| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੧. ਸਕ੍ਕਸਂਯੁਤ੍ਤਂ
11. Sakkasaṃyuttaṃ
੧. ਪਠਮવਗ੍ਗੋ
1. Paṭhamavaggo
੧. ਸੁવੀਰਸੁਤ੍ਤવਣ੍ਣਨਾ
1. Suvīrasuttavaṇṇanā
੨੪੭. ਸਕ੍ਕਸਂਯੁਤ੍ਤਸ੍ਸ ਪਠਮੇ ਅਭਿਯਂਸੂਤਿ ਕਦਾ ਅਭਿਯਂਸੁ? ਯਦਾ ਬਲવਨ੍ਤੋ ਅਹੇਸੁਂ, ਤਦਾ। ਤਤ੍ਰਾਯਂ ਅਨੁਪੁਬ੍ਬਿਕਥਾ – ਸਕ੍ਕੋ ਕਿਰ ਮਗਧਰਟ੍ਠੇ ਮਚਲਗਾਮਕੇ ਮਘੋ ਨਾਮ ਮਾਣવੋ ਹੁਤ੍વਾ ਤੇਤ੍ਤਿਂਸ ਪੁਰਿਸੇ ਗਹੇਤ੍વਾ ਕਲ੍ਯਾਣਕਮ੍ਮਂ ਕਰੋਨ੍ਤੋ ਸਤ੍ਤ વਤਪਦਾਨਿ ਪੂਰੇਤ੍વਾ ਤਤ੍ਥ ਕਾਲਙ੍ਕਤੋ ਦੇવਲੋਕੇ ਨਿਬ੍ਬਤ੍ਤਿ। ਤਂ ਬਲવਕਮ੍ਮਾਨੁਭਾવੇਨ ਸਪਰਿਸਂ ਸੇਸਦੇવਤਾ ਦਸਹਿ ਠਾਨੇਹਿ ਅਧਿਗਣ੍ਹਨ੍ਤਂ ਦਿਸ੍વਾ ‘‘ਆਗਨ੍ਤੁਕਦੇવਪੁਤ੍ਤਾ ਆਗਤਾ’’ਤਿ ਨੇવਾਸਿਕਾ ਗਨ੍ਧਪਾਨਂ ਸਜ੍ਜਯਿਂਸੁ। ਸਕ੍ਕੋ ਸਕਪਰਿਸਾਯ ਸਞ੍ਞਂ ਅਦਾਸਿ – ‘‘ਮਾਰਿਸਾ ਮਾ ਗਨ੍ਧਪਾਨਂ ਪਿવਿਤ੍ਥ, ਪਿવਨਾਕਾਰਮਤ੍ਤਮੇવ ਦਸ੍ਸੇਥਾ’’ਤਿ। ਤੇ ਤਤ੍ਥ ਅਕਂਸੁ। ਨੇવਾਸਿਕਦੇવਤਾ ਸੁવਣ੍ਣਸਰਕੇਹਿ ਉਪਨੀਤਂ ਗਨ੍ਧਪਾਨਂ ਯਾવਦਤ੍ਥਂ ਪਿવਿਤ੍વਾ ਮਤ੍ਤਾ ਤਤ੍ਥ ਤਤ੍ਥ ਸੁવਣ੍ਣਪਥવਿਯਂ ਪਤਿਤ੍વਾ ਸਯਿਂਸੁ। ਸਕ੍ਕੋ ‘‘ਗਣ੍ਹਥ ਪੁਤ੍ਤਹਤਾਯ ਪੁਤ੍ਤੇ’’ਤਿ ਤੇ ਪਾਦੇਸੁ ਗਹੇਤ੍વਾ ਸਿਨੇਰੁਪਾਦੇ ਖਿਪਾਪੇਸਿ। ਸਕ੍ਕਸ੍ਸ ਪੁਞ੍ਞਤੇਜੇਨ ਤਦਨੁવਤ੍ਤਕਾਪਿ ਸਬ੍ਬੇ ਤਤ੍ਥੇવ ਪਤਿਂਸੁ। ਤੇ ਸਿਨੇਰੁવੇਮਜ੍ਝਕਾਲੇ ਸਞ੍ਞਂ ਲਭਿਤ੍વਾ, ‘‘ਤਾਤਾ ਨ ਸੁਰਂ ਪਿવਿਮ੍ਹ, ਨ ਸੁਰਂ ਪਿવਿਮ੍ਹਾ’’ਤਿ ਆਹਂਸੁ। ਤਤੋ ਪਟ੍ਠਾਯ ਅਸੁਰਾ ਨਾਮ ਜਾਤਾ। ਅਥ ਨੇਸਂ ਕਮ੍ਮਪਚ੍ਚਯਉਤੁਸਮੁਟ੍ਠਾਨਂ ਸਿਨੇਰੁਸ੍ਸ ਹੇਟ੍ਠਿਮਤਲੇ ਦਸਯੋਜਨਸਹਸ੍ਸਂ ਅਸੁਰਭવਨਂ ਨਿਬ੍ਬਤ੍ਤਿ। ਸਕ੍ਕੋ ਤੇਸਂ ਨਿવਤ੍ਤੇਤ੍વਾ ਅਨਾਗਮਨਤ੍ਥਾਯ ਆਰਕ੍ਖਂ ਠਪੇਸਿ, ਯਂ ਸਨ੍ਧਾਯ વੁਤ੍ਤਂ –
