| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
11. саггасам̣яуд̇д̇ам̣
11. Sakkasaṃyuttaṃ
1. батамаваг̇г̇о
1. Paṭhamavaggo
1. сувийрасуд̇д̇аван̣н̣анаа
1. Suvīrasuttavaṇṇanā
247. саггасам̣яуд̇д̇асса батамз абхияам̣сууд̇и гад̣̇аа абхияам̣су? яад̣̇аа б̣алаванд̇о ахзсум̣, д̇ад̣̇аа. д̇ад̇рааяам̣ анубуб̣б̣игат̇аа – сагго гира маг̇ад̇харадтз мажалаг̇аамагз магхо наама маан̣аво худ̇ваа д̇зд̇д̇им̣са бурисз г̇ахзд̇ваа галяаан̣агаммам̣ гаронд̇о сад̇д̇а вад̇абад̣̇аани буурзд̇ваа д̇ад̇т̇а гаалан̇гад̇о д̣̇звалогз ниб̣б̣ад̇д̇и. д̇ам̣ б̣алавагаммаанубхаавзна сабарисам̣ сзсад̣̇звад̇аа д̣̇асахи таанзхи ад̇хиг̇ан̣ханд̇ам̣ д̣̇исваа ‘‘ааг̇анд̇угад̣̇звабуд̇д̇аа ааг̇ад̇аа’’д̇и нзваасигаа г̇анд̇хабаанам̣ саж̇ж̇аяим̣су. сагго сагабарисааяа сан̃н̃ам̣ ад̣̇ааси – ‘‘маарисаа маа г̇анд̇хабаанам̣ бивид̇т̇а, биванаагаарамад̇д̇амзва д̣̇ассзт̇аа’’д̇и. д̇з д̇ад̇т̇а агам̣су. нзваасигад̣̇звад̇аа суван̣н̣асарагзхи убанийд̇ам̣ г̇анд̇хабаанам̣ яаавад̣̇ад̇т̇ам̣ бивид̇ваа мад̇д̇аа д̇ад̇т̇а д̇ад̇т̇а суван̣н̣абат̇авияам̣ бад̇ид̇ваа саяим̣су. сагго ‘‘г̇ан̣хат̇а буд̇д̇ахад̇ааяа буд̇д̇з’’д̇и д̇з баад̣̇зсу г̇ахзд̇ваа синзрубаад̣̇з кибаабзси. саггасса бун̃н̃ад̇зж̇зна д̇ад̣̇анувад̇д̇агааби саб̣б̣з д̇ад̇т̇зва бад̇им̣су. д̇з синзрувзмаж̇жхагаалз сан̃н̃ам̣ лабхид̇ваа, ‘‘д̇аад̇аа на сурам̣ бивимха, на сурам̣ бивимхаа’’д̇и аахам̣су. д̇ад̇о бадтааяа асураа наама ж̇аад̇аа. ат̇а нзсам̣ гаммабажжаяауд̇усамудтаанам̣ синзрусса хздтимад̇алз д̣̇асаяож̇анасахассам̣ асурабхаванам̣ ниб̣б̣ад̇д̇и. сагго д̇зсам̣ нивад̇д̇зд̇ваа анааг̇аманад̇т̇ааяа аарагкам̣ табзси, яам̣ санд̇хааяа вуд̇д̇ам̣ –
247. Sakkasaṃyuttassa paṭhame abhiyaṃsūti kadā abhiyaṃsu? Yadā balavanto ahesuṃ, tadā. Tatrāyaṃ anupubbikathā – sakko kira magadharaṭṭhe macalagāmake magho nāma māṇavo hutvā tettiṃsa purise gahetvā kalyāṇakammaṃ karonto satta vatapadāni pūretvā tattha kālaṅkato devaloke nibbatti. Taṃ balavakammānubhāvena saparisaṃ sesadevatā dasahi ṭhānehi adhigaṇhantaṃ disvā ‘‘āgantukadevaputtā āgatā’’ti nevāsikā gandhapānaṃ sajjayiṃsu. Sakko sakaparisāya saññaṃ adāsi – ‘‘mārisā mā gandhapānaṃ pivittha, pivanākāramattameva dassethā’’ti. Te tattha akaṃsu. Nevāsikadevatā suvaṇṇasarakehi upanītaṃ gandhapānaṃ yāvadatthaṃ pivitvā mattā tattha tattha suvaṇṇapathaviyaṃ patitvā sayiṃsu. Sakko ‘‘gaṇhatha puttahatāya putte’’ti te pādesu gahetvā sinerupāde khipāpesi. Sakkassa puññatejena tadanuvattakāpi sabbe tattheva patiṃsu. Te sineruvemajjhakāle saññaṃ labhitvā, ‘‘tātā na suraṃ pivimha, na suraṃ pivimhā’’ti āhaṃsu. Tato paṭṭhāya asurā nāma jātā. Atha nesaṃ kammapaccayautusamuṭṭhānaṃ sinerussa heṭṭhimatale dasayojanasahassaṃ asurabhavanaṃ nibbatti. Sakko tesaṃ nivattetvā anāgamanatthāya ārakkhaṃ ṭhapesi, yaṃ sandhāya vuttaṃ –
‘‘анд̇араа д̣̇виннам̣ аяуж̇жхабураанам̣,
‘‘Antarā dvinnaṃ ayujjhapurānaṃ,
бан̃жавид̇хаа табид̇аа абхирагкаа;
Pañcavidhā ṭhapitā abhirakkhā;
уд̣̇агам̣ гароди-баяасса жа хаарий,
Udakaṃ karoṭi-payassa ca hārī,
мад̣̇анаяуд̇аа жад̇уро жа махад̇т̇аа’’д̇и.
