| Library / Tipiṭaka / तिपिटक • Tipiṭaka / अङ्गुत्तरनिकाय • Aṅguttaranikāya |
७. सुविदूरसुत्तं
7. Suvidūrasuttaṃ
४७. ‘‘चत्तारिमानि, भिक्खवे, सुविदूरविदूरानि। कतमानि चत्तारि? नभञ्च , भिक्खवे, पथवी च; इदं पठमं सुविदूरविदूरे। ओरिमञ्च, भिक्खवे, तीरं समुद्दस्स पारिमञ्च; इदं दुतियं सुविदूरविदूरे। यतो च, भिक्खवे, वेरोचनो अब्भुदेति यत्थ च अत्थमेति 1; इदं ततियं सुविदूरविदूरे। सतञ्च, भिक्खवे, धम्मो असतञ्च धम्मो; इदं चतुत्थं सुविदूरविदूरे। इमानि खो, भिक्खवे, चत्तारि सुविदूरविदूरानी’’ति।
47. ‘‘Cattārimāni, bhikkhave, suvidūravidūrāni. Katamāni cattāri? Nabhañca , bhikkhave, pathavī ca; idaṃ paṭhamaṃ suvidūravidūre. Orimañca, bhikkhave, tīraṃ samuddassa pārimañca; idaṃ dutiyaṃ suvidūravidūre. Yato ca, bhikkhave, verocano abbhudeti yattha ca atthameti 2; idaṃ tatiyaṃ suvidūravidūre. Satañca, bhikkhave, dhammo asatañca dhammo; idaṃ catutthaṃ suvidūravidūre. Imāni kho, bhikkhave, cattāri suvidūravidūrānī’’ti.
पारं समुद्दस्स तदाहु दूरे।
Pāraṃ samuddassa tadāhu dūre;
यतो च वेरोचनो अब्भुदेति,
Yato ca verocano abbhudeti,
पभङ्करो यत्थ च अत्थमेति।
Pabhaṅkaro yattha ca atthameti;
ततो हवे दूरतरं वदन्ति,
Tato have dūrataraṃ vadanti,
सतञ्च धम्मं असतञ्च धम्मं॥
Satañca dhammaṃ asatañca dhammaṃ.
‘‘अब्यायिको होति सतं समागमो,
‘‘Abyāyiko hoti sataṃ samāgamo,
खिप्पञ्हि वेति असतं समागमो,
Khippañhi veti asataṃ samāgamo,
तस्मा सतं धम्मो असब्भि आरका’’ति॥ सत्तमं।
Tasmā sataṃ dhammo asabbhi ārakā’’ti. sattamaṃ;
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ७. सुविदूरसुत्तवण्णना • 7. Suvidūrasuttavaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ७. सुविदूरसुत्तवण्णना • 7. Suvidūrasuttavaṇṇanā
