| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੧੧. ਸਕ੍ਕਸਂਯੁਤ੍ਤਂ
11. Sakkasaṃyuttaṃ
੧. ਪਠਮવਗ੍ਗੋ
1. Paṭhamavaggo
੧. ਸੁવੀਰਸੁਤ੍ਤવਣ੍ਣਨਾ
1. Suvīrasuttavaṇṇanā
੨੪੭. ਅਭਿਯਂਸੂਤਿ ਯੁਦ੍ਧਸਜ੍ਜਾਭਿਮੁਖਾ ਹੁਤ੍વਾ ਗਚ੍ਛਿਂਸੁ। ਤਤ੍ਰਾਤਿ ਤਸ੍ਮਿਂ ਅਸੁਰਾਨਂ ਅਭਿਯਾਨੇ ਅਯਂ ਦਾਨਿ વੁਚ੍ਚਮਾਨਾ ਅਨੁਪੁਬ੍ਬਤੋ ਕਥਾ। ਤੇਤ੍ਤਿਂਸ ਪੁਰਿਸੇ ਗਹੇਤ੍વਾਤਿ ਤੇਤ੍ਤਿਂਸ ਪੁਰਿਸੇ ਪੁਞ੍ਞਕਿਰਿਯਾਯ ਸਹਾਯਭੂਤੇ ਗਹੇਤ੍વਾ। ‘‘ਯਾવਜੀવਂ ਮਾਤਾਪਿਤੁਭਰੋ ਅਸ੍ਸ’’ਨ੍ਤਿਆਦਿਨਾ ਸਮਾਦਿਨ੍ਨਾਨਿ ਸਤ੍ਤ વਤਪਦਾਨਿ ਪੂਰੇਤ੍વਾ। ਅਧਿਗਣ੍ਹਨ੍ਤਂ ਅਭਿਭવਨ੍ਤਂ। ਪੁਤ੍ਤਹਤਾਯਾਤਿ ਹਤਪੁਤ੍ਤਾਯ। ਸਾ ਸੁਰਾ ਨ ਹੋਤਿ, ਨ ਸੁਰਂ ਪਿવਿਮ੍ਹਾਤਿ ਅਧਿਪ੍ਪਾਯੋ। ਤਤੋ ਪਟ੍ਠਾਯਾਤਿ ‘‘ਨ ਸੁਰਾ’’ਤਿ વੁਤ੍ਤਕਾਲਤੋ ਪਟ੍ਠਾਯ। ‘‘ਨ ਸੁਰਨ੍ਤਿ ਨ ਦਿਬ੍ਬਨ੍ਤੀਤਿ ਅਸੁਰਾ’’ਤਿ ਕੇਚਿ। ਹੇਟ੍ਠਿਮਤਲੇ ਅਨ੍ਤੋਭੂਮਿਯਂ ਆਯਾਮਤੋ ਦਸਯੋਜਨਸਹਸ੍ਸਂ।
247.Abhiyaṃsūti yuddhasajjābhimukhā hutvā gacchiṃsu. Tatrāti tasmiṃ asurānaṃ abhiyāne ayaṃ dāni vuccamānā anupubbato kathā. Tettiṃsa purise gahetvāti tettiṃsa purise puññakiriyāya sahāyabhūte gahetvā. ‘‘Yāvajīvaṃ mātāpitubharo assa’’ntiādinā samādinnāni satta vatapadāni pūretvā. Adhigaṇhantaṃ abhibhavantaṃ. Puttahatāyāti hataputtāya. Sā surā na hoti, na suraṃ pivimhāti adhippāyo. Tato paṭṭhāyāti ‘‘na surā’’ti vuttakālato paṭṭhāya. ‘‘Na suranti na dibbantīti asurā’’ti keci. Heṭṭhimatale antobhūmiyaṃ āyāmato dasayojanasahassaṃ.
ਉਰਗਾਦਿਸਹਚਰਿਤਾਨਿ ਠਾਨਾਨਿ ਉਰਗਾਦੀਨੀਤਿ ਆਹ ‘‘ਉਰਗਾਦੀਸੁ ਪਞ੍ਚਸੁ ਠਾਨੇਸੂ’’ਤਿ। ਪਠਮਾਲਿਨ੍ਦੇਤਿ ਪਠਮੇ ਪਰਿਭਣ੍ਡੇ। ਪਞ੍ਚਯੋਜਨਸਹਸ੍ਸવਿਤ੍ਥਾਰਪੁਥੁਬਹਲਾਹਿ ਸਿਨੇਰੁਸ੍ਸ ਚਤੂਸੁਪਿ ਪਸ੍ਸੇਸੁ ਚਤ੍ਤਾਰੋ ਪਰਿਭਣ੍ਡਾ। ਸਿਨੇਰੁਸ੍ਸ ਹਿ ਤਸ੍ਮਿਂ ਤਸ੍ਮਿਂ ਪਸ੍ਸੇ ਯੁਗਨ੍ਧਰਾਦੀਸੁ ਪਞ੍ਚਸਤਪਰਿਤ੍ਤਦੀਪਪਰਿવਾਰੇ ਮਹਾਦੀਪੇ ਚ ਲਭਿਤਬ੍ਬਸ੍ਸ ਮਹਤੋ ਅਤ੍ਥਸ੍ਸ વਸੇਨ ਮਹਤ੍ਥਾ। ਕੁਪਿਤਾવਿਲਚਿਤ੍ਤਾਤਿ ਕੁਪਿਤੇਨ ਕੋਪੇਨ ਆਕੁਲਚਿਤ੍ਤਾ। ਯੁਦ੍ਧੇਸੀਤਿ ਯੁਦ੍ਧੇਸਿਨੋ। ਸੇਸੇਸੂਤਿ ਸੇਸੇਸੁ ਪਰਿਭਣ੍ਡੇਸੁ। ਸੇਸਾਤਿ ਸੁਪਣ੍ਣਾਦਯੋ।
Uragādisahacaritāni ṭhānāni uragādīnīti āha ‘‘uragādīsu pañcasu ṭhānesū’’ti. Paṭhamālindeti paṭhame paribhaṇḍe. Pañcayojanasahassavitthāraputhubahalāhi sinerussa catūsupi passesu cattāro paribhaṇḍā. Sinerussa hi tasmiṃ tasmiṃ passe yugandharādīsu pañcasataparittadīpaparivāre mahādīpe ca labhitabbassa mahato atthassa vasena mahatthā. Kupitāvilacittāti kupitena kopena ākulacittā. Yuddhesīti yuddhesino. Sesesūti sesesu paribhaṇḍesu. Sesāti supaṇṇādayo.
