Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

[540] 3. суван̣н̣асаамаж̇аад̇агаван̣н̣анаа

[540] 3. Suvaṇṇasāmajātakavaṇṇanā

го ну мам̣ усунаа виж̇жхийд̇и ид̣̇ам̣ сад̇т̇аа ж̇зд̇аванз вихаранд̇о згам̣ маад̇убосагабхигкум̣ аараб̣бха гат̇зси. саавад̇т̇ияам̣ гира адтаарасагодивибхавасса згасса сздтигуласса згабуд̇д̇аго ахоси маад̇аабид̇уунам̣ бияо манаабо. со згад̣̇ивасам̣ баасаад̣̇авараг̇ад̇о сийхабан̃ж̇арам̣ уг̇гхаадзд̇ваа вийт̇им̣ ологзнд̇о г̇анд̇хамаалаад̣̇ихад̇т̇ам̣ махааж̇анам̣ д̇хаммассаванад̇т̇ааяа ж̇зд̇аванам̣ г̇ажчанд̇ам̣ д̣̇исваа ‘‘ахамби д̇хаммам̣ сун̣иссаамий’’д̇и маад̇аабид̇аро ванд̣̇ид̇ваа г̇анд̇хамаалаад̣̇ийни г̇аахаабзд̇ваа вихаарам̣ г̇анд̇ваа вад̇т̇абхзсаж̇ж̇абаанагаад̣̇ийни бхигкусан̇гхасса д̣̇аабзд̇ваа г̇анд̇хамаалаад̣̇ийхи жа бхаг̇аванд̇ам̣ бууж̇зд̇ваа згаманд̇ам̣ нисинно д̇хаммам̣ суд̇ваа гаамзсу аад̣̇ийнавам̣ д̣̇исваа баб̣б̣аж̇ж̇ааяа жа аанисам̣сам̣ саллагкзд̇ваа барисааяа вудтид̇ааяа бхаг̇аванд̇ам̣ баб̣б̣аж̇ж̇ам̣ яаажид̇ваа ‘‘маад̇аабид̇уухи ананун̃н̃аад̇ам̣ буд̇д̇ам̣ д̇ат̇ааг̇ад̇аа наама на баб̣б̣ааж̇знд̇ий’’д̇и суд̇ваа бхаг̇аванд̇ам̣ ванд̣̇ид̇ваа буна г̇зхам̣ г̇анд̇ваа саг̇ааравзна маад̇аабид̇аро ванд̣̇ид̇ваа звамааха – ‘‘аммад̇аад̇аа, ахам̣ д̇ат̇ааг̇ад̇асса санд̇игз баб̣б̣аж̇иссаамий’’д̇и. ат̇асса маад̇аабид̇аро д̇асса важанам̣ суд̇ваа згабуд̇д̇агабхаавзна сад̇д̇ад̇хаа бхиж̇ж̇амаанахад̣̇аяаа вияа буд̇д̇асинзхзна гамбамаанаа звамаахам̣су ‘‘д̇аад̇а бияабуд̇д̇ага, д̇аад̇а гулан̇гура, д̇аад̇а наяана, д̇аад̇а хад̣̇аяа, д̇аад̇а баан̣асад̣̇иса, д̇аяаа винаа гат̇ам̣ ж̇ийваама, д̇аяи бадиб̣ад̣̇д̇хам̣ но ж̇ийвид̇ам̣. маяан̃хи д̇аад̇а, ж̇арааж̇ин̣н̣аа вуд̣дхаа махаллагаа, аж̇ж̇а ваа сувз ваа барасувз ваа маран̣ам̣ баабун̣иссаама, д̇асмаа маа амхз охааяа г̇ажчаси. д̇аад̇а, баб̣б̣аж̇ж̇аа наама ад̇ид̣̇уггараа, сийд̇зна ад̇т̇з сад̇и ун̣хам̣ лабхад̇и, ун̣хзна ад̇т̇з сад̇и сийд̇ам̣ лабхад̇и, д̇асмаа д̇аад̇а, маа баб̣б̣аж̇аахий’’д̇и.

Konu maṃ usunā vijjhīti idaṃ satthā jetavane viharanto ekaṃ mātuposakabhikkhuṃ ārabbha kathesi. Sāvatthiyaṃ kira aṭṭhārasakoṭivibhavassa ekassa seṭṭhikulassa ekaputtako ahosi mātāpitūnaṃ piyo manāpo. So ekadivasaṃ pāsādavaragato sīhapañjaraṃ ugghāṭetvā vīthiṃ olokento gandhamālādihatthaṃ mahājanaṃ dhammassavanatthāya jetavanaṃ gacchantaṃ disvā ‘‘ahampi dhammaṃ suṇissāmī’’ti mātāpitaro vanditvā gandhamālādīni gāhāpetvā vihāraṃ gantvāvatthabhesajjapānakādīni bhikkhusaṅghassa dāpetvā gandhamālādīhi ca bhagavantaṃ pūjetvā ekamantaṃ nisinno dhammaṃ sutvā kāmesu ādīnavaṃ disvā pabbajjāya ca ānisaṃsaṃ sallakkhetvā parisāya vuṭṭhitāya bhagavantaṃ pabbajjaṃ yācitvā ‘‘mātāpitūhi ananuññātaṃ puttaṃ tathāgatā nāma na pabbājentī’’ti sutvā bhagavantaṃ vanditvā puna gehaṃ gantvā sagāravena mātāpitaro vanditvā evamāha – ‘‘ammatātā, ahaṃ tathāgatassa santike pabbajissāmī’’ti. Athassa mātāpitaro tassa vacanaṃ sutvā ekaputtakabhāvena sattadhā bhijjamānahadayā viya puttasinehena kampamānā evamāhaṃsu ‘‘tāta piyaputtaka, tāta kulaṅkura, tāta nayana, tāta hadaya, tāta pāṇasadisa, tayā vinā kathaṃ jīvāma, tayi paṭibaddhaṃ no jīvitaṃ. Mayañhi tāta, jarājiṇṇā vuḍḍhā mahallakā, ajja vā suve vā parasuve vā maraṇaṃ pāpuṇissāma, tasmā mā amhe ohāya gacchasi. Tāta, pabbajjā nāma atidukkarā, sītena atthe sati uṇhaṃ labhati, uṇhena atthe sati sītaṃ labhati, tasmā tāta, mā pabbajāhī’’ti.

д̇ам̣ суд̇ваа гулабуд̇д̇о д̣̇угкий д̣̇уммано онад̇асийсо баж̇жхааяанд̇ова нисийд̣̇и сад̇д̇аахам̣ нираахааро. ат̇асса маад̇аабид̇аро звам̣ жинд̇зсум̣ ‘‘сажз но буд̇д̇о ананун̃н̃аад̇о, ад̣̇д̇хаа мариссад̇и, буна на бассиссаама, баб̣б̣аж̇ж̇ааяа ж̇ийвамаанам̣ буна нам̣ бассиссаамаа’’д̇и. жинд̇зд̇ваа жа бана ‘‘д̇аад̇а бияабуд̇д̇ага, д̇ам̣ баб̣б̣аж̇ж̇ааяа ануж̇аанаама, баб̣б̣аж̇аахий’’д̇и ануж̇ааним̣су. д̇ам̣ суд̇ваа гулабуд̇д̇о д̇удтамаанасо худ̇ваа ад̇д̇ано сагаласарийрам̣ он̣аамзд̇ваа маад̇аабид̇аро ванд̣̇ид̇ваа вихаарам̣ г̇анд̇ваа бхаг̇аванд̇ам̣ баб̣б̣аж̇ж̇ам̣ яаажи. сад̇т̇аа згам̣ бхигкум̣ баггосаабзд̇ваа ‘‘имам̣ гумаарам̣ баб̣б̣ааж̇зхий’’д̇и аан̣аабзси. со д̇ам̣ баб̣б̣ааж̇зси. д̇асса баб̣б̣аж̇ид̇агаалад̇о бадтааяа махаалаабхасаггааро ниб̣б̣ад̇д̇и. со аажарияубаж̇жхааяз аараад̇хзд̇ваа лад̣̇д̇хуубасамбад̣̇о бан̃жа вассаани д̇хаммам̣ барияаабун̣ид̇ваа ‘‘ахам̣ ид̇ха аагин̣н̣о вихараами, на мз ид̣̇ам̣ бад̇ирууба’’нд̇и вибассанаад̇хурам̣ буурзд̇угаамо худ̇ваа убаж̇жхааяасса санд̇игз гаммадтаанам̣ г̇ахзд̇ваа убаж̇жхааяам̣ ванд̣̇ид̇ваа ж̇зд̇аванаа нигкамид̇ваа згам̣ бажжанд̇аг̇аамам̣ ниссааяа аран̃н̃з вихааси. со д̇ад̇т̇а вибассанам̣ вад̣дхзд̇ваа д̣̇ваад̣̇аса вассаани гхадзнд̇о вааяаманд̇оби висзсам̣ ниб̣б̣ад̇д̇зд̇ум̣ наасагки. маад̇аабид̇аробисса г̇ажчанд̇з г̇ажчанд̇з гаалз д̣̇уг̇г̇ад̇аа ахзсум̣. яз хи д̇зсам̣ кзд̇д̇ам̣ ваа ван̣иж̇ж̇ам̣ ваа баяож̇зсум̣, д̇з ‘‘имасмим̣ гулз буд̇д̇о ваа бхаад̇аа ваа ин̣ам̣ жод̣̇зд̇ваа г̇ан̣ханд̇о наама над̇т̇ий’’д̇и ад̇д̇ано ад̇д̇ано хад̇т̇аг̇ад̇ам̣ г̇ахзд̇ваа яат̇ааружи балааяим̣су. г̇зхз д̣̇аасагаммагараад̣̇аяоби хиран̃н̃асуван̣н̣аад̣̇ийни г̇ахзд̇ваа балааяим̣су.

Taṃ sutvā kulaputto dukkhī dummano onatasīso pajjhāyantova nisīdi sattāhaṃ nirāhāro. Athassa mātāpitaro evaṃ cintesuṃ ‘‘sace no putto ananuññāto, addhā marissati, puna na passissāma, pabbajjāya jīvamānaṃ puna naṃ passissāmā’’ti. Cintetvā ca pana ‘‘tāta piyaputtaka, taṃ pabbajjāya anujānāma, pabbajāhī’’ti anujāniṃsu. Taṃ sutvā kulaputto tuṭṭhamānaso hutvā attano sakalasarīraṃ oṇāmetvā mātāpitaro vanditvā vihāraṃ gantvā bhagavantaṃ pabbajjaṃ yāci. Satthā ekaṃ bhikkhuṃ pakkosāpetvā ‘‘imaṃ kumāraṃ pabbājehī’’ti āṇāpesi. So taṃ pabbājesi. Tassa pabbajitakālato paṭṭhāya mahālābhasakkāro nibbatti. So ācariyupajjhāye ārādhetvā laddhūpasampado pañca vassāni dhammaṃ pariyāpuṇitvā ‘‘ahaṃ idha ākiṇṇo viharāmi, na me idaṃ patirūpa’’nti vipassanādhuraṃ pūretukāmo hutvā upajjhāyassa santike kammaṭṭhānaṃ gahetvā upajjhāyaṃ vanditvā jetavanā nikkhamitvā ekaṃ paccantagāmaṃ nissāya araññe vihāsi. So tattha vipassanaṃ vaḍḍhetvā dvādasa vassāni ghaṭento vāyamantopi visesaṃ nibbattetuṃ nāsakkhi. Mātāpitaropissa gacchante gacchante kāle duggatā ahesuṃ. Ye hi tesaṃ khettaṃ vā vaṇijjaṃ vā payojesuṃ, te ‘‘imasmiṃ kule putto vā bhātā vā iṇaṃ codetvā gaṇhanto nāma natthī’’ti attano attano hatthagataṃ gahetvā yathāruci palāyiṃsu. Gehe dāsakammakarādayopi hiraññasuvaṇṇādīni gahetvā palāyiṃsu.

абарабхааг̇з д̣̇вз ж̇анаа габан̣аа худ̇ваа хад̇т̇з уд̣̇агасин̃жанамби алабхид̇ваа г̇зхам̣ виггин̣ид̇ваа агхараа худ̇ваа гаарун̃н̃абхаавам̣ бад̇д̇аа билод̇игам̣ ниваасзд̇ваа габаалахад̇т̇аа бхигкааяа жарим̣су. д̇асмим̣ гаалз зго бхигку ж̇зд̇аванад̇о нигкамид̇ваа анубуб̣б̣зна д̇асса васанадтаанам̣ аг̇амааси. со д̇асса ааг̇анд̇угавад̇д̇ам̣ гад̇ваа суканисиннагаалз ‘‘бханд̇з, гуд̇о ааг̇ад̇ад̇т̇аа’’д̇и бужчид̇ваа ‘‘ж̇зд̇аванаа ааг̇ад̇о аавусо’’д̇и вуд̇д̇з сад̇т̇уно жзва махаасаавагаад̣̇ийнан̃жа аарог̇яам̣ бужчид̇ваа маад̇аабид̇уунан̃жа бавад̇д̇им̣ бужчи ‘‘гим̣, бханд̇з, саавад̇т̇ияам̣ асугасса наама сздтигуласса аарог̇яа’’нд̇и? ‘‘аавусо, маа д̇асса гуласса бавад̇д̇им̣ бужчаа’’д̇и. ‘‘гим̣ бханд̇з’’д̇и. ‘‘аавусо, д̇асса гира гуласса зго буд̇д̇о ад̇т̇и, со б̣уд̣̇д̇хасаасанз баб̣б̣аж̇ид̇о, д̇асса баб̣б̣аж̇ид̇агаалад̇о бадтааяа зд̇ам̣ гулам̣ баригкийн̣ам̣, ид̣̇аани д̣̇вз ж̇анаа барамагаарун̃н̃абхаавам̣ бад̇д̇аа бхигкааяа жаранд̇ий’’д̇и. со д̇асса важанам̣ суд̇ваа сагабхаавзна сан̣таад̇ум̣ асаггонд̇о ассубун̣н̣зхи нзд̇д̇зхи род̣̇ид̇ум̣ аарабхи. ‘‘аавусо, гим̣ род̣̇асий’’д̇и? ‘‘бханд̇з, д̇з маяхам̣ маад̇аабид̇аро, ахам̣ д̇зсам̣ буд̇д̇о’’д̇и. ‘‘аавусо, д̇ава маад̇аабид̇аро д̇ам̣ ниссааяа винаасам̣ бад̇д̇аа, г̇ажча, д̇з бадиж̇аг̇г̇аахий’’д̇и.

Aparabhāge dve janā kapaṇā hutvā hatthe udakasiñcanampi alabhitvā gehaṃ vikkiṇitvā agharā hutvā kāruññabhāvaṃ pattā pilotikaṃ nivāsetvā kapālahatthā bhikkhāya cariṃsu. Tasmiṃ kāle eko bhikkhu jetavanato nikkhamitvā anupubbena tassa vasanaṭṭhānaṃ agamāsi. So tassa āgantukavattaṃ katvā sukhanisinnakāle ‘‘bhante, kuto āgatatthā’’ti pucchitvā ‘‘jetavanā āgato āvuso’’ti vutte satthuno ceva mahāsāvakādīnañca ārogyaṃ pucchitvā mātāpitūnañca pavattiṃ pucchi ‘‘kiṃ, bhante, sāvatthiyaṃ asukassa nāma seṭṭhikulassa ārogya’’nti? ‘‘Āvuso, mā tassa kulassa pavattiṃ pucchā’’ti. ‘‘Kiṃ bhante’’ti. ‘‘Āvuso, tassa kira kulassa eko putto atthi, so buddhasāsane pabbajito, tassa pabbajitakālato paṭṭhāya etaṃ kulaṃ parikkhīṇaṃ, idāni dve janā paramakāruññabhāvaṃ pattā bhikkhāya carantī’’ti. So tassa vacanaṃ sutvā sakabhāvena saṇṭhātuṃ asakkonto assupuṇṇehi nettehi rodituṃ ārabhi. ‘‘Āvuso, kiṃ rodasī’’ti? ‘‘Bhante, te mayhaṃ mātāpitaro, ahaṃ tesaṃ putto’’ti. ‘‘Āvuso, tava mātāpitaro taṃ nissāya vināsaṃ pattā, gaccha, te paṭijaggāhī’’ti.

со ‘‘ахам̣ д̣̇ваад̣̇аса вассаани гхадзнд̇о вааяаманд̇оби маг̇г̇ам̣ ваа палам̣ ваа ниб̣б̣ад̇д̇зд̇ум̣ наасагким̣ , абхаб̣б̣о бхависсаами, гим̣ мз баб̣б̣аж̇ж̇ааяа, г̇ихий худ̇ваа маад̇аабид̇аро босзд̇ваа д̣̇аанам̣ д̣̇ад̇ваа саг̇г̇абарааяан̣о бхависсаамий’’д̇и жинд̇зд̇ваа аран̃н̃ааваасам̣ д̇асса т̇зрасса нияяаад̣̇зд̇ваа бунад̣̇ивасз аран̃н̃аа нигкамид̇ваа анубуб̣б̣зна г̇ажчанд̇о саавад̇т̇ид̇о авид̣̇уурз ж̇зд̇аванабидтивихаарам̣ баабун̣и. д̇ад̇т̇а д̣̇вз маг̇г̇аа ахзсум̣. д̇зсу зго маг̇г̇о ж̇зд̇аванам̣ г̇ажчад̇и, зго саавад̇т̇им̣. со д̇ад̇т̇зва тад̇ваа ‘‘гим̣ ну ко батамам̣ маад̇аабид̇аро бассаами, уд̣̇ааху д̣̇асаб̣ала’’нд̇и жинд̇зд̇ваа ‘‘маяаа маад̇аабид̇аро жирам̣ д̣̇идтабуб̣б̣аа, ид̇о бадтааяа бана мз б̣уд̣̇д̇хад̣̇ассанам̣ д̣̇уллабхам̣ бхависсад̇и, д̇асмаа аж̇ж̇амзва саммаасамб̣уд̣̇д̇хам̣ д̣̇исваа д̇хаммам̣ суд̇ваа свз баад̇ова маад̇аабид̇аро бассиссаамий’’д̇и саавад̇т̇имаг̇г̇ам̣ бахааяа сааяанхасамаяз ж̇зд̇аванам̣ баависи. д̇ам̣ д̣̇ивасам̣ бана сад̇т̇аа бажжуусагаалз логам̣ ологзнд̇о имасса гулабуд̇д̇асса убаниссаяасамбад̇д̇им̣ ад̣̇д̣̇аса. со д̇ассааг̇аманагаалз маад̇убосагасуд̇д̇зна (сам̣. ни. 1.205) маад̇аабид̇уунам̣ г̇ун̣ам̣ ван̣н̣зси. со бана бхигку барисабарияанд̇з тад̇ваа сад̇т̇усса д̇хаммагат̇ам̣ сун̣анд̇о жинд̇зси ‘‘ахам̣ г̇ихий худ̇ваа маад̇аабид̇аро бадиж̇аг̇г̇ид̇ум̣ саггомийд̇и жинд̇зсим̣, сад̇т̇аа бана ‘баб̣б̣аж̇ид̇ова самаано бадиж̇аг̇г̇ид̇о убагаараго маад̇аабид̇ууна’нд̇и вад̣̇ад̇и. сажаахам̣ сад̇т̇аарам̣ ад̣̇исваа г̇ад̇о, зваруубааяа баб̣б̣аж̇ж̇ааяа барихийно бхавзяяам̣. ид̣̇аани бана г̇ихий ахуд̇ваа баб̣б̣аж̇ид̇ова самаано маад̇аабид̇аро босзссаамий’’д̇и.

So ‘‘ahaṃ dvādasa vassāni ghaṭento vāyamantopi maggaṃ vā phalaṃ vā nibbattetuṃ nāsakkhiṃ , abhabbo bhavissāmi, kiṃ me pabbajjāya, gihī hutvā mātāpitaro posetvā dānaṃ datvā saggaparāyaṇo bhavissāmī’’ti cintetvā araññāvāsaṃ tassa therassa niyyādetvā punadivase araññā nikkhamitvā anupubbena gacchanto sāvatthito avidūre jetavanapiṭṭhivihāraṃ pāpuṇi. Tattha dve maggā ahesuṃ. Tesu eko maggo jetavanaṃ gacchati, eko sāvatthiṃ. So tattheva ṭhatvā ‘‘kiṃ nu kho paṭhamaṃ mātāpitaro passāmi, udāhu dasabala’’nti cintetvā ‘‘mayā mātāpitaro ciraṃ diṭṭhapubbā, ito paṭṭhāya pana me buddhadassanaṃ dullabhaṃ bhavissati, tasmā ajjameva sammāsambuddhaṃ disvā dhammaṃ sutvā sve pātova mātāpitaro passissāmī’’ti sāvatthimaggaṃ pahāya sāyanhasamaye jetavanaṃ pāvisi. Taṃ divasaṃ pana satthā paccūsakāle lokaṃ olokento imassa kulaputtassa upanissayasampattiṃ addasa. So tassāgamanakāle mātuposakasuttena (saṃ. ni. 1.205) mātāpitūnaṃ guṇaṃ vaṇṇesi. So pana bhikkhu parisapariyante ṭhatvā satthussa dhammakathaṃ suṇanto cintesi ‘‘ahaṃ gihī hutvā mātāpitaro paṭijaggituṃ sakkomīti cintesiṃ, satthā pana ‘pabbajitova samāno paṭijaggito upakārako mātāpitūna’nti vadati. Sacāhaṃ satthāraṃ adisvā gato, evarūpāya pabbajjāya parihīno bhaveyyaṃ. Idāni pana gihī ahutvā pabbajitova samāno mātāpitaro posessāmī’’ti.

со салаагаг̇г̇ам̣ г̇анд̇ваа салаагабхад̇д̇ан̃жзва салаагаяааг̇ун̃жа г̇ан̣хид̇ваа д̣̇ваад̣̇аса вассаани аран̃н̃з вуд̇т̇абхигку баарааж̇игаббад̇д̇о вияа ахоси. со баад̇ова саавад̇т̇ияам̣ бависид̇ваа ‘‘гим̣ ну ко батамам̣ яааг̇ум̣ г̇ан̣хиссаами, уд̣̇ааху маад̇аабид̇аро бассиссаамий’’д̇и жинд̇зд̇ваа ‘‘габан̣аанам̣ маад̇аабид̇уунам̣ санд̇игам̣ д̇ужчахад̇т̇зна г̇анд̇ум̣ аяуд̇д̇а’’нд̇и жинд̇зд̇ваа яааг̇ум̣ г̇ахзд̇ваа зд̇зсам̣ бораан̣агаг̇зхад̣̇ваарам̣ г̇ад̇о. маад̇аабид̇аробисса яааг̇убхигкам̣ жарид̇ваа барабхид̇д̇им̣ ниссааяа вихаранд̇и. со убаг̇анд̇ваа нисиннагз д̣̇исваа уббаннасого ассубун̣н̣зхи нзд̇д̇зхи д̇зсам̣ авид̣̇уурз адтааси. д̇з д̇ам̣ д̣̇исвааби на сан̃ж̇ааним̣су. ат̇а маад̇аа ‘‘бхигкад̇т̇ааяа тид̇о бхависсад̇ий’’д̇и сан̃н̃ааяа ‘‘бханд̇з, д̇умхаагам̣ д̣̇аад̇аб̣б̣аяуд̇д̇агам̣ над̇т̇и, ад̇ижчат̇аа’’д̇и ааха. со д̇ассаа гат̇ам̣ суд̇ваа хад̣̇аяабуурам̣ согам̣ г̇ахзд̇ваа ассубун̣н̣зхи нзд̇д̇зхи д̇ад̇т̇зва адтааси. д̣̇уд̇ияамби д̇ад̇ияамби ‘‘ад̇ижчат̇аа’’д̇и вужжамааноби адтаасиязва. ат̇асса бид̇аа маад̇арам̣ ааха – ‘‘г̇ажча, бхад̣̇д̣̇з, ж̇аанаахи, буд̇д̇о ну ко но зсо’’д̇и. саа удтааяа убаг̇анд̇ваа ологзнд̇ий сан̃ж̇аанид̇ваа баад̣̇амуулз бад̇ид̇ваа барид̣̇зви, бид̇аабисса д̇ат̇зва агааси, маханд̇ам̣ гаарун̃н̃ам̣ ахоси.

So salākaggaṃ gantvā salākabhattañceva salākayāguñca gaṇhitvā dvādasa vassāni araññe vutthabhikkhu pārājikappatto viya ahosi. So pātova sāvatthiyaṃ pavisitvā ‘‘kiṃ nu kho paṭhamaṃ yāguṃ gaṇhissāmi, udāhu mātāpitaro passissāmī’’ti cintetvā ‘‘kapaṇānaṃ mātāpitūnaṃ santikaṃ tucchahatthena gantuṃ ayutta’’nti cintetvā yāguṃ gahetvā etesaṃ porāṇakagehadvāraṃ gato. Mātāpitaropissa yāgubhikkhaṃ caritvā parabhittiṃ nissāya viharanti. So upagantvā nisinnake disvā uppannasoko assupuṇṇehi nettehi tesaṃ avidūre aṭṭhāsi. Te taṃ disvāpi na sañjāniṃsu. Atha mātā ‘‘bhikkhatthāya ṭhito bhavissatī’’ti saññāya ‘‘bhante, tumhākaṃ dātabbayuttakaṃ natthi, aticchathā’’ti āha. So tassā kathaṃ sutvā hadayapūraṃ sokaṃ gahetvā assupuṇṇehi nettehi tattheva aṭṭhāsi. Dutiyampi tatiyampi ‘‘aticchathā’’ti vuccamānopi aṭṭhāsiyeva. Athassa pitā mātaraṃ āha – ‘‘gaccha, bhadde, jānāhi, putto nu kho no eso’’ti. Sā uṭṭhāya upagantvā olokentī sañjānitvā pādamūle patitvā paridevi, pitāpissa tatheva akāsi, mahantaṃ kāruññaṃ ahosi.

