| Library / Tipiṭaka / திபிடக • Tipiṭaka / விமானவத்து²-அட்ட²கதா² • Vimānavatthu-aṭṭhakathā |
4. ஸுவண்ணவிமானவண்ணனா
4. Suvaṇṇavimānavaṇṇanā
ஸோவண்ணமயே பப்³ப³தஸ்மிந்தி ஸுவண்ணவிமானங். தஸ்ஸ கா உப்பத்தி? ப⁴க³வா அந்த⁴கவிந்தே³ விஹரதி. தேன ஸமயேன அஞ்ஞதரோ உபாஸகோ ஸத்³தோ⁴ பஸன்னோ விப⁴வஸம்பன்னோ தஸ்ஸ கா³மஸ்ஸ அவிதூ³ரே அஞ்ஞதரஸ்மிங் முண்ட³கபப்³ப³தே ஸப்³பா³காரஸம்பன்னங் ப⁴க³வதோ வஸனானுச்ச²விகங் க³ந்த⁴குடிங் காரெத்வா தத்த² ப⁴க³வந்தங் வஸாபெந்தோ ஸக்கச்சங் உபட்ட²ஹி, ஸயஞ்ச நிச்சஸீலே பதிட்டி²தோ ஸுவிஸுத்³த⁴ஸீலஸங்வரோ ஹுத்வா காலங் கத்வா தாவதிங்ஸப⁴வனே நிப்³ப³த்தி. தஸ்ஸ கம்மானுபா⁴வஸங்ஸூசகங் நானாரதனரங்ஸிஜாலஸமுஜ்ஜலங் விசித்தவேதி³காபரிக்கி²த்தங் விவித⁴விபுலாலங்காரோபஸோபி⁴தங் ஸுவிப⁴த்தபி⁴த்தித்த²ம்ப⁴ஸோபானங் ஆராமரமணீயகங் கஞ்சனபப்³ப³தமுத்³த⁴னி விமானங் உப்பஜ்ஜி. தங் ஆயஸ்மா மஹாமொக்³க³ல்லானோ தே³வசாரிகங் சரந்தோ தி³ஸ்வா இமாஹி கா³தா²ஹி படிபுச்சி² –
Sovaṇṇamayepabbatasminti suvaṇṇavimānaṃ. Tassa kā uppatti? Bhagavā andhakavinde viharati. Tena samayena aññataro upāsako saddho pasanno vibhavasampanno tassa gāmassa avidūre aññatarasmiṃ muṇḍakapabbate sabbākārasampannaṃ bhagavato vasanānucchavikaṃ gandhakuṭiṃ kāretvā tattha bhagavantaṃ vasāpento sakkaccaṃ upaṭṭhahi, sayañca niccasīle patiṭṭhito suvisuddhasīlasaṃvaro hutvā kālaṃ katvā tāvatiṃsabhavane nibbatti. Tassa kammānubhāvasaṃsūcakaṃ nānāratanaraṃsijālasamujjalaṃ vicittavedikāparikkhittaṃ vividhavipulālaṅkāropasobhitaṃ suvibhattabhittitthambhasopānaṃ ārāmaramaṇīyakaṃ kañcanapabbatamuddhani vimānaṃ uppajji. Taṃ āyasmā mahāmoggallāno devacārikaṃ caranto disvā imāhi gāthāhi paṭipucchi –
1134.
1134.
‘‘ஸோவண்ணமயே பப்³ப³தஸ்மிங், விமானங் ஸப்³ப³தோபப⁴ங்;
‘‘Sovaṇṇamaye pabbatasmiṃ, vimānaṃ sabbatopabhaṃ;
ஹேமஜாலபடிச்ச²ன்னங், கிங்கிணிஜாலகப்பிதங்.
Hemajālapaṭicchannaṃ, kiṅkiṇijālakappitaṃ.
1135.
1135.
‘‘அட்ட²ங்ஸா ஸுகதா த²ம்பா⁴, ஸப்³பே³ வேளுரியாமயா;
‘‘Aṭṭhaṃsā sukatā thambhā, sabbe veḷuriyāmayā;
ஏகமேகாய அங்ஸியா, ரதனா ஸத்த நிம்மிதா.
Ekamekāya aṃsiyā, ratanā satta nimmitā.
1136.
1136.
‘‘வேளூரியஸுவண்ணஸ்ஸ, ப²லிகா ரூபியஸ்ஸ ச;
‘‘Veḷūriyasuvaṇṇassa, phalikā rūpiyassa ca;
மஸாரக³ல்லமுத்தாஹி, லோஹிதங்க³மணீஹி ச.
Masāragallamuttāhi, lohitaṅgamaṇīhi ca.
1137.
1137.
‘‘சித்ரா மனோரமா பூ⁴மி, ந தத்து²த்³த⁴ங்ஸதீ ரஜோ;
‘‘Citrā manoramā bhūmi, na tatthuddhaṃsatī rajo;
கோ³பானஸீக³ணா பீதா, கூடங் தா³ரெந்தி நிம்மிதா.
Gopānasīgaṇā pītā, kūṭaṃ dārenti nimmitā.
1138.
1138.
‘‘ஸோபானானி ச சத்தாரி, நிம்மிதா சதுரோ தி³ஸா;
‘‘Sopānāni ca cattāri, nimmitā caturo disā;
நானாரதனக³ப்³பே⁴ஹி, ஆதி³ச்சோவ விரோசதி.
Nānāratanagabbhehi, ādiccova virocati.
1139.
1139.
‘‘வேதி³யா சதஸ்ஸோ தத்த², விப⁴த்தா பா⁴க³ஸோ மிதா;
‘‘Vediyā catasso tattha, vibhattā bhāgaso mitā;
த³த்³த³ல்லமானா ஆப⁴ந்தி, ஸமந்தா சதுரோ தி³ஸா.
Daddallamānā ābhanti, samantā caturo disā.
1140.
1140.
‘‘தஸ்மிங் விமானே பவரே, தே³வபுத்தோ மஹப்பபோ⁴;
‘‘Tasmiṃ vimāne pavare, devaputto mahappabho;
அதிரோசஸி வண்ணேன, உத³யந்தோவ பா⁴ணுமா.
Atirocasi vaṇṇena, udayantova bhāṇumā.
1141.
1141.
‘‘தா³னஸ்ஸ தே இத³ங் ப²லங், அதோ² ஸீலஸ்ஸ வா பன;
‘‘Dānassa te idaṃ phalaṃ, atho sīlassa vā pana;
அதோ² அஞ்ஜலிகம்மஸ்ஸ, தங் மே அக்கா²ஹி புச்சி²தோ’’தி.
Atho añjalikammassa, taṃ me akkhāhi pucchito’’ti.
ஸோபிஸ்ஸ இமாஹி கா³தா²ஹி ப்³யாகாஸி –
Sopissa imāhi gāthāhi byākāsi –
1142. ‘‘ஸோ தே³வபுத்தோ அத்தமனோ…பே॰… யஸ்ஸ கம்மஸ்ஸித³ங் ப²லங்’’.
1142. ‘‘So devaputto attamano…pe… yassa kammassidaṃ phalaṃ’’.
1143.
1143.
‘‘அஹங் அந்த⁴கவிந்த³ஸ்மிங், பு³த்³த⁴ஸ்ஸாதி³ச்சப³ந்து⁴னோ;
‘‘Ahaṃ andhakavindasmiṃ, buddhassādiccabandhuno;
விஹாரங் ஸத்து² காரேஸிங், பஸன்னோ ஸேஹி பாணிபி⁴.
Vihāraṃ satthu kāresiṃ, pasanno sehi pāṇibhi.
1144.
1144.
‘‘தத்த² க³ந்த⁴ஞ்ச மாலஞ்ச, பச்சயஞ்ச விலேபனங்;
‘‘Tattha gandhañca mālañca, paccayañca vilepanaṃ;
விஹாரங் ஸத்து² அதா³ஸிங், விப்பஸன்னேன சேதஸா;
Vihāraṃ satthu adāsiṃ, vippasannena cetasā;
தேன மய்ஹங் இத³ங் லத்³த⁴ங், வஸங் வத்தேமி நந்த³னே.
Tena mayhaṃ idaṃ laddhaṃ, vasaṃ vattemi nandane.
1145.
1145.
‘‘நந்த³னே ச வனே ரம்மே, நானாதி³ஜக³ணாயுதே;
‘‘Nandane ca vane ramme, nānādijagaṇāyute;
ரமாமி நச்சகீ³தேஹி, அச்ச²ராஹி புரக்க²தோ’’தி.
Ramāmi naccagītehi, accharāhi purakkhato’’ti.
