| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๗. สุวิทูรสุตฺตํ
7. Suvidūrasuttaṃ
๔๗. ‘‘จตฺตาริมานิ, ภิกฺขเว, สุวิทูรวิทูรานิฯ กตมานิ จตฺตาริ? นภญฺจ , ภิกฺขเว, ปถวี จ; อิทํ ปฐมํ สุวิทูรวิทูเรฯ โอริมญฺจ, ภิกฺขเว, ตีรํ สมุทฺทสฺส ปาริมญฺจ; อิทํ ทุติยํ สุวิทูรวิทูเรฯ ยโต จ, ภิกฺขเว, เวโรจโน อพฺภุเทติ ยตฺถ จ อตฺถเมติ 1; อิทํ ตติยํ สุวิทูรวิทูเรฯ สตญฺจ, ภิกฺขเว, ธโมฺม อสตญฺจ ธโมฺม; อิทํ จตุตฺถํ สุวิทูรวิทูเรฯ อิมานิ โข, ภิกฺขเว, จตฺตาริ สุวิทูรวิทูรานี’’ติฯ
47. ‘‘Cattārimāni, bhikkhave, suvidūravidūrāni. Katamāni cattāri? Nabhañca , bhikkhave, pathavī ca; idaṃ paṭhamaṃ suvidūravidūre. Orimañca, bhikkhave, tīraṃ samuddassa pārimañca; idaṃ dutiyaṃ suvidūravidūre. Yato ca, bhikkhave, verocano abbhudeti yattha ca atthameti 2; idaṃ tatiyaṃ suvidūravidūre. Satañca, bhikkhave, dhammo asatañca dhammo; idaṃ catutthaṃ suvidūravidūre. Imāni kho, bhikkhave, cattāri suvidūravidūrānī’’ti.
ปารํ สมุทฺทสฺส ตทาหุ ทูเร;
Pāraṃ samuddassa tadāhu dūre;
ยโต จ เวโรจโน อพฺภุเทติ,
Yato ca verocano abbhudeti,
ปภงฺกโร ยตฺถ จ อตฺถเมติ;
Pabhaṅkaro yattha ca atthameti;
ตโต หเว ทูรตรํ วทนฺติ,
Tato have dūrataraṃ vadanti,
สตญฺจ ธมฺมํ อสตญฺจ ธมฺมํฯ
Satañca dhammaṃ asatañca dhammaṃ.
‘‘อพฺยายิโก โหติ สตํ สมาคโม,
‘‘Abyāyiko hoti sataṃ samāgamo,
ขิปฺปญฺหิ เวติ อสตํ สมาคโม,
Khippañhi veti asataṃ samāgamo,
ตสฺมา สตํ ธโมฺม อสพฺภิ อารกา’’ติฯ สตฺตมํ;
Tasmā sataṃ dhammo asabbhi ārakā’’ti. sattamaṃ;
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๗. สุวิทูรสุตฺตวณฺณนา • 7. Suvidūrasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๗. สุวิทูรสุตฺตวณฺณนา • 7. Suvidūrasuttavaṇṇanā