соби маад̇аабид̇аро д̣̇исваа сагабхаавзна сан̣таад̇ум̣ асаггонд̇о ассууни бавад̇д̇зси. со согам̣ ад̇хиваасзд̇ваа ‘‘аммад̇аад̇аа, маа жинд̇аяид̇т̇а, ахам̣ во босзссаамий’’д̇и маад̇аабид̇аро ассаасзд̇ваа яааг̇ум̣ бааязд̇ваа згаманд̇з нисийд̣̇аабзд̇ваа буна бхигкам̣ аахарид̇ваа д̇з бхож̇зд̇ваа ад̇д̇ано ад̇т̇ааяа бхигкам̣ бариязсид̇ваа д̇зсам̣ санд̇игам̣ г̇анд̇ваа буна бхад̇д̇знаабужчид̇ваа бажчаа саяам̣ барибхун̃ж̇ад̇и. со д̇ад̇о бадтааяа иминаа нияаамзна маад̇аабид̇аро бадиж̇аг̇г̇ад̇и. ад̇д̇анаа лад̣̇д̇хаани багкигабхад̇д̇аад̣̇ийни д̇зсам̣язва д̣̇ад̇ваа саяам̣ бин̣д̣ааяа жарид̇ваа лабхамаано бхун̃ж̇ад̇и, алабхамаано на бхун̃ж̇ад̇и, вассааваасигамби ан̃н̃амби яам̣ гин̃жи лабхид̇ваа д̇зсам̣язва д̣̇зд̇и. д̇зхи барибхуд̇д̇ам̣ ж̇ин̣н̣абилод̇игам̣ г̇ахзд̇ваа аг̇г̇ал̣ам̣ д̣̇ад̇ваа раж̇ид̇ваа саяам̣ барибхун̃ж̇ад̇и. бхигкалабханад̣̇ивасзхи банасса алабханад̣̇ивасаа б̣ахуу ахзсум̣. ат̇асса ниваасанабаарубанам̣ ад̇илуукам̣ ход̇и.

Sopi mātāpitaro disvā sakabhāvena saṇṭhātuṃ asakkonto assūni pavattesi. So sokaṃ adhivāsetvā ‘‘ammatātā, mā cintayittha, ahaṃ vo posessāmī’’ti mātāpitaro assāsetvā yāguṃ pāyetvā ekamante nisīdāpetvā puna bhikkhaṃ āharitvā te bhojetvā attano atthāya bhikkhaṃ pariyesitvā tesaṃ santikaṃ gantvā puna bhattenāpucchitvā pacchā sayaṃ paribhuñjati. So tato paṭṭhāya iminā niyāmena mātāpitaro paṭijaggati. Attanā laddhāni pakkhikabhattādīni tesaṃyeva datvā sayaṃ piṇḍāya caritvā labhamāno bhuñjati, alabhamāno na bhuñjati, vassāvāsikampi aññampi yaṃ kiñci labhitvā tesaṃyeva deti. Tehi paribhuttaṃ jiṇṇapilotikaṃ gahetvā aggaḷaṃ datvā rajitvā sayaṃ paribhuñjati. Bhikkhalabhanadivasehi panassa alabhanadivasā bahū ahesuṃ. Athassa nivāsanapārupanaṃ atilūkhaṃ hoti.

ид̇и со маад̇аабид̇аро бадиж̇аг̇г̇анд̇оязва абарабхааг̇з гисо уббан̣д̣уббан̣д̣угаж̇аад̇о д̇хаманисант̇ад̇аг̇ад̇д̇о ахоси. ат̇а нам̣ санд̣̇идтасамбхад̇д̇аа бхигкуу бужчим̣су ‘‘аавусо, буб̣б̣з д̇ава сарийраван̣н̣о собхад̇и, ид̣̇аани бана гисо уббан̣д̣уббан̣д̣угаж̇аад̇о д̇хаманисант̇ад̇аг̇ад̇д̇о, б̣яаад̇хи д̇з ну ко уббанно’’д̇и. со ‘‘над̇т̇и мз, аавусо, б̣яаад̇хи, абижа бана балиб̣од̇хо мз ад̇т̇ий’’д̇и д̇ам̣ бавад̇д̇им̣ аарожзси. ат̇а нам̣ д̇з бхигкуу аахам̣су ‘‘аавусо, бхаг̇аваа сад̣̇д̇хаад̣̇зяяам̣ винибаад̇зд̇ум̣ на д̣̇зд̇и, д̇вам̣ бана сад̣̇д̇хаад̣̇зяяам̣ г̇ахзд̇ваа г̇ихийнам̣ д̣̇ад̣̇амаано аяуд̇д̇ам̣ гаросий’’д̇и. со д̇зсам̣ гат̇ам̣ суд̇ваа лаж̇ж̇ид̇о олийяи. д̇з зд̇д̇агзнаби асанд̇удтаа бхаг̇авад̇о санд̇игам̣ г̇анд̇ваа ‘‘бханд̇з, асуго наама бхигку сад̣̇д̇хаад̣̇зяяам̣ винибаад̇зд̇ваа г̇ихий босзд̇ий’’д̇и сад̇т̇у аарожзсум̣. сад̇т̇аа д̇ам̣ бхигкум̣ баггосаабзд̇ваа ‘‘сажжам̣ гира д̇вам̣ бхигку сад̣̇д̇хаад̣̇зяяам̣ г̇ахзд̇ваа г̇ихий босзсий’’д̇и бужчид̇ваа ‘‘сажжам̣, бханд̇з’’д̇и вуд̇д̇з д̇ам̣ гирияам̣ ван̣н̣зд̇угаамо ад̇д̇ано жа буб̣б̣ажарияам̣ багаасзд̇угаамо ‘‘бхигку, г̇ихий босзнд̇о гз босзсий’’д̇и бужчи. ‘‘маад̇аабид̇аро мз, бханд̇з’’д̇и вуд̇д̇з сад̇т̇аа д̇асса уссаахам̣ ж̇анзд̇ум̣ ‘‘саад̇ху саад̇ху, бхигкуу’’д̇и д̇игкад̇д̇ум̣ саад̇хугаарам̣ д̣̇ад̇ваа ‘‘д̇вам̣ мама г̇ад̇амаг̇г̇з тид̇о, ахамби буб̣б̣ажарияам̣ жаранд̇о маад̇аабид̇аро босзси’’нд̇и ааха. со ассаасам̣ бадилабхи. сад̇т̇аа д̇ааяа буб̣б̣ажарияааяа аавигаран̣ад̇т̇ам̣ д̇зхи бхигкуухи яаажид̇о ад̇ийд̇ам̣ аахари.

Iti so mātāpitaro paṭijaggantoyeva aparabhāge kiso uppaṇḍuppaṇḍukajāto dhamanisanthatagatto ahosi. Atha naṃ sandiṭṭhasambhattā bhikkhū pucchiṃsu ‘‘āvuso, pubbe tava sarīravaṇṇo sobhati, idāni pana kiso uppaṇḍuppaṇḍukajāto dhamanisanthatagatto, byādhi te nu kho uppanno’’ti. So ‘‘natthi me, āvuso, byādhi, apica pana palibodho me atthī’’ti taṃ pavattiṃ ārocesi. Atha naṃ te bhikkhū āhaṃsu ‘‘āvuso, bhagavā saddhādeyyaṃ vinipātetuṃ na deti, tvaṃ pana saddhādeyyaṃ gahetvā gihīnaṃ dadamāno ayuttaṃ karosī’’ti. So tesaṃ kathaṃ sutvā lajjito olīyi. Te ettakenapi asantuṭṭhā bhagavato santikaṃ gantvā ‘‘bhante, asuko nāma bhikkhu saddhādeyyaṃ vinipātetvā gihī posetī’’ti satthu ārocesuṃ. Satthā taṃ bhikkhuṃ pakkosāpetvā ‘‘saccaṃ kira tvaṃ bhikkhu saddhādeyyaṃ gahetvā gihī posesī’’ti pucchitvā ‘‘saccaṃ, bhante’’ti vutte taṃ kiriyaṃ vaṇṇetukāmo attano ca pubbacariyaṃ pakāsetukāmo ‘‘bhikkhu, gihī posento ke posesī’’ti pucchi. ‘‘Mātāpitaro me, bhante’’ti vutte satthā tassa ussāhaṃ janetuṃ ‘‘sādhu sādhu, bhikkhū’’ti tikkhattuṃ sādhukāraṃ datvā ‘‘tvaṃ mama gatamagge ṭhito, ahampi pubbacariyaṃ caranto mātāpitaro posesi’’nti āha. So assāsaṃ paṭilabhi. Satthā tāya pubbacariyāya āvikaraṇatthaṃ tehi bhikkhūhi yācito atītaṃ āhari.

ад̇ийд̇з б̣аараан̣асинаг̇арад̇о авид̣̇уурз над̣̇ияаа оримад̇ийрз зго нзсаад̣̇аг̇аамо ахоси, бааримад̇ийрз зго нзсаад̣̇аг̇аамо. згзгасмим̣ г̇аамз бан̃жа бан̃жа гуласад̇аани васанд̇и. д̣̇вийсуби г̇аамзсу д̣̇вз нзсаад̣̇аж̇здтагаа сахааяагаа ахзсум̣. д̇з д̣̇ахарагаалзязва гад̇игавад̇д̇ам̣ гарим̣су ‘‘сажз амхзсу згасса д̇хийд̇аа ход̇и, згасса буд̇д̇о ход̇и, д̇зсам̣ ааваахавиваахам̣ гариссаамаа’’д̇и. ат̇а оримад̇ийрз г̇аамаж̇здтагасса г̇зхз буд̇д̇о ж̇ааяи, ж̇аад̇агкан̣зязва д̣̇угуулзна бадиг̇г̇ахид̇ад̇д̇аа ‘‘д̣̇угууло’’д̇взвасса наамам̣ гарим̣су. ид̇арасса г̇зхз д̇хийд̇аа ж̇ааяи, д̇ассаа барад̇ийрз ж̇аад̇ад̇д̇аа ‘‘бааригаа’’д̇и наамам̣ гарим̣су. д̇з убхоби абхируубаа баасаад̣̇игаа ахзсум̣ суван̣н̣аван̣н̣аа. д̇з нзсаад̣̇агулз ж̇аад̇ааби баан̣аад̇ибаад̇ам̣ наама на гарим̣су.

Atīte bārāṇasinagarato avidūre nadiyā orimatīre eko nesādagāmo ahosi, pārimatīre eko nesādagāmo. Ekekasmiṃ gāme pañca pañca kulasatāni vasanti. Dvīsupi gāmesu dve nesādajeṭṭhakā sahāyakā ahesuṃ. Te daharakāleyeva katikavattaṃ kariṃsu ‘‘sace amhesu ekassa dhītā hoti, ekassa putto hoti, tesaṃ āvāhavivāhaṃ karissāmā’’ti. Atha orimatīre gāmajeṭṭhakassa gehe putto jāyi, jātakkhaṇeyeva dukūlena paṭiggahitattā ‘‘dukūlo’’tvevassa nāmaṃ kariṃsu. Itarassa gehe dhītā jāyi, tassā paratīre jātattā ‘‘pārikā’’ti nāmaṃ kariṃsu. Te ubhopi abhirūpā pāsādikā ahesuṃ suvaṇṇavaṇṇā. Te nesādakule jātāpi pāṇātipātaṃ nāma na kariṃsu.

абарабхааг̇з сол̣асавассуд̣̇д̣̇зсигам̣ д̣̇угуулагумаарам̣ маад̇аабид̇аро аахам̣су ‘‘буд̇д̇а, гумааригам̣ д̇з аанаяиссаамаа’’д̇и. со бана б̣рахмалогад̇о ааг̇ад̇о суд̣̇д̇хасад̇д̇о убхо ган̣н̣з бид̇хааяа ‘‘на мз гхарааваасзнад̇т̇о аммад̇аад̇аа, маа зваруубам̣ аважуд̇т̇аа’’д̇и вад̇ваа яаавад̇ад̇ияам̣ вужжамааноби на ижчиязва. бааригааби маад̇аабид̇уухи ‘‘амма, амхаагам̣ сахааяагасса буд̇д̇о ад̇т̇и, со абхируубо суван̣н̣аван̣н̣о, д̇асса д̇ам̣ д̣̇ассаамаа’’д̇и вуд̇д̇аа д̇ат̇зва вад̇ваа убхо ган̣н̣з бид̣̇ахи. сааби б̣раахмалогад̇о ааг̇ад̇аа гхарааваасам̣ на ижчи. д̣̇угуулагумааро бана д̇ассаа рахассзна саасанам̣ бахин̣и ‘‘сажз бааригз мзт̇унад̇хаммзна ад̇т̇игаа, ан̃н̃асса г̇зхам̣ г̇ажчад̇у, маяхам̣ мзт̇унад̇хаммз чанд̣̇о над̇т̇ий’’д̇и. сааби д̇асса д̇ат̇зва саасанам̣ бзсзси.

Aparabhāge soḷasavassuddesikaṃ dukūlakumāraṃ mātāpitaro āhaṃsu ‘‘putta, kumārikaṃ te ānayissāmā’’ti. So pana brahmalokato āgato suddhasatto ubho kaṇṇe pidhāya ‘‘na me gharāvāsenattho ammatātā, mā evarūpaṃ avacutthā’’ti vatvā yāvatatiyaṃ vuccamānopi na icchiyeva. Pārikāpi mātāpitūhi ‘‘amma, amhākaṃ sahāyakassa putto atthi, so abhirūpo suvaṇṇavaṇṇo, tassa taṃ dassāmā’’ti vuttā tatheva vatvā ubho kaṇṇe pidahi. Sāpi brāhmalokato āgatā gharāvāsaṃ na icchi. Dukūlakumāro pana tassā rahassena sāsanaṃ pahiṇi ‘‘sace pārike methunadhammena atthikā, aññassa gehaṃ gacchatu, mayhaṃ methunadhamme chando natthī’’ti. Sāpi tassa tatheva sāsanaṃ pesesi.

ат̇а маад̇аабид̇аро д̇зсам̣ анижчамаанаанан̃н̃зва ааваахавиваахам̣ гарим̣су. д̇з убхоби гилзсасамуд̣̇д̣̇ам̣ анод̇арид̇ваа д̣̇вз махааб̣рахмаано вияа згад̇ова васим̣су. д̣̇угуулагумааро бана мажчам̣ ваа миг̇ам̣ ваа на маарзд̇и, анд̇амасо аахадамам̣самби на виггин̣аад̇и. ат̇а нам̣ маад̇аабид̇аро вад̣̇им̣су ‘‘д̇аад̇а, д̇вам̣ нзсаад̣̇агулз ниб̣б̣ад̇д̇ид̇вааби нзва гхарааваасам̣ ижчаси, на баан̣авад̇хам̣ гароси, гим̣ наама гаммам̣ гариссасий’’д̇и? ‘‘аммад̇аад̇аа, д̇умхзсу ануж̇аананд̇зсу маяам̣ баб̣б̣аж̇иссаамаа’’д̇и. д̇ам̣ суд̇ваа маад̇аабид̇аро ‘‘д̇зна хи баб̣б̣аж̇ат̇аа’’д̇и д̣̇вз ж̇анз ануж̇ааним̣су. д̇з д̇удтахадтаа маад̇аабид̇аро ванд̣̇ид̇ваа г̇аамад̇о нигкамид̇ваа анубуб̣б̣зна г̇ан̇г̇аад̇ийрзна химаванд̇ам̣ бависид̇ваа яасмим̣ таанз миг̇асаммад̇аа наама над̣̇ий химаванд̇ад̇о од̇арид̇ваа г̇ан̇г̇ам̣ бад̇д̇аа, д̇ам̣ таанам̣ г̇анд̇ваа г̇ан̇г̇ам̣ бахааяа миг̇асаммад̇аабхимукаа абхирухим̣су.

Atha mātāpitaro tesaṃ anicchamānānaññeva āvāhavivāhaṃ kariṃsu. Te ubhopi kilesasamuddaṃ anotaritvā dve mahābrahmāno viya ekatova vasiṃsu. Dukūlakumāro pana macchaṃ vā migaṃ vā na māreti, antamaso āhaṭamaṃsampi na vikkiṇāti. Atha naṃ mātāpitaro vadiṃsu ‘‘tāta, tvaṃ nesādakule nibbattitvāpi neva gharāvāsaṃ icchasi, na pāṇavadhaṃ karosi, kiṃ nāma kammaṃ karissasī’’ti? ‘‘Ammatātā, tumhesu anujānantesu mayaṃ pabbajissāmā’’ti. Taṃ sutvā mātāpitaro ‘‘tena hi pabbajathā’’ti dve jane anujāniṃsu. Te tuṭṭhahaṭṭhā mātāpitaro vanditvā gāmato nikkhamitvā anupubbena gaṅgātīrena himavantaṃ pavisitvā yasmiṃ ṭhāne migasammatā nāma nadī himavantato otaritvā gaṅgaṃ pattā, taṃ ṭhānaṃ gantvā gaṅgaṃ pahāya migasammatābhimukhā abhiruhiṃsu.

д̇асмим̣ кан̣з саггасса бхаванам̣ ун̣хаагаарам̣ д̣̇ассзси. сагго ологзнд̇о д̇ам̣ гааран̣ам̣ н̃ад̇ваа виссагаммам̣ ааманд̇зд̇ваа ‘‘д̇аад̇а виссагамма, д̣̇вз махаабурисаа г̇аамаа нигкамид̇ваа химаванд̇ам̣ бавидтаа, д̇зсам̣ ниваасадтаанам̣ лад̣̇д̇хум̣ ваддад̇и, миг̇асаммад̇аанад̣̇ияаа ад̣дхагосанд̇арз зд̇зсам̣ бан̣н̣асаалан̃жа баб̣б̣аж̇ид̇абаригкаарз жа маабзд̇ваа зхий’’д̇и ааха. со ‘‘саад̇хуу’’д̇и самбадижчид̇ваа мууг̇абагкаж̇аад̇агз (ж̇аа. 2.22.1 аад̣̇аяо) вуд̇д̇анаязнзва саб̣б̣ам̣ сам̣вид̣̇ахид̇ваа аманаабасад̣̇д̣̇з миг̇абагкино балаабзд̇ваа згабад̣̇игам̣ ж̇ан̇гхамаг̇г̇ам̣ маабзд̇ваа сагадтаанамзва г̇ад̇о. д̇зби д̇ам̣ маг̇г̇ам̣ д̣̇исваа д̇зна маг̇г̇зна г̇анд̇ваа д̇ам̣ ассамабад̣̇ам̣ баабун̣им̣су. д̣̇угуулабан̣д̣ид̇о бан̣н̣асаалам̣ бависид̇ваа баб̣б̣аж̇ид̇абаригкаарз д̣̇исваа ‘‘саггзна маяхам̣ д̣̇иннаа’’д̇и саггад̣̇ад̇д̇ияабхаавам̣ н̃ад̇ваа саадагам̣ омун̃жид̇ваа рад̇д̇аваагажийрам̣ ниваасзд̇ваа згам̣ баарубид̇ваа аж̇инажаммам̣ ам̣сз гад̇ваа ж̇адааман̣д̣алам̣ б̣анд̇хид̇ваа исивзсам̣ г̇ахзд̇ваа бааригааяаби баб̣б̣аж̇ж̇ам̣ ад̣̇ааси. убхоби гаамааважарамзд̇д̇ам̣ бхаавзд̇ваа д̇ад̇т̇а васим̣су. д̇зсам̣ мзд̇д̇аанубхаавзна саб̣б̣зби миг̇абагкино ан̃н̃аман̃н̃ам̣ мзд̇д̇ажид̇д̇амзва бадилабхим̣су, на гожи ган̃жи вихзтзси. бааригаа д̇ад̇о бадтааяа баанийяам̣ барибхож̇анийяам̣ аахарад̇и, ассамабад̣̇ам̣ саммаж̇ж̇ад̇и, саб̣б̣агижжаани гарод̇и. убхоби палаапалаани аахарид̇ваа барибхун̃ж̇ид̇ваа ад̇д̇ано ад̇д̇ано бан̣н̣асаалам̣ бависид̇ваа саман̣ад̇хаммам̣ гаронд̇аа д̇ад̇т̇а ваасам̣ габбаяим̣су.

Tasmiṃ khaṇe sakkassa bhavanaṃ uṇhākāraṃ dassesi. Sakko olokento taṃ kāraṇaṃ ñatvā vissakammaṃ āmantetvā ‘‘tāta vissakamma, dve mahāpurisā gāmā nikkhamitvā himavantaṃ paviṭṭhā, tesaṃ nivāsaṭṭhānaṃ laddhuṃ vaṭṭati, migasammatānadiyā aḍḍhakosantare etesaṃ paṇṇasālañca pabbajitaparikkhāre ca māpetvā ehī’’ti āha. So ‘‘sādhū’’ti sampaṭicchitvā mūgapakkhajātake (jā. 2.22.1 ādayo) vuttanayeneva sabbaṃ saṃvidahitvā amanāpasadde migapakkhino palāpetvā ekapadikaṃ jaṅghamaggaṃ māpetvā sakaṭṭhānameva gato. Tepi taṃ maggaṃ disvā tena maggena gantvā taṃ assamapadaṃ pāpuṇiṃsu. Dukūlapaṇḍito paṇṇasālaṃ pavisitvā pabbajitaparikkhāre disvā ‘‘sakkena mayhaṃ dinnā’’ti sakkadattiyabhāvaṃ ñatvā sāṭakaṃ omuñcitvā rattavākacīraṃ nivāsetvā ekaṃ pārupitvā ajinacammaṃ aṃse katvā jaṭāmaṇḍalaṃ bandhitvā isivesaṃ gahetvā pārikāyapi pabbajjaṃ adāsi. Ubhopi kāmāvacaramettaṃ bhāvetvā tattha vasiṃsu. Tesaṃ mettānubhāvena sabbepi migapakkhino aññamaññaṃ mettacittameva paṭilabhiṃsu, na koci kañci viheṭhesi. Pārikā tato paṭṭhāya pānīyaṃ paribhojanīyaṃ āharati, assamapadaṃ sammajjati, sabbakiccāni karoti. Ubhopi phalāphalāni āharitvā paribhuñjitvā attano attano paṇṇasālaṃ pavisitvā samaṇadhammaṃ karontā tattha vāsaṃ kappayiṃsu.

сагго д̇зсам̣ убадтаанам̣ ааг̇ажчад̇и. со згад̣̇ивасам̣ ануологзнд̇о ‘‘имзсам̣ жагкууни барихааяиссанд̇ий’’д̇и анд̇арааяам̣ д̣̇исваа д̣̇угуулабан̣д̣ид̇ам̣ убасан̇гамид̇ваа ванд̣̇ид̇ваа згаманд̇ам̣ нисийд̣̇ид̇ваа звамааха – ‘‘бханд̇з, д̇умхаагам̣ анд̇арааяо бан̃н̃ааяад̇и, бадиж̇аг̇г̇анагам̣ буд̇д̇ам̣ лад̣̇д̇хум̣ ваддад̇и, логад̇хаммам̣ бадисзват̇аа’’д̇и. ат̇а нам̣ д̣̇угуулабан̣д̣ид̇о ааха – ‘‘сагга, гиннаамзд̇ам̣ гат̇зси, маяам̣ аг̇аарамаж̇жхз васанд̇ааби зд̇ам̣ логад̇хаммам̣ бул̣авагаг̇уут̇араасим̣ вияа ж̇иг̇ужчимхаа, ид̣̇аани бана аран̃н̃ам̣ бависид̇ваа исибаб̣б̣аж̇ж̇ам̣ баб̣б̣аж̇ид̇ваа гат̇ам̣ зваруубам̣ гариссаамаа’’д̇и. ат̇а сагго д̇ам̣ ааха – ‘‘бханд̇з, сажз звам̣ на гарот̇а, бааригааяа д̇аабасияаа уд̇унигаалз наабхим̣ хад̇т̇зна бараамасзяяаат̇аа’’д̇и. д̣̇угуулабан̣д̣ид̇о ‘‘ид̣̇ам̣ саггаа гаад̇у’’нд̇и самбадижчи. сагго д̇ам̣ ванд̣̇ид̇ваа сагадтаанамзва г̇ад̇о.

Sakko tesaṃ upaṭṭhānaṃ āgacchati. So ekadivasaṃ anuolokento ‘‘imesaṃ cakkhūni parihāyissantī’’ti antarāyaṃ disvā dukūlapaṇḍitaṃ upasaṅkamitvā vanditvā ekamantaṃ nisīditvā evamāha – ‘‘bhante, tumhākaṃ antarāyo paññāyati, paṭijagganakaṃ puttaṃ laddhuṃ vaṭṭati, lokadhammaṃ paṭisevathā’’ti. Atha naṃ dukūlapaṇḍito āha – ‘‘sakka, kinnāmetaṃ kathesi, mayaṃ agāramajjhe vasantāpi etaṃ lokadhammaṃ puḷavakagūtharāsiṃ viya jigucchimhā, idāni pana araññaṃ pavisitvā isipabbajjaṃ pabbajitvā kathaṃ evarūpaṃ karissāmā’’ti. Atha sakko taṃ āha – ‘‘bhante, sace evaṃ na karotha, pārikāya tāpasiyā utunikāle nābhiṃ hatthena parāmaseyyāthā’’ti. Dukūlapaṇḍito ‘‘idaṃ sakkā kātu’’nti sampaṭicchi. Sakko taṃ vanditvā sakaṭṭhānameva gato.

д̣̇угуулабан̣д̣ид̇оби д̇ам̣ гааран̣ам̣ бааригааяа аажигкид̇ваа ассаа уд̇унигаалз наабхим̣ хад̇т̇зна бараамаси. д̇ад̣̇аа б̣од̇хисад̇д̇о д̣̇звалогад̇о жавид̇ваа д̇ассаа гужчимхи бадисанд̇хим̣ г̇ан̣хи. саа д̣̇асамаасажжаязна суван̣н̣аван̣н̣ам̣ буд̇д̇ам̣ виж̇ааяи, д̇знзвасса ‘‘суван̣н̣асаамо’’д̇и наамам̣ гарим̣су. бааригааяа палаапалад̇т̇ааяа ванам̣ г̇ад̇агаалз баб̣б̣ад̇анд̇арз гиннарияо д̇хаад̇игижжам̣ гарим̣су. д̇з убхоби б̣од̇хисад̇д̇ам̣ нхаабзд̇ваа бан̣н̣асаалааяам̣ нибаж̇ж̇аабзд̇ваа палаапалад̇т̇ааяа аран̃н̃ам̣ г̇ажчанд̇и. д̇асмим̣ кан̣з гиннараа гумаарам̣ г̇ахзд̇ваа г̇ириганд̣̇араад̣̇ийсу нхаабзд̇ваа баб̣б̣ад̇амад̇т̇агам̣ ааруяха наанаабубпзхи алан̇гарид̇ваа харид̇ааламаносилаад̣̇ийни силааяам̣ гхам̣сид̇ваа налаадз д̇илагз гад̇ваа буна аанзд̇ваа бан̣н̣асаалааяам̣ нибаж̇ж̇аабзсум̣. бааригааби ааг̇анд̇ваа буд̇д̇ам̣ т̇ан̃н̃ам̣ бааязси. д̇ам̣ абарабхааг̇з вад̣дхид̇ваа сол̣асавассуд̣̇д̣̇зсигамби анурагканд̇аа маад̇аабид̇аро бан̣н̣асаалааяам̣ нисийд̣̇аабзд̇ваа саяамзва ванамуулапалаапалад̇т̇ааяа ванам̣ г̇ажчанд̇и. махаасад̇д̇о ‘‘мама маад̇аабид̇уунам̣ гад̣̇аажи гожид̣̇зва анд̇арааяо бхавзяяаа’’д̇и жинд̇зд̇ваа д̇зсам̣ г̇ад̇амаг̇г̇ам̣ саллагкзси.