247. Sakkasaṃyuttassa paṭhame abhiyaṃsūti kadā abhiyaṃsu? Yadā balavanto ahesuṃ, tadā. Tatrāyaṃ anupubbikathā – sakko kira magadharaṭṭhe macalagāmake magho nāma māṇavo hutvā tettiṃsa purise gahetvā kalyāṇakammaṃ karonto satta vatapadāni pūretvā tattha kālaṅkato devaloke nibbatti. Taṃ balavakammānubhāvena saparisaṃ sesadevatā dasahi ṭhānehi adhigaṇhantaṃ disvā ‘‘āgantukadevaputtā āgatā’’ti nevāsikā gandhapānaṃ sajjayiṃsu. Sakko sakaparisāya saññaṃ adāsi – ‘‘mārisā mā gandhapānaṃ pivittha, pivanākāramattameva dassethā’’ti. Te tattha akaṃsu. Nevāsikadevatā suvaṇṇasarakehi upanītaṃ gandhapānaṃ yāvadatthaṃ pivitvā mattā tattha tattha suvaṇṇapathaviyaṃ patitvā sayiṃsu. Sakko ‘‘gaṇhatha puttahatāya putte’’ti te pādesu gahetvā sinerupāde khipāpesi. Sakkassa puññatejena tadanuvattakāpi sabbe tattheva patiṃsu. Te sineruvemajjhakāle saññaṃ labhitvā, ‘‘tātā na suraṃ pivimha, na suraṃ pivimhā’’ti āhaṃsu. Tato paṭṭhāya asurā nāma jātā. Atha nesaṃ kammapaccayautusamuṭṭhānaṃ sinerussa heṭṭhimatale dasayojanasahassaṃ asurabhavanaṃ nibbatti. Sakko tesaṃ nivattetvā anāgamanatthāya ārakkhaṃ ṭhapesi, yaṃ sandhāya vuttaṃ –
‘‘ਅਨ੍ਤਰਾ ਦ੍વਿਨ੍ਨਂ ਅਯੁਜ੍ਝਪੁਰਾਨਂ,
‘‘Antarā dvinnaṃ ayujjhapurānaṃ,
ਪਞ੍ਚવਿਧਾ ਠਪਿਤਾ ਅਭਿਰਕ੍ਖਾ।
Pañcavidhā ṭhapitā abhirakkhā;
ਉਦਕਂ ਕਰੋਟਿ-ਪਯਸ੍ਸ ਚ ਹਾਰੀ,
Udakaṃ karoṭi-payassa ca hārī,
ਮਦਨਯੁਤਾ ਚਤੁਰੋ ਚ ਮਹਤ੍ਥਾ’’ਤਿ॥
Madanayutā caturo ca mahatthā’’ti.
