| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
7. සුවිදූරසුත්‌තවණ්‌ණනා
7. Suvidūrasuttavaṇṇanā
47. සත්‌තමෙ සුවිදූරවිදූරානීති කෙනචි පරියායෙන අනාසන්‌නානි හුත්‌වා සුවිදූරානෙව විදූරානි. නභඤ්‌ච, භික්‌ඛවෙ, පථවී චාති ආකාසඤ්‌ච මහාපථවී ච. තත්‌ථ කිඤ්‌චාපි පථවිතො ආකාසං නාම න දූරෙ, ද්‌වඞ්‌ගුලමත්‌තෙපි හොති. අඤ්‌ඤමඤ්‌ඤං අලග්‌ගනට්‌ඨෙන පන ‘‘සුවිදූරවිදූරෙ’’ති වුත්‌තං. වෙරොචනොති සූරියො. සතඤ්‌ච, භික්‌ඛවෙ, ධම්‌මොති චතුසතිපට්‌ඨානාදිභෙදො සත්‌තතිංසබොධිපක්‌ඛියධම්‌මො. අසතඤ්‌ච ධම්‌මොති ද්‌වාසට්‌ඨිදිට්‌ඨිගතභෙදො අස්‌සද්‌ධම්‌මො.
47. Sattame suvidūravidūrānīti kenaci pariyāyena anāsannāni hutvā suvidūrāneva vidūrāni. Nabhañca, bhikkhave, pathavī cāti ākāsañca mahāpathavī ca. Tattha kiñcāpi pathavito ākāsaṃ nāma na dūre, dvaṅgulamattepi hoti. Aññamaññaṃ alagganaṭṭhena pana ‘‘suvidūravidūre’’ti vuttaṃ. Verocanoti sūriyo. Satañca, bhikkhave, dhammoti catusatipaṭṭhānādibhedo sattatiṃsabodhipakkhiyadhammo. Asatañca dhammoti dvāsaṭṭhidiṭṭhigatabhedo assaddhammo.
පභඞ්‌කරොති ආලොකකරො. අබ්‍යායිකො හොතීති අවිගච්‌ඡනසභාවො හොති. සතං සමාගමොති පණ්‌ඩිතානං මිත්‌තසන්‌ථවවසෙන සමාගමො. යාවාපි තිට්‌ඨෙය්‍යාති යත්‌තකං අද්‌ධානං තිට්‌ඨෙය්‍ය. තථෙව හොතීති තාදිසොව හොති, පකතිං න ජහති. ඛිප්‌පං හි වෙතීති සීඝං විගච්‌ඡති.
Pabhaṅkaroti ālokakaro. Abyāyiko hotīti avigacchanasabhāvo hoti. Sataṃ samāgamoti paṇḍitānaṃ mittasanthavavasena samāgamo. Yāvāpitiṭṭheyyāti yattakaṃ addhānaṃ tiṭṭheyya. Tatheva hotīti tādisova hoti, pakatiṃ na jahati. Khippaṃ hi vetīti sīghaṃ vigacchati.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 7. සුවිදූරසුත්‌තං • 7. Suvidūrasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 7. සුවිදූරසුත්‌තවණ්‌ණනා • 7. Suvidūrasuttavaṇṇanā