Dukūlapaṇḍitopi taṃ kāraṇaṃ pārikāya ācikkhitvā assā utunikāle nābhiṃ hatthena parāmasi. Tadā bodhisatto devalokato cavitvā tassā kucchimhi paṭisandhiṃ gaṇhi. Sā dasamāsaccayena suvaṇṇavaṇṇaṃ puttaṃ vijāyi, tenevassa ‘‘suvaṇṇasāmo’’ti nāmaṃ kariṃsu. Pārikāya phalāphalatthāya vanaṃ gatakāle pabbatantare kinnariyo dhātikiccaṃ kariṃsu. Te ubhopi bodhisattaṃ nhāpetvā paṇṇasālāyaṃ nipajjāpetvā phalāphalatthāya araññaṃ gacchanti. Tasmiṃ khaṇe kinnarā kumāraṃ gahetvā girikandarādīsu nhāpetvā pabbatamatthakaṃ āruyha nānāpupphehi alaṅkaritvā haritālamanosilādīni silāyaṃ ghaṃsitvā nalāṭe tilake katvā puna ānetvā paṇṇasālāyaṃ nipajjāpesuṃ. Pārikāpi āgantvā puttaṃ thaññaṃ pāyesi. Taṃ aparabhāge vaḍḍhitvā soḷasavassuddesikampi anurakkhantā mātāpitaro paṇṇasālāyaṃ nisīdāpetvā sayameva vanamūlaphalāphalatthāya vanaṃ gacchanti. Mahāsatto ‘‘mama mātāpitūnaṃ kadāci kocideva antarāyo bhaveyyā’’ti cintetvā tesaṃ gatamaggaṃ sallakkhesi.

ат̇згад̣̇ивасам̣ д̇зсам̣ ванамуулапалаапалам̣ аад̣̇ааяа сааяанхасамаяз нивад̇д̇анд̇аанам̣ ассамабад̣̇ад̇о авид̣̇уурз махаамзгхо удтахи. д̇з згам̣ ругкамуулам̣ бависид̇ваа ваммигамад̇т̇агз адтам̣су. д̇асса жа аб̣бханд̇арз аасийвисо ад̇т̇и. д̇зсам̣ сарийрад̇о сзд̣̇аг̇анд̇хамиссагам̣ уд̣̇агам̣ од̇арид̇ваа д̇асса наасаабудам̣ баависи. со гуж̇жхид̇ваа наасааваад̇зна бахари. д̣̇взби анд̇хаа худ̇ваа ан̃н̃аман̃н̃ам̣ на бассим̣су. д̣̇угуулабан̣д̣ид̇о бааригам̣ ааманд̇зд̇ваа ‘‘бааригз мама жагкууни барихийнаани, ахам̣ д̇ам̣ на бассаамий’’д̇и ааха. сааби д̇ат̇зва ааха. д̇з ‘‘над̇т̇и но ид̣̇аани ж̇ийвид̇а’’нд̇и маг̇г̇ам̣ абассанд̇аа барид̣̇звамаанаа адтам̣су. ‘‘гим̣ бана д̇зсам̣ буб̣б̣агамма’’нд̇и? д̇з гира буб̣б̣з взж̇ж̇агулз ахзсум̣. ат̇а со взж̇ж̇о згасса махаад̇ханасса бурисасса агкирог̇ам̣ бадиж̇аг̇г̇и. со д̇асса гин̃жи д̇ханам̣ на ад̣̇ааси. ат̇а взж̇ж̇о гуж̇жхид̇ваа ад̇д̇ано г̇зхам̣ г̇анд̇ваа бхарияааяа аарожзд̇ваа ‘‘бхад̣̇д̣̇з, ахам̣ д̇асса агкирог̇ам̣ бадиж̇аг̇г̇аами, ид̣̇аани маяхам̣ д̇ханам̣ на д̣̇зд̇и, гим̣ гаромаа’’д̇и ааха . сааби гуж̇жхид̇ваа ‘‘на но д̇асса санд̇агзнад̇т̇о, бхзсаж̇ж̇ам̣ д̇асса згаяог̇ам̣ д̣̇ад̇ваа агкийни гаан̣аани гарохий’’д̇и ааха. со ‘‘саад̇хуу’’д̇и самбадижчид̇ваа д̇асса санд̇игам̣ г̇анд̇ваа д̇ат̇аа агааси. со нажирассзва анд̇хо ход̇и. д̇зсам̣ убхиннамби иминаа гаммзна жагкууни анд̇хаани ж̇ааяим̣су.

Athekadivasaṃ tesaṃ vanamūlaphalāphalaṃ ādāya sāyanhasamaye nivattantānaṃ assamapadato avidūre mahāmegho uṭṭhahi. Te ekaṃ rukkhamūlaṃ pavisitvā vammikamatthake aṭṭhaṃsu. Tassa ca abbhantare āsīviso atthi. Tesaṃ sarīrato sedagandhamissakaṃ udakaṃ otaritvā tassa nāsāpuṭaṃ pāvisi. So kujjhitvā nāsāvātena pahari. Dvepi andhā hutvā aññamaññaṃ na passiṃsu. Dukūlapaṇḍito pārikaṃ āmantetvā ‘‘pārike mama cakkhūni parihīnāni, ahaṃ taṃ na passāmī’’ti āha. Sāpi tatheva āha. Te ‘‘natthi no idāni jīvita’’nti maggaṃ apassantā paridevamānā aṭṭhaṃsu. ‘‘Kiṃ pana tesaṃ pubbakamma’’nti? Te kira pubbe vejjakule ahesuṃ. Atha so vejjo ekassa mahādhanassa purisassa akkhirogaṃ paṭijaggi. So tassa kiñci dhanaṃ na adāsi. Atha vejjo kujjhitvā attano gehaṃ gantvā bhariyāya ārocetvā ‘‘bhadde, ahaṃ tassa akkhirogaṃ paṭijaggāmi, idāni mayhaṃ dhanaṃ na deti, kiṃ karomā’’ti āha . Sāpi kujjhitvā ‘‘na no tassa santakenattho, bhesajjaṃ tassa ekayogaṃ datvā akkhīni kāṇāni karohī’’ti āha. So ‘‘sādhū’’ti sampaṭicchitvā tassa santikaṃ gantvā tathā akāsi. So nacirasseva andho hoti. Tesaṃ ubhinnampi iminā kammena cakkhūni andhāni jāyiṃsu.

ат̇а махаасад̇д̇о ‘‘мама маад̇аабид̇аро ан̃н̃зсу д̣̇ивасзсу имааяа взлааяа ааг̇ажчанд̇и, ид̣̇аани д̇зсам̣ бавад̇д̇им̣ на ж̇аанаами, бадимаг̇г̇ам̣ г̇амиссаамий’’д̇и жинд̇зд̇ваа маг̇г̇ам̣ г̇анд̇ваа сад̣̇д̣̇амагааси. д̇з д̇асса сад̣̇д̣̇ам̣ сан̃ж̇аанид̇ваа бадисад̣̇д̣̇ам̣ гарид̇ваа буд̇д̇асинзхзна ‘‘д̇аад̇а суван̣н̣асаама, ид̇ха барибант̇о ад̇т̇и, маа ааг̇амий’’д̇и вад̣̇им̣су. ат̇а нзсам̣ ‘‘д̇зна хи имам̣ ладтигодим̣ г̇ахзд̇ваа мама санд̇игам̣ зт̇аа’’д̇и д̣̇ийгхаладтим̣ ад̣̇ааси. д̇з ладтигодим̣ г̇ахзд̇ваа д̇асса санд̇игам̣ ааг̇амим̣су. ат̇а нз ‘‘гзна гааран̣зна во жагкууни винадтааний’’д̇и бужчи. ат̇а нам̣ маад̇аабид̇аро аахам̣су ‘‘д̇аад̇а, маяам̣ д̣̇звз вассанд̇з ид̇ха ругкамуулз ваммигамад̇т̇агз тид̇аа, д̇зна гааран̣знаа’’д̇и. со маад̇аабид̇уунам̣ гат̇ам̣ суд̇ваава ан̃н̃ааси ‘‘д̇ад̇т̇а аасийвисзна бхавид̇аб̣б̣ам̣, д̇зна гуд̣̇д̇хзна наасааваад̇о виссадто бхависсад̇ий’’д̇и. со маад̇аабид̇аро д̣̇исваа род̣̇и жзва хаси жа. ат̇а нам̣ д̇з бужчим̣су ‘‘гасмаа, д̇аад̇а, род̣̇аси жзва хасаси жаа’’д̇и? аммад̇аад̇аа, ‘‘д̇умхаагам̣ д̣̇ахарагаалзязва звам̣ жагкууни винадтааний’’д̇и род̣̇им̣, ‘‘ид̣̇аани бадиж̇аг̇г̇ид̇ум̣ лабхиссаамий’’д̇и хасим̣. аммад̇аад̇аа, д̇умхз маа жинд̇аяид̇т̇а, ахам̣ во бадиж̇аг̇г̇иссаамийд̇и.

Atha mahāsatto ‘‘mama mātāpitaro aññesu divasesu imāya velāya āgacchanti, idāni tesaṃ pavattiṃ na jānāmi, paṭimaggaṃ gamissāmī’’ti cintetvā maggaṃ gantvā saddamakāsi. Te tassa saddaṃ sañjānitvā paṭisaddaṃ karitvā puttasinehena ‘‘tāta suvaṇṇasāma, idha paripantho atthi, mā āgamī’’ti vadiṃsu. Atha nesaṃ ‘‘tena hi imaṃ laṭṭhikoṭiṃ gahetvā mama santikaṃ ethā’’ti dīghalaṭṭhiṃ adāsi. Te laṭṭhikoṭiṃ gahetvā tassa santikaṃ āgamiṃsu. Atha ne ‘‘kena kāraṇena vo cakkhūni vinaṭṭhānī’’ti pucchi. Atha naṃ mātāpitaro āhaṃsu ‘‘tāta, mayaṃ deve vassante idha rukkhamūle vammikamatthake ṭhitā, tena kāraṇenā’’ti. So mātāpitūnaṃ kathaṃ sutvāva aññāsi ‘‘tattha āsīvisena bhavitabbaṃ, tena kuddhena nāsāvāto vissaṭṭho bhavissatī’’ti. So mātāpitaro disvā rodi ceva hasi ca. Atha naṃ te pucchiṃsu ‘‘kasmā, tāta, rodasi ceva hasasi cā’’ti? Ammatātā, ‘‘tumhākaṃ daharakāleyeva evaṃ cakkhūni vinaṭṭhānī’’ti rodiṃ, ‘‘idāni paṭijaggituṃ labhissāmī’’ti hasiṃ. Ammatātā, tumhe mā cintayittha, ahaṃ vo paṭijaggissāmīti.

со маад̇аабид̇аро ассаасзд̇ваа ассамабад̣̇ам̣ аанзд̇ваа д̇зсам̣ рад̇д̇идтаанад̣̇иваадтаанзсу жан̇гамз бан̣н̣асаалааяам̣ важжадтаанз бассаавадтаанз жаад̇и саб̣б̣адтаанзсу раж̇ж̇угз б̣анд̇хи, д̇ад̇о бадтааяа д̇з ассамабад̣̇з табзд̇ваа саяам̣ ванамуулапалаад̣̇ийни аахарид̇ваа бан̣н̣асаалааяам̣ табзд̇ваа баад̇ова д̇зсам̣ васанадтаанам̣ саммаж̇ж̇ид̇ваа маад̇аабид̇аро ванд̣̇ид̇ваа гхадам̣ аад̣̇ааяа миг̇асаммад̇аанад̣̇им̣ г̇анд̇ваа баанийяабарибхож̇анийяам̣ аахарид̇ваа убадтаабзд̇и, д̣̇анд̇агадтамукод̣̇агаад̣̇ийни д̣̇ад̇ваа мад̇хурапалаапалам̣ д̣̇зд̇и, д̇зхи бхун̃ж̇ид̇ваа мукз вигкаалид̇з саяам̣ каад̣̇ид̇ваа маад̇аабид̇аро ванд̣̇ид̇ваа миг̇аг̇ан̣абаривуд̇о палаапалад̇т̇ааяа аран̃н̃ам̣ баависи. баб̣б̣ад̇абаад̣̇з гиннарабаривааро палаапалам̣ г̇ахзд̇ваа сааяанхасамаяз ааг̇анд̇ваа гхадзна уд̣̇агам̣ аахарид̇ваа ун̣ход̣̇агзна д̇зсам̣ яат̇ааружи нхаабанам̣ баад̣̇ад̇хованам̣ ваа гад̇ваа ан̇г̇аарагабаллам̣ убанзд̇ваа хад̇т̇абаад̣̇з сзд̣̇зд̇ваа д̇зсам̣ нисиннаанам̣ палаапалам̣ д̣̇ад̇ваа каад̣̇аабзд̇ваа барияосаанз саяам̣ каад̣̇ид̇ваа сзсагам̣ табзси. иминаа нияаамзнзва маад̇аабид̇аро бадиж̇аг̇г̇и.

So mātāpitaro assāsetvā assamapadaṃ ānetvā tesaṃ rattiṭṭhānadivāṭṭhānesu caṅkame paṇṇasālāyaṃ vaccaṭṭhāne passāvaṭṭhāne cāti sabbaṭṭhānesu rajjuke bandhi, tato paṭṭhāya te assamapade ṭhapetvā sayaṃ vanamūlaphalādīni āharitvā paṇṇasālāyaṃ ṭhapetvā pātova tesaṃ vasanaṭṭhānaṃ sammajjitvā mātāpitaro vanditvā ghaṭaṃ ādāya migasammatānadiṃ gantvā pānīyaparibhojanīyaṃ āharitvā upaṭṭhāpeti, dantakaṭṭhamukhodakādīni datvā madhuraphalāphalaṃ deti, tehi bhuñjitvā mukhe vikkhālite sayaṃ khāditvā mātāpitaro vanditvā migagaṇaparivuto phalāphalatthāya araññaṃ pāvisi. Pabbatapāde kinnaraparivāro phalāphalaṃ gahetvā sāyanhasamaye āgantvā ghaṭena udakaṃ āharitvā uṇhodakena tesaṃ yathāruci nhāpanaṃ pādadhovanaṃ vā katvā aṅgārakapallaṃ upanetvā hatthapāde sedetvā tesaṃ nisinnānaṃ phalāphalaṃ datvā khādāpetvā pariyosāne sayaṃ khāditvā sesakaṃ ṭhapesi. Iminā niyāmeneva mātāpitaro paṭijaggi.

д̇асмим̣ самаяз б̣аараан̣асияам̣ бийл̣ияагко наама рааж̇аа раж̇ж̇ам̣ гаарзси. со миг̇амам̣салобхзна маад̇арам̣ раж̇ж̇ам̣ бадижчаабзд̇ваа саннад̣̇д̇хабан̃жаавуд̇хо химаванд̇ам̣ бависид̇ваа миг̇з вад̇хид̇ваа мам̣сам̣ каад̣̇анд̇о миг̇асаммад̇аанад̣̇им̣ бад̇ваа анубуб̣б̣зна саамасса баанийяаг̇г̇ахан̣ад̇ид̇т̇ам̣ самбад̇д̇о миг̇абад̣̇авалан̃ж̇ам̣ д̣̇исваа ман̣иван̣н̣аахи саакаахи годтагам̣ гад̇ваа д̇ханум̣ аад̣̇ааяа висабийд̇ам̣ сарам̣ саннахид̇ваа нилийнова ажчи. махаасад̇д̇оби сааяанхасамаяз палаапалам̣ аахарид̇ваа ассамабад̣̇з табзд̇ваа маад̇аабид̇аро ванд̣̇ид̇ваа ‘‘баанийяам̣ аахариссаамий’’д̇и гхадам̣ г̇ахзд̇ваа миг̇аг̇ан̣абаривуд̇о д̣̇взби миг̇з згад̇о гад̇ваа д̇зсам̣ бидтияам̣ баанийяагхадам̣ табзд̇ваа хад̇т̇зна г̇ахзд̇ваа над̣̇ийд̇ид̇т̇ам̣ аг̇амааси. рааж̇аа годтагз тид̇ова д̇ам̣ д̇ат̇аа ааг̇ажчанд̇ам̣ д̣̇исваа ‘‘маяаа зд̇д̇агам̣ гаалам̣ звам̣ вижаранд̇знаби мануссо наама на д̣̇идтабуб̣б̣о, д̣̇зво ну ко зса нааг̇о ну ко, сажз банаахам̣ зд̇ам̣ убасан̇гамид̇ваа бужчиссаами. д̣̇зво жз бхависсад̇и, аагаасам̣ уббад̇иссад̇и. нааг̇о жз, бхуумияам̣ бависиссад̇и. на ко банаахам̣ саб̣б̣агаалам̣ химаванд̇зязва вижариссаами, б̣аараан̣асим̣ г̇амиссаами. д̇ад̇ра мам̣ бужчиссанд̇и ‘аби ну ко д̇з, махаарааж̇а, химаванд̇з васанд̇зна гин̃жи ачарияам̣ д̣̇идтабуб̣б̣а’нд̇и? д̇ад̇раахам̣ ‘зваруубо мз сад̇д̇о д̣̇идтабуб̣б̣о’д̇и вагкаами. ‘го наамзсо’д̇и вуд̇д̇з сажз ‘на ж̇аанаамий’д̇и вагкаами , ат̇а г̇арахиссанд̇и мам̣, д̇асмаа зд̇ам̣ виж̇жхид̇ваа д̣̇уб̣б̣алам̣ гад̇ваа бужчиссаамий’’д̇и жинд̇зси.

Tasmiṃ samaye bārāṇasiyaṃ pīḷiyakkho nāma rājā rajjaṃ kāresi. So migamaṃsalobhena mātaraṃ rajjaṃ paṭicchāpetvā sannaddhapañcāvudho himavantaṃ pavisitvā mige vadhitvā maṃsaṃ khādanto migasammatānadiṃ patvā anupubbena sāmassa pānīyaggahaṇatitthaṃ sampatto migapadavalañjaṃ disvā maṇivaṇṇāhi sākhāhi koṭṭhakaṃ katvā dhanuṃ ādāya visapītaṃ saraṃ sannahitvā nilīnova acchi. Mahāsattopi sāyanhasamaye phalāphalaṃ āharitvā assamapade ṭhapetvā mātāpitaro vanditvā ‘‘pānīyaṃ āharissāmī’’ti ghaṭaṃ gahetvā migagaṇaparivuto dvepi mige ekato katvā tesaṃ piṭṭhiyaṃ pānīyaghaṭaṃ ṭhapetvā hatthena gahetvā nadītitthaṃ agamāsi. Rājā koṭṭhake ṭhitova taṃ tathā āgacchantaṃ disvā ‘‘mayā ettakaṃ kālaṃ evaṃ vicarantenapi manusso nāma na diṭṭhapubbo, devo nu kho esa nāgo nu kho, sace panāhaṃ etaṃ upasaṅkamitvā pucchissāmi. Devo ce bhavissati, ākāsaṃ uppatissati. Nāgo ce, bhūmiyaṃ pavisissati. Na kho panāhaṃ sabbakālaṃ himavanteyeva vicarissāmi, bārāṇasiṃ gamissāmi. Tatra maṃ pucchissanti ‘api nu kho te, mahārāja, himavante vasantena kiñci achariyaṃ diṭṭhapubba’nti? Tatrāhaṃ ‘evarūpo me satto diṭṭhapubbo’ti vakkhāmi. ‘Ko nāmeso’ti vutte sace ‘na jānāmī’ti vakkhāmi , atha garahissanti maṃ, tasmā etaṃ vijjhitvā dubbalaṃ katvā pucchissāmī’’ti cintesi.

ат̇а д̇зсу миг̇зсу батамамзва од̇арид̇ваа баанийяам̣ бивид̇ваа уд̇д̇ин̣н̣зсу б̣од̇хисад̇д̇о уг̇г̇ахид̇авад̇д̇о махаат̇зро вияа сан̣игам̣ од̇арид̇ваа бассад̣̇д̇хад̣̇арат̇о бажжуд̇д̇арид̇ваа рад̇д̇аваагажийрам̣ ниваасзд̇ваа згам̣ баарубид̇ваа аж̇инажаммам̣ ам̣сз гад̇ваа баанийяагхадам̣ угкибид̇ваа уд̣̇агам̣ бун̃чид̇ваа ваамаам̣сагуудз табзси. д̇асмим̣ гаалз ‘‘ид̣̇аани виж̇жхид̇ум̣ самаяо’’д̇и рааж̇аа висабийд̇ам̣ сарам̣ угкибид̇ваа махаасад̇д̇ам̣ д̣̇агкин̣абассз виж̇жхи, саро ваамабассзна нигками. д̇асса вид̣̇д̇хабхаавам̣ н̃ад̇ваа миг̇аг̇ан̣аа бхийд̇аа балааяим̣су. суван̣н̣асаамабан̣д̣ид̇о бана вид̣̇д̇хоби баанийяагхадам̣ яат̇аа ваа д̇ат̇аа ваа анавасумбхид̇ваа сад̇им̣ бажжубадтаабзд̇ваа сан̣игам̣ од̇аарзд̇ваа ваалугам̣ вияуухид̇ваа табзд̇ваа д̣̇исам̣ вавад̇т̇абзд̇ваа маад̇аабид̇уунам̣ васанадтаанад̣̇исаабхааг̇зна сийсам̣ гад̇ваа раж̇ад̇абаддаван̣н̣ааяа ваалугааяа суван̣н̣абадимаа вияа нибаж̇ж̇ид̇ваа сад̇им̣ бажжубадтаабзд̇ваа ‘‘имасмим̣ химаванд̇аббад̣̇зсз мама взрий наама над̇т̇и, маяхам̣ маад̇аабид̇уунан̃жа взрий наама над̇т̇ий’’д̇и мукзна лохид̇ам̣ чад̣д̣зд̇ваа рааж̇аанам̣ ад̣̇исваава батамам̣ г̇аат̇амааха –

Atha tesu migesu paṭhamameva otaritvā pānīyaṃ pivitvā uttiṇṇesu bodhisatto uggahitavatto mahāthero viya saṇikaṃ otaritvā passaddhadaratho paccuttaritvā rattavākacīraṃ nivāsetvā ekaṃ pārupitvā ajinacammaṃ aṃse katvā pānīyaghaṭaṃ ukkhipitvā udakaṃ puñchitvā vāmaaṃsakūṭe ṭhapesi. Tasmiṃ kāle ‘‘idāni vijjhituṃ samayo’’ti rājā visapītaṃ saraṃ ukkhipitvā mahāsattaṃ dakkhiṇapasse vijjhi, saro vāmapassena nikkhami. Tassa viddhabhāvaṃ ñatvā migagaṇā bhītā palāyiṃsu. Suvaṇṇasāmapaṇḍito pana viddhopi pānīyaghaṭaṃ yathā vā tathā vā anavasumbhitvā satiṃ paccupaṭṭhāpetvā saṇikaṃ otāretvā vālukaṃ viyūhitvā ṭhapetvā disaṃ vavatthapetvā mātāpitūnaṃ vasanaṭṭhānadisābhāgena sīsaṃ katvā rajatapaṭṭavaṇṇāya vālukāya suvaṇṇapaṭimā viya nipajjitvā satiṃ paccupaṭṭhāpetvā ‘‘imasmiṃ himavantappadese mama verī nāma natthi, mayhaṃ mātāpitūnañca verī nāma natthī’’ti mukhena lohitaṃ chaḍḍetvā rājānaṃ adisvāva paṭhamaṃ gāthamāha –

296.

‘‘го ну мам̣ усунаа виж̇жхи, бамад̇д̇ам̣ уд̣̇ахаарагам̣;

‘‘Ko nu maṃ usunā vijjhi, pamattaṃ udahārakaṃ;

кад̇д̇ияо б̣раахман̣о взссо, го мам̣ вид̣̇д̇хаа нилийяасий’’д̇и.

Khattiyo brāhmaṇo vesso, ko maṃ viddhā nilīyasī’’ti.

д̇ад̇т̇а бамад̇д̇анд̇и мзд̇д̇аабхааванааяа анубадтид̇асад̇им̣. ид̣̇ан̃хи со санд̇хааяа д̇асмим̣ кан̣з ад̇д̇аанам̣ бамад̇д̇ам̣ наама агааси. вид̣̇д̇хаад̇и виж̇жхид̇ваа.

Tattha pamattanti mettābhāvanāya anupaṭṭhitasatiṃ. Idañhi so sandhāya tasmiṃ khaṇe attānaṃ pamattaṃ nāma akāsi. Viddhāti vijjhitvā.

зван̃жа бана вад̇ваа буна ад̇д̇ано сарийрамам̣сасса абхагкасаммад̇абхаавам̣ д̣̇ассзд̇ум̣ д̣̇уд̇ияам̣ г̇аат̇амааха –

Evañca pana vatvā puna attano sarīramaṃsassa abhakkhasammatabhāvaṃ dassetuṃ dutiyaṃ gāthamāha –

297.

‘‘на мз мам̣саани каж̇ж̇аани, жаммзнад̇т̇о на виж̇ж̇ад̇и;

‘‘Na me maṃsāni khajjāni, cammenattho na vijjati;

ат̇а гзна ну ван̣н̣зна, вид̣̇д̇хзяяам̣ мам̣ аман̃н̃ат̇аа’’д̇и.

Atha kena nu vaṇṇena, viddheyyaṃ maṃ amaññathā’’ti.

д̣̇уд̇ияаг̇аат̇ам̣ вад̇ваа д̇амзва наамаад̣̇ивасзна бужчанд̇о ааха –

Dutiyagāthaṃ vatvā tameva nāmādivasena pucchanto āha –

298.

