| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༧. སུཝིདཱུརསུཏྟཝཎྞནཱ
7. Suvidūrasuttavaṇṇanā
༤༧. སཏྟམེ སུཝིདཱུརཝིདཱུརཱནཱིཏི ཀེནཙི པརིཡཱཡེན ཨནཱསནྣཱནི ཧུཏྭཱ སུཝིདཱུརཱནེཝ ཝིདཱུརཱནི། ནབྷཉྩ, བྷིཀྑཝེ, པཐཝཱི ཙཱཏི ཨཱཀཱསཉྩ མཧཱཔཐཝཱི ཙ། ཏཏྠ ཀིཉྩཱཔི པཐཝིཏོ ཨཱཀཱསཾ ནཱམ ན དཱུརེ, དྭངྒུལམཏྟེཔི ཧོཏི། ཨཉྙམཉྙཾ ཨལགྒནཊྛེན པན ‘‘སུཝིདཱུརཝིདཱུརེ’’ཏི ཝུཏྟཾ། ཝེརོཙནོཏི སཱུརིཡོ། སཏཉྩ, བྷིཀྑཝེ, དྷམྨོཏི ཙཏུསཏིཔཊྛཱནཱདིབྷེདོ སཏྟཏིཾསབོདྷིཔཀྑིཡདྷམྨོ། ཨསཏཉྩ དྷམྨོཏི དྭཱསཊྛིདིཊྛིགཏབྷེདོ ཨསྶདྡྷམྨོ།
47. Sattame suvidūravidūrānīti kenaci pariyāyena anāsannāni hutvā suvidūrāneva vidūrāni. Nabhañca, bhikkhave, pathavī cāti ākāsañca mahāpathavī ca. Tattha kiñcāpi pathavito ākāsaṃ nāma na dūre, dvaṅgulamattepi hoti. Aññamaññaṃ alagganaṭṭhena pana ‘‘suvidūravidūre’’ti vuttaṃ. Verocanoti sūriyo. Satañca, bhikkhave, dhammoti catusatipaṭṭhānādibhedo sattatiṃsabodhipakkhiyadhammo. Asatañca dhammoti dvāsaṭṭhidiṭṭhigatabhedo assaddhammo.
པབྷངྐརོཏི ཨཱལོཀཀརོ། ཨབྱཱཡིཀོ ཧོཏཱིཏི ཨཝིགཙྪནསབྷཱཝོ ཧོཏི། སཏཾ སམཱགམོཏི པཎྜིཏཱནཾ མིཏྟསནྠཝཝསེན སམཱགམོ། ཡཱཝཱཔི ཏིཊྛེཡྻཱཏི ཡཏྟཀཾ ཨདྡྷཱནཾ ཏིཊྛེཡྻ། ཏཐེཝ ཧོཏཱིཏི ཏཱདིསོཝ ཧོཏི, པཀཏིཾ ན ཛཧཏི། ཁིཔྤཾ ཧི ཝེཏཱིཏི སཱིགྷཾ ཝིགཙྪཏི།
Pabhaṅkaroti ālokakaro. Abyāyiko hotīti avigacchanasabhāvo hoti. Sataṃ samāgamoti paṇḍitānaṃ mittasanthavavasena samāgamo. Yāvāpitiṭṭheyyāti yattakaṃ addhānaṃ tiṭṭheyya. Tatheva hotīti tādisova hoti, pakatiṃ na jahati. Khippaṃ hi vetīti sīghaṃ vigacchati.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༧. སུཝིདཱུརསུཏྟཾ • 7. Suvidūrasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༧. སུཝིདཱུརསུཏྟཝཎྞནཱ • 7. Suvidūrasuttavaṇṇanā