Madanayutā caturo ca mahatthā’’ti.
д̣̇вз наг̇араани хи яуд̣̇д̇хзна г̇ахзд̇ум̣ асаггун̣зяяад̇ааяа аяуж̇жхабураани наама ж̇аад̇аани д̣̇званаг̇аран̃жа асуранаг̇аран̃жа. яад̣̇аа хи асураа б̣алаванд̇о хонд̇и, ат̇а д̣̇звзхи балааяид̇ваа д̣̇званаг̇арам̣ бависид̇ваа д̣̇ваарз бид̣̇ахид̇з асураанам̣ сад̇асахассамби гин̃жи гаад̇ум̣ на саггод̇и. яад̣̇аа д̣̇зваа б̣алаванд̇о хонд̇и, ат̇аасурзхи балааяид̇ваа асуранаг̇арасса д̣̇ваарз бид̣̇ахид̇з саггаанам̣ сад̇асахассамби гин̃жи гаад̇ум̣ на саггод̇и. ид̇и имаани д̣̇вз наг̇араани аяуж̇жхабураани наама. нзсам̣ анд̇араа зд̇зсу уд̣̇агаад̣̇ийсу бан̃жасу таанзсу саггзна аарагкаа табид̇аа. д̇ад̇т̇а уд̣̇агасад̣̇д̣̇зна нааг̇аа г̇ахид̇аа. д̇з хи уд̣̇агз б̣алаванд̇о хонд̇и. д̇асмаа синзрусса батамаалинд̣̇з д̇зсам̣ аарагкаа. гародисад̣̇д̣̇зна субан̣н̣аа г̇ахид̇аа. д̇зсам̣ гира гароди наама баанабхож̇анам̣, д̇зна д̇ам̣ наамам̣ лабхим̣су. д̣̇уд̇ияаалинд̣̇з д̇зсам̣ аарагкаа. баяассахаарийсад̣̇д̣̇зна гумбхан̣д̣аа г̇ахид̇аа. д̣̇аанаварагкасаа гира д̇з. д̇ад̇ияаалинд̣̇з д̇зсам̣ аарагкаа. мад̣̇анаяуд̇асад̣̇д̣̇зна яагкаа г̇ахид̇аа. висамажаарино гирад̇з яуж̇жхасон̣д̣аа. жад̇уд̇т̇аалинд̣̇з д̇зсам̣ аарагкаа. жад̇уро жа маханд̇аад̇и жад̇д̇ааро махаарааж̇аано вуд̇д̇аа. бан̃жамаалинд̣̇з д̇зсам̣ аарагкаа. д̇асмаа яад̣̇и асураа губид̇аавилажид̇д̇аа д̣̇звабурам̣ убаяанд̇и яуд̣̇д̇хзсуу, яам̣ г̇ирино батамам̣ барибхан̣д̣ам̣, д̇ам̣ ураг̇аа бадиб̣ааханд̇и звам̣ сзсзсу сзсаа.