‘‘го ваа д̇вам̣ гасса ваа буд̇д̇о, гат̇ам̣ ж̇аанзму д̇ам̣ маяам̣;

‘‘Ko vā tvaṃ kassa vā putto, kathaṃ jānemu taṃ mayaṃ;

будто мз самма агкаахи, гим̣ мам̣ вид̣̇д̇хаа нилийяасий’’д̇и.

Puṭṭho me samma akkhāhi, kiṃ maṃ viddhā nilīyasī’’ti.

д̇ад̇т̇а аман̃н̃ат̇аад̇и аяам̣ бурисо гзна гааран̣зна мам̣ виж̇жхид̇аб̣б̣анд̇и аман̃н̃ид̇т̇аад̇и ад̇т̇о.

Tattha amaññathāti ayaṃ puriso kena kāraṇena maṃ vijjhitabbanti amaññitthāti attho.

зван̃жа бана вад̇ваа д̇ун̣хий ахоси. д̇ам̣ суд̇ваа рааж̇аа ‘‘аяам̣ маяаа висабийд̇зна саллзна виж̇жхид̇ваа баад̇ид̇оби нзва мам̣ аггосад̇и на барибхаасад̇и, мама хад̣̇аяам̣ самб̣ааханд̇о вияа бияаважанзна самуд̣̇аажарад̇и, г̇ажчиссаамисса санд̇ига’’нд̇и жинд̇зд̇ваа г̇анд̇ваа д̇асса санд̇игз тид̇ова д̣̇вз г̇аат̇аа абхааси –

Evañca pana vatvā tuṇhī ahosi. Taṃ sutvā rājā ‘‘ayaṃ mayā visapītena sallena vijjhitvā pātitopi neva maṃ akkosati na paribhāsati, mama hadayaṃ sambāhanto viya piyavacanena samudācarati, gacchissāmissa santika’’nti cintetvā gantvā tassa santike ṭhitova dve gāthā abhāsi –

299.

‘‘рааж̇аахамасми гаасийнам̣, бийл̣ияагкод̇и мам̣ вид̣̇уу;

‘‘Rājāhamasmi kāsīnaṃ, pīḷiyakkhoti maṃ vidū;

лобхаа радтам̣ бахид̇ваана, миг̇амзсам̣ жараамахам̣.

Lobhā raṭṭhaṃ pahitvāna, migamesaṃ carāmahaṃ.

300.

‘‘иссад̇т̇з жасми гусало, д̣̇ал̣хад̇хаммод̇и виссуд̇о;

‘‘Issatthe casmi kusalo, daḷhadhammoti vissuto;

нааг̇оби мз на мужжзяяа, ааг̇ад̇о усубаад̇ана’’нд̇и.

Nāgopi me na mucceyya, āgato usupātana’’nti.

д̇ад̇т̇а рааж̇аахамасмийд̇и звам̣ гирасса вид̇агго ахоси ‘‘д̣̇звааби нааг̇ааби мануссабхаасааяа гат̇знд̇иязва, ахамзд̇ам̣ д̣̇звод̇и ваа нааг̇од̇и ваа мануссод̇и ваа на ж̇аанаами. сажз гуж̇жхзяяа, наасзяяа мам̣, ‘рааж̇аа’д̇и вуд̇д̇з бана абхааяанд̇о наама над̇т̇ий’’д̇и. д̇асмаа ад̇д̇ано рааж̇абхаавам̣ ж̇аанаабзд̇ум̣ батамам̣ ‘‘рааж̇аахамасмий’’д̇и ааха. лобхаад̇и миг̇амам̣салобхзна. миг̇амзсанд̇и миг̇ам̣ зсанд̇о. жараамаханд̇и жараами ахам̣. д̣̇уд̇ияам̣ г̇аат̇ам̣ бана ад̇д̇ано б̣алам̣ д̣̇ийбзд̇угаамо звамааха. д̇ад̇т̇а иссад̇т̇зд̇и д̇ханусиббз. д̣̇ал̣хад̇хаммод̇и д̣̇ал̣хад̇ханум̣ сахассад̇т̇аамад̇ханум̣ оробзд̇ун̃жа ааробзд̇ун̃жа самад̇т̇о.

Tattha rājāhamasmīti evaṃ kirassa vitakko ahosi ‘‘devāpi nāgāpi manussabhāsāya kathentiyeva, ahametaṃ devoti vā nāgoti vā manussoti vā na jānāmi. Sace kujjheyya, nāseyya maṃ, ‘rājā’ti vutte pana abhāyanto nāma natthī’’ti. Tasmā attano rājabhāvaṃ jānāpetuṃ paṭhamaṃ ‘‘rājāhamasmī’’ti āha. Lobhāti migamaṃsalobhena. Migamesanti migaṃ esanto. Carāmahanti carāmi ahaṃ. Dutiyaṃ gāthaṃ pana attano balaṃ dīpetukāmo evamāha. Tattha issattheti dhanusippe. Daḷhadhammoti daḷhadhanuṃ sahassatthāmadhanuṃ oropetuñca āropetuñca samattho.

ид̇и рааж̇аа ад̇д̇ано б̣алам̣ ван̣н̣зд̇ваа д̇асса наамаг̇од̇д̇ам̣ бужчанд̇о ааха –

Iti rājā attano balaṃ vaṇṇetvā tassa nāmagottaṃ pucchanto āha –

301.

‘‘го ваа д̇вам̣ гасса ваа буд̇д̇о, гат̇ам̣ ж̇аанзму д̇ам̣ маяам̣;

‘‘Ko vā tvaṃ kassa vā putto, kathaṃ jānemu taṃ mayaṃ;

бид̇уно ад̇д̇ано жааби, наамаг̇од̇д̇ам̣ бавзд̣̇аяаа’’д̇и.

Pituno attano cāpi, nāmagottaṃ pavedayā’’ti.

д̇ад̇т̇а бавзд̣̇аяаад̇и гат̇аяа.

Tattha pavedayāti kathaya.

д̇ам̣ суд̇ваа махаасад̇д̇о ‘‘сажаахам̣ ‘д̣̇званааг̇агиннаракад̇д̇ияаад̣̇ийсу ан̃н̃ад̇арохамасмий’д̇и гат̇зяяам̣, сад̣̇д̣̇ахзяязва зса, сажжамзва банасса гат̇зд̇ум̣ ваддад̇ий’’д̇и жинд̇зд̇ваа звамааха –

Taṃ sutvā mahāsatto ‘‘sacāhaṃ ‘devanāgakinnarakhattiyādīsu aññatarohamasmī’ti katheyyaṃ, saddaheyyeva esa, saccameva panassa kathetuṃ vaṭṭatī’’ti cintetvā evamāha –

302.

‘‘нзсаад̣̇абуд̇д̇о бхад̣̇д̣̇анд̇з, саамо ид̇и мам̣ н̃аад̇аяо;

‘‘Nesādaputto bhaddante, sāmo iti maṃ ñātayo;

ааманд̇аяим̣су ж̇ийванд̇ам̣, сваж̇ж̇зваахам̣ г̇ад̇о саяз.

Āmantayiṃsu jīvantaṃ, svajjevāhaṃ gato saye.

303.

‘‘вид̣̇д̇хосми бут̇усаллзна, сависзна яат̇аа миг̇о;

‘‘Viddhosmi puthusallena, savisena yathā migo;

сагамхи лохид̇з рааж̇а, басса сзми бариблуд̇о.

Sakamhi lohite rāja, passa semi paripluto.

304.

‘‘бадиваамаг̇ад̇ам̣ саллам̣, басса д̇химхаами лохид̇ам̣;

‘‘Paṭivāmagataṃ sallaṃ, passa dhimhāmi lohitaṃ;

аад̇уро д̇яаанубужчаами, гим̣ мам̣ вид̣̇д̇хаа нилийяаси.

Āturo tyānupucchāmi, kiṃ maṃ viddhā nilīyasi.

305.

‘‘аж̇инамхи хан̃н̃ад̇з д̣̇ийби, нааг̇о д̣̇анд̇зхи хан̃н̃ад̇з;

‘‘Ajinamhi haññate dīpi, nāgo dantehi haññate;

ат̇а гзна ну ван̣н̣зна, вид̣̇д̇хзяяам̣ мам̣ аман̃н̃ат̇аа’’д̇и.

Atha kena nu vaṇṇena, viddheyyaṃ maṃ amaññathā’’ti.

д̇ад̇т̇а ж̇ийванд̇анд̇и мам̣ ид̇о буб̣б̣з ж̇ийвамаанам̣ ‘‘зхи саама, яаахи саамаа’’д̇и н̃аад̇аяо ааманд̇аяим̣су. сваж̇ж̇зваахам̣ г̇ад̇од̇и со ахам̣ аж̇ж̇а звам̣ г̇ад̇о маран̣амукз самбад̇д̇о, бавидтод̇и ад̇т̇о . саязд̇и саяаами. бариблуд̇од̇и нимуг̇г̇о. бадиваамаг̇ад̇анд̇и д̣̇агкин̣абассзна бависид̇ваа ваамабассзна ниг̇г̇ад̇анд̇и ад̇т̇о. бассаад̇и ологзхи мам̣. д̇химхаамийд̇и нидтубхаами, ид̣̇ам̣ со сад̇им̣ бажжубадтаабзд̇ваа авигамбамаанова лохид̇ам̣ мукзна чад̣д̣зд̇ваа ааха. аад̇уро д̇яаанубужчаамий’’д̇и б̣аал̣хаг̇илаано худ̇ваа ахам̣ д̇ам̣ анубужчаами. нилийяасийд̇и зд̇асмим̣ ванаг̇умб̣з нилийно ажчаси. вид̣̇д̇хзяяанд̇и виж̇жхид̇аб̣б̣ам̣. аман̃н̃ат̇аад̇и аман̃н̃ид̇т̇а.

Tattha jīvantanti maṃ ito pubbe jīvamānaṃ ‘‘ehi sāma, yāhi sāmā’’ti ñātayo āmantayiṃsu. Svajjevāhaṃ gatoti so ahaṃ ajja evaṃ gato maraṇamukhe sampatto, paviṭṭhoti attho . Sayeti sayāmi. Pariplutoti nimuggo. Paṭivāmagatanti dakkhiṇapassena pavisitvā vāmapassena niggatanti attho. Passāti olokehi maṃ. Dhimhāmīti niṭṭhubhāmi, idaṃ so satiṃ paccupaṭṭhāpetvā avikampamānova lohitaṃ mukhena chaḍḍetvā āha. Āturo tyānupucchāmī’’ti bāḷhagilāno hutvā ahaṃ taṃ anupucchāmi. Nilīyasīti etasmiṃ vanagumbe nilīno acchasi. Viddheyyanti vijjhitabbaṃ. Amaññathāti amaññittha.

рааж̇аа д̇асса важанам̣ суд̇ваа яат̇аабхууд̇ам̣ анаажигкид̇ваа мусааваад̣̇ам̣ гат̇знд̇о ааха –

Rājā tassa vacanaṃ sutvā yathābhūtaṃ anācikkhitvā musāvādaṃ kathento āha –

306.

‘‘миг̇о убадтид̇о ааси, ааг̇ад̇о усубаад̇анам̣;

‘‘Migo upaṭṭhito āsi, āgato usupātanaṃ;

д̇ам̣ д̣̇исваа уб̣б̣иж̇ий саама, д̇зна год̇хо мамаависий’’д̇и.

Taṃ disvā ubbijī sāma, tena kodho mamāvisī’’ti.

д̇ад̇т̇а аависийд̇и аж̇жход̇т̇ари. д̇зна гааран̣зна мз год̇хо уббаннод̇и д̣̇ийбзд̇и.

Tattha āvisīti ajjhotthari. Tena kāraṇena me kodho uppannoti dīpeti.

ат̇а нам̣ махаасад̇д̇о ‘‘гим̣ вад̣̇зси, махаарааж̇а, имасмим̣ химаванд̇з мам̣ д̣̇исваа балааяанамиг̇о наама над̇т̇ий’’д̇и вад̇ваа ааха –

Atha naṃ mahāsatto ‘‘kiṃ vadesi, mahārāja, imasmiṃ himavante maṃ disvā palāyanamigo nāma natthī’’ti vatvā āha –

307.

‘‘яад̇о сараами ад̇д̇аанам̣, яад̇о бад̇д̇осми вин̃н̃уд̇ам̣;

‘‘Yato sarāmi attānaṃ, yato pattosmi viññutaṃ;

на мам̣ миг̇аа уд̇д̇асанд̇и, аран̃н̃з саабад̣̇ааниби.

Na maṃ migā uttasanti, araññe sāpadānipi.

308.

‘‘яад̇о нид̇хим̣ барихарим̣, яад̇о бад̇д̇осми яоб̣б̣анам̣;

‘‘Yato nidhiṃ parihariṃ, yato pattosmi yobbanaṃ;

на мам̣ миг̇аа уд̇д̇асанд̇и, аран̃н̃з саабад̣̇ааниби.

Na maṃ migā uttasanti, araññe sāpadānipi.

309.

‘‘бхийруу гимбурисаа рааж̇а, баб̣б̣ад̇з г̇анд̇хамаад̣̇анз;

‘‘Bhīrū kimpurisā rāja, pabbate gandhamādane;

саммод̣̇амаанаа г̇ажчаама, баб̣б̣ад̇аани ванаани жа.

Sammodamānā gacchāma, pabbatāni vanāni ca.

310.

‘‘на мам̣ миг̇аа уд̇д̇асанд̇и, аран̃н̃з саабад̣̇ааниби;

‘‘Na maṃ migā uttasanti, araññe sāpadānipi;

ат̇а гзна ну ван̣н̣зна, уд̇раасанд̇и миг̇аа мама’’нд̇и.

Atha kena nu vaṇṇena, utrāsanti migā mama’’nti.

д̇ад̇т̇а на мам̣ миг̇аад̇и бхо махаарааж̇а, яад̇о гаалад̇о бадтааяа ахам̣ ад̇д̇аанам̣ сараами, яад̇о гаалад̇о бадтааяа ахам̣ вин̃н̃убхаавам̣ бад̇д̇о асми бхаваами, д̇ад̇о гаалад̇о бадтааяа мам̣ д̣̇исваа миг̇аа наама на уд̇д̇асанд̇и. саабад̣̇аанибийд̇и ваал̣амиг̇ааби. яад̇о нид̇хинд̇и яад̇о гаалад̇о бадтааяа ахам̣ ваагажийрам̣ барихарим̣. бхийруу гимбурисаад̇и махаарааж̇а, миг̇аа д̇аава д̇идтанд̇у, гимбурисаа наама ад̇ибхийругаа хонд̇и. яз имасмим̣ г̇анд̇хамаад̣̇анабаб̣б̣ад̇з вихаранд̇и, д̇зби мам̣ д̣̇исваа на уд̇д̇асанд̇и, ат̇а ко маяам̣ ан̃н̃аман̃н̃ам̣ саммод̣̇амаанаа г̇ажчаама. уд̇раасанд̇и миг̇аа маманд̇и мамам̣ д̣̇исваа миг̇аа уд̇раасзяяум̣, гзна гааран̣зна д̇вам̣ мам̣ сад̣̇д̣̇ахаабзссасийд̇и д̣̇ийбзд̇и.

Tattha na maṃ migāti bho mahārāja, yato kālato paṭṭhāya ahaṃ attānaṃ sarāmi, yato kālato paṭṭhāya ahaṃ viññubhāvaṃ patto asmi bhavāmi, tato kālato paṭṭhāya maṃ disvā migā nāma na uttasanti. Sāpadānipīti vāḷamigāpi. Yato nidhinti yato kālato paṭṭhāya ahaṃ vākacīraṃ parihariṃ. Bhīrū kimpurisāti mahārāja, migā tāva tiṭṭhantu, kimpurisā nāma atibhīrukā honti. Ye imasmiṃ gandhamādanapabbate viharanti, tepi maṃ disvā na uttasanti, atha kho mayaṃ aññamaññaṃ sammodamānā gacchāma. Utrāsanti migā mamanti mamaṃ disvā migā utrāseyyuṃ, kena kāraṇena tvaṃ maṃ saddahāpessasīti dīpeti.

д̇ам̣ суд̇ваа рааж̇аа ‘‘маяаа имам̣ нирабараад̇хам̣ виж̇жхид̇ваа мусааваад̣̇о гат̇ид̇о, сажжамзва гат̇аяиссаамий’’д̇и жинд̇зд̇ваа ааха –

Taṃ sutvā rājā ‘‘mayā imaṃ niraparādhaṃ vijjhitvā musāvādo kathito, saccameva kathayissāmī’’ti cintetvā āha –

311.

‘‘на д̇ам̣ д̇аса миг̇о саама, гим̣ д̇аахам̣ алигам̣ бхан̣з;

‘‘Na taṃ tasa migo sāma, kiṃ tāhaṃ alikaṃ bhaṇe;

год̇халобхаабхибхууд̇аахам̣, усум̣ д̇з д̇ам̣ авассаж̇и’’нд̇и.

Kodhalobhābhibhūtāhaṃ, usuṃ te taṃ avassaji’’nti.

д̇ад̇т̇а на д̇ам̣ д̇асаад̇и на д̇ам̣ д̣̇исваа миг̇о д̇аса, на бхийд̇од̇и ад̇т̇о. гим̣ д̇ааханд̇и гим̣ д̇з звам̣ галяаан̣ад̣̇ассанасса санд̇игз ахам̣ алигам̣ бхан̣иссаами . год̇халобхаабхибхууд̇ааханд̇и год̇хзна жа лобхзна жа абхибхууд̇о худ̇ваа ахам̣. со хи батамамзва миг̇зсу уббаннзна год̇хзна ‘‘миг̇з виж̇жхиссаамий’’д̇и д̇ханум̣ ааробзд̇ваа тид̇о бажчаа б̣од̇хисад̇д̇ам̣ д̣̇исваа д̇асса д̣̇звад̇аад̣̇ийсу ан̃н̃ад̇арабхаавам̣ аж̇аананд̇о ‘‘бужчиссаами на’’нд̇и лобхам̣ уббаад̣̇зси, д̇асмаа звамааха.

Tattha na taṃ tasāti na taṃ disvā migo tasa, na bhītoti attho. Kiṃ tāhanti kiṃ te evaṃ kalyāṇadassanassa santike ahaṃ alikaṃ bhaṇissāmi . Kodhalobhābhibhūtāhanti kodhena ca lobhena ca abhibhūto hutvā ahaṃ. So hi paṭhamameva migesu uppannena kodhena ‘‘mige vijjhissāmī’’ti dhanuṃ āropetvā ṭhito pacchā bodhisattaṃ disvā tassa devatādīsu aññatarabhāvaṃ ajānanto ‘‘pucchissāmi na’’nti lobhaṃ uppādesi, tasmā evamāha.

зван̃жа бана вад̇ваа ‘‘нааяам̣ суван̣н̣асаамо имасмим̣ аран̃н̃з згагова васиссад̇и, н̃аад̇агзхибисса бхавид̇аб̣б̣ам̣, бужчиссаами на’’нд̇и жинд̇зд̇ваа ид̇арам̣ г̇аат̇амааха –

Evañca pana vatvā ‘‘nāyaṃ suvaṇṇasāmo imasmiṃ araññe ekakova vasissati, ñātakehipissa bhavitabbaṃ, pucchissāmi na’’nti cintetvā itaraṃ gāthamāha –

312.

‘‘гуд̇о ну саама ааг̇амма, гасса ваа бахид̇о д̇увам̣;

‘‘Kuto nu sāma āgamma, kassa vā pahito tuvaṃ;

‘уд̣̇ахааро над̣̇им̣ г̇ажча’, ааг̇ад̇о миг̇асаммад̇а’’нд̇и.

‘Udahāro nadiṃ gaccha’, āgato migasammata’’nti.

д̇ад̇т̇а саамаад̇и махаасад̇д̇ам̣ аалабад̇и. ааг̇аммаад̇и гуд̇о д̣̇зсаа имам̣ ванам̣ ааг̇амид̇ваа ‘‘амхаагам̣ уд̣̇ахааро уд̣̇агам̣ аахарид̇ум̣ над̣̇им̣ г̇ажчаа’’д̇и гасса ваа бахид̇огзна буг̇г̇алзна бзсид̇о худ̇ваа д̇увам̣ имам̣ миг̇асаммад̇ам̣ ааг̇ад̇од̇и ад̇т̇о.

Tattha sāmāti mahāsattaṃ ālapati. Āgammāti kuto desā imaṃ vanaṃ āgamitvā ‘‘amhākaṃ udahāro udakaṃ āharituṃ nadiṃ gacchā’’ti kassa vā pahitokena puggalena pesito hutvā tuvaṃ imaṃ migasammataṃ āgatoti attho.

со д̇асса гат̇ам̣ суд̇ваа маханд̇ам̣ д̣̇угкавзд̣̇анам̣ ад̇хиваасзд̇ваа мукзна лохид̇ам̣ чад̣д̣зд̇ваа г̇аат̇амааха –

So tassa kathaṃ sutvā mahantaṃ dukkhavedanaṃ adhivāsetvā mukhena lohitaṃ chaḍḍetvā gāthamāha –

313.

‘‘анд̇хаа маад̇аабид̇аа маяхам̣, д̇з бхараами б̣рахааванз;

‘‘Andhā mātāpitā mayhaṃ, te bharāmi brahāvane;

д̇зсаахам̣ уд̣̇агаахааро, ааг̇ад̇о миг̇асаммад̇а’’нд̇и.

Tesāhaṃ udakāhāro, āgato migasammata’’nti.

д̇ад̇т̇а бхараамийд̇и муулапалаад̣̇ийни аахарид̇ваа босзми.

Tattha bharāmīti mūlaphalādīni āharitvā posemi.

зван̃жа бана вад̇ваа махаасад̇д̇о маад̇аабид̇аро аараб̣бха вилабанд̇о ааха –

Evañca pana vatvā mahāsatto mātāpitaro ārabbha vilapanto āha –

314.

‘‘ад̇т̇и нзсам̣ усаамад̇д̇ам̣, ат̇а саахасса ж̇ийвид̇ам̣;

‘‘Atthi nesaṃ usāmattaṃ, atha sāhassa jīvitaṃ;

уд̣̇агасса алаабхзна, ман̃н̃з анд̇хаа мариссарз.

Udakassa alābhena, maññe andhā marissare.

315.

‘‘на мз ид̣̇ам̣ д̇ат̇аа д̣̇угкам̣, лаб̣бхаа хи бумунаа ид̣̇ам̣;

‘‘Na me idaṃ tathā dukkhaṃ, labbhā hi pumunā idaṃ;

яан̃жа аммам̣ на бассаами, д̇ам̣ мз д̣̇угкад̇арам̣ ид̇о.

Yañca ammaṃ na passāmi, taṃ me dukkhataraṃ ito.

316.

‘‘на мз ид̣̇ам̣ д̇ат̇аа д̣̇угкам̣, лаб̣бхаа хи бумунаа ид̣̇ам̣;

‘‘Na me idaṃ tathā dukkhaṃ, labbhā hi pumunā idaṃ;

яан̃жа д̇аад̇ам̣ на бассаами, д̇ам̣ мз д̣̇угкад̇арам̣ ид̇о.

Yañca tātaṃ na passāmi, taṃ me dukkhataraṃ ito.

317.

‘‘саа нууна габан̣аа аммаа, жирарад̇д̇ааяа ружчад̇и;

‘‘Sā nūna kapaṇā ammā, cirarattāya rucchati;

ад̣дхарад̇д̇зва рад̇д̇з ваа, над̣̇ийва авасужчад̇и.

Aḍḍharatteva ratte vā, nadīva avasucchati.

318.

‘‘со нууна габан̣о д̇аад̇о, жирарад̇д̇ааяа ружчад̇и;

‘‘So nūna kapaṇo tāto, cirarattāya rucchati;

ад̣дхарад̇д̇зва рад̇д̇з ваа, над̣̇ийва авасужчад̇и.

Aḍḍharatteva ratte vā, nadīva avasucchati.

319.

‘‘удтаанабаад̣̇ажарияааяа, баад̣̇асамб̣ааханасса жа;

‘‘Uṭṭhānapādacariyāya, pādasambāhanassa ca;

саама д̇аад̇авилабанд̇аа, хин̣д̣иссанд̇и б̣рахааванз.

Sāma tātavilapantā, hiṇḍissanti brahāvane.

320.

ид̣̇амби д̣̇уд̇ияам̣ саллам̣, гамбзд̇и хад̣̇аяам̣ мамам̣;

Idampi dutiyaṃ sallaṃ, kampeti hadayaṃ mamaṃ;

яан̃жа анд̇хз на бассаами, ман̃н̃з хиссаами ж̇ийвид̇а’’нд̇и.

Yañca andhe na passāmi, maññe hissāmi jīvita’’nti.

д̇ад̇т̇а усаамад̇д̇анд̇и бхож̇анамад̇д̇ам̣. ‘‘усаа’’д̇и хи бхож̇анасса наамам̣ д̇асса жа ад̇т̇ид̇ааяа. саахасса ж̇ийвид̇анд̇и чад̣̇ивасамад̇д̇ам̣ ж̇ийвид̇анд̇и ад̇т̇о. ид̣̇ам̣ аахарид̇ваа табид̇ам̣ палаапалам̣ санд̇хааяааха . ат̇а ваа усаад̇и усмаа. д̇знзд̇ам̣ д̣̇ассзд̇и – д̇зсам̣ сарийрз усмаамад̇д̇ам̣ ад̇т̇и, ат̇а маяаа аабхад̇зна палаапалзна саахасса ж̇ийвид̇ам̣ ад̇т̇ийд̇и. мариссарзд̇и мариссанд̇ийд̇и ман̃н̃аами. бумунаад̇и бурисзна, зваруубан̃хи д̣̇угкам̣ бурисзна лабхид̇аб̣б̣амзваад̇и ад̇т̇о. жирарад̇д̇ааяа ружчад̇ийд̇и жирарад̇д̇ам̣ род̣̇иссад̇и. ад̣дхарад̇д̇з ваад̇и маж̇жхимарад̇д̇з ваа. рад̇д̇з ваад̇и бажчимарад̇д̇з ваа. авасужчад̇ийд̇и гуннад̣̇ий вияа суссиссад̇ийд̇и ад̇т̇о. удтаанабаад̣̇ажарияааяаад̇и махаарааж̇а, ахам̣ рад̇д̇имби д̣̇ивааби д̣̇вз д̇аяо ваарз удтааяа ад̇д̇ано удтаанавийриязна д̇зсам̣ баад̣̇ажарияам̣ гароми, хад̇т̇абаад̣̇з самб̣аахаами, ид̣̇аани мам̣ ад̣̇исваа мамад̇т̇ааяа д̇з барихийнажагкугаа ‘‘саамад̇аад̇аа’’д̇и вилабанд̇аа ган̣дагзхи виж̇жхияамаанаа вияа имасмим̣ ванаббад̣̇зсз хин̣д̣иссанд̇и вижариссанд̇ийд̇и ад̇т̇о. д̣̇уд̇ияам̣ салланд̇и батамавид̣̇д̇хависабийд̇асаллад̇о сад̇аг̇ун̣зна сахассаг̇ун̣зна сад̇асахассаг̇ун̣зна д̣̇угкад̇арам̣ ид̣̇ам̣ д̣̇уд̇ияам̣ д̇зсам̣ ад̣̇ассанасогасаллам̣.

