sakkassa devānamindassa upadesasampattiyā jātattā sakkena nibbattito janito. Tatrāyaṃ anupubbikathā – atīte bārāṇasito avidūre nadiyā tīre eko nesādagāmo ahosi. Tattha jeṭṭhanesādassa putto jāto. Tassa ‘‘dukūlo’’ti nāmamakaṃsu. Tassā eva nadiyā paratīrepi eko nesādagāmo ahosi. Tattha jeṭṭhanesādassa dhītā jātā. Tassā ‘‘pārikā’’ti nāmamakaṃsu. Te ubhopi brahmalokato āgatā suddhasattā. Tesaṃ vayappattānaṃ anicchamānānaṃyeva āvāhavivāhaṃ kariṃsu. Te ubhopi kilesasamuddaṃ anotaritvā brahmāno viya ekato vasiṃsu. Na ca kiñci nesādakammaṃ karonti.
ат̇а д̣̇угуулам̣ маад̇аабид̇аро ‘‘д̇аад̇а, д̇вам̣ нзсаад̣̇агаммам̣ на гароси, нзва гхарааваасам̣ ижчаси, гим̣ наама гариссасий’’д̇и аахам̣су. со ‘‘д̇умхзсу ануж̇аананд̇зсу баб̣б̣аж̇иссаамий’’д̇и ааха. ‘‘д̇зна хи баб̣б̣аж̇аахий’’д̇и. д̣̇взби ж̇анаа химаванд̇ам̣ бависид̇ваа яасмим̣ таанз миг̇асаммад̇аа наама над̣̇ий химаванд̇ад̇о од̇арид̇ваа г̇ан̇г̇ам̣ бад̇д̇аа, д̇ам̣ таанам̣ г̇анд̇ваа г̇ан̇г̇ам̣ бахааяа миг̇асаммад̇аабхимукаа абхирухим̣су. д̇ад̣̇аа саггасса бхаванам̣ ун̣хаагаарам̣ д̣̇ассзси. сагго д̇ам̣ гааран̣ам̣ н̃ад̇ваа виссагаммунаа д̇асмим̣ таанз ассамам̣ маабзси. д̇з д̇ад̇т̇а г̇анд̇ваа баб̣б̣аж̇ид̇ваа саггад̣̇ад̇д̇ияз ассамз гаамааважарамзд̇д̇ам̣ бхаавзд̇ваа бадивасим̣су. саггоби д̇зсам̣ убадтаанам̣ ааг̇ажчад̇и.
Atha dukūlaṃ mātāpitaro ‘‘tāta, tvaṃ nesādakammaṃ na karosi, neva gharāvāsaṃ icchasi, kiṃ nāma karissasī’’ti āhaṃsu. So ‘‘tumhesu anujānantesu pabbajissāmī’’ti āha. ‘‘Tena hi pabbajāhī’’ti. Dvepi janā himavantaṃ pavisitvā yasmiṃ ṭhāne migasammatā nāma nadī himavantato otaritvā gaṅgaṃ pattā, taṃ ṭhānaṃ gantvā gaṅgaṃ pahāya migasammatābhimukhā abhiruhiṃsu. Tadā sakkassa bhavanaṃ uṇhākāraṃ dassesi. Sakko taṃ kāraṇaṃ ñatvā vissakammunā tasmiṃ ṭhāne assamaṃ māpesi. Te tattha gantvā pabbajitvā sakkadattiye assame kāmāvacaramettaṃ bhāvetvā paṭivasiṃsu. Sakkopi tesaṃ upaṭṭhānaṃ āgacchati.
со згад̣̇ивасам̣ ‘‘д̇зсам̣ жагкуу барихааяиссанд̇ий’’д̇и н̃ад̇ваа убасан̇гамид̇ваа ‘‘бханд̇з, во жагкуунам̣ анд̇арааяо бан̃н̃ааяад̇и, бадиж̇аг̇г̇анагам̣ буд̇д̇ам̣ лад̣̇д̇хум̣ ваддад̇и, ж̇аанаами д̇умхаагам̣ суд̣̇д̇хажид̇д̇ад̇ам̣, д̇асмаа бааригааяа уд̇унигаалз наабхим̣ хад̇т̇зна бараамасзяяаат̇а , звам̣ во буд̇д̇о ж̇ааяиссад̇и, со во убадтахиссад̇ий’’д̇и вад̇ваа баггаами. д̣̇угуулабан̣д̣ид̇о д̇ам̣ гааран̣ам̣ бааригааяа аажигкид̇ваа д̇ассаа уд̇унигаалз наабхим̣ бараамаси. д̇ад̣̇аа б̣од̇хисад̇д̇о д̣̇звалогаа жавид̇ваа д̇ассаа гужчимхи бадисанд̇хим̣ г̇ан̣хи, саа д̣̇асамаасажжаязна суван̣н̣аван̣н̣ам̣ буд̇д̇ам̣ виж̇ааяи. д̇знзвасса ‘‘суван̣н̣асаамо’’д̇и наамам̣ гарим̣су. д̇ам̣ абарабхааг̇з вад̣дхид̇ваа сол̣асавассуд̣̇д̣̇зсигамби маад̇аабид̇аро рагканд̇аа ассамз нисийд̣̇аабзд̇ваа саяамзва ванамуулапалаапалад̇т̇ааяа г̇ажчанд̇и.