Dve nagarāni hi yuddhena gahetuṃ asakkuṇeyyatāya ayujjhapurāni nāma jātāni devanagarañca asuranagarañca. Yadā hi asurā balavanto honti, atha devehi palāyitvā devanagaraṃ pavisitvā dvāre pidahite asurānaṃ satasahassampi kiñci kātuṃ na sakkoti. Yadā devā balavanto honti, athāsurehi palāyitvā asuranagarassa dvāre pidahite sakkānaṃ satasahassampi kiñci kātuṃ na sakkoti. Iti imāni dve nagarāni ayujjhapurāni nāma. Nesaṃ antarā etesu udakādīsu pañcasu ṭhānesu sakkena ārakkhā ṭhapitā. Tattha udakasaddena nāgā gahitā. Te hi udake balavanto honti. Tasmā sinerussa paṭhamālinde tesaṃ ārakkhā. Karoṭisaddena supaṇṇā gahitā. Tesaṃ kira karoṭi nāma pānabhojanaṃ, tena taṃ nāmaṃ labhiṃsu. Dutiyālinde tesaṃ ārakkhā. Payassahārīsaddena kumbhaṇḍā gahitā. Dānavarakkhasā kira te. Tatiyālinde tesaṃ ārakkhā. Madanayutasaddena yakkhā gahitā. Visamacārino kirate yujjhasoṇḍā. Catutthālinde tesaṃ ārakkhā. Caturo ca mahantāti cattāro mahārājāno vuttā. Pañcamālinde tesaṃ ārakkhā. Tasmā yadi asurā kupitāvilacittā devapuraṃ upayanti yuddhesū, yaṃ girino paṭhamaṃ paribhaṇḍaṃ, taṃ uragā paṭibāhanti evaṃ sesesu sesā.
д̇з бана асураа ааяуван̣н̣арасаиссарияасамбад̇д̇ийхи д̇аавад̇им̣сасад̣̇исаава. д̇асмаа анд̇араа ад̇д̇аанам̣ аж̇аанид̇ваа баадалияаа бубпид̇ааяа, ‘‘на ид̣̇ам̣ д̣̇званаг̇арам̣, д̇ад̇т̇а баарижчад̇д̇аго бубпад̇и, ид̇ха бана жид̇д̇абаадалий, ж̇арасаггзнаамхаагам̣ сурам̣ бааязд̇ваа ван̃жид̇аа, д̣̇званаг̇аран̃жа но г̇ахид̇ам̣, г̇ажчаама д̇зна сад̣̇д̇хим̣ яуж̇жхиссаамаа’’д̇и хад̇т̇иассарат̇з ааруяха суван̣н̣араж̇ад̇аман̣ипалагаани г̇ахзд̇ваа, яуд̣̇д̇хасаж̇ж̇аа худ̇ваа, асурабхзрияо ваад̣̇знд̇аа махаасамуд̣̇д̣̇з уд̣̇агам̣ д̣̇вид̇хаа бхзд̇ваа удтаханд̇и. д̇з д̣̇звз вудтз ваммигамагкигаа ваммигам̣ вияа синзрум̣ абхирухид̇у аарабханд̇и. ат̇а нзсам̣ батамам̣ нааг̇зхи сад̣̇д̇хим̣ яуд̣̇д̇хам̣ ход̇и. д̇асмим̣ ко бана яуд̣̇д̇хз на гассажи чави ваа жаммам̣ ваа чиж̇ж̇ад̇и, на лохид̇ам̣ уббаж̇ж̇ад̇и, гзвалам̣ гумаарагаанам̣ д̣̇аарумзн̣д̣агаяуд̣̇д̇хам̣ вияа ан̃н̃аман̃н̃ам̣ санд̇аасанамад̇д̇амзва ход̇и. годисад̇ааби годисахассааби нааг̇аа д̇зхи сад̣̇д̇хим̣ яуж̇жхид̇ваа д̇з асурабурам̣язва бавзсзд̇ваа нивад̇д̇анд̇и.
Te pana asurā āyuvaṇṇarasaissariyasampattīhi tāvatiṃsasadisāva. Tasmā antarā attānaṃ ajānitvā pāṭaliyā pupphitāya, ‘‘na idaṃ devanagaraṃ, tattha pāricchattako pupphati, idha pana cittapāṭalī, jarasakkenāmhākaṃ suraṃ pāyetvā vañcitā, devanagarañca no gahitaṃ, gacchāma tena saddhiṃ yujjhissāmā’’ti hatthiassarathe āruyha suvaṇṇarajatamaṇiphalakāni gahetvā, yuddhasajjā hutvā, asurabheriyo vādentā mahāsamudde udakaṃ dvidhā bhetvā uṭṭhahanti. Te deve vuṭṭhe vammikamakkhikā vammikaṃ viya sineruṃ abhiruhitu ārabhanti. Atha nesaṃ paṭhamaṃ nāgehi saddhiṃ yuddhaṃ hoti. Tasmiṃ kho pana yuddhe na kassaci chavi vā cammaṃ vā chijjati, na lohitaṃ uppajjati, kevalaṃ kumārakānaṃ dārumeṇḍakayuddhaṃ viya aññamaññaṃ santāsanamattameva hoti. Koṭisatāpi koṭisahassāpi nāgā tehi saddhiṃ yujjhitvā te asurapuraṃyeva pavesetvā nivattanti.
