| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. суяааманад̇т̇зраг̇аат̇ааван̣н̣анаа
4. Suyāmanattheragāthāvaṇṇanā
гаамажчанд̣̇о жа б̣яаабаад̣̇од̇и ааяасмад̇о суяааманад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о ид̇о зганавуд̇з габбз вибассисса бхаг̇авад̇о гаалз д̇хан̃н̃авад̇ийнаг̇арз б̣раахман̣агулз ниб̣б̣ад̇д̇ид̇ваа ваяаббад̇д̇о б̣раахман̣асиббзсу нибпад̇д̇им̣ бад̇ваа б̣раахман̣аманд̇з ваажзд̇и. д̇зна жа самаязна вибассий бхаг̇аваа махад̇аа бхигкусан̇гхзна сад̣̇д̇хим̣ д̇хан̃н̃авад̇ийнаг̇арам̣ бин̣д̣ааяа бавидто ход̇и. д̇ам̣ д̣̇исваа б̣раахман̣о басаннажид̇д̇о ад̇д̇ано г̇зхам̣ нзд̇ваа аасанам̣ бан̃н̃аабзд̇ваа д̇ассуубари бубпасант̇аарам̣ сант̇арид̇ваа ад̣̇ааси, сад̇т̇ари д̇ад̇т̇а нисиннз бан̣ийд̇зна аахаарзна санд̇аббзси, бхуд̇д̇аавин̃жа бубпаг̇анд̇хзна бууж̇зси. сад̇т̇аа анумод̣̇анам̣ вад̇ваа баггаами. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ бун̃н̃аани гад̇ваа д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з взсаалияам̣ ан̃н̃ад̇арасса б̣раахман̣асса буд̇д̇о худ̇ваа ниб̣б̣ад̇д̇и, суяааманод̇исса наамам̣ ахоси. со ваяаббад̇д̇о д̇ин̣н̣ам̣ взд̣̇аанам̣ баараг̇уу бараманиссамаяуд̇д̇о худ̇ваа г̇зхаваасийнам̣ гаамуубабхог̇ам̣ ж̇иг̇ужчид̇ваа жхаананинно бхаг̇авад̇о взсаалиг̇аманз бадилад̣̇д̇хасад̣̇д̇хо баб̣б̣аж̇ид̇ваа кураг̇г̇зязва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.13.65-74) –
Kāmacchando ca byāpādoti āyasmato suyāmanattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto ito ekanavute kappe vipassissa bhagavato kāle dhaññavatīnagare brāhmaṇakule nibbattitvā vayappatto brāhmaṇasippesu nipphattiṃ patvā brāhmaṇamante vāceti. Tena ca samayena vipassī bhagavā mahatā bhikkhusaṅghena saddhiṃ dhaññavatīnagaraṃ piṇḍāya paviṭṭho hoti. Taṃ disvā brāhmaṇo pasannacitto attano gehaṃ netvā āsanaṃ paññāpetvā tassūpari pupphasanthāraṃ santharitvā adāsi, satthari tattha nisinne paṇītena āhārena santappesi, bhuttāviñca pupphagandhena pūjesi. Satthā anumodanaṃ vatvā pakkāmi. So tena puññakammena devaloke nibbattitvā aparāparaṃ puññāni katvā devamanussesu saṃsaranto imasmiṃ buddhuppāde vesāliyaṃ aññatarassa brāhmaṇassa putto hutvā nibbatti, suyāmanotissa nāmaṃ ahosi. So vayappatto tiṇṇaṃ vedānaṃ pāragū paramanissamayutto hutvā gehavāsīnaṃ kāmūpabhogaṃ jigucchitvā jhānaninno bhagavato vesāligamane paṭiladdhasaddho pabbajitvā khuraggeyeva arahattaṃ pāpuṇi. Tena vuttaṃ apadāne (apa. thera 1.13.65-74) –
‘‘наг̇арз д̇хан̃н̃авад̇ияаа, ахосим̣ б̣раахман̣о д̇ад̣̇аа;
‘‘Nagare dhaññavatiyā, ahosiṃ brāhmaṇo tadā;
лагкан̣з ид̇ихаасз жа, санигхан̣д̣усагздубхз.