Tattha usāmattanti bhojanamattaṃ. ‘‘Usā’’ti hi bhojanassa nāmaṃ tassa ca atthitāya. Sāhassa jīvitanti chadivasamattaṃ jīvitanti attho. Idaṃ āharitvā ṭhapitaṃ phalāphalaṃ sandhāyāha . Atha vā usāti usmā. Tenetaṃ dasseti – tesaṃ sarīre usmāmattaṃ atthi, atha mayā ābhatena phalāphalena sāhassa jīvitaṃ atthīti. Marissareti marissantīti maññāmi. Pumunāti purisena, evarūpañhi dukkhaṃ purisena labhitabbamevāti attho. Cirarattāya rucchatīti cirarattaṃ rodissati. Aḍḍharatte vāti majjhimaratte vā. Ratte vāti pacchimaratte vā. Avasucchatīti kunnadī viya sussissatīti attho. Uṭṭhānapādacariyāyāti mahārāja, ahaṃ rattimpi divāpi dve tayo vāre uṭṭhāya attano uṭṭhānavīriyena tesaṃ pādacariyaṃ karomi, hatthapāde sambāhāmi, idāni maṃ adisvā mamatthāya te parihīnacakkhukā ‘‘sāmatātā’’ti vilapantā kaṇṭakehi vijjhiyamānā viya imasmiṃ vanappadese hiṇḍissanti vicarissantīti attho. Dutiyaṃ sallanti paṭhamaviddhavisapītasallato sataguṇena sahassaguṇena satasahassaguṇena dukkhataraṃ idaṃ dutiyaṃ tesaṃ adassanasokasallaṃ.

рааж̇аа д̇асса вилаабам̣ суд̇ваа ‘‘аяам̣ ажжанд̇ам̣ б̣рахмажаарий д̇хаммз тид̇о маад̇аабид̇аро бхарад̇и, ид̣̇аани звам̣ д̣̇угкаббад̇д̇оби д̇зсам̣язва вилабад̇и, звам̣ г̇ун̣асамбаннз наама маяаа абараад̇хо гад̇о, гат̇ам̣ ну ко имам̣ самассаасзяяа’’нд̇и жинд̇зд̇ваа ‘‘нираяз бажжанагаалз раж̇ж̇ам̣ гим̣ гариссад̇и, иминаа бадиж̇аг̇г̇ид̇анияаамзнзвасса маад̇аабид̇аро бадиж̇аг̇г̇иссаами, имасса маран̣амби амаран̣ам̣ вияа бхависсад̇ий’’д̇и саннидтаанам̣ гад̇ваа ааха –

Rājā tassa vilāpaṃ sutvā ‘‘ayaṃ accantaṃ brahmacārī dhamme ṭhito mātāpitaro bharati, idāni evaṃ dukkhappattopi tesaṃyeva vilapati, evaṃ guṇasampanne nāma mayā aparādho kato, kathaṃ nu kho imaṃ samassāseyya’’nti cintetvā ‘‘niraye paccanakāle rajjaṃ kiṃ karissati, iminā paṭijaggitaniyāmenevassa mātāpitaro paṭijaggissāmi, imassa maraṇampi amaraṇaṃ viya bhavissatī’’ti sanniṭṭhānaṃ katvā āha –

321.

‘‘маа б̣аал̣хам̣ барид̣̇звзси, саама галяаан̣ад̣̇ассана;

‘‘Mā bāḷhaṃ paridevesi, sāma kalyāṇadassana;

ахам̣ гаммагаро худ̇ваа, бхариссам̣ д̇з б̣рахааванз.

Ahaṃ kammakaro hutvā, bharissaṃ te brahāvane.

322.

‘‘иссад̇т̇з жасми гусало, д̣̇ал̣хад̇хаммод̇и виссуд̇о;

‘‘Issatthe casmi kusalo, daḷhadhammoti vissuto;

ахам̣ гаммагаро худ̇ваа, бхариссам̣ д̇з б̣рахааванз.

Ahaṃ kammakaro hutvā, bharissaṃ te brahāvane.

323.

‘‘миг̇аанам̣ вигхаасаманвзсам̣, ванамуулапалаани жа;

‘‘Migānaṃ vighāsamanvesaṃ, vanamūlaphalāni ca;

ахам̣ гаммагаро худ̇ваа, бхариссам̣ д̇з б̣рахааванз.

Ahaṃ kammakaro hutvā, bharissaṃ te brahāvane.

324.

‘‘гад̇амам̣ д̇ам̣ ванам̣ саама, яад̇т̇а маад̇аабид̇аа д̇ава;

‘‘Katamaṃ taṃ vanaṃ sāma, yattha mātāpitā tava;

ахам̣ д̇з д̇ат̇аа бхариссам̣, яат̇аа д̇з абхарий д̇ува’’нд̇и.

Ahaṃ te tathā bharissaṃ, yathā te abharī tuva’’nti.

д̇ад̇т̇а бхариссам̣ д̇зд̇и д̇з д̇ава маад̇аабид̇аро бхариссаами. миг̇аананд̇и сийхаад̣̇ийнам̣ миг̇аанам̣ вигхаасам̣ анвзсанд̇о. ид̣̇ам̣ со ‘‘иссад̇т̇з жасми гусалод̇и т̇уулат̇уулз миг̇з вад̇хид̇ваа мад̇хурамам̣сзна д̇ава маад̇аабид̇аро бхариссаамий’’д̇и вад̇ваа ‘‘маа, махаарааж̇а, амхз ниссааяа баан̣авад̇хам̣ гарий’’д̇и вуд̇д̇з звамааха. яат̇аа д̇зд̇и яат̇аа д̇вам̣ д̇з абхари, д̇ат̇зваахамби бхариссаамийд̇и.

Tattha bharissaṃ teti te tava mātāpitaro bharissāmi. Migānanti sīhādīnaṃ migānaṃ vighāsaṃ anvesanto. Idaṃ so ‘‘issatthe casmi kusaloti thūlathūle mige vadhitvā madhuramaṃsena tava mātāpitaro bharissāmī’’ti vatvā ‘‘mā, mahārāja, amhe nissāya pāṇavadhaṃ karī’’ti vutte evamāha. Yathā teti yathā tvaṃ te abhari, tathevāhampi bharissāmīti.

ат̇асса махаасад̇д̇о ‘‘саад̇ху, махаарааж̇а, д̇зна хи мз маад̇аабид̇аро бхарассуу’’д̇и вад̇ваа маг̇г̇ам̣ аажигканд̇о ааха –

Athassa mahāsatto ‘‘sādhu, mahārāja, tena hi me mātāpitaro bharassū’’ti vatvā maggaṃ ācikkhanto āha –

325.

‘‘аяам̣ згабад̣̇ий рааж̇а, яояам̣ уссийсагз мама;

‘‘Ayaṃ ekapadī rāja, yoyaṃ ussīsake mama;

ид̇о г̇анд̇ваа ад̣дхагосам̣, д̇ад̇т̇а нзсам̣ аг̇аарагам̣;

Ito gantvā aḍḍhakosaṃ, tattha nesaṃ agārakaṃ;

яад̇т̇а маад̇аабид̇аа маяхам̣, д̇з бхарассу ид̇о г̇ад̇о’’д̇и.

Yattha mātāpitā mayhaṃ, te bharassu ito gato’’ti.

д̇ад̇т̇а згабад̣̇ийд̇и згабад̣̇амаг̇г̇о. уссийсагзд̇и яо зса мама мад̇т̇агадтаанз. ад̣дхагосанд̇и ад̣дхагосанд̇арз.

Tattha ekapadīti ekapadamaggo. Ussīsaketi yo esa mama matthakaṭṭhāne. Aḍḍhakosanti aḍḍhakosantare.

звам̣ со д̇асса маг̇г̇ам̣ аажигкид̇ваа маад̇аабид̇уусу б̣алавасинзхзна д̇ат̇ааруубам̣ взд̣̇анам̣ ад̇хиваасзд̇ваа д̇зсам̣ бхаран̣ад̇т̇ааяа ан̃ж̇алим̣ баг̇г̇аяха яаажанд̇о буна звамааха –

Evaṃ so tassa maggaṃ ācikkhitvā mātāpitūsu balavasinehena tathārūpaṃ vedanaṃ adhivāsetvā tesaṃ bharaṇatthāya añjaliṃ paggayha yācanto puna evamāha –

326.

‘‘намо д̇з гаасирааж̇ад̇т̇у, намо д̇з гаасивад̣дхана;

‘‘Namo te kāsirājatthu, namo te kāsivaḍḍhana;

анд̇хаа маад̇аабид̇аа маяхам̣, д̇з бхарассу б̣рахааванз.

Andhā mātāpitā mayhaṃ, te bharassu brahāvane.

327.

‘‘ан̃ж̇алим̣ д̇з баг̇г̇ан̣хаами, гаасирааж̇а намад̇т̇у д̇з;

‘‘Añjaliṃ te paggaṇhāmi, kāsirāja namatthu te;

маад̇арам̣ бид̇арам̣ маяхам̣, вуд̇д̇о важ̇ж̇ааси ванд̣̇ана’’нд̇и.

Mātaraṃ pitaraṃ mayhaṃ, vutto vajjāsi vandana’’nti.

д̇ад̇т̇а вуд̇д̇о важ̇ж̇аасийд̇и ‘‘буд̇д̇о во суван̣н̣асаамо над̣̇ийд̇ийрзвисабийд̇зна саллзна вид̣̇д̇хо раж̇ад̇абаддасад̣̇исз ваалугаабулинз д̣̇агкин̣абассзна нибанно ан̃ж̇алим̣ баг̇г̇аяха д̇умхаагам̣ баад̣̇з ванд̣̇ад̇ий’’д̇и звам̣ махаарааж̇а, маяаа вуд̇д̇о худ̇ваа маад̇аабид̇уунам̣ мз ванд̣̇анам̣ вад̣̇зяяаасийд̇и ад̇т̇о.

Tattha vutto vajjāsīti ‘‘putto vo suvaṇṇasāmo nadītīrevisapītena sallena viddho rajatapaṭṭasadise vālukāpuline dakkhiṇapassena nipanno añjaliṃ paggayha tumhākaṃ pāde vandatī’’ti evaṃ mahārāja, mayā vutto hutvā mātāpitūnaṃ me vandanaṃ vadeyyāsīti attho.

рааж̇аа ‘‘саад̇хуу’’д̇и самбадижчи. махаасад̇д̇оби маад̇аабид̇уунам̣ ванд̣̇анам̣ бзсзд̇ваа висан̃н̃ид̇ам̣ баабун̣и. д̇амад̇т̇ам̣ багаасзнд̇о сад̇т̇аа ааха –

Rājā ‘‘sādhū’’ti sampaṭicchi. Mahāsattopi mātāpitūnaṃ vandanaṃ pesetvā visaññitaṃ pāpuṇi. Tamatthaṃ pakāsento satthā āha –

328.

‘‘ид̣̇ам̣ вад̇ваана со саамо, яуваа галяаан̣ад̣̇ассано;

‘‘Idaṃ vatvāna so sāmo, yuvā kalyāṇadassano;

мужчид̇о висавзг̇зна, висан̃н̃ий самабаж̇ж̇ат̇аа’’д̇и.

Mucchito visavegena, visaññī samapajjathā’’ti.

д̇ад̇т̇а самабаж̇ж̇ат̇аад̇и висан̃н̃ий ж̇аад̇о.

Tattha samapajjathāti visaññī jāto.

со хи хздтаа зд̇д̇агам̣ гат̇знд̇о нирассаасо вияа ахоси. ид̣̇аани банасса висавзг̇зна мад̣̇д̣̇ид̇аа бхаван̇г̇ажид̇д̇асанд̇ад̇и хад̣̇аяаруубам̣ ниссааяа бавад̇д̇и, гат̇аа бажчиж̇ж̇и, мукам̣ бихид̇ам̣, агкийни нимийлид̇аани, хад̇т̇абаад̣̇аа т̇ад̣̇д̇хабхаавам̣ бад̇д̇аа, сагаласарийрам̣ лохид̇зна магкид̇ам̣. рааж̇аа ‘‘аяам̣ ид̣̇аанзва маяаа сад̣̇д̇хим̣ гат̇зси, гим̣ ну ко’’д̇и д̇асса ассаасабассаасз убад̇хаарзси. д̇з бана нируд̣̇д̇хаа, сарийрам̣ т̇ад̣̇д̇хам̣ ж̇аад̇ам̣. со д̇ам̣ д̣̇исваа ‘‘нируд̣̇д̇хо д̣̇аани саамо’’д̇и согам̣ сад̣̇д̇хаарзд̇ум̣ асаггонд̇о убхо хад̇т̇з мад̇т̇агз табзд̇ваа махаасад̣̇д̣̇зна барид̣̇зви. д̇амад̇т̇ам̣ багаасзнд̇о сад̇т̇аа ааха –

So hi heṭṭhā ettakaṃ kathento nirassāso viya ahosi. Idāni panassa visavegena madditā bhavaṅgacittasantati hadayarūpaṃ nissāya pavatti, kathā pacchijji, mukhaṃ pihitaṃ, akkhīni nimīlitāni, hatthapādā thaddhabhāvaṃ pattā, sakalasarīraṃ lohitena makkhitaṃ. Rājā ‘‘ayaṃ idāneva mayā saddhiṃ kathesi, kiṃ nu kho’’ti tassa assāsapassāse upadhāresi. Te pana niruddhā, sarīraṃ thaddhaṃ jātaṃ. So taṃ disvā ‘‘niruddho dāni sāmo’’ti sokaṃ saddhāretuṃ asakkonto ubho hatthe matthake ṭhapetvā mahāsaddena paridevi. Tamatthaṃ pakāsento satthā āha –

329.

‘‘са рааж̇аа барид̣̇звзси, б̣ахум̣ гаарун̃н̃асан̃хид̇ам̣;

‘‘Sa rājā paridevesi, bahuṃ kāruññasañhitaṃ;

аж̇араамарохам̣ аасим̣, аж̇ж̇зд̇ам̣ н̃аами но бурз;

Ajarāmarohaṃ āsiṃ, ajjetaṃ ñāmi no pure;

саамам̣ гаалан̇гад̇ам̣ д̣̇исваа, над̇т̇и мажжусса нааг̇амо.

Sāmaṃ kālaṅkataṃ disvā, natthi maccussa nāgamo.

330.

‘‘яассу мам̣ бадиманд̇зд̇и, сависзна самаббид̇о;

‘‘Yassu maṃ paṭimanteti, savisena samappito;

сваж̇ж̇а звам̣ г̇ад̇з гаалз, на гин̃жи мабхибхаасад̇и.

Svajja evaṃ gate kāle, na kiñci mabhibhāsati.

331.

‘‘нираяам̣ нууна г̇ажчаами, зд̇т̇а мз над̇т̇и сам̣саяо;

‘‘Nirayaṃ nūna gacchāmi, ettha me natthi saṃsayo;

д̇ад̣̇аа хи багад̇ам̣ баабам̣, жирарад̇д̇ааяа гиб̣б̣исам̣.

Tadā hi pakataṃ pāpaṃ, cirarattāya kibbisaṃ.

332.

‘‘бхаванд̇и д̇асса вад̇д̇ааро, г̇аамз гиб̣б̣исагаараго;

‘‘Bhavanti tassa vattāro, gāme kibbisakārako;

аран̃н̃з ниммануссамхи, го мам̣ вад̇д̇умарахад̇и.

Araññe nimmanussamhi, ko maṃ vattumarahati.

333.

‘‘саараяанд̇и хи гаммаани, г̇аамз сам̣г̇ажча маан̣аваа;

‘‘Sārayanti hi kammāni, gāme saṃgaccha māṇavā;

аран̃н̃з ниммануссамхи, го ну мам̣ саараяиссад̇ий’’д̇и.

Araññe nimmanussamhi, ko nu maṃ sārayissatī’’ti.

д̇ад̇т̇а аасинд̇и ахам̣ зд̇д̇агам̣ гаалам̣ аж̇араамаромхийд̇и сан̃н̃ий ахосим̣. аж̇ж̇зд̇анд̇и аж̇ж̇а ахам̣ имам̣ саамам̣ гаалагад̇ам̣ д̣̇исваа маман̃жзва ан̃н̃зсан̃жа над̇т̇и мажжусса нааг̇амод̇и д̇ам̣ мажжусса ааг̇аманам̣ аж̇ж̇а ж̇аанаами, ид̇о буб̣б̣з на ж̇аанаамийд̇и вилабад̇и. сваж̇ж̇а звам̣ г̇ад̇з гаалзд̇и яо сависзна саллзна самаббид̇о ид̣̇аанзва мам̣ бадиманд̇зд̇и, со аж̇ж̇а звам̣ г̇ад̇з гаалз звам̣ маран̣агаалз самбад̇д̇з гин̃жи аббамад̇д̇агамби на бхаасад̇и. д̇ад̣̇аа хийд̇и д̇асмим̣ кан̣з саамам̣ виж̇жханд̇зна маяаа баабам̣ гад̇ам̣. жирарад̇д̇ааяа гиб̣б̣исанд̇и д̇ам̣ бана жирарад̇д̇ам̣ вибажжанасамад̇т̇ам̣ д̣̇аарун̣ам̣ парусам̣.

Tattha āsinti ahaṃ ettakaṃ kālaṃ ajarāmaromhīti saññī ahosiṃ. Ajjetanti ajja ahaṃ imaṃ sāmaṃ kālakataṃ disvā mamañceva aññesañca natthi maccussa nāgamoti taṃ maccussa āgamanaṃ ajja jānāmi, ito pubbe na jānāmīti vilapati. Svajja evaṃ gate kāleti yo savisena sallena samappito idāneva maṃ paṭimanteti, so ajja evaṃ gate kāle evaṃ maraṇakāle sampatte kiñci appamattakampi na bhāsati. Tadā hīti tasmiṃ khaṇe sāmaṃ vijjhantena mayā pāpaṃ kataṃ. Cirarattāya kibbisanti taṃ pana cirarattaṃ vipaccanasamatthaṃ dāruṇaṃ pharusaṃ.

д̇ассаад̇и д̇асса зваруубам̣ баабагаммам̣ гад̇ваа вижаранд̇асса. вад̇д̇аарод̇и нинд̣̇ид̇ааро бхаванд̇и ‘‘гухим̣ г̇аамз гинд̇и гиб̣б̣исагаараго’’д̇и. имасмим̣ бана аран̃н̃з ниммануссамхи го мам̣ вад̇д̇умарахад̇и, сажз хи бхавзяяа, вад̣̇зяяаад̇и вилабад̇и. саараяанд̇ийд̇и г̇аамз ваа ниг̇амаад̣̇ийсу ваа сам̣г̇ажча маан̣аваа д̇ад̇т̇а д̇ад̇т̇а б̣ахуу бурисаа саннибад̇ид̇ваа ‘‘амбхо бурисагхаад̇ага, д̣̇аарун̣ам̣ д̇з гаммам̣ гад̇ам̣, асугад̣̇ан̣д̣ам̣ бад̇д̇о наама д̇ва’’нд̇и звам̣ гаммаани саарзнд̇и жод̣̇знд̇и. имасмим̣ бана ниммануссз аран̃н̃з мам̣ го саараяиссад̇ийд̇и ад̇д̇аанам̣ жод̣̇знд̇о вилабад̇и.

Tassāti tassa evarūpaṃ pāpakammaṃ katvā vicarantassa. Vattāroti ninditāro bhavanti ‘‘kuhiṃ gāme kinti kibbisakārako’’ti. Imasmiṃ pana araññe nimmanussamhi ko maṃ vattumarahati, sace hi bhaveyya, vadeyyāti vilapati. Sārayantīti gāme vā nigamādīsu vā saṃgaccha māṇavā tattha tattha bahū purisā sannipatitvā ‘‘ambho purisaghātaka, dāruṇaṃ te kammaṃ kataṃ, asukadaṇḍaṃ patto nāma tva’’nti evaṃ kammāni sārenti codenti. Imasmiṃ pana nimmanusse araññe maṃ ko sārayissatīti attānaṃ codento vilapati.

д̇ад̣̇аа б̣ахусунд̣̇арий наама д̣̇звад̇хийд̇аа г̇анд̇хамаад̣̇анаваасиний махаасад̇д̇асса сад̇д̇амз ад̇д̇абхаавз маад̇убхууд̇абуб̣б̣аа. саа буд̇д̇асинзхзна б̣од̇хисад̇д̇ам̣ нижжам̣ ааваж̇ж̇зд̇и, д̇ам̣ д̣̇ивасам̣ бана д̣̇иб̣б̣асамбад̇д̇им̣ анубхавамаанаа на д̇ам̣ ааваж̇ж̇зд̇и. ‘‘д̣̇звасамааг̇амам̣ г̇ад̇аа’’д̇иби вад̣̇анд̇иязва. саа д̇асса висан̃н̃ибхууд̇агаалз ‘‘гим̣ ну ко мз буд̇д̇асса бавад̇д̇ий’’д̇и ааваж̇ж̇амаанаа ад̣̇д̣̇аса ‘‘аяам̣ бийл̣ияагко наама рааж̇аа мама буд̇д̇ам̣ висабийд̇зна саллзна виж̇жхид̇ваа миг̇асаммад̇аанад̣̇ийд̇ийрз ваалугаабулинз гхаад̇зд̇ваа маханд̇зна сад̣̇д̣̇зна барид̣̇звад̇и. сажаахам̣ на г̇амиссаами, мама буд̇д̇о суван̣н̣асаамо зд̇т̇зва мариссад̇и, ран̃н̃оби хад̣̇аяам̣ палиссад̇и, саамасса маад̇аабид̇ароби нираахаараа баанийяамби алабханд̇аа суссид̇ваа мариссанд̇и. маяи бана г̇ад̇ааяа рааж̇аа баанийяагхадам̣ аад̣̇ааяа д̇асса маад̇аабид̇уунам̣ санд̇игам̣ г̇амиссад̇и, г̇анд̇ваа жа бана ‘‘буд̇д̇о во маяаа хад̇о’д̇и гат̇зссад̇и. зван̃жа вад̇ваа д̇зсам̣ важанам̣ суд̇ваа д̇з буд̇д̇асса санд̇игам̣ аанаяиссад̇и. ат̇а ко д̇з жа ахан̃жа сажжагирияам̣ гариссаама, сажжаб̣алзна саамасса висам̣ винассиссад̇и. звам̣ мз буд̇д̇о ж̇ийвид̇ам̣ лабхиссад̇и, маад̇аабид̇аро жа жагкууни лабхиссанд̇и, рааж̇аа жа саамасса д̇хаммад̣̇зсанам̣ суд̇ваа наг̇арам̣ г̇анд̇ваа махаад̣̇аанам̣ д̣̇ад̇ваа саг̇г̇абарааяан̣о бхависсад̇и, д̇асмаа г̇ажчаамахам̣ д̇ад̇т̇аа’’д̇и. саа г̇анд̇ваа миг̇асаммад̇аанад̣̇ийд̇ийрз ад̣̇иссамаанзна гааязна аагаасз тад̇ваа ран̃н̃аа сад̣̇д̇хим̣ гат̇зси. д̇амад̇т̇ам̣ багаасзнд̇о сад̇т̇аа ааха –

Tadā bahusundarī nāma devadhītā gandhamādanavāsinī mahāsattassa sattame attabhāve mātubhūtapubbā. Sā puttasinehena bodhisattaṃ niccaṃ āvajjeti, taṃ divasaṃ pana dibbasampattiṃ anubhavamānā na taṃ āvajjeti. ‘‘Devasamāgamaṃ gatā’’tipi vadantiyeva. Sā tassa visaññibhūtakāle ‘‘kiṃ nu kho me puttassa pavattī’’ti āvajjamānā addasa ‘‘ayaṃ pīḷiyakkho nāma rājā mama puttaṃ visapītena sallena vijjhitvā migasammatānadītīre vālukāpuline ghātetvā mahantena saddena paridevati. Sacāhaṃ na gamissāmi, mama putto suvaṇṇasāmo ettheva marissati, raññopi hadayaṃ phalissati, sāmassa mātāpitaropi nirāhārā pānīyampi alabhantā sussitvā marissanti. Mayi pana gatāya rājā pānīyaghaṭaṃ ādāya tassa mātāpitūnaṃ santikaṃ gamissati, gantvā ca pana ‘‘putto vo mayā hato’ti kathessati. Evañca vatvā tesaṃ vacanaṃ sutvā te puttassa santikaṃ ānayissati. Atha kho te ca ahañca saccakiriyaṃ karissāma, saccabalena sāmassa visaṃ vinassissati. Evaṃ me putto jīvitaṃ labhissati, mātāpitaro ca cakkhūni labhissanti, rājā ca sāmassa dhammadesanaṃ sutvā nagaraṃ gantvā mahādānaṃ datvā saggaparāyaṇo bhavissati, tasmā gacchāmahaṃ tatthā’’ti. Sā gantvā migasammatānadītīre adissamānena kāyena ākāse ṭhatvā raññā saddhiṃ kathesi. Tamatthaṃ pakāsento satthā āha –

334.

‘‘саа д̣̇звад̇аа анд̇арахид̇аа, баб̣б̣ад̇з г̇анд̇хамаад̣̇анз;

‘‘Sā devatā antarahitā, pabbate gandhamādane;

ран̃н̃ова анугамбааяа, имаа г̇аат̇аа абхаасат̇а.

Raññova anukampāya, imā gāthā abhāsatha.

335.

‘‘ааг̇ум̣ гира махаарааж̇а, агари гаммад̣̇уггадам̣;

‘‘Āguṃ kira mahārāja, akari kammadukkaṭaṃ;

ад̣̇уусагаа бид̇аабуд̇д̇аа, д̇аяо згуусунаа хад̇аа.

