| Library / Tipiṭaka / ཏིཔིཊཀ • Tipiṭaka / ཛཱཏཀཔཱལི༹ • Jātakapāḷi |
༣༦༨. ཏཙསཱརཛཱཏཀཾ (༥-༢-༨)
368. Tacasārajātakaṃ (5-2-8)
༩༥.
95.
པསནྣམུཁཝཎྞཱཏྠ, ཀསྨཱ ཏུམྷེ ན སོཙཐ༎
Pasannamukhavaṇṇāttha, kasmā tumhe na socatha.
༩༦.
96.
ན སོཙནཱཡ པརིདེཝནཱཡ, ཨཏྠོཝ ལབྦྷོ 3 ཨཔི ཨཔྤཀོཔི།
Na socanāya paridevanāya, atthova labbho 4 api appakopi;
སོཙནྟམེནཾ དུཁིཏཾ ཝིདིཏྭཱ, པཙྩཏྠིཀཱ ཨཏྟམནཱ བྷཝནྟི༎
Socantamenaṃ dukhitaṃ viditvā, paccatthikā attamanā bhavanti.
༩༧.
97.
ཡཏོ ཙ ཁོ པཎྜིཏོ ཨཱཔདཱསུ, ན ཝེདྷཏཱི ཨཏྠཝིནིཙྪཡཉྙཱུ།
Yato ca kho paṇḍito āpadāsu, na vedhatī atthavinicchayaññū;
པཙྩཏྠིཀཱསྶ 5 དུཁིཏཱ བྷཝནྟི, དིསྭཱ མུཁཾ ཨཝིཀཱརཾ པུརཱཎཾ༎
Paccatthikāssa 6 dukhitā bhavanti, disvā mukhaṃ avikāraṃ purāṇaṃ.
༩༨.
98.
ཛཔྤེན མནྟེན སུབྷཱསིཏེན, ཨནུཔྤདཱནེན པཝེཎིཡཱ ཝཱ།
Jappena mantena subhāsitena, anuppadānena paveṇiyā vā;
ཡཐཱ ཡཐཱ ཡཏྠ ལབྷེཐ ཨཏྠཾ, ཏཐཱ ཏཐཱ ཏཏྠ པརཀྐམེཡྻ༎
Yathā yathā yattha labhetha atthaṃ, tathā tathā tattha parakkameyya.
༩༩.
99.
ཡཏོ ཙ ཛཱནེཡྻ ཨལབྦྷནེཡྻོ, མཡཱ ཝ 7 ཨཉྙེན ཝཱ ཨེས ཨཏྠོ།
Yato ca jāneyya alabbhaneyyo, mayā va 8 aññena vā esa attho;
ཨསོཙམཱནོ ཨདྷིཝཱསཡེཡྻ, ཀམྨཾ དལ༹ྷཾ ཀིནྟི ཀརོམི དཱནཱིཏི༎
Asocamāno adhivāsayeyya, kammaṃ daḷhaṃ kinti karomi dānīti.
ཏཙསཱརཛཱཏཀཾ ཨཊྛམཾ།
Tacasārajātakaṃ aṭṭhamaṃ.
Footnotes:
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཁུདྡཀནིཀཱཡ (ཨཊྛཀཐཱ) • Khuddakanikāya (aṭṭhakathā) / ཛཱཏཀ-ཨཊྛཀཐཱ • Jātaka-aṭṭhakathā / [༣༦༨] ༨. ཏཙསཱརཛཱཏཀཝཎྞནཱ • [368] 8. Tacasārajātakavaṇṇanā
