| Library / Tipiṭaka / д̇ибидага • Tipiṭaka / вимаанавад̇т̇у-адтагат̇аа • Vimānavatthu-aṭṭhakathā |
4. суван̣н̣авимаанаван̣н̣анаа
4. Suvaṇṇavimānavaṇṇanā
сован̣н̣амаяз баб̣б̣ад̇асминд̇и суван̣н̣авимаанам̣. д̇асса гаа уббад̇д̇и? бхаг̇аваа анд̇хагавинд̣̇з вихарад̇и. д̇зна самаязна ан̃н̃ад̇аро убаасаго сад̣̇д̇хо басанно вибхавасамбанно д̇асса г̇аамасса авид̣̇уурз ан̃н̃ад̇арасмим̣ мун̣д̣агабаб̣б̣ад̇з саб̣б̣аагаарасамбаннам̣ бхаг̇авад̇о васанаанужчавигам̣ г̇анд̇хагудим̣ гаарзд̇ваа д̇ад̇т̇а бхаг̇аванд̇ам̣ васаабзнд̇о саггажжам̣ убадтахи, саяан̃жа нижжасийлз бад̇идтид̇о сувисуд̣̇д̇хасийласам̣варо худ̇ваа гаалам̣ гад̇ваа д̇аавад̇им̣сабхаванз ниб̣б̣ад̇д̇и. д̇асса гаммаанубхаавасам̣суужагам̣ наанаарад̇анарам̣сиж̇ааласамуж̇ж̇алам̣ вижид̇д̇авзд̣̇игаабаригкид̇д̇ам̣ вивид̇хавибулаалан̇гааробасобхид̇ам̣ сувибхад̇д̇абхид̇д̇ид̇т̇амбхасобаанам̣ аараамараман̣ийяагам̣ ган̃жанабаб̣б̣ад̇амуд̣̇д̇хани вимаанам̣ уббаж̇ж̇и. д̇ам̣ ааяасмаа махаамог̇г̇аллаано д̣̇зважааригам̣ жаранд̇о д̣̇исваа имаахи г̇аат̇аахи бадибужчи –
Sovaṇṇamayepabbatasminti suvaṇṇavimānaṃ. Tassa kā uppatti? Bhagavā andhakavinde viharati. Tena samayena aññataro upāsako saddho pasanno vibhavasampanno tassa gāmassa avidūre aññatarasmiṃ muṇḍakapabbate sabbākārasampannaṃ bhagavato vasanānucchavikaṃ gandhakuṭiṃ kāretvā tattha bhagavantaṃ vasāpento sakkaccaṃ upaṭṭhahi, sayañca niccasīle patiṭṭhito suvisuddhasīlasaṃvaro hutvā kālaṃ katvā tāvatiṃsabhavane nibbatti. Tassa kammānubhāvasaṃsūcakaṃ nānāratanaraṃsijālasamujjalaṃ vicittavedikāparikkhittaṃ vividhavipulālaṅkāropasobhitaṃ suvibhattabhittitthambhasopānaṃ ārāmaramaṇīyakaṃ kañcanapabbatamuddhani vimānaṃ uppajji. Taṃ āyasmā mahāmoggallāno devacārikaṃ caranto disvā imāhi gāthāhi paṭipucchi –
1134.
1134.
‘‘сован̣н̣амаяз баб̣б̣ад̇асмим̣, вимаанам̣ саб̣б̣ад̇обабхам̣;
‘‘Sovaṇṇamaye pabbatasmiṃ, vimānaṃ sabbatopabhaṃ;
хзмаж̇аалабадижчаннам̣, гин̇гин̣иж̇аалагаббид̇ам̣.
Hemajālapaṭicchannaṃ, kiṅkiṇijālakappitaṃ.
1135.
1135.
‘‘адтам̣саа сугад̇аа т̇амбхаа, саб̣б̣з взл̣урияаамаяаа;
‘‘Aṭṭhaṃsā sukatā thambhā, sabbe veḷuriyāmayā;
згамзгааяа ам̣сияаа, рад̇анаа сад̇д̇а ниммид̇аа.
Ekamekāya aṃsiyā, ratanā satta nimmitā.
1136.
1136.
‘‘взл̣уурияасуван̣н̣асса, палигаа руубияасса жа;
‘‘Veḷūriyasuvaṇṇassa, phalikā rūpiyassa ca;
масаараг̇алламуд̇д̇аахи, лохид̇ан̇г̇аман̣ийхи жа.
