| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[360] 10. суяонанд̣̇ийж̇аад̇агаван̣н̣анаа
[360] 10. Suyonandījātakavaṇṇanā
ваад̇и г̇анд̇хо д̇имираананд̇и ид̣̇ам̣ сад̇т̇аа ж̇зд̇аванз вихаранд̇о угган̣тид̇абхигкум̣ аараб̣бха гат̇зси. д̇ан̃хи сад̇т̇аа ‘‘сажжам̣ гира д̇вам̣ бхигку угган̣тид̇осий’’д̇и бужчид̇ваа ‘‘сажжа’’нд̇и вуд̇д̇з ‘‘гим̣ д̣̇исваа’’д̇и вад̇ваа ‘‘алан̇гад̇амаад̇уг̇аама’’нд̇и вуд̇д̇з ‘‘маад̇уг̇аамо наамзса бхигку на саггаа рагкид̇ум̣, бораан̣агабан̣д̣ид̇аа субан̣н̣абхаванз гад̇ваа рагканд̇ааби рагкид̇ум̣ наасагким̣суу’’д̇и вад̇ваа д̇зна яаажид̇о ад̇ийд̇ам̣ аахари.
Vāti gandho timirānanti idaṃ satthā jetavane viharanto ukkaṇṭhitabhikkhuṃ ārabbha kathesi. Tañhi satthā ‘‘saccaṃ kira tvaṃ bhikkhu ukkaṇṭhitosī’’ti pucchitvā ‘‘sacca’’nti vutte ‘‘kiṃ disvā’’ti vatvā ‘‘alaṅkatamātugāma’’nti vutte ‘‘mātugāmo nāmesa bhikkhu na sakkā rakkhituṃ, porāṇakapaṇḍitā supaṇṇabhavane katvā rakkhantāpi rakkhituṃ nāsakkhiṃsū’’ti vatvā tena yācito atītaṃ āhari.
ад̇ийд̇з б̣аараан̣асияам̣ д̇амб̣арааж̇аа наама раж̇ж̇ам̣ гаарзси. д̇асса суяонанд̣̇ий наама аг̇г̇амахзсий ахоси уд̇д̇амаруубад̇хараа. д̇ад̣̇аа б̣од̇хисад̇д̇о субан̣н̣аяонияам̣ ниб̣б̣ад̇д̇и, д̇асмим̣ гаалз нааг̇ад̣̇ийбо сзд̣̇умад̣̇ийбо наама ахоси. б̣од̇хисад̇д̇о д̇асмим̣ д̣̇ийбз субан̣н̣абхаванз васад̇и. со б̣аараан̣асим̣ г̇анд̇ваа д̇амб̣арааж̇зна сад̣̇д̇хим̣ маан̣авагавзсзна ж̇ууд̇ам̣ гийл̣ад̇и. д̇асса руубасамбад̇д̇им̣ д̣̇исваа барижааригаа ‘‘амхаагам̣ ран̃н̃аа сад̣̇д̇хим̣ зваруубо наама маан̣аваго ж̇ууд̇ам̣ гийл̣ад̇ий’’д̇и суяонанд̣̇ияаа аарожзсум̣. саа суд̇ваа д̇ам̣ д̣̇адтугаамаа худ̇ваа згад̣̇ивасам̣ алан̇гарид̇ваа ж̇ууд̇аман̣д̣алам̣ ааг̇анд̇ваа барижааригаанам̣ анд̇арз тид̇аа нам̣ ологзси. соби д̣̇звим̣ ологзси. д̣̇взби ан̃н̃аман̃н̃ам̣ бадиб̣ад̣̇д̇хажид̇д̇аа ахзсум̣. субан̣н̣арааж̇аа ад̇д̇ано аанубхаавзна наг̇арз ваад̇ам̣ самудтаабзси, г̇зхабад̇анабхаязна рааж̇анивзсанаа мануссаа нигкамим̣су. со ад̇д̇ано аанубхаавзна анд̇хагаарам̣ гад̇ваа д̣̇звим̣ г̇ахзд̇ваа аагаасзна ааг̇анд̇ваа нааг̇ад̣̇ийбз ад̇д̇ано бхаванам̣ баависи суяонанд̣̇ияаа г̇ад̇адтаанам̣ ж̇аананд̇аа наама наахзсум̣. со д̇ааяа сад̣̇д̇хим̣ абхирамамаано г̇анд̇ваа ран̃н̃аа сад̣̇д̇хим̣ ж̇ууд̇ам̣ гийл̣ад̇и.