Lakkhaṇe itihāse ca, sanighaṇḍusakeṭubhe.
‘‘бад̣̇аго взяяаагаран̣о, нимид̇д̇аговид̣̇о ахам̣;
‘‘Padako veyyākaraṇo, nimittakovido ahaṃ;
манд̇з жа сиссз ваажзсим̣, д̇ин̣н̣ам̣ взд̣̇аана баараг̇уу.
Mante ca sisse vācesiṃ, tiṇṇaṃ vedāna pāragū.
‘‘бан̃жа уббалахад̇т̇аани, бидтияам̣ табид̇аани мз;
‘‘Pañca uppalahatthāni, piṭṭhiyaṃ ṭhapitāni me;
аахуд̇им̣ яидтугаамохам̣, бид̇умаад̇усамааг̇амз.
Āhutiṃ yiṭṭhukāmohaṃ, pitumātusamāgame.
‘‘д̇ад̣̇аа вибассий бхаг̇аваа, бхигкусан̇гхабурагкад̇о;
‘‘Tadā vipassī bhagavā, bhikkhusaṅghapurakkhato;
обхаасзнд̇о д̣̇исаа саб̣б̣аа, ааг̇ажчад̇и нараасабхо.
Obhāsento disā sabbā, āgacchati narāsabho.
‘‘аасанам̣ бан̃н̃абзд̇ваана, ниманд̇зд̇ваа махаамуним̣;
‘‘Āsanaṃ paññapetvāna, nimantetvā mahāmuniṃ;
сант̇арид̇ваана д̇ам̣ бубпам̣, абхинзсим̣ сагам̣ гхарам̣.
Santharitvāna taṃ pupphaṃ, abhinesiṃ sakaṃ gharaṃ.
‘‘яам̣ мз ад̇т̇и сагз г̇зхз, аамисам̣ бажжубадтид̇ам̣;
‘‘Yaṃ me atthi sake gehe, āmisaṃ paccupaṭṭhitaṃ;
д̇аахам̣ б̣уд̣̇д̇хасса баад̣̇аасим̣, басанно сзхи баан̣ибхи.
Tāhaṃ buddhassa pādāsiṃ, pasanno sehi pāṇibhi.
‘‘бхуд̇д̇аавим̣ гааламан̃н̃ааяа бубпахад̇т̇амад̣̇аасахам̣;
‘‘Bhuttāviṃ kālamaññāya pupphahatthamadāsahaṃ;
анумод̣̇ид̇ваана саб̣б̣ан̃н̃уу, баггаами уд̇д̇араамуко.
Anumoditvāna sabbaññū, pakkāmi uttarāmukho.
‘‘зганавуд̇ид̇о габбз, яам̣ бубпамад̣̇ад̣̇им̣ д̇ад̣̇аа;
‘‘Ekanavutito kappe, yaṃ pupphamadadiṃ tadā;
д̣̇уг̇г̇ад̇им̣ наабхиж̇аанаами, бубпад̣̇аанассид̣̇ам̣ палам̣.
Duggatiṃ nābhijānāmi, pupphadānassidaṃ phalaṃ.
‘‘ананд̇арам̣ ид̇о габбз, рааж̇аахум̣ варад̣̇ассано;
‘‘Anantaraṃ ito kappe, rājāhuṃ varadassano;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа нийваран̣аббахаанагид̇д̇анамукзна ан̃н̃ам̣ б̣яаагаронд̇о –
Arahattaṃ pana patvā nīvaraṇappahānakittanamukhena aññaṃ byākaronto –
74.
74.
