| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
७. सुविदूरसुत्तवण्णना
7. Suvidūrasuttavaṇṇanā
४७. सत्तमे सुविदूरविदूरानीति केनचि परियायेन अनासन्नानि हुत्वा सुविदूरानेव विदूरानि। नभञ्च, भिक्खवे, पथवी चाति आकासञ्च महापथवी च। तत्थ किञ्चापि पथवितो आकासं नाम न दूरे, द्वङ्गुलमत्तेपि होति। अञ्ञमञ्ञं अलग्गनट्ठेन पन ‘‘सुविदूरविदूरे’’ति वुत्तं। वेरोचनोति सूरियो। सतञ्च, भिक्खवे, धम्मोति चतुसतिपट्ठानादिभेदो सत्ततिंसबोधिपक्खियधम्मो। असतञ्च धम्मोति द्वासट्ठिदिट्ठिगतभेदो अस्सद्धम्मो।
47. Sattame suvidūravidūrānīti kenaci pariyāyena anāsannāni hutvā suvidūrāneva vidūrāni. Nabhañca, bhikkhave, pathavī cāti ākāsañca mahāpathavī ca. Tattha kiñcāpi pathavito ākāsaṃ nāma na dūre, dvaṅgulamattepi hoti. Aññamaññaṃ alagganaṭṭhena pana ‘‘suvidūravidūre’’ti vuttaṃ. Verocanoti sūriyo. Satañca, bhikkhave, dhammoti catusatipaṭṭhānādibhedo sattatiṃsabodhipakkhiyadhammo. Asatañca dhammoti dvāsaṭṭhidiṭṭhigatabhedo assaddhammo.
पभङ्करोति आलोककरो। अब्यायिको होतीति अविगच्छनसभावो होति। सतं समागमोति पण्डितानं मित्तसन्थववसेन समागमो। यावापि तिट्ठेय्याति यत्तकं अद्धानं तिट्ठेय्य। तथेव होतीति तादिसोव होति, पकतिं न जहति। खिप्पं हि वेतीति सीघं विगच्छति।
Pabhaṅkaroti ālokakaro. Abyāyiko hotīti avigacchanasabhāvo hoti. Sataṃ samāgamoti paṇḍitānaṃ mittasanthavavasena samāgamo. Yāvāpitiṭṭheyyāti yattakaṃ addhānaṃ tiṭṭheyya. Tatheva hotīti tādisova hoti, pakatiṃ na jahati. Khippaṃ hi vetīti sīghaṃ vigacchati.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ७. सुविदूरसुत्तं • 7. Suvidūrasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ७. सुविदूरसुत्तवण्णना • 7. Suvidūrasuttavaṇṇanā
