| Library / Tipiṭaka / തിപിടക • Tipiṭaka / ജാതകപാളി • Jātakapāḷi |
൩൬൮. തചസാരജാതകം (൫-൨-൮)
368. Tacasārajātakaṃ (5-2-8)
൯൫.
95.
പസന്നമുഖവണ്ണാത്ഥ, കസ്മാ തുമ്ഹേ ന സോചഥ.
Pasannamukhavaṇṇāttha, kasmā tumhe na socatha.
൯൬.
96.
ന സോചനായ പരിദേവനായ, അത്ഥോവ ലബ്ഭോ 3 അപി അപ്പകോപി;
Na socanāya paridevanāya, atthova labbho 4 api appakopi;
സോചന്തമേനം ദുഖിതം വിദിത്വാ, പച്ചത്ഥികാ അത്തമനാ ഭവന്തി.
Socantamenaṃ dukhitaṃ viditvā, paccatthikā attamanā bhavanti.
൯൭.
97.
യതോ ച ഖോ പണ്ഡിതോ ആപദാസു, ന വേധതീ അത്ഥവിനിച്ഛയഞ്ഞൂ;
Yato ca kho paṇḍito āpadāsu, na vedhatī atthavinicchayaññū;
പച്ചത്ഥികാസ്സ 5 ദുഖിതാ ഭവന്തി, ദിസ്വാ മുഖം അവികാരം പുരാണം.
Paccatthikāssa 6 dukhitā bhavanti, disvā mukhaṃ avikāraṃ purāṇaṃ.
൯൮.
98.
ജപ്പേന മന്തേന സുഭാസിതേന, അനുപ്പദാനേന പവേണിയാ വാ;
Jappena mantena subhāsitena, anuppadānena paveṇiyā vā;
യഥാ യഥാ യത്ഥ ലഭേഥ അത്ഥം, തഥാ തഥാ തത്ഥ പരക്കമേയ്യ.
Yathā yathā yattha labhetha atthaṃ, tathā tathā tattha parakkameyya.
൯൯.
99.
യതോ ച ജാനേയ്യ അലബ്ഭനേയ്യോ, മയാ വ 7 അഞ്ഞേന വാ ഏസ അത്ഥോ;
Yato ca jāneyya alabbhaneyyo, mayā va 8 aññena vā esa attho;
അസോചമാനോ അധിവാസയേയ്യ, കമ്മം ദള്ഹം കിന്തി കരോമി ദാനീതി.
Asocamāno adhivāsayeyya, kammaṃ daḷhaṃ kinti karomi dānīti.
തചസാരജാതകം അട്ഠമം.
Tacasārajātakaṃ aṭṭhamaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / ജാതക-അട്ഠകഥാ • Jātaka-aṭṭhakathā / [൩൬൮] ൮. തചസാരജാതകവണ്ണനാ • [368] 8. Tacasārajātakavaṇṇanā