‘‘гаамажчанд̣̇о жа б̣яаабаад̣̇о, т̇инамид̣̇д̇хан̃жа бхигкуно;
‘‘Kāmacchando ca byāpādo, thinamiddhañca bhikkhuno;
уд̣̇д̇хажжам̣ вижигижчаа жа, саб̣б̣асова на виж̇ж̇ад̇ий’’д̇и. – г̇аат̇ам̣ абхааси;
Uddhaccaṃ vicikicchā ca, sabbasova na vijjatī’’ti. – gāthaṃ abhāsi;
д̇ад̇т̇а гаамажчанд̣̇од̇и гаамзсу чанд̣̇о, гаамо жа со чанд̣̇о жаад̇иби гаамажчанд̣̇о, гаамарааг̇о. ид̇ха бана саб̣б̣оби рааг̇о гаамажчанд̣̇о аг̇г̇амаг̇г̇аваж̇жхассааби ад̇хиббзд̇ад̇д̇аа, д̇знааха ‘‘саб̣б̣асова на виж̇ж̇ад̇ий’’д̇и. саб̣б̣зби хи д̇збхуумагад̇хаммаа гааманийяадтзна гаамаа, д̇ад̇т̇а бавад̇д̇о рааг̇о гаамажчанд̣̇о, д̇знааха бхаг̇аваа – ‘‘ааруббз гаамажчанд̣̇анийваран̣ам̣ бадижжа т̇инамид̣̇д̇ханийваран̣ам̣ уд̣̇д̇хажжанийваран̣ам̣ авиж̇ж̇аанийваран̣ам̣ уббаж̇ж̇ад̇ий’’д̇и (бадтаа. 3.8.8) б̣яаабаж̇ж̇ад̇и жид̇д̇ам̣ бууд̇ибхаавам̣ г̇ажчад̇и зд̇знаад̇и б̣яаабаад̣̇о, ‘‘анад̇т̇ам̣ мз ажарий’’д̇иаад̣̇инаяаббавад̇д̇о (д̇ха. са. 1066; вибха. 909) аагхаад̇о. т̇инам̣ жид̇д̇асса агаляад̇аа ануссаахасам̣хананам̣, мид̣̇д̇хам̣ гааяасса агаляад̇аа асад̇д̇ивигхаад̇о, д̇ад̣̇убхаяамби т̇инан̃жа мид̣̇д̇хан̃жа т̇инамид̣̇д̇хам̣, гижжаахаарабадибагкаанам̣ згад̇ааяа згам̣ гад̇ваа вуд̇д̇ам̣. уд̣̇д̇хад̇абхааво уд̣̇д̇хажжам̣, язна д̇хаммзна жид̇д̇ам̣ уд̣̇д̇хад̇ам̣ ход̇и авуубасанд̇ам̣, со жзд̇асо вигкзбо уд̣̇д̇хажжам̣. уд̣̇д̇хажжаг̇г̇ахан̣знзва жзд̇т̇а гижжаахаарабадибагкаанам̣ самаанад̇ааяа гуггужжамби г̇ахид̇амзваад̇и д̣̇адтаб̣б̣ам̣. д̇ам̣ бажчаануд̇аабалагкан̣ам̣. яо хи гад̇аагад̇агусалаагусалуубаниссаяо виббадисааро, д̇ам̣ гуггужжам̣. вижигижчаад̇и, ‘‘звам̣ ну ко на ну ко’’д̇и сам̣саяам̣ аабаж̇ж̇ад̇и, д̇хаммасабхаавам̣ ваа вижинанд̇о гижчад̇и гиламад̇и зд̇ааяаад̇и вижигижчаа, б̣уд̣̇д̇хаад̣̇ивад̇т̇уго сам̣саяо. саб̣б̣асод̇и анавасзсад̇о. на виж̇ж̇ад̇ийд̇и над̇т̇и, маг̇г̇зна самужчиннад̇д̇аа на убалаб̣бхад̇и. ид̣̇ан̃жа бад̣̇ад̣̇ваяам̣ бажжзгам̣ яож̇зд̇аб̣б̣ам̣ аяан̃хзд̇т̇а яож̇анаа – яасса бхигкуно д̇зна д̇зна арияамаг̇г̇зна самужчиннад̇д̇аа гаамажчанд̣̇о жа б̣яаабаад̣̇о жа т̇инамид̣̇д̇хан̃жа уд̣̇д̇хажжагуггужжан̃жа вижигижчаа жа саб̣б̣асова на виж̇ж̇ад̇и, д̇асса на гин̃жи гаран̣ийяам̣, гад̇асса ваа бад̇ижаяод̇и ан̃н̃аабад̣̇зсзна ан̃н̃ам̣ б̣яаагарод̇и. бан̃жасу хи нийваран̣зсу маг̇г̇зна самужчиннзсу д̇ад̣̇згадтад̇ааяа саб̣б̣зби гилзсаа самужчиннааязва хонд̇и. д̇знааха – ‘‘саб̣б̣зд̇з бхаг̇аванд̇о бан̃жа нийваран̣з бахааяа жзд̇асо убаггилзсз’’д̇и (д̣̇ий. ни. 2.146).