Masāragallamuttāhi, lohitaṅgamaṇīhi ca.
1137.
1137.
‘‘жид̇раа манорамаа бхууми, на д̇ад̇т̇уд̣̇д̇хам̣сад̇ий раж̇о;
‘‘Citrā manoramā bhūmi, na tatthuddhaṃsatī rajo;
г̇обаанасийг̇ан̣аа бийд̇аа, гуудам̣ д̣̇аарзнд̇и ниммид̇аа.
Gopānasīgaṇā pītā, kūṭaṃ dārenti nimmitā.
1138.
1138.
‘‘собаанаани жа жад̇д̇аари, ниммид̇аа жад̇уро д̣̇исаа;
‘‘Sopānāni ca cattāri, nimmitā caturo disā;
наанаарад̇анаг̇аб̣бхзхи, аад̣̇ижжова вирожад̇и.
Nānāratanagabbhehi, ādiccova virocati.
1139.
1139.
‘‘взд̣̇ияаа жад̇ассо д̇ад̇т̇а, вибхад̇д̇аа бхааг̇асо мид̇аа;
‘‘Vediyā catasso tattha, vibhattā bhāgaso mitā;
д̣̇ад̣̇д̣̇алламаанаа аабханд̇и, саманд̇аа жад̇уро д̣̇исаа.
Daddallamānā ābhanti, samantā caturo disā.
1140.
1140.
‘‘д̇асмим̣ вимаанз баварз, д̣̇звабуд̇д̇о махаббабхо;
‘‘Tasmiṃ vimāne pavare, devaputto mahappabho;
ад̇ирожаси ван̣н̣зна, уд̣̇аяанд̇ова бхаан̣умаа.
Atirocasi vaṇṇena, udayantova bhāṇumā.
1141.
1141.
‘‘д̣̇аанасса д̇з ид̣̇ам̣ палам̣, ат̇о сийласса ваа бана;
‘‘Dānassa te idaṃ phalaṃ, atho sīlassa vā pana;
ат̇о ан̃ж̇алигаммасса, д̇ам̣ мз агкаахи бужчид̇о’’д̇и.
Atho añjalikammassa, taṃ me akkhāhi pucchito’’ti.
собисса имаахи г̇аат̇аахи б̣яаагааси –
Sopissa imāhi gāthāhi byākāsi –
1142. ‘‘со д̣̇звабуд̇д̇о ад̇д̇амано…бз… яасса гаммассид̣̇ам̣ палам̣’’.
1142. ‘‘So devaputto attamano…pe… yassa kammassidaṃ phalaṃ’’.
1143.
1143.
‘‘ахам̣ анд̇хагавинд̣̇асмим̣, б̣уд̣̇д̇хассаад̣̇ижжаб̣анд̇хуно;
‘‘Ahaṃ andhakavindasmiṃ, buddhassādiccabandhuno;
вихаарам̣ сад̇т̇у гаарзсим̣, басанно сзхи баан̣ибхи.
Vihāraṃ satthu kāresiṃ, pasanno sehi pāṇibhi.
1144.
1144.
‘‘д̇ад̇т̇а г̇анд̇хан̃жа маалан̃жа, бажжаяан̃жа вилзбанам̣;
‘‘Tattha gandhañca mālañca, paccayañca vilepanaṃ;
вихаарам̣ сад̇т̇у ад̣̇аасим̣, виббасаннзна жзд̇асаа;
Vihāraṃ satthu adāsiṃ, vippasannena cetasā;
д̇зна маяхам̣ ид̣̇ам̣ лад̣̇д̇хам̣, васам̣ вад̇д̇зми нанд̣̇анз.
Tena mayhaṃ idaṃ laddhaṃ, vasaṃ vattemi nandane.
1145.
1145.
‘‘нанд̣̇анз жа ванз раммз, наанаад̣̇иж̇аг̇ан̣ааяуд̇з;
‘‘Nandane ca vane ramme, nānādijagaṇāyute;
рамаами нажжаг̇ийд̇зхи, ажчараахи бурагкад̇о’’д̇и.
Ramāmi naccagītehi, accharāhi purakkhato’’ti.
