| Library / Tipiṭaka / တိပိဋက • Tipiṭaka / ဇာတကပာဠိ • Jātakapāḷi |
၃၆၈. တစသာရဇာတကံ (၅-၂-၈)
368. Tacasārajātakaṃ (5-2-8)
၉၅.
95.
ပသန္နမုခဝဏ္ဏာတ္ထ၊ ကသ္မာ တုမ္ဟေ န သောစထ။
Pasannamukhavaṇṇāttha, kasmā tumhe na socatha.
၉၆.
96.
န သောစနာယ ပရိဒေဝနာယ၊ အတ္ထောဝ လဗ္ဘော 3 အပိ အပ္ပကောပိ။
Na socanāya paridevanāya, atthova labbho 4 api appakopi;
သောစန္တမေနံ ဒုခိတံ ဝိဒိတ္ဝာ၊ ပစ္စတ္ထိကာ အတ္တမနာ ဘဝန္တိ။
Socantamenaṃ dukhitaṃ viditvā, paccatthikā attamanā bhavanti.
၉၇.
97.
ယတော စ ခော ပဏ္ဍိတော အာပဒာသု၊ န ဝေဓတီ အတ္ထဝိနိစ္ဆယညူ။
Yato ca kho paṇḍito āpadāsu, na vedhatī atthavinicchayaññū;
ပစ္စတ္ထိကာသ္သ 5 ဒုခိတာ ဘဝန္တိ၊ ဒိသ္ဝာ မုခံ အဝိကာရံ ပုရာဏံ။
Paccatthikāssa 6 dukhitā bhavanti, disvā mukhaṃ avikāraṃ purāṇaṃ.
၉၈.
98.
ဇပ္ပေန မန္တေန သုဘာသိတေန၊ အနုပ္ပဒာနေန ပဝေဏိယာ ဝာ။
Jappena mantena subhāsitena, anuppadānena paveṇiyā vā;
ယထာ ယထာ ယတ္ထ လဘေထ အတ္ထံ၊ တထာ တထာ တတ္ထ ပရက္ကမေယ္ယ။
Yathā yathā yattha labhetha atthaṃ, tathā tathā tattha parakkameyya.
၉၉.
99.
ယတော စ ဇာနေယ္ယ အလဗ္ဘနေယ္ယော၊ မယာ ဝ 7 အညေန ဝာ ဧသ အတ္ထော။
Yato ca jāneyya alabbhaneyyo, mayā va 8 aññena vā esa attho;
အသောစမာနော အဓိဝာသယေယ္ယ၊ ကမ္မံ ဒဠ္ဟံ ကိန္တိ ကရောမိ ဒာနီတိ။
Asocamāno adhivāsayeyya, kammaṃ daḷhaṃ kinti karomi dānīti.
တစသာရဇာတကံ အဋ္ဌမံ။
Tacasārajātakaṃ aṭṭhamaṃ.
Footnotes:
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ဇာတက-အဋ္ဌကထာ • Jātaka-aṭṭhakathā / [၃၆၈] ၈. တစသာရဇာတကဝဏ္ဏနာ • [368] 8. Tacasārajātakavaṇṇanā