વਮ੍ਮਿਕਮਕ੍ਖਿਕਾਤਿ ਸਪਕ੍ਖਿਕਉਪਚਿਕਾ। ਓਸਕ੍ਕਿਤ੍વਾਤਿ ਪਿਟ੍ਠਿਭਾਗੇਨ ਨਿવਤ੍ਤਿਤ੍વਾ।
Vammikamakkhikāti sapakkhikaupacikā. Osakkitvāti piṭṭhibhāgena nivattitvā.
ਪਮਾਦਂ ਆਪਾਦੇਸੀਤਿ ਸਕ੍ਕਸ੍ਸ ਆਣਾਯ ਪਮਾਦਂ ਆਪਜ੍ਜਿ। ਸਟ੍ਠਿਯੋਜਨਂ વਿਤ੍ਥਾਰੇਨ। ਸੁવਣ੍ਣਮਹਾવੀਥਿਨ੍ਤਿ ਸੁવਣ੍ਣਮਯਭੂਮਿਜਗਤਿવੀਥਿਂ।
Pamādaṃ āpādesīti sakkassa āṇāya pamādaṃ āpajji. Saṭṭhiyojanaṃ vitthārena. Suvaṇṇamahāvīthinti suvaṇṇamayabhūmijagativīthiṃ.
ਅਨੁਟ੍ਠਹਨ੍ਤੋਤਿ ਉਟ੍ਠਾਨਂ ਕਾਯਿਕવੀਰਿਯਂ ਅਕਰੋਨ੍ਤੋ। ਅવਾਯਮਨ੍ਤੋਤਿ વਾਯਾਮਂ ਚੇਤਸਿਕવੀਰਿਯਂ ਅਕਰੋਨ੍ਤੋ। ਕਿਞ੍ਚਿ ਕਿਚ੍ਚਨ੍ਤਿ ਕਸਿવਾਣਿਜ੍ਜਾਦਿਭੇਦਂ ਅਞ੍ਞਤਰਂ ਕਿਚ੍ਚਂ ਕਤ੍ਤਬ੍ਬਕਮ੍ਮਂ। વਰਨ੍ਤਿ ਪવਰਂ। ਤੇਨਾਹ ‘‘ਉਤ੍ਤਮ’’ਨ੍ਤਿ। ਤਞ੍ਚ ਖੋ ਕਸਿਤਬ੍ਬਟ੍ਠਾਨਂ ਅਧਿਪ੍ਪੇਤਨ੍ਤਿ ਆਹ ‘‘ਓਕਾਸ’’ਨ੍ਤਿ। ਕਮ੍ਮਂ ਅਕਤ੍વਾਤਿ ਕਿਞ੍ਚਿਪਿ ਜੀવਿਤਹੇਤੁਭੂਤਂ ਕਮ੍ਮਂ ਅਕਤ੍વਾ। ਜੀવਿਤਟ੍ਠਾਨਂ ਨਾਮਾਤਿ ਤਸ੍ਸ ਜੀવਿਤਸ੍ਸ ਹੇਤੁ ਨਾਮ। ਨਿਬ੍ਬਾਨਸ੍ਸ ਮਗ੍ਗੋਤਿ ਨਿਬ੍ਬਾਨਸ੍ਸ ਅਧਿਗਮੁਪਾਯਭੂਤੋ ਮਗ੍ਗੋ।
Anuṭṭhahantoti uṭṭhānaṃ kāyikavīriyaṃ akaronto. Avāyamantoti vāyāmaṃ cetasikavīriyaṃ akaronto. Kiñci kiccanti kasivāṇijjādibhedaṃ aññataraṃ kiccaṃ kattabbakammaṃ. Varanti pavaraṃ. Tenāha ‘‘uttama’’nti. Tañca kho kasitabbaṭṭhānaṃ adhippetanti āha ‘‘okāsa’’nti. Kammaṃ akatvāti kiñcipi jīvitahetubhūtaṃ kammaṃ akatvā. Jīvitaṭṭhānaṃ nāmāti tassa jīvitassa hetu nāma. Nibbānassa maggoti nibbānassa adhigamupāyabhūto maggo.
ਸੁવੀਰਸੁਤ੍ਤવਣ੍ਣਨਾ ਨਿਟ੍ਠਿਤਾ।
Suvīrasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧. ਸੁવੀਰਸੁਤ੍ਤਂ • 1. Suvīrasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧. ਸੁવੀਰਸੁਤ੍ਤવਣ੍ਣਨਾ • 1. Suvīrasuttavaṇṇanā