Adūsakā pitāputtā, tayo ekūsunā hatā.

336.

‘‘зхи д̇ам̣ анусигкаами, яат̇аа д̇з суг̇ад̇ий сияаа;

‘‘Ehi taṃ anusikkhāmi, yathā te sugatī siyā;

д̇хаммзнанд̇хз ванз боса, ман̃н̃зхам̣ суг̇ад̇ий д̇аяаа’’д̇и.

Dhammenandhe vane posa, maññehaṃ sugatī tayā’’ti.

д̇ад̇т̇а ран̃н̃оваад̇и ран̃н̃оязва. ааг̇ум̣ гираад̇и махаарааж̇а, д̇вам̣ махаабараад̇хам̣ махаабаабам̣ агари. д̣̇уггаданд̇и яам̣ гад̇ам̣ д̣̇уггадам̣ ход̇и, д̇ам̣ лаамагагаммам̣ агари. ад̣̇уусагаад̇и нид̣̇д̣̇осаа. бид̇аабуд̇д̇аад̇и маад̇аа жа бид̇аа жа буд̇д̇о жа имз д̇аяо ж̇анаа згаусунаа хад̇аа. д̇асмин̃хи хад̇з д̇аббадиб̣ад̣̇д̇хаа д̇асса маад̇аабид̇ароби хад̇аава хонд̇и. анусигкаамийд̇и сигкаабзми анусаасаами. босаад̇и саамасса таанз тад̇ваа синзхам̣ бажжубадтаабзд̇ваа саамо вияа д̇з убхо анд̇хз босзхи. ман̃н̃зхам̣ суг̇ад̇ий д̇аяаад̇и звам̣ д̇аяаа суг̇ад̇иязва г̇анд̇аб̣б̣аа бхависсад̇ийд̇и ахам̣ ман̃н̃аами.

Tattha raññovāti raññoyeva. Āguṃ kirāti mahārāja, tvaṃ mahāparādhaṃ mahāpāpaṃ akari. Dukkaṭanti yaṃ kataṃ dukkaṭaṃ hoti, taṃ lāmakakammaṃ akari. Adūsakāti niddosā. Pitāputtāti mātā ca pitā ca putto ca ime tayo janā ekausunā hatā. Tasmiñhi hate tappaṭibaddhā tassa mātāpitaropi hatāva honti. Anusikkhāmīti sikkhāpemi anusāsāmi. Posāti sāmassa ṭhāne ṭhatvā sinehaṃ paccupaṭṭhāpetvā sāmo viya te ubho andhe posehi. Maññehaṃ sugatī tayāti evaṃ tayā sugatiyeva gantabbā bhavissatīti ahaṃ maññāmi.

со д̣̇звад̇ааяа важанам̣ суд̇ваа ‘‘ахам̣ гира д̇асса маад̇аабид̇аро босзд̇ваа саг̇г̇ам̣ г̇амиссаамий’’д̇и сад̣̇д̣̇ахид̇ваа ‘‘гим̣ мз раж̇ж̇зна, д̇зязва босзссаамий’’д̇и д̣̇ал̣хам̣ ад̇хидтааяа б̣алавабарид̣̇звам̣ барид̣̇званд̇о согам̣ д̇анугам̣ гад̇ваа ‘‘суван̣н̣асаамо мад̇о бхависсад̇ий’’д̇и наанаабубпзхи д̇асса сарийрам̣ бууж̇зд̇ваа уд̣̇агзна син̃жид̇ваа д̇игкад̇д̇ум̣ бад̣̇агкин̣ам̣ гад̇ваа жад̇уусу таанзсу ванд̣̇ид̇ваа д̇зна буурид̇ам̣ уд̣̇агагхадам̣ аад̣̇ааяа д̣̇оманассаббад̇д̇о д̣̇агкин̣ад̣̇исаабхимуко аг̇амааси. д̇амад̇т̇ам̣ багаасзнд̇о сад̇т̇аа ааха –

So devatāya vacanaṃ sutvā ‘‘ahaṃ kira tassa mātāpitaro posetvā saggaṃ gamissāmī’’ti saddahitvā ‘‘kiṃ me rajjena, teyeva posessāmī’’ti daḷhaṃ adhiṭṭhāya balavaparidevaṃ paridevanto sokaṃ tanukaṃ katvā ‘‘suvaṇṇasāmo mato bhavissatī’’ti nānāpupphehi tassa sarīraṃ pūjetvā udakena siñcitvā tikkhattuṃ padakkhiṇaṃ katvā catūsu ṭhānesu vanditvā tena pūritaṃ udakaghaṭaṃ ādāya domanassappatto dakkhiṇadisābhimukho agamāsi. Tamatthaṃ pakāsento satthā āha –

337.

‘‘са рааж̇аа барид̣̇звид̇ваа, б̣ахум̣ гаарун̃н̃асан̃хид̇ам̣;

‘‘Sa rājā paridevitvā, bahuṃ kāruññasañhitaṃ;

уд̣̇агагумбхамаад̣̇ааяа, баггаами д̣̇агкин̣аамуко’’д̇и.

Udakakumbhamādāya, pakkāmi dakkhiṇāmukho’’ti.

багад̇ияааби махаат̇аамо рааж̇аа баанийяагхадам̣ аад̣̇ааяа г̇ажчанд̇о ассамабад̣̇ам̣ годдзнд̇о вияа бависид̇ваа д̣̇угуулабан̣д̣ид̇асса бан̣н̣асаалаад̣̇ваарам̣ самбаабун̣и. д̣̇угуулабан̣д̣ид̇о анд̇о нисиннова д̇асса бад̣̇асад̣̇д̣̇ам̣ суд̇ваа ‘‘нааяам̣ саамасса бад̣̇асад̣̇д̣̇о, гасса ну ко’’д̇и бужчанд̇о г̇аат̇аад̣̇ваяамааха –

Pakatiyāpi mahāthāmo rājā pānīyaghaṭaṃ ādāya gacchanto assamapadaṃ koṭṭento viya pavisitvā dukūlapaṇḍitassa paṇṇasālādvāraṃ sampāpuṇi. Dukūlapaṇḍito anto nisinnova tassa padasaddaṃ sutvā ‘‘nāyaṃ sāmassa padasaddo, kassa nu kho’’ti pucchanto gāthādvayamāha –

338.

‘‘гасса ну зсо бад̣̇асад̣̇д̣̇о, мануссассзва ааг̇ад̇о;

‘‘Kassa nu eso padasaddo, manussasseva āgato;

нзсо саамасса ниг̇гхосо, го ну д̇вамаси маариса.

Neso sāmassa nigghoso, ko nu tvamasi mārisa.

339.

‘‘санд̇ан̃хи саамо важ̇ад̇и, санд̇ам̣ баад̣̇аани нзяад̇и;

‘‘Santañhi sāmo vajati, santaṃ pādāni neyati;

нзсо саамасса ниг̇гхосо, го ну д̇вамаси маарисаа’’д̇и.

Neso sāmassa nigghoso, ko nu tvamasi mārisā’’ti.

д̇ад̇т̇а мануссассзваад̇и нааяам̣ сийхаб̣яаг̇гхад̣̇ийбияагканааг̇агиннараанам̣, ааг̇ажчад̇о бана мануссассзвааяам̣ бад̣̇асад̣̇д̣̇о, нзсо саамассаад̇и. санд̇ам̣ хийд̇и убасамаяуд̇д̇ам̣ зва. важ̇ад̇ийд̇и жан̇гамад̇и. нзяад̇ийд̇и бад̇идтаабзд̇и.

Tattha manussassevāti nāyaṃ sīhabyagghadīpiyakkhanāgakinnarānaṃ, āgacchato pana manussassevāyaṃ padasaddo, neso sāmassāti. Santaṃ hīti upasamayuttaṃ eva. Vajatīti caṅkamati. Neyatīti patiṭṭhāpeti.

д̇ам̣ суд̇ваа рааж̇аа ‘‘сажаахам̣ ад̇д̇ано рааж̇абхаавам̣ агат̇зд̇ваа ‘маяаа д̇умхаагам̣ буд̇д̇о маарид̇о’д̇и вагкаами, имз гуж̇жхид̇ваа маяаа сад̣̇д̇хим̣ парусам̣ гат̇зссанд̇и. звам̣ мз д̇зсу год̇хо уббаж̇ж̇иссад̇и, ат̇а нз вихзтзссаами, д̇ам̣ мама агусалам̣ бхависсад̇и, ‘рааж̇аа’д̇и бана вуд̇д̇з абхааяанд̇аа наама над̇т̇и, д̇асмаа рааж̇абхаавам̣ д̇аава гат̇зссаамий’’д̇и жинд̇зд̇ваа баанийяамаал̣агз баанийяагхадам̣ табзд̇ваа бан̣н̣асаалаад̣̇ваарз тад̇ваа ааха –

Taṃ sutvā rājā ‘‘sacāhaṃ attano rājabhāvaṃ akathetvā ‘mayā tumhākaṃ putto mārito’ti vakkhāmi, ime kujjhitvā mayā saddhiṃ pharusaṃ kathessanti. Evaṃ me tesu kodho uppajjissati, atha ne viheṭhessāmi, taṃ mama akusalaṃ bhavissati, ‘rājā’ti pana vutte abhāyantā nāma natthi, tasmā rājabhāvaṃ tāva kathessāmī’’ti cintetvā pānīyamāḷake pānīyaghaṭaṃ ṭhapetvā paṇṇasālādvāre ṭhatvā āha –

340.

‘‘рааж̇аахамасми гаасийнам̣, бийл̣ияагкод̇и мам̣ вид̣̇уу;

‘‘Rājāhamasmi kāsīnaṃ, pīḷiyakkhoti maṃ vidū;

лобхаа радтам̣ бахид̇ваана, миг̇амзсам̣ жараамахам̣.

Lobhā raṭṭhaṃ pahitvāna, migamesaṃ carāmahaṃ.

341.

‘‘иссад̇т̇з жасми гусало, д̣̇ал̣хад̇хаммод̇и виссуд̇о;

‘‘Issatthe casmi kusalo, daḷhadhammoti vissuto;

нааг̇оби мз на мужжзяяа, ааг̇ад̇о усубаад̇ана’’нд̇и.

Nāgopi me na mucceyya, āgato usupātana’’nti.

д̣̇угуулабан̣д̣ид̇оби д̇зна сад̣̇д̇хим̣ бадисант̇аарам̣ гаронд̇о ааха –

Dukūlapaṇḍitopi tena saddhiṃ paṭisanthāraṃ karonto āha –

342.

‘‘свааг̇ад̇ам̣ д̇з махаарааж̇а, ат̇о д̇з ад̣̇урааг̇ад̇ам̣;

‘‘Svāgataṃ te mahārāja, atho te adurāgataṃ;

иссароси ануббад̇д̇о, яам̣ ид̇хад̇т̇и бавзд̣̇аяа.

Issarosi anuppatto, yaṃ idhatthi pavedaya.

343.

‘‘д̇инд̣̇угаани бияаалаани, мад̇хугз гаасумаарияо;

‘‘Tindukāni piyālāni, madhuke kāsumāriyo;

палаани куд̣̇д̣̇агаббаани, бхун̃ж̇а рааж̇а варам̣ варам̣.

Phalāni khuddakappāni, bhuñja rāja varaṃ varaṃ.

344.

‘‘ид̣̇амби баанийяам̣ сийд̇ам̣, аабхад̇ам̣ г̇ириг̇аб̣бхараа;

‘‘Idampi pānīyaṃ sītaṃ, ābhataṃ girigabbharā;

д̇ад̇о бива махаарааж̇а, сажз д̇вам̣ абхиган̇касий’’д̇и;

Tato piva mahārāja, sace tvaṃ abhikaṅkhasī’’ti;

д̇ассад̇т̇о сад̇д̇иг̇умб̣аж̇аад̇агз (ж̇аа. 1.15.159 аад̣̇аяо) гат̇ид̇о. ид̇ха бана ‘‘г̇ириг̇аб̣бхараа’’д̇и миг̇асаммад̇ам̣ санд̇хааяа вуд̇д̇ам̣. саа хи над̣̇ий г̇ириг̇аб̣бхараа нигканд̇ад̇д̇аа ‘‘г̇ириг̇аб̣бхараа’’ д̇взва ж̇аад̇аа.

Tassattho sattigumbajātake (jā. 1.15.159 ādayo) kathito. Idha pana ‘‘girigabbharā’’ti migasammataṃ sandhāya vuttaṃ. Sā hi nadī girigabbharā nikkhantattā ‘‘girigabbharā’’ tveva jātā.

звам̣ д̇зна бадисант̇аарз гад̇з рааж̇аа ‘‘буд̇д̇о во маяаа маарид̇о’’д̇и батамамзва вад̇д̇ум̣ аяуд̇д̇ам̣, аж̇аананд̇о вияа гат̇ам̣ самудтаабзд̇ваа гат̇зссаамий’’д̇и жинд̇зд̇ваа ааха –

Evaṃ tena paṭisanthāre kate rājā ‘‘putto vo mayā mārito’’ti paṭhamameva vattuṃ ayuttaṃ, ajānanto viya kathaṃ samuṭṭhāpetvā kathessāmī’’ti cintetvā āha –

345.

‘‘наалам̣ анд̇хаа ванз д̣̇адтум̣, го ну во паламаахари;

‘‘Nālaṃ andhā vane daṭṭhuṃ, ko nu vo phalamāhari;

ананд̇хассзваяам̣ саммаа, ниваабо маяха кааяад̇ий’’д̇и.

Anandhassevayaṃ sammā, nivāpo mayha khāyatī’’ti.

д̇ад̇т̇а нааланд̇и д̇умхз анд̇хаа имасмим̣ ванз гин̃жи д̣̇адтум̣ на самад̇т̇аа. го ну во паламаахарийд̇и го ну д̇умхаагам̣ имаани палаапалаани аахари. ниваабод̇и аяам̣ саммаа наязна убааязна гааран̣зна гад̇о каад̣̇ид̇аб̣б̣аяуд̇д̇агаанам̣ барисуд̣̇д̇хаанам̣ палаапалаанам̣ ниваабо саннижаяо ананд̇хасса вияа маяхам̣ кааяад̇и бан̃н̃ааяад̇и убадтаад̇и.

Tattha nālanti tumhe andhā imasmiṃ vane kiñci daṭṭhuṃ na samatthā. Ko nu vo phalamāharīti ko nu tumhākaṃ imāni phalāphalāni āhari. Nivāpoti ayaṃ sammā nayena upāyena kāraṇena kato khāditabbayuttakānaṃ parisuddhānaṃ phalāphalānaṃ nivāpo sannicayo anandhassa viya mayhaṃ khāyati paññāyati upaṭṭhāti.

д̇ам̣ суд̇ваа д̣̇угуулабан̣д̣ид̇о ‘‘махаарааж̇а, на маяам̣ палаапалаани аахараама, буд̇д̇о бана но аахарад̇ий’’д̇и д̣̇ассзнд̇о г̇аат̇аад̣̇ваяамааха –

Taṃ sutvā dukūlapaṇḍito ‘‘mahārāja, na mayaṃ phalāphalāni āharāma, putto pana no āharatī’’ti dassento gāthādvayamāha –

346.

‘‘д̣̇ахаро яуваа наад̇иб̣рахаа, саамо галяаан̣ад̣̇ассано;

‘‘Daharo yuvā nātibrahā, sāmo kalyāṇadassano;

д̣̇ийгхасса гзсаа асид̇аа, ат̇о суунаг̇г̇авзллид̇аа.

Dīghassa kesā asitā, atho sūnaggavellitā.

347.

‘‘со хавз паламаахарид̇ваа, ид̇о аад̣̇ааяа гаман̣д̣алум̣;

‘‘So have phalamāharitvā, ito ādāya kamaṇḍaluṃ;

над̣̇им̣ г̇ад̇о уд̣̇ахааро, ман̃н̃з на д̣̇уурамааг̇ад̇о’’д̇и.

Nadiṃ gato udahāro, maññe na dūramāgato’’ti.

д̇ад̇т̇а наад̇иб̣рахаад̇и наад̇ид̣̇ийгхо наад̇ирассо. суунаг̇г̇авзллид̇аад̇и суунасан̇каад̇ааяа мам̣сагодданабод̇т̇анияаа аг̇г̇ам̣ вияа винад̇аа. гаман̣д̣алунд̇и гхадам̣. на д̣̇уурамааг̇ад̇од̇и ид̣̇аани на д̣̇уурам̣ ааг̇ад̇о, аасаннадтаанам̣ ааг̇ад̇о бхависсад̇ийд̇и ман̃н̃аамийд̇и ад̇т̇о.

Tattha nātibrahāti nātidīgho nātirasso. Sūnaggavellitāti sūnasaṅkhātāya maṃsakoṭṭanapotthaniyā aggaṃ viya vinatā. Kamaṇḍalunti ghaṭaṃ. Na dūramāgatoti idāni na dūraṃ āgato, āsannaṭṭhānaṃ āgato bhavissatīti maññāmīti attho.

д̇ам̣ суд̇ваа рааж̇аа ааха –

Taṃ sutvā rājā āha –

348.

‘‘ахам̣ д̇ам̣ авад̇хим̣ саамам̣, яо д̇уяхам̣ барижаараго;

‘‘Ahaṃ taṃ avadhiṃ sāmaṃ, yo tuyhaṃ paricārako;

яам̣ гумаарам̣ бавзд̣̇зт̇а, саамам̣ галяаан̣ад̣̇ассанам̣.

Yaṃ kumāraṃ pavedetha, sāmaṃ kalyāṇadassanaṃ.

349.

‘‘д̣̇ийгхасса гзсаа асид̇аа, ат̇о суунаг̇г̇авзллид̇аа;

‘‘Dīghassa kesā asitā, atho sūnaggavellitā;

д̇зсу лохид̇алид̇д̇зсу, сзд̇и саамо махаа хад̇о’’д̇и.

Tesu lohitalittesu, seti sāmo mahā hato’’ti.

д̇ад̇т̇а авад̇хинд̇и висабийд̇зна сарзна виж̇жхид̇ваа маарзсим̣. бавзд̣̇зт̇аад̇и гат̇зт̇а. сзд̇ийд̇и миг̇асаммад̇аанад̣̇ийд̇ийрз ваалугаабулинз саяад̇и.

Tattha avadhinti visapītena sarena vijjhitvā māresiṃ. Pavedethāti kathetha. Setīti migasammatānadītīre vālukāpuline sayati.

д̣̇угуулабан̣д̣ид̇асса бана авид̣̇уурз бааригааяа бан̣н̣асаалаа ход̇и. саа д̇ад̇т̇а нисиннаава ран̃н̃о важанам̣ суд̇ваа д̇ам̣ бавад̇д̇им̣ сод̇угаамаа ад̇д̇ано бан̣н̣асаалад̇о нигкамид̇ваа раж̇ж̇угасан̃н̃ааяа д̣̇угуулабан̣д̣ид̇асса санд̇игам̣ г̇анд̇ваа ааха –

Dukūlapaṇḍitassa pana avidūre pārikāya paṇṇasālā hoti. Sā tattha nisinnāva rañño vacanaṃ sutvā taṃ pavattiṃ sotukāmā attano paṇṇasālato nikkhamitvā rajjukasaññāya dukūlapaṇḍitassa santikaṃ gantvā āha –

350.

‘‘гзна д̣̇угуула манд̇зси, ‘хад̇о саамо’д̇и ваад̣̇инаа;

‘‘Kena dukūla mantesi, ‘hato sāmo’ti vādinā;

‘хад̇о саамо’д̇и суд̇ваана, хад̣̇аяам̣ мз бавзд̇хад̇и.

‘Hato sāmo’ti sutvāna, hadayaṃ me pavedhati.

351.

‘‘ассад̇т̇ассзва д̇арун̣ам̣, баваал̣ам̣ маалуд̇зрид̇ам̣;

‘‘Assatthasseva taruṇaṃ, pavāḷaṃ māluteritaṃ;

‘хад̇о саамо’д̇и суд̇ваана, хад̣̇аяам̣ мз бавзд̇хад̇ий’’д̇и.

‘Hato sāmo’ti sutvāna, hadayaṃ me pavedhatī’’ti.

д̇ад̇т̇а ваад̣̇инаад̇и ‘‘маяаа саамо хад̇о’’д̇и вад̣̇анд̇зна. баваал̣анд̇и баллавам̣. маалуд̇зрид̇анд̇и ваад̇зна бахадам̣.

Tattha vādināti ‘‘mayā sāmo hato’’ti vadantena. Pavāḷanti pallavaṃ. Māluteritanti vātena pahaṭaṃ.

д̣̇угуулабан̣д̣ид̇о овад̣̇анд̇о ааха –

Dukūlapaṇḍito ovadanto āha –

352.

‘‘бааригз гаасирааж̇ааяам̣, со саамам̣ миг̇асаммад̇з;

‘‘Pārike kāsirājāyaṃ, so sāmaṃ migasammate;

год̇хасаа усунаа виж̇жхи, д̇асса маа баабамижчимхаа’’д̇и.

Kodhasā usunā vijjhi, tassa mā pāpamicchimhā’’ti.

д̇ад̇т̇а миг̇асаммад̇зд̇и миг̇асаммад̇аанад̣̇ийд̇ийрз. год̇хасаад̇и миг̇зсу уббаннзна год̇хзна. маа баабамижчимхаад̇и д̇асса маяам̣ убхоби баабам̣ маа ижчимхаа.

Tattha migasammateti migasammatānadītīre. Kodhasāti migesu uppannena kodhena. Mā pāpamicchimhāti tassa mayaṃ ubhopi pāpaṃ mā icchimhā.

буна бааригаа ааха –

Puna pārikā āha –

353.

‘‘гижчаа лад̣̇д̇хо бияо буд̇д̇о, яо анд̇хз абхарий ванз;

‘‘Kicchā laddho piyo putto, yo andhe abharī vane;

д̇ам̣ згабуд̇д̇ам̣ гхаад̇имхи, гат̇ам̣ жид̇д̇ам̣ на гобаяз’’д̇и.

Taṃ ekaputtaṃ ghātimhi, kathaṃ cittaṃ na kopaye’’ti.

д̇ад̇т̇а гхаад̇имхийд̇и гхаад̇агз.

Tattha ghātimhīti ghātake.

д̣̇угуулабан̣д̣ид̇о ааха –

Dukūlapaṇḍito āha –

354.

‘‘гижчаа лад̣̇д̇хо бияо буд̇д̇о, яо анд̇хз абхарий ванз;

‘‘Kicchā laddho piyo putto, yo andhe abharī vane;

д̇ам̣ згабуд̇д̇ам̣ гхаад̇имхи, аггод̇хам̣ ааху бан̣д̣ид̇аа’’д̇и.

Taṃ ekaputtaṃ ghātimhi, akkodhaṃ āhu paṇḍitā’’ti.

д̇ад̇т̇а аггод̇ханд̇и год̇хо наама нираяасам̣вад̇д̇аниго, д̇асмаа д̇ам̣ год̇хам̣ агад̇ваа буд̇д̇агхаад̇агамхи аггод̇хо зва гад̇д̇аб̣б̣од̇и бан̣д̣ид̇аа ааху гат̇знд̇и.

Tattha akkodhanti kodho nāma nirayasaṃvattaniko, tasmā taṃ kodhaṃ akatvā puttaghātakamhi akkodho eva kattabboti paṇḍitā āhu kathenti.

зван̃жа бана вад̇ваа д̇з убхохи хад̇т̇зхи урам̣ бахарид̇ваа махаасад̇д̇асса г̇ун̣з ван̣н̣зд̇ваа бхусам̣ барид̣̇звим̣су. ат̇а нз рааж̇аа самассаасзнд̇о ааха –

Evañca pana vatvā te ubhohi hatthehi uraṃ paharitvā mahāsattassa guṇe vaṇṇetvā bhusaṃ parideviṃsu. Atha ne rājā samassāsento āha –

355.

‘‘маа б̣аал̣хам̣ барид̣̇звзт̇а, ‘хад̇о саамо’д̇и ваад̣̇инаа;

‘‘Mā bāḷhaṃ paridevetha, ‘hato sāmo’ti vādinā;

ахам̣ гаммагаро худ̇ваа, бхариссаами б̣рахааванз.

Ahaṃ kammakaro hutvā, bharissāmi brahāvane.

356.

‘‘иссад̇т̇з жасми гусало, д̣̇ал̣хад̇хаммод̇и виссуд̇о;

‘‘Issatthe casmi kusalo, daḷhadhammoti vissuto;

ахам̣ гаммагаро худ̇ваа, бхариссаами б̣рахааванз.

Ahaṃ kammakaro hutvā, bharissāmi brahāvane.

357.

‘‘миг̇аанам̣ вигхаасаманвзсам̣, ванамуулапалаани жа;

‘‘Migānaṃ vighāsamanvesaṃ, vanamūlaphalāni ca;

ахам̣ гаммагаро худ̇ваа, бхариссаами б̣рахааванз’’д̇и.

Ahaṃ kammakaro hutvā, bharissāmi brahāvane’’ti.

д̇ад̇т̇а ваад̣̇инаад̇и д̇умхз ‘‘саамо хад̇о’’д̇и вад̣̇анд̇зна маяаа сад̣̇д̇хим̣ ‘‘д̇аяаа но звам̣ г̇ун̣асамбанно буд̇д̇о маарид̇о, ид̣̇аани го амхз бхариссад̇ий’’д̇иаад̣̇ийни вад̇ваа маа б̣аал̣хам̣ барид̣̇звзт̇а, ахам̣ д̇умхаагам̣ гаммагаро худ̇ваа саамо вияа д̇умхз бхариссаамийд̇и.

Tattha vādināti tumhe ‘‘sāmo hato’’ti vadantena mayā saddhiṃ ‘‘tayā no evaṃ guṇasampanno putto mārito, idāni ko amhe bharissatī’’tiādīni vatvā mā bāḷhaṃ paridevetha, ahaṃ tumhākaṃ kammakaro hutvā sāmo viya tumhe bharissāmīti.

звам̣ рааж̇аа ‘‘д̇умхз маа жинд̇аяид̇т̇а, на маяхам̣ раж̇ж̇знад̇т̇о, ахам̣ во яааваж̇ийвам̣ бхариссаамий’’д̇и д̇з ассаасзси. д̇з д̇зна сад̣̇д̇хим̣ саллабанд̇аа аахам̣су –

Evaṃ rājā ‘‘tumhe mā cintayittha, na mayhaṃ rajjenattho, ahaṃ vo yāvajīvaṃ bharissāmī’’ti te assāsesi. Te tena saddhiṃ sallapantā āhaṃsu –

358.