ਦ੍વੇ ਨਗਰਾਨਿ ਹਿ ਯੁਦ੍ਧੇਨ ਗਹੇਤੁਂ ਅਸਕ੍ਕੁਣੇਯ੍ਯਤਾਯ ਅਯੁਜ੍ਝਪੁਰਾਨਿ ਨਾਮ ਜਾਤਾਨਿ ਦੇવਨਗਰਞ੍ਚ ਅਸੁਰਨਗਰਞ੍ਚ। ਯਦਾ ਹਿ ਅਸੁਰਾ ਬਲવਨ੍ਤੋ ਹੋਨ੍ਤਿ, ਅਥ ਦੇવੇਹਿ ਪਲਾਯਿਤ੍વਾ ਦੇવਨਗਰਂ ਪવਿਸਿਤ੍વਾ ਦ੍વਾਰੇ ਪਿਦਹਿਤੇ ਅਸੁਰਾਨਂ ਸਤਸਹਸ੍ਸਮ੍ਪਿ ਕਿਞ੍ਚਿ ਕਾਤੁਂ ਨ ਸਕ੍ਕੋਤਿ। ਯਦਾ ਦੇવਾ ਬਲવਨ੍ਤੋ ਹੋਨ੍ਤਿ, ਅਥਾਸੁਰੇਹਿ ਪਲਾਯਿਤ੍વਾ ਅਸੁਰਨਗਰਸ੍ਸ ਦ੍વਾਰੇ ਪਿਦਹਿਤੇ ਸਕ੍ਕਾਨਂ ਸਤਸਹਸ੍ਸਮ੍ਪਿ ਕਿਞ੍ਚਿ ਕਾਤੁਂ ਨ ਸਕ੍ਕੋਤਿ। ਇਤਿ ਇਮਾਨਿ ਦ੍વੇ ਨਗਰਾਨਿ ਅਯੁਜ੍ਝਪੁਰਾਨਿ ਨਾਮ। ਨੇਸਂ ਅਨ੍ਤਰਾ ਏਤੇਸੁ ਉਦਕਾਦੀਸੁ ਪਞ੍ਚਸੁ ਠਾਨੇਸੁ ਸਕ੍ਕੇਨ ਆਰਕ੍ਖਾ ਠਪਿਤਾ। ਤਤ੍ਥ ਉਦਕਸਦ੍ਦੇਨ ਨਾਗਾ ਗਹਿਤਾ। ਤੇ ਹਿ ਉਦਕੇ ਬਲવਨ੍ਤੋ ਹੋਨ੍ਤਿ। ਤਸ੍ਮਾ ਸਿਨੇਰੁਸ੍ਸ ਪਠਮਾਲਿਨ੍ਦੇ ਤੇਸਂ ਆਰਕ੍ਖਾ। ਕਰੋਟਿਸਦ੍ਦੇਨ ਸੁਪਣ੍ਣਾ ਗਹਿਤਾ। ਤੇਸਂ ਕਿਰ ਕਰੋਟਿ ਨਾਮ ਪਾਨਭੋਜਨਂ, ਤੇਨ ਤਂ ਨਾਮਂ ਲਭਿਂਸੁ। ਦੁਤਿਯਾਲਿਨ੍ਦੇ ਤੇਸਂ ਆਰਕ੍ਖਾ। ਪਯਸ੍ਸਹਾਰੀਸਦ੍ਦੇਨ ਕੁਮ੍ਭਣ੍ਡਾ ਗਹਿਤਾ। ਦਾਨવਰਕ੍ਖਸਾ ਕਿਰ ਤੇ। ਤਤਿਯਾਲਿਨ੍ਦੇ ਤੇਸਂ ਆਰਕ੍ਖਾ। ਮਦਨਯੁਤਸਦ੍ਦੇਨ ਯਕ੍ਖਾ ਗਹਿਤਾ। વਿਸਮਚਾਰਿਨੋ ਕਿਰਤੇ ਯੁਜ੍ਝਸੋਣ੍ਡਾ। ਚਤੁਤ੍ਥਾਲਿਨ੍ਦੇ ਤੇਸਂ ਆਰਕ੍ਖਾ। ਚਤੁਰੋ ਚ ਮਹਨ੍ਤਾਤਿ ਚਤ੍ਤਾਰੋ ਮਹਾਰਾਜਾਨੋ વੁਤ੍ਤਾ। ਪਞ੍ਚਮਾਲਿਨ੍ਦੇ ਤੇਸਂ ਆਰਕ੍ਖਾ। ਤਸ੍ਮਾ ਯਦਿ ਅਸੁਰਾ ਕੁਪਿਤਾવਿਲਚਿਤ੍ਤਾ ਦੇવਪੁਰਂ ਉਪਯਨ੍ਤਿ ਯੁਦ੍ਧੇਸੂ, ਯਂ ਗਿਰਿਨੋ ਪਠਮਂ ਪਰਿਭਣ੍ਡਂ, ਤਂ ਉਰਗਾ ਪਟਿਬਾਹਨ੍ਤਿ ਏવਂ ਸੇਸੇਸੁ ਸੇਸਾ।