1134. д̇ад̇т̇а саб̣б̣ад̇обабханд̇и саб̣б̣абхааг̇зхи бабхаасанд̇ам̣ бабхаамун̃жанагам̣. гин̇гин̣иж̇аалагаббид̇анд̇и габбид̇агин̇гин̣игаж̇аалам̣.
1134. Tattha sabbatopabhanti sabbabhāgehi pabhāsantaṃ pabhāmuñcanakaṃ. Kiṅkiṇijālakappitanti kappitakiṅkiṇikajālaṃ.
1135. саб̣б̣з взл̣урияаамаяаад̇и саб̣б̣з т̇амбхаа взл̣урияаман̣имаяаа. д̇ад̇т̇а бана згамзгааяа ам̣сияаад̇и адтам̣сзсу т̇амбхзсу згамзгасмим̣ ам̣сабхааг̇з. рад̇анаа сад̇д̇а ниммид̇аад̇и сад̇д̇арад̇анагамманиммид̇аа, згзго ам̣со сад̇д̇арад̇анамаяод̇и ад̇т̇о.
1135.Sabbe veḷuriyāmayāti sabbe thambhā veḷuriyamaṇimayā. Tattha pana ekamekāya aṃsiyāti aṭṭhaṃsesu thambhesu ekamekasmiṃ aṃsabhāge. Ratanā satta nimmitāti sattaratanakammanimmitā, ekeko aṃso sattaratanamayoti attho.
1136. ‘‘взл̣уурияасуван̣н̣ассаа’’д̇иаад̣̇инаа наанаарад̇анаани д̣̇ассзд̇и. д̇ад̇т̇а взл̣уурияасуван̣н̣ассаад̇и взл̣уриязна жа суван̣н̣зна жа ниммид̇аа, жид̇раад̇и ваа яож̇анаа. гаран̣ад̇т̇з хи ид̣̇ам̣ саамиважанам̣. палигаа руубияасса жаад̇и зд̇т̇ааби зсзва наяо. масаараг̇алламуд̇д̇аахийд̇и габ̣араман̣ийхи. лохид̇ан̇г̇аман̣ийхи жаад̇и рад̇д̇аман̣ийхи.
1136.‘‘Veḷūriyasuvaṇṇassā’’tiādinā nānāratanāni dasseti. Tattha veḷūriyasuvaṇṇassāti veḷuriyena ca suvaṇṇena ca nimmitā, citrāti vā yojanā. Karaṇatthe hi idaṃ sāmivacanaṃ. Phalikā rūpiyassa cāti etthāpi eseva nayo. Masāragallamuttāhīti kabaramaṇīhi. Lohitaṅgamaṇīhi cāti rattamaṇīhi.
1137. на д̇ад̇т̇уд̣̇д̇хам̣сад̇ий раж̇од̇и ман̣имаяабхуумигад̇д̇аа на д̇асмим̣ вимаанз раж̇о уг̇г̇ажчад̇и. г̇обаанасийг̇ан̣аад̇и г̇обаанасийсамуухаа. бийд̇аад̇и бийд̇аван̣н̣аа, суван̣н̣амаяаа жзва пуссарааг̇аад̣̇иман̣имаяаа жаад̇и ад̇т̇о. гуудам̣ д̇хаарзнд̇ийд̇и сад̇д̇арад̇анамаяам̣ ган̣н̣игам̣ д̇хаарзнд̇и.
1137.Na tatthuddhaṃsatī rajoti maṇimayabhūmikattā na tasmiṃ vimāne rajo uggacchati. Gopānasīgaṇāti gopānasīsamūhā. Pītāti pītavaṇṇā, suvaṇṇamayā ceva phussarāgādimaṇimayā cāti attho. Kūṭaṃ dhārentīti sattaratanamayaṃ kaṇṇikaṃ dhārenti.
1138-9. наанаарад̇анаг̇аб̣бхзхийд̇и наанаарад̇анамаязхи оварагзхи. взд̣̇ияаад̇и взд̣̇игаа. жад̇ассод̇и жад̇уусу д̣̇исаасу жад̇ассо. д̇знааха ‘‘саманд̇аа жад̇уро д̣̇исаа’’д̇и.
1138-9.Nānāratanagabbhehīti nānāratanamayehi ovarakehi. Vediyāti vedikā. Catassoti catūsu disāsu catasso. Tenāha ‘‘samantā caturo disā’’ti.