So ekadivasaṃ ‘‘tesaṃ cakkhū parihāyissantī’’ti ñatvā upasaṅkamitvā ‘‘bhante, vo cakkhūnaṃ antarāyo paññāyati, paṭijagganakaṃ puttaṃ laddhuṃ vaṭṭati, jānāmi tumhākaṃ suddhacittataṃ, tasmā pārikāya utunikāle nābhiṃ hatthena parāmaseyyātha , evaṃ vo putto jāyissati, so vo upaṭṭhahissatī’’ti vatvā pakkāmi. Dukūlapaṇḍito taṃ kāraṇaṃ pārikāya ācikkhitvā tassā utunikāle nābhiṃ parāmasi. Tadā bodhisatto devalokā cavitvā tassā kucchimhi paṭisandhiṃ gaṇhi, sā dasamāsaccayena suvaṇṇavaṇṇaṃ puttaṃ vijāyi. Tenevassa ‘‘suvaṇṇasāmo’’ti nāmaṃ kariṃsu. Taṃ aparabhāge vaḍḍhitvā soḷasavassuddesikampi mātāpitaro rakkhantā assame nisīdāpetvā sayameva vanamūlaphalāphalatthāya gacchanti.
ат̇згад̣̇ивасам̣ ванз палаапалам̣ аад̣̇ааяа нивад̇д̇ид̇ваа ассамабад̣̇ад̇о авид̣̇уурз мзгхз удтид̇з ругкамуулам̣ бависид̇ваа ваммигамад̇т̇агз тид̇аанам̣ сарийрад̇о сзд̣̇аг̇анд̇хамиссагз уд̣̇агз д̇асмим̣ ваммигаб̣илз тид̇асса аасивисасса наасаабудам̣ бавидтз аасивисо гуж̇жхид̇ваа наасааваад̇зна бахари. д̣̇вз анд̇хаа худ̇ваа барид̣̇звамаанаа виравим̣су. ат̇а махаасад̇д̇о ‘‘мама маад̇аабид̇аро ад̇ижирааяанд̇и, гаа ну ко д̇зсам̣ бавад̇д̇ий’’д̇и бадимаг̇г̇ам̣ г̇анд̇ваа сад̣̇д̣̇амагааси. д̇з д̇асса сад̣̇д̣̇ам̣ сан̃ж̇аанид̇ваа бадисад̣̇д̣̇ам̣ гад̇ваа буд̇д̇асинзхзна ‘‘д̇аад̇а саама, ид̇ха барибант̇о ад̇т̇и, маа ааг̇амий’’д̇и вад̇ваа сад̣̇д̣̇аанусаарзна саяамзва самааг̇амим̣су. со ‘‘гзна во гааран̣зна жагкууни винадтааний’’д̇и бужчид̇ваа ‘‘д̇аад̇а, маяам̣ на ж̇аанаама, д̣̇звз вассанд̇з ругкамуулз ваммигамад̇т̇агз тид̇аа, ат̇а на бассаамаа’’д̇и вуд̇д̇амад̇д̇з зва ан̃н̃ааси ‘‘д̇ад̇т̇а аасивисзна бхавид̇аб̣б̣ам̣, д̇зна гуд̣̇д̇хзна наасааваад̇о виссадто бхависсад̇ий’’д̇и.
Athekadivasaṃ vane phalāphalaṃ ādāya nivattitvā assamapadato avidūre meghe uṭṭhite rukkhamūlaṃ pavisitvā vammikamatthake ṭhitānaṃ sarīrato sedagandhamissake udake tasmiṃ vammikabile ṭhitassa āsivisassa nāsāpuṭaṃ paviṭṭhe āsiviso kujjhitvā nāsāvātena pahari. Dve andhā hutvā paridevamānā viraviṃsu. Atha mahāsatto ‘‘mama mātāpitaro aticirāyanti, kā nu kho tesaṃ pavattī’’ti paṭimaggaṃ gantvā saddamakāsi. Te tassa saddaṃ sañjānitvā paṭisaddaṃ katvā puttasinehena ‘‘tāta sāma, idha paripantho atthi, mā āgamī’’ti vatvā saddānusārena sayameva samāgamiṃsu. So ‘‘kena vo kāraṇena cakkhūni vinaṭṭhānī’’ti pucchitvā ‘‘tāta, mayaṃ na jānāma, deve vassante rukkhamūle vammikamatthake ṭhitā, atha na passāmā’’ti vuttamatte eva aññāsi ‘‘tattha āsivisena bhavitabbaṃ, tena kuddhena nāsāvāto vissaṭṭho bhavissatī’’ti.