Dve nagarāni hi yuddhena gahetuṃ asakkuṇeyyatāya ayujjhapurāni nāma jātāni devanagarañca asuranagarañca. Yadā hi asurā balavanto honti, atha devehi palāyitvā devanagaraṃ pavisitvā dvāre pidahite asurānaṃ satasahassampi kiñci kātuṃ na sakkoti. Yadā devā balavanto honti, athāsurehi palāyitvā asuranagarassa dvāre pidahite sakkānaṃ satasahassampi kiñci kātuṃ na sakkoti. Iti imāni dve nagarāni ayujjhapurāni nāma. Nesaṃ antarā etesu udakādīsu pañcasu ṭhānesu sakkena ārakkhā ṭhapitā. Tattha udakasaddena nāgā gahitā. Te hi udake balavanto honti. Tasmā sinerussa paṭhamālinde tesaṃ ārakkhā. Karoṭisaddena supaṇṇā gahitā. Tesaṃ kira karoṭi nāma pānabhojanaṃ, tena taṃ nāmaṃ labhiṃsu. Dutiyālinde tesaṃ ārakkhā. Payassahārīsaddena kumbhaṇḍā gahitā. Dānavarakkhasā kira te. Tatiyālinde tesaṃ ārakkhā. Madanayutasaddena yakkhā gahitā. Visamacārino kirate yujjhasoṇḍā. Catutthālinde tesaṃ ārakkhā. Caturo ca mahantāti cattāro mahārājāno vuttā. Pañcamālinde tesaṃ ārakkhā. Tasmā yadi asurā kupitāvilacittā devapuraṃ upayanti yuddhesū, yaṃ girino paṭhamaṃ paribhaṇḍaṃ, taṃ uragā paṭibāhanti evaṃ sesesu sesā.
ਤੇ ਪਨ ਅਸੁਰਾ ਆਯੁવਣ੍ਣਰਸਇਸ੍ਸਰਿਯਸਮ੍ਪਤ੍ਤੀਹਿ ਤਾવਤਿਂਸਸਦਿਸਾવ। ਤਸ੍ਮਾ ਅਨ੍ਤਰਾ ਅਤ੍ਤਾਨਂ ਅਜਾਨਿਤ੍વਾ ਪਾਟਲਿਯਾ ਪੁਪ੍ਫਿਤਾਯ, ‘‘ਨ ਇਦਂ ਦੇવਨਗਰਂ, ਤਤ੍ਥ ਪਾਰਿਚ੍ਛਤ੍ਤਕੋ ਪੁਪ੍ਫਤਿ, ਇਧ ਪਨ ਚਿਤ੍ਤਪਾਟਲੀ, ਜਰਸਕ੍ਕੇਨਾਮ੍ਹਾਕਂ ਸੁਰਂ ਪਾਯੇਤ੍વਾ વਞ੍ਚਿਤਾ, ਦੇવਨਗਰਞ੍ਚ ਨੋ ਗਹਿਤਂ, ਗਚ੍ਛਾਮ ਤੇਨ ਸਦ੍ਧਿਂ ਯੁਜ੍ਝਿਸ੍ਸਾਮਾ’’ਤਿ ਹਤ੍ਥਿਅਸ੍ਸਰਥੇ ਆਰੁਯ੍ਹ ਸੁવਣ੍ਣਰਜਤਮਣਿਫਲਕਾਨਿ ਗਹੇਤ੍વਾ, ਯੁਦ੍ਧਸਜ੍ਜਾ ਹੁਤ੍વਾ, ਅਸੁਰਭੇਰਿਯੋ વਾਦੇਨ੍ਤਾ ਮਹਾਸਮੁਦ੍ਦੇ ਉਦਕਂ ਦ੍વਿਧਾ ਭੇਤ੍વਾ ਉਟ੍ਠਹਨ੍ਤਿ। ਤੇ ਦੇવੇ વੁਟ੍ਠੇ વਮ੍ਮਿਕਮਕ੍ਖਿਕਾ વਮ੍ਮਿਕਂ વਿਯ ਸਿਨੇਰੁਂ ਅਭਿਰੁਹਿਤੁ ਆਰਭਨ੍ਤਿ। ਅਥ ਨੇਸਂ ਪਠਮਂ ਨਾਗੇਹਿ ਸਦ੍ਧਿਂ ਯੁਦ੍ਧਂ ਹੋਤਿ। ਤਸ੍ਮਿਂ ਖੋ ਪਨ ਯੁਦ੍ਧੇ ਨ ਕਸ੍ਸਚਿ ਛવਿ વਾ ਚਮ੍ਮਂ વਾ ਛਿਜ੍ਜਤਿ, ਨ ਲੋਹਿਤਂ ਉਪ੍ਪਜ੍ਜਤਿ, ਕੇવਲਂ ਕੁਮਾਰਕਾਨਂ ਦਾਰੁਮੇਣ੍ਡਕਯੁਦ੍ਧਂ વਿਯ ਅਞ੍ਞਮਞ੍ਞਂ ਸਨ੍ਤਾਸਨਮਤ੍ਤਮੇવ ਹੋਤਿ। ਕੋਟਿਸਤਾਪਿ ਕੋਟਿਸਹਸ੍ਸਾਪਿ ਨਾਗਾ ਤੇਹਿ ਸਦ੍ਧਿਂ ਯੁਜ੍ਝਿਤ੍વਾ ਤੇ ਅਸੁਰਪੁਰਂਯੇવ ਪવੇਸੇਤ੍વਾ ਨਿવਤ੍ਤਨ੍ਤਿ।
Te pana asurā āyuvaṇṇarasaissariyasampattīhi tāvatiṃsasadisāva. Tasmā antarā attānaṃ ajānitvā pāṭaliyā pupphitāya, ‘‘na idaṃ devanagaraṃ, tattha pāricchattako pupphati, idha pana cittapāṭalī, jarasakkenāmhākaṃ suraṃ pāyetvā vañcitā, devanagarañca no gahitaṃ, gacchāma tena saddhiṃ yujjhissāmā’’ti hatthiassarathe āruyha suvaṇṇarajatamaṇiphalakāni gahetvā, yuddhasajjā hutvā, asurabheriyo vādentā mahāsamudde udakaṃ dvidhā bhetvā uṭṭhahanti. Te deve vuṭṭhe vammikamakkhikā vammikaṃ viya sineruṃ abhiruhitu ārabhanti. Atha nesaṃ paṭhamaṃ nāgehi saddhiṃ yuddhaṃ hoti. Tasmiṃ kho pana yuddhe na kassaci chavi vā cammaṃ vā chijjati, na lohitaṃ uppajjati, kevalaṃ kumārakānaṃ dārumeṇḍakayuddhaṃ viya aññamaññaṃ santāsanamattameva hoti. Koṭisatāpi koṭisahassāpi nāgā tehi saddhiṃ yujjhitvā te asurapuraṃyeva pavesetvā nivattanti.
ਯਦਾ ਪਨ ਅਸੁਰਾ ਬਲવਨ੍ਤੋ ਹੋਨ੍ਤਿ, ਅਥ ਨਾਗਾ ਓਸਕ੍ਕਿਤ੍વਾ ਦੁਤਿਯੇ ਆਲਿਨ੍ਦੇ ਸੁਪਣ੍ਣੇਹਿ ਸਦ੍ਧਿਂ ਏਕਤੋવ ਹੁਤ੍વਾ ਯੁਜ੍ਝਨ੍ਤਿ। ਏਸ ਨਯੋ ਸੁਪਣ੍ਣਾਦੀਸੂਪਿ। ਯਦਾ ਪਨ ਤਾਨਿ ਪਞ੍ਚਪਿ ਠਾਨਾਨਿ ਅਸੁਰਾ ਮਦ੍ਦਨ੍ਤਿ, ਤਦਾ ਏਕਤੋ ਸਮ੍ਪਿਣ੍ਡਿਤਾਨਿਪਿ ਪਞ੍ਚ ਬਲਾਨਿ ਓਸਕ੍ਕਨ੍ਤਿ। ਅਥ ਚਤ੍ਤਾਰੋ ਮਹਾਰਾਜਾਨੋ ਗਨ੍ਤ੍વਾ ਸਕ੍ਕਸ੍ਸ ਤਂ ਪવਤ੍ਤਿਂ ਆਰੋਚੇਨ੍ਤਿ। ਸਕ੍ਕੋ ਤੇਸਂ વਚਨਂ ਸੁਤ੍વਾ ਦਿਯਡ੍ਢਯੋਜਨਸਤਿਕਂ વੇਜਯਨ੍ਤਰਥਂ ਆਰੁਯ੍ਹ ਸਯਂ વਾ ਨਿਕ੍ਖਮਤਿ, ਏਕਂ વਾ ਪੁਤ੍ਤਂ ਪੇਸੇਤਿ। ਇਮਸ੍ਮਿਂ ਪਨ ਕਾਲੇ ਪੁਤ੍ਤਂ ਪੇਸੇਤੁਕਾਮੋ, ਤਾਤ ਸੁવੀਰਾਤਿਆਦਿਮਾਹ।
Yadā pana asurā balavanto honti, atha nāgā osakkitvā dutiye ālinde supaṇṇehi saddhiṃ ekatova hutvā yujjhanti. Esa nayo supaṇṇādīsūpi. Yadā pana tāni pañcapi ṭhānāni asurā maddanti, tadā ekato sampiṇḍitānipi pañca balāni osakkanti. Atha cattāro mahārājāno gantvā sakkassa taṃ pavattiṃ ārocenti. Sakko tesaṃ vacanaṃ sutvā diyaḍḍhayojanasatikaṃ vejayantarathaṃ āruyha sayaṃ vā nikkhamati, ekaṃ vā puttaṃ peseti. Imasmiṃ pana kāle puttaṃ pesetukāmo, tāta suvīrātiādimāha.
ਏવਂ ਭਦ੍ਦਨ੍ਤવਾਤਿ ਖੋਤਿ ਏવਂ ਹੋਤੁ ਭਦ੍ਦਂ ਤવ ਇਤਿ ਖੋ। ਪਮਾਦਂ ਆਪਾਦੇਸੀਤਿ ਪਮਾਦਂ ਅਕਾਸਿ। ਅਚ੍ਛਰਾਸਙ੍ਘਪਰਿવੁਤੋ ਸਟ੍ਠਿਯੋਜਨਂ વਿਤ੍ਥਾਰੇਨ ਸੁવਣ੍ਣਮਹਾવੀਥਿਂ ਓਤਰਿਤ੍વਾ ਨਕ੍ਖਤ੍ਤਂ ਕੀਲ਼ਨ੍ਤੋ ਨਨ੍ਦਨવਨਾਦੀਸੁ વਿਚਰਤੀਤਿ ਅਤ੍ਥੋ।
Evaṃ bhaddantavāti khoti evaṃ hotu bhaddaṃ tava iti kho. Pamādaṃ āpādesīti pamādaṃ akāsi. Accharāsaṅghaparivuto saṭṭhiyojanaṃ vitthārena suvaṇṇamahāvīthiṃ otaritvā nakkhattaṃ kīḷanto nandanavanādīsu vicaratīti attho.
ਅਨੁਟ੍ਠਹਨ੍ਤਿ ਅਨੁਟ੍ਠਹਨ੍ਤੋ। ਅવਾਯਾਮਨ੍ਤਿ ਅવਾਯਮਨ੍ਤੋ। ਅਲਸ੍વਸ੍ਸਾਤਿ ਅਲਸੋ ਅਸ੍ਸ। ਨ ਚ ਕਿਚ੍ਚਾਨਿ ਕਾਰਯੇਤਿ ਕਿਞ੍ਚਿ ਕਿਚ੍ਚਂ ਨਾਮ ਨ ਕਰੇਯ੍ਯ। ਸਬ੍ਬਕਾਮਸਮਿਦ੍ਧਸ੍ਸਾਤਿ ਸਬ੍ਬਕਾਮੇਹਿ ਸਮਿਦ੍ਧੋ ਅਸ੍ਸ। ਤਂ ਮੇ, ਸਕ੍ਕ, વਰਂ ਦਿਸਾਤਿ, ਸਕ੍ਕ ਦੇવਸੇਟ੍ਠ, ਤਂ ਮੇ વਰਂ ਉਤ੍ਤਮਂ ਠਾਨਂ ਓਕਾਸਂ ਦਿਸਂ ਆਚਿਕ੍ਖ ਕਥੇਹੀਤਿ વਦਤਿ। ਨਿਬ੍ਬਾਨਸ੍ਸ ਹਿ ਸੋ ਮਗ੍ਗੋਤਿ ਕਮ੍ਮਂ ਅਕਤ੍વਾ ਜੀવਿਤਟ੍ਠਾਨਂ ਨਾਮ ਨਿਬ੍ਬਾਨਸ੍ਸ ਮਗ੍ਗੋ। ਪਠਮਂ।
Anuṭṭhahanti anuṭṭhahanto. Avāyāmanti avāyamanto. Alasvassāti alaso assa. Na ca kiccāni kārayeti kiñci kiccaṃ nāma na kareyya. Sabbakāmasamiddhassāti sabbakāmehi samiddho assa. Taṃ me, sakka, varaṃ disāti, sakka devaseṭṭha, taṃ me varaṃ uttamaṃ ṭhānaṃ okāsaṃ disaṃ ācikkha kathehīti vadati. Nibbānassa hi so maggoti kammaṃ akatvā jīvitaṭṭhānaṃ nāma nibbānassa maggo. Paṭhamaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਸੁવੀਰਸੁਤ੍ਤਂ • 1. Suvīrasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧. ਸੁવੀਰਸੁਤ੍ਤવਣ੍ਣਨਾ • 1. Suvīrasuttavaṇṇanā