яад̣̇аа бана асураа б̣алаванд̇о хонд̇и, ат̇а нааг̇аа осаггид̇ваа д̣̇уд̇ияз аалинд̣̇з субан̣н̣зхи сад̣̇д̇хим̣ згад̇ова худ̇ваа яуж̇жханд̇и. зса наяо субан̣н̣аад̣̇ийсууби. яад̣̇аа бана д̇аани бан̃жаби таанаани асураа мад̣̇д̣̇анд̇и, д̇ад̣̇аа згад̇о самбин̣д̣ид̇ааниби бан̃жа б̣алаани осагганд̇и. ат̇а жад̇д̇ааро махаарааж̇аано г̇анд̇ваа саггасса д̇ам̣ бавад̇д̇им̣ аарожзнд̇и. сагго д̇зсам̣ важанам̣ суд̇ваа д̣̇ияад̣дхаяож̇анасад̇игам̣ взж̇аяанд̇арат̇ам̣ ааруяха саяам̣ ваа нигкамад̇и, згам̣ ваа буд̇д̇ам̣ бзсзд̇и. имасмим̣ бана гаалз буд̇д̇ам̣ бзсзд̇угаамо, д̇аад̇а сувийраад̇иаад̣̇имааха.
Yadā pana asurā balavanto honti, atha nāgā osakkitvā dutiye ālinde supaṇṇehi saddhiṃ ekatova hutvā yujjhanti. Esa nayo supaṇṇādīsūpi. Yadā pana tāni pañcapi ṭhānāni asurā maddanti, tadā ekato sampiṇḍitānipi pañca balāni osakkanti. Atha cattāro mahārājāno gantvā sakkassa taṃ pavattiṃ ārocenti. Sakko tesaṃ vacanaṃ sutvā diyaḍḍhayojanasatikaṃ vejayantarathaṃ āruyha sayaṃ vā nikkhamati, ekaṃ vā puttaṃ peseti. Imasmiṃ pana kāle puttaṃ pesetukāmo, tāta suvīrātiādimāha.
звам̣ бхад̣̇д̣̇анд̇аваад̇и код̇и звам̣ ход̇у бхад̣̇д̣̇ам̣ д̇ава ид̇и ко. бамаад̣̇ам̣ аабаад̣̇зсийд̇и бамаад̣̇ам̣ агааси. ажчараасан̇гхабаривуд̇о садтияож̇анам̣ вид̇т̇аарзна суван̣н̣амахаавийт̇им̣ од̇арид̇ваа нагкад̇д̇ам̣ гийл̣анд̇о нанд̣̇анаванаад̣̇ийсу вижарад̇ийд̇и ад̇т̇о.
Evaṃ bhaddantavāti khoti evaṃ hotu bhaddaṃ tava iti kho. Pamādaṃ āpādesīti pamādaṃ akāsi. Accharāsaṅghaparivuto saṭṭhiyojanaṃ vitthārena suvaṇṇamahāvīthiṃ otaritvā nakkhattaṃ kīḷanto nandanavanādīsu vicaratīti attho.
анудтаханд̇и анудтаханд̇о. авааяааманд̇и авааяаманд̇о. аласвассаад̇и аласо асса. на жа гижжаани гаараязд̇и гин̃жи гижжам̣ наама на гарзяяа. саб̣б̣агаамасамид̣̇д̇хассаад̇и саб̣б̣агаамзхи самид̣̇д̇хо асса. д̇ам̣ мз, сагга, варам̣ д̣̇исаад̇и, сагга д̣̇звасздта, д̇ам̣ мз варам̣ уд̇д̇амам̣ таанам̣ огаасам̣ д̣̇исам̣ аажигка гат̇зхийд̇и вад̣̇ад̇и. ниб̣б̣аанасса хи со маг̇г̇од̇и гаммам̣ агад̇ваа ж̇ийвид̇адтаанам̣ наама ниб̣б̣аанасса маг̇г̇о. батамам̣.
Anuṭṭhahanti anuṭṭhahanto. Avāyāmanti avāyamanto. Alasvassāti alaso assa. Na ca kiccāni kārayeti kiñci kiccaṃ nāma na kareyya. Sabbakāmasamiddhassāti sabbakāmehi samiddho assa. Taṃ me, sakka, varaṃ disāti, sakka devaseṭṭha, taṃ me varaṃ uttamaṃ ṭhānaṃ okāsaṃ disaṃ ācikkha kathehīti vadati. Nibbānassa hi so maggoti kammaṃ akatvā jīvitaṭṭhānaṃ nāma nibbānassa maggo. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. сувийрасуд̇д̇ам̣ • 1. Suvīrasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. сувийрасуд̇д̇аван̣н̣анаа • 1. Suvīrasuttavaṇṇanā