‘‘нзса д̇хаммо махаарааж̇а, нзд̇ам̣ амхзсу габбад̇и;

‘‘Nesa dhammo mahārāja, netaṃ amhesu kappati;

рааж̇аа д̇вамаси амхаагам̣, баад̣̇з ванд̣̇аама д̇з маяа’’нд̇и.

Rājā tvamasi amhākaṃ, pāde vandāma te maya’’nti.

д̇ад̇т̇а д̇хаммод̇и сабхааво гааран̣ам̣ ваа. нзд̇ам̣ амхзсу габбад̇ийд̇и зд̇ам̣ д̇ава гаммагаран̣ам̣ амхзсу на габбад̇и на собхад̇и. ‘‘баад̣̇з ванд̣̇аама д̇з маяа’’нд̇и ид̣̇ам̣ бана д̇з баб̣б̣аж̇ид̇алин̇г̇з тид̇ааби буд̇д̇асогзна самаб̣бхаахад̇ааяа жзва нихад̇амаанад̇ааяа жа вад̣̇им̣су. ‘‘ран̃н̃о виссаасам̣ уббаад̣̇зд̇ум̣ звамаахам̣суу’’д̇иби вад̣̇анд̇и.

Tattha dhammoti sabhāvo kāraṇaṃ vā. Netaṃ amhesu kappatīti etaṃ tava kammakaraṇaṃ amhesu na kappati na sobhati. ‘‘Pāde vandāma te maya’’nti idaṃ pana te pabbajitaliṅge ṭhitāpi puttasokena samabbhāhatāya ceva nihatamānatāya ca vadiṃsu. ‘‘Rañño vissāsaṃ uppādetuṃ evamāhaṃsū’’tipi vadanti.

д̇ам̣ суд̇ваа рааж̇аа ад̇ивияа д̇уссид̇ваа ‘‘ахо ажчарияам̣, звам̣ д̣̇осагаарагз наама маяи парусаважанамад̇д̇амби над̇т̇и, баг̇г̇ан̣ханд̇иязва мама’’нд̇и жинд̇зд̇ваа г̇аат̇амааха –

Taṃ sutvā rājā ativiya tussitvā ‘‘aho acchariyaṃ, evaṃ dosakārake nāma mayi pharusavacanamattampi natthi, paggaṇhantiyeva mama’’nti cintetvā gāthamāha –

359.

‘‘д̇хаммам̣ нзсаад̣̇аа бхан̣ат̇а, гад̇аа абажид̇ий д̇аяаа;

‘‘Dhammaṃ nesādā bhaṇatha, katā apacitī tayā;

бид̇аа д̇вамаси амхаагам̣, маад̇аа д̇вамаси бааригз’’д̇и.

Pitā tvamasi amhākaṃ, mātā tvamasi pārike’’ti.

д̇ад̇т̇а д̇аяаад̇и згзгам̣ вад̣̇анд̇о звамааха. бид̇аад̇и д̣̇угуулабан̣д̣ид̇а, аж̇ж̇а бадтааяа д̇вам̣ маяхам̣ бид̇удтаанз д̇идта, амма бааригз, д̇вамби мз маад̇удтаанз д̇идта, ахам̣ бана во буд̇д̇асса саамасса таанз тад̇ваа баад̣̇ад̇хованаад̣̇ийни саб̣б̣агижжаани гариссаами, мам̣ рааж̇аад̇и асаллагкзд̇ваа саамод̇и саллагкзт̇аад̇и.

Tattha tayāti ekekaṃ vadanto evamāha. Pitāti dukūlapaṇḍita, ajja paṭṭhāya tvaṃ mayhaṃ pituṭṭhāne tiṭṭha, amma pārike, tvampi me mātuṭṭhāne tiṭṭha, ahaṃ pana vo puttassa sāmassa ṭhāne ṭhatvā pādadhovanādīni sabbakiccāni karissāmi, maṃ rājāti asallakkhetvā sāmoti sallakkhethāti.

д̇з ан̃ж̇алим̣ баг̇г̇аяха ванд̣̇ид̇ваа ‘‘махаарааж̇а, д̇ава амхаагам̣ гаммагаран̣агижжам̣ над̇т̇и, абижа ко бана ладтигодияаа но г̇ахзд̇ваа аанзд̇ваа саамам̣ д̣̇ассзхий’’д̇и яаажанд̇аа г̇аат̇аад̣̇ваяамаахам̣су –

Te añjaliṃ paggayha vanditvā ‘‘mahārāja, tava amhākaṃ kammakaraṇakiccaṃ natthi, apica kho pana laṭṭhikoṭiyā no gahetvā ānetvā sāmaṃ dassehī’’ti yācantā gāthādvayamāhaṃsu –

360.

‘‘намо д̇з гаасирааж̇ад̇т̇у, намо д̇з гаасивад̣дхана;

‘‘Namo te kāsirājatthu, namo te kāsivaḍḍhana;

ан̃ж̇алим̣ д̇з баг̇г̇ан̣хаама, яаава саамаанубаабаяа.

Añjaliṃ te paggaṇhāma, yāva sāmānupāpaya.

361.

‘‘д̇асса баад̣̇з самаж̇ж̇анд̇аа, мукан̃жа бхуж̇ад̣̇ассанам̣;

‘‘Tassa pāde samajjantā, mukhañca bhujadassanaṃ;

сам̣сумбхамаанаа ад̇д̇аанам̣, гааламааг̇амаяаамасз’’д̇и.

Saṃsumbhamānā attānaṃ, kālamāgamayāmase’’ti.

д̇ад̇т̇а яаава саамаанубаабаяаад̇и яаава саамо яад̇т̇а, д̇ад̇т̇а амхз анубаабаяа. бхуж̇ад̣̇ассананд̇и галяаан̣ад̣̇ассанам̣ абхируубам̣. сам̣сумбхамаанаад̇и бот̇знд̇аа. гааламааг̇амаяаамасзд̇и гаалагирияам̣ ааг̇амзссаама.

Tattha yāva sāmānupāpayāti yāva sāmo yattha, tattha amhe anupāpaya. Bhujadassananti kalyāṇadassanaṃ abhirūpaṃ. Saṃsumbhamānāti pothentā. Kālamāgamayāmaseti kālakiriyaṃ āgamessāma.

д̇зсам̣ звам̣ гат̇знд̇аанан̃н̃зва суурияо ад̇т̇ан̇г̇ад̇о. ат̇а рааж̇аа ‘‘сажаахам̣ ид̣̇аанзва имз д̇ад̇т̇а нзссаами, д̇ам̣ д̣̇исваава нзсам̣ хад̣̇аяам̣ палиссад̇и, ид̇и д̇ин̣н̣амби зд̇зсам̣ мад̇агаалз ахам̣ нираяз уббаж̇ж̇анд̇оязва наама, д̇асмаа д̇зсам̣ г̇анд̇ум̣ на д̣̇ассаамий’’д̇и жинд̇зд̇ваа жад̇ассо г̇аат̇ааяо аж̇жхабхааси –

Tesaṃ evaṃ kathentānaññeva sūriyo atthaṅgato. Atha rājā ‘‘sacāhaṃ idāneva ime tattha nessāmi, taṃ disvāva nesaṃ hadayaṃ phalissati, iti tiṇṇampi etesaṃ matakāle ahaṃ niraye uppajjantoyeva nāma, tasmā tesaṃ gantuṃ na dassāmī’’ti cintetvā catasso gāthāyo ajjhabhāsi –

362.

‘‘б̣рахаа ваал̣амиг̇аагин̣н̣ам̣, аагаасанд̇ам̣ва д̣̇иссад̇и;

‘‘Brahā vāḷamigākiṇṇaṃ, ākāsantaṃva dissati;

яад̇т̇а саамо хад̇о сзд̇и, жанд̣̇ова бад̇ид̇о чамаа.

Yattha sāmo hato seti, candova patito chamā.

363.

‘‘б̣рахаа ваал̣амиг̇аагин̣н̣ам̣, аагаасанд̇ам̣ва д̣̇иссад̇и;

‘‘Brahā vāḷamigākiṇṇaṃ, ākāsantaṃva dissati;

яад̇т̇а саамо хад̇о сзд̇и, суурияова бад̇ид̇о чамаа.

Yattha sāmo hato seti, sūriyova patito chamā.

364.

‘‘б̣рахаа ваал̣амиг̇аагин̣н̣ам̣, аагаасанд̇ам̣ва д̣̇иссад̇и;

‘‘Brahā vāḷamigākiṇṇaṃ, ākāsantaṃva dissati;

яад̇т̇а саамо хад̇о сзд̇и, бам̣сунаа бад̇игунт̇ид̇о.

Yattha sāmo hato seti, paṃsunā patikunthito.

365.

‘‘б̣рахаа ваал̣амиг̇аагин̣н̣ам̣, аагаасанд̇ам̣ва д̣̇иссад̇и;

‘‘Brahā vāḷamigākiṇṇaṃ, ākāsantaṃva dissati;

яад̇т̇а саамо хад̇о сзд̇и, ид̇хзва васат̇ассамз’’д̇и.

Yattha sāmo hato seti, idheva vasathassame’’ti.

д̇ад̇т̇а б̣рахаад̇и ажжуг̇г̇ад̇ам̣. аагаасанд̇ам̣ваад̇и зд̇ам̣ ванам̣ аагаасасса анд̇о вияа худ̇ваа д̣̇иссад̇и. ат̇а ваа аагаасанд̇анд̇и аагаасамаанам̣, багаасамаананд̇и ад̇т̇о. чамаад̇и чамааяам̣, бат̇авияанд̇и ад̇т̇о. ‘‘чама’’нд̇иби баато, бат̇авим̣ бад̇ид̇о вияаад̇и ад̇т̇о. бад̇игунт̇ид̇од̇и баригин̣н̣о, баливзтид̇од̇и ад̇т̇о.

Tattha brahāti accuggataṃ. Ākāsantaṃvāti etaṃ vanaṃ ākāsassa anto viya hutvā dissati. Atha vā ākāsantanti ākāsamānaṃ, pakāsamānanti attho. Chamāti chamāyaṃ, pathaviyanti attho. ‘‘Chama’’ntipi pāṭho, pathaviṃ patito viyāti attho. Patikunthitoti parikiṇṇo, paliveṭhitoti attho.

ат̇а д̇з ад̇д̇ано ваал̣амиг̇абхаяаабхаавам̣ д̣̇ассзд̇ум̣ г̇аат̇амаахам̣су –

Atha te attano vāḷamigabhayābhāvaṃ dassetuṃ gāthamāhaṃsu –

366.

‘‘яад̣̇и д̇ад̇т̇а сахассаани, сад̇аани нияуд̇аани жа;

‘‘Yadi tattha sahassāni, satāni niyutāni ca;

нзвамхаагам̣ бхаяам̣ гожи, ванз ваал̣зсу виж̇ж̇ад̇ий’’д̇и.

Nevamhākaṃ bhayaṃ koci, vane vāḷesu vijjatī’’ti.

д̇ад̇т̇а гожийд̇и имасмим̣ ванз гад̇т̇ажи згасмим̣ бад̣̇зсзби амхаагам̣ ваал̣зсу бхаяам̣ наама над̇т̇и.

Tattha kocīti imasmiṃ vane katthaci ekasmiṃ padesepi amhākaṃ vāḷesu bhayaṃ nāma natthi.

рааж̇аа д̇з бадиб̣аахид̇ум̣ асаггонд̇о хад̇т̇зсу г̇ахзд̇ваа д̇ад̇т̇а нзси. д̇амад̇т̇ам̣ багаасзнд̇о сад̇т̇аа ааха –

Rājā te paṭibāhituṃ asakkonto hatthesu gahetvā tattha nesi. Tamatthaṃ pakāsento satthā āha –

367.

‘‘д̇ад̇о анд̇хаанамаад̣̇ааяа, гаасирааж̇аа б̣рахааванз;

‘‘Tato andhānamādāya, kāsirājā brahāvane;

хад̇т̇з г̇ахзд̇ваа баггаами, яад̇т̇а саамо хад̇о ахуу’’д̇и.

Hatthe gahetvā pakkāmi, yattha sāmo hato ahū’’ti.

д̇ад̇т̇а д̇ад̇од̇и д̇ад̣̇аа. анд̇хаананд̇и анд̇хз. ахууд̇и ахоси. яад̇т̇аад̇и яасмим̣ таанз со нибанно, д̇ад̇т̇а нзсийд̇и ад̇т̇о.

Tattha tatoti tadā. Andhānanti andhe. Ahūti ahosi. Yatthāti yasmiṃ ṭhāne so nipanno, tattha nesīti attho.

со аанзд̇ваа жа бана саамасса санд̇игз табзд̇ваа ‘‘аяам̣ во буд̇д̇о’’д̇и аажигки. ат̇асса бид̇аа сийсам̣ угкибид̇ваа маад̇аа баад̣̇з г̇ахзд̇ваа ууруусу табзд̇ваа нисийд̣̇ид̇ваа вилабим̣су. д̇амад̇т̇ам̣ багаасзнд̇о сад̇т̇аа ааха –

So ānetvā ca pana sāmassa santike ṭhapetvā ‘‘ayaṃ vo putto’’ti ācikkhi. Athassa pitā sīsaṃ ukkhipitvā mātā pāde gahetvā ūrūsu ṭhapetvā nisīditvā vilapiṃsu. Tamatthaṃ pakāsento satthā āha –

368.

‘‘д̣̇исваана бад̇ид̇ам̣ саамам̣, буд̇д̇агам̣ бам̣сугунт̇ид̇ам̣;

‘‘Disvāna patitaṃ sāmaṃ, puttakaṃ paṃsukunthitaṃ;

абавид̣̇д̇хам̣ б̣рахааран̃н̃з, жанд̣̇ам̣ва бад̇ид̇ам̣ чамаа.

Apaviddhaṃ brahāraññe, candaṃva patitaṃ chamā.

369.

‘‘д̣̇исваана бад̇ид̇ам̣ саамам̣, буд̇д̇агам̣ бам̣сугунт̇ид̇ам̣;

‘‘Disvāna patitaṃ sāmaṃ, puttakaṃ paṃsukunthitaṃ;

абавид̣̇д̇хам̣ б̣рахааран̃н̃з, суурияам̣ва бад̇ид̇ам̣ чамаа.

Apaviddhaṃ brahāraññe, sūriyaṃva patitaṃ chamā.

370.

‘‘д̣̇исваана бад̇ид̇ам̣ саамам̣, буд̇д̇агам̣ бам̣сугунт̇ид̇ам̣;

‘‘Disvāna patitaṃ sāmaṃ, puttakaṃ paṃsukunthitaṃ;

абавид̣̇д̇хам̣ б̣рахааран̃н̃з, галуунам̣ барид̣̇зваяум̣.

Apaviddhaṃ brahāraññe, kalūnaṃ paridevayuṃ.

371.

‘‘д̣̇исваана бад̇ид̇ам̣ саамам̣, буд̇д̇агам̣ бам̣сугунт̇ид̇ам̣;

‘‘Disvāna patitaṃ sāmaṃ, puttakaṃ paṃsukunthitaṃ;

б̣аахаа баг̇г̇аяха багганд̣̇ум̣, ‘ад̇хаммо гира бхо’ид̇и.

Bāhā paggayha pakkanduṃ, ‘adhammo kira bho’iti.

372.

‘‘б̣аал̣хам̣ ко д̇вам̣ бамад̇д̇оси, саама галяаан̣ад̣̇ассана;

‘‘Bāḷhaṃ kho tvaṃ pamattosi, sāma kalyāṇadassana;

яо аж̇ж̇звам̣ г̇ад̇з гаалз, на гин̃жи мабхибхаасаси.

Yo ajjevaṃ gate kāle, na kiñci mabhibhāsasi.

373.

‘‘б̣аал̣хам̣ ко д̇вам̣ бад̣̇ид̇д̇оси, саама галяаан̣ад̣̇ассана;

‘‘Bāḷhaṃ kho tvaṃ padittosi, sāma kalyāṇadassana;

яо аж̇ж̇звам̣ г̇ад̇з гаалз, на гин̃жи мабхибхаасаси.

Yo ajjevaṃ gate kāle, na kiñci mabhibhāsasi.

374.

‘‘б̣аал̣хам̣ ко д̇вам̣ багуд̣̇д̇хоси, саама галяаан̣ад̣̇ассана;

‘‘Bāḷhaṃ kho tvaṃ pakuddhosi, sāma kalyāṇadassana;

яо аж̇ж̇звам̣ г̇ад̇з гаалз, на гин̃жи мабхибхаасад̇и.

Yo ajjevaṃ gate kāle, na kiñci mabhibhāsati.

375.

‘‘б̣аал̣хам̣ ко д̇вам̣ басуд̇д̇оси, саама галяаан̣ад̣̇ассана;

‘‘Bāḷhaṃ kho tvaṃ pasuttosi, sāma kalyāṇadassana;

яо аж̇ж̇звам̣ г̇ад̇з гаалз, на гин̃жи мабхибхаасаси.

Yo ajjevaṃ gate kāle, na kiñci mabhibhāsasi.

376.

‘‘б̣аал̣хам̣ ко д̇вам̣ виманоси, саама галяаан̣ад̣̇ассана;

‘‘Bāḷhaṃ kho tvaṃ vimanosi, sāma kalyāṇadassana;

яо аж̇ж̇звам̣ г̇ад̇з гаалз, на гин̃жи мабхибхаасаси.

Yo ajjevaṃ gate kāle, na kiñci mabhibhāsasi.

377.

‘‘ж̇адам̣ валинам̣ бам̣суг̇ад̇ам̣, год̣̇аани сан̣табзссад̇и;

‘‘Jaṭaṃ valinaṃ paṃsugataṃ, kodāni saṇṭhapessati;

саамо аяам̣ гаалагад̇о, анд̇хаанам̣ барижаараго.

Sāmo ayaṃ kālakato, andhānaṃ paricārako.

378.

‘‘го мз саммаж̇ж̇амаад̣̇ааяа, саммаж̇ж̇иссад̇и ассамам̣;

‘‘Ko me sammajjamādāya, sammajjissati assamaṃ;

саамо аяам̣ гаалагад̇о, анд̇хаанам̣ барижаараго.

Sāmo ayaṃ kālakato, andhānaṃ paricārako.

379.

‘‘год̣̇аани нхаабаяиссад̇и, сийд̇знун̣ход̣̇агзна жа;

‘‘Kodāni nhāpayissati, sītenuṇhodakena ca;

саамо аяам̣ гаалагад̇о, анд̇хаанам̣ барижаараго.

Sāmo ayaṃ kālakato, andhānaṃ paricārako.

380.

‘‘год̣̇аани бхож̇аяиссад̇и, ванамуулапалаани жа;

‘‘Kodāni bhojayissati, vanamūlaphalāni ca;

саамо аяам̣ гаалагад̇о, анд̇хаанам̣ барижаараго’’д̇и.

Sāmo ayaṃ kālakato, andhānaṃ paricārako’’ti.

д̇ад̇т̇а абавид̣̇д̇ханд̇и ран̃н̃аа нирад̇т̇агам̣ чад̣д̣ид̇ам̣. ад̇хаммо гира бхо ид̇ийд̇и аяуд̇д̇ам̣ гира бхо, аж̇ж̇а имасмим̣ логз вад̇д̇ад̇и. бамад̇д̇од̇и д̇икин̣асурам̣ бивид̇ваа вияа мад̇д̇о бамад̇д̇о бамаад̣̇ам̣ аабанно. бад̣̇ид̇д̇од̇и д̣̇аббид̇о. ‘‘багуд̣̇д̇хоси виманосий’’д̇и саб̣б̣ам̣ вилаабавасзна бхан̣анд̇и. ж̇аданд̇и д̇аад̇а , амхаагам̣ ж̇адааман̣д̣алам̣. валинам̣ бам̣суг̇ад̇анд̇и яад̣̇аа аагулам̣ малаг̇г̇ахид̇ам̣ бхависсад̇и. год̣̇аанийд̇и ид̣̇аани го сан̣табзссад̇и, сод̇хзд̇ваа уж̇ум̣ гариссад̇ийд̇и.

Tattha apaviddhanti raññā niratthakaṃ chaḍḍitaṃ. Adhammo kira bho itīti ayuttaṃ kira bho, ajja imasmiṃ loke vattati. Pamattoti tikhiṇasuraṃ pivitvā viya matto pamatto pamādaṃ āpanno. Padittoti dappito. ‘‘Pakuddhosi vimanosī’’ti sabbaṃ vilāpavasena bhaṇanti. Jaṭanti tāta , amhākaṃ jaṭāmaṇḍalaṃ. Valinaṃ paṃsugatanti yadā ākulaṃ malaggahitaṃ bhavissati. Kodānīti idāni ko saṇṭhapessati, sodhetvā ujuṃ karissatīti.

ат̇асса маад̇аа б̣ахум̣ вилабид̇ваа д̇асса урз хад̇т̇ам̣ табзд̇ваа санд̇аабам̣ убад̇хаарзнд̇ий ‘‘буд̇д̇асса мз санд̇аабо бавад̇д̇ад̇иязва, висавзг̇зна висан̃н̃ид̇ам̣ аабанно бхависсад̇и, ниб̣б̣исабхаавад̇т̇ааяа жасса сажжагирияам̣ гариссаамий’’д̇и жинд̇зд̇ваа сажжагирияамагааси. д̇амад̇т̇ам̣ багаасзнд̇о сад̇т̇аа ааха –

Athassa mātā bahuṃ vilapitvā tassa ure hatthaṃ ṭhapetvā santāpaṃ upadhārentī ‘‘puttassa me santāpo pavattatiyeva, visavegena visaññitaṃ āpanno bhavissati, nibbisabhāvatthāya cassa saccakiriyaṃ karissāmī’’ti cintetvā saccakiriyamakāsi. Tamatthaṃ pakāsento satthā āha –

381.

‘‘д̣̇исваана бад̇ид̇ам̣ саамам̣, буд̇д̇агам̣ бам̣сугунт̇ид̇ам̣;

‘‘Disvāna patitaṃ sāmaṃ, puttakaṃ paṃsukunthitaṃ;

аддид̇аа буд̇д̇асогзна, маад̇аа сажжам̣ абхаасат̇а.

Aṭṭitā puttasokena, mātā saccaṃ abhāsatha.

382.

‘‘язна сажжзнаяам̣ саамо, д̇хаммажаарий бурз аху;

‘‘Yena saccenayaṃ sāmo, dhammacārī pure ahu;

зд̇зна сажжаваж̇ж̇зна, висам̣ саамасса хан̃н̃ад̇у.

Etena saccavajjena, visaṃ sāmassa haññatu.

383.

‘‘язна сажжзнаяам̣ саамо, б̣рахмажаарий бурз аху;

‘‘Yena saccenayaṃ sāmo, brahmacārī pure ahu;

зд̇зна сажжаваж̇ж̇зна, висам̣ саамасса хан̃н̃ад̇у.

Etena saccavajjena, visaṃ sāmassa haññatu.

384.

‘‘язна сажжзнаяам̣ саамо, сажжаваад̣̇ий бурз аху;

‘‘Yena saccenayaṃ sāmo, saccavādī pure ahu;

зд̇зна сажжаваж̇ж̇зна, висам̣ саамасса хан̃н̃ад̇у.

Etena saccavajjena, visaṃ sāmassa haññatu.

385.

‘‘язна сажжзнаяам̣ саамо, маад̇аабзд̇д̇ибхаро аху;

‘‘Yena saccenayaṃ sāmo, mātāpettibharo ahu;

зд̇зна сажжаваж̇ж̇зна, висам̣ саамасса хан̃н̃ад̇у.

Etena saccavajjena, visaṃ sāmassa haññatu.

386.

‘‘язна сажжзнаяам̣ саамо, гулз ж̇здтаабажааяиго;

‘‘Yena saccenayaṃ sāmo, kule jeṭṭhāpacāyiko;

зд̇зна сажжаваж̇ж̇зна, висам̣ саамасса хан̃н̃ад̇у.

Etena saccavajjena, visaṃ sāmassa haññatu.

387.

‘‘язна сажжзнаяам̣ саамо, баан̣аа бияад̇аро мама;

‘‘Yena saccenayaṃ sāmo, pāṇā piyataro mama;

зд̇зна сажжаваж̇ж̇зна, висам̣ саамасса хан̃н̃ад̇у.

Etena saccavajjena, visaṃ sāmassa haññatu.

388.

‘‘яам̣ гин̃жид̇т̇и гад̇ам̣ бун̃н̃ам̣, маяхан̃жзва бид̇ужжа д̇з;

‘‘Yaṃ kiñcitthi kataṃ puññaṃ, mayhañceva pitucca te;

саб̣б̣зна д̇зна гусалзна, висам̣ саамасса хан̃н̃ад̇уу’’д̇и.

Sabbena tena kusalena, visaṃ sāmassa haññatū’’ti.

д̇ад̇т̇а язна сажжзнаад̇и язна бхууд̇зна сабхаавзна. д̇хаммажаарийд̇и д̣̇асагусалагаммабат̇ад̇хаммажаарий. сажжаваад̣̇ийд̇и хасид̇авасзнаби мусааваад̣̇ам̣ на вад̣̇ад̇и. маад̇аабзд̇д̇ибхарод̇и аналасо худ̇ваа рад̇д̇инд̣̇ивам̣ маад̇аабид̇аро бхари. гулз ж̇здтаабажааяигод̇и ж̇здтаанам̣ маад̇аабид̇уунам̣ саггаарагаараго ход̇и.

Tattha yena saccenāti yena bhūtena sabhāvena. Dhammacārīti dasakusalakammapathadhammacārī. Saccavādīti hasitavasenapi musāvādaṃ na vadati. Mātāpettibharoti analaso hutvā rattindivaṃ mātāpitaro bhari. Kule jeṭṭhāpacāyikoti jeṭṭhānaṃ mātāpitūnaṃ sakkārakārako hoti.

звам̣ маад̇араа сад̇д̇ахи г̇аат̇аахи сажжагирияааяа гад̇ааяа саамо баривад̇д̇ид̇ваа нибаж̇ж̇и. ат̇асса бид̇аа ‘‘ж̇ийвад̇и мз буд̇д̇о, ахамбисса сажжагирияам̣ гариссаамий’’д̇и д̇ат̇зва сажжагирияамагааси. д̇амад̇т̇ам̣ багаасзнд̇о сад̇т̇аа ааха –

Evaṃ mātarā sattahi gāthāhi saccakiriyāya katāya sāmo parivattitvā nipajji. Athassa pitā ‘‘jīvati me putto, ahampissa saccakiriyaṃ karissāmī’’ti tatheva saccakiriyamakāsi. Tamatthaṃ pakāsento satthā āha –

389.

‘‘д̣̇исваана бад̇ид̇ам̣ саамам̣, буд̇д̇агам̣ бам̣сугунт̇ид̇ам̣;

‘‘Disvāna patitaṃ sāmaṃ, puttakaṃ paṃsukunthitaṃ;

аддид̇о буд̇д̇асогзна, бид̇аа сажжам̣ абхаасат̇а.

Aṭṭito puttasokena, pitā saccaṃ abhāsatha.

390.

‘‘язна сажжзнаяам̣ саамо, д̇хаммажаарий бурз аху;

‘‘Yena saccenayaṃ sāmo, dhammacārī pure ahu;

зд̇зна сажжаваж̇ж̇зна, висам̣ саамасса хан̃н̃ад̇у.

Etena saccavajjena, visaṃ sāmassa haññatu.

391.

‘‘язна сажжзнаяам̣ саамо, б̣рахмажаарий бурз аху;

‘‘Yena saccenayaṃ sāmo, brahmacārī pure ahu;

зд̇зна сажжаваж̇ж̇зна, висам̣ саамасса хан̃н̃ад̇у.

Etena saccavajjena, visaṃ sāmassa haññatu.

392.

‘‘язна сажжзнаяам̣ саамо, сажжаваад̣̇ий бурз аху;

‘‘Yena saccenayaṃ sāmo, saccavādī pure ahu;

зд̇зна сажжаваж̇ж̇зна, висам̣ саамасса хан̃н̃ад̇у.

Etena saccavajjena, visaṃ sāmassa haññatu.

393.

‘‘язна сажжзнаяам̣ саамо, маад̇аабзд̇д̇ибхаро аху;

‘‘Yena saccenayaṃ sāmo, mātāpettibharo ahu;

зд̇зна сажжаваж̇ж̇зна, висам̣ саамасса хан̃н̃ад̇у.

Etena saccavajjena, visaṃ sāmassa haññatu.

394.

‘‘язна сажжзнаяам̣ саамо, гулз ж̇здтаабажааяиго;

‘‘Yena saccenayaṃ sāmo, kule jeṭṭhāpacāyiko;

зд̇зна сажжаваж̇ж̇зна, висам̣ саамасса хан̃н̃ад̇у.

Etena saccavajjena, visaṃ sāmassa haññatu.

395.

‘‘язна сажжзнаяам̣ саамо, баан̣аа бияад̇аро мама;

‘‘Yena saccenayaṃ sāmo, pāṇā piyataro mama;

зд̇зна сажжаваж̇ж̇зна, висам̣ саамасса хан̃н̃ад̇у.

Etena saccavajjena, visaṃ sāmassa haññatu.

396.

‘‘яам̣ гин̃жид̇т̇и гад̇ам̣ бун̃н̃ам̣, маяхан̃жзва маад̇ужжа д̇з;

‘‘Yaṃ kiñcitthi kataṃ puññaṃ, mayhañceva mātucca te;

саб̣б̣зна д̇зна гусалзна, висам̣ саамасса хан̃н̃ад̇уу’’д̇и.

Sabbena tena kusalena, visaṃ sāmassa haññatū’’ti.

звам̣ бид̇ари сажжагирияам̣ гаронд̇з махаасад̇д̇о баривад̇д̇ид̇ваа ид̇арзна бассзна нибаж̇ж̇и. ат̇асса д̇ад̇ияам̣ сажжагирияам̣ д̣̇звад̇аа агааси. д̇амад̇т̇ам̣ багаасзнд̇о сад̇т̇аа аха –

Evaṃ pitari saccakiriyaṃ karonte mahāsatto parivattitvā itarena passena nipajji. Athassa tatiyaṃ saccakiriyaṃ devatā akāsi. Tamatthaṃ pakāsento satthā aha –

397.

‘‘саа д̣̇звад̇аа анд̇арахид̇аа, баб̣б̣ад̇з г̇анд̇хамаад̣̇анз;

‘‘Sā devatā antarahitā, pabbate gandhamādane;

саамасса анугамбааяа, имам̣ сажжам̣ абхаасат̇а.

Sāmassa anukampāya, imaṃ saccaṃ abhāsatha.

398.

‘‘баб̣б̣ад̇яаахам̣ г̇анд̇хамаад̣̇анз, жирарад̇д̇аниваасиний;

‘‘Pabbatyāhaṃ gandhamādane, cirarattanivāsinī;

на мз бияад̇аро гожи, ан̃н̃о саамзна виж̇ж̇ад̇и;

Na me piyataro koci, añño sāmena vijjati;

зд̇зна сажжаваж̇ж̇зна, висам̣ саамасса хан̃н̃ад̇у.

Etena saccavajjena, visaṃ sāmassa haññatu.

399.

‘‘саб̣б̣з ванаа г̇анд̇хамаяаа, баб̣б̣ад̇з г̇анд̇хамаад̣̇анз;

‘‘Sabbe vanā gandhamayā, pabbate gandhamādane;

зд̇зна сажжаваж̇ж̇зна, висам̣ саамасса хан̃н̃ад̇у.

Etena saccavajjena, visaṃ sāmassa haññatu.

400.

‘‘д̇зсам̣ лаалаббамаанаанам̣, б̣ахум̣ гаарун̃н̃асан̃хид̇ам̣;

‘‘Tesaṃ lālappamānānaṃ, bahuṃ kāruññasañhitaṃ;

киббам̣ саамо самудтааси, яуваа галяаан̣ад̣̇ассано’’д̇и.

Khippaṃ sāmo samuṭṭhāsi, yuvā kalyāṇadassano’’ti.

д̇ад̇т̇а баб̣б̣ад̇яааханд̇и баб̣б̣ад̇з ахам̣. саб̣б̣з ванаа г̇анд̇хамаяаад̇и саб̣б̣з ругкаа г̇анд̇хамаяаа. на хи д̇ад̇т̇а аг̇анд̇хо наама гожи ругко ад̇т̇и. д̇зсанд̇и бхигкавз, д̇зсам̣ убхиннам̣ лаалаббамаанаанан̃н̃зва д̣̇звад̇ааяа сажжагирияааяа барияосаанз киббам̣ саамо удтааси, бад̣̇умабад̇д̇ад̇о уд̣̇агам̣ вияасса висам̣ винивад̇д̇зд̇ваа ааб̣аад̇хо виг̇ад̇о, ид̇ха ну ко вид̣̇д̇хо, зд̇т̇а ну ко вид̣̇д̇ход̇и вид̣̇д̇хадтаанамби на бан̃н̃ааяи.

Tattha pabbatyāhanti pabbate ahaṃ. Sabbe vanā gandhamayāti sabbe rukkhā gandhamayā. Na hi tattha agandho nāma koci rukkho atthi. Tesanti bhikkhave, tesaṃ ubhinnaṃ lālappamānānaññeva devatāya saccakiriyāya pariyosāne khippaṃ sāmo uṭṭhāsi, padumapattato udakaṃ viyassa visaṃ vinivattetvā ābādho vigato, idha nu kho viddho, ettha nu kho viddhoti viddhaṭṭhānampi na paññāyi.

ид̇и махаасад̇д̇асса нирог̇абхааво, маад̇аабид̇уунан̃жа жагкубадилаабхо, арун̣уг̇г̇аманан̃жа, д̣̇звад̇аанубхаавзна д̇зсам̣ жад̇уннам̣ ассамзязва баагадабхааво жаад̇и саб̣б̣ам̣ згагкан̣зязва ахоси. маад̇аабид̇аро ‘‘жагкууни но лад̣̇д̇хаани, суван̣н̣асаамо жа арог̇о ж̇аад̇о’’д̇и ад̇ирзгад̇арам̣ д̇уссим̣су. ат̇а нз саамабан̣д̣ид̇о г̇аат̇ам̣ абхааси –

Iti mahāsattassa nirogabhāvo, mātāpitūnañca cakkhupaṭilābho, aruṇuggamanañca, devatānubhāvena tesaṃ catunnaṃ assameyeva pākaṭabhāvo cāti sabbaṃ ekakkhaṇeyeva ahosi. Mātāpitaro ‘‘cakkhūni no laddhāni, suvaṇṇasāmo ca arogo jāto’’ti atirekataraṃ tussiṃsu. Atha ne sāmapaṇḍito gāthaṃ abhāsi –

401.

‘‘саамохамасми бхад̣̇д̣̇ам̣ во, сод̇т̇инаамхи самудтид̇о;

‘‘Sāmohamasmi bhaddaṃ vo, sotthināmhi samuṭṭhito;

маа б̣аал̣хам̣ барид̣̇звзт̇а, ман̃жунаабхивад̣̇зт̇а ма’’нд̇и.

Mā bāḷhaṃ paridevetha, mañcunābhivadetha ma’’nti.

д̇ад̇т̇а сод̇т̇инаамхи самудтид̇од̇и сод̇т̇инаа сукзна удтид̇о амхи бхаваами. ман̃ж̇унаад̇и мад̇хурассарзна мам̣ абхивад̣̇зт̇а.

Tattha sotthināmhi samuṭṭhitoti sotthinā sukhena uṭṭhito amhi bhavāmi. Mañjunāti madhurassarena maṃ abhivadetha.

ат̇а со рааж̇аанам̣ д̣̇исваа бадисант̇аарам̣ гаронд̇о ааха –

Atha so rājānaṃ disvā paṭisanthāraṃ karonto āha –

402.

‘‘свааг̇ад̇ам̣ д̇з махаарааж̇а, ат̇о д̇з ад̣̇урааг̇ад̇ам̣;

‘‘Svāgataṃ te mahārāja, atho te adurāgataṃ;

иссароси ануббад̇д̇о, яам̣ ид̇хад̇т̇и бавзд̣̇аяа.

Issarosi anuppatto, yaṃ idhatthi pavedaya.

403.

‘‘д̇инд̣̇угаани бияаалаани, мад̇хугз гаасумаарияо;

‘‘Tindukāni piyālāni, madhuke kāsumāriyo;

палаани куд̣̇д̣̇агаббаани, бхун̃ж̇а рааж̇а варам̣ варам̣.

Phalāni khuddakappāni, bhuñja rāja varaṃ varaṃ.

404.

‘‘ад̇т̇и мз баанийяам̣ сийд̇ам̣, аабхад̇ам̣ г̇ириг̇аб̣бхараа;

‘‘Atthi me pānīyaṃ sītaṃ, ābhataṃ girigabbharā;

д̇ад̇о бива махаарааж̇а, сажз д̇вам̣ абхиган̇касий’’д̇и.

Tato piva mahārāja, sace tvaṃ abhikaṅkhasī’’ti.

рааж̇ааби д̇ам̣ ажчарияам̣ д̣̇исваа ааха –

Rājāpi taṃ acchariyaṃ disvā āha –

405.

‘‘саммуяхаами бамуяхаами, саб̣б̣аа муяханд̇и мз д̣̇исаа;

‘‘Sammuyhāmi pamuyhāmi, sabbā muyhanti me disā;

бзд̇ам̣ д̇ам̣ саама мад̣̇д̣̇агким̣, го ну д̇вам̣ саама ж̇ийвасий’’д̇и.

Petaṃ taṃ sāma maddakkhiṃ, ko nu tvaṃ sāma jīvasī’’ti.

д̇ад̇т̇а бзд̇анд̇и саама ахам̣ д̇ам̣ мад̇ам̣ ад̣̇д̣̇асам̣. го ну д̇ванд̇и гат̇ам̣ ну д̇вам̣ ж̇ийвид̇ам̣ бадилабхасийд̇и бужчи.

Tattha petanti sāma ahaṃ taṃ mataṃ addasaṃ. Ko nu tvanti kathaṃ nu tvaṃ jīvitaṃ paṭilabhasīti pucchi.

махаасад̇д̇о ‘‘аяам̣ рааж̇аа мам̣ ‘мад̇о’д̇и саллагкзси, амад̇абхаавамасса багаасзссаамий’’д̇и жинд̇зд̇ваа ааха –

Mahāsatto ‘‘ayaṃ rājā maṃ ‘mato’ti sallakkhesi, amatabhāvamassa pakāsessāmī’’ti cintetvā āha –

406.

‘‘аби ж̇ийвам̣ махаарааж̇а, бурисам̣ г̇аал̣хавзд̣̇анам̣;

‘‘Api jīvaṃ mahārāja, purisaṃ gāḷhavedanaṃ;

убанийд̇аманасан̇габбам̣, ж̇ийванд̇ам̣ ман̃н̃ад̇з мад̇ам̣.

Upanītamanasaṅkappaṃ, jīvantaṃ maññate mataṃ.

407.

‘‘аби ж̇ийвам̣ махаарааж̇а, бурисам̣ г̇аал̣хавзд̣̇анам̣;

‘‘Api jīvaṃ mahārāja, purisaṃ gāḷhavedanaṃ;

д̇ам̣ нирод̇хаг̇ад̇ам̣ санд̇ам̣, ж̇ийванд̇ам̣ ман̃н̃ад̇з мад̇а’’нд̇и.

Taṃ nirodhagataṃ santaṃ, jīvantaṃ maññate mata’’nti.

д̇ад̇т̇а аби ж̇ийванд̇и ж̇ийвамаанам̣ аби. убанийд̇аманасан̇габбанд̇и бхаван̇г̇аод̇ин̣н̣ажид̇д̇аажаарам̣. ж̇ийванд̇анд̇и ж̇ийвамаанамзва ‘‘зсо мад̇о’’д̇и ман̃н̃ад̇и. нирод̇хаг̇ад̇анд̇и ассаасабассаасанирод̇хам̣ самаабаннам̣ санд̇ам̣ виж̇ж̇амаанам̣ мам̣ звам̣ лого мад̇ам̣ вияа ж̇ийванд̇амзва ман̃н̃ад̇и.

Tattha api jīvanti jīvamānaṃ api. Upanītamanasaṅkappanti bhavaṅgaotiṇṇacittācāraṃ. Jīvantanti jīvamānameva ‘‘eso mato’’ti maññati. Nirodhagatanti assāsapassāsanirodhaṃ samāpannaṃ santaṃ vijjamānaṃ maṃ evaṃ loko mataṃ viya jīvantameva maññati.

зван̃жа бана вад̇ваа махаасад̇д̇о рааж̇аанам̣ ад̇т̇з яож̇зд̇угаамо д̇хаммам̣ д̣̇зсзнд̇о буна д̣̇вз г̇аат̇аа абхааси –

Evañca pana vatvā mahāsatto rājānaṃ atthe yojetukāmo dhammaṃ desento puna dve gāthā abhāsi –

408.

‘‘яо маад̇арам̣ бид̇арам̣ ваа, мажжо д̇хаммзна босад̇и;

‘‘Yo mātaraṃ pitaraṃ vā, macco dhammena posati;

д̣̇звааби нам̣ д̇игижчанд̇и, маад̇аабзд̇д̇ибхарам̣ нарам̣.

Devāpi naṃ tikicchanti, mātāpettibharaṃ naraṃ.

409.

‘‘яо маад̇арам̣ бид̇арам̣ ваа, мажжо д̇хаммзна босад̇и;

‘‘Yo mātaraṃ pitaraṃ vā, macco dhammena posati;

ид̇хзва нам̣ басам̣санд̇и, бзжжа саг̇г̇з бамод̣̇ад̇ий’’д̇и.

Idheva naṃ pasaṃsanti, pecca sagge pamodatī’’ti.

д̇ам̣ суд̇ваа рааж̇аа ‘‘ажчарияам̣ вад̇а, бхо, маад̇аабзд̇д̇ибхарасса ж̇анд̇уно уббаннарог̇ам̣ д̣̇звад̇ааби д̇игижчанд̇и, ад̇ивияа аяам̣ саамо собхад̇ий’’д̇и ан̃ж̇алим̣ баг̇г̇аяха яаажанд̇о ааха –

Taṃ sutvā rājā ‘‘acchariyaṃ vata, bho, mātāpettibharassa jantuno uppannarogaṃ devatāpi tikicchanti, ativiya ayaṃ sāmo sobhatī’’ti añjaliṃ paggayha yācanto āha –

410.

‘‘зса бхияяо бамуяхаами, саб̣б̣аа муяханд̇и мз д̣̇исаа;

‘‘Esa bhiyyo pamuyhāmi, sabbā muyhanti me disā;

саран̣ам̣ д̇ам̣ саама г̇ажчаами, д̇ван̃жа мз саран̣ам̣ бхаваа’’д̇и.

Saraṇaṃ taṃ sāma gacchāmi, tvañca me saraṇaṃ bhavā’’ti.

д̇ад̇т̇а бхияяод̇и яасмаа д̇аад̣̇исз барисуд̣̇д̇хасийлаг̇ун̣асамбаннз д̇аяи абараж̇жхим̣, д̇асмаа ад̇ирзгад̇арам̣ саммуяхаами. д̇ван̃жа мз саран̣ам̣ бхаваад̇и саран̣ам̣ г̇ажчанд̇асса мз д̇вам̣ саран̣ам̣ бхава, бад̇идтаа хохи, д̣̇звалогаг̇аамимаг̇г̇ам̣ гарохийд̇и.

Tattha bhiyyoti yasmā tādise parisuddhasīlaguṇasampanne tayi aparajjhiṃ, tasmā atirekataraṃ sammuyhāmi. Tvañca me saraṇaṃ bhavāti saraṇaṃ gacchantassa me tvaṃ saraṇaṃ bhava, patiṭṭhā hohi, devalokagāmimaggaṃ karohīti.

ат̇а нам̣ махаасад̇д̇о ‘‘сажзби, махаарааж̇а, д̣̇звалогам̣ г̇анд̇угаамоси, маханд̇ам̣ д̣̇иб̣б̣асамбад̇д̇им̣ барибхун̃ж̇ид̇угаамоси, имаасу д̣̇асарааж̇ад̇хаммажарияаасу вад̇д̇ассуу’’д̇и д̇асса д̇хаммам̣ д̣̇зсзнд̇о д̣̇аса рааж̇ад̇хаммажарияаг̇аат̇аа абхааси –

Atha naṃ mahāsatto ‘‘sacepi, mahārāja, devalokaṃ gantukāmosi, mahantaṃ dibbasampattiṃ paribhuñjitukāmosi, imāsu dasarājadhammacariyāsu vattassū’’ti tassa dhammaṃ desento dasa rājadhammacariyagāthā abhāsi –

411.

‘‘д̇хаммам̣ жара махаарааж̇а, маад̇аабид̇уусу кад̇д̇ияа;

‘‘Dhammaṃ cara mahārāja, mātāpitūsu khattiya;

ид̇ха д̇хаммам̣ жарид̇ваана, рааж̇а саг̇г̇ам̣ г̇амиссаси.

Idha dhammaṃ caritvāna, rāja saggaṃ gamissasi.

412.

‘‘д̇хаммам̣ жара махаарааж̇а, буд̇д̇ад̣̇аарзсу кад̇д̇ияа;

‘‘Dhammaṃ cara mahārāja, puttadāresu khattiya;

ид̇ха д̇хаммам̣ жарид̇ваана, рааж̇а саг̇г̇ам̣ г̇амиссаси.

Idha dhammaṃ caritvāna, rāja saggaṃ gamissasi.

413.

‘‘д̇хаммам̣ жара махаарааж̇а, мид̇д̇аамажжзсу кад̇д̇ияа;

‘‘Dhammaṃ cara mahārāja, mittāmaccesu khattiya;

ид̇ха д̇хаммам̣ жарид̇ваана, рааж̇а саг̇г̇ам̣ г̇амиссаси.

Idha dhammaṃ caritvāna, rāja saggaṃ gamissasi.

414.

‘‘д̇хаммам̣ жара махаарааж̇а, вааханзсу б̣алзсу жа;

‘‘Dhammaṃ cara mahārāja, vāhanesu balesu ca;

ид̇ха д̇хаммам̣ жарид̇ваана, рааж̇а саг̇г̇ам̣ г̇амиссаси.

Idha dhammaṃ caritvāna, rāja saggaṃ gamissasi.

415.

‘‘д̇хаммам̣ жара махаарааж̇а, г̇аамзсу ниг̇амзсу жа;

‘‘Dhammaṃ cara mahārāja, gāmesu nigamesu ca;

ид̇ха д̇хаммам̣ жарид̇ваана, рааж̇а саг̇г̇ам̣ г̇амиссаси.

Idha dhammaṃ caritvāna, rāja saggaṃ gamissasi.

416.

‘‘д̇хаммам̣ жара махаарааж̇а, радтзсу ж̇анабад̣̇зсу жа;

‘‘Dhammaṃ cara mahārāja, raṭṭhesu janapadesu ca;

ид̇ха д̇хаммам̣ жарид̇ваана, рааж̇а саг̇г̇ам̣ г̇амиссаси.

Idha dhammaṃ caritvāna, rāja saggaṃ gamissasi.

417.

‘‘д̇хаммам̣ жара махаарааж̇а, саман̣аб̣раахман̣зсу жа;

‘‘Dhammaṃ cara mahārāja, samaṇabrāhmaṇesu ca;

ид̇ха д̇хаммам̣ жарид̇ваана, рааж̇а саг̇г̇ам̣ г̇амиссаси.

Idha dhammaṃ caritvāna, rāja saggaṃ gamissasi.

418.

‘‘д̇хаммам̣ жара махаарааж̇а, миг̇абагкийсу кад̇д̇ияа;

‘‘Dhammaṃ cara mahārāja, migapakkhīsu khattiya;

ид̇ха д̇хаммам̣ жарид̇ваана, рааж̇а саг̇г̇ам̣ г̇амиссаси.

Idha dhammaṃ caritvāna, rāja saggaṃ gamissasi.

419.

‘‘д̇хаммам̣ жара махаарааж̇а, д̇хаммо жин̣н̣о сукаавахо;

‘‘Dhammaṃ cara mahārāja, dhammo ciṇṇo sukhāvaho;

ид̇ха д̇хаммам̣ жарид̇ваана, рааж̇а саг̇г̇ам̣ г̇амиссаси.

Idha dhammaṃ caritvāna, rāja saggaṃ gamissasi.

420.

‘‘д̇хаммам̣ жара махаарааж̇а, саинд̣̇аа д̣̇зваа саб̣рахмагаа;

‘‘Dhammaṃ cara mahārāja, saindā devā sabrahmakā;

сужин̣н̣зна д̣̇ивам̣ бад̇д̇аа, маа д̇хаммам̣ рааж̇а баамад̣̇о’’д̇и.

Suciṇṇena divaṃ pattā, mā dhammaṃ rāja pāmado’’ti.

д̇аасам̣ ад̇т̇о д̇зсагун̣аж̇аад̇агз (ж̇аа. 2.17.1 аад̣̇аяо) вид̇т̇аарид̇ова. звам̣ махаасад̇д̇о д̇асса д̣̇аса рааж̇ад̇хаммз д̣̇зсзд̇ваа уд̇д̇ариби овад̣̇ид̇ваа бан̃жа сийлаани ад̣̇ааси. со д̇асса оваад̣̇ам̣ сирасаа самбадижчид̇ваа махаасад̇д̇ам̣ ванд̣̇ид̇ваа камаабзд̇ваа б̣аараан̣асим̣ г̇анд̇ваа д̣̇аанаад̣̇ийни бун̃н̃аани гад̇ваа саг̇г̇абарааяан̣о ахоси. б̣од̇хисад̇д̇оби яааваж̇ийвам̣ маад̇аабид̇аро барижарид̇ваа маад̇аабид̇уухи сад̣̇д̇хим̣ бан̃жа абхин̃н̃аа жа адта самаабад̇д̇ияо жа ниб̣б̣ад̇д̇зд̇ваа б̣рахмалогуубаг̇о ахоси.

Tāsaṃ attho tesakuṇajātake (jā. 2.17.1 ādayo) vitthāritova. Evaṃ mahāsatto tassa dasa rājadhamme desetvā uttaripi ovaditvā pañca sīlāni adāsi. So tassa ovādaṃ sirasā sampaṭicchitvā mahāsattaṃ vanditvā khamāpetvā bārāṇasiṃ gantvā dānādīni puññāni katvā saggaparāyaṇo ahosi. Bodhisattopi yāvajīvaṃ mātāpitaro paricaritvā mātāpitūhi saddhiṃ pañca abhiññā ca aṭṭha samāpattiyo ca nibbattetvā brahmalokūpago ahosi.

сад̇т̇аа ид̣̇ам̣ д̇хаммад̣̇зсанам̣ аахарид̇ваа ‘‘бхигкавз, маад̇аабид̇уунам̣ босанам̣ наама бан̣д̣ид̇аанам̣ вам̣со’’д̇и вад̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз маад̇убосагабхигку сод̇аабад̇д̇ипалам̣ баабун̣и.

Satthā idaṃ dhammadesanaṃ āharitvā ‘‘bhikkhave, mātāpitūnaṃ posanaṃ nāma paṇḍitānaṃ vaṃso’’ti vatvā saccāni pakāsetvā jātakaṃ samodhānesi, saccapariyosāne mātuposakabhikkhu sotāpattiphalaṃ pāpuṇi.

д̇ад̣̇аа рааж̇аа аананд̣̇о ахоси, д̣̇звад̇хийд̇аа уббалаван̣н̣аа, сагго ануруд̣̇д̇хо, д̣̇угуулабан̣д̣ид̇о махаагассабо, бааригаа бхад̣̇д̣̇агаабилааний бхигкуний, суван̣н̣асаамабан̣д̣ид̇о бана ахамзва саммаасамб̣уд̣̇д̇хо ахосинд̇и.

Tadā rājā ānando ahosi, devadhītā uppalavaṇṇā, sakko anuruddho, dukūlapaṇḍito mahākassapo, pārikā bhaddakāpilānī bhikkhunī, suvaṇṇasāmapaṇḍito pana ahameva sammāsambuddho ahosinti.

суван̣н̣асаамаж̇аад̇агаван̣н̣анаа д̇ад̇ияаа.

Suvaṇṇasāmajātakavaṇṇanā tatiyā.

Next: [541] 4. нимиж̇аад̇агаван̣н̣анаа • [541] 4. Nimijātakavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 540. суван̣н̣асаамаж̇аад̇агам̣ • 540. Suvaṇṇasāmajātakaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact