1. сувийрасуд̇д̇ам̣

1. Suvīrasuttaṃ

247. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –

247. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –

‘‘бхууд̇абуб̣б̣ам̣, бхигкавз, асураа д̣̇звз абхияам̣су. ат̇а ко, бхигкавз, сагго д̣̇зваанаминд̣̇о сувийрам̣ д̣̇звабуд̇д̇ам̣ ааманд̇зси – ‘зд̇з, д̇аад̇а сувийра, асураа д̣̇звз абхияанд̇и. г̇ажча, д̇аад̇а сувийра, асурз бажжуяяаахий’д̇и. ‘звам̣ бхад̣̇д̣̇анд̇аваа’д̇и ко, бхигкавз, сувийро д̣̇звабуд̇д̇о саггасса д̣̇зваанаминд̣̇асса бадиссуд̇ваа бамаад̣̇ам̣ аабаад̣̇зси ¹. д̣̇уд̇ияамби ко, бхигкавз, сагго д̣̇зваанаминд̣̇о сувийрам̣ д̣̇звабуд̇д̇ам̣ ааманд̇зси – ‘зд̇з, д̇аад̇а сувийра, асураа д̣̇звз абхияанд̇и. г̇ажча, д̇аад̇а сувийра, асурз бажжуяяаахий’д̇и. ‘звам̣ бхад̣̇д̣̇анд̇аваа’д̇и ко, бхигкавз, сувийро д̣̇звабуд̇д̇о саггасса д̣̇зваанаминд̣̇асса бадиссуд̇ваа д̣̇уд̇ияамби бамаад̣̇ам̣ аабаад̣̇зси. д̇ад̇ияамби ко, бхигкавз, сагго д̣̇зваанаминд̣̇о сувийрам̣ д̣̇звабуд̇д̇ам̣ ааманд̇зси – ‘зд̇з, д̇аад̇а сувийра, асураа д̣̇звз абхияанд̇и. г̇ажча, д̇аад̇а сувийра, асурз бажжуяяаахий’д̇и . ‘звам̣ бхад̣̇д̣̇анд̇аваа’д̇и ко, бхигкавз, сувийро д̣̇звабуд̇д̇о саггасса д̣̇зваанаминд̣̇асса бадиссуд̇ваа д̇ад̇ияамби бамаад̣̇ам̣ аабаад̣̇зси. ат̇а ко, бхигкавз, сагго д̣̇зваанаминд̣̇о сувийрам̣ д̣̇звабуд̇д̇ам̣ г̇аат̇ааяа аж̇жхабхааси –

‘‘Bhūtapubbaṃ, bhikkhave, asurā deve abhiyaṃsu. Atha kho, bhikkhave, sakko devānamindo suvīraṃ devaputtaṃ āmantesi – ‘ete, tāta suvīra, asurā deve abhiyanti. Gaccha, tāta suvīra, asure paccuyyāhī’ti. ‘Evaṃ bhaddantavā’ti kho, bhikkhave, suvīro devaputto sakkassa devānamindassa paṭissutvā pamādaṃ āpādesi ². Dutiyampi kho, bhikkhave, sakko devānamindo suvīraṃ devaputtaṃ āmantesi – ‘ete, tāta suvīra, asurā deve abhiyanti. Gaccha, tāta suvīra, asure paccuyyāhī’ti. ‘Evaṃ bhaddantavā’ti kho, bhikkhave, suvīro devaputto sakkassa devānamindassa paṭissutvā dutiyampi pamādaṃ āpādesi. Tatiyampi kho, bhikkhave, sakko devānamindo suvīraṃ devaputtaṃ āmantesi – ‘ete, tāta suvīra, asurā deve abhiyanti. Gaccha, tāta suvīra, asure paccuyyāhī’ti . ‘Evaṃ bhaddantavā’ti kho, bhikkhave, suvīro devaputto sakkassa devānamindassa paṭissutvā tatiyampi pamādaṃ āpādesi. Atha kho, bhikkhave, sakko devānamindo suvīraṃ devaputtaṃ gāthāya ajjhabhāsi –

‘‘анудтахам̣ авааяаамам̣, сукам̣ яад̇раад̇хиг̇ажчад̇и;

‘‘Anuṭṭhahaṃ avāyāmaṃ, sukhaṃ yatrādhigacchati;

сувийра д̇ад̇т̇а г̇ажчаахи, ман̃жа д̇ад̇т̇зва баабаяаа’’д̇и.

Suvīra tattha gacchāhi, mañca tattheva pāpayā’’ti.

‘‘аласвасса ³ анудтаад̇аа, на жа гижжаани гаараяз;

‘‘Alasvassa ⁴ anuṭṭhātā, na ca kiccāni kāraye;

саб̣б̣агаамасамид̣̇д̇хасса, д̇ам̣ мз сагга варам̣ д̣̇исаа’’д̇и.

Sabbakāmasamiddhassa, taṃ me sakka varaṃ disā’’ti.

‘‘яад̇т̇ааласо анудтаад̇аа, ажжанд̇ам̣ сукамзд̇хад̇и;

‘‘Yatthālaso anuṭṭhātā, accantaṃ sukhamedhati;

сувийра д̇ад̇т̇а г̇ажчаахи, ман̃жа д̇ад̇т̇зва баабаяаа’’д̇и.

Suvīra tattha gacchāhi, mañca tattheva pāpayā’’ti.

‘‘агаммунаа ⁵ д̣̇звасздта, сагга винд̣̇зму яам̣ сукам̣;

‘‘Akammunā ⁶ devaseṭṭha, sakka vindemu yaṃ sukhaṃ;

асогам̣ анубааяаасам̣, д̇ам̣ мз сагга варам̣ д̣̇исаа’’д̇и.

Asokaṃ anupāyāsaṃ, taṃ me sakka varaṃ disā’’ti.

‘‘сажз ад̇т̇и агаммзна, гожи гважи на ж̇ийвад̇и;

‘‘Sace atthi akammena, koci kvaci na jīvati;

ниб̣б̣аанасса хи со маг̇г̇о, сувийра д̇ад̇т̇а г̇ажчаахи;

Nibbānassa hi so maggo, suvīra tattha gacchāhi;

ман̃жа д̇ад̇т̇зва баабаяаа’’д̇и.

Mañca tattheva pāpayā’’ti.

‘‘со хи наама, бхигкавз, сагго д̣̇зваанаминд̣̇о сагам̣ бун̃н̃апалам̣ убаж̇ийвамаано д̣̇зваанам̣ д̇аавад̇им̣саанам̣ иссарияаад̇хибажжам̣ раж̇ж̇ам̣ гаарзнд̇о удтаанавийрияасса ван̣н̣аваад̣̇ий бхависсад̇и. ид̇ха ко д̇ам̣, бхигкавз, собхзт̇а, яам̣ д̇умхз звам̣ сваагкаад̇з д̇хаммавинаяз баб̣б̣аж̇ид̇аа самаанаа удтахзяяаат̇а гхадзяяаат̇а вааяамзяяаат̇а аббад̇д̇асса бад̇д̇ияаа анад̇хиг̇ад̇асса ад̇хиг̇амааяа, асажчигад̇асса сажчигирияааяаа’’д̇и.

‘‘So hi nāma, bhikkhave, sakko devānamindo sakaṃ puññaphalaṃ upajīvamāno devānaṃ tāvatiṃsānaṃ issariyādhipaccaṃ rajjaṃ kārento uṭṭhānavīriyassa vaṇṇavādī bhavissati. Idha kho taṃ, bhikkhave, sobhetha, yaṃ tumhe evaṃ svākkhāte dhammavinaye pabbajitā samānā uṭṭhaheyyātha ghaṭeyyātha vāyameyyātha appattassa pattiyā anadhigatassa adhigamāya, asacchikatassa sacchikiriyāyā’’ti.

Next: 2. сусиймасуд̇д̇ам̣ • 2. Susīmasuttaṃ

Footnotes:

1. аахарзси (гад̇т̇ажи) наван̇г̇уд̇д̇арз сийханаад̣̇асуд̇д̇зби

2. āharesi (katthaci) navaṅguttare sīhanādasuttepi

3. аласа’сса (сий. бий.), аласвааяам̣ (сяаа. гам̣.)

4. alasa’ssa (sī. pī.), alasvāyaṃ (syā. kaṃ.)

5. агамманаа (сий. бий.)

6. akammanā (sī. pī.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. сувийрасуд̇д̇аван̣н̣анаа • 1. Suvīrasuttavaṇṇanā

дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. сувийрасуд̇д̇аван̣н̣анаа • 1. Suvīrasuttavaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact