| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
7. ஸுவிதூ³ரஸுத்தவண்ணனா
7. Suvidūrasuttavaṇṇanā
47. ஸத்தமே ஸுவிதூ³ரவிதூ³ரானீதி கேனசி பரியாயேன அனாஸன்னானி ஹுத்வா ஸுவிதூ³ரானேவ விதூ³ரானி. நப⁴ஞ்ச, பி⁴க்க²வே, பத²வீ சாதி ஆகாஸஞ்ச மஹாபத²வீ ச. தத்த² கிஞ்சாபி பத²விதோ ஆகாஸங் நாம ந தூ³ரே, த்³வங்கு³லமத்தேபி ஹோதி. அஞ்ஞமஞ்ஞங் அலக்³க³னட்டே²ன பன ‘‘ஸுவிதூ³ரவிதூ³ரே’’தி வுத்தங். வேரோசனோதி ஸூரியோ. ஸதஞ்ச, பி⁴க்க²வே, த⁴ம்மோதி சதுஸதிபட்டா²னாதி³பே⁴தோ³ ஸத்ததிங்ஸபோ³தி⁴பக்கி²யத⁴ம்மோ. அஸதஞ்ச த⁴ம்மோதி த்³வாஸட்டி²தி³ட்டி²க³தபே⁴தோ³ அஸ்ஸத்³த⁴ம்மோ.
47. Sattame suvidūravidūrānīti kenaci pariyāyena anāsannāni hutvā suvidūrāneva vidūrāni. Nabhañca, bhikkhave, pathavī cāti ākāsañca mahāpathavī ca. Tattha kiñcāpi pathavito ākāsaṃ nāma na dūre, dvaṅgulamattepi hoti. Aññamaññaṃ alagganaṭṭhena pana ‘‘suvidūravidūre’’ti vuttaṃ. Verocanoti sūriyo. Satañca, bhikkhave, dhammoti catusatipaṭṭhānādibhedo sattatiṃsabodhipakkhiyadhammo. Asatañca dhammoti dvāsaṭṭhidiṭṭhigatabhedo assaddhammo.
பப⁴ங்கரோதி ஆலோககரோ. அப்³யாயிகோ ஹோதீதி அவிக³ச்ச²னஸபா⁴வோ ஹோதி. ஸதங் ஸமாக³மோதி பண்டி³தானங் மித்தஸந்த²வவஸேன ஸமாக³மோ. யாவாபி திட்டெ²ய்யாதி யத்தகங் அத்³தா⁴னங் திட்டெ²ய்ய. ததே²வ ஹோதீதி தாதி³ஸோவ ஹோதி, பகதிங் ந ஜஹதி. கி²ப்பங் ஹி வேதீதி ஸீக⁴ங் விக³ச்ச²தி.
Pabhaṅkaroti ālokakaro. Abyāyiko hotīti avigacchanasabhāvo hoti. Sataṃ samāgamoti paṇḍitānaṃ mittasanthavavasena samāgamo. Yāvāpitiṭṭheyyāti yattakaṃ addhānaṃ tiṭṭheyya. Tatheva hotīti tādisova hoti, pakatiṃ na jahati. Khippaṃ hi vetīti sīghaṃ vigacchati.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. ஸுவிதூ³ரஸுத்தங் • 7. Suvidūrasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7. ஸுவிதூ³ரஸுத்தவண்ணனா • 7. Suvidūrasuttavaṇṇanā