1140. махаббабход̇и махааж̇уд̇иго. уд̣̇аяанд̇од̇и уг̇г̇ажчанд̇о. бхаан̣умаад̇и аад̣̇ижжо.
1140.Mahappabhoti mahājutiko. Udayantoti uggacchanto. Bhāṇumāti ādicco.
1143. сзхи баан̣ибхийд̇и гааяасаарам̣ бун̃н̃ам̣ басаванд̇о ад̇д̇ано баан̣ийхи д̇ам̣ д̇ам̣ гижжам̣ гаронд̇о вихаарам̣ сад̇т̇у гаарзсинд̇и яож̇анаа. ат̇а ваа сзхи баан̣ибхийд̇и д̇ад̇т̇а анд̇хагавинд̣̇асмим̣ г̇анд̇хан̃жа маалан̃жа бажжаяан̃жа вилзбанан̃жа бууж̇аавасзна. яат̇аа гат̇ам̣? вихааран̃жа виббасаннзна жзд̇асаа сад̇т̇уно ад̣̇аасим̣ бууж̇зсим̣ нияяаад̣̇зсим̣ жаад̇и звамзд̇т̇а яож̇анаа взд̣̇ид̇аб̣б̣аа.
1143.Sehi pāṇibhīti kāyasāraṃ puññaṃ pasavanto attano pāṇīhi taṃ taṃ kiccaṃ karonto vihāraṃ satthu kāresinti yojanā. Atha vā sehi pāṇibhīti tattha andhakavindasmiṃ gandhañca mālañca paccayañca vilepanañca pūjāvasena. Yathā kathaṃ? Vihārañca vippasannena cetasā satthuno adāsiṃ pūjesiṃ niyyādesiṃ cāti evamettha yojanā veditabbā.
1144. д̇знаад̇и д̇зна яат̇аавуд̇д̇зна бун̃н̃агаммзна гааран̣абхууд̇зна. маяханд̇и маяаа. ид̣̇анд̇и ид̣̇ам̣ бун̃н̃апалам̣, ид̣̇ам̣ ваа д̣̇иб̣б̣ам̣ аад̇хибад̇зяяам̣. д̇знааха ‘‘васам̣ вад̇д̇змий’’д̇и.
1144.Tenāti tena yathāvuttena puññakammena kāraṇabhūtena. Mayhanti mayā. Idanti idaṃ puññaphalaṃ, idaṃ vā dibbaṃ ādhipateyyaṃ. Tenāha ‘‘vasaṃ vattemī’’ti.
1145. нанд̣̇анзд̇и нанд̣̇ияаа д̣̇иб̣б̣асамид̣̇д̇хияаа уббаж̇ж̇анадтаанз имасмим̣ д̣̇звалогз, д̇ад̇т̇ааби висзсад̇о нанд̣̇анз ванз раммз, звам̣ раман̣ийяз имасмим̣ нанд̣̇анз ванз рамаамийд̇и яож̇анаа. сзсам̣ вуд̇д̇анаяамзва.
1145.Nandaneti nandiyā dibbasamiddhiyā uppajjanaṭṭhāne imasmiṃ devaloke, tatthāpi visesato nandane vane ramme, evaṃ ramaṇīye imasmiṃ nandane vane ramāmīti yojanā. Sesaṃ vuttanayameva.
звам̣ д̣̇звад̇ааяа ад̇д̇ано бун̃н̃агаммз аавигад̇з т̇зро сабариваарасса д̇асса д̣̇звабуд̇д̇асса д̇хаммам̣ д̣̇зсзд̇ваа бхаг̇авад̇о д̇амад̇т̇ам̣ нивзд̣̇зси. бхаг̇аваа д̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси. саа д̣̇зсанаа махааж̇анасса саад̇т̇игаа ахосийд̇и.
Evaṃ devatāya attano puññakamme āvikate thero saparivārassa tassa devaputtassa dhammaṃ desetvā bhagavato tamatthaṃ nivedesi. Bhagavā taṃ aṭṭhuppattiṃ katvā sampattaparisāya dhammaṃ desesi. Sā desanā mahājanassa sātthikā ahosīti.
суван̣н̣авимаанаван̣н̣анаа нидтид̇аа.
Suvaṇṇavimānavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / вимаанавад̇т̇убаал̣и • Vimānavatthupāḷi / 4. суван̣н̣авимаанавад̇т̇у • 4. Suvaṇṇavimānavatthu