Atīte bārāṇasiyaṃ tambarājā nāma rajjaṃ kāresi. Tassa suyonandī nāma aggamahesī ahosi uttamarūpadharā. Tadā bodhisatto supaṇṇayoniyaṃ nibbatti, tasmiṃ kāle nāgadīpo sedumadīpo nāma ahosi. Bodhisatto tasmiṃ dīpe supaṇṇabhavane vasati. So bārāṇasiṃ gantvā tambarājena saddhiṃ māṇavakavesena jūtaṃ kīḷati. Tassa rūpasampattiṃ disvā paricārikā ‘‘amhākaṃ raññā saddhiṃ evarūpo nāma māṇavako jūtaṃ kīḷatī’’ti suyonandiyā ārocesuṃ. Sā sutvā taṃ daṭṭhukāmā hutvā ekadivasaṃ alaṅkaritvā jūtamaṇḍalaṃ āgantvā paricārikānaṃ antare ṭhitā naṃ olokesi. Sopi deviṃ olokesi. Dvepi aññamaññaṃ paṭibaddhacittā ahesuṃ. Supaṇṇarājā attano ānubhāvena nagare vātaṃ samuṭṭhāpesi, gehapatanabhayena rājanivesanā manussā nikkhamiṃsu. So attano ānubhāvena andhakāraṃ katvā deviṃ gahetvā ākāsena āgantvā nāgadīpe attano bhavanaṃ pāvisi suyonandiyā gataṭṭhānaṃ jānantā nāma nāhesuṃ. So tāya saddhiṃ abhiramamāno gantvā raññā saddhiṃ jūtaṃ kīḷati.
ран̃н̃о бана саг̇г̇о наама г̇анд̇хаб̣б̣о ад̇т̇и, со д̣̇звияаа г̇ад̇адтаанам̣ аж̇аананд̇о д̇ам̣ г̇анд̇хаб̣б̣ам̣ ааманд̇зд̇ваа ‘‘г̇ажча, д̇аад̇а, г̇анд̇хаб̣б̣а саб̣б̣ам̣ т̇алаж̇алабат̇ам̣ анувижарид̇ваа д̣̇звияаа г̇ад̇адтаанам̣ бассаа’’д̇и уяяож̇зси. со бариб̣б̣аяам̣ г̇ахзд̇ваа д̣̇ваараг̇аамад̇о бадтааяа вижинанд̇о гуругажчам̣ баабун̣и. д̇ад̣̇аа гуругажчаваан̣иж̇аа наавааяа суван̣н̣абхуумим̣ г̇ажчанд̇и. со д̇з убасан̇гамид̇ваа ‘‘ахам̣ г̇анд̇хаб̣б̣о наавааяа взд̇анам̣ кан̣д̣зд̇ваа д̇умхаагам̣ г̇анд̇хаб̣б̣ам̣ гариссаами, мамби нзт̇аа’’д̇и ааха. д̇з ‘‘саад̇хуу’’д̇и д̇амби ааробзд̇ваа наавам̣ виссаж̇ж̇зсум̣. д̇з сукабаяаад̇ааяа наавааяа д̇ам̣ баггосид̇ваа ‘‘г̇анд̇хаб̣б̣ам̣ но гарохий’’д̇и аахам̣су. ‘‘ахам̣ жз г̇анд̇хаб̣б̣ам̣ гарзяяам̣, маяи бана г̇анд̇хаб̣б̣ам̣ гаронд̇з мажчаа жалиссанд̇и, ат̇а во нааво бхиж̇ж̇иссад̇ий’’д̇и. ‘‘мануссамад̇д̇з г̇анд̇хаб̣б̣ам̣ гаронд̇з мажчаанам̣ жаланам̣ наама над̇т̇и, гарохий’’д̇и. ‘‘д̇зна хи маа маяхам̣ гуж̇жхид̇т̇аа’’д̇и вийн̣ам̣ мужчид̇ваа д̇анд̇иссарзна г̇ийд̇ассарам̣, г̇ийд̇ассарзна д̇анд̇иссарам̣ анад̇иггамид̇ваа г̇анд̇хаб̣б̣ам̣ агааси. д̇зна сад̣̇д̣̇зна саммад̇д̇аа худ̇ваа мажчаа жалим̣су.
