| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๗. สุวิทูรสุตฺตวณฺณนา
7. Suvidūrasuttavaṇṇanā
๔๗. สตฺตเม สุวิทูรวิทูรานีติ เกนจิ ปริยาเยน อนาสนฺนานิ หุตฺวา สุวิทูราเนว วิทูรานิฯ นภญฺจ, ภิกฺขเว, ปถวี จาติ อากาสญฺจ มหาปถวี จฯ ตตฺถ กิญฺจาปิ ปถวิโต อากาสํ นาม น ทูเร, ทฺวงฺคุลมเตฺตปิ โหติฯ อญฺญมญฺญํ อลคฺคนเฎฺฐน ปน ‘‘สุวิทูรวิทูเร’’ติ วุตฺตํฯ เวโรจโนติ สูริโยฯ สตญฺจ, ภิกฺขเว, ธโมฺมติ จตุสติปฎฺฐานาทิเภโท สตฺตติํสโพธิปกฺขิยธโมฺมฯ อสตญฺจ ธโมฺมติ ทฺวาสฎฺฐิทิฎฺฐิคตเภโท อสฺสทฺธโมฺมฯ
47. Sattame suvidūravidūrānīti kenaci pariyāyena anāsannāni hutvā suvidūrāneva vidūrāni. Nabhañca, bhikkhave, pathavī cāti ākāsañca mahāpathavī ca. Tattha kiñcāpi pathavito ākāsaṃ nāma na dūre, dvaṅgulamattepi hoti. Aññamaññaṃ alagganaṭṭhena pana ‘‘suvidūravidūre’’ti vuttaṃ. Verocanoti sūriyo. Satañca, bhikkhave, dhammoti catusatipaṭṭhānādibhedo sattatiṃsabodhipakkhiyadhammo. Asatañca dhammoti dvāsaṭṭhidiṭṭhigatabhedo assaddhammo.
ปภงฺกโรติ อาโลกกโรฯ อพฺยายิโก โหตีติ อวิคจฺฉนสภาโว โหติฯ สตํ สมาคโมติ ปณฺฑิตานํ มิตฺตสนฺถววเสน สมาคโมฯ ยาวาปิ ติเฎฺฐยฺยาติ ยตฺตกํ อทฺธานํ ติเฎฺฐยฺยฯ ตเถว โหตีติ ตาทิโสว โหติ, ปกติํ น ชหติฯ ขิปฺปํ หิ เวตีติ สีฆํ วิคจฺฉติฯ
Pabhaṅkaroti ālokakaro. Abyāyiko hotīti avigacchanasabhāvo hoti. Sataṃ samāgamoti paṇḍitānaṃ mittasanthavavasena samāgamo. Yāvāpitiṭṭheyyāti yattakaṃ addhānaṃ tiṭṭheyya. Tatheva hotīti tādisova hoti, pakatiṃ na jahati. Khippaṃ hi vetīti sīghaṃ vigacchati.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๗. สุวิทูรสุตฺตํ • 7. Suvidūrasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๗. สุวิทูรสุตฺตวณฺณนา • 7. Suvidūrasuttavaṇṇanā