1134. தத்த² ஸப்³ப³தோபப⁴ந்தி ஸப்³ப³பா⁴கே³ஹி பபா⁴ஸந்தங் பபா⁴முஞ்சனகங். கிங்கிணிஜாலகப்பிதந்தி கப்பிதகிங்கிணிகஜாலங்.
1134. Tattha sabbatopabhanti sabbabhāgehi pabhāsantaṃ pabhāmuñcanakaṃ. Kiṅkiṇijālakappitanti kappitakiṅkiṇikajālaṃ.
1135. ஸப்³பே³ வேளுரியாமயாதி ஸப்³பே³ த²ம்பா⁴ வேளுரியமணிமயா. தத்த² பன ஏகமேகாய அங்ஸியாதி அட்ட²ங்ஸேஸு த²ம்பே⁴ஸு ஏகமேகஸ்மிங் அங்ஸபா⁴கே³. ரதனா ஸத்த நிம்மிதாதி ஸத்தரதனகம்மனிம்மிதா, ஏகேகோ அங்ஸோ ஸத்தரதனமயோதி அத்தோ².
1135.Sabbe veḷuriyāmayāti sabbe thambhā veḷuriyamaṇimayā. Tattha pana ekamekāya aṃsiyāti aṭṭhaṃsesu thambhesu ekamekasmiṃ aṃsabhāge. Ratanā satta nimmitāti sattaratanakammanimmitā, ekeko aṃso sattaratanamayoti attho.
1136. ‘‘வேளூரியஸுவண்ணஸ்ஸா’’திஆதி³னா நானாரதனானி த³ஸ்ஸேதி. தத்த² வேளூரியஸுவண்ணஸ்ஸாதி வேளுரியேன ச ஸுவண்ணேன ச நிம்மிதா, சித்ராதி வா யோஜனா. கரணத்தே² ஹி இத³ங் ஸாமிவசனங். ப²லிகா ரூபியஸ்ஸ சாதி எத்தா²பி ஏஸேவ நயோ. மஸாரக³ல்லமுத்தாஹீதி கப³ரமணீஹி. லோஹிதங்க³மணீஹி சாதி ரத்தமணீஹி.
1136.‘‘Veḷūriyasuvaṇṇassā’’tiādinā nānāratanāni dasseti. Tattha veḷūriyasuvaṇṇassāti veḷuriyena ca suvaṇṇena ca nimmitā, citrāti vā yojanā. Karaṇatthe hi idaṃ sāmivacanaṃ. Phalikā rūpiyassa cāti etthāpi eseva nayo. Masāragallamuttāhīti kabaramaṇīhi. Lohitaṅgamaṇīhi cāti rattamaṇīhi.
1137. ந தத்து²த்³த⁴ங்ஸதீ ரஜோதி மணிமயபூ⁴மிகத்தா ந தஸ்மிங் விமானே ரஜோ உக்³க³ச்ச²தி. கோ³பானஸீக³ணாதி கோ³பானஸீஸமூஹா. பீதாதி பீதவண்ணா, ஸுவண்ணமயா சேவ பு²ஸ்ஸராகா³தி³மணிமயா சாதி அத்தோ². கூடங் தா⁴ரெந்தீதி ஸத்தரதனமயங் கண்ணிகங் தா⁴ரெந்தி.
1137.Na tatthuddhaṃsatī rajoti maṇimayabhūmikattā na tasmiṃ vimāne rajo uggacchati. Gopānasīgaṇāti gopānasīsamūhā. Pītāti pītavaṇṇā, suvaṇṇamayā ceva phussarāgādimaṇimayā cāti attho. Kūṭaṃ dhārentīti sattaratanamayaṃ kaṇṇikaṃ dhārenti.
1138-9. நானாரதனக³ப்³பே⁴ஹீதி நானாரதனமயேஹி ஓவரகேஹி. வேதி³யாதி வேதி³கா. சதஸ்ஸோதி சதூஸு தி³ஸாஸு சதஸ்ஸோ. தேனாஹ ‘‘ஸமந்தா சதுரோ தி³ஸா’’தி.
1138-9.Nānāratanagabbhehīti nānāratanamayehi ovarakehi. Vediyāti vedikā. Catassoti catūsu disāsu catasso. Tenāha ‘‘samantā caturo disā’’ti.
1140. மஹப்பபோ⁴தி மஹாஜுதிகோ. உத³யந்தோதி உக்³க³ச்ச²ந்தோ. பா⁴ணுமாதி ஆதி³ச்சோ.
1140.Mahappabhoti mahājutiko. Udayantoti uggacchanto. Bhāṇumāti ādicco.
1143. ஸேஹி பாணிபீ⁴தி காயஸாரங் புஞ்ஞங் பஸவந்தோ அத்தனோ பாணீஹி தங் தங் கிச்சங் கரொந்தோ விஹாரங் ஸத்து² காரேஸிந்தி யோஜனா. அத² வா ஸேஹி பாணிபீ⁴தி தத்த² அந்த⁴கவிந்த³ஸ்மிங் க³ந்த⁴ஞ்ச மாலஞ்ச பச்சயஞ்ச விலேபனஞ்ச பூஜாவஸேன. யதா² கத²ங்? விஹாரஞ்ச விப்பஸன்னேன சேதஸா ஸத்து²னோ அதா³ஸிங் பூஜேஸிங் நிய்யாதே³ஸிங் சாதி ஏவமெத்த² யோஜனா வேதி³தப்³பா³.
1143.Sehi pāṇibhīti kāyasāraṃ puññaṃ pasavanto attano pāṇīhi taṃ taṃ kiccaṃ karonto vihāraṃ satthu kāresinti yojanā. Atha vā sehi pāṇibhīti tattha andhakavindasmiṃ gandhañca mālañca paccayañca vilepanañca pūjāvasena. Yathā kathaṃ? Vihārañca vippasannena cetasā satthuno adāsiṃ pūjesiṃ niyyādesiṃ cāti evamettha yojanā veditabbā.
1144. தேனாதி தேன யதா²வுத்தேன புஞ்ஞகம்மேன காரணபூ⁴தேன. மய்ஹந்தி மயா. இத³ந்தி இத³ங் புஞ்ஞப²லங், இத³ங் வா தி³ப்³ப³ங் ஆதி⁴பதெய்யங். தேனாஹ ‘‘வஸங் வத்தேமீ’’தி.
1144.Tenāti tena yathāvuttena puññakammena kāraṇabhūtena. Mayhanti mayā. Idanti idaṃ puññaphalaṃ, idaṃ vā dibbaṃ ādhipateyyaṃ. Tenāha ‘‘vasaṃ vattemī’’ti.
1145. நந்த³னேதி நந்தி³யா தி³ப்³ப³ஸமித்³தி⁴யா உப்பஜ்ஜனட்டா²னே இமஸ்மிங் தே³வலோகே, தத்தா²பி விஸேஸதோ நந்த³னே வனே ரம்மே, ஏவங் ரமணீயே இமஸ்மிங் நந்த³னே வனே ரமாமீதி யோஜனா. ஸேஸங் வுத்தனயமேவ.
1145.Nandaneti nandiyā dibbasamiddhiyā uppajjanaṭṭhāne imasmiṃ devaloke, tatthāpi visesato nandane vane ramme, evaṃ ramaṇīye imasmiṃ nandane vane ramāmīti yojanā. Sesaṃ vuttanayameva.
ஏவங் தே³வதாய அத்தனோ புஞ்ஞகம்மே ஆவிகதே தே²ரோ ஸபரிவாரஸ்ஸ தஸ்ஸ தே³வபுத்தஸ்ஸ த⁴ம்மங் தே³ஸெத்வா ப⁴க³வதோ தமத்த²ங் நிவேதே³ஸி. ப⁴க³வா தங் அட்டு²ப்பத்திங் கத்வா ஸம்பத்தபரிஸாய த⁴ம்மங் தே³ஸேஸி. ஸா தே³ஸனா மஹாஜனஸ்ஸ ஸாத்தி²கா அஹோஸீதி.
Evaṃ devatāya attano puññakamme āvikate thero saparivārassa tassa devaputtassa dhammaṃ desetvā bhagavato tamatthaṃ nivedesi. Bhagavā taṃ aṭṭhuppattiṃ katvā sampattaparisāya dhammaṃ desesi. Sā desanā mahājanassa sātthikā ahosīti.
ஸுவண்ணவிமானவண்ணனா நிட்டி²தா.
Suvaṇṇavimānavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / விமானவத்து²பாளி • Vimānavatthupāḷi / 4. ஸுவண்ணவிமானவத்து² • 4. Suvaṇṇavimānavatthu