ат̇а ‘‘маа жинд̇аяид̇т̇а, ахам̣ во бадиж̇аг̇г̇иссаамий’’д̇и маад̇аабид̇аро ассамам̣ нзд̇ваа д̇зсам̣ рад̇д̇идтаанад̣̇иваадтаанаад̣̇исан̃жаран̣адтаанз раж̇ж̇угз б̣анд̇хи. д̇ад̇о бадтааяа д̇з ассамз табзд̇ваа ванамуулапалаапалаани аахарад̇и, баад̇ова васанадтаанам̣ саммаж̇ж̇ад̇и, баанийяам̣ аахарад̇и, барибхож̇анийяам̣ убадтаабзд̇и, д̣̇анд̇агадтамукод̣̇агаани д̣̇ад̇ваа мад̇хурапалаапалам̣ д̣̇зд̇и. д̇зхи мукз вигкаалид̇з саяам̣ барибхун̃ж̇ид̇ваа маад̇аабид̇аро ванд̣̇ид̇ваа д̇зсам̣ авид̣̇уурзязва ажчад̇и – ‘‘гим̣ ну ко имз аан̣аабзнд̇ий’’д̇и. висзсзна жа мзд̇д̇ам̣ б̣ахуламагааси, д̇знасса сад̇д̇аа аббадиггуулаа ахзсум̣ . яат̇аа жасса сад̇д̇аа, звам̣ сад̇д̇аанам̣ со б̣од̇хисад̇д̇о аббадиггууло. звам̣ со д̣̇ивасз д̣̇ивасз палаапалад̇т̇ааяа аран̃н̃ам̣ г̇ажчанд̇оби ааг̇ажчанд̇оби миг̇аг̇ан̣абаривуд̇о зва ахоси. сийхаб̣яаг̇гхаад̣̇ивибагкасад̇д̇ааби д̇зна сад̣̇д̇хим̣ ад̇ивияа виссад̇т̇аа, мзд̇д̇аанубхаавзна банасса васанадтаанз ан̃н̃аман̃н̃ам̣ д̇иражчаанаг̇ад̇аа муд̣̇ужид̇д̇ад̇ам̣ бадилабхим̣су. ид̇и со саб̣б̣ад̇т̇а мзд̇д̇аанубхаавзна абхийруу ануд̇раасий б̣рахмаа вияа авзро вихааси. д̇зна вуд̇д̇ам̣ ‘‘баванз сийхаб̣яаг̇гхз жа, мзд̇д̇ааяамубанаамаяи’’нд̇иаад̣̇и.
Atha ‘‘mā cintayittha, ahaṃ vo paṭijaggissāmī’’ti mātāpitaro assamaṃ netvā tesaṃ rattiṭṭhānadivāṭṭhānādisañcaraṇaṭṭhāne rajjuke bandhi. Tato paṭṭhāya te assame ṭhapetvā vanamūlaphalāphalāni āharati, pātova vasanaṭṭhānaṃ sammajjati, pānīyaṃ āharati, paribhojanīyaṃ upaṭṭhāpeti, dantakaṭṭhamukhodakāni datvā madhuraphalāphalaṃ deti. Tehi mukhe vikkhālite sayaṃ paribhuñjitvā mātāpitaro vanditvā tesaṃ avidūreyeva acchati – ‘‘kiṃ nu kho ime āṇāpentī’’ti. Visesena ca mettaṃ bahulamakāsi, tenassa sattā appaṭikkūlā ahesuṃ . Yathā cassa sattā, evaṃ sattānaṃ so bodhisatto appaṭikkūlo. Evaṃ so divase divase phalāphalatthāya araññaṃ gacchantopi āgacchantopi migagaṇaparivuto eva ahosi. Sīhabyagghādivipakkhasattāpi tena saddhiṃ ativiya vissatthā, mettānubhāvena panassa vasanaṭṭhāne aññamaññaṃ tiracchānagatā muducittataṃ paṭilabhiṃsu. Iti so sabbattha mettānubhāvena abhīrū anutrāsī brahmā viya avero vihāsi. Tena vuttaṃ ‘‘pavane sīhabyagghe ca, mettāyamupanāmayi’’ntiādi.
д̇ад̇т̇а мзд̇д̇ааяамубанаамаяинд̇и ма-гааро бад̣̇асанд̇хигаро, мзд̇д̇аабхааванааяа гуруурагамманд̇з сийхаб̣яаг̇гхзби пари, баг̇зва сзсасад̇д̇зд̇и ад̇хиббааяо. ат̇а ваа мзд̇д̇аа аяад̇и бавад̇д̇ад̇и зд̇знаад̇и мзд̇д̇ааяо, мзд̇д̇аабхааванаа. д̇ам̣ мзд̇д̇ааяам̣ убанаамаяим̣ сад̇д̇зсу анод̇хисо убанзсим̣. ‘‘сийхаб̣яаг̇гхзхий’’д̇иби баато. д̇ассад̇т̇о – на гзваламахамзва, ат̇а ко баванз сийхаб̣яаг̇гхзхи, яасмим̣ махааванз д̇ад̣̇аа ахам̣ вихараами, д̇ад̇т̇а сийхаб̣яаг̇гхзхи сад̣̇д̇хим̣ ахам̣ сад̇д̇зсу мзд̇д̇ам̣ убанаамзсим̣. сийхаб̣яаг̇гхааби хи д̇ад̣̇аа мамаанубхаавзна сад̇д̇зсу мзд̇д̇ажид̇д̇ад̇ам̣ бадилабхим̣су, баг̇зва ид̇арз сад̇д̇аад̇и д̣̇ассзд̇и.
Tattha mettāyamupanāmayinti ma-kāro padasandhikaro, mettābhāvanāya kurūrakammante sīhabyagghepi phari, pageva sesasatteti adhippāyo. Atha vā mettā ayati pavattati etenāti mettāyo, mettābhāvanā. Taṃ mettāyaṃ upanāmayiṃ sattesu anodhiso upanesiṃ. ‘‘Sīhabyagghehī’’tipi pāṭho. Tassattho – na kevalamahameva, atha kho pavane sīhabyagghehi, yasmiṃ mahāvane tadā ahaṃ viharāmi, tattha sīhabyagghehi saddhiṃ ahaṃ sattesu mettaṃ upanāmesiṃ. Sīhabyagghāpi hi tadā mamānubhāvena sattesu mettacittataṃ paṭilabhiṃsu, pageva itare sattāti dasseti.
112. басад̣̇амиг̇авараахзхийд̇и басад̣̇амиг̇зхи жзва ванасуугарзхи жа. бариваарзд̇ваад̇и зд̇зхи ад̇д̇аанам̣ бариваарид̇ам̣ гад̇ваа д̇асмим̣ аран̃н̃з васим̣.
112.Pasadamigavarāhehīti pasadamigehi ceva vanasūkarehi ca. Parivāretvāti etehi attānaṃ parivāritaṃ katvā tasmiṃ araññe vasiṃ.
113. ид̣̇аани д̇ад̣̇аа ад̇д̇ано мзд̇д̇аабхааванааяа лад̣̇д̇хам̣ аанисам̣сам̣ мад̇т̇агаббад̇д̇ин̃жасса д̣̇ассзд̇ум̣ ‘‘на мам̣ гожи уд̇д̇асад̇ий’’д̇и осаанаг̇аат̇амааха. д̇ассад̇т̇о – сасаб̣ил̣аараад̣̇иго бхийругаж̇аад̇игоби гожи сад̇д̇о мам̣ на уд̇д̇асад̇и на уб̣б̣иж̇ж̇зд̇и. ахамби гассажи сийхаб̣яаг̇гхаад̣̇ид̇иражчаанад̇о яагкаад̣̇иамануссад̇о луд̣̇д̣̇алохид̇абаан̣имануссад̇од̇и гуд̇ожиби на бхааяаами. гасмаа? яасмаа мзд̇д̇ааб̣алзнубад̇т̇ад̣̇д̇хо жирагаалам̣ бхаавид̇ааяа мзд̇д̇аабаарамид̇ааяаанубхаавзна убад̇т̇амбхид̇о д̇асмим̣ баванз махаааран̃н̃з д̇ад̣̇аа рамаами абхирамаамийд̇и. сзсам̣ сувин̃н̃зяяамзва.
113. Idāni tadā attano mettābhāvanāya laddhaṃ ānisaṃsaṃ matthakappattiñcassa dassetuṃ ‘‘na maṃ koci uttasatī’’ti osānagāthamāha. Tassattho – sasabiḷārādiko bhīrukajātikopi koci satto maṃ na uttasati na ubbijjeti. Ahampi kassaci sīhabyagghāditiracchānato yakkhādiamanussato luddalohitapāṇimanussatoti kutocipi na bhāyāmi. Kasmā? Yasmā mettābalenupatthaddho cirakālaṃ bhāvitāya mettāpāramitāyānubhāvena upatthambhito tasmiṃ pavane mahāaraññe tadā ramāmi abhiramāmīti. Sesaṃ suviññeyyameva.
звам̣ бана махаасад̇д̇о саб̣б̣асад̇д̇з мзд̇д̇ааяанд̇о маад̇аабид̇аро жа саад̇хугам̣ бадиж̇аг̇г̇анд̇о згад̣̇ивасам̣ аран̃н̃ад̇о мад̇хурапалаапалам̣ аахарид̇ваа ассамз табзд̇ваа маад̇аабид̇аро ванд̣̇ид̇ваа ‘‘баанийяам̣ аад̣̇ааяа ааг̇амиссаамий’’д̇и миг̇аг̇ан̣абаривуд̇о д̣̇вз миг̇з згад̇о гад̇ваа д̇зсам̣ бидтияам̣ баанийяагхадам̣ табзд̇ваа хад̇т̇зна г̇ахзд̇ваа над̣̇ийд̇ид̇т̇ам̣ аг̇амааси. д̇асмим̣ самаяз б̣аараан̣асияам̣ бийл̣ияагко наама рааж̇аа раж̇ж̇ам̣ гаарзси. со миг̇амам̣салобхзна маад̇арам̣ раж̇ж̇ам̣ бадижчаабзд̇ваа саннад̣̇д̇хабан̃жаавуд̇хо химаванд̇ам̣ бависид̇ваа миг̇з вад̇хид̇ваа мам̣сам̣ каад̣̇ид̇ваа жаранд̇о миг̇асаммад̇ам̣ над̣̇им̣ бад̇ваа анубуб̣б̣зна саамасса баанийяаг̇ахан̣ад̇ид̇т̇ам̣ бад̇д̇о. миг̇абад̣̇авалан̃ж̇ам̣ д̣̇исваа г̇ажчанд̇о д̇ам̣ д̇ат̇аа г̇ажчанд̇ам̣ д̣̇исваа ‘‘маяаа зд̇д̇агам̣ гаалам̣ звам̣ вижаранд̇о мануссо на д̣̇идтабуб̣б̣о, д̣̇зво ну ко зса нааг̇о ну ко, сажаахам̣ убасан̇гамид̇ваа бужчиссаами, сахасаа баггамзяяаад̇и. яам̣нуунаахам̣ зд̇ам̣ виж̇жхид̇ваа д̣̇уб̣б̣алам̣ гад̇ваа бужчзяяа’’нд̇и жинд̇зд̇ваа махаасад̇д̇ам̣ нхад̇ваа ваагажийрам̣ ниваасзд̇ваа аж̇инажаммам̣ згам̣сам̣ гарид̇ваа баанийяагхадам̣ буурзд̇ваа угкибид̇ваа ваамам̣сагуудз табанагаалз ‘‘ид̣̇аани д̇ам̣ виж̇жхид̇ум̣ самаяо’’д̇и висабийд̇зна сарзна д̣̇агкин̣абассз виж̇жхи. саро ваамабассзна нигками. д̇асса вид̣̇д̇хабхаавам̣ н̃ад̇ваа миг̇аг̇ан̣о бхийд̇о балааяи.
Evaṃ pana mahāsatto sabbasatte mettāyanto mātāpitaro ca sādhukaṃ paṭijagganto ekadivasaṃ araññato madhuraphalāphalaṃ āharitvā assame ṭhapetvā mātāpitaro vanditvā ‘‘pānīyaṃ ādāya āgamissāmī’’ti migagaṇaparivuto dve mige ekato katvā tesaṃ piṭṭhiyaṃ pānīyaghaṭaṃ ṭhapetvā hatthena gahetvā nadītitthaṃ agamāsi. Tasmiṃ samaye bārāṇasiyaṃ pīḷiyakkho nāma rājā rajjaṃ kāresi. So migamaṃsalobhena mātaraṃ rajjaṃ paṭicchāpetvā sannaddhapañcāvudho himavantaṃ pavisitvā mige vadhitvā maṃsaṃ khāditvā caranto migasammataṃ nadiṃ patvā anupubbena sāmassa pānīyagahaṇatitthaṃ patto. Migapadavalañjaṃ disvā gacchanto taṃ tathā gacchantaṃ disvā ‘‘mayā ettakaṃ kālaṃ evaṃ vicaranto manusso na diṭṭhapubbo, devo nu kho esa nāgo nu kho, sacāhaṃ upasaṅkamitvā pucchissāmi, sahasā pakkameyyāti. Yaṃnūnāhaṃ etaṃ vijjhitvā dubbalaṃ katvā puccheyya’’nti cintetvā mahāsattaṃ nhatvā vākacīraṃ nivāsetvā ajinacammaṃ ekaṃsaṃ karitvā pānīyaghaṭaṃ pūretvā ukkhipitvā vāmaṃsakūṭe ṭhapanakāle ‘‘idāni taṃ vijjhituṃ samayo’’ti visapītena sarena dakkhiṇapasse vijjhi. Saro vāmapassena nikkhami. Tassa viddhabhāvaṃ ñatvā migagaṇo bhīto palāyi.
саамабан̣д̣ид̇о бана вид̣̇д̇хоби баанийяагхадам̣ яат̇аа ваа д̇ат̇аа ваа анавасумбхзд̇ваа сад̇им̣ бажжубадтаабзд̇ваа сан̣игам̣ од̇аарзд̇ваа ваалугам̣ б̣яуухид̇ваа табзд̇ваа д̣̇исам̣ вавад̇т̇абзд̇ваа маад̇аабид̇уунам̣ васанадтаанад̣̇исаабхааг̇зна сийсам̣ гад̇ваа нибаж̇ж̇ид̇ваа мукзна лохид̇ам̣ чад̣д̣зд̇ваа ‘‘мама гожи взрий наама над̇т̇и, мамаби гад̇т̇ажи взрам̣ наама над̇т̇ий’’д̇и вад̇ваа имам̣ г̇аат̇амааха –
Sāmapaṇḍito pana viddhopi pānīyaghaṭaṃ yathā vā tathā vā anavasumbhetvā satiṃ paccupaṭṭhāpetvā saṇikaṃ otāretvā vālukaṃ byūhitvā ṭhapetvā disaṃ vavatthapetvā mātāpitūnaṃ vasanaṭṭhānadisābhāgena sīsaṃ katvā nipajjitvā mukhena lohitaṃ chaḍḍetvā ‘‘mama koci verī nāma natthi, mamapi katthaci veraṃ nāma natthī’’ti vatvā imaṃ gāthamāha –
‘‘го ну мам̣ усунаа виж̇жхи, бамад̇д̇ам̣ уд̣̇ахаарагам̣;
‘‘Ko nu maṃ usunā vijjhi, pamattaṃ udahārakaṃ;
кад̇д̇ияо б̣раахман̣о взссо, го мам̣ вид̣̇д̇хаа нилийяад̇ий’’д̇и. (ж̇аа. 2.22.296);
Khattiyo brāhmaṇo vesso, ko maṃ viddhā nilīyatī’’ti. (jā. 2.22.296);
д̇ам̣ суд̇ваа рааж̇аа ‘‘аяам̣ маяаа виж̇жхид̇ваа бат̇авияам̣ баад̇ид̇оби нзва мам̣ аггосад̇и на барибхаасад̇и, мама хад̣̇аяамам̣сам̣ самб̣ааханд̇о вияа бияаважанзна самуд̣̇аажарад̇и, г̇амиссаамисса санд̇ига’’нд̇и жинд̇зд̇ваа убасан̇гамид̇ваа ад̇д̇аанам̣ ад̇д̇анаа жа вид̣̇д̇хабхаавам̣ аавигад̇ваа ‘‘го ваа д̇вам̣ гасса ваа буд̇д̇о’’д̇и махаасад̇д̇ам̣ бужчи.
Taṃ sutvā rājā ‘‘ayaṃ mayā vijjhitvā pathaviyaṃ pātitopi neva maṃ akkosati na paribhāsati, mama hadayamaṃsaṃ sambāhanto viya piyavacanena samudācarati, gamissāmissa santika’’nti cintetvā upasaṅkamitvā attānaṃ attanā ca viddhabhāvaṃ āvikatvā ‘‘ko vā tvaṃ kassa vā putto’’ti mahāsattaṃ pucchi.
со ‘‘саамо наамаахам̣ д̣̇угуулабан̣д̣ид̇асса наама нзсаад̣̇аисино буд̇д̇о, гисса бана мам̣ виж̇жхий’’д̇и ааха. со батамам̣ ‘‘миг̇асан̃н̃ааяаа’’д̇и мусааваад̣̇ам̣ вад̇ваа ‘‘ахам̣ имам̣ нирабараад̇хам̣ агааран̣зна виж̇жхи’’нд̇и анусожид̇ваа яат̇аабхууд̇ам̣ аавигад̇ваа д̇асса маад̇аабид̇уунам̣ васанадтаанам̣ бужчид̇ваа д̇ад̇т̇а г̇анд̇ваа д̇зсам̣ ад̇д̇аанам̣ аавигад̇ваа д̇зхи гад̇абадисант̇ааро ‘‘саамо маяаа вид̣̇д̇хо’’д̇и вад̇ваа д̇з барид̣̇званд̇з согасамаабаннз ‘‘яам̣ саамзна гад̇д̇аб̣б̣ам̣ барижааригагаммам̣, д̇ам̣ гад̇ваа ахам̣ во убадтахиссаамий’’д̇и самассаасзд̇ваа саамасса санд̇игам̣ аанзси. д̇з д̇ад̇т̇а г̇анд̇ваа наанаббагаарам̣ барид̣̇звид̇ваа д̇асса урз хад̇т̇ам̣ табзд̇ваа ‘‘буд̇д̇асса мз сарийрз усумаа вад̇д̇ад̇зва, висавзг̇зна висан̃н̃ид̇ам̣ аабанно бхависсад̇ийд̇и ниб̣б̣исабхаавад̇т̇ааяа сажжагирияам̣ гариссаамаа’’д̇и жинд̇зд̇ваа –
So ‘‘sāmo nāmāhaṃ dukūlapaṇḍitassa nāma nesādaisino putto, kissa pana maṃ vijjhī’’ti āha. So paṭhamaṃ ‘‘migasaññāyā’’ti musāvādaṃ vatvā ‘‘ahaṃ imaṃ niraparādhaṃ akāraṇena vijjhi’’nti anusocitvā yathābhūtaṃ āvikatvā tassa mātāpitūnaṃ vasanaṭṭhānaṃ pucchitvā tattha gantvā tesaṃ attānaṃ āvikatvā tehi katapaṭisanthāro ‘‘sāmo mayā viddho’’ti vatvā te paridevante sokasamāpanne ‘‘yaṃ sāmena kattabbaṃ paricārikakammaṃ, taṃ katvā ahaṃ vo upaṭṭhahissāmī’’ti samassāsetvā sāmassa santikaṃ ānesi. Te tattha gantvā nānappakāraṃ paridevitvā tassa ure hatthaṃ ṭhapetvā ‘‘puttassa me sarīre usumā vattateva, visavegena visaññitaṃ āpanno bhavissatīti nibbisabhāvatthāya saccakiriyaṃ karissāmā’’ti cintetvā –
‘‘яам̣ гин̃жид̇т̇и гад̇ам̣ бун̃н̃ам̣, маяхан̃жзва бид̇ужжа д̇з;
‘‘Yaṃ kiñcitthi kataṃ puññaṃ, mayhañceva pitucca te;
саб̣б̣зна д̇зна гусалзна, висам̣ саамасса хан̃н̃ад̇уу’’д̇и. (ж̇аа. 2.22.388) –
Sabbena tena kusalena, visaṃ sāmassa haññatū’’ti. (jā. 2.22.388) –
маад̇араа,
Mātarā,
‘‘яам̣ гин̃жид̇т̇и гад̇ам̣ бун̃н̃ам̣, маяхан̃жзва маад̇ужжа д̇з;
‘‘Yaṃ kiñcitthi kataṃ puññaṃ, mayhañceva mātucca te;
саб̣б̣зна д̇зна гусалзна, висам̣ саамасса хан̃н̃ад̇уу’’д̇и. (ж̇аа. 2.22.396) –
Sabbena tena kusalena, visaṃ sāmassa haññatū’’ti. (jā. 2.22.396) –
бид̇араа,
Pitarā,
‘‘баб̣б̣ад̇яаахам̣ г̇анд̇хамаад̣̇анз, жирарад̇д̇аниваасиний;
‘‘Pabbatyāhaṃ gandhamādane, cirarattanivāsinī;
на мз бияад̇аро гожи, ан̃н̃о саамзна виж̇ж̇ад̇и;
Na me piyataro koci, añño sāmena vijjati;
зд̇зна сажжаваж̇ж̇зна, висам̣ саамасса хан̃н̃ад̇уу’’д̇и. (ж̇аа. 2.22.398) –
Etena saccavajjena, visaṃ sāmassa haññatū’’ti. (jā. 2.22.398) –
д̣̇звад̇ааяа жа сажжагирияааяа гад̇ааяа махаасад̇д̇о киббам̣ вудтааси. бад̣̇умабад̇д̇абалаасз уд̣̇агаб̣инд̣̇у вияа виниваддзд̇ваа ааб̣аад̇хо виг̇ад̇о. вид̣̇д̇хадтаанам̣ арог̇ам̣ баагад̇игамзва ахоси. маад̇аабид̇уунам̣ жагкууни уббаж̇ж̇им̣су. ид̇и махаасад̇д̇асса арог̇ад̇аа, маад̇аабид̇уунан̃жа жагкубадилаабхо, арун̣уг̇г̇аманам̣, д̇зсам̣ жад̇уннамби ассамзязва авадтаананд̇и саб̣б̣ам̣ згагкан̣зязва ахоси.
Devatāya ca saccakiriyāya katāya mahāsatto khippaṃ vuṭṭhāsi. Padumapattapalāse udakabindu viya vinivaṭṭetvā ābādho vigato. Viddhaṭṭhānaṃ arogaṃ pākatikameva ahosi. Mātāpitūnaṃ cakkhūni uppajjiṃsu. Iti mahāsattassa arogatā, mātāpitūnañca cakkhupaṭilābho, aruṇuggamanaṃ, tesaṃ catunnampi assameyeva avaṭṭhānanti sabbaṃ ekakkhaṇeyeva ahosi.
ат̇а махаасад̇д̇о ран̃н̃аа сад̣̇д̇хим̣ бадисант̇аарам̣ гад̇ваа ‘‘д̇хаммам̣ жара, махаарааж̇аа’’д̇иаад̣̇инаа (ж̇аа. 2.22.411-412) д̇хаммам̣ д̣̇зсзд̇ваа уд̇д̇аримби овад̣̇ид̇ваа бан̃жа сийлаани ад̣̇ааси . со д̇асса оваад̣̇ам̣ сирасаа бадиг̇г̇ахзд̇ваа ванд̣̇ид̇ваа б̣аараан̣асим̣ г̇анд̇ваа д̣̇аанаад̣̇ийни бун̃н̃аани гад̇ваа саг̇г̇абарааяано ахоси. б̣од̇хисад̇д̇оби сад̣̇д̇хим̣ маад̇аабид̇уухи абхин̃н̃аасамаабад̇д̇ияо ниб̣б̣ад̇д̇зд̇ваа ааяубарияосаанз б̣рахмалогуубаг̇о ахоси.
Atha mahāsatto raññā saddhiṃ paṭisanthāraṃ katvā ‘‘dhammaṃ cara, mahārājā’’tiādinā (jā. 2.22.411-412) dhammaṃ desetvā uttarimpi ovaditvā pañca sīlāni adāsi . So tassa ovādaṃ sirasā paṭiggahetvā vanditvā bārāṇasiṃ gantvā dānādīni puññāni katvā saggaparāyano ahosi. Bodhisattopi saddhiṃ mātāpitūhi abhiññāsamāpattiyo nibbattetvā āyupariyosāne brahmalokūpago ahosi.
д̇ад̣̇аа рааж̇аа аананд̣̇ад̇т̇зро ахоси, д̣̇звад̇хийд̇аа уббалаван̣н̣аа, сагго ануруд̣̇д̇хо, бид̇аа махаагассабад̇т̇зро, маад̇аа бхад̣̇д̣̇агаабилааний, саамабан̣д̣ид̇о логанаат̇о.
Tadā rājā ānandatthero ahosi, devadhītā uppalavaṇṇā, sakko anuruddho, pitā mahākassapatthero, mātā bhaddakāpilānī, sāmapaṇḍito lokanātho.
д̇асса хздтаа вуд̇д̇анаязнзва сзсабаарамияо нид̣̇д̇хаарзд̇аб̣б̣аа. д̇ат̇аа висабийд̇зна саллзна д̣̇агкин̣абассзна бависид̇ваа ваамабассад̇о винивиж̇жханавасзна вид̣̇д̇хоби гин̃жи гааяавигаарам̣ агад̇ваа уд̣̇агагхадасса бхуумияам̣ нигкибанам̣, вад̇хагз ан̃н̃аад̇зби н̃аад̇з вияа жид̇д̇авигаараабхааво, бияаважанзна самуд̣̇аажааро, маад̇аабид̇уубадтаанабун̃н̃ад̇о маяхам̣ барихаанийд̇и анусожанамад̇д̇ам̣, арог̇з ж̇аад̇з ран̃н̃о гаарун̃н̃ам̣ мзд̇д̇ан̃жа убадтаабзд̇ваа д̇хаммад̣̇зсанаа, оваад̣̇ад̣̇аананд̇и звамаад̣̇аяо г̇ун̣аанубхааваа вибхаавзд̇аб̣б̣аад̇и.
Tassa heṭṭhā vuttanayeneva sesapāramiyo niddhāretabbā. Tathā visapītena sallena dakkhiṇapassena pavisitvā vāmapassato vinivijjhanavasena viddhopi kiñci kāyavikāraṃ akatvā udakaghaṭassa bhūmiyaṃ nikkhipanaṃ, vadhake aññātepi ñāte viya cittavikārābhāvo, piyavacanena samudācāro, mātāpituupaṭṭhānapuññato mayhaṃ parihānīti anusocanamattaṃ, aroge jāte rañño kāruññaṃ mettañca upaṭṭhāpetvā dhammadesanā, ovādadānanti evamādayo guṇānubhāvā vibhāvetabbāti.
суван̣н̣асаамажарияааван̣н̣анаа нидтид̇аа.
Suvaṇṇasāmacariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 13. суван̣н̣асаамажарияаа • 13. Suvaṇṇasāmacariyā