Tattha kāmacchandoti kāmesu chando, kāmo ca so chando cātipi kāmacchando, kāmarāgo. Idha pana sabbopi rāgo kāmacchando aggamaggavajjhassāpi adhippetattā, tenāha ‘‘sabbasova na vijjatī’’ti. Sabbepi hi tebhūmakadhammā kāmanīyaṭṭhena kāmā, tattha pavatto rāgo kāmacchando, tenāha bhagavā – ‘‘āruppe kāmacchandanīvaraṇaṃ paṭicca thinamiddhanīvaraṇaṃ uddhaccanīvaraṇaṃ avijjānīvaraṇaṃ uppajjatī’’ti (paṭṭhā. 3.8.8) byāpajjati cittaṃ pūtibhāvaṃ gacchati etenāti byāpādo, ‘‘anatthaṃ me acarī’’tiādinayappavatto (dha. sa. 1066; vibha. 909) āghāto. Thinaṃ cittassa akalyatā anussāhasaṃhananaṃ, middhaṃ kāyassa akalyatā asattivighāto, tadubhayampi thinañca middhañca thinamiddhaṃ, kiccāhārapaṭipakkhānaṃ ekatāya ekaṃ katvā vuttaṃ. Uddhatabhāvo uddhaccaṃ, yena dhammena cittaṃ uddhataṃ hoti avūpasantaṃ, so cetaso vikkhepo uddhaccaṃ. Uddhaccaggahaṇeneva cettha kiccāhārapaṭipakkhānaṃ samānatāya kukkuccampi gahitamevāti daṭṭhabbaṃ. Taṃ pacchānutāpalakkhaṇaṃ. Yo hi katākatakusalākusalūpanissayo vippaṭisāro, taṃ kukkuccaṃ. Vicikicchāti, ‘‘evaṃ nu kho na nu kho’’ti saṃsayaṃ āpajjati, dhammasabhāvaṃ vā vicinanto kicchati kilamati etāyāti vicikicchā, buddhādivatthuko saṃsayo. Sabbasoti anavasesato. Na vijjatīti natthi, maggena samucchinnattā na upalabbhati. Idañca padadvayaṃ paccekaṃ yojetabbaṃ ayañhettha yojanā – yassa bhikkhuno tena tena ariyamaggena samucchinnattā kāmacchando ca byāpādo ca thinamiddhañca uddhaccakukkuccañca vicikicchā ca sabbasova na vijjati, tassa na kiñci karaṇīyaṃ, katassa vā paticayoti aññāpadesena aññaṃ byākaroti. Pañcasu hi nīvaraṇesu maggena samucchinnesu tadekaṭṭhatāya sabbepi kilesā samucchinnāyeva honti. Tenāha – ‘‘sabbete bhagavanto pañca nīvaraṇe pahāya cetaso upakkilese’’ti (dī. ni. 2.146).
суяааманад̇т̇зраг̇аат̇ааван̣н̣анаа нидтид̇аа.
Suyāmanattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 4. суяааманад̇т̇зраг̇аат̇аа • 4. Suyāmanattheragāthā