Rañño pana saggo nāma gandhabbo atthi, so deviyā gataṭṭhānaṃ ajānanto taṃ gandhabbaṃ āmantetvā ‘‘gaccha, tāta, gandhabba sabbaṃ thalajalapathaṃ anuvicaritvā deviyā gataṭṭhānaṃ passā’’ti uyyojesi. So paribbayaṃ gahetvā dvāragāmato paṭṭhāya vicinanto kurukacchaṃ pāpuṇi. Tadā kurukacchavāṇijā nāvāya suvaṇṇabhūmiṃ gacchanti. So te upasaṅkamitvā ‘‘ahaṃ gandhabbo nāvāya vetanaṃ khaṇḍetvā tumhākaṃ gandhabbaṃ karissāmi, mampi nethā’’ti āha. Te ‘‘sādhū’’ti tampi āropetvā nāvaṃ vissajjesuṃ. Te sukhapayātāya nāvāya taṃ pakkositvā ‘‘gandhabbaṃ no karohī’’ti āhaṃsu. ‘‘Ahaṃ ce gandhabbaṃ kareyyaṃ, mayi pana gandhabbaṃ karonte macchā calissanti, atha vo nāvo bhijjissatī’’ti. ‘‘Manussamatte gandhabbaṃ karonte macchānaṃ calanaṃ nāma natthi, karohī’’ti. ‘‘Tena hi mā mayhaṃ kujjhitthā’’ti vīṇaṃ mucchitvā tantissarena gītassaraṃ, gītassarena tantissaraṃ anatikkamitvā gandhabbaṃ akāsi. Tena saddena sammattā hutvā macchā caliṃsu.
ат̇зго магаро уббад̇ид̇ваа наавааяа бад̇анд̇о наавам̣ бхинд̣̇и. саг̇г̇о палагз нибаж̇ж̇ид̇ваа яат̇ааваад̇ам̣ г̇ажчанд̇о нааг̇ад̣̇ийбз субан̣н̣абхаванасса ниг̇род̇харугкасса санд̇игам̣ баабун̣и. суяонанд̣̇ийби д̣̇звий субан̣н̣арааж̇асса ж̇ууд̇ам̣ гийл̣ид̇ум̣ г̇ад̇агаалз вимаанаа од̇арид̇ваа взланд̇з вижаранд̇ий саг̇г̇ам̣ г̇анд̇хаб̣б̣ам̣ д̣̇исваа сан̃ж̇аанид̇ваа ‘‘гат̇ам̣ ааг̇ад̇осий’’д̇и бужчи. со саб̣б̣ам̣ гат̇зси. ‘‘д̇зна хи маа бхааяий’’д̇и д̇ам̣ ассаасзд̇ваа б̣аахаахи бариг̇г̇ахзд̇ваа вимаанам̣ ааробзд̇ваа саяанабидтз нибаж̇ж̇аабзд̇ваа самассад̇т̇агаалз д̣̇иб̣б̣абхож̇анам̣ д̣̇ад̇ваа д̣̇иб̣б̣аг̇анд̇ход̣̇агзна нхаабзд̇ваа д̣̇иб̣б̣авад̇т̇зхи ажчаад̣̇зд̇ваа д̣̇иб̣б̣аг̇анд̇хабубпзхи алан̇гарид̇ваа буна д̣̇иб̣б̣асаяанз нибаж̇ж̇аабзси. звам̣ д̣̇ивасам̣ бариг̇г̇ахамаанаа субан̣н̣аран̃н̃о ааг̇аманавзлааяа бадижчаад̣̇зд̇ваа г̇ад̇агаалз д̇зна сад̣̇д̇хим̣ гилзсавасзна абхирами. д̇ад̇о маасад̣̇д̇хамаасажжаязна б̣аараан̣асиваасино ваан̣иж̇аа д̣̇ааруд̣̇агаг̇ахан̣ад̇т̇ааяа д̇асмим̣ д̣̇ийбз ниг̇род̇харугкамуулам̣ самбад̇д̇аа. со д̇зхи сад̣̇д̇хим̣ наавам̣ абхируяха б̣аараан̣асим̣ г̇анд̇ваа рааж̇аанам̣ д̣̇исваава д̇асса ж̇ууд̇агийл̣анавзлааяа вийн̣ам̣ г̇ахзд̇ваа ран̃н̃о г̇анд̇хаб̣б̣ам̣ гаронд̇о батамам̣ г̇аат̇амааха –
Atheko makaro uppatitvā nāvāya patanto nāvaṃ bhindi. Saggo phalake nipajjitvā yathāvātaṃ gacchanto nāgadīpe supaṇṇabhavanassa nigrodharukkhassa santikaṃ pāpuṇi. Suyonandīpi devī supaṇṇarājassa jūtaṃ kīḷituṃ gatakāle vimānā otaritvā velante vicarantī saggaṃ gandhabbaṃ disvā sañjānitvā ‘‘kathaṃ āgatosī’’ti pucchi. So sabbaṃ kathesi. ‘‘Tena hi mā bhāyī’’ti taṃ assāsetvā bāhāhi pariggahetvā vimānaṃ āropetvā sayanapiṭṭhe nipajjāpetvā samassatthakāle dibbabhojanaṃ datvā dibbagandhodakena nhāpetvā dibbavatthehi acchādetvā dibbagandhapupphehi alaṅkaritvā puna dibbasayane nipajjāpesi. Evaṃ divasaṃ pariggahamānā supaṇṇarañño āgamanavelāya paṭicchādetvā gatakāle tena saddhiṃ kilesavasena abhirami. Tato māsaddhamāsaccayena bārāṇasivāsino vāṇijā dārudakagahaṇatthāya tasmiṃ dīpe nigrodharukkhamūlaṃ sampattā. So tehi saddhiṃ nāvaṃ abhiruyha bārāṇasiṃ gantvā rājānaṃ disvāva tassa jūtakīḷanavelāya vīṇaṃ gahetvā rañño gandhabbaṃ karonto paṭhamaṃ gāthamāha –
55.
55.
‘‘ваад̇и г̇анд̇хо д̇имираанам̣, гусамуд̣̇д̣̇о жа гхосаваа;
‘‘Vāti gandho timirānaṃ, kusamuddo ca ghosavā;
д̣̇уурз ид̇о суяонанд̣̇ий, д̇амб̣а гаамаа д̇уд̣̇анд̇и ма’’нд̇и.
Dūre ito suyonandī, tamba kāmā tudanti ma’’nti.
