| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៧. សុវិទូរសុត្តវណ្ណនា
7. Suvidūrasuttavaṇṇanā
៤៧. សត្តមេ សុវិទូរវិទូរានីតិ កេនចិ បរិយាយេន អនាសន្នានិ ហុត្វា សុវិទូរានេវ វិទូរានិ។ នភញ្ច, ភិក្ខវេ, បថវី ចាតិ អាកាសញ្ច មហាបថវី ច។ តត្ថ កិញ្ចាបិ បថវិតោ អាកាសំ នាម ន ទូរេ, ទ្វង្គុលមត្តេបិ ហោតិ។ អញ្ញមញ្ញំ អលគ្គនដ្ឋេន បន ‘‘សុវិទូរវិទូរេ’’តិ វុត្តំ។ វេរោចនោតិ សូរិយោ។ សតញ្ច, ភិក្ខវេ, ធម្មោតិ ចតុសតិបដ្ឋានាទិភេទោ សត្តតិំសពោធិបក្ខិយធម្មោ។ អសតញ្ច ធម្មោតិ ទ្វាសដ្ឋិទិដ្ឋិគតភេទោ អស្សទ្ធម្មោ។
47. Sattame suvidūravidūrānīti kenaci pariyāyena anāsannāni hutvā suvidūrāneva vidūrāni. Nabhañca, bhikkhave, pathavī cāti ākāsañca mahāpathavī ca. Tattha kiñcāpi pathavito ākāsaṃ nāma na dūre, dvaṅgulamattepi hoti. Aññamaññaṃ alagganaṭṭhena pana ‘‘suvidūravidūre’’ti vuttaṃ. Verocanoti sūriyo. Satañca, bhikkhave, dhammoti catusatipaṭṭhānādibhedo sattatiṃsabodhipakkhiyadhammo. Asatañca dhammoti dvāsaṭṭhidiṭṭhigatabhedo assaddhammo.
បភង្ករោតិ អាលោកករោ។ អព្យាយិកោ ហោតីតិ អវិគច្ឆនសភាវោ ហោតិ។ សតំ សមាគមោតិ បណ្ឌិតានំ មិត្តសន្ថវវសេន សមាគមោ។ យាវាបិ តិដ្ឋេយ្យាតិ យត្តកំ អទ្ធានំ តិដ្ឋេយ្យ។ តថេវ ហោតីតិ តាទិសោវ ហោតិ, បកតិំ ន ជហតិ។ ខិប្បំ ហិ វេតីតិ សីឃំ វិគច្ឆតិ។
Pabhaṅkaroti ālokakaro. Abyāyiko hotīti avigacchanasabhāvo hoti. Sataṃ samāgamoti paṇḍitānaṃ mittasanthavavasena samāgamo. Yāvāpitiṭṭheyyāti yattakaṃ addhānaṃ tiṭṭheyya. Tatheva hotīti tādisova hoti, pakatiṃ na jahati. Khippaṃ hi vetīti sīghaṃ vigacchati.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៧. សុវិទូរសុត្តំ • 7. Suvidūrasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៧. សុវិទូរសុត្តវណ្ណនា • 7. Suvidūrasuttavaṇṇanā