д̇ад̇т̇а д̇имираананд̇и д̇имираругкабубпаанам̣. д̇ам̣ гира ниг̇род̇хам̣ бариваарзд̇ваа д̇имираругкаа ад̇т̇и, д̇з санд̇хааязвам̣ вад̣̇ад̇и. гусамуд̣̇д̣̇од̇и куд̣̇д̣̇агасамуд̣̇д̣̇о. гхосаваад̇и махаараво. д̇ассзва ниг̇род̇хасса санд̇игз самуд̣̇д̣̇ам̣ санд̇хааязвамааха. ид̇од̇и имамхаа наг̇араа. д̇амб̣аад̇и рааж̇аанам̣ аалабад̇и. ат̇а ваа д̇амб̣агаамаад̇и д̇амб̣зна гаамид̇агаамаа д̇амб̣агаамаа наама. д̇з мам̣ хад̣̇аяз виж̇жханд̇ийд̇и д̣̇ийбзд̇и.
Tattha timirānanti timirarukkhapupphānaṃ. Taṃ kira nigrodhaṃ parivāretvā timirarukkhā atthi, te sandhāyevaṃ vadati. Kusamuddoti khuddakasamuddo. Ghosavāti mahāravo. Tasseva nigrodhassa santike samuddaṃ sandhāyevamāha. Itoti imamhā nagarā. Tambāti rājānaṃ ālapati. Atha vā tambakāmāti tambena kāmitakāmā tambakāmā nāma. Te maṃ hadaye vijjhantīti dīpeti.
д̇ам̣ суд̇ваа субан̣н̣о д̣̇уд̇ияам̣ г̇аат̇амааха –
Taṃ sutvā supaṇṇo dutiyaṃ gāthamāha –
56.
56.
‘‘гат̇ам̣ самуд̣̇д̣̇амад̇ари, гат̇ам̣ ад̣̇д̣̇агки сзд̣̇умам̣;
‘‘Kathaṃ samuddamatari, kathaṃ addakkhi sedumaṃ;
гат̇ам̣ д̇ассаа жа д̇уяхан̃жа, аху саг̇г̇а самааг̇амо’’д̇и.
Kathaṃ tassā ca tuyhañca, ahu sagga samāgamo’’ti.
д̇ад̇т̇а сзд̣̇уманд̇и сзд̣̇умад̣̇ийбам̣.
Tattha sedumanti sedumadīpaṃ.
д̇ад̇о саг̇г̇о д̇иссо г̇аат̇аа абхааси –
Tato saggo tisso gāthā abhāsi –
57.
57.
‘‘гуругажчаа баяаад̇аанам̣, ваан̣иж̇аанам̣ д̇ханзсинам̣;
‘‘Kurukacchā payātānaṃ, vāṇijānaṃ dhanesinaṃ;
магарзхи абхид̣̇аа нааваа, палагзнаахамаблавим̣.
Makarehi abhidā nāvā, phalakenāhamaplaviṃ.
58.
58.
‘‘саа мам̣ сан̣хзна муд̣̇унаа, нижжам̣ жанд̣̇анаг̇анд̇хиний;
‘‘Sā maṃ saṇhena mudunā, niccaṃ candanagandhinī;
ан̇г̇зна уд̣̇д̇харий бхад̣̇д̣̇аа, маад̇аа буд̇д̇ам̣ва орасам̣.
Aṅgena uddharī bhaddā, mātā puttaṃva orasaṃ.
59.
59.
‘‘саа мам̣ аннзна баанзна, вад̇т̇зна саяанзна жа;
‘‘Sā maṃ annena pānena, vatthena sayanena ca;
ад̇д̇анааби жа манд̣̇агкий, звам̣ д̇амб̣а виж̇аанахий’’д̇и.
Attanāpi ca mandakkhī, evaṃ tamba vijānahī’’ti.
д̇ад̇т̇а саа мам̣ сан̣хзна муд̣̇унаад̇и звам̣ палагзна д̇ийрам̣ уд̇д̇ин̣н̣ам̣ мам̣ самуд̣̇д̣̇ад̇ийрз вижаранд̇ий саа д̣̇исваа ‘‘маа бхааяий’’д̇и сан̣хзна муд̣̇унаа важанзна самассаасзд̇ваад̇и ад̇т̇о. ан̇г̇знаад̇и б̣аахуяуг̇ал̣ам̣ ид̇ха ‘‘ан̇г̇знаа’’д̇и вуд̇д̇ам̣. бхад̣̇д̣̇аад̇и д̣̇ассанийяаа баасаад̣̇игаа. саа мам̣ аннзнаад̇и саа мам̣ зд̇зна аннаад̣̇инаа санд̇аббзсийд̇и ад̇т̇о. ад̇д̇анааби жаад̇и на гзвалам̣ аннаад̣̇ийхзва, ад̇д̇анааби мам̣ абхирамзнд̇ий санд̇аббзсийд̇и д̣̇ийбзд̇и. манд̣̇агкийд̇и манд̣̇ад̣̇ассаний, муд̣̇унаа аагаарзна ологанасийлаад̇и вуд̇д̇ам̣ ход̇и. ‘‘мад̇д̇агкий’’д̇иби баато, мад̣̇амад̇д̇зхи вияа агкийхи саманнааг̇ад̇аад̇и ад̇т̇о. звам̣ д̇амб̣аад̇и звам̣ д̇амб̣арааж̇а ж̇аанаахийд̇и.
Tattha sā maṃ saṇhena mudunāti evaṃ phalakena tīraṃ uttiṇṇaṃ maṃ samuddatīre vicarantī sā disvā ‘‘mā bhāyī’’ti saṇhena mudunā vacanena samassāsetvāti attho. Aṅgenāti bāhuyugaḷaṃ idha ‘‘aṅgenā’’ti vuttaṃ. Bhaddāti dassanīyā pāsādikā. Sā maṃ annenāti sā maṃ etena annādinā santappesīti attho. Attanāpi cāti na kevalaṃ annādīheva, attanāpi maṃ abhiramentī santappesīti dīpeti. Mandakkhīti mandadassanī, mudunā ākārena olokanasīlāti vuttaṃ hoti. ‘‘Mattakkhī’’tipi pāṭho, madamattehi viya akkhīhi samannāgatāti attho. Evaṃ tambāti evaṃ tambarāja jānāhīti.
субан̣н̣о г̇анд̇хаб̣б̣асса гат̇знд̇ассзва виббадисаарий худ̇ваа ‘‘ахам̣ субан̣н̣абхаванз васанд̇оби рагкид̇ум̣ наасагким̣, гим̣ мз д̇ааяа д̣̇уссийлааяаа’’д̇и д̇ам̣ аанзд̇ваа ран̃н̃о бадид̣̇ад̇ваа баггаами, д̇ад̇о бадтааяа буна нааг̇ажчийд̇и.
Supaṇṇo gandhabbassa kathentasseva vippaṭisārī hutvā ‘‘ahaṃ supaṇṇabhavane vasantopi rakkhituṃ nāsakkhiṃ, kiṃ me tāya dussīlāyā’’ti taṃ ānetvā rañño paṭidatvā pakkāmi, tato paṭṭhāya puna nāgacchīti.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку сод̇аабад̇д̇ипалз бад̇идтахи. д̇ад̣̇аа рааж̇аа аананд̣̇о ахоси, субан̣н̣арааж̇аа бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu sotāpattiphale patiṭṭhahi. Tadā rājā ānando ahosi, supaṇṇarājā pana ahameva ahosinti.
суяонанд̣̇ийж̇аад̇агаван̣н̣анаа д̣̇асамаа.
Suyonandījātakavaṇṇanā dasamā.
ман̣игун̣д̣алаваг̇г̇о батамо.
Maṇikuṇḍalavaggo paṭhamo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 360. суяонанд̣̇ийж̇аад̇агам̣ • 360. Suyonandījātakaṃ
